Chapter 36

[English text for this chapter is available]

skaṃda uvāca |
punarviśeṣaṃ vakṣyāmi sadācārasya kuṃbhaja |
yaṃ śrutvāpi naro dhīmānnājñānatimiraṃ viśet || 1 ||
[Analyze grammar]

brāhmaṇāḥ kṣatriyā vaiśyāstrayo varṇā dvijāḥ smṛtāḥ |
prathamaṃ mātṛto jātā dvitīyaṃ copanāyanāt || 2 ||
[Analyze grammar]

eṣāṃ kriyāniṣekādi śmaśānāṃtā ca vaidikī |
ādadhīta sudhīrgarbhamṛtaumūlaṃ maghāṃ tyajet || 3 ||
[Analyze grammar]

spaṃdanātprākpuṃsavanaṃ sīmaṃtonnayanaṃ tataḥ |
māsi ṣaṣṭhe'ṣṭame vāpi jātetho jātakarma ca || 4 ||
[Analyze grammar]

nāmāhnyekādaśe gehāccaturthemāsi niṣkramaḥ |
māsennaprāśanaṃ ṣaṣṭhe cūḍābde vā yathākulam || 5 ||
[Analyze grammar]

śamameno vrajedevaṃ baijaṃ garbhajamave ca |
strīṇāmetāḥ kriyāstūṣṇīṃ pāṇigrāhastu maṃtravān || 6 ||
[Analyze grammar]

saptamethāṣṭamevābde sāvitrīṃ brāhmaṇorhati |
nṛpastvekādaśe vaiśyo dvādaśe vā yathākulam || 7 ||
[Analyze grammar]

brahmatejobhivṛddhyarthaṃ viprobdepaṃcamerhati |
ṣaṣṭhe balārthī nṛpatirmaujīṃ vaiśyoṣṭame dhriyet || 8 ||
[Analyze grammar]

mahāvyāhṛtipūrvaṃ ca vedamadhyāpayedguruḥ |
upanīya ca taṃ śiṣyaṃ śaucācāre ca yojayet || 9 ||
[Analyze grammar]

pūrvoktavidhinā śaucaṃ kuryādācamanaṃ tathā |
daṃtāñjihvāṃ viśodhyātha kṛtvā malaviśodhanam || 10 ||
[Analyze grammar]

snātvāṃbudaivatairmaṃtraiḥ prāṇānāyamya yatnataḥ |
upasthānaṃ raveḥ kṛtvā saṃdhyayorubhayorapi || 11 ||
[Analyze grammar]

agnikāryaṃ tataḥ kṛtvā brāhmaṇānabhivādayet |
bruvannamuka gotrohamabhivādaya ityapi || 12 ||
[Analyze grammar]

abhivādanaśīlasya vṛddhasevāratasya ca |
āyuryaśobalaṃ buddhirvardhate'harahodhikam || 13 ||
[Analyze grammar]

adhīte guruṇā hūtaḥ prāptaṃ tasmai nivedayet |
karmaṇā manasā vācā hitaṃ tasyācaretsadā || 14 ||
[Analyze grammar]

adhyāpyādharmatonārthātsādhvāptajñānavittadāḥ |
śaktāḥ kṛtajñāḥ śucayo'drohakāścānasūyakāḥ || 15 ||
[Analyze grammar]

dhārayenmekhalādaṃḍopavītājinameva ca |
aniṃdyeṣu caredbhaikṣyaṃ brāhmaṇeṣvātmavṛttaye || 16 ||
[Analyze grammar]

brāhmaṇakṣatriyaviśāmādimadhyāvasānataḥ |
bhaikṣyacaryā krameṇa syādbhavacchabdopalakṣitā || 17 ||
[Analyze grammar]

vāgyato gurvanujñāto bhuṃjītānnamakutsayan |
ekānnaṃ na samaśnīyācchrāddhe'śnīyāttathāpadi || 18 ||
[Analyze grammar]

anārogyamanāyuṣyamasvargyaṃcātibhojanam |
apuṇyaṃ lokavidviṣṭaṃ tasmāttatparivarjayet || 19 ||
[Analyze grammar]

na dvirbhuṃjīta caikasmindivā kvāpi dvijottamaḥ |
sāyaṃprātardvijo'śnīyādagnihotravidhānavit || 20 ||
[Analyze grammar]

madhumāṃsaṃ prāṇihiṃsāṃ bhāskarālokanāṃjane |
striyaṃ paryuṣitocchiṣṭaṃparivādaṃ vivajaryet || 21 ||
[Analyze grammar]

aupanāyanikaḥ kālo brahmakṣatra viśāṃ paraḥ |
ā ṣoḍaśādādvāviṃśādā caturviṃśadabdataḥ || 22 ||
[Analyze grammar]

itopyūrdhvaṃ na saṃskāryāḥ patitā dharmavarjitāḥ |
vrātyastomena yajñena tatpātityaṃ parivrajet || 23 ||
[Analyze grammar]

sāvitrīpatitaiḥ sārdhaṃ saṃbaṃdhaṃ na samācaret |
aiṇaṃ ca rauravaṃ vāstaṃ kramāccarma dvijanmanām || 24 ||
[Analyze grammar]

vasīrannānupūrvyeṇa śāṇa kṣaumāvikāni ca |
dvijasya mekhalā mauṃjī maurvī ca bhujajanmanaḥ |
bhavettrivṛtsamāślakṣṇā viśastu śaṇatāṃtavī || 25 ||
[Analyze grammar]

muṃjābhāve vidhātavyā kuśāśmaṃtakabalvajaiḥ |
graṃthinaikena saṃyuktā tribhiḥ paṃcabhireva vā || 26 ||
[Analyze grammar]

upavītakrameṇa syātkārpāsaṃ śāṇamāvikam |
trivṛdūrdhvavṛtaṃ tacca bhavedāyurvivṛddhaye || 27 ||
[Analyze grammar]

bilvapālāśayordaṃḍo brāhmaṇasya nṛpasya tu |
nyagrodhabāladalayoḥ pīlūduṃbarayorviśaḥ || 28 ||
[Analyze grammar]

āmauliṃ vā'lalāṭaṃvā'nāsamūrdhvapramāṇataḥ |
brahmakṣatraviśāṃ daṃḍastvagāḍhyonāgnidūṣitaḥ || 29 ||
[Analyze grammar]

pradakṣiṇaṃ parītyāgnimupasthāya divākaram |
daṃḍājinopavītāḍhyaścaredbhaikṣyaṃ yathoditam || 30 ||
[Analyze grammar]

mātṛmātṛṣvasṛsvasṛpitṛsvasṛpuraḥsarāḥ |
prathamaṃ bhikṣaṇīyāḥ syuretāyācana no vadet || 31 ||
[Analyze grammar]

yāvadvedamadhīte ca caranvedavratāni ca |
brahmacārī bhavettāvadūrdhvaṃ snāto gṛhī bhavet || 32 ||
[Analyze grammar]

proktosāvupakurvāṇo dvitīyastatra naiṣṭhikaḥ |
tiṣṭhettāvadgurukule yāvatsyādāyuṣaḥ kṣayaḥ || 33 ||
[Analyze grammar]

gṛhāśramaṃ samāśritya yaḥ punarbrahmacaryabhāk |
nāsau yatirvanastho vā syātsarvāśramavarjitaḥ || 34 ||
[Analyze grammar]

anāśramī na tiṣṭheta dinamekamapi dvijaḥ |
āśramaṃ tu vinā tiṣṭhanprāyaścittī yato hi saḥ || 35 ||
[Analyze grammar]

japaṃ homaṃ vrataṃ dānaṃ svādhyāyaṃ pitṛtarpaṇam |
kurvāṇothāśramabhraṣṭo nāsau tatphalamāpnuyāt || 36 ||
[Analyze grammar]

mekhalājinadaṃḍāśca liṃgaṃ syādbrahmacāriṇaḥ |
gṛhiṇo vedayajñādi nakhalomavanasthiteḥ || 37 ||
[Analyze grammar]

tridaṃḍādi yateruktamupalakṣaṇamatra vai |
etallakṣaṇahīnastu prāyaścittī dine dine || 38 ||
[Analyze grammar]

jīrṇaṃ kamaṃḍaluṃ daṃḍamupavītājine api |
apsveva tāni nikṣipya gṛhṇītānyacca maṃtravat || 39 ||
[Analyze grammar]

vidadhyātṣoḍaśe varṣe keśāṃtakarma ca kramāt |
dvāviṃśe ca caturviṃśe gārhasthya pratipattaye || 40 ||
[Analyze grammar]

tapo yajña vratebhyaśca sarvasmācchubhakarmaṇaḥ |
dvijātīnāṃ śrutirhyekā heturniśreyasa śriyaḥ || 41 ||
[Analyze grammar]

vedāraṃbhe visarge ca vidadhyātpraṇavaṃ sadā |
aphalo'noṃkṛto yasmātpaṭhitopi na siddhaye || 42 ||
[Analyze grammar]

vedasya vadanaṃ proktaṃ gāyatrī tripadā parā |
tisṛbhiḥ praṇavādyābhirmahāvyāhṛtibhiḥ saha || 43 ||
[Analyze grammar]

sahasraṃ sādhikaṃ kiṃcittrikamaitajjapanyamī |
māsaṃ bahiḥ pratidinaṃ mahāghādapi mucyate || 44 ||
[Analyze grammar]

atyabdamiti yobhyasyetpratighasramananyadhīḥ |
sa vyomamūrtiḥ śuddhātmā paraṃ brahmādhigacchati || 45 ||
[Analyze grammar]

trivarṇamayamoṃkāraṃ bhūrbhuvaḥsvariti trayam |
pādatrayaṃ ca sāvitryāstrayovedā adūduhan || 46 ||
[Analyze grammar]

etadakṣaramenāṃ ca japedvyāhṛtipūrvikām |
saṃdhyayorvedavidvipro vedapuṇyena yujyate || 47 ||
[Analyze grammar]

vidhikratordaśaguṇaṃ japasyaphalamaśnute |
vidhikratordaśaguṇo japakraturudīritaḥ || 48 ||
[Analyze grammar]

upāṃśustacchataguṇaḥ sahasro mānasastataḥ || 49 ||
[Analyze grammar]

adhītyavedānvedau vā vedaṃ vā śaktito dvijaḥ |
suvarṇapūrṇa dharaṇī dānasya phalamaśnute || 50 ||
[Analyze grammar]

śrutimeva sadābhyasyettapastaptuṃ dvijottamaḥ |
śrutyabhyāso hi viprasya paramaṃ tapa ucyate || 51 ||
[Analyze grammar]

hitvā śruteradhyayanaṃ yonyatpaṭhitumicchati |
sa dogdhrīṃ dhenumutsṛjya grāmakroḍīṃ dudhukṣati || 52 ||
[Analyze grammar]

upanīya ca vai śiṣyaṃ vedamadhyāpayeddvijaḥ |
sakalpaṃ sarahasyaṃ ca tamācāryaṃ vidu्rbudhāḥ || 53 ||
[Analyze grammar]

yodhyāpayedekadeśaṃ śruteraṃgānyathāpi vā |
vṛttyarthaṃ sa upādhyāyo vidvadbhiḥ parigīyate || 54 ||
[Analyze grammar]

yathāvidhi niṣekādi yaḥ karma kurute dvijaḥ |
saṃbhāvayettathānnena guruḥ sa iha kīrtyate || 59 ||
[Analyze grammar]

agnyādheyaṃ pākayajñānagniṣṭomādikānmakhān |
yaḥ karoti vṛto yasya sa tasyarttvigihocyate || 56 ||
[Analyze grammar]

upādhyāyāddaśācārya ācāryāttu śataṃ pitā |
sahasraṃ tu piturmātā gauraveṇātiricyate || 57 ||
[Analyze grammar]

viprāṇāṃ jñānato jyaiṣṭhyaṃ bāhujānāṃ tu vīryataḥ |
vaiśyānāṃ dhānyadhanataḥ pajjātānāṃ tu janmataḥ || 58 ||
[Analyze grammar]

yathā dārumayo hastī yathā kṛttimayo mṛgaḥ |
tathā vipro'nadhīyānastrayo'mī nāmadhāriṇaḥ || 59 ||
[Analyze grammar]

svapne siktvā brahmacārī dvijaḥ śukramakāmataḥ |
snātvārkamarcayitvā triḥ punarmāmityṛcaṃ japet || 60 ||
[Analyze grammar]

svadharmaniratānāṃ ca vedayajñakriyāvatām |
brahmacārī caredbhaikṣyaṃ veśmasuprayato'nvaham || 61 ||
[Analyze grammar]

akṛtvā bhaikṣyacaraṇamasamidhya hutāśanam |
anāturaḥ saptarātramavakīrṇi vrataṃ caret || 62 ||
[Analyze grammar]

yatheṣṭaceṣṭo nabhavedgurornayanagocare |
na nāmaparigṛhṇīyātparokṣepyaviśeṣaṇam || 63 ||
[Analyze grammar]

guruniṃdābhavedyatra parivādastu yatra ca |
śrutī pidhāya vāstheyaṃ yātavyaṃ vā tatonyataḥ || 64 ||
[Analyze grammar]

kharo guroḥ parīvādācchvā bhavedguruniṃdakaḥ |
matsarī kṣudrakīṭaḥsyātparibhoktā bhavetkṛmiḥ || 65 ||
[Analyze grammar]

nābhivādyā guroḥ patnī spṛṣṭvāṃghrī yuvatī satī |
kvāpi viṃśativarṣeṇa jñātṛṇā guṇadoṣayoḥ || 66 ||
[Analyze grammar]

svabhāvaścaṃcalaḥ strīṇāṃ doṣaḥ puṃsāmataḥ smṛtaḥ |
pramadāsu pramādyaṃti kvacinnaiva vipaścitaḥ || 67 ||
[Analyze grammar]

vidvāṃsamapyavidvāṃsaṃ yatastādharṣayaṃtyalam |
svavaśaṃ vāpi kurvaṃti sūtrabaddhaśakuṃtavat || 68 ||
[Analyze grammar]

na mātrā na duhitrā vā na svasraikāṃtaśīlatā |
balavaṃtīdriyāṇyatra mohayaṃtyapi kovidān || 69 ||
[Analyze grammar]

prayatnena khananyadvadbhūmervāryadhigacchati |
śuśrūṣayā gurostadvadvidyā śiṣyodhigacchati || 70 ||
[Analyze grammar]

śayānamabhyudayate bradhnaścedbrahmacāriṇam |
pramādādatha nimlocejjapannapavaseddinam || 71 ||
[Analyze grammar]

sutasya saṃbhave kleśaṃ sahete pitarau ca yat |
śakyā varṣaśatenāpi no kartuṃ tasya niṣkṛtiḥ || 72 ||
[Analyze grammar]

atastayoḥ priyaṃ kuryādgurorapi ca sarvadā |
triṣu teṣu sutuṣṭeṣu tapaḥ sarvaṃ samāpyate || 73 ||
[Analyze grammar]

teṣāṃ trayāṇāṃ śuśrūṣā paramaṃ tapa ucyate |
tānatikramya yaḥ kuryāttannasiddhyetkadācana || 74 ||
[Analyze grammar]

trīnevāmūnsamārādhya trīṃllokānsa jayetsudhīḥ |
devavaddivi dīvyeta teṣāṃ toṣaṃ vivardhayan || 75 ||
[Analyze grammar]

bhūrlokaṃ jananī bhaktyā bhuvarlokaṃ tathā pituḥ |
guroḥ śuśrūṣaṇāttadvatsvarlokaṃ ca jayetkṛtī || 76 ||
[Analyze grammar]

etadeva nṛṇāṃ proktaṃ puruṣārthacatuṣṭayam |
yadeteṣāṃ hi saṃtoṣa upadharmonya ucyate || 77 ||
[Analyze grammar]

adhītya vedānvedau vā vedaṃ vāpi kramāddvijaḥ |
apraskhaladbrahmacaryo gṛhāśramamathāśrayet || 78 ||
[Analyze grammar]

avipluta brahmacaryo viśveśānugrahādbhavet |
anugrahaśca vaiśveśaḥ kāśīprāptikaraḥ paraḥ || 79 ||
[Analyze grammar]

kāśīprāptyā bhavejjñānaṃ jñānānnirvāṇamṛcchati |
nirvāṇārthaṃ prayatno hi sadācārasya dhīmatām || 80 ||
[Analyze grammar]

sadācāro gṛhe yadvanna tathāstyāśramāṃtare |
vidyājātaṃ paṭhitvāṃte gṛhasthāśramamāśrayet || 81 ||
[Analyze grammar]

gṛhāśramātparaṃ nāsti yadi patnīvaśaṃvadā |
ānukūlyaṃ hi daṃpatyostrivargodaya hetave || 82 ||
[Analyze grammar]

ānukūlyaṃ kalatraṃ cettridivenāpi kiṃ tataḥ |
prātikūlyaṃ kalatraṃ cennarakeṇāpi kiṃ tataḥ || 83 ||
[Analyze grammar]

gṛhāśramaḥ sukhārthāya bhāryāmūlaṃ ca tatsukham |
sā ca bhāryā vinītāyā trivargo vinayo dhuvam || 84 ||
[Analyze grammar]

jalaukayopamīyaṃte pramadā maṃdabuddhibhiḥ |
mṛgīdṛśāṃ jalaukānāṃ vicārānmahadataṃram || 85 ||
[Analyze grammar]

jalaukā kevalaṃ raktamādadānā tapasvinī |
pramadā sarvadā datte cittaṃ vittaṃ balaṃ sukham || 86 ||
[Analyze grammar]

dakṣā prajāvatī sādhvī priyavākca vaśaṃvadā |
guṇairamībhiḥ saṃyuktā sā śrīḥ strīrūpadhāriṇī || 87 ||
[Analyze grammar]

guroranujñayā snātvā vrataṃ vedaṃ samāpya ca |
udvaheta tato bhāryāṃ savarṇāṃ sādhulakṣaṇām || 88 ||
[Analyze grammar]

jane tu rasagotrāyā māturyāpyasapiṃḍakā |
dārakarmaṇi yogyā sā dvijānāṃ dharmavṛddhaye || 89 ||
[Analyze grammar]

strīsaṃbaṃdhepyapasmāri kṣayi śvitri kulaṃ tyajet |
abhiśastisamāyuktaṃ tathā kanyāprasūṃ tyajet || 90 ||
[Analyze grammar]

rogahīnāṃ bhrātṛmatīṃ svasmātkiṃcillaghīyasīm |
udvaheta dvijo bhāryāṃ saumyāsyāṃ mṛdubhāṣiṇīm || 91 ||
[Analyze grammar]

na parvatarkṣavṛkṣāhvāṃ na nadīsarpanāmikām |
na pakṣyahipreṣyanāmnīṃ saumyākhyāmudvahetsudhīḥ || 92 ||
[Analyze grammar]

na cātiriktahīnāṃgīṃ nātidīrghāṃ na vā kṛśām |
nālomikāṃ nātilomāṃ nāsnigdhasthūlamaulijām || 93 ||
[Analyze grammar]

mohātsamupayaccheta kulahīnāṃ na kanyakām |
hīnopayamanādyāti saṃtānamapi hīnatām || 94 ||
[Analyze grammar]

lakṣaṇāni parīkṣyādau tataḥ kanyāṃ samudvahet |
sulakṣaṇā sadācārā patyurāyurvivardhayet || 95 ||
[Analyze grammar]

brahmacāri samācāra iti te samudī ritaḥ |
ghaṭodbhava prasaṃgena strīlakṣaṇamatha bruve || 96 ||
[Analyze grammar]

iti śrī skāṃde mahāpurāṇa ekāśīti sāhasryāṃ saṃhitāyāṃ caturthe kāśīkhaṃḍe pūrvārddhe ṣaṭtriṃśattamo'dhyāyaḥ || 36 ||
[Analyze grammar]