Chapter 35

[English text for this chapter is available]

kuṃbhayoniruvāca |
avimuktaṃ mahākṣetraṃ paranirvāṇakāraṇam |
kṣetrāṇāṃ paramaṃ kṣetraṃ maṃgalānāṃ ca maṃgalam || 1 ||
[Analyze grammar]

śmaśānānāṃ ca sarveṣāṃ śmaśānaṃ paramaṃ mahat |
pīṭhānāṃ paramaṃ pīṭhamūṣarāṇāṃ mahoṣaram || 2 ||
[Analyze grammar]

dharmābhilāṣibuddhīnāṃ dharmarāśikaraṃ param |
arthārthināṃ śikhiratha paramārtha prakāśakam || 3 ||
[Analyze grammar]

kāmināṃ kāmajananaṃ mumukṣūṇāṃ ca mokṣadam |
śrūyate yatra yatraitattatra tatra parāmṛtam || 4 ||
[Analyze grammar]

kṣetraikadeśavartinyā jñānavāpyāḥ kathāṃ parām |
śrutvemāmiti manyehaṃ gaurīhṛdayanaṃdana || 5 ||
[Analyze grammar]

aṇupramāṇamapi yā madhye kāśivikāsinī |
mahī mahīyasī jñeyā sā siddhyai na mudhā kvacit || 6 ||
[Analyze grammar]

kiyaṃti saṃti tīrthāni neha kṣoṇītale'khile |
paraṃ kāśīrajomātra tulāsāmyaṃ kva teṣvapi || 7 ||
[Analyze grammar]

kiyaṃtyo na sravaṃtyotra ratnākara mudāvahāḥ |
paraṃ svargataraṃgiṇyāḥ kāśyāṃ kā sāmyamudvahet || 8 ||
[Analyze grammar]

kiyaṃti saṃti no bhūmyāṃ mokṣakṣetrāṇi ṣaṇmukha |
paraṃ manye'vimuktasya koṭyaṃśopi na teṣvaho || 9 ||
[Analyze grammar]

gaṃgā viśveśvaraḥ kāśī jāgarti tritayaṃ yataḥ |
tatra naiḥśreyasī lakṣmīrlabhyate citramatra kim || 10 ||
[Analyze grammar]

kathameṣā trayī skaṃda prāpyate niyataṃ naraiḥ |
tiṣye yuge viśeṣeṇa nitarāṃ caṃcaleṃdriyaiḥ || 11 ||
[Analyze grammar]

tapastādṛkkva vā tiṣye tiṣye yogaḥ kva tādṛśaḥ |
kva vā vrataṃ kva vā dānaṃ tiṣye mokṣastvataḥ kutaḥ || 12 ||
[Analyze grammar]

vināpi tapasā skaṃda vināyogena ṣaṇmukha |
vinā vratairvinā dānaiḥ kāśyāṃ mokṣastvayeritaḥ || 13 ||
[Analyze grammar]

kiṃ kimācaratā skaṃda kāśī prāpyeta tadvada |
manye vinā sadācāraṃ na siddhyeyurmanorathāḥ || 14 ||
[Analyze grammar]

ācāraḥ paramo dharma ācāraḥ paramaṃ tapaḥ |
ācārādvardhate hyāyurācārātpāpasaṃkṣayaḥ || 15 ||
[Analyze grammar]

ācārameva prathamaṃ tasmādācakṣva ṣaṇmukha |
devadevo yathā prāha tavāgre tvaṃ tathā vada || 16 ||
[Analyze grammar]

skaṃda uvāca |
mitrāvaruṇajākhyāmi sadācāraṃ satāṃ hitam |
yadācarannaro nityaṃ sarvānkāmānavāpnuyāt || 17 ||
[Analyze grammar]

sthāvarāḥ kṛmayo'bjāśca pakṣiṇaḥ paśavo narāḥ |
krameṇa dhārmikāstvete hyetebhyo dhārmikāḥ surāḥ || 18 ||
[Analyze grammar]

sahasrabhāgaḥ prathamā dvitīyonukramāttathā |
sarva ete mahābhāgā yāvanmukti samāśrayāḥ || 19 ||
[Analyze grammar]

caturṇāmapi bhūtānāṃ prāṇino'tīva cottamāḥ |
prāṇibhyāmapi mune śreṣṭhāḥ sarve buddhyupajīvinaḥ || 20 ||
[Analyze grammar]

matimadbhyo narāḥ śreṣṭhāstebhyaḥ śreṣṭhāstu vāḍavāḥ |
viprebhyopi ca vidvāṃso vidvadbhyaḥ kṛtabuddhayaḥ || 21 ||
[Analyze grammar]

kṛtadhībhyopi kartāraḥ kartṛbhyo brahmatatparāḥ |
na teṣāmarcanīyo'nyastriṣu lokeṣu kuṃbhaja || 22 ||
[Analyze grammar]

anyonyamarcakāste vai tapovidyā'viśeṣataḥ |
brāhmaṇo brahmaṇā sṛṣṭaḥ sarvabhūteśvaro yataḥ || 23 ||
[Analyze grammar]

ato jagatsthitaṃ sarvaṃ brāhmaṇo'rhati nāparaḥ |
sadācāro hi sarvārho nācārādvicyutaḥ punaḥ |
tasmādvipreṇa satataṃ bhāvyamācāraśīlinā || 24 ||
[Analyze grammar]

vidveṣa rāgarahitā anutiṣṭhaṃti yaṃ mune |
vidvāṃsastaṃ sadācāraṃ dharmamūlaṃ vidurbudhāḥ || 25 ||
[Analyze grammar]

lakṣaṇaiḥ parihīnopi samyagācāratatparaḥ |
śraddhāluranasūyuśca naro jīvetsamāḥ śatama || 26 ||
[Analyze grammar]

śrutismṛtibhyāmuditaṃ sveṣu sveṣu ca karmasu |
sadācāraṃ niṣeveta dharmamūlamataṃdritaḥ || 27 ||
[Analyze grammar]

durācārarato loke garhaṇīyaḥ pumānbhavet |
vyādhibhiścābhibhūyeta sadālpāyuḥ suduḥkhabhāk || 28 ||
[Analyze grammar]

tyājyaṃ karma parādhīnaṃ kāyamātmavaśaṃ sadā |
duḥkhī yataḥ parādhīnaḥ sadaivātmavaśaḥ sukhī || 29 ||
[Analyze grammar]

yasminkarmaṇyaṃtarātmā kriyamāṇe prasīdati |
tadeva karma kartavyaṃ viparītaṃ na ca kvacit || 30 ||
[Analyze grammar]

prathamaṃ dharmasarvasvaṃ proktā yanniyamā yamāḥ |
atasteṣveva vai yatnaḥ kartavyo dharmamicchatā || 31 ||
[Analyze grammar]

satyaṃ kṣamārjavaṃ dhyānamānṛśaṃsyamahiṃsanam |
damaḥ prasādo mādhuryaṃ mṛduteti yamā daśa || 32 ||
[Analyze grammar]

śaucaṃ snānaṃ tapo dānaṃ maunejyādhyayanaṃ vratam |
upoṣaṇopastha daṃḍau daśaite niyamāḥ smṛtāḥ || 33 ||
[Analyze grammar]

kāmaṃ krodhaṃ madaṃ mohaṃ mātsaryaṃ lobhameva ca |
amūnṣaḍvai riṇo jitvā sarvatra vijayī bhavet || 34 ||
[Analyze grammar]

śanaiḥ śanaiḥ sa cinuyāddharmaṃ valmīka śṛṃgavat |
parapīḍāmakurvāṇaḥ paralokasahāyinam || 35 ||
[Analyze grammar]

dharma eva sahāyī syādamutra na paricchadaḥ |
pitṛ mātṛ suta bhrātṛ yoṣidbaṃdhujanādikaḥ || 36 ||
[Analyze grammar]

jāyate caikalaḥ prāṇī pramriyeta tathaikalaḥ |
ekalaḥ sukṛtaṃ bhuṃkte bhuṃkte duṣkṛtamekalaḥ || 37 ||
[Analyze grammar]

dehaṃ paṃcatvamāpannaṃ tyaktvā kau kāṣṭhaloṣṭhavat |
bāṃdhavā vimukhā yāṃti dharmo yāṃtamanuvrajet || 38 ||
[Analyze grammar]

kṛtī saṃcinuyāddharmaṃ tato'mutra sahāyinam |
dharmaṃ sahāyinaṃ labddhvā saṃtareddustaraṃ tamaḥ || 39 ||
[Analyze grammar]

saṃbaṃdhānācarennityamuttamairuttamaiḥ sudhīḥ |
adhamānadhamāṃstyaktvā kulamutkarṣatāṃ nayet || 40 ||
[Analyze grammar]

uttamānuttamāneva gacchanhīnāṃśca varjayan |
brāhmaṇaḥ śreṣṭhatāmeti pratyavāye na śūdratām || 41 ||
[Analyze grammar]

anadhyayanaśīlaṃ ca sadācāravilaṃghinam |
sālasaṃ ca durannādaṃ brāhmaṇaṃ bādhateṃ'takaḥ || 42 ||
[Analyze grammar]

tato'bhyasetprayatnena sadācāraṃ sadā dvijaḥ |
tīrthānyapyabhilaṣyaṃti sadācārisamāgamam || 43 ||
[Analyze grammar]

rajanīprāṃtayāmārdhaṃ bāhmaḥ samaya ucyate |
svahitaṃ ciṃtayetprājñastasmiṃścotthāya savardā || 44 ||
[Analyze grammar]

gajāsyaṃ saṃsmaredādau tata īśaṃ sahāṃbayā |
śrīraṃgaṃ śrīsametaṃ tu brahmāṇyā kamalodbhavam || 45 ||
[Analyze grammar]

iṃdrādīnsakalāndevānvasiṣṭhādīnmunīnapi |
gaṃgādyāḥ saritaḥ sarvāḥ śrīśailādyakhilāngirīn || 46 ||
[Analyze grammar]

kṣīrodādīnsamudrāṃśca mānasādi sarāṃsi ca |
vanāni naṃdanādīni dhenūḥ kāmadughādikāḥ || 47 ||
[Analyze grammar]

kalpavṛkṣādi vṛkṣāṃśca dhātūnkāṃcanamukhyataḥ |
divyastrīrurvaśīmukhyā garuḍādīnpatattriṇaḥ || 48 ||
[Analyze grammar]

nāgāśca śeṣapramukhāngajānairāvatādikān |
aśvānuccaiḥśravo mukhyānkaustubhādīnmaṇīñchubhān || 49 ||
[Analyze grammar]

smaredaruṃdhatīmukhyāḥ pativratavatīrvadhūḥ |
naimiṣādīnyaraṇyāni purīḥ kāśīpurīmukhāḥ || 50 ||
[Analyze grammar]

viśveśādīni liṃgāni vedānṛkpramukhānapi |
gāyatrīpramukhānmaṃtrānyoginaḥ sanakādikān || 51 ||
[Analyze grammar]

praṇavādimahābījaṃ nāradādīṃśca vaiṣṇavān |
śivabhaktāṃśca bāṇādīnprahlādādīndṛḍhavratān || 52 ||
[Analyze grammar]

vadānyāṃśca dadhīcyādīnhariścaṃdrādi bhūpatīn |
jananī caraṇau smṛtvā sarvatīrthottamottamau || 53 ||
[Analyze grammar]

pitaraṃ ca gurūṃścāpi hṛdi dhyātvā prasannadhīḥ |
tataścāvaśyakaṃ kartuṃ nairṛtīṃ diśamāśrayet || 54 ||
[Analyze grammar]

grāmāddhanuḥśataṃ gacchennagarācca caturguṇam |
tṛṇairācchādya vasudhāṃ śiraḥ prāvṛtya vāsasā || 55 ||
[Analyze grammar]

karṇopavītyudagvaktro divase saṃdhyayorapi |
viṇmūtre visṛjenmaunī niśāyāṃ dakṣiṇāmukhaḥ || 56 ||
[Analyze grammar]

na tiṣṭhannāpsu no vipra go vahnyanila saṃmukhaḥ |
na phālakṛṣṭe bhūbhāge na rathyāsevyabhūtale || 57 ||
[Analyze grammar]

nālokayeddiśobhāgāñjyotiścakraṃ nabhomalam |
vāmena pāṇinā śiśnaṃ dhṛtvottiṣṭhetprayatnavān || 58 ||
[Analyze grammar]

atho mṛdaṃ samādāya jaṃtukarkaravarjitām |
vihāya mūṣakotkhātāṃ śaucocchiṣṭāṃ ca nākulām || 59 ||
[Analyze grammar]

guhye dadyānmṛdaṃ caikāṃ pāyau paṃcāṃbusāṃ tarāḥ |
daśa vāmakare cāpi sapta pāṇidvaye mṛdaḥ || 60 ||
[Analyze grammar]

ekaikāṃ pādayordadyāttisraḥ pāṇyormṛdastathā |
itthaṃ śaucaṃ gṛhī kuryādgaṃdhalepakṣayāvadhi || 61 ||
[Analyze grammar]

kramāddvaiguṇyametasmādbrahmacaryādiṣu triṣu |
divāvihita śaucasya rātrāvardhaṃ samācaret || 62 ||
[Analyze grammar]

rujyardhaṃ ca tadardhaṃ ca pathi caurādi bādhite |
tadardhaṃ yoṣitāṃ cāpi susthe nyūnaṃ na kārayet || 63 ||
[Analyze grammar]

api sarvanadītoyairmṛtkūṭaiścāpi gomayaiḥ |
āpādamācaracchaucaṃ bhāvaduṣṭo na śuddhibhāk || 64 ||
[Analyze grammar]

ārdradhātrīphalonmānā mṛdaḥ śauce prakīrtitāḥ |
sarvāścāhutayopyevaṃ grāsāścāṃdrāyaṇepi ca |
prāgāsya udagāsyovā sūpaviṣṭaḥ śucau bhuvi |
upaspṛśedvihīnāyāṃ tuṣāṃgārāsthibhasmabhiḥ || 66 ||
[Analyze grammar]

anuṣṇābhiraphenābhiradbhirhṛdgābhiratvaraḥ |
brāhmaṇo brāhmatīrthena dṛṣṭipūtābhirācamet || 67 ||
[Analyze grammar]

kaṃṭhagābhirnṛpaḥ śuddhyettālugābhistathorujaḥ |
strīśūdrāvāsya saṃsparśamātreṇāpi viśuddhyataḥ || 68 ||
[Analyze grammar]

śiraḥ prāvṛtya kaṃṭhaṃ vā jale muktaśikho'pi ca |
akṣālitapadadvaṃdva ācāṃtopyaśucirmataḥ || 69 ||
[Analyze grammar]

triḥ pītvāṃbu viśuddhyarthaṃ tataḥ khāni viśodhayet |
aṃguṣṭhamūladeśena dvirdviroṣṭhādharau spṛśet || 70 ||
[Analyze grammar]

aṃgulībhistribhiḥ paścātpunarāsyaṃ spṛśetsudhīḥ |
tarjanyaṃguṣṭhakoṭyā ca ghrāṇaraṃdhre punaḥ punaḥ || 71 ||
[Analyze grammar]

aṃguṣṭhānāmikāgrābhyāṃ cakṣuḥ śrotre punaḥ punaḥ |
kaniṣṭhāṃguṣṭhayogena nābhiraṃdhramupaspṛśet || 72 ||
[Analyze grammar]

spṛṣṭvā talena hṛdayaṃ samastābhiḥ śiraḥ spṛśet |
aṃgulyagraistathā skaṃdhau sāṃbu sarvatra saṃspṛśet || 73 ||
[Analyze grammar]

ācāṃtaḥ punarācāmetkṛte rathyopasarpaṇe |
snātvā bhuktvā payaḥ pītvā prāraṃbhe śubhakarmaṇām || 74 ||
[Analyze grammar]

suptvā vāsaḥ parīdhāya tathā dṛṣṭvāpyamaṃgalam |
pramādādaśuciṃ spṛṣṭvā dvirācāṃtaḥ śucirbhavet || 75 ||
[Analyze grammar]

atho mukhaviśuddhyarthaṃ gṛhṇīyāddaṃtadhāvanam |
ācāṃtopyaśuciryasmādakṛtvā daṃtadhāvanam || 76 ||
[Analyze grammar]

pratipaddarśaṣaṣṭhīṣu navamyāṃ ravivāsare |
daṃtānāṃ kāṣṭhasaṃyogo dahedāsaptamaṃ kulam || 77 ||
[Analyze grammar]

alābhe daṃtakāṣṭhānāṃ niṣiddhe vātha vāsare |
gaṃḍūṣā dvādaśa grāhyā mukhasya pariśuddhaye || 78 ||
[Analyze grammar]

kaniṣṭhāgra parīmāṇaṃ satvacaṃ nirvraṇaṃ ṛjum |
dvādaśāṃgulamānaṃ ca sārdhaṃ syāddaṃtadhāvanam || 79 ||
[Analyze grammar]

ekaikāṃgulahrāsena varṇeṣvanyeṣu kīrtitam |
āmrāmrātaka dhātrīṇāṃ kaṃkola khadirodbhavam || 80 ||
[Analyze grammar]

śamyapāmārgakharjūrīśeluśrīparṇipīlujam |
rājādanaṃ ca nāraṃgaṃ kaṣāyakaṭukaṃṭakam || 81 ||
[Analyze grammar]

kṣīravṛkṣodbhavaṃ vāpi praśastaṃ daṃtadhāvanam |
jihvollekhanikāṃ cāpi kuryāccāpākṛtiṃ śubhām || 82 ||
[Analyze grammar]

annādyāya vyūhadhvaṃ somorājāya mā gamat |
same mukhaṃ pramārkṣyate yaśasā ca bhagena ca || 83 ||
[Analyze grammar]

āyurbalaṃ yaśo varcaḥ prajāḥ paśu vasūni ca |
brahma prajñāṃ ca medhāṃ ca tvanno dehi vanaspate || 84 ||
[Analyze grammar]

maṃtrāvetau samuccārya yaḥ kuryāddaṃtadhāvanam |
vanaspatigataḥ somastasya nityaṃ prasīdati || 85 ||
[Analyze grammar]

mukhe paryuṣite yasmādbhavedaśucibhāgnaraḥ |
tataḥ kuryātprayatnena śuddhyarthaṃ daṃtadhāvanam || 86 ||
[Analyze grammar]

upavāsepi no duṣyeddaṃtadhāvanamaṃjanam |
gaṃdhālaṃkārasadvastrapuṣpamālānulepanam || 87 ||
[Analyze grammar]

prātaḥsaṃdhyāṃ tataḥ kuryāddaṃtadhāvanapūrvikām |
prātaḥsnānaṃ caritvā ca śuddhe tīrthe viśeṣataḥ || 88 ||
[Analyze grammar]

prātaḥsnānādyataḥśuddhyetkāyoyaṃ malinaḥ sadā |
chidrito navabhiśchidraiḥ sravatyeva divāniśam || 89 ||
[Analyze grammar]

utsāha medhā saubhāgya rūpa saṃpatpravartakam |
manaḥ prasannatāhetuḥ prātaḥsnānaṃ praśasyate || 90 ||
[Analyze grammar]

prasveda lālādyāklinno nidrādhīno yato naraḥ |
prātaḥsnānāttatorhaḥ syānmaṃtrastotrajapādiṣu || 91 ||
[Analyze grammar]

prātaḥprātastu yatsnānaṃ saṃjāte cāruṇodaye |
prājāpatyasamaṃ prāhustanmahāghavighātakṛt || 92 ||
[Analyze grammar]

prātaḥsnānaṃ haretpāpamalakṣmīṃ glānimeva ca |
aśucitvaṃ ca duḥsvapnaṃ tuṣṭiṃ puṣṭiṃ prayacchati || 93 ||
[Analyze grammar]

nopasarpaṃti vai duṣṭāḥ prātaḥsnāyijana kvacit |
dṛṣṭādṛṣṭaphalaṃ yasmātprātaḥsnānaṃ samācaret || 94 ||
[Analyze grammar]

prasaṃgataḥ snānavidhiṃ vakṣyāmi kalaśodbhava |
vidhisnānaṃ yataḥ prāhuḥ snānācchataguṇottaram || 95 ||
[Analyze grammar]

viśuddhāṃ mṛdamādāya barhīṃṣi tila gomayam |
śucau deśe paristhāpya tvācamya snānamācaret || 96 ||
[Analyze grammar]

upagrahī baddhaśikho jalamadhye samāviśet |
uruṃ hīti maṃtreṇa toyamāvartya sṛṣṭitaḥ || 97 ||
[Analyze grammar]

ye te śataṃ tato japtvā toyasyāmaṃtraṇāya ca |
sumitriyā no maṃtreṇa pūrvaṃ kṛtvā jalāṃjalim |
kṣipeddveṣyaṃ samuddiśya japandurmitriyā iti || 98 ||
[Analyze grammar]

idaṃ viṣṇurimaṃ japtvā liṃpedaṃgāni mṛtsnayā |
mṛdaikayā śiraḥ kṣālya dvābhyāṃ nābhestathopari || 99 ||
[Analyze grammar]

nābheradhastu tisṛbhiḥ pādau ṣaḍbhirviśodhayet |
majjetpravāhābhimukha āpo asmānimaṃ japan || 100 ||
[Analyze grammar]

udidābhyaḥ śuciriti maṃtra unmajjane mataḥ |
mānastoka imaṃ japtvā liṃpedgātrāṇi gomayaiḥ || 1 ||
[Analyze grammar]

imaṃ me varuṇetyādi maṃtraḥ svātmābhiṣecanam |
tattvāyāmi tathātvannaḥ satvaṃ naścāpyuduttamam || 2 ||
[Analyze grammar]

dhāmnodhāmnastathā māpo mauṣadhīriti saṃjapet |
yadāhuraghnyā muṃcaṃtu meti cāvabhṛtheti ca || 3 ||
[Analyze grammar]

abdaivatā ime maṃtrāḥ proktāḥ svātmābhiṣecane |
praṇavena tato vipro mahāvyāhṛtibhistataḥ || 4 ||
[Analyze grammar]

ātmānaṃ pāvayedvidvāngāyatryā ca tataḥ kṛtī |
āpo hiṣṭheti tisṛbhiḥ pratyṛcaṃ pāvanaṃ smṛtam || 5 ||
[Analyze grammar]

etepi pāvanā maṃtrā idamāpo haviṣmatīḥ |
devīrāpa apo devā drupadādiva saṃjñakāḥ || 6 ||
[Analyze grammar]

śanno devīrapodevīstathāpāṃrasamityapi |
punaṃtu meti ca nava pāvamānyaḥ prakīrtitāḥ || 7 ||
[Analyze grammar]

tato'ghamarṣaṇaṃ japtvā drupadāṃ ca tato japet |
prāṇāyāmaṃ ca vidhivadathavāṃtarjale japet || 8 ||
[Analyze grammar]

praṇavaṃ trirjapedvāpi viṣṇuṃ vā saṃsmaretsudhīḥ |
snātvetthaṃ vastramāpīḍya gṛhṇīyāddhautavāsasī |
ācamya ca tataḥ kuryātprātaḥsaṃdhyāṃ kuśānvitām |
yo na saṃdhyāmupāsīta brāhmaṇo hi viśeṣataḥ || 110 ||
[Analyze grammar]

sa jīvanneva śūdrastu mṛtaḥ śvā jāyate dhruvam |
saṃdhyāhīno'śucirnityamanarhaḥ sarvakarmasu || 11 ||
[Analyze grammar]

yadanyatkurute karma na tasya phalabhāgbhavet |
praṇavaṃ prāgdiśi smṛtvā tato dattvā kuśāsanam || 12 ||
[Analyze grammar]

catuḥsraktirimaṃ maṃtraṃ paṭhitvā nānyadṛṅmanāḥ || 13 ||
[Analyze grammar]

prāṅmukho baddhacūḍo vāpyupaviṣṭa udaṅmukhaḥ |
pradakṣiṇaṃ svamabhyukṣya prāṇāyāmaṃ samācaret || 14 ||
[Analyze grammar]

gāyatrīṃ śirasā sārdhaṃṃ saptavyāhṛtipūrvikām |
trirjapetsadaśoṃkāraḥ prāṇāyāmoyamucyate || 15 ||
[Analyze grammar]

prāṇāyāmāṃścaranvipro niyateṃdriya mānasaḥ |
ahorātrakṛtaiḥ pāpairmukto bhavati tatkṣaṇāt || 16 ||
[Analyze grammar]

daśadvādaśa saṃkhyā vā prāṇāyāmāḥ kṛtā yadi |
niyamya mānasaṃ tena tadā taptaṃ mahattapaḥ || 17 ||
[Analyze grammar]

savyāhṛti praṇavakāḥ prāṇāyāmāstu ṣoḍaśa |
api bhrūṇahanaṃ māsātpunaṃtyaharahaḥ kṛtāḥ || 18 ||
[Analyze grammar]

yathā pārthivadhātūnāṃ dahyaṃte dhamanānmalāḥ |
tatheṃdriyaiḥ kṛtā doṣā jvālyaṃte prāṇasaṃyamāt || 19 ||
[Analyze grammar]

ekaṃ saṃbhojya vidhivadbrāhmaṇaṃ yatphalaṃ labhet |
prāṇāyāmairdvādaśabhistatphalaṃ śraddhayāpyate || 120 ||
[Analyze grammar]

vedādi vāṅmayaṃ sarvaṃ praṇave yatpratiṣṭhitam |
tataḥ praṇavamabhyasyedvedādiṃ vedajāpakaḥ || 21 ||
[Analyze grammar]

praṇave nityayuktasya saptasu vyāhṛtiṣvapi |
tripadāyāṃ tu gāyatryāṃ na bhayaṃ jāyate kvacit || 22 ||
[Analyze grammar]

ekākṣaraṃ paraṃ brahma prāṇāyāmaḥ paraṃ tapaḥ |
gāyatryāstu paraṃ nāsti pāvanaṃ kalaśodbhava || 23 ||
[Analyze grammar]

karmaṇā manasā vācā yadrātrau kurutetvagham |
uttiṣṭhanpūrvasaṃdhyāyāṃ prāṇāyāmairviśodhayet || 24 ||
[Analyze grammar]

yadahnā kurute pāpaṃ manovākkāyakarmabhiḥ |
āsīnaḥ paścimāṃ saṃdhyāṃ tatprāṇāyāmato haret || 25 ||
[Analyze grammar]

pūrvāṃ saṃdhyāṃ japaṃstiṣṭhetsāvitrīmārkadarśanāt |
paścimāṃ tu samāsīnaḥ samyagṛkṣavibhāvanāt || 26 ||
[Analyze grammar]

pūrvāṃ saṃdhyāṃ japaṃstiṣṭhannaiśameno vyapohati |
paścimāṃ tu samāsīno malaṃ haṃti divākṛtam || 27 ||
[Analyze grammar]

nopatiṣṭhettu yaḥ pūrvāṃ nopāste yastu paścimām |
sa śūdravadbahiṣkāryaḥ sarvasmāddvijakarmaṇaḥ || 28 ||
[Analyze grammar]

apāṃ samīpamāsādya nityakarma samācaret |
gāyatrīmapyadhīyīta gatvāraṇyaṃ samāhitaḥ || 29 ||
[Analyze grammar]

gṛhādbahuguṇā yasmātsaṃdhyā bahirupāsitā |
gāyatryabhyāsamātropi varaṃ vipro jiteṃdriyaḥ || 130 ||
[Analyze grammar]

trivedyapi ca no mānyaḥ sarvabhuksarvavikrayī |
savitā devatā yasyā mukhamagnistripācca yā || 31 ||
[Analyze grammar]

viśvāmitre ṛṣiśchaṃdo gāyatrī sā viśiṣyate |
gāyatrīmuṣasi dhyāyellohitāṃ brahmadaivatām || 32 ||
[Analyze grammar]

haṃsārūḍhāmaṣṭavarṣāṃ raktasraganulepanām |
ṛksvarūpāmabhayadāmakṣamālāvalaṃbinīm || 33 ||
[Analyze grammar]

vyāsarṣiṇā stūyamānāṃ chaṃdasānuṣṭubhāyutām |
etaddhyānāduṣardevyā naiśameno vyapohati || 34 ||
[Analyze grammar]

sūryaśceti ca maṃtreṇa syādācamanamuttamam |
āpohiṣṭheti tisṛbhirmārjanaṃ tu tataścaret || 35 ||
[Analyze grammar]

bhūmau śirasi cākāśa ākāśe bhuvi mastake |
mastake ca tathākāśe bhūmau ca navadhā kṣipet || 36 ||
[Analyze grammar]

bhūmiśabdena caraṇāvākāśaṃ hṛdayaṃ smṛtam |
śirasyeva śiraḥ śabdo mārjanajñairudāhṛtaḥ || 37 ||
[Analyze grammar]

vāruṇādapi cāgneyādvāyavyādapi caiṃdrataḥ |
maṃtrasnānādapi paraṃ brāhmaṃ snānamidaṃ param || 38 ||
[Analyze grammar]

brāhmasnānena yaḥ snātaḥ sa bāhyābhyaṃtare śuciḥ |
sarvatra cārhatāmeti devapūjādikarmaṇi || 39 ||
[Analyze grammar]

naktaṃ dinaṃ nimajjyāpsu kaivartāḥ kimu pāvanāḥ |
śataśopi tathā snātā na śuddhā bhāvadūṣitā || 140 ||
[Analyze grammar]

aṃtaḥkaraṇaśuddhā ye tānvibhūtiḥ pavitrayet |
kiṃ pāvanāḥ prakīrtyaṃte rāsabhā bhasmadhūsarāḥ || 41 ||
[Analyze grammar]

sa snātaḥ sarvatīrtheṣu sa sarvamalavarjitaḥ |
tena kratuśatairiṣṭaṃ ceto yasyeha nirmalam || 42 ||
[Analyze grammar]

tadeva nirmalaṃ ceto yathāsyāttanmune śṛṇu |
viśveśaścetprasannaḥ syāttadā syānnānyathā kvacit || 43 ||
[Analyze grammar]

tasmāccetoviśuddhyarthaṃ kāśīnāthaṃ samāśrayet |
tadāśrayeṇa niyataṃ saṃkṣīyaṃte manomalāḥ || 44 ||
[Analyze grammar]

saṃkṣīṇamāna sa malo viśveśānu grahātparāt |
idaṃ śarīramutsṛjya paraṃ brahmādhigacchati || 45 ||
[Analyze grammar]

viśveśānugrahe hetuḥ sadācāro mato nṛṇām |
śrutismṛtibhyāmuditaṃ tasmāttamanu saṃśrayet || 46 ||
[Analyze grammar]

drupadāṃ tu tato japtvā jalamādāya pāṇinā |
kuryādṛtaṃ ca maṃtreṇa vidhijñastvaghamarṣaṇam || 47 ||
[Analyze grammar]

nimajjyāpsu ca yo vidvāñjapettriraghamarṣaṇam |
yathāśvamedhāvabhṛthastasya syāttattathā dhruvam || 48 ||
[Analyze grammar]

jale vāpi sthale vāpi yaḥ kuyārdaghamaṣarṇam |
tasyāghaugho vinaśyeta yathā sūryodaye tamaḥ || 49 ||
[Analyze grammar]

imaṃ maṃtraṃ tataścoktvā kuryādācamanaṃ dvijaḥ |
ācāryāḥ kecidicchaṃti śākhābhedena cāpare || 150 ||
[Analyze grammar]

aṃtaścarasi bhūteṣu guhāyāṃ viśvatomukhaḥ |
tvaṃ yajñastvaṃ vaṣaṭkāra āpo jyotīraso'mṛtam || 51 ||
[Analyze grammar]

gāyatrīṃ śirasā hīnāṃ mahāvyāhṛtipūrvikām |
praṇavādyāṃ japaṃstiṣṭhankṣipedaṃbhoṃjali trayam || 52 ||
[Analyze grammar]

tena vajrodakenāśu maṃdehā nāma rākṣasāḥ |
sūryārayaḥ pralīyaṃte śailā vajrahatā iva || 53 ||
[Analyze grammar]

vivasvataḥ sahāyārthaṃ yo dvijo nāṃjalitrayam |
kṣipenmaṃdehanāśāya sopi maṃdehatāṃ vrajet || 54 ||
[Analyze grammar]

prātastāvajjapaṃstiṣṭhedyāvatsūryasya darśanam |
upaviṣṭo japetsāyamṛkṣāṇāmāvilokanāt || 55 ||
[Analyze grammar]

kālalopo na kartavyo dvijena svahitepsunā |
ardhodayāsta samaye tasmādvajrodakaṃ kṣipet || 56 ||
[Analyze grammar]

vidhināpi kṛtā saṃdhyā kālātītā'phalā bhavet |
ayameva hi dṛṣṭāṃto vaṃdhyā strī maithunaṃ yathā || 57 ||
[Analyze grammar]

jalaṃ vāmakare kṛtvā yāsaṃdhyā caritā dvijaiḥ |
vṛṣalī sā parijñeyā rakṣogaṇa mudāvahā || 58 ||
[Analyze grammar]

udvayaṃ tamudutyaṃ ca citraṃ deveti tatparam |
taccakṣurityupasthānamaṃtrā bradhnasya siddhidāḥ || 59 ||
[Analyze grammar]

sahasrakṛtvo gāyatryāḥ śatakṛtvothavā punaḥ |
daśakṛtvotha devyaiva kuryātsaurīmupasthitim || 160 ||
[Analyze grammar]

sahasraparamāṃ devīṃ śatamadhyāṃ daśāvarām |
gāyatrīṃ yo japedvipro na sa pāpaiḥ pralipyate || 61 ||
[Analyze grammar]

vibhrāḍityanuvākaṃ vā sūktaṃ vā pauruṣaṃ japet |
śivasaṃkalpamathavā brāhmaṇaṃ maṃḍalaṃ tu vā || 62 ||
[Analyze grammar]

etāni copasthānāni raviprītikarāṇi ca |
raktacaṃdanamiśrādbhirakṣataiḥ kusumaiḥ kuśaiḥ || 63 ||
[Analyze grammar]

vedoktairāgamoktairvā maṃtrairarghaṃ pradāpayet |
arcitaḥ savitā yena tena trailokyamarcitam || 64 ||
[Analyze grammar]

arcitaḥ savitā sūte sutānpaśu vasūni ca |
vyādhīnhareddadātyāyuḥ pūrayedvāṃchitānyapi || 65 ||
[Analyze grammar]

ayaṃ hi rudra ādityo harireṣa divākaraḥ |
ravirhiraṇyagarbhosau trayīrūpoyamaryamā || 66 ||
[Analyze grammar]

ravestu toṣaṇāttuṣṭā brahmaviṣṇumaheśvarāḥ |
iṃdrādayokhilā devā marīcyādyā maharṣayaḥ || 67 ||
[Analyze grammar]

mānavā manumukhyāśca somapādyāḥ pitāmahāḥ |
raverarcāṃ vidhāyetthaṃ tatastarpaṇamārabhet || 68 ||
[Analyze grammar]

darbhānagarbhānādāya nava sapta ca paṃca vā |
sāgrānsamūlānacchinnāndvijo dakṣiṇapāṇinā || 69 ||
[Analyze grammar]

anvārabdhena savyena tarpayetṣaḍvināyakān |
brahmādīnakhilāndevānmarīcyādīṃstathā munīn || 170 ||
[Analyze grammar]

caṃdanāgurukastūrī gaṃdhavatkusumairapi |
tarpayecchucibhistoyaistṛpyaṃtviti samuccaran || 71 ||
[Analyze grammar]

sanakādīnmanuṣyāṃśca nivītī tarpayedyavaiḥ |
aṃguṣṭhadvayamadhye tu kṛtvā darbhānṛjūndvijaḥ || 72 ||
[Analyze grammar]

kavyavāḍanalādīṃśca pitṝndivyānpratarpayet |
prācīnāvītiko darbhairdviguṇaistilamiśritaiḥ || 73 ||
[Analyze grammar]

ravau śukre trayodaśyāṃ saptamyāṃ niśi saṃdhyayoḥ |
śreyorthī brāhmaṇo jātu na kuryāttilatarpaṇam || 74 ||
[Analyze grammar]

yadi kuryāttataḥ kuryācchuklaireva tilaiḥ kṛtī |
caturdaśa yamānpaścāttarpayennāma uccaran || 75 ||
[Analyze grammar]

tataḥ svagotramuccārya tarpayetsvapitṝnmudā |
savyajānunipātena pitṛtīrthena vāgyataḥ || 76 ||
[Analyze grammar]

ekaikamaṃjaliṃ devā dvau dvau tu sanakādikāḥ |
pitarastrīnpravāṃchaṃti striya ekaikamaṃjalim || 77 ||
[Analyze grammar]

aṃgulyagre bhaveddaivamārṣamaṃguli mūlagam |
brāhmamaṃguṣṭhamūle tu pāṇimadhye prajāpateḥ || 78 ||
[Analyze grammar]

madhyeṃguṣṭhapradeśinyoḥ pitryaṃ tīrthaṃ pracakṣate |
navarcamuccaranvidvānvidadhyātpitṛtarpaṇam || 79 ||
[Analyze grammar]

udīratāmagiṃrasa āyaṃtuna itīṣyate |
ūrjaṃ vahaṃtī pitṛbhyaḥ svadhāyibhyastataḥ paṭhet || 180 ||
[Analyze grammar]

ye ceha pitarastadvanmadhuvātā iti tṛcam |
namo vaḥ pitaraścoktvā paṭhansiṃcejjalaṃ bhuvi || 81 ||
[Analyze grammar]

ābrahmastaṃbaparyaṃtaṃ devarṣipitṛmānavāḥ |
tṛpyaṃtu pitaraḥ sarve mātṛmātāmahādayaḥ || 82 ||
[Analyze grammar]

atītakulakoṭīnāṃ saptadvīpa nivāsinām |
ābrahmabhuvanāllokādidamastu tilodakam || 63 ||
[Analyze grammar]

ye cāsmākaṃ kule jātā aputrā gotriṇo mṛtāḥ |
sarve te tṛptimāyāṃtu vastraniṣpīḍanodakaiḥ || 84 ||
[Analyze grammar]

agnikāryaṃ tataḥ kṛtvā vedābhyāsaṃ tataścaret |
śrutyabhyāsaḥ paṃcadhā syātsvīkārorthavicāraṇam || 85 ||
[Analyze grammar]

abhyāsaśca japaścāpi śiṣyebhyaḥ pratipādanam |
labdhasya pratipālārthamalabdhasya ca labdhaye || 86 ||
[Analyze grammar]

dātāraṃ samupeyādvai svagurutvaṃ ca vardhayet |
prātaḥkṛtyamidaṃ proktaṃ dvijātīnāṃ dvijottama || 87 ||
[Analyze grammar]

athavā prātarutthāya kṛtvāvaśyakameva ca |
śaucācamanamādāya bhakṣayeddaṃtadhāvanam || 88 ||
[Analyze grammar]

viśodhya sarvagātrāṇi prātaḥsaṃdhyāṃ samācaret |
vedārthānadhigacchecca śāstrāṇi vividhānyapi || 89 ||
[Analyze grammar]

adhyāpayecchucīñśiṣyānhitānmedhāsamanvitān |
upeyādīśvaraṃ caiva yogakṣemādi siddhaye || 190 ||
[Analyze grammar]

tato madhyāhnasiddhyarthaṃ pūrvoktaṃ snānamācaret |
snātvā mādhyāhnikā saṃdhyāmupāsīta vicakṣaṇaḥ || 91 ||
[Analyze grammar]

navayauvanabhinnāṃgīṃ śuddhasphaṭikanirmalām |
triṣṭupchaṃdaḥ samāyuktāṃ sāvitrīṃ rudradaivatām || 92 ||
[Analyze grammar]

kaśyaparṣisamāyuktāṃ yajurvedasvarūpiṇīm |
tryakṣarāṃ vṛṣabhārūḍhāṃ bhaktābhayakarāṃ parām || 93 ||
[Analyze grammar]

devatāṃ paripūjyātha naityikaṃ vidhimācaret |
pacanāgniṃ samujjvālya vaiśvadevaṃ samācaret || 94 ||
[Analyze grammar]

niṣpāvānkodravānmāṣānkalāyāṃścaṇakāṃstyajet |
tailapakvaṃ ca pakvānnaṃ sarvaṃ lavaṇayuktyajet || 95 ||
[Analyze grammar]

āḍhakīśca masūrāṃśca vartulānvaraṭāṃstathā |
bhuktaśeṣaṃ paryuṣitaṃ vaiśvadeve vivarjayet || 96 ||
[Analyze grammar]

darbhapāṇiḥ samācamya prāṇāyāmaṃ vidhāya ca |
pṛṣṭho divīti maṃtreṇa paryukṣaṇamathācaret || 97 ||
[Analyze grammar]

pradakṣiṇaṃ ca paryukṣya triḥparistīrya vai kuśān |
eṣo ha deva maṃtreṇa kuryādvahniṃ susaṃmukham || 98 ||
[Analyze grammar]

vaiśvānaraṃ samabhyarcya sājyapuṣpākṣatairatha |
bhūrādyāścāhutīstisraḥ svāhāṃtāḥ praṇavādikāḥ || 99 ||
[Analyze grammar]

oṃbhūrbhuvaḥsvaḥsvāheti vipro dadyāttathāhutim |
tathā devakṛtasyādyā juhuyācca ṣaḍāhutīḥ || 200 ||
[Analyze grammar]

yamāya tūṣṇīmekāṃ ca tathā sviṣṭakṛtīdvayam |
viśvebhyaścāpi devebhyo bhūmau dadyāttato balim || 1 ||
[Analyze grammar]

sarvebhyaścāpi bhūtebhyo namo dadyāttaduttare |
taddakṣiṇe pitṛbhyaśca prācīnāvītiko dadet || 2 ||
[Analyze grammar]

nirṇejanodakānnaṃ caiśānyāṃ vai yakṣmaṇe'rpayet |
tato brahmādi devebhyo namo dadyāttaduttare || 3 ||
[Analyze grammar]

nivītī sanakādibhyaḥ pitṛbhyastvapasavyavān |
haṃtaḥ ṣoḍaśabhirgrāsaścaturbhiḥ puṣkalaṃ smṛtam || 4 ||
[Analyze grammar]

grāsamātrābhavedbhikṣā gṛhasthasukṛtapradā |
adhvagaḥ kṣīṇavṛttiśca vidyārthī gurupoṣakaḥ || 5 ||
[Analyze grammar]

yatiśca brahmacārī ca ṣaḍete dharmabhikṣukāḥ |
atithiḥ pathiko jñeyo 'nūcānaḥ śrutipāragaḥ || 6 ||
[Analyze grammar]

mānyāvetau gṛhasthānāṃ brahmalokamabhīpsatām |
api śvapāke śuni vā naivānnaṃ niṣphalaṃ bhavet || 7 ||
[Analyze grammar]

annārthini samāyāte pātrāpātraṃ na ciṃtayet |
śunāṃ ca patitānāṃ ca śvapacāṃ pāparogiṇām || 8 ||
[Analyze grammar]

kākānāṃ ca kṛmīṇāṃ ca bahirannaṃ kiredbhuvi |
aiṃdravāruṇavāyavyāḥ saumyā vai nairṛtāśca ye || 9 ||
[Analyze grammar]

pratigṛhṇaṃtvimaṃ piṃḍaṃ kākā bhūmau mayārpitam |
dvau śvānau śyāmaśabalau vaivasvatakulodbhavau || 210 ||
[Analyze grammar]

tābhyāṃ piṃḍaṃ pradāsyāmi syātāmetāvahiṃsakau |
devā manuṣyāḥ paśavo rakṣo yakṣoragāḥ khagāḥ || 11 ||
[Analyze grammar]

daityāḥ siddhāḥ piśācāśca pretā bhūtāśca dānavāḥ |
tṛṇāni taravaścāpi maddattānnābhilāṣukāḥ || 12 ||
[Analyze grammar]

kṛmi kīṭa pataṃgādyāḥ karmabaddhā bubhukṣitāḥ |
tṛptyarthamannaṃ hi mayā dattaṃ teṣāṃ mudestu vai || 13 ||
[Analyze grammar]

itthaṃ bhūtabaliṃ dattvā kālaṃ godohamātrakam |
pratīkṣyātithimāyāṃtaṃ viśedbhojyagṛhaṃ tataḥ || 14 ||
[Analyze grammar]

adattvā vāyasabaliṃ nityaśrāddhaṃ samācaret |
nityaśrāddhe svasāmarthyāttrīndvāvekamathāpi vā || 15 ||
[Analyze grammar]

bhojayetpitṛyajñārthaṃ dadyāduddhṛtya durbalaḥ |
nityaśrāddhaṃ daivahīnaṃ niyamādivivarjitam || 16 ||
[Analyze grammar]

dakṣiṇārahitaṃ tvetaddātṛbhoktṛ vratojjhitam |
pitṛyajñaṃ vidhāyetthaṃ svasthabuddhiranāturaḥ || 17 ||
[Analyze grammar]

aduṣṭāsanamadhyāsya bhuṃjīta śiśubhiḥ saha |
sugaṃdhiḥ sumanāḥ sragvī śucivāso dvayānvitaḥ || 18 ||
[Analyze grammar]

prāgāsya udagāsyo vā bhuṃjīta pitṛsevitam || 19 ||
[Analyze grammar]

vidhāyānnamanagnaṃ tadupariṣṭādadhastathā |
āpośanavidhānena kṛtvāśnīyātsudhīrdvijaḥ || 220 ||
[Analyze grammar]

pradadyādbhuvaḥpataye bhuvanapataye tathā |
bhūtānāṃpataye svāhetyuktvā bhūmau balitrayam || 21 ||
[Analyze grammar]

sakṛccāpa upaspṛśya prāṇādyāhutipaṃcakam |
dadyājjaṭharakuṃḍāgnau darbhapāṇiḥ prasannadhīḥ || 22 ||
[Analyze grammar]

darbhapāṇistu yo bhuṃkte tasya doṣo na vidyate |
keśakīṭādi saṃbhūtastadaśnīyātsadarbhakaḥ || 23 ||
[Analyze grammar]

yāvadrucyannamaśnīyānna brūyāttadguṇāguṇān |
bhuṃjate pitarastāvadyāvannoktā guṇāguṇāḥ || 24 ||
[Analyze grammar]

ato maunena yo bhuṃkte sa bhuṃkte kevalāmṛtam |
anupīya tataḥ kṣīraṃ takraṃ pānīyameva vā || 25 ||
[Analyze grammar]

amṛtāpidhānamasītyevaṃ prāśyodakaṃ sakṛt |
pītaśeṣaṃ kṣipedbhūmau toyaṃ maṃtramimaṃ paṭhan || 26 ||
[Analyze grammar]

aprakṣālitahastasya dakṣiṇāṃguṣṭhamūlataḥ |
raurave'puṇyanilaye padmārbudanivāsinām || 27 ||
[Analyze grammar]

ucchiṣṭodakamicchūnāmakṣayyamupatiṣṭhatām || 28 ||
[Analyze grammar]

punarācamya medhāvī śucirbhūtvā prayatnataḥ |
hastenodakamādāya maṃtrametamudīrayet || 29 ||
[Analyze grammar]

aṃguṣṭhamātraḥ puruṣastvaṃguṣṭhaṃ ca samāśritaḥ |
īśaḥ sarvasya jagataḥ prabhuḥ prīṇāti viśvabhuk || 230 ||
[Analyze grammar]

ityannaṃ parisaṃkalpya prakṣālya caraṇau karau |
tatonnapariṇāmārthaṃ maṃtrānetānudīrayet || 31 ||
[Analyze grammar]

agnirāpyāyayandhātūnpārthivānpavaneritaḥ |
dattāvakāśo nabhasā jarayatvastu me sukham || 32 ||
[Analyze grammar]

prāṇāpānasamānānāmudānavyānayostathā |
annapuṣṭikaraṃ cāstu mamāstvavyāhataṃ sukham || 33 ||
[Analyze grammar]

samudro vaḍavāgniśca bradhno bradhnasyanaṃdanaḥ |
mayābhyavahṛtaṃ yattadaśeṣaṃ jarayaṃtvime || 34 ||
[Analyze grammar]

mukhaśuddhiṃ tataḥ kṛtvā purāṇaśravaṇādibhiḥ |
ativāhya divāśeṣaṃ tataḥ saṃdhyāṃ samārabhet || 35 ||
[Analyze grammar]

gṛhe goṣṭhe nadītīre saṃdhyā daśaguṇā kramāt |
saṃbhede syācchataguṇā hyanaṃtā śivasannidhau || 36 ||
[Analyze grammar]

upāsitā bahiḥ saṃdhyā divāmaithunapātakam |
śamayedanṛtoktāghaṃ madyagaṃdhajameva ca || 37 ||
[Analyze grammar]

sāmavedasvarūpāṃ ca vasiṣṭharṣi samāyutām |
kṛṣṇāṃgīṃ kṛṣṇavasanāṃ manākskhalita yauvanām || 38 ||
[Analyze grammar]

sarasvatīṃ tārkṣyayānāṃ vighnaghnīṃ viṣṇudaivatām |
jagatīcchaṃdasā yuktāṃ dhyāyedekākṣarāṃ parām || 39 ||
[Analyze grammar]

agniśceti ca maṃtreṇa vidhāyācamane sudhīḥ |
paścimāsyo japettāvadyāvannakṣatradarśanam || 240 ||
[Analyze grammar]

atithiṃ sāyamāyāṃtamapivāgbhūtṛṇodakaiḥ |
saṃbhāvya parikalpyetthaṃ niśaḥprākpraharaṃ sudhīḥ || 41 ||
[Analyze grammar]

itthaṃ divākarma kṛtvā śruteḥ paṭhanapāṭhanaiḥ |
ekakāṣṭhamayīṃ śayyāṃ nātitṛptotha saṃviśet || 42 ||
[Analyze grammar]

uddeśataḥ samākhyāto hyeṣa nityatamo vidhiḥ |
itthaṃ samācaranvipro nāvasīdati karhicit || 243 ||
[Analyze grammar]

iti śrīskāṃde mahāpurāṇa ekāśītisāharasryāṃ saṃhitāyāṃ caturthe kāśīkhaṃḍe pūrvārddhe sadācāro nāma paṃcatriṃśo'dhyāyaḥ || 35 ||
[Analyze grammar]