Skanda Purana [sanskrit]

876,996 words | ISBN-10: 8170800978 | ISBN-13: 9788170800972

This Sanskrit edition of the Skandapurana. It is one of the largest of the eighteen Mahapuranas, covering over 80,000 shlokas (verses). It is divided into seven large section each covering holy regions detailing their background and legends.

[English text for this chapter is available]

agastya uvāca |
sarvajña hṛdayānaṃda skaṃdaskaṃdita tāraka |
na tṛptimadhigacchāmi śṛṇvanvārāṇasīkathām || 1 ||
[Analyze grammar]

anugraho yadi mayi yogyosmi śravaṇe yadi |
tadā kathaya me nātha kāśyāṃ bhairava saṃkathām || 2 ||
[Analyze grammar]

kosau bhairavanāmātra kāśipuryāṃ vyavasthitaḥ |
kiṃ rūpamasya kiṃ karma kāni nāmāni cāsya vai || 3 ||
[Analyze grammar]

kathamārādhitaścaiva siddhidaḥ sādhakasya vai |
ārādhitaḥ kutra kāle kṣipraṃ siddhyati bhairavaḥ || 4 ||
[Analyze grammar]

skaṃda uvāca |
vārāṇasyāṃ mahābhāga yathā te prema vartate |
tathā na kasyacinmanye tato vakṣyāmyaśeṣataḥ || 5 ||
[Analyze grammar]

prādurbhāvaṃ bhairavasya mahāpātakanāśanam |
yacchrutvā kāśivāsasya phalaṃ nirvighramāpnuyāt || 6 ||
[Analyze grammar]

pāṇibhyāṃ paritaḥ prapīḍya sudṛḍhaṃ niścotya niścotya ca brahmāṃḍaṃ sakalaṃ pacelimarasāloccaiḥ phalābhaṃ muhuḥ |
pāyaṃpāyamapāyatastrijagatīmunmattavattai rasairnṛtyaṃstāṃḍavaḍaṃbareṇa vidhināpāyānmahābhairavaḥ || 7 ||
[Analyze grammar]

kuṃbhayone na vettyeva mahimānaṃ maheśituḥ |
caturbhajopi vaikuṃṭhaścaturvaktropi viśvakṛt || 8 ||
[Analyze grammar]

na citramatra bhūdeva bhavamāyā duratyayā |
tayā saṃmohitāḥ sarve nāvayaṃtyapi taṃ param || 9 ||
[Analyze grammar]

vedayedyadicātmānaṃ sa eva parameśvaraḥ |
tadā viṃdaṃti brahmādyāḥ svecchayaiva na taṃ viduḥ || 10 ||
[Analyze grammar]

sa sarvagopi nekṣyeta svātmārāmo maheśvaraḥ |
devavadbudhyate mūḍhairatīto yo manogirām || 11 ||
[Analyze grammar]

purā pitāmahaṃ vipra meruśṛṃge maharṣayaḥ |
procuḥ praṇamya lokeśaṃ kimekaṃ tattvamavyayam || 12 ||
[Analyze grammar]

samā yayā maheśasya mohito lokasaṃbhavaḥ |
avijñāya paraṃ bhāvamātmānaṃ prāha varpiṇam || 13 ||
[Analyze grammar]

jagadyonirahaṃ dhātā svayaṃbhūreka īśvaraḥ |
anādimadahaṃ brahma māmanarcya na mu cyate || 14 ||
[Analyze grammar]

pravartako hi jagatāmahameko nivartakaḥ |
nānyo madadhikaḥ satyaṃ kaścitkopi surottamāḥ || 15 ||
[Analyze grammar]

tasyaivaṃ bruvato dhātuḥ kraturnārāyaṇāṃśajaḥ |
provāca prahasanvākyaṃ roṣatāmravilocanaḥ || 16 ||
[Analyze grammar]

avijñāya paraṃ tattvaṃ kimetatpratipādyate |
ajñānaṃ yogayuktasya na caitaducitaṃ tava || 17 ||
[Analyze grammar]

ahaṃ kartā hi lokānāṃ yajño nārāyaṇaḥ paraḥ |
na māmanādṛtya vidhe jīvanaṃ jagatāmaja || 18 ||
[Analyze grammar]

ahameva paraṃ jyotirahameva parā gatiḥ |
matpreritena bhavatā sṛṣṭireṣā vidhīyate || 19 ||
[Analyze grammar]

evaṃ vipra kṛtau mohātparasparajayaiṣiṇau |
papracchatuḥ pramāṇajñānāgamāṃścaturopi tau || 20 ||
[Analyze grammar]

vidhikratū ūcatuḥ |
vedāḥ pramāṇaṃ sarvatra pratiṣṭhāṃ paramāmitāḥ |
yūyameva na saṃdehaḥ kiṃ tattvaṃ pratitiṣṭhata || 21 ||
[Analyze grammar]

śrutaya ūcuḥ |
yadi mānyā vayaṃ devau sṛṣṭisthitikarau vibhū |
tadā pramāṇaṃ vakṣyāmo bhavatsaṃdehabhedakam || 22 ||
[Analyze grammar]

śrutyuktamidamākarṇya procatustau śrutīḥ prati |
yuṣmaduktaṃ pramāṇaṃ nau kiṃ tattvaṃ samyagucyatām || 23 ||
[Analyze grammar]

ṛguvāca |
yadaṃtaḥsthāni bhūtāni yataḥ sarvaṃ pravartate |
yadāhustatparaṃ tattvaṃ sa rudrastveka eva hi || 24 ||
[Analyze grammar]

yajuruvāca |
yo yajñairakhilairīśo yogena ca samijyate |
yena pramāṇaṃ hi vayaṃ sa ekaḥ sarvadṛkchivaḥ || 25 ||
[Analyze grammar]

sāmovāca |
yenedaṃ bhraśyate viśvaṃ yogibhiryo viciṃtyate |
yadbhāsā bhāsate viśvaṃ sa ekastryaṃbakaḥ paraḥ || 26 ||
[Analyze grammar]

atharvovāca |
yaṃ prapaśyaṃti deveśaṃ bhaktyānugrahiṇo janāḥ |
tamāhurekaṃ kaivalyaṃ śaṃkaraṃ duḥkhataskaram || 27 ||
[Analyze grammar]

śrutīritaṃ niśamyetthaṃ tāvatīva vimohitau |
smitvāhatuḥ kratu vidhīmohādhyenāṃkitau mune || 28 ||
[Analyze grammar]

kathaṃ pramathanāthosau ramamāṇo niraṃtaram |
digaṃbaraḥ pitṛvane śivayā dhūlidhūsaraḥ || 29 ||
[Analyze grammar]

viṭaṃkaveśo jaṭilo vṛṣagovyālabhūṣaṇaḥ |
paraṃ brahmatvamāpannaḥ kva ca tatsaṃgavarjitam || 30 ||
[Analyze grammar]

tadudīritamākarṇya praṇavātmā sanātanaḥ |
amūrto mūrtimānbhūtvā hasamāna uvāca tau || 31 ||
[Analyze grammar]

praṇava uvāca |
na hyeṣa bhagavāñchaktyā svātmano vyatiriktayā |
kadācidramate rudro līlārūpadharo haraḥ || 32 ||
[Analyze grammar]

asau hi bhagavānīśaḥ svayaṃjyotiḥ sanātanaḥ |
ānaṃdarūpā tasyaiṣā śaktirnāgaṃtukī śivā || 33 ||
[Analyze grammar]

ityevamuktepi tadā makhamūrterajasya hi |
nājñānamagamannāśaṃ śrīkaṃṭhasyaiva māyayā || 34 ||
[Analyze grammar]

prādurāsīttato jyotirubhayoraṃtare mahat |
pūrayannijayā bhāsā dyāvābhūmyoryadaṃtaram || 35 ||
[Analyze grammar]

jyotirmaṃḍalamadhyastho dadṛśe puruṣākṛtiḥ |
prajajvālātha kopena brahmaṇaḥ paṃcamaṃ śiraḥ || 36 ||
[Analyze grammar]

āvayoraṃtaraṃ kosau bibhṛyātpuruṣākṛtim |
vidhiḥ saṃbhāvayedyāvattāvatsa hi vilokitaḥ || 37 ||
[Analyze grammar]

sraṣṭā kṣaṇena ca mahānpuruṣo nīlalohitaḥ |
triśūlapāṇirbhālākṣo nāgoḍupavibhūṣaṇaḥ || 38 ||
[Analyze grammar]

hiraṇyagarbhastaṃ prāha jāne tvāṃ caṃdraśekharam |
bhālasthalānmamapurā rudraḥ prādurabhūdbhavān || 39 ||
[Analyze grammar]

rodanādrudranāmāpi yojitosi mayā purā |
māmeva śaraṇaṃ yāhi putra rakṣāṃ karomi te || 40 ||
[Analyze grammar]

atheśvaraḥ padmayoneḥ śrutvā garvavatīṃ giram |
sakopataḥ samutpādya puruṣaṃ bhairavākṛtim || 41 ||
[Analyze grammar]

prāha paṃkajajanmāsau śāsyaste kālabhairava |
kālavadrājase sākṣātkālarājastato bhavān || 42 ||
[Analyze grammar]

viśvaṃ bhartuṃ samartho'si bharaṇādbhairavaḥ smṛtaḥ |
tvatto bheṣyati kālopi tatastvaṃ kālabhairavaḥ || 43 ||
[Analyze grammar]

āmardayiṣyati bhavāṃstuṣṭo duṣṭātmano yataḥ |
āmardaka iti khyāti tataḥ sarvatra yāsyati || 44 ||
[Analyze grammar]

yataḥ pāpāni bhaktānāṃ bhakṣayiṣyati tatkṣaṇāt |
pāpabhakṣaṇa ityeva tava nāma bhaviṣyati || 45 ||
[Analyze grammar]

yā me muktipurī kāśī sarvābhyopi garīyasī |
ādhipatyaṃ ca tasyāste kālarāja sadaiva hi || 46 ||
[Analyze grammar]

tatra ye pāpakartārasteṣāṃ śāstā tvameva hi |
śubhāśubhaṃ na tatkarma citragupto likhiṣyati || 47 ||
[Analyze grammar]

etānvarānpragṛhyā'tha tatkṣaṇātkālabhairavaḥ |
vāmāṃgulinakhāgreṇa cakarta ca śiro vidheḥ || 48 ||
[Analyze grammar]

yadaṃgamaparādhnoti kāryaṃ tasyaiva śāsanam |
ato yena kṛtā niṃdā tacchinnaṃ pacamaṃ śiraḥ || 49 ||
[Analyze grammar]

yajñamūrtidharo viṣṇustatastuṣṭāva śaṃkaram |
bhīto hiraṇyagarbhopi jajāpa śatarudriyam || 50 ||
[Analyze grammar]

āśvāsya tau mahādevaḥ prītaḥ praṇatavatsalaḥ |
prāha svāṃ mūrtimaparāṃ bhairavaṃ taṃ kapardinam || 51 ||
[Analyze grammar]

mānyo'dhvarosau bhavatā tathā śatadhṛtistvayam |
kapālaṃ vaidhasaṃ cāpi nīlalohita dhāraya || 52 ||
[Analyze grammar]

brahmahatyāpanodāya vrataṃ lokāya darśayan |
cara tvaṃ satataṃ bhikṣāṃ kāpālavratamāsthitaḥ |
ityuktvāṃ'tarhito devastejorūpastadā śivaḥ || 53 ||
[Analyze grammar]

utpādya kanyāmekāṃ tu brahmahatyeti viśrutām |
raktāṃbaradharāṃ raktāṃ raktasraggaṃdhalepanām || 54 ||
[Analyze grammar]

daṃṣṭākarālavadanāṃ lalajjihvātibhīṣaṇām |
aṃtarikṣaikapādāgrāṃ pibaṃtīṃ rudhiraṃ bahu || 55 ||
[Analyze grammar]

kartrīṃ karparahastāgrāṃ sphuratpiṃgogratārakām |
garjayaṃtīṃ mahāvegāṃ bhairavasyāpibhīṣaṇām || 56 ||
[Analyze grammar]

yāvadvārāṇasīṃ divyāṃ purīmeṣa gamiṣyati |
tāvattvaṃ bhīṣaṇe kālamanugacchograrūpiṇi || 57 ||
[Analyze grammar]

sarvatra te praveśosti tyaktvā vārāṇasīṃ purīm |
niyojyatāmiti śivopyaṃtardhānaṃ gatastataḥ || 58 ||
[Analyze grammar]

tatsānnidhyādbhairavopi kālobhūtkālakālataḥ |
sa devadevavākyena bibhratkāpālikaṃ vratam || 59 ||
[Analyze grammar]

kapālapāṇirviśvātmā cacāra bhuvanatrayam |
nātyākṣīccāpi taṃ devaṃ brahmahatyā sudāruṇā || 60 ||
[Analyze grammar]

satyalokepi vaikuṃṭhe maheṃdrādi purīṣvapi |
trijagatpatirugropi vratī trijagatīśvaraḥ || 61 ||
[Analyze grammar]

pratitīrthaṃ bhramannāpi vimukto brahmahatyayā || 62 ||
[Analyze grammar]

anenaivānumānena mahimā tvavagamyatām |
brahmahatyāpanodinyāḥ kāśyāḥ kalaśasaṃbhava || 63 ||
[Analyze grammar]

saṃti tīrthānyanekāni bahūnyāyatanāni ca |
adhi trilokino kāśyāḥ kalāmarhaṃti ṣoḍaśīm || 64 ||
[Analyze grammar]

tāvadgarjaṃti pāpāni brahatyādikānyalam |
yāvannāma na śṛṇvaṃti kāśyāḥ pāpācalāśaneḥ || 65 ||
[Analyze grammar]

pramathaiḥ sevyamāno'yaṃ trilokīṃ vicaranharaḥ |
kāpāliko yayau devo nārāyaṇaniketanam || 66 ||
[Analyze grammar]

athāyāṃtaṃ mahākālaṃ trinetraṃ sarpakuṃḍalam |
mahādevāṃśasaṃbhūtaṃ bhairavaṃ bhīṣaṇākṛtim || 67 ||
[Analyze grammar]

papāta daṃḍavadbhūmau dṛṣṭvā taṃ garuḍadhvajaḥ |
devāśca munayaścaiva devanāryaḥ samaṃtataḥ || 68 ||
[Analyze grammar]

nipetuḥ praṇipatyainaṃ praṇataḥ kamalāpatiḥ |
śirasyaṃjalimāropya stutvā bahuvidhaiḥ stavaiḥ || 69 ||
[Analyze grammar]

kṣīrodamathano tāṃ prāha padmālayāṃ hariḥ |
priye paśyā'bjanayane dhanyā'si subhagenaghe || 70 ||
[Analyze grammar]

dhanyo'haṃ devi suśroṇi yatpaśyāvo jagatpatim |
ayaṃ dhātā vidhātā ca lokānāṃ prabhurīśvaraḥ || 71 ||
[Analyze grammar]

anādiḥ śaraṇaḥ śāṃtaḥ paraḥ ṣaḍviṃśasaṃmitaḥ |
sarvajñaḥ sarvayogīśaḥ sarvabhūtaikanāyakaḥ || 72 ||
[Analyze grammar]

sarvabhūtāṃtarātmā'yaṃ sarveṣāṃ sarvadaḥ sadā |
yaṃ vinidrā viniḥśvāsāḥ śāṃtā dhyānaparāyaṇāḥ || 73 ||
[Analyze grammar]

dhiyā paśyaṃti hṛdaye soyamadya samīkṣyatām |
yaṃ vidurvedatattvajñā yogino yatamānasāḥ || 74 ||
[Analyze grammar]

arūpo rūpavānbhūtvā soyamāyāti sarvagaḥ |
aho vicitraṃ devasya ceṣṭitaṃ parameṣṭhinaḥ || 74 ||
[Analyze grammar]

yasyākhyāṃ bruvatāṃ nityaṃ na dehaḥ sopi dehadhṛk |
yaṃ dṛṣṭvā na punarjanma labhyate mānavairbhuvi || 76 ||
[Analyze grammar]

soyamāyāti bhagavāṃstryaṃbakaḥ śaśibhūṣaṇaḥ |
puṃḍarīkadalāyāme dhanyeme'dya vilocane || 77 ||
[Analyze grammar]

dhigdhikpadaṃ tu devānāṃ paraṃ dṛṣṭvā'tra śaṃkaram |
labhyate yanna nirvāṇaṃ sarvaduḥkhāṃtakṛttu yat || 78 ||
[Analyze grammar]

devatvādaśubhaṃ kiṃciddevaloke na vidyate |
dṛṣṭvāpi sarvadeveśaṃ yanmuktiṃ na labhāmahe || 79 ||
[Analyze grammar]

evamuktvā hṛṣīkeśaḥ saṃprahṛṣṭatanūruhaḥ |
praṇipatya mahādevamidamāha vṛṣadhvajam || 80 ||
[Analyze grammar]

kimidaṃ devadevena sarvajñena tvayā vibho |
kriyate jagatāṃ dhātrā sarvapāpaharā'vyaya || 81 ||
[Analyze grammar]

krīḍeyaṃ tava deveśa trilocana mahāmate |
kiṃ kāraṇaṃ virūpākṣa ceṣṭitaṃ te smarārdana || 82 ||
[Analyze grammar]

kimarthaṃ bhagavatrchaṃbho bhikṣāṃ carasi śaktipa |
saṃśayo me jagannātha natatrailokyarājyada || 83 ||
[Analyze grammar]

evamuktastataḥ śaṃbhurviṣṇumetadudāharat |
brahmaṇastu śiraśchinnamaṃgu्lyagranakhena ha || 84 ||
[Analyze grammar]

tadaghapratighaṃ viṣṇo carāmyetadvrataṃ śubham |
evamukto maheśena puṃḍarīkavilocanaḥ || 85 ||
[Analyze grammar]

smitvā kiṃcinnataśirāḥ punarevaṃ vyajijñapat |
yathecchasi tathā krīḍa sarvaviṣṭapanāyaka || 86 ||
[Analyze grammar]

māyayā māṃ mahādeva nacchādayitumarhasi |
nābhīkamalakośāttu koṭiśaḥ kamalāsanān || 87 ||
[Analyze grammar]

kalpe kalpe sṛjāmīśa tvanniyogabalādvibho |
tyaja māyāmimāṃ deva dustarāmakṛtātmabhiḥ || 88 ||
[Analyze grammar]

madādyo mahādeva māyayā tava mohitāḥ |
yathāvadavagacchāmi ceṣṭitaṃ te śivāpate || 89 ||
[Analyze grammar]

saṃhārakāle saṃprāpte sadevānakhilānmunīn |
lokānvarṇāśramavato hariṣyasi yadā hara || 90 ||
[Analyze grammar]

tadā kva te mahādeva pāpa brahmavadhādikam |
pārataṃtryaṃ na te śaṃbho svairaṃ krīḍettato bhavān || 91 ||
[Analyze grammar]

atītabrahmaṇāmasthnāṃ srakkaṃṭhe tava bhāsate |
tadātadā kvānugatā brahmahatyā tavānagha || 92 ||
[Analyze grammar]

kṛtvāpi sumahatpāpaṃ tvāṃ yaḥ smarati bhāvataḥ |
ādhāraṃ jagatāmīśaṃ tasya pāpaṃ vilīyate || 93 ||
[Analyze grammar]

yathā tamo na tiṣṭheta saṃnidhāvaṃśumālinaḥ |
tathā na bhavabhaktasya pāpaṃ tasya vrajetkṣayam || 94 ||
[Analyze grammar]

yaściṃtayati puṇyātmā tava pādāṃbujadvayam |
brahmahatyādikamapi pāpaṃ tasya vrajetkṣayam || 95 ||
[Analyze grammar]

tava nāmānuraktā vāgyasya puṃso jagatpate |
apyadrikūṭatulitaṃ nainastamanubādhate || 96 ||
[Analyze grammar]

rajasā tamasā vivardhitaṃ kva nu pāpaṃ paritāpadāyakam |
kva ca te śiva nāma maṃgalaṃ janajīvātu jagadrujāpaham || 97 ||
[Analyze grammar]

yadi jātucidaṃdhakadviṣastavanāmauṣṭhapuṭādviniḥsṛtam |
śivaśaṃkara caṃdraśekharetyasakṛttasya na saṃsṛtiḥ punaḥ || 98 ||
[Analyze grammar]

paramātmanparaṃdhāma svecchā vidhṛta vigraha |
kutūhalaṃ taveśedaṃ kva parādhīnateśvare || 99 ||
[Analyze grammar]

adya dhanyosmi deveśa yaṃ na paśyati yoginaḥ |
paśyāmi taṃ jaganmūlaṃ parameśvaramakṣayam || 100 ||
[Analyze grammar]

adya me paramo lābhastvadya me maṃgalaṃ param |
tvaddṛṣṭyamṛtatṛptasya tṛṇaṃ svargāpavargadam || 1 ||
[Analyze grammar]

itthaṃ vadati goviṃde vimalā padmayā tayā |
manorathavatī nāma bhikṣāpātre samarpitā || 2 ||
[Analyze grammar]

bhikṣāṭanāya devopi niragātparayā mudā |
dṛṣṭvā'nuyāyinīṃ tāṃ tu samāhūya janārdanaḥ |
saṃprārthayadbrahmahatyāṃ vimuṃca tvaṃ triśūlinam || 3 ||
[Analyze grammar]

brahmahatyovāca |
anenāpi miṣeṇā'haṃ saṃsevyāmuṃ vṛṣadhvajam |
ātmānaṃ pāvayiṣyāmi kva punarbhavadarśanam || 4 ||
[Analyze grammar]

sā tatyāja na tatpārśvaṃ vyāhṛtāpi murāriṇā |
tamūce'tha hariṃ śaṃbhuḥ smerāsyo vacanaṃ śubham || 5 ||
[Analyze grammar]

tvadvākpīyūṣapānena tṛptosmi bahumānada |
varaṃ vṛṇīṣva goviṃda varado'smi tavānagha || 6 ||
[Analyze grammar]

na mādyaṃti yathā bhaikṣairbhikṣavopyatisaṃskṛtaiḥ |
yathāmānasudhāpānairnunna bhikṣāṭanajvarāḥ || 7 ||
[Analyze grammar]

mahāviṣṇuruvāca |
eṣa eva varaḥ ślāghyo yadahaṃ devatādhipam |
paśyāmi tvāṃ devadevaṃ manorathapathātigam || 8 ||
[Analyze grammar]

anabhreyaṃ sudhāvṛṣṭiranāyāso mahotsavaḥ |
ayatno nidhilābho yadvīkṣaṇaṃ harate satām || 9 ||
[Analyze grammar]

aviyogo'stu me deva tvadaṃghriyugalena vai |
eṣa eva varaḥ śaṃbho nānyaṃ kaṃcidvaraṃ vṛṇe || 110 ||
[Analyze grammar]

īśvara uvāca |
evaṃ bhavatu te'naṃta yattvayoktaṃ mahāmate |
sarveṣāmapi devānāṃ varadastvaṃ bhaviṣyasi || 11 ||
[Analyze grammar]

anugṛhyeti daityāriṃ keṃdrādi bhuvane caran |
bheje vimuktijananīṃ nāmnā vārāṇasīṃ purīm || 12 ||
[Analyze grammar]

yatra sthitānāṃ jaṃtūnāṃ kalāṃ nārhaṃti ṣoḍaśīm |
api brahmādi devānāṃ padāni vipadāṃ padam || 13 ||
[Analyze grammar]

varaṃ vārāṇasī vāsī jaṭī muṃḍī digaṃbaraḥ |
nānyatracchatrasaṃchanna vasudhāmaṃḍaleśvaraḥ || 14 ||
[Analyze grammar]

varaṃ vārāṇasī bhikṣā na lakṣādhipatānyataḥ |
lakṣādhīśo viśedgarbhaṃ tadbhikṣāśī na garbhabhāk || 15 ||
[Analyze grammar]

bhikṣāpi yatra bhikṣubhyo dattāmalakasaṃmitā |
sumeruṇāpi tulitā vārāṇasyāṃ gururbhavet || 16 ||
[Analyze grammar]

varṣāśanaṃ hi yo dadyātkāśyāṃ sīdatkuṭuṃbine |
yāvaṃtyabdāni tāvaṃti yugāni sa divījyate || 17 ||
[Analyze grammar]

vārāṇasyāṃ varṣabhojyaṃ yo dadyānnirupāyine |
sa kadācittṛṭkṣudhā no duḥkhaṃ bhuṃkte nararṣabhaḥ || 18 ||
[Analyze grammar]

vārāṇasyāṃ nivasatāṃ yatpuṇyamupajāyate |
tadeva saṃvāsayituḥ phalaṃ tvavikalaṃ bhavet || 19 ||
[Analyze grammar]

brahmahatyādi pāpāni yasyā nāmnopi kīrtanāt |
tyajaṃti pāpinaṃ kāśī sā kenehopamīyate || 120 ||
[Analyze grammar]

kṣetre praviṣṭamātre'tha bhairave bhīṣaṇākṛtau |
hāhetyuktvā brahmahatyā pātālatalamāviśat || 21 ||
[Analyze grammar]

kapālabrahmaṇo rudraḥ sarveṣāmeva paśyatām |
hastātpatitamālokya nanarta parayā mudā || 22 ||
[Analyze grammar]

vidheḥ kapālaṃ nāmuṃcatkaramatyaṃtaduḥsaham |
harasya bhramataḥ kvāpi tatkāśyāṃ kṣaṇato'patat || 23 ||
[Analyze grammar]

śūlino brahmaṇo hatyā nāpaiti sma ca yā kvacit |
sā kāśyāṃ kṣaṇato naṣṭā kathaṃ kāśī na durlabhā || 24 ||
[Analyze grammar]

ataḥ pradakṣiṇīkāryā pūjanīyā purī tviyam || 25 ||
[Analyze grammar]

vārāṇasīti kāśīti mahāmaṃtramimaṃ japam |
yāvajjīvaṃ trisaṃdhyaṃ tu jaṃturjātu na jāyate || 26 ||
[Analyze grammar]

avimuktaṃ mahākṣetraṃ smaranprāṇāṃstu yastvajet |
dūradeśāṃtarasthopi sopi jātu na jāyate || 27 ||
[Analyze grammar]

ānaṃdakānane yasya cittaṃ saṃsmarate sadā |
tatkṣetranāmaśravaṇānna sa bhūyo'bhijāyate || 28 ||
[Analyze grammar]

rudrāvāse vasennityaṃ naro niyatamānasaḥ |
enasāmapi saṃbhāraṃ kṛtvā kālādvimucyate || 29 ||
[Analyze grammar]

mahāśmaśānamāsādya yadi devādvipadyate |
punaḥ śmaśānaśayanaṃ na kvāpi labhate pumān || 130 ||
[Analyze grammar]

kapālamocanaṃ kāśyāṃ ye smariṣyaṃti mānavāḥ |
teṣāṃ vinaṃkṣyati kṣipramihānyatrāpi pātakam || 31 ||
[Analyze grammar]

āgatya tīrthapravare snānaṃ kṛtvā vidhānataḥ |
tarpayitvā pitṝndevānmucyate brahmahatyayā || 32 ||
[Analyze grammar]

aśāśvatamidaṃ jñātvā vārāṇasyāṃ vasaṃti ye |
dehāṃte tatparaṃ jñānaṃ teṣāṃ dāsyati śaṃkaraḥ || 33 ||
[Analyze grammar]

iyaṃ kāśīpurī vipra sākṣādrudratanuḥ parā |
anirvācyā parānaṃdā duṣprāpyeśavirodhibhiḥ || 34 ||
[Analyze grammar]

asyāstattvamahaṃ jāne śivabhaktiparopi vā |
mucyaṃte jaṃtavo'traiva yathā yogena yoginaḥ || 35 ||
[Analyze grammar]

paraṃpadamiyaṃ kāśī parānaṃda iyaṃ purī |
iyameva paraṃ jñānaṃ sevyā'sau mokṣakāṃkṣibhiḥ || 36 ||
[Analyze grammar]

atroṣitvāpīśabhaktānviruṇaddhi tu yaḥ kudhīḥ |
puryaidruhyati vā mūḍhastasyānyatrātra no gatiḥ || 37 ||
[Analyze grammar]

kapālamocanaṃ tīrthaṃ puraskṛtvā tu bhairavaḥ |
tatraiva tasthau bhaktānāṃ bhakṣayannaghasaṃtatim || 38 ||
[Analyze grammar]

pāpabhakṣaṇamāsādya kṛtvāpāpaśatānyapi |
kuto bibheti pāpebhyaḥ kālabhairavasevakaḥ || 39 ||
[Analyze grammar]

āmardayati pāpāni duṣṭānāṃ ca manorathān |
āmardaka iti khyātastato'sau kālabhairavaḥ || 40 ||
[Analyze grammar]

kalikālaṃ kalayati sadā kāśī nivāsinām |
ataḥ khyātiṃ parāṃ prāptaḥ kālabhairavasaṃjñitām || 41 ||
[Analyze grammar]

sadaiva yasya bhaktebhyo yamadūtāḥ sudāruṇāḥ |
paramāṃ bhīrutāṃ prāptāstatosau bhairavaḥ smṛtaḥ || 42 ||
[Analyze grammar]

mārgaśīrṣāsitāṣṭamyāṃ kālabhairavasaṃnidhau |
upoṣya jāgaraṃ kurvanmahāpāpaiḥ pramucyate || 43 ||
[Analyze grammar]

yatkiṃcidaśubhaṃ karma kṛtaṃ mānuṣabuddhitaḥ |
tatsarvaṃ vilayaṃ yāti kālabhairava darśanāt || 44 ||
[Analyze grammar]

anekajanmaniyutairyatkṛtaṃ jaṃtubhistvagham |
tatsarvaṃ vilayatyāśu kālabhairava darśanāt || 45 ||
[Analyze grammar]

kṛtvā ca vividhāṃ pūjāṃ mahāsaṃbhāravistaraiḥ |
naro mārgāsitāṣṭamyāṃ vārṣikaṃ vighnamutsṛjet || 46 ||
[Analyze grammar]

aṣṭamyāṃ ca caturdaśyāṃ ravibhūmijavāsare |
yātrāṃ ca bhairavīṃ kṛtvā kṛtaiḥ pāpaiḥ pramucyate || 47 ||
[Analyze grammar]

kālabhairava bhaktānāṃ sadā kāśīnivāsinām |
vighnaṃ yaḥ kurute mūḍhaḥ sa durgatimavāpnuyāt || 48 ||
[Analyze grammar]

viśveśvarepi ye bhaktā no bhaktāḥ kālabhairave |
kāśyāṃ te vighnasaṃghātaṃ labhaṃte tu pade pade || 49 ||
[Analyze grammar]

tīrthe kālodake snātvā kṛtvā tarpaṇamatvaraḥ |
vilokya kālarājaṃ ca nirayāduddharetpitṝn || 150 ||
[Analyze grammar]

aṣṭau pradakṣiṇīkṛtya pratyahaṃ pāpabhakṣaṇam |
naro na pāpairlipyeta manovākkāyasaṃbhavaiḥ || 51 ||
[Analyze grammar]

tasminnāmardake pīṭhe japtvāsvābhīṣṭadevatām |
ṣaṇmāsaṃ siddhimāpnoti sādhako bhairavājñayā || 52 ||
[Analyze grammar]

vārāṇasyāmuṣitvā yo bhairavaṃ na bhajennaraḥ |
tasya pāpāni vardhaṃte śuklapakṣe yathā śaśī || 53 ||
[Analyze grammar]

yaṃ yaṃ saṃcitayetkāmaṃ pāpabhakṣaṇasevayā |
balipūjopahāraiśca taṃ taṃ sa samavāpnuyāt || 54 ||
[Analyze grammar]

kālarājaṃ na yaḥ kāśyāṃ pratibhūtāṣṭamīkujam |
bhajettasyakṣayetpuṇyaṃ kṛṣṇapakṣe yathā śaśī || 55 ||
[Analyze grammar]

śrutvādhyāyamimaṃ puṇyaṃ brahmahatyāpanodakam |
bhairavotpattisaṃjñaṃ ca sarvapāpaiḥ pramucyate || 56 ||
[Analyze grammar]

baṃdhanāgārasaṃsthopi prāptopi vipadaṃ parām |
prādurbhāvaṃ bhairavasya śrutvā mucyeta saṃkaṭāt || 57 ||
[Analyze grammar]

iti śrīskāṃde mahāpurāṇa ekāśīti sāhasryāṃ saṃhitāyāṃ caturthe kāśīkhaṃḍe pūrvārddhe bhairavaprādurbhāvonāmekatriṃśodhyāyaḥ || 31 ||
[Analyze grammar]

Other editions:

Also see the following editions of the Sanskrit text or (alternative) English translations of the Skandapurana Chapter 31

Cover of edition (2007)

The Skanda-Purana
by G. V. Tagare (2007)

(23 Volumes) - Motilal Banarsidass Publishers Pvt. Ltd.

Buy now!
Cover of edition (2016)

Skanda Purana (Hindi Translation)
by S. N. Khandelwal (2016)

(Set of 10 Books) - Chowkhamba Sanskrit Series Office

Buy now!
Cover of Bengali edition

Skanda Purana in Bengali
by Navabharat Publishers, Kolkata (0)

স্কন্ধ পুরাণম: - (Set of 7 Volumes)

Buy now!
Cover of edition (0)

Skanda Purana in Kannada
by Vandana Book House, Bangalore (0)

ಶ್ರೀ ಸ್ಕಾಂದ ಮಹಾಪುರಣಂ: (Set of 25 Volumes)

Buy now!
Cover of Gujarati edition

Skanda Mahapurana (Gujarati)
by Sahitya Sangam, Ahemdabad (2017)

સ્કંદ મહાપુરાણ: (Condensed/Summary)

Buy now!
Cover of edition (2015)

Shri Skanda purana (Malayalam)
by M.P. Pillai kaniyanthara (2015)

(Condensed/Summary) - Devi Book Stall, Kodungallur

Buy now!
Let's grow together!

I humbly request your help to keep doing what I do best: provide the world with unbiased sources, definitions and images. Your donation direclty influences the quality and quantity of knowledge, wisdom and spiritual insight the world is exposed to.

Let's make the world a better place together!

Like what you read? Consider supporting this website: