Chapter 23

[English text for this chapter is available]

śivaśarmovāca |
satyalokeśvara vidhe sarveṣāṃ prapitāmaha |
kiṃcidvijñaptukāmosmi na bhayādvaktumutsahe || 1 ||
[Analyze grammar]

brahmovāca |
yattvaṃ praṣṭumanā vipra jñātaṃ te tanmanogatam |
pipṛcchiṣustvaṃ nirvāṇaṃ gaṇau tatkathayiṣyataḥ || 2 ||
[Analyze grammar]

netayorviṣṇugaṇayoragocaramihāsti hi |
sarvametau vijānīto yatkiṃcidbrahmago lake || 3 ||
[Analyze grammar]

ityuktvā satkṛtāste vai brahmaṇā bhagavadgaṇāḥ |
praṇamya lokakartāraṃ te'pi hṛṣṭāḥ pratasthire || 4 ||
[Analyze grammar]

punaḥ svayānamāruhya vaikuṃṭhamabhito yayuḥ |
gacchatāpi punastatra dvijenāpṛcchitau gaṇau || 5 ||
[Analyze grammar]

śivaśarmovāca |
kiyaddūre vayaṃ prāptā gaṃtavyaṃ ca kiyatpunaḥ |
pṛcchāmyanyacca vāṃ bhadrau brūtaṃ prītyā tadapyaho || 6 ||
[Analyze grammar]

kāṃcyavaṃtī dvāravatī kāśyayodhyā ca paṃcamī |
māyāpurī ca mathurā puryaḥ sapta vimuktidāḥ || 7 ||
[Analyze grammar]

vihāya ṣaṭpurīścānyāḥ kāśyāmevapratiṣṭhitā |
muktirviśvasṛjā tatkiṃ mama muktirna saṃprati || 8 ||
[Analyze grammar]

iti sarvaṃ mama puraḥ prasādādvaktumarhatam |
iti tadvākyamākarṇya gaṇāvūcaturādarāt || 9 ||
[Analyze grammar]

gaṇāvūcatuḥ |
yathārthaṃ kathayāvaste yatpṛṣṭaṃ bhavatānagha |
viṣṇuprasādājjānīvo bhūtaṃbhāvibhavattathā || 10 ||
[Analyze grammar]

viprāvabhāsate yāvatkiraṇaiḥ puṣpavaṃtayoḥ |
tāvatībhūḥ samuddiṣṭā sasamudrādri kānanā || 11 ||
[Analyze grammar]

viyacca tāvadupari vistāraparimaṃḍalam |
yojanānāṃ ca niyute bhūmerbhānurvyavasthitaḥ || 12 ||
[Analyze grammar]

bhānoḥ sakāśādupari lakṣe lakṣyaḥ kṣapākaraḥ |
nakṣatradhaṃ ḍalaṃ somāllakṣayojanamucchritam || 13 ||
[Analyze grammar]

uḍumaṃḍalataḥ saumya upariṣṭāddvilakṣataḥ |
dvilakṣe tu budhācchukraḥ śukrādbhaumo dvilakṣake || 14 ||
[Analyze grammar]

māheyādupariṣṭācca surejyo niyutadvaye |
dvilakṣayojanotsedhaḥ saurirdevapurohitāt || 15 ||
[Analyze grammar]

daśāyutasamucchrāyaṃ saureḥ saptarṣimaṃḍalam |
saptarṣibhyaḥ sahasrāṇāṃ śatādūrdhvaṃ dhruvasthitaḥ || 16 ||
[Analyze grammar]

pādagamyaṃ hi yatkiṃcidvastvasti dharaṇītale |
tadbhūrloka iti khyātaḥ sābdhidvīpādrikānanam || 17 ||
[Analyze grammar]

bhūrlokācca bhuvarloko bradhnāvadhirudāhṛtaḥ |
ādityādādhruvaṃ vipra svarloka iti gīyate || 18 ||
[Analyze grammar]

maharlokaḥ kṣiterūrdhvamekakoṭipramāṇataḥ |
koṭidvaye tu saṃkhyāto jano bhūrlokato janaiḥ || 19 ||
[Analyze grammar]

catuṣkoṭipramāṇastu tapoloko'sti bhūtalāt |
upariṣṭātkṣiteraṣṭau koṭayaḥ satyamīritam || 20 ||
[Analyze grammar]

satyādupari vaikuṃṭho yojanānāṃ pramāṇataḥ |
bhūrlokātparisaṃkhyātaḥ koṭiṣoḍaśasaṃmitaḥ || 21 ||
[Analyze grammar]

yatrāste śrīpatiḥ sākṣātsarveṣāmabhayapradaḥ |
tatastu ṣoḍaśaguṇaḥ kailāso'sti śivālayaḥ || 22 ||
[Analyze grammar]

pārvatyā sahitaḥ śaṃbhurgajāsya skaṃda naṃdibhiḥ |
yatra tiṣṭhati viśveśaḥ sakalaḥ sa paraḥ smūtaḥ || 23 ||
[Analyze grammar]

tasya devasya khelo'yaṃ svalīlā mūrtidhāriṇaḥ |
sa viśveśa iti khyāta stasyājñākṛdidaṃ jagat || 24 ||
[Analyze grammar]

sarveṣāṃ śāsakaścāsau tasya śāstā na cāparaḥ |
svayaṃ sṛjati bhūtāni svayaṃ pāti tathātti ca || 25 ||
[Analyze grammar]

sarvajña ekaḥ sa proktaḥ svecchādhīna viceṣṭitaḥ |
tasya pravatarkaḥ kopi nahi naiva nivartakaḥ || 26 ||
[Analyze grammar]

amūrtaṃ yatparaṃ brahma samūrtaṃ śruticoditam |
sarvavyāpi sadā nityaṃ satyaṃ dvaitavivarjitam || 27 ||
[Analyze grammar]

sarvebhyaḥ kāraṇebhyaśca parātparataraṃ param |
ānaṃdaṃ brahmaṇo rūpaṃ śrutayo yatpracakṣate || 28 ||
[Analyze grammar]

saṃvidaṃ tena yaṃ vedā viṣṇurveda na vai vidhiḥ |
yato vāco nivartaṃte hyaprāpya manasā saha || 29 ||
[Analyze grammar]

svayaṃvedyaḥ paraṃ jyotiḥ sarvasya hṛdi saṃsthitaḥ |
yogigamyastvanākhyeyo yaḥ pramāṇaikagocaraḥ || 30 ||
[Analyze grammar]

nānārūpopyarūpo yaḥ sarvagopi na gocaraḥ |
anaṃtopyaṃtaka vapuḥ sarvavitkarmavarjitaḥ || 31 ||
[Analyze grammar]

tasyedamaiśvaraṃ rūpaṃ khaṃḍacaṃdrāvataṃsakam |
tamālaśyāmalagalaṃ sphuradbhālavilocanam || 32 ||
[Analyze grammar]

lasadvāmārdhanārīkaṃ kṛtaśeṣaśubhāṃgadam |
gaṃgātaraṃgasatsaṃga sadādhautajaṭātaṭam || 33 ||
[Analyze grammar]

smarāṃgarajaḥpuṃja pūjitāvayavojjvalam |
vicitragātravidhṛtamahāvyālavibhūṣaṇam || 34 ||
[Analyze grammar]

mahokṣasyaṃdanagamaṃ virutājagavāyudham |
gajājinottarāsaṃgaṃ daśārdhavadanaṃ śubham || 35 ||
[Analyze grammar]

uttrāsita mahāmṛtyu mahābalagaṇāvṛtam |
śaraṇārthikṛtatrāṇaṃ nata nirvāṇakāraṇam |
manorathapathātītaṃ varadānaparāyaṇam || 36 ||
[Analyze grammar]

tasya tattvasvarūpasya rūpātītasya bho dvija |
parāvare rudrarūpe sarvevyāpyāvatiṣṭhata || 37 ||
[Analyze grammar]

nirākāropi sākāraḥ śiva eva hi kāraṇama |
muktaye bhuktaye vāpi na śivānmokṣado paraḥ || 38 ||
[Analyze grammar]

yathā tenākhilaṃ hyetatpārvatīpatisātkṛtama |
idaṃ carācaraṃ sarvaṃ dṛśyādṛśyamarūpiṇā || 39 ||
[Analyze grammar]

tathā mṛḍānīkāṃtena viṣṇusādakhilaṃjagata |
vidhāya krīḍyate vipra nityaṃ svacchaṃda līlayā || 40 ||
[Analyze grammar]

yathāśivastathā viṣṇuryathāviṣṇustathā śivaḥ |
aṃtaraṃ śivaviṣṇvośca manāgapi na vidyate || 41 ||
[Analyze grammar]

āhūya pūrvaṃ brahmādīnsamastāndevatāgaṇān |
vidyādharoragādīṃśca siddhagaṃdharvacāraṇān || 42 ||
[Analyze grammar]

nijasiṃhāsanasamaṃ kṛtvā siṃhāsanaṃ śubham |
upaveśya hariṃ tatra cchatraṃ kṛtvā manoharam || 43 ||
[Analyze grammar]

ślakṣṇaṃ koṭiśalākaṃ ca viśvakarmavinirmitam |
pāṃḍuraṃ ratnadaṃḍaṃ ca sthūlamuktāvalaṃbitam || 44 ||
[Analyze grammar]

kalaśena vicitreṇa hyupariṣṭādvirājitam |
sahasrayojanāyāmaṃ sarvaratnamayaṃ śubham || 45 ||
[Analyze grammar]

paṭṭasūtramayairamyaiścāmaraiśca pariṣkṛtam |
rājābhiṣekayogyaiśca dravyaiḥ sarvauṣadhādibhiḥ || 46 ||
[Analyze grammar]

pratyakṣatīrthapāthobhiḥ paṃcakuṃbhairmanoharaiḥ |
siddhārthākṣatadūrvābhirmaṃtraiḥ svayamupasthitaiḥ || 47 ||
[Analyze grammar]

devānāṃ ca tatharṣīṇāṃ siddhānāṃ phaṇināmapi |
ānīya maṃgalakarāḥ kanyāḥ ṣoḍaśaṣoḍaśa || 48 ||
[Analyze grammar]

vīṇāmṛdaṃgābjabherī maru ḍiṃḍimajharjharaiḥ |
ānakaiḥ kāṃsyatālādyai rvādyairlalitagāyanaiḥ || 49 ||
[Analyze grammar]

brahmaghoṣamahārāvairāpūritanabhoṃgaṇe |
śubhe tithau śubhe lagne tārācaṃdrabalānvite || 50 ||
[Analyze grammar]

ābaddhamukuṭaṃ ramyaṃ kṛtakautukamaṃgalam |
mṛḍānīkṛtaśṛṃgāraṃ suśriyā suśriyāyutam || 51 ||
[Analyze grammar]

abhiṣicya maheśena svayaṃ brahmāṃḍamaṃḍape |
dattaṃ samastamaiśvaryaṃ yannijaṃ nānyagāmi ca || 52 ||
[Analyze grammar]

tatastuṣṭāva deveśaḥ pramathaiḥ saha śārṅgiṇam |
brahmāṇaṃ lokakartāramuvāca ca vacastvidam || 53 ||
[Analyze grammar]

mama vaṃdyastvayaṃ viṣṇuḥ praṇamatvamamuṃ harim |
ityuktvātha svayaṃ rudro nanāma garuḍadhvajam || 54 ||
[Analyze grammar]

tato gaṇeśvaraiḥ sarvaiṃrbrahmaṇā ca marudgaṇaiḥ |
yogibhiḥ sanakādyaiśca siddhairdevarṣibhistathā || 55 ||
[Analyze grammar]

vidyādharaiḥ sagaṃdharvairyakṣarakṣopsarogaṇaiḥ |
guhyakaiścāraṇairbhūtaiḥ śeṣa vāsuki takṣakaiḥ || 56 ||
[Analyze grammar]

patatribhiḥ kiṃnaraiśca sarvaiḥ sthāvarajaṃgamaiḥ |
tato jayajayetyuktvā namostviti namostviti || 57 ||
[Analyze grammar]

tatoharirmaheśena saṃsadi dyusadāṃ tadā |
etairmahāravai ramyaiścānarci paramārciṣā || 58 ||
[Analyze grammar]

tvaṃ kartā sarvabhūtānāṃ pātā hartā tvameva ca |
tvameva jagatāṃ pūjyastvameva jagadīśvaraḥ || 59 ||
[Analyze grammar]

dātā dharmārthakāmānāṃ śāstā durnayakāriṇām |
ajeyastvaṃ ca saṃgrāme mamāpi hi bhaviṣyasi || 60 ||
[Analyze grammar]

icchāśaktiḥ kriyāśaktirjñānaśaktistathottamā |
śaktitrayamidaṃ viṣṇo gṛhāṇa prāpitaṃ mayā || 61 ||
[Analyze grammar]

tvaddveṣṭāro hare nūnaṃ mayā śāsyāḥ prayatnataḥ |
tvadbhaktānāṃ mayā viṣṇo deyaṃ nirvāṇamuttamam || 62 ||
[Analyze grammar]

māyāṃ cāpi gṛhāṇemāṃ duṣpraṇodyāṃ surāsuraiḥ |
yayā saṃmohitaṃ viśvamakiṃcijjñaṃ bhaviṣyati || 63 ||
[Analyze grammar]

vāmabāhurmadīyastvaṃ dakṣiṇosau pitāmahaḥ |
asyāpi hi vidheḥ pātā janitāpi bhaviṣyasi || 64 ||
[Analyze grammar]

vaikuṃṭhaiśvaryamāsādya hareritthaṃ haraḥ svayam |
kailāse pramathaiḥ sārdhaṃ svairaṃ krīḍatyumāpatiḥ || 65 ||
[Analyze grammar]

tadā prabhṛti devosau śārṅgadhanvā gadādharaḥ |
trailokyamakhilaṃ śāsti dānavāṃtakaro hariḥ || 66 ||
[Analyze grammar]

iti te kathitā vipra lokānāṃ ca paristhitiḥ |
idānīṃ kathayiṣyāvastavanirvāṇa kāraṇam || 67 ||
[Analyze grammar]

idaṃ tu paramākhyānaṃ śṛṇuyādyaḥ samāhitaḥ |
svarlokamabhigamyātha kāśyāṃ nirvāṇamāpnuyāt || 68 ||
[Analyze grammar]

yajñotsave vivāhe ca maṃgaleṣvakhileṣvapi |
rājyābhiṣeka samaye devasthāpanakarmaṇi || 69 ||
[Analyze grammar]

sarvādhikāradāneṣu navaveśmapraveśane |
paṭhitavyaṃ prayatnena tatkārya parisiddhaye || 70 ||
[Analyze grammar]

aputro labhate putramadhano dhanavānbhavet |
vyādhito mucyate rogādbaddho mucyeta baṃdhanāt || 71 ||
[Analyze grammar]

japyametatprayatnena satataṃ maṃgalārthinā |
amaṃgalānāṃ śamanaṃ haranārāyaṇapriyama || 72 ||
[Analyze grammar]

iti śrīskāṃde mahāpurāṇa ekāśītisāhasryāṃ saṃhitāyāṃ caturthe kāśīkhaṃḍe pūrvārddhe caturbhujābhiṣeko nāma trayoviṃśatitamo'dhyāyaḥ || 23 ||
[Analyze grammar]