Chapter 20

[English text for this chapter is available]

gaṇāvūcatuḥ |
auttānapādirnirgatya tataḥ kānanato dvija |
ramyaṃ madhuvanaṃ prāpa yamunāyāstaṭe mahata || 1 ||
[Analyze grammar]

ādyaṃ bhagavataḥ sthānaṃ tatpuṇyaṃ harimedhasaḥ |
pāpopi jaṃtustatprāpya niṣpāpo jāyate dhruvam || 2 ||
[Analyze grammar]

japansa vāsudevākhyaṃ paraṃbrahma nirāmayam |
apaśyattanmayaṃ viśvaṃ dhyānastimitalocanaḥ || 3 ||
[Analyze grammar]

harirharitsu sarvāsu harirharimarīciṣu |
śivāmṛgamṛgeṃdrādi rūpaḥ kānanago hariḥ || 4 ||
[Analyze grammar]

jale śālūrakūrmādi rūpeṇa bhagavānhariḥ |
hariraśvādirūpeṇa maṃdurāsvapi bhūbhujām || 5 ||
[Analyze grammar]

anaṃtarūpaḥ pātāle gagane'naṃtasaṃjñakaḥ |
ekopyanaṃtatāṃ yāto rūpabhedairanaṃtakaiḥ || 6 ||
[Analyze grammar]

deveṣu yo vasennityaṃ devānāṃ vasatirhi yaḥ |
sa vāsudevaḥ sarvatra dīvyedyadvāsanāvaśāt || 7 ||
[Analyze grammar]

viṣlṛvyāptāvayaṃdhāturyatrasārthakatāṃ gataḥ |
te viṣṇunāma svarūpe hi sarvavyāpanaśīlini || 8 ||
[Analyze grammar]

sarveṣāṃ ca hṛṣīkāṇāmīśanātparameśvaraḥ |
hṛṣīkeśa iti khyāto yaḥ sa sarvatrasaṃsthitaḥ || 9 ||
[Analyze grammar]

na cyavaṃtepi yadbhaktā mahati pralaye sati |
ato'cyuto'khile loke sa ekaḥ sarvago'vyayaḥ || 10 ||
[Analyze grammar]

idaṃ carācaraṃ viśvaṃ yo babhāra svalīlayā |
bhṛtyāsvarūpasaṃpattyā so'tra viśvaṃbharo'khilam || 11 ||
[Analyze grammar]

tasyekṣaṇe samīkṣete nānyadvipṇupadādṛte |
nirīkṣyaḥ puṃḍarīkākṣo nānyo niyamato hyataḥ || 12 ||
[Analyze grammar]

nānya śabdagrahau tasya jātau śabdagrahāvapi |
vinā mukuṃda goviṃda dāmodara caturbhuja || 13 ||
[Analyze grammar]

goviṃdacaraṇārthārcāṃ tatpriyaṃkarmavai vinā |
śaṃkhacakrāṃkitau tasya nānyakarmakaraukarau || 14 ||
[Analyze grammar]

nirdvaṃdvacaraṇadvaṃdvaṃ tanmano manute hareḥ |
hitvānyanmananaṃ sarvaṃ niścalatvamavāpa ha || 15 ||
[Analyze grammar]

caraṇau viṣṇuśaraṇau hitvā nārāyaṇāṃgaṇam |
tasya no caratonyatra carato vipulaṃ tapaḥ || 16 ||
[Analyze grammar]

vāṇīpramāṇī kriyate goviṃdaguṇavarṇane |
joṣaṃ samāsatā tena mahāsāraṃ tapasyatā || 17 ||
[Analyze grammar]

nitāṃtakamalākāṃta nāmadheyasudhārasam |
rasayaṃtī na rasanā tasyānyarasaspṛhā || 18 ||
[Analyze grammar]

śrīmukuṃda padadvaṃdva padmāmodapramoditam |
gaṃdhāṃtaraṃ na tadghrāṇaṃ parijighratyaśīghragam || 19 ||
[Analyze grammar]

tvagiṃdriyaṃ madhuripoḥ parispṛśya padadvayam |
sarvasparśasukhaṃ prāpa tasya bhūjānijanmanaḥ || 20 ||
[Analyze grammar]

śabdādiviṣayādhāraṃ sāraṃ dāmodaraṃ param |
dhruveṃdriyāṇi saṃprāpya kṛtārthānyabhavaṃstadā || 21 ||
[Analyze grammar]

luptāni sarvatejāṃsi tattapastapanodaye |
caṃdrasūryānalarkṣāṇāṃ pradīpita jagattraye || 22 ||
[Analyze grammar]

iṃdra caṃdrāgni varuṇa samīraṇa dhanādhipāḥ |
yama nairṛtamukhyāśca jātāḥ svapadaśaṃkitāḥ || 23 ||
[Analyze grammar]

vaimānikāstathā'nyepi vasumukhyā divaukasaḥ |
tato dhuvātsamuttresuḥ svādhikāraidhitādhayaḥ || 24 ||
[Analyze grammar]

yatra yatra dhruvaḥ pādaṃ minoti pṛthivītale |
dharā tasya bharākrāṃtā vinamettatra tatra vai || 25 ||
[Analyze grammar]

aho tadaṃgasaṃgīni tyaktvā jāḍyaṃ jalānyapi |
rasavaṃti padasthāni sphuraṃtyanyatra tadbhayāt || 26 ||
[Analyze grammar]

yāvaṃti viṣvaktejāṃsi siddharūpaguṇāni ca |
netrātithīni tāvaṃti tattapastejasā'bhavan || 27 ||
[Analyze grammar]

aho nijaguṇasparśaḥ satataṃ mātariśvanā |
dūradeśāṃtarasthopi tattvaco viṣayīkṛtaḥ || 28 ||
[Analyze grammar]

vyomnāpi śabdaguṇinā dhruvārādhanabuddhinā |
śabdajātastvaśeṣopi tatkarṇa śaraṇīkṛtaḥ || 29 ||
[Analyze grammar]

ārādhito'nudivasaṃ sabhūtairapi paṃcabhiḥ |
tapa eva paraṃ mene goviṃdārpita mānasaḥ || 30 ||
[Analyze grammar]

kaustubhodbhāsitahṛdaḥ pītakauśeyavāsasaḥ |
dhyānāttejomayaṃ viśvaṃ tenaikṣi nṛpasūnunā || 31 ||
[Analyze grammar]

marutvatātimahatī ciṃtā'ptā tattapobhayāt |
matpadaṃ cedakāṃkṣiṣyadahariṣyaddhruvaṃ dhuvaḥ || 32 ||
[Analyze grammar]

samarthastvapsarovargo niyaṃtuṃ yamināṃ yamān |
sa tu yūni prabhavati nātra bāle karomi kim || 33 ||
[Analyze grammar]

tapasvināṃ tapo haṃtuṃ dvau matsāhāyyakāriṇau |
kāmakraudhau na tāvasminprabhavetāṃ śiśau dhruve || 34 ||
[Analyze grammar]

eka eva kilopāyo bāle me prabhaviṣyati |
bhūtāliṃ bhīṣaṇākārāṃ prahiṇomīha tadbhiye || 35 ||
[Analyze grammar]

bālatvādbhīṣito bhūtaistapastyakṣyatyasau dhruvam |
iti niścitya bhūtāliṃ preṣayāmāsa vāsavaḥ || 36 ||
[Analyze grammar]

bhallūkākārasarvāṃga uṣṭralaṃbaśirodharaḥ |
kaściddurdarśadaśanastvabhyadhāvattamarbhakam || 37 ||
[Analyze grammar]

taṃ vyāghravadanaḥ kaścidvyādāya vikaṭānanam |
dvipocca dehasaṃsthāno muhurgarjansamabhyagāt || 38 ||
[Analyze grammar]

rayāttu māṃsakaṃ bhuṃjankaścidvikaṭadaṃṣṭrakaḥ |
roṣāttamabhidudrāva dṛṣṭvā saṃtarjayanniva || 39 ||
[Analyze grammar]

atitīkṣṇairviṣāṇāgraistaṭānuccānvidārayan |
khurāgrairdalayanbhūmiṃ mahokṣo'bhijagarjatam || 40 ||
[Analyze grammar]

kaściddhi pannagī bhūya phaṭāṭopabhayānakaḥ |
atiloladvirasanaḥ pusphūrjanikaṣācitam || 41 ||
[Analyze grammar]

kaścicca mahiṣākāraḥ kṣipañśṛṃgāgrato giron |
lāṃgūlatāḍitadharaḥ śvasanvegāttamāptavān || 42 ||
[Analyze grammar]

kaściddāvānalālīḍha kharjūradrumasannibham |
bibhradūrudvayaṃbhūto vyāttāsyastamabhīṣayat || 43 ||
[Analyze grammar]

maulijairabhrasaṃgharṣaṃ kurvandīrghakṛśodaraḥ |
nimagnapiṃganayanaḥ kaścidbhīṣayati sma tam || 44 ||
[Analyze grammar]

kṛpāṇapāṇirbhagnāsyo vāmahastakapāladhṛt |
pracaṃḍaṃ kṣveḍayankaścidabhyadhāvattamarbhakam || 45 ||
[Analyze grammar]

viśāla sālamādāya kurvankila kilāravam |
kaścittamabhito yāti kālo daṃḍadharo yathā || 46 ||
[Analyze grammar]

tamaḥ saṃketasadanaṃ vyāghraṃ vai vadanaṃ mahat |
kṛtāṃtakaṃ darākāraṃ bibhratkaścittamabhyagāt || 47 ||
[Analyze grammar]

ulūkākāratāṃ dhṛtvā phūtkārairatidāruṇaiḥ |
hṛdayākaṃpanaiḥ kaścidbhīṣayāmāsa taṃ dhruvam || 48 ||
[Analyze grammar]

yakṣiṇī kācidānīya rudaṃtaṃ kasyacicchiśum |
apibadrudhiraṃ koṣṭhāccakhādāsthi mṛṇālavat || 49 ||
[Analyze grammar]

pipāsitādya rudhiraṃ tepi pāsyāmyahaṃ dhuva |
yathāsya bālasya tathā carvitvāsthīni vādinī || 50 ||
[Analyze grammar]

anīya tṛṇadārūṇi paristīrya samaṃtataḥ |
dāvāgniṃ jvālayāmāsa kācidvātyāvivardhitam || 51 ||
[Analyze grammar]

vetālī rūpamāsthāya bhaṃktvā kācittarūngirīn |
rurodha gaganādhvānaṃ kaṃpayaṃtī ca taṃ bhṛśam || 52 ||
[Analyze grammar]

anyā sunītirūpeṇa tamabhiprekṣya dūrataḥ |
rurodātīvaduḥkhārtā vakṣoghātaṃ muhurmuhuḥ || 53 ||
[Analyze grammar]

uvāca ca vacaścāṭu bahumāyā vinirmitam |
kāruṇyapūrṇa vātsalyamatīvātanvatī satī || 54 ||
[Analyze grammar]

tvadekaśaraṇāṃ vatsa bata mṛtyurjighāṃsati |
rakṣarakṣa gatāsuṃ māṃ śaraṇāgatavatsala || 55 ||
[Analyze grammar]

pratigrāmaṃ pratipuraṃ pratyadhvaṃ pratikānanam |
pratyāśramaṃ pratigiriṃ śrāṃtā tvadvīkṣaṇāturā || 56 ||
[Analyze grammar]

yadā prabhṛti re bāla niragāttapase bhavān |
tadeva dinamārabhya nirgatā'haṃ tvadīkṣaṇe || 57 ||
[Analyze grammar]

taistaiḥ sapatnīdurvākyairdunopi tvaṃ yathārbhaka |
tathā'hamapi dūnāsmi nitarāṃ tadvaco'gninā || 58 ||
[Analyze grammar]

na nidrāmi na jāgarmi nāśnāmi na pibāmyaham |
dhyāyāmi kevalaṃ tvā'haṃ yoginīva viyoginī || 59 ||
[Analyze grammar]

nidrādaridranayanā svapnepi na tavānanam |
ānaṃdi sarvathā yanme maṃdabhāgyā vilokaye || 60 ||
[Analyze grammar]

tvadānanapratinidhirvidhurvidhurayā mayā |
uditvaropināloki tāpaṃ vai tyaktukāmayā || 61 ||
[Analyze grammar]

tvadālāpasamālāpaṃ kalayankilakākalīm |
kokilopi mayākarṇi nālakākīrṇakarṇayā || 62 ||
[Analyze grammar]

tvadaṃgasaṃgamadhuro dhruvadhūpitayāmayā |
nānilopi mayāliṃgi kvacidviśrāṃtayā bhṛśam || 63 ||
[Analyze grammar]

ke deśāḥ kāśca saritaḥ ke śailāstvatkṛte dhruva |
mayā caraṇacāriṇyā rājapatnyā na laṃghitāḥ || 64 ||
[Analyze grammar]

adhruvaṃ sarvamevaitatpaśyaṃtyaṃdhīkṛtāsmyaham |
dhātrīṃ trāyasva māṃ putra prāpya tvaṃmeṃ'dhayaṣṭitām || 65 ||
[Analyze grammar]

mṛdulāni tavāṃgāni kvemāni kva tapastvidam |
paruṣaṃ puruṣaiḥ sādhyaṃ paruṣāṃgairnararṣabha || 66 ||
[Analyze grammar]

anena tapasā vatsa tvayā'pyaṃ kimanenasā |
dharādhīśatanūjatvādadhikaṃ tadvadādhunā || 67 ||
[Analyze grammar]

anena vayasā bāla khelanīyaṃ tvayā'niśam |
bālakrīḍanakairanyaiḥ savayaḥ śiśubhiḥ samam || 68 ||
[Analyze grammar]

tataḥ kaumāramāsādya vayo'bhidhyānaśīlinā |
bhavatā sarvavidyānāṃ bhāvyaṃ vai pāradṛśvanā || 69 ||
[Analyze grammar]

vayotha caturaṃ prāpya yoṣāsrakcaṃdanādikān |
nirvekṣyasi bahūnbhogāniṃdriyārthānkṛtārthayan || 70 ||
[Analyze grammar]

utpādyātha bahūnputrānguṇino dharmavatsalān |
parisaṃkrāmitaśrīkasteṣvatho tvaṃ tapaścara || 71 ||
[Analyze grammar]

idānīmeva tapasi bālye vayasi kaḥ śramaḥ |
pādāṃguṣṭhakarīṣāgniḥ kadā maulimavāpsyati || 72 ||
[Analyze grammar]

vipakṣaparibhūtena hṛtamānena kenacit |
paribhraṣṭaśriyā vāpi taptavyaṃ teṣu ko bhavān || 73 ||
[Analyze grammar]

hṛtamānena taptavyaṃ niśamyeti vaco dhruvaḥ |
dīrghamuṣṇaṃ hi niḥśvasya punardadhyau hariṃ hṛdi || 74 ||
[Analyze grammar]

janayitrīmanābhāṣya bhūtabhītiṃ vihāya ca |
dhruvo'cyutadhyānaparaḥ punareva babhūva ha || 75 ||
[Analyze grammar]

sāpi bhūtāvalī bhītiṃbahubhīṣaṇabhūṣaṇā |
darśayaṃtī tamabhito'drākṣīccakraṃ sudarśanam || 76 ||
[Analyze grammar]

paritaḥ pariveṣābhaṃ sūryasyoccaiḥ sphuratprabham |
rakṣaṇāya ca rakṣobhyastasyādhokṣaja nirmitam || 77 ||
[Analyze grammar]

bhūtāvalī tamālokya sphuraccakrasudarśanam |
jvālāmālākulaṃ tīvraṃ rakṣaṃtaṃ parito dhruvam || 78 ||
[Analyze grammar]

atīva niṣkaṃpahṛdaṃ govidārpitacetasam |
tapoṃkuramivodbhidya medinīṃ samuditvaram || 79 ||
[Analyze grammar]

sāpi pratyutabhītātaṃ dhruvaṃ dhruvaviniścayam |
namaskṛtya yathāyātaṃ yātāvyarthamanorathā || 80 ||
[Analyze grammar]

garjatkādaṃbinījālaṃ vyomni vai vyākulaṃ yathā |
vṛthā bhavati saṃprāpya manāganilalolatām || 81 ||
[Analyze grammar]

atha jaṃbhāriṇā sārdhaṃ bhītāḥ sarve divaukasaḥ |
saṃmaṃtrya tvaritā jagmurbrahmāṇaṃ śaraṇaṃ dvija || 82 ||
[Analyze grammar]

natvā vijñāpayāmāsuḥ pariṣṭutyā pitāmaham |
vacro'vasaramālokya pṛṣṭāgamanakāraṇāḥ || 83 ||
[Analyze grammar]

devā ūcuḥ |
dhātaruttānapādasya tanayena suvarcasā |
tapatā tāpitāḥ sarve trilokī talavāsinaḥ || 84 ||
[Analyze grammar]

samyaksaṃvidmahe tāta dhuvasya na manīṣitam |
padaṃ parijihīrṣuḥ sa kasyāsmāsu mahātapāḥ || 85 ||
[Analyze grammar]

iti vijñāpito devairvihasya caturānanaḥ |
pratyuvācātha tānsarvāndhruvato bhītamānasān || 86 ||
[Analyze grammar]

brahmovāca |
na bhetavyaṃ surāstasmāddhruvāddhruvapadaiṣiṇaḥ |
vrajaṃtu vijvarāḥ sarve na sa vaḥ padamicchati || 87 ||
[Analyze grammar]

na tasmādbhagavadbhaktādbhetavyaṃ kenacitkvacit |
niścitaṃ viṣṇubhaktā ye na te syuḥ paratāpinaḥ || 88 ||
[Analyze grammar]

ārādhya viṣṇuṃ deveśaṃ labdhvā tasmātsvakāṃkṣitam |
bhavatāmapi sarveṣāṃ padāni sthirayiṣyati || 89 ||
[Analyze grammar]

niśamyeti ca gīrvāṇāḥ praṇītaṃ brahmaṇo vacaḥ |
praṇipatya svadhiṣṇyāni prahṛṣṭāḥ parivavrajuḥ || 90 ||
[Analyze grammar]

atha nārāyaṇo devastaṃ dṛṣṭvā dṛḍhamānasam |
ananyaśaraṇaṃ bālaṃ gatvā tārkṣyaratho'bravīt || 91 ||
[Analyze grammar]

śrīviṣṇuruvāca |
prasannosmi mahābhāga varaṃ varaya suvrata |
tapaso'smānnivartasva ciraṃ khinnosi bālaka || 92 ||
[Analyze grammar]

vaco'mṛtaṃ samākarṇya paryunmīlya vilocane |
iṃdranīlamaṇijyotiḥ paṭalīṃ paryalokayat || 93 ||
[Analyze grammar]

pratyagravikasannīlotpalānāṃ nikuraṃbakaiḥ |
protphullitāṃ samaṃtācca rodasī sarasīmiva || 94 ||
[Analyze grammar]

lakṣmīdevīkaṭākṣoghaiḥ kaṭākṣitamivākhilam |
dhuvastadāniraikṣiṣṭa dyāvābhūmyoryadaṃtaram || 95 ||
[Analyze grammar]

prodyatkādaṃbinīmadhya vidyuddāmasamānaruk |
puraḥ pītāṃbaraḥ kṛṣṇastena netrātithīkṛtaḥ || 96 ||
[Analyze grammar]

nabho nikaṣa pāṣāṇo merukāṃcana rekhitaḥ |
yathātathā dhruveṇaikṣi tadā garuḍavāhanaḥ || 97 ||
[Analyze grammar]

sunīlagaganaṃ yadvadbhūṣitaṃ tu kalāvatā |
pītena vāsasā yuktaṃ sa dadarśa hariṃ tadā || 98 ||
[Analyze grammar]

daṃḍavatpraṇipatyātha paritaḥ pariluṭhya ca |
ruroda dṛṣṭveva ciraṃ pitaraṃ duḥkhitaḥ śiśuḥ || 99 ||
[Analyze grammar]

nāradena sanaṃdena sanakena susaṃstutaḥ |
anyaiḥ sanatkumārādyairyogibhiryogināṃ varaḥ || 100 ||
[Analyze grammar]

kāruṇyavāṣpanīrārdra puṃḍarīkavilocanaḥ |
dhruvamutthāpayāṃcakre cakrī dhṛtvā kareṇa tam || 1 ||
[Analyze grammar]

haristu paripasparśa tadaṃgaṃ dhūlidhūsaram |
karābhyāṃ sukaṭhorābhyāṃ nityaṃ śāstraparigrahāt || 2 ||
[Analyze grammar]

sparśanāddevadevasya susaṃskṛtamayī śubhā |
vāṇī pravṛttā tasyāsyāttuṣṭāvātha dhruvo harim || 103 ||
[Analyze grammar]

iti śrīskāṃde mahāpurāṇa ekāśītisāhasryāṃ saṃhitāyāṃ caturthe kāśīkhaṃḍe pūrvārddhe dhruvākhyāne bhagavaddarśananāma viṃśatitamo'dhyāyaḥ || 20 ||
[Analyze grammar]