Chapter 13

[English text for this chapter is available]

gaṇāvūcatuḥ |
imāṃ gaṃdhavatīṃ puṇyāṃ purīṃ vāyorvilokaya |
vāruṇyā uttare bhāge mahābhāgyanidhe dvija || 1 ||
[Analyze grammar]

asyāṃ prabhaṃjano nāma jagatprāṇodigīśvaraḥ |
ārādhya śrīmahādevaṃ dikpālatvamavāptavān || 2 ||
[Analyze grammar]

purā kaśyapadāyādaḥ pūtātmeti ca viśrutaḥ |
dhūrjaṭe rājadhānyāṃ sa cacāra vipulaṃ tapaḥ || 3 ||
[Analyze grammar]

vārāṇasyāṃ mahābhāgo varṣāṇāmayutaṃ śatam |
sthāpayitvā mahāliṃgaṃ pāvanaṃ pavaneśvaram || 4 ||
[Analyze grammar]

yasya darśanamātreṇa pūtātmā jāyate naraḥ |
pāpakaṃcukamutsṛjya sa vasetpāvane pure || 5 ||
[Analyze grammar]

tatastasyogratapasā tapasāphaladaḥ śivaḥ |
āvirāsīttato liṃgājjyotīrūpo maheśvaraḥ || 5 ||
[Analyze grammar]

uvāca ca prasannātmā karuṇāmṛtasāgaraḥ |
uttiṣṭhottiṣṭha pūtātmanvaraṃ varaya suvrata || 7 ||
[Analyze grammar]

anena tapasogreṇa liṃgasyārādhanena ca |
tavādeyaṃ na pūtātmaṃstrailokye sacarācare || 8 ||
[Analyze grammar]

pūtātmovāca |
devadevamahādeva devānāmabhayaprada |
brahmanārāyaṇeṃdrādi sarvadevapadaprada || 9 ||
[Analyze grammar]

vedāstvāṃ na ca viṃdaṃti kimātmaka iti prabho |
prāptāḥ śatapathatvaṃ ca netinetītivādinaḥ || 10 ||
[Analyze grammar]

brahmaviṣṇvopi girāṃ gocaro na ca vākpateḥ |
pramatheśaṃ kathaṃ stotuṃ mādṛśaḥ prabhavetprabho || 11 ||
[Analyze grammar]

prasahya pramimīteśa bhaktirmāṃstutikarmaṇi |
karomi kiṃ jagannātha na vaśyānīṃdriyāṇi me || 12 ||
[Analyze grammar]

viśvaṃ tvaṃ nāsti vai bhedastvamekaḥ sarvago yataḥ |
stutyaṃ stotā stutistvaṃ ca saguṇo nirguṇo bhavān || 13 ||
[Analyze grammar]

sargātpurā bhavāneko rūpanāma vivarjitaḥ |
yoginopi na te tattvaṃ viṃdaṃti paramārthataḥ || 14 ||
[Analyze grammar]

yadaikalo na śaknoṣi raṃtuṃ svairacara prabho |
tadicchā tavayotpannā sevyā śaktirabhūttava || 15 ||
[Analyze grammar]

tvameko dvitvamāpannaḥ śivaśaktiprabhedataḥ |
tvaṃ jñānarūpo bhagavānsvecchā śaktisvarūpiṇī || 16 ||
[Analyze grammar]

ubhābhyāṃ śivaśaktibhyā yuvābhyāṃ nijalīlayā |
utpāditā kriyāśaktistataḥ sarvamidaṃ jagat || 17 ||
[Analyze grammar]

jñānaśaktirbhavānīśa icchāśaktirumā smṛtā |
kriyāśaktiridaṃ viśvamasya tvaṃ kāraṇaṃ tataḥ || 18 ||
[Analyze grammar]

dakṣiṇāṃgaṃ tava vidhirvāmāṃgaṃ tava cācyutaḥ |
caṃdrasūryāgninetrastvaṃ tvanniḥśvāsaḥ śrutitrayam || 19 ||
[Analyze grammar]

tvatsvedādaṃbunidhayastava śrotraṃ samīraṇaḥ |
bāhavaste daśadiśo mukhaṃ te brāhmaṇāḥ smṛtāḥ || 20 ||
[Analyze grammar]

rājanyavaryāste bāhu vaiśyā ūrusamudbhavāḥ |
padbhyāṃ śūdrastaveśāna keśāste jaladāḥ prabho || 21 ||
[Analyze grammar]

tvaṃ puṃ prakṛtirūpeṇa brahmāṃḍamasṛjaḥ purā |
madhye brahmāṃḍamakhilaṃ viśvametaccarācaram || 22 ||
[Analyze grammar]

atastvatto na manye'haṃ kiṃcidbhinnaṃ jaganmaya |
tvayi sarvāṇi bhūtāni sarvabhūtamayo bhavān || 23 ||
[Analyze grammar]

namastubhyaṃ namastubhyaṃ namastu'bhyaṃ namonamaḥ |
ayameva varo nātha tvayi me'stu sthirā matiḥ || 24 ||
[Analyze grammar]

ityuktavati deveśa stasminpūtātmani prabhuḥ |
svamūrtitvaṃ samāropya dikpālapadamādadhe || 25 ||
[Analyze grammar]

sarvago mama rūpeṇa sarvatattvāvabodhakaḥ |
sarveṣāmāyuṣorūpaṃ bhavāneva bhaviṣyati || 26 ||
[Analyze grammar]

tava liṃgamidaṃ divyaṃ ye drakṣyaṃtīha mānavāḥ |
sarvabhogasamṛddhāste tvallokasukhabhāginaḥ || 27 ||
[Analyze grammar]

pavamāneśvaraṃ liṃgaṃ madhye janmasakṛnnaraḥ |
yathoktavidhinā pūjya sugaṃdhasnapanādibhiḥ || 28 ||
[Analyze grammar]

sugaṃdhacaṃdanaiḥ puṣpairmama loke mahīyate |
jyeṣṭheśātpaścimebhāge vāyukuṃḍottareṇa tu || 29 ||
[Analyze grammar]

pāvamānaṃ samārādhya pūto bhavati tatkṣaṇāt |
iti dattvā varāndevastasmiṃlliṃge layaṃ yayau || 30 ||
[Analyze grammar]

gaṇāvūcatuḥ |
iti gaṃdhavatī puryāḥ svarūpaṃ te nirūpitam |
tasyāḥ prācyāṃ kuberasya śrīmatyeṣālakāpurī || 31 ||
[Analyze grammar]

śaṃbhoḥ sakhitvamāpede nāthosyā bhaktiyogataḥ |
nidhīnāṃ padmamukhyānāṃ dātā bhoktā harārcanāt || 32 ||
[Analyze grammar]

śivaśarmovāca |
kosau kasya punaḥ kīdṛgbhaktirasya sadāśive |
yayā sakhitvamāpanno devadevasyadhūrjaṭeḥ || 33 ||
[Analyze grammar]

iti śrotuṃ mama manaḥ śrutigocaratāṃ gatam |
yuvayorvāksudhāsvāda medurodaramaṃtharam || 34 ||
[Analyze grammar]

gaṇāvūcatuḥ |
śivaśarmanmahāprājña pariśuddheṃdriyeśvara |
sutīrthakṣālitāśeṣajanmajātamahāmala || 35 ||
[Analyze grammar]

suhṛdi premasaṃpanne tvayyanudyaṃ na kiṃcana |
sādhubhiḥ saha saṃvādaḥ sarvaśreyo'bhivṛddhaye || 36 ||
[Analyze grammar]

āsītkāṃpilyanagare somayājikulodbhavaḥ |
dīkṣito yajñadattākhyo yajñavidyāviśāradaḥ || 37 ||
[Analyze grammar]

vedavedāṃgavedārthānvedoktācāracaṃcuraḥ |
rājamānyo bahudhano vadānyaḥ kīrtibhājanam || 38 ||
[Analyze grammar]

agniśuśrūṣaṇarato vedādhyayanatatparaḥ |
tasya putro guṇanidhiścaṃdrabiṃbasamākṛtiḥ || 39 ||
[Analyze grammar]

kṛtopanayanaḥ sotha vidyāṃ jagrāha bhūriśaḥ |
atha pitrānabhijñāto dyūtakarmarato'bhavat || 40 ||
[Analyze grammar]

ādāyādāya bahuśo dhanaṃ mātuḥ sakāśataḥ |
dadāti dyūtakārebhyo maitrī taiśca cakāra saḥ || 41 ||
[Analyze grammar]

saṃtyakta brāhmaṇācāraḥ saṃdhyāsnānaparāṅmukhaḥ |
niṃdako vedaśāstrāṇāṃ devabrāhmaṇaniṃdakaḥ || 42 ||
[Analyze grammar]

smṛtyācāravihīnastu gītavādyavinodabhāk |
naṭapākhaṃḍibhaṃḍaiśca baddhapremaparaṃparaḥ || 43 ||
[Analyze grammar]

preritopi jananyā sa na yāti pituraṃtikam |
gṛhakāryāṃtaravyagro dīkṣito dīkṣitāyinīm || 44 ||
[Analyze grammar]

yadā yadaiva tāṃ pṛcchedayeguṇanidhiḥ sutaḥ |
na dṛśyate mayā gehe kva yāti vidadhāti kim || 45 ||
[Analyze grammar]

tadā tadeti sā brūyādidānīṃ sa bahirgataḥ |
snātvā samarcya vai devānetāvaṃtamanehasam || 46 ||
[Analyze grammar]

adhītyādhyayanārthaṃ sa dvitrairmitraiḥ samaṃ yayau |
ekaputreti tanmātā pratārayati dīkṣitam || 47 ||
[Analyze grammar]

na tatkarma ca tadvṛttaṃ kiṃcidvetti sa dīkṣitaḥ |
sa ca keśāṃtakarmāsya kṛtvā varṣe'tha ṣoḍaśe || 48 ||
[Analyze grammar]

gṛhyoktena vidhānena pāṇigrāhamakārayat |
pratyahaṃ tasya jananī sutaṃ guṇanidhiṃ mṛdu || 49 ||
[Analyze grammar]

śāsti snehārdrahṛdayā krodhanaste pitetyalam |
yadi jñāsyati te vṛttaṃ tvāṃ ca māṃ tāḍayiṣyati || 50 ||
[Analyze grammar]

ācchādayāmi te nityaṃ pituragre kuceṣṭitam |
lokamānyosti te tātaḥ sadācārairna vai dhanaiḥ || 51 ||
[Analyze grammar]

brāhmaṇānāṃ dhanaṃ putra sadvidyā sādhusaṃgamaḥ |
sacchrotriyāstvanūcānā dīkṣitāḥ somayājinaḥ || 52 ||
[Analyze grammar]

iti rūḍhimiha prāptāstava pūrvapitāmahāḥ |
tyaktvā durvṛttasaṃsargaṃ sādhusaṃgarato bhava || 53 ||
[Analyze grammar]

sadvidyā sumano dhehi brāhmaṇācāramācara |
tavānurūpārūpeṇa vayasākulaśīlataḥ || 54 ||
[Analyze grammar]

ūnaviṃśatiko'si tvameṣā ṣoḍaśavārṣikī |
tava patnī guṇanidhe sādhvī madhurabhāṣiṇī || 55 ||
[Analyze grammar]

etāṃ saṃvṛṇu sadvṛttāṃ pitṛbhaktiyutā bhava |
śvaśuropi hi te mānyaḥ sarvatra guṇaśīlataḥ || 56 ||
[Analyze grammar]

tato'patrapase kiṃ na tyaja durvṛttatāṃ śiśo |
mātulāste'tulāḥ putra vidyāśīlakulādibhiḥ || 57 ||
[Analyze grammar]

tebhyopi na bibheṣi tvaṃ śuddhosyubhaya vaṃśataḥ |
paśyaitānprativeśmasthānbrāhmaṇānāṃ kumārakān || 58 ||
[Analyze grammar]

gṛhepi śiṣyānpaśyaitānpituste vinayocitān |
rājāpi śroṣyati yadā tava duśceṣṭitaṃ suta || 59 ||
[Analyze grammar]

śraddhāṃ vihāya te tāte vṛttilopaṃ kariṣyati |
bālaceṣṭitamevaitadvadaṃtyadyāpi te janāḥ || 60 ||
[Analyze grammar]

anaṃtaraṃ hasiṣyaṃti yuktaṃ dīkṣitatāstviti |
sarvepyākṣārayiṣyaṃti tava vipraṃ ca māṃ ca vai || 61 ||
[Analyze grammar]

mātuścaritraṃ tanayo dhatte durbhāṣaṇairiti |
pitā pitena pāpīyāñcchrutismṛtipathīnakim || 62 ||
[Analyze grammar]

tadaṃghrilīnamanaso mama sākṣī maheśvaraḥ |
na cartusnātayāpīha mukhaṃ duṣṭasya vīkṣitam || 63 ||
[Analyze grammar]

aho balīyānsavidhiryena jātā bhavāniti |
pratikṣaṇaṃ jananyeti śikṣyamāṇotidurmadaḥ || 64 ||
[Analyze grammar]

na tatyāja ca taddharmaṃ durbodho vyasanī yataḥ |
mṛgayā madya paiśunya veśyācauryadurodaraiḥ || 65 ||
[Analyze grammar]

sapāradārairvyasanairebhiḥ kotra na khaṃḍitaḥ |
yadyanmadhye gṛhe paśyettattannītvā sudurmatiḥ || 66 ||
[Analyze grammar]

arpayeddyūtakārāṇāṃ sakupyaṃ vasanādikam |
navaratnamayīṃ mātuḥ karataḥ piturūrmikāma || 67 ||
[Analyze grammar]

svapaṃtyāstvekadā'dāya durodarikare'rpayat |
ekadā gacchatā rājabhavanānnijamudrikā || 68 ||
[Analyze grammar]

dīkṣitena parijñātā daivāddyūtakṛtaḥ kare |
uvāca dīkṣitastaṃ ca kuto labdhā tvayormikā |
pṛṣṭastenātha nirbaṃdhādasakṛtpratyuvāca kim || 69 ||
[Analyze grammar]

mamākṣipasi viproccaiḥ kiṃ mayā caurya karmaṇā |
labdhā mudrā tvadīyena putreṇaiṣā mamārpitā || 70 ||
[Analyze grammar]

mama māturhi pūrve dyurjitvānīto hi śāṭakaḥ |
na kevalaṃ mamāpyetadaṃgulīyaṃ samarpitam || 71 ||
[Analyze grammar]

anyeṣāṃ dyūtakartṛṇāṃ bhūri tenārpitaṃ vasu |
ratnakupyadukūlāni bhṛṃgāruprabhṛtīni ca || 72 ||
[Analyze grammar]

bhājanāni vicitrāṇi kāṃsya tāmramayāni ca |
nagnīkṛtyaprati dinaṃ baddhyaṃte dyūtakāribhiḥ || 73 ||
[Analyze grammar]

na tena sadṛśaḥ kaścidākṣiko bhūmimaṃḍale |
adya yāvattvayā vipra durodaraśiromaṇiḥ || 74 ||
[Analyze grammar]

kathaṃ nājñāyi tanayo 'vinayānayakovidaḥ |
iti śrutvā trapābhāra vinamratarakaṃdharaḥ || 75 ||
[Analyze grammar]

prāvṛtya vāsasā mauliṃ prāviśannijamaṃdiram |
mahāpativratāmāsya patnīṃ provāca tāmatha || 76 ||
[Analyze grammar]

dīkṣitāyini kutrāsi kva te guṇanidhiḥ sutaḥ |
atha tiṣṭhatu kiṃ tena kva sā mama śubhormikā || 77 ||
[Analyze grammar]

aṃgodvartana kāle yā tvayā meṃ'gulito hṛtā |
navaratnamayīṃ śīghraṃ tāmānīya prayaccha me || 78 ||
[Analyze grammar]

iti śrutvātha tadvākyaṃ bhītā sā dīkṣitāyinī |
provāca sā tu mādhyāhnīṃ kriyāṃ niṣpādayatvatha || 79 ||
[Analyze grammar]

vyagrāsmi devapūjārthamupahārādi karmaṇi |
samayoyamatikrāmedatithīnāṃ priyātithe || 80 ||
[Analyze grammar]

idānīmeva pakvānnakaraṇavyagrayā mayā |
sthāpitā bhājane kvāpi vismṛteti na vedmyaham || 81 ||
[Analyze grammar]

dīkṣita uvāca |
haṃho satputrajanani nityaṃ satyaprabhāṣiṇi |
yadāyadā tvāṃ saṃpṛcche tanayaḥ kva gatastviti || 82 ||
[Analyze grammar]

tadātadeti tvaṃ brūyā nāthedānīṃ sa nirgataḥ |
adhītyādhyayanārthaṃ ca dvitrairmitraiḥ sayugbahiḥ || 83 ||
[Analyze grammar]

kutastvacchāṭakaḥ patni māṃjiṣṭho yo mayā'rpitaḥ |
laṃbate vastradhānyāṃyastathyaṃ brūhi bhayaṃ tyaja || 84 ||
[Analyze grammar]

sāṃprataṃ nekṣyate sopi bhṛṃgārurmaṇimaṃḍitaḥ |
paṭṭasūtramayīsāpi tripaṭī kva nṛpārpitā || 85 ||
[Analyze grammar]

kva dākṣiṇātyaṃ tatkāṃsyaṃ gauḍī tāmraghaṭī kva sā |
nāgadaṃtamayī sā kva sukhakautukamaṃcikā || 86 ||
[Analyze grammar]

kva sā parvatadeśīyā caṃdrakāṃtaśilodbhavā |
dīpikā vyagrahastāgrā sālaṃkṛcchālabhaṃjikā || 87 ||
[Analyze grammar]

kiṃ bahūktena kulaje tubhyaṃ kupyāmyahaṃ vṛthā |
tadābhyavahariṣyehamupayaṃsyāmyahaṃ yadā || 88 ||
[Analyze grammar]

anapatyosmi tenāhaṃ duṣṭena kuladūṣiṇā |
uttiṣṭhānaya darbhāṃbu tasmai dadyāṃ tilāṃjalim || 89 ||
[Analyze grammar]

aputratvaṃ varaṃ nṛṇāṃ kuputrātkulapāṃsanāt |
tyajedekaṃ kulasyārthe nītireṣā sanātanī || 90 ||
[Analyze grammar]

snātvā nityavidhiṃ kṛtvā tasminnevāhnikasyacit |
śrotriyasya sutāṃ prāpya pāṇiṃ jagrāha dīkṣitaḥ || 91 ||
[Analyze grammar]

śrutvā tathā sa vṛttāṃtaṃ prāktanaṃ svaṃ viniṃdya ca |
kāṃciddiśaṃ samālocya niryayau dīkṣitāṃgajaḥ || 92 ||
[Analyze grammar]

ciṃtāmavāpa mahatīṃ kva yāmi karavāṇi kim |
nāhamabhyastavidyosmi na caivāsti dhanosmyaham || 93 ||
[Analyze grammar]

deśāṃtare hyasti dhanaḥ sadvidyaḥ sukhamedhate |
bhayamasti dhane caurātsavidyaḥ sarvato'bhayaḥ || 94 ||
[Analyze grammar]

yāyajūke kule janma kvakva me vyasanaṃ tathā |
aho balīyānsa vidhirbhāvikarmānusaṃdhayet || 95 ||
[Analyze grammar]

bhikṣituṃ nādhigacchāmi na me paricitaḥ kvacit |
na ca pārśve dhanaṃ kiṃcitkimatra śaraṇaṃ bhavet || 96 ||
[Analyze grammar]

sadābhyudite bhānau prasūrme mṛṣṭabhojanam |
dadyādadyātra kaṃ yāce yāceha jananī na me || 97 ||
[Analyze grammar]

iti ciṃtayatastasya bhānurastācalaṃ gataḥ |
etasminneva samaye kaścinmāheśvaro naraḥ || 98 ||
[Analyze grammar]

mahopahārānādāya nagarādbahirabhyagāt |
samabhyarcitumīśānaṃ śivarātrāvupoṣitaḥ || 99 ||
[Analyze grammar]

pakvānnagaṃdhamāghrāya kṣudhitaḥ sa tamanvagāt |
idamannaṃ mayā grāhyaṃ śivāyopaskṛtaṃ niśi || 100 ||
[Analyze grammar]

ityāśāmavalaṃbyātha dvāri śaṃbhorupāviśat |
dadarśa ca mahāpūjāṃ tena bhaktena nirmitām || 1 ||
[Analyze grammar]

vidhāya nṛtyagītādi bhaktāḥ suptāḥ kṣaṇaṃ yadā |
naivedyaṃ sa tadā'dātuṃ garbhāgāraṃ viveśa ha || 2 ||
[Analyze grammar]

dīpaṃ maṃdaprabhaṃ dṛṣṭvā pakvānnāvekṣaṇāya saḥ |
nijacailāṃcalādvartiṃ dattvā samudadīpayat || 3 ||
[Analyze grammar]

tataḥ pakkānnamādāya tvaritaṃ gacchato bahiḥ |
tasya pādatalāghātātprasuptaḥ kopyabudhyata || 4 ||
[Analyze grammar]

koyaṃkoyaṃ tvarāpannaścoroyaṃ gṛhyatāmiti |
yāvadbhūyātsamāgatya tāvatsa purarakṣakaiḥ || 5 ||
[Analyze grammar]

palāyamāno nihataḥ kṣaṇātpaṃcatvamāgataḥ |
abhakṣayacca naivedyaṃ bhāvipuṇyabalānna saḥ || 6 ||
[Analyze grammar]

atha baddhaḥ samāgatya pāśamudgarapāṇibhiḥ |
ninīṣubhiḥ sayaminīṃ yāmaiḥ sa vikaṭairbhaṭaiḥ || 7 ||
[Analyze grammar]

tāvatpāriṣadāḥ prāptāḥ kiṃkiṇījālamālitam |
divyaṃvimānamādāya taṃ netuṃ śūlapāṇayaḥ || 8 ||
[Analyze grammar]

śaṃbhorgaṇānsamālokya bhītaistairyamakiṃkaraiḥ |
avādipraṇatairitthaṃ durvṛttoyaṃ gaṇā dvijaḥ || 9 ||
[Analyze grammar]

kulācārapratīpoyaṃ pitrorvākyaparāṅmukhaḥ |
satyaśaucaparibhraṣṭaḥsaṃdhyāsnānavivarjitaḥ || 110 ||
[Analyze grammar]

āstāṃ dūre'sya karmāṇi śivanirmālyahārakaḥ |
pratyakṣato'tra vīkṣadhvamaspṛśyoyaṃ bhavādṛśām || 11 ||
[Analyze grammar]

śivanirmālyabhoktāraḥ śivanirmālyalaṃghakāḥ |
śivanirmālyadātāraḥ sparśasteṣāṃ hyapuṇyakṛt || 12 ||
[Analyze grammar]

viṣamāloḍya vāpe yaṃ śreyovā'naśanaṃ param |
sevitavyaṃ śivasvaṃ na prāṇaḥ kaṃṭhagatairapi || 13 ||
[Analyze grammar]

yūyaṃ pramāṇaṃ dharmeṣu yathā na ca tathā vayam |
asti ceddharmaleśosya gaṇāstacchṛṇumo vayam || 14 ||
[Analyze grammar]

itthaṃ tadvākyamākarṇya procuḥ pāriṣadāstataḥ |
kiṃkarāḥ śivadharmā ye sūkṣmāste vai bhavādṛśaiḥ || 15 ||
[Analyze grammar]

sthūlalakṣyaiḥ kathaṃ lakṣyā lakṣyā ye sūkṣmadṛṣṭibhiḥ |
anenānena sā karma yatkṛtaṃ śṛṇuteha tat || 16 ||
[Analyze grammar]

pataṃtī liṃgaśirasi dīpacchāyā nivāritā |
svacailāṃcalato'nena dattvādīpe daśāṃ niśi || 17 ||
[Analyze grammar]

aparopi paro dharmo jātastatrāsya kiṃkarāḥ |
śṛṇvatā śivanāmāni prasaṃgādapigṛhṇataḥ || 18 ||
[Analyze grammar]

bhaktena vidhinā pūjā kriyamāṇā nirīkṣitā |
upoṣite na bhūtāyāmanena sthiracetasā || 19 ||
[Analyze grammar]

kaliṃgarājobhavitā'dhunāvidhutakalmaṣaḥ |
eṣa dvijavaro dūtā yūyaṃ yāta yathāgatāḥ || 120 ||
[Analyze grammar]

pārṣadairyamadūtebhyo mocitastviti sa dvijaḥ |
ariṃdamasya tanayaḥ kaliṃgādhiterdamaḥ || 21 ||
[Analyze grammar]

kramādrājyamavāpyātha pitaryuparate yuvā |
nānyaṃ dharmaṃ vijānāti durdamo bhūpatirdamaḥ || 22 ||
[Analyze grammar]

śivālayeṣu sarveṣu dīpadānādṛte dvija |
grāmādhīśānsamāhūya sarvāntsvaviṣayasthitān || 23 ||
[Analyze grammar]

itthamājñāpayāmāsa sa me daṃḍyo bhaviṣyati |
yasya yasyābhito grāmaṃ yāvaṃtaśca śivālayāḥ || 24 ||
[Analyze grammar]

tatra tatra sadā dīpo dyotanīyo'vicāritam |
mamājñābhaṃgadoṣeṇa śiraśchetsyāmyasaṃśayam || 25 ||
[Analyze grammar]

iti tadbhayato dīptā dīpāḥ prati śivālayam |
anenaiva sa dharmeṇa yāvajjīvaṃ damo nṛpaḥ || 26 ||
[Analyze grammar]

dharmarddhi mahatīṃ prāpya kāladharmavaśaṃ gataḥ |
sadīpavāsanāyāgodbahūndīpānpradīpya vai || 27 ||
[Analyze grammar]

alakāyāḥ patirabhūdratnadīpaśikhāśrayaḥ |
evaṃ phalati kālena śive'lpamapi yatkṛtam || 28 ||
[Analyze grammar]

iti jñātvā śive kāryaṃ bhajanaṃ svasukhārthibhiḥ |
kva sa dīkṣitadāyādaḥ sarvadharma parāṅmukhaḥ || 29 ||
[Analyze grammar]

svārthadīpadaśodyota liṃgamauli tamoharaḥ |
kaliṃgaviṣaye rājyaṃ prāpto dharmaratiḥ sadā || 130 ||
[Analyze grammar]

śivālaye samuddīpya dīpānprāgvāsanodayāt |
kvaiṣā dikpālapadavī śivaśarmanvilokaya |
manuṣyadharmaṇānena sāṃprataṃ yeha bhujyate || 31 ||
[Analyze grammar]

gaṇāvūcatuḥ |
sarvadaiva śivenāsau sakhitvaṃ ca yatheyivān |
tadapyekamanā vipra saṃśṛṇuṣva bravāvahai || 32 ||
[Analyze grammar]

pādme kalpe purā vipra brahmaṇo mānasātsutāt |
pulastyādviśravā jajñe tasya vaiśravaṇaḥ sutaḥ || 33 ||
[Analyze grammar]

teneyamalakā bhuktā purī viśvakṛtā kṛtā |
ārādhyaṃ tryaṃbakaṃ devamatyugratapasā purā || 34 ||
[Analyze grammar]

vyatīte tatra kalpe vai pravṛtte meghavāhane |
yājñadattirasauśrīdastapastepe suduḥsaham || 35 ||
[Analyze grammar]

bhaktiprabhāvaṃ vijñāya śaṃbhostaddīpamātrataḥ |
purīṃ purāreḥ saṃprāpya kāśikāṃ citprakāśikām || 36 ||
[Analyze grammar]

śivaikadaśamudbodhya citraratnapradīpakam |
ananyabhaktisnehāḍhyaṃ tanmahodhyānaniścalam || 37 ||
[Analyze grammar]

śivaikyasumahāpātraṃ tapogniparibṛṃhitam |
kāmakrodhamahāvighnapataṃgāghātavarjitam || 38 ||
[Analyze grammar]

prāṇasaṃrodhanirvātaṃ nirmalaṃ nirmalekṣaṇāt |
saṃsthāpya śāṃbhavaṃ liṃgaṃ sadbhāvakusumārcitam || 39 ||
[Analyze grammar]

tāvattatāpa sa tapastvagasthipariśeṣitam |
yāvadbabhūva tadvarṣma varṣāṇāmayutaṃ śatam || 140 ||
[Analyze grammar]

tataḥ saha viśālākṣyā devo viśveśvaraḥ svayam |
alakāpatimālokya prasannenāṃtarātmanā || 41 ||
[Analyze grammar]

liṃge manaḥ samādhāya sthitaṃ sthāṇusvarūpiṇam |
uvāca varadosmīti taptvālamalakāpate || 42 ||
[Analyze grammar]

unmīlya nayane yāvatsa paśyati tapodhanaḥ |
tāvadudyatsahasrāṃśu sahasrādhika tejasam || 43 ||
[Analyze grammar]

puro dadarśa śrīkaṃṭhaṃ caṃdracūḍamumādhavam |
tattejaḥ paribhūtākṣitejāḥ saṃmīlya locane || 44 ||
[Analyze grammar]

uvāca devadeveśaṃ manorathapathātigam |
nijāṃghridarśanenātha dṛksāmarthyaṃ prayaccha me || 45 ||
[Analyze grammar]

ayameva varo nātha yattvaṃ sākṣānnirīkṣyase |
kimanyena vareṇeśa namaste śaśiśekhara || 46 ||
[Analyze grammar]

iti tadvacanaṃ śrutvā devadeva umāpatiḥ |
dadau darśanasāmarthyaṃ spṛṣṭvā pāṇitalena tam || 47 ||
[Analyze grammar]

prasārya nayane pūrvamumāmeva vyalokayat |
śaṃbhoḥ samīpe kāyoṣideṣā sarvāṃgasuṃdarī || 48 ||
[Analyze grammar]

anayā kiṃtapastaptaṃ mamāpi tapasodhikam |
aho rūpamaho prema saubhāgyaśrīraho bhṛśam || 49 ||
[Analyze grammar]

krūradṛgvīkṣate yāvatpunaḥpunaridaṃ vadan |
tāvatpusphoṭa tannetraṃ vāmaṃ vāmā vilokanāta || 150 ||
[Analyze grammar]

atha devyabravīddevaṃ kimasau duṣṭatāpasaḥ |
asakṛdvīkṣya māṃ vakti nyakkurvanme tapaḥprabhām || 51 ||
[Analyze grammar]

asakṛddakṣiṇenākṣṇā punarmāmevapaśyati |
asūyamāno me rūpaṃ premasaubhāgyasaṃpadaḥ || 52 ||
[Analyze grammar]

iti devīgiraṃ śrutvā prahasya prāha tāṃ prabhuḥ |
ume tvadīyaḥ putroyaṃ na ca krūreṇa cakṣuṣā || 53 ||
[Analyze grammar]

saṃpaśyate tapo lakṣmīṃ tava kiṃ tvadhivarṇayet |
iti devīṃ samābhāṣya tamīśaḥ punarabravīt || 54 ||
[Analyze grammar]

varāndadāmi te vatsa tapasānena toṣitaḥ |
nidhīnāmadhināthastvaṃ guhyakānāṃ bhaveśvaraḥ || 55 ||
[Analyze grammar]

yakṣāṇāṃ kinnarāṇāṃ ca rājā rājñāṃ ca suvrata |
patiḥ puṇyajanānāṃ ca sarveṣāṃ dhanado bhava || 56 ||
[Analyze grammar]

mayā sakhyaṃ ca te nityaṃ vatsyāmi ca tavāṃtike |
alakāṃ nikaṣāmitra tava prītivivṛddhaye || 57 ||
[Analyze grammar]

āgaccha pādayorasyāḥ pata te jananī tviyam |
iti dattvā varāndevaḥ punarāha śivāṃ śivaḥ |
prasādaṃ kuru deveśi tapasvinyaṃgaje'tra vai || 58 ||
[Analyze grammar]

devyuvāca |
vatsa te niścalā bhaktirbhave bhavatu sarvadā |
bhavaikāṃṣeṃgo gonetreṇa vāmena sphuṭitena ha || 59 ||
[Analyze grammar]

devena dattā ye tubhyaṃ varāḥ saṃtu tathaiva te |
kubero bhava nāmnā tvaṃ mama rūperṣyayā suta || 160 ||
[Analyze grammar]

tvayedaṃ sthāpitaṃ liṃgaṃ tava nāmnā bhaviṣyati |
siddhidaṃ sādhakānāṃ ca sarvapāpaharaṃ param || 61 ||
[Analyze grammar]

na dhanena viyujyeta na sakhyā na ca bāṃdhavaiḥ |
kubereśvaraliṃgasya kuryādyo darśanaṃ naraḥ || 62 ||
[Analyze grammar]

viśveśāddakṣiṇebhāge kubereśaṃ samarcayet |
naro lipyeta no pāpairna dāridryeṇa no'sukhaiḥ || 63 ||
[Analyze grammar]

iti dattvā varāndevo devyā saha maheśvaraḥ |
dhanadāyā viveśātha dhāma vaiśveśvaraṃ param || 64 ||
[Analyze grammar]

gaṇāvūcatuḥ |
itthaṃ sakhitvaṃ śrīśaṃbhoḥ prāpaiṣa dhanadaḥ param |
alakāṃ nikaṣācaiṣa kailāsaḥ śaṃkarālayaḥ || 65 ||
[Analyze grammar]

puryāṃ yakṣeśvarāṇāṃ te svarūpamiti varṇitam |
yacchrutvā sarvapāpebhyo naro mucyedasaṃśayam || 166 ||
[Analyze grammar]

iti śrīskāṃde mahāpurāṇe ekāśītisāhasryāṃ saṃhitāyāṃ caturthe kāśīkhaṃḍe pūrvārddhe gaṃdhavatyalakāvarṇanaṃ nāma trayodaśodhyāyaḥ || 13 ||
[Analyze grammar]