Chapter 7

[English text for this chapter is available]

agastiruvāca |
mathurāyāṃ dvijaḥ kaścidabhūdbhūdevasattamaḥ |
tasya putro mahātejāḥ śivaśarmeti viśrutaḥ || 1 ||
[Analyze grammar]

adhītyavedānvidhivadarthaṃ vijñāya tattvataḥ |
paṭhitvā dharmaśāstrāṇi purāṇānyadhigamya ca || 2 ||
[Analyze grammar]

aṃgānyabhyasya tarkāṃśca pariloḍya samaṃtataḥ |
mīmāṃsādvayamālokya dhanurvedaṃ vigāhya ca || 3 ||
[Analyze grammar]

āyurvedaṃ vicāryāpi nāṭyavede kṛtaśramaḥ |
arthaśāstrāṇyanekāni prāpyāśvagajaceṣṭitam || 4 ||
[Analyze grammar]

kalāsu ca kṛtābhyāso mantraśāstravicakṣaṇaḥ |
bhāṣāśca nānā deśānāṃ lipīrjñātvā videśajāḥ || 5 ||
[Analyze grammar]

arthānupārjya dharmeṇa bhuktvā bhogānyadṛcchayā |
utpādya putrānsuguṇāṃstebhyo hyarthaṃ vibhajya ca || 6 ||
[Analyze grammar]

yauvanaṃ gatvaraṃ jñātvā jarāṃ dṛṣṭvāśritāṃ śrutim |
cintāmavāpa mahatī śivaśarmā dvijottamaḥ || 7 ||
[Analyze grammar]

paṭhato me gataḥ kālastathopārjayato dhanam |
nārādhito maheśānaḥ karmanirmūlanakṣamaḥ || 8 ||
[Analyze grammar]

na mayā toṣito viṣṇuḥ sarvapāpaharo hariḥ |
sarvakāmaprado nṛṇāṃ gaṇeśo nārcito mayā || 9 ||
[Analyze grammar]

tamastomaharaḥ sūryo nārci to vai mayā kvacit |
mahāmāyā jagaddhātrī na dhyātā bhavabaṃdhahṛt || 10 ||
[Analyze grammar]

na prīṇitā mayā devā yajñaiḥ sarvaiḥ samṛddhidāḥ |
tulasīvana śuśrūṣā na kṛtā pāpaśāṃtaye || 11 ||
[Analyze grammar]

na mayā tarpitā viprā mṛṣṭānnairmadhurai rasaiḥ |
ihāpi ca paratrāpi vipadāmanutārakāḥ || 12 ||
[Analyze grammar]

bahupuṣpaphalopetāḥ succhāyāḥ snigdhapallavāḥ |
pathi nāropitā vṛkṣā ihāmutraphalapradāḥ || 13 ||
[Analyze grammar]

dukūlaiḥ svānukūlaiśca colaiḥ pratyaṃgabhūṣaṇaiḥ |
nālaṃkṛtāḥ suvāsinya ihāmutrasuvāsadāḥ || 14 ||
[Analyze grammar]

dvijāya norvarā dattā yamalokanivāriṇī |
suvarṇaṃ na suvarṇāya dattaṃ duritahṛtparam || 15 ||
[Analyze grammar]

nālaṃkṛtā savatsā gauḥ pātrāya pratipāditā |
iha pāpāpahaṃtryāśu saptajanmasukhāvahā || 16 ||
[Analyze grammar]

ṛṇāpanuttaye mātuḥ kārito na jalāśayaḥ |
nātithistoṣitaḥ kvāpi svargamārgapradarśakaḥ || 17 ||
[Analyze grammar]

chatropānatkuṃḍikāśca nādhvagāya samarpitāḥ |
yāsyataḥ saṃyaminyāṃ hi svargamārgasukhapradāḥ || 18 ||
[Analyze grammar]

na ca kanyāvivāhārthaṃ vasu kvāpi mayārpitam |
iha saukhyasamṛddhyarthaṃ divyakanyārpakaṃ divi || 19 ||
[Analyze grammar]

na vājapeyāvabhṛthe snāto lobhavaśādaham |
iha janmani cānyasminbahumṛṣṭānnapānade || 20 ||
[Analyze grammar]

na mayā sthāpitaṃ liṃgaṃ kṛtvā devālayaṃ śubhama |
yasminsaṃsthāpite liṃgo viśvaṃ saṃsthāpitaṃ bhavet || 21 ||
[Analyze grammar]

viṣṇorāyatanaṃ naiva kṛtaṃ sarvasamṛddhidam |
na ca sūryagaṇeśānāṃ pratimāḥ kāritā mayā || 22 ||
[Analyze grammar]

na gaurī na mahālakṣmīścitrepi parilekhite |
pratimākaraṇe caiṣāṃ na kurūpo na durbhagaḥ || 23 ||
[Analyze grammar]

susūkṣmāṇi vicitrāṇi nojjvalānyaṃbarāṇyapi |
samarpitāni viprebhyo divyāṃbara samṛddhaye || 24 ||
[Analyze grammar]

na tilāśca ghṛtenāktāḥ susamiddhe hutāśane |
hutā vai mantrapūtāśca sarvapāpāpanuttaye || 25 ||
[Analyze grammar]

śrīsūktaṃ pāvamānī ca brāhmaṇo maṃḍalāni ca |
japtaṃ puruṣasūktaṃ na pāpāri śatarudriyam || 26 ||
[Analyze grammar]

aśvattha sevā na kṛtā tyaktvā cārkaṃ trayodaśīm |
sadyaḥ pāpaharā sā hi na rātrau na bhṛgordine || 27 ||
[Analyze grammar]

śayanīyaṃ na cotsṛṣṭaṃ mṛdulā ca pratūlikā |
dīpīdarpaṇasaṃyu्ktaṃ sarvabhogasamṛddhidam || 28 ||
[Analyze grammar]

ajāśvamahiṣī meṣī dāsī kṛṣṇājinaṃ tilāḥ |
sakaraṃbhāstoyakuṃbhā nāsanaṃ mṛdupāduke || 29 ||
[Analyze grammar]

pādābhyaṃgaṃ dīpadānaṃ prapādānaṃ viśeṣataḥ |
vyajanaṃ vastratāṃbūlaṃ tathānyanmukhavāsakṛta || 30 ||
[Analyze grammar]

nityaśrāddhaṃ bhūtabaliṃ tathā'tithi samarcanam |
viśantyanyāni dattvā ca praśasyāni yamālaye || 31 ||
[Analyze grammar]

na yamaṃ yamadūtāṃśca nayāmīrapi yātanāḥ |
paśyanti te puṇayabhājo naitaccāpi kṛtaṃ mayā || 32 ||
[Analyze grammar]

kṛcchracāṃdrāyaṇādīni tathā naktavratāni ca |
śarīraśuddhikārīṇi na kṛtāni kvacinmayā || 33 ||
[Analyze grammar]

gavāhnikaṃ ca nodattaṃ kokaṃḍūtirna vai kṛtā |
noddhṛtā paṃkamagnā gaurgolokasukhadāyinī || 34 ||
[Analyze grammar]

nārthinaḥ prārthitairarthaiḥ kṛtārthā hi mayā kṛtāḥ |
dehidehīti jalpāko bhaviṣyāmyanyajanmani || 35 ||
[Analyze grammar]

na vedā na ca śāstrāṇi nārdho dārā na no sutaḥ |
na kṣetraṃ na ca harmyādi māyāṃtamanuyāsyati || 36 ||
[Analyze grammar]

śivaśarmeti saṃciṃtya buddhiṃ saṃdhāya sarvataḥ |
niścikāya manasyevaṃ bhavetkṣemataraṃ mama || 37 ||
[Analyze grammar]

yāvatsvasthosti me deho yāvanneṃdriyaviklavaḥ |
tāvatsvaśreyasāṃ hetuṃ tīrthayātrāṃ karomyaham || 38 ||
[Analyze grammar]

dināni paṃcapāṇyevamativāhya gṛho dvijaḥ |
śubhe tithau śubhe vāre śubhalagnabale dvijaḥ || 39 ||
[Analyze grammar]

upoṣya rajanīmekāṃ prātaḥ śrāddhaṃ vidhāya ca |
gaṇeśānbrāhmaṇānnatvā bhuktvā prasthitavānsudhīḥ || 40 ||
[Analyze grammar]

iti niścitya nirvāṇapadaniḥśreṇikāṃ parām |
sarveṣāmeva jaṃtūnāṃ tatra saṃsthitikāriṇām || 41 ||
[Analyze grammar]

atha paṃthānamākramya kiyaṃtamapi sa dvijaḥ |
muhūrtaṃ pathi viśramyāciṃtayatprākkva yāmyaham || 42 ||
[Analyze grammar]

bhuvi tīrthānyanekāni lolamāyuścalaṃ manaḥ |
tataḥ saptapurīryāyāṃ sarvatīrthāni tatra yat || 43 ||
[Analyze grammar]

ayodhyāṃ ca purīṃ gatvā sarayūmavagāhya ca |
tattattīrtheṣu saṃtarpya pitṝnpiṃḍapradānataḥ || 44 ||
[Analyze grammar]

paṃcarātramuṣitvā tu brāhmaṇānparibhojya ca |
prayāgamagamadviprastīrtharājaṃ suhṛṣṭavat || 45 ||
[Analyze grammar]

sitā'site saricchreṣṭhe yatrāstāṃ suradurlabhe |
yatrāpluto naraḥ pāpaḥ paraṃ brahmādhigacchati || 46 ||
[Analyze grammar]

kṣetraṃ prajāpateḥ puṇyaṃ sarveṣāmeva durlabham |
labhyate puṇyasaṃbhārairnānyathārthasya rāśibhiḥ || 47 ||
[Analyze grammar]

damayaṃtīṃ kaliṃ kālaṃ kaliṃdatanayāṃ śubhām |
āgatya militā yatra puṇyā svargataraṃgiṇī || 48 ||
[Analyze grammar]

prakṛṣṭaṃ sarvayāgebhyaḥ prayāgamiti gīyate |
yajvanāṃ punarāvṛttirna prayāgārdravarṣmaṇām || 49 ||
[Analyze grammar]

yatra sthitaḥ svayaṃ sākṣācchūlaṭaṃko maheśvaraḥ |
tatrāplutānāṃ jaṃtūnāṃ mokṣavartmopadeśakaḥ || 50 ||
[Analyze grammar]

tatrā'kṣayyavaṭo'pyasti saptapātālamūlavān |
pralayepi yamāruhya mṛkaṃḍatanayo'vasat || 51 ||
[Analyze grammar]

hiraṇyagarbho vijñeyaḥ sa sākṣādvaṭarūpadhṛk |
tatsamīpe dvijānbhaktyā saṃbhojyākṣaya puṇyabhāk || 52 ||
[Analyze grammar]

yatra lakṣmīpatiḥ sākṣādvaikuṃṭhādetya mānavān |
śrīmādhavasvarūpeṇa nayedviṣṇoḥ paraṃ padam || 53 ||
[Analyze grammar]

śrutibhiḥ paripaṭhyete sitā'sita saridvare |
tatrāplutāṃ gāhyamṛtaṃ bhavaṃtīti viniścitam || 54 ||
[Analyze grammar]

śivalokādbrahmalokādumālokavarātpunaḥ |
kumāralokādvaikuṃṭhātsatyalokātsamaṃtataḥ |
tapojanamaharbhyaśca sarve svarlokavāsinaḥ |
bhuvolokācca bhūrlokānnāgalokāttathā'khilāt || 56 ||
[Analyze grammar]

acalā himavanmukhyāḥ kalpavṛkṣādayo nagāḥ |
snātuṃ māghe samāyāṃti prayāgamaruṇodaye || 57 ||
[Analyze grammar]

digaṃganāḥ prārthayaṃti yatprayāgānilānapi |
tepi naḥ pāvayiṣyaṃti kiṃ kurmaḥ paṃgavo vayam || 58 ||
[Analyze grammar]

aśvamedhādiyāgāśca prayāgasya rajaḥ punaḥ |
tulitaṃ brahmaṇā pūrvaṃ na te tadrajasā samāḥ || 59 ||
[Analyze grammar]

majjāgatāni pāpāni bahujanmārjitānyapi |
prayāganāmaśravaṇātkṣīyaṃte'tīva vihvalam || 60 ||
[Analyze grammar]

dharmatīrthamidaṃ samyagarthatīrthamidaṃ param |
kāmikaṃ tīrthametacca mokṣatīrthamidaṃ dhruvam || 61 ||
[Analyze grammar]

brahmahatyādi pāpāni tāvadgarjaṃti dehiṣu |
yāvanmajjaṃti no māghe prayāge pāpahāriṇi || 62 ||
[Analyze grammar]

tadviṣṇoḥ paramaṃ padaṃ sadā paśyaṃti sūrayaḥ |
etadyatpaṭhyate vede tatprayāgaṃ punaḥ punaḥ || 63 ||
[Analyze grammar]

sarasvatī rajo rūpā tamorūpā kaliṃdajā |
sattvarūpā ca gaṃgātra nayaṃti brahmanirguṇam || 64 ||
[Analyze grammar]

iyaṃ veṇīhi niḥśreṇī brahmaṇo vartmayāsyataḥ |
jaṃtorviśuddhadehasya śraddhā'śraddhāplutasya ca || 65 ||
[Analyze grammar]

kāśīti kācidabalā bhuvaneṣu rūḍhā lolārka keśavavilolavilocanā || |
taddoryugaṃ ca varaṇāsiriyaṃ tadīyā veṇīti yā'tra gaditā'kṣayaśarmabhūmiḥ || 66 ||
[Analyze grammar]

agastiruvāca |
sudharmiṇi guṇāṃstasya kotra varṇayituṃ kṣamaḥ |
tīrtharājaprayāgasya tīrthaiḥ saṃsevitasya ca || 67 ||
[Analyze grammar]

pāpināṃ yāni pāpāni prasahya kṣālitānyaho |
tacchuddhyai sevyate tīrthaiḥ prayāgamadhikaṃ tataḥ || 68 ||
[Analyze grammar]

prayāgasya guṇānjñātvā śivaśarmā dvijaḥ sudhīḥ |
tatra māghamuṣtvā'tha prāpa vārāṇasīṃ purīm || 69 ||
[Analyze grammar]

praveśa eva saṃvīkṣya sa dehalivināyakam |
anvaliṃpattato bhaktyā sājyasiṃdūrakardamaiḥ || 70 ||
[Analyze grammar]

nivedyamodakānpaṃca vaṃcayaṃtaṃ nijaṃ janam |
mahopasargavargebhyastatoṃ'taḥ kṣetramāviśat || 71 ||
[Analyze grammar]

āgatya dṛṣṭvā maṇikarṇikāyāmudagvahāṃ svargataraṃgiṇīṃ saḥ |
saṃkṣīṇapuṇyetarapuṇyakarmaṇāṃ nṛṇāṃ gaṇaiḥ sthāṇugaṇairivāvṛtām || 72 ||
[Analyze grammar]

sacailamāplutya jale'male'male'vilaṃbamālaṃbita śuddhabuddhiḥ |
saṃtarpya dervīṣamanuṣyadivyapitṝnpitṝnsvānsahi karmakāṃḍavit || 73 ||
[Analyze grammar]

vidhāya ca drāksa hi paṃcatīrthikāṃ viśveśamārādhya tato yathāsvam |
punaḥpunarvīkṣyapurīṃ purāreridaṃ mayālokinaveti vismitaḥ || 74 ||
[Analyze grammar]

na svaḥ purī sā tvanayā purāsamaṃ samaṃjasāpi pratisāmyamāvaheta |
prabaṃdhabhedādvyatiriktapustakapratiryathā sallipibhedabhaṃgataḥ || 75 ||
[Analyze grammar]

payopi yatratyamaciṃtyavaibhavaṃ divisthitā sādhusudhāpyatomudhā |
tathā prasūtestu payodhare payo na pīyate pītamidaṃ yadi kvacit || 76 ||
[Analyze grammar]

anāmayāściṃtanayā na yeśiturjanāmanāgyatra vinā pinākinā |
na karmasatkarmakṛtopi kurvate'nukurvate śarvagaṇāṃśca sarvataḥ || 77 ||
[Analyze grammar]

na varṇyate kaiḥ kila kāśikeyaṃ jaṃtoḥ sthitasyātra yatoṃtakāle |
pacelimaiḥ prākkṛtapuṇyabhārairoṃkāramoṃkārayatīṃdumauliḥ || 78 ||
[Analyze grammar]

saṃsāriciṃtāmaṇiratra yasmāttaṃ tārakaṃ sajjanakarṇikāyām |
śivobhidhatte sahasāṃ'takāle tadgīyatesau maṇi karṇiketi || 79 ||
[Analyze grammar]

muktilakṣmī mahāpīṭha maṇistaccaraṇābjayoḥ |
karṇikeyaṃ tataḥ prāhuryāṃ janā maṇikarṇikām || 80 ||
[Analyze grammar]

jarāyujāṃḍajodbhijjāḥ svedajāhyatra vāsinaḥ |
na samā mokṣabhājaste tridaśairmuktidurdaśaiḥ || 81 ||
[Analyze grammar]

mama janma vṛthājātaṃ durvṛttasya jaḍātmanaḥ |
nādyayāvanmayai kṣiṣṭa kāśikā muktikāśikā || 82 ||
[Analyze grammar]

punaḥpunaśca tatkṣetramatithīkṛtyanetrayoḥ |
vicitraṃ ca pavitraṃ ca tṛptiṃ nādhijagāma ha || 83 ||
[Analyze grammar]

saptānāṃ ca purīṇāṃ hi dhurī ṇāmavayāmyaham |
vārāṇasīṃ sunirvāṇaviśrāṇanavicakṣaṇām || 84 ||
[Analyze grammar]

tathāpi na catasronyā mayā dṛggocarīkṛtāḥ |
tāsāṃ prabhāvaṃ vijñāyāpyāgamiṣyāmya haṃ punaḥ || 85 ||
[Analyze grammar]

tīrthayātrāṃ pratidinaṃ kurvannūnaṃ savatsaram |
na prāpa sarvatīrthāni tīrthaṃ kāśyāṃ tiletile || 86 ||
[Analyze grammar]

agastiruvāca |
jānanna pi guṇāndevi kṣetrasyāsya parāndvijaḥ |
nānā pramāṇaiḥ pravaṇo niragātsa tathāpyaho || 87 ||
[Analyze grammar]

kiṃ kurvaṃti hi śāstrāṇi sapramāṇāni suṃdari |
mahāmāyāṃ bhavitrī tāṃ ko nivārayituṃ kṣamaḥ || 88 ||
[Analyze grammar]

kaḥ samuccalitaṃ cetastoyaṃvā saṃpratīpayet |
proccathānasthitamapi svabhāvoyaccalastayoḥ || 89 ||
[Analyze grammar]

śivaśarmā vrajansotha deśāddeśāṃtaraṃ kramāt |
mahākāla purīṃ prāpa kalikālavivarjitām || 90 ||
[Analyze grammar]

kalpekalpekhilaṃviśvaṃ kālayedyaḥ svalīlayā |
taṃ kālaṃ kalayitvā yo mahākālo bhavatkila || 91 ||
[Analyze grammar]

pāpādavaṃtī sā viśvamavaṃtīti nigadyate |
yugeyugenyanāmnī sā kalāvujjayinīti ca || 92 ||
[Analyze grammar]

vipanno yatra vai jaṃtuḥ prāpyāpi śavatāṃ sphuṭam |
na pūtigaṃdhamāpno ti samucchrayati na kvacit || 93 ||
[Analyze grammar]

yamadūtā na yasyāṃ hi praviśaṃti kadācana |
paraḥkoṭīni liṃgāni tasyāṃ saṃti padepade || 94 ||
[Analyze grammar]

hāṭakeśo mahākālastārake śastathaiva ca |
ekaliṃgaṃ tridhā bhūtvā trilokīṃ vyāpya saṃsthitam || 95 ||
[Analyze grammar]

jyotiḥ siddhavaṭe jyotiste paśyaṃtīha ye dvijāḥ |
athavāśrīmahākāladraṣṭāraḥ puṇyarāśayaḥ || 96 ||
[Analyze grammar]

mahākālasya talliṃgaṃ yairdṛṣṭaṃ kaṣṭibhiḥ kvacita |
na spṛṣṭāste mahāpāpairna dṛṣṭāste yamodbhaṭaiḥ || 97 ||
[Analyze grammar]

mahākālapatākāgraiḥ spṛṣṭapṛṣṭhāsturaṃgamāḥ |
aruṇasya kaśāghātaṃ kṣaṇaṃ viśramayaṃti khe || 98 ||
[Analyze grammar]

mahākālamahākālamahākāletisaṃtatam |
smarataḥsmarato nityaṃ smarakartṛsmarāṃtakau || 99 ||
[Analyze grammar]

evamārādhya bhūteśaṃ mahākālaṃ tato dvijaḥ |
jagāma nagarīṃ kāṃtīṃ kāṃtāṃ tribhuvanādapi || 100 ||
[Analyze grammar]

lakṣmīkāṃtaḥ svayaṃ sākṣājjaṃtūṃstatranivāsinaḥ |
śrīkāṃtāneva kurute paratreha ca niścitam || 1 ||
[Analyze grammar]

dṛṣṭvā kāṃtīṃ kāṃtimatīṃ kāṃtimadbhirniṣevitām |
kāṃtimānabhavatsopi nākāṃtistatra kasyacit || 2 ||
[Analyze grammar]

tatra kṛtyaṃ ca yatkṛtyaṃ tatkṛtvā sarvakṛtyavit |
saptarātramuṣitvā tu yayau dvāravatīṃ purīm || 3 ||
[Analyze grammar]

caturṇāmapi vargāṇāṃ yatra dvārāṇi sarvataḥ |
ato dvāravatītyuktā vidvadbhistattvavedibhiḥ || 4 ||
[Analyze grammar]

asthīnyapi ca jaṃtūnāṃ yatra cakrāṃkitānyaho |
kiṃ citraṃ tatra yatra syuḥ śaṃkhacakrāṃkitaiḥ karaiḥ || 5 ||
[Analyze grammar]

aṃtakaḥ śikṣayatyeva nijadūtānmuhurmuhuḥ |
te tyājyā yairdvāravatyā nāmāpi parigṛhyate || 6 ||
[Analyze grammar]

śrīkhaṃḍe kva sa āmodaḥ svarṇe varṇaḥ kva tādṛśaḥ |
tatpāvitryaṃ kva vai tīrthe tadgopīcaṃdane yathā || 7 ||
[Analyze grammar]

dūtāḥ śṛṇvaṃtu yadbhālaṃ gopacaṃdanalāṃchitam |
jvaladiṃgalavatsopi dūre tyājyaḥ prayatnataḥ || 8 ||
[Analyze grammar]

tulasyalaṃkṛtā ye ye tulasī nāmajāpakāḥ |
tulasīvanapālā ye te tyājyā dūrato bhaṭāḥ || 9 ||
[Analyze grammar]

yugeyuge dvāravatyā ratnāni parito muṣan |
abdhīratnākarodyāpi lokeṣu parigīyate || 110 ||
[Analyze grammar]

dvāravatyāṃ mriyaṃte ye jaṃtavaḥ kālanoditāḥ |
caturbhujāḥ syurvaikuṃṭhe te pītāṃbaradhāriṇaḥ || 11 ||
[Analyze grammar]

tatrāpi saṃtarpya pitṝnsasadevarṣimānavān |
tatra teṣu ca tīrtheṣu sasnau sarveṣvataṃdritaḥ || 12 ||
[Analyze grammar]

tato māyāpurīṃ prāpto duṣprāpāṃ pāpakāribhiḥ |
yatra sā vaiṣṇavī māyā māyāpāśairnapāśayet || 13 ||
[Analyze grammar]

kecidūcurharidvāraṃ mokṣadvāraṃ tataḥ pare |
gaṃgādvāraṃ ca kepyāhuḥ kecinmāyāpuraṃ punaḥ || 14 ||
[Analyze grammar]

yato vinirgatā gaṃgā khyātā bhāgīrathī bhuvi |
yannāmoccāraṇātpuṃsāṃ pāpaṃ yā ti sahasradhā || 15 ||
[Analyze grammar]

vaikuṃṭhasyaikasopānaṃ haridvāraṃ jagurjanāḥ |
atrāplutā narā yāṃti tadviṣṇoḥparamaṃ padam || 16 ||
[Analyze grammar]

tīrthopavāsakaṃ kṛtvā niśājāgaraṇaṃ tathā |
prātaḥ snātvā ca gaṃgāyāṃ tarpyānsaṃtarpapya sarvataḥ || 17 ||
[Analyze grammar]

yāvatsa pāraṇaṃ kartumiyeṣa dvijasattamaḥ |
tāvacchītajvarākrāṃtaścakaṃpe'tyarthamāturaḥ || 18 ||
[Analyze grammar]

vaideśikastathaikākī tathā'tijvarapīḍitaḥ |
ciṃtāmavāpa mahatī kimetatsamupasthitam || 19 ||
[Analyze grammar]

ciṃtārṇave nimagnobhūttyaktāśo jīvite dhane |
sāṃyātrika ivāgādhe bhinnapoto mahārṇave || 120 ||
[Analyze grammar]

kvakṣetraṃ kva kalatraṃ me kva putrāḥ kva ca tadvasu |
kva tadvicitraṃ vai harmyaṃ kva sā pustakasaṃbhṛtiḥ || 21 ||
[Analyze grammar]

adyāpi nāyuḥ paryāptaṃ pa litaṃ na tathā mayi |
jvaroyaṃ dāruṇaḥ prāptaḥ kālajñaścātidāruṇaḥ || 22 ||
[Analyze grammar]

mṛtyurmūrdhnikṛtāvāso vāso dūre vyavasthitaḥ |
agnau gṛhopari prāpte kūpaṃ tu khanayediha || 23 ||
[Analyze grammar]

kimebhiściṃtanairvyarthairatitāpakarairmama |
ciṃtayāmi hṛṣīkeśaṃ śivadaṃ śivameva ca || 24 ||
[Analyze grammar]

athavā muktyupāyo vai mayaikaḥ sadanuṣṭhitaḥ |
muktipuryastu saptaitāḥ svanetraviṣayīkṛtāḥ || 25 ||
[Analyze grammar]

svargāpavargayorekaḥ sādhyo hi viduṣā dhruvam |
tayorasādhane paścātsaṃtāpena ca tapyate || 26 ||
[Analyze grammar]

athavā ciṃtayā kiṃ me tvanayā duravasthayā |
raṇe vā maraṇaṃ śreyastīrthevātra yathā mama || 27 ||
[Analyze grammar]

kimahaṃ maṃdabhāgīva rathyāṃ kvāpi mriyedhunā |
bhāgīrathyāṃ mriye cādya kā ciṃtā mama mūḍhavat || 28 ||
[Analyze grammar]

carmāsthi saṃcayenāhamanena vapuṣā dhruvam |
prāpsyāmi nidhanādatra siddhiṃ naiḥśreyasīṃ dhruvam || 29 ||
[Analyze grammar]

evaṃ ciṃtayatastasya pīḍāsīdatidāruṇā |
koṭi vṛścikadaṣṭasya yāvasthā tāmavāpa saḥ || 130 ||
[Analyze grammar]

smartavyaṃ vismṛtaṃ sarvaṃ kvāhaṃ kohaṃ na vetti ca |
dināni saptasapteti sthitvā paṃcatvamāgataḥ || 31 ||
[Analyze grammar]

tāvadvaikuṭhabhuvanād vimānaṃ samupasthitam |
tārkṣyopalakṣito yatra dhvajaścātisamucchritaḥ || 32 ||
[Analyze grammar]

adhiṣṭhitaṃ sukanyānāṃ svarṇakauśeyavāsasām |
cāmaravyagrahastānāṃ sahasreṇātivistṛtam || 33 ||
[Analyze grammar]

puṇyaśīlasuśīlābhyāṃ gaṇābhyāṃ ca virājitam |
caturbhujābhyāṃ svāsyābhyāṃ kiṃkiṇījālamālitam || 34 ||
[Analyze grammar]

tadvimānamathāruhya pītavāsāścaturbhujaḥ |
alaṃcakre nabhovartma sa dvijo divyabhūṣaṇaḥ || 135 ||
[Analyze grammar]