Chapter 6

[English text for this chapter is available]

ṛṣaya ūcuḥ |
yaduktaṃ bhavatā sūta mahadākhyānamadbhutam |
śambhormāhātmyakathanamaśeṣāghaharaṃ param || 1 ||
[Analyze grammar]

bhūyopi śrotumicchāmastadeva susamāhitāḥ |
pradoṣe bhagavāñchaṃbhuḥ pūjitastu mahātmabhiḥ || 2 ||
[Analyze grammar]

saṃprayacchati kāṃ siddhimetanno brūhi suvrata |
śrutamapyasakṛtsūta bhūyastṛṣṇā pravardhate || 3 ||
[Analyze grammar]

sūta uvāca |
sādhu pṛṣṭaṃ mahāprājñā bhavadbhirlokaviśrutaiḥ |
ato'haṃ saṃpravakṣyāmi śivapūjāphalaṃ mahat || 4 ||
[Analyze grammar]

trayodaśyāṃ tithau sāyaṃ pradoṣaḥ parikīrttitaḥ |
tatra pūjyo mahādevo nānyo devaḥ phalārthibhiḥ || 5 ||
[Analyze grammar]

pradoṣapūjāmāhātmyaṃ ko nu varṇayituṃ kṣamaḥ |
yatra sarve'pi vibudhāstiṣṭhaṃti giriśāṃtike || 6 ||
[Analyze grammar]

pradoṣasamaye devaḥ kailāse rajatālaye |
karoti nṛtyaṃ vibudhairabhiṣṭutaguṇodayaḥ || 7 ||
[Analyze grammar]

ataḥ pūjā japo homastatkathāstadguṇastavaḥ |
karttavyo niyataṃ martyaiścaturvargaphalā rthibhiḥ || 8 ||
[Analyze grammar]

dāridyatimirāṃdhānāṃ martyānāṃ bhavabhīruṇām |
bhavasāgaramagnānāṃ plavo'yaṃ pāradarśanaḥ || 9 ||
[Analyze grammar]

duḥkhaśokabhayārttānāṃ kleśanirvāṇamicchatām |
pradoṣe pārvatīśasya pūjanaṃ maṃgalāyanam || 10 ||
[Analyze grammar]

durbuddhirapi nīcopi mandabhāgyaḥ śaṭho'pi vā |
pradoṣe pūjya deveśaṃ vipadbhyaḥ sa pramucyate || 11 ||
[Analyze grammar]

śatrubhirhanyamāno'pi daśyamānopi pannagaiḥ |
śailairākramyamāṇo'pi patito'pi mahāṃbudhau || 12 ||
[Analyze grammar]

āviddhakāladaṇḍo'pi nānārogahato'pi vā |
na vinaśyati martyo'sau pradoṣe giriśārcanāt || 13 ||
[Analyze grammar]

dāridryaṃ maraṇaṃ duḥkhamṛṇabhāraṃ nagopamam |
sadyo vidhūya saṃpadbhiḥ pūjyate śivapūjanāt || 14 ||
[Analyze grammar]

atra vakṣye mahāpuṇyamitihāsaṃ purātanam |
yaṃ śrutvā manujāḥ sarve prayāṃti kṛtakṛtyatām || 15 ||
[Analyze grammar]

āsīdvidarbhaviṣaye nāmnā satyaratho nṛpaḥ |
sarvadharmarato dhīraḥ suśīlaḥ satyasaṃgaraḥ || 16 ||
[Analyze grammar]

tasya pālayato bhūmiṃ dharmeṇa munipuṃgavāḥ |
vyatīyāya mahānkālaḥ sukhenaiva mahāmateḥ || 17 ||
[Analyze grammar]

atha tasya mahībharturbabhūvuḥ śālvabhūbhujaḥ |
śatravaścoddhatabalā durmarṣaṇapurogamāḥ || 18 ||
[Analyze grammar]

kadācidatha te śālvāḥ saṃnaddhabahusainikāḥ |
vidarbhanagarīṃ prāpya rurudhurvijigīṣavaḥ || 19 ||
[Analyze grammar]

dṛṣṭvā niruddhyamānāṃ tāṃ vidarbhādhipatiḥ purīm |
yoddhumabhyāyayau tūrṇaṃ balena mahatā vṛtaḥ || 20 ||
[Analyze grammar]

tasya tairabhavayuddhaṃ śālvairapi baloddhataiḥ |
pātāle pannagendrasya gandharvairiva durmadaiḥ || 21 ||
[Analyze grammar]

vidarbhanṛpatiḥ so'tha kṛtvā yuddhaṃ sudāruṇam |
pranaṣṭorubalaiḥ śālvairnihato raṇamūrdhani || 22 ||
[Analyze grammar]

tasminmahārathe vīre nihate maṃtribhiḥ saha |
dudruvuḥ samare bhagnā hataśeṣāśca sainikāḥ || 23 ||
[Analyze grammar]

atha yuddhebhivirate nadatsu ripumaṃtriṣu |
nagaryāṃ yuddhyamānāyāṃ jāte kolāhale rave || 24 ||
[Analyze grammar]

tasya satyarathasyaikā vidarbhādhipateḥ satī |
bhūriśokasamāviṣṭā kvacidyatnādviniryayau || 25 ||
[Analyze grammar]

sā niśāsamaye yatnādaṃtarvatnī nṛpāṃganā |
nirgatā śoka saṃtaptā pratīcīṃ prayayau diśam || 26 ||
[Analyze grammar]

atha prabhāte mārgeṇa gacchantī śanakaiḥ satī |
atītya dūramadhvānaṃ dadarśa vimalaṃ saraḥ || 27 ||
[Analyze grammar]

tatrāgatya varārohā taptā tāpena bhūyasā |
vilasaṃtaṃ sarastīre chāyāvṛkṣaṃ samāśrayat || 28 ||
[Analyze grammar]

tatra daivavaśādrājñī vijane tarukuṭṭime |
asūta tanayaṃ sādhvī mūhūrte sadguṇānvite || 29 ||
[Analyze grammar]

atha sā rājamahiṣī pipāsābhihatā bhṛśam |
saro'vatīrṇā cārvaṃgī grastā grāheṇa bhūyasā || 30 ||
[Analyze grammar]

jātamātraḥ kumāro'pi vinaṣṭapitṛmātṛkaḥ |
rurodoccaiḥ sarastīre kṣutpipāsārdito'balaḥ || 31 ||
[Analyze grammar]

tasminnevaṃ krandamāne jātamātre kumārake |
kācidabhyāyayau śīghraṃ diṣṭyā vipravarāṃganā || 32 ||
[Analyze grammar]

sāpyekahāyanaṃ bālamudvahantī nijātmajam |
adhanā bhartṛrahitā yācamānā gṛhegṛhe || 33 ||
[Analyze grammar]

ekātmajā baṃdhuhīnā yāñcāmārgavaśaṃgatā |
umānāma dvijasatīdadarśa nṛpanaṃdanam || 34 ||
[Analyze grammar]

sā dṛṣṭvā rājatanayaṃ sūryabiṃvamiva cyutam |
anāthamenaṃ kraṃdaṃtaṃ ciṃtayāmāsa bhūriśaḥ || 35 ||
[Analyze grammar]

aho sumahadāścaryamidaṃ dṛṣṭaṃ mayādhunā |
acchinnanābhisūtro'yaṃ śiśurmātā kva vā gatā || 36 ||
[Analyze grammar]

pitā nāsti na cānyosti nāsti baṃdhujano'pi vā |
anāthaḥ kṛpaṇo bālaḥ śete kevala bhūtale || 37 ||
[Analyze grammar]

eṣa cāṃḍālajo vāpi śūdrajo vaiśyajopi vā |
viprātmajo vā nṛpajo jñāyate kathamarbhakaḥ || 38 ||
[Analyze grammar]

śiśumenaṃ samuddhṛtya puṣṇāmyaurasavaddhruvam |
kiṃ tvavijñātakulajaṃ notsahe spraṣṭumuttamam || 39 ||
[Analyze grammar]

iti mīmāṃsamānāyāṃ tasyāṃ vipravarastriyām || 40 ||
[Analyze grammar]

kaścitsamāyayau bhikṣuḥ sākṣāddevaḥ śivaḥ svayam |
tāmāha bhikṣuvaryotha viprabhāmini mā khidaḥ || 11 ||
[Analyze grammar]

rakṣainaṃ bālakaṃ subhrurvisṛjya hṛdi saṃśayam |
anena paramaṃ śreyaḥ prāpsyase hyacirādeिha || 42 ||
[Analyze grammar]

etāvaduktvā tvarito bhikṣuḥ kāruṇiko yayau |
atha tasmingate bhikṣau viśrabdhā viprabhāminī || 43 ||
[Analyze grammar]

tamarbhakaṃ samādāya nijameva gṛhaṃ yayau |
bhikṣuvākyena viśrabdhā sā rāja tanayaṃ satī || 44 ||
[Analyze grammar]

ātmaputreṇa sadṛśaṃ kṛpayā paryapoṣayat |
ekacakrāhvaye ramye grāme kṛtaniketanā || 49 ||
[Analyze grammar]

svaputraṃ rājaputraṃ ca bhikṣānnena vyavardhayat |
brāhmaṇītanayaścaiva sa rājatanayastathā || 16 ||
[Analyze grammar]

brāhmaṇaiḥ kṛtasaṃskārau vavṛdhāte supūjitau ||
kṛtopanayanau kāle bālakau niyame sthitau || 47 ||
[Analyze grammar]

bhikṣārthaṃ ceratustatra mātrā saha dinedine |
tābhyāṃ kadācidbālābhyāṃ sā vipravanitā saha || 48 ||
[Analyze grammar]

bhaikṣyaṃ caraṃtī daivena praviṣṭā devatālayam |
tatra vṛddhaiḥ samākīrṇe munibhirdevatālaye || 19 ||
[Analyze grammar]

tau dṛṣṭvā bālakau dhīmāñchāṃḍilyo munirabravīt |
aho daivabalaṃ citramaho karma duratyayam || 50 ||
[Analyze grammar]

eṣa bālo'nyajananīṃ śrito bhaikṣyeṇa jīvati |
imāmeva dvijavadhūṃ prāpya mātaramuttamām || 51 ||
[Analyze grammar]

sahaiva dvijaputreṇa dvijabhāvaṃ samāśritaḥ |
iti śrutvā munervākyaṃ śāṃḍilyasya dvijāṃganā || 52 ||
[Analyze grammar]

sā praṇamya sabhāmadhye paryapṛcchatsavismayā |
brahmanneṣorbhako nīto mayā bhikṣorgirā gṛham || 53 ||
[Analyze grammar]

avijñātakulodyāpi sutavatparipoṣyate |
kasminkule prasūto'yaṃ kā mātā janakosya kaḥ || 54 ||
[Analyze grammar]

sarvaṃ vijñātumicchāmi bhavato jñānacakṣuṣaḥ || 55 ||
[Analyze grammar]

iti pṛṣṭo muniḥ sotha jñānadṛṣṭirdvijastriyāṃ |
ācakhyau tasya bālasya janma karma ca paurvikam || 56 ||
[Analyze grammar]

vidarbharājaputrastu tatpituḥ samare mṛtim |
tanmāturnakraharaṇaṃ sākalyena nyavedayat || 57 ||
[Analyze grammar]

atha sā vismitā nārī punaḥ prapaccha taṃ munim |
sa rājā sakalānbhogānhitvā yuddhe kathaṃ mṛtaḥ || 58 ||
[Analyze grammar]

dāridryamasya bālasya kathaṃ prāptaṃ mahāmune |
dāridryaṃ punaruddhūya kathaṃ rājyamavāpsyati || 59 ||
[Analyze grammar]

asyāpi mama putrasya bhikṣānnenaiva jīvataḥ |
dāridryaśamanopāyamupadeṣṭuṃ tvamarhasi || 60 ||
[Analyze grammar]

śāṃḍilya uvāca |
amuṣya bālasya pitā sa vidarbhamahīpatiḥ |
pūrvajanmani pāṃḍyeśo babhūva nṛpasattamaḥ || 61 ||
[Analyze grammar]

sa rājā sarvadharmajñaḥ pālayansakalāṃ mahīm |
pradoṣasamaye śaṃbhuṃ kadā citpratyapūjayat || 62 ||
[Analyze grammar]

tasya pūjayato bhaktyā devaṃ tribhuvaneśvaram |
āsītkalakalārāvaḥ sarvatra nagare mahān || 63 ||
[Analyze grammar]

śrutvā tamutkaṭaṃ śabdaṃ rājā tyaktaśivārcanaḥ |
niryayau rājabhavanānnagarakṣobhaśaṃkayā || 64 ||
[Analyze grammar]

etasminneva samaye tasyāmātyo mahābalaḥ |
śatruṃ gṛhītvā sāmaṃtaṃ rājāṃtikamupāgamat || 65 ||
[Analyze grammar]

amātyena samānītaṃ śatruṃ sāmaṃtamuddhatam |
dṛṣṭvā krodhena nṛpatiḥ śiracchedamakārayat || 66 ||
[Analyze grammar]

sa tathaiva mahīpālo visṛjya śivapūjanam |
asamāptātmaniyamaścakāra niśi bhojanam || 67 ||
[Analyze grammar]

tatputropi tathā cakre pradoṣasamaye śivam |
anarcayitvā mūḍhātmā bhuktvā suṣvāpa durmadaḥ || 68 ||
[Analyze grammar]

janmāṃtare sa nṛpatirvidarbhakṣitipo'bhavat |
śivārcanāṃtarāyeṇa parairbhogāṃtare hataḥ || 69 ||
[Analyze grammar]

tatputro yaḥ pūrvabhave sosmiñjanmani tatsutaḥ |
bhūtvā dāridryamāpannaḥ śivapūjāvyatikramāt || 70 ||
[Analyze grammar]

asya mātā pūrvabhave sapatnīṃ chadmanāhanat |
tena pāpena mahatā grāheṇāsminbhave hatā || 71 ||
[Analyze grammar]

eṣā pravṛttireteṣāṃ bhavatyai samudāhṛtā |
anarcitaśivā martyāḥ prāpnuvaṃti daridratām || 72 ||
[Analyze grammar]

satyaṃ bravīmi paralokahitaṃ bravīmi sāraṃ bravīmyupaniṣaddhṛdayaṃ bravīmi |
saṃsāramulbaṇamasāramavāpya jaṃtoḥ sāro yamīśvarapadāṃburuhasya sevā || 73 ||
[Analyze grammar]

ye nārcayaṃti giriśaṃ samaye pradoṣe ye nārcitaṃ śivamapi praṇamaṃti cānye |
etatkathāṃ śrutipuṭairna pibaṃti mūḍhāste janmajanmasu bhavaṃti narā daridrāḥ || 74 ||
[Analyze grammar]

ye vai pradoṣasamaye parameśvarasya kurvaṃtyananyamanasoṃ'ghrisarojapūjām |
nityaṃ pravṛddhadhana dhānyakalatraputrasaubhāgyasaṃpadadhikāsta ihaiva loke || 75 ||
[Analyze grammar]

kailāsaśailabhavane trijagajanitrīṃ gaurīṃ niveśya kanakāṃcitaratnapīṭhe |
nṛtyaṃ vidhātu mabhivāñchati śūlapāṇau devāḥ pradoṣasamaye'nubhajaṃti sarve || 76 ||
[Analyze grammar]

vāgdevī dhṛtavallakī śatamakho veṇuṃ dadhatpadmajastālonnidrakaro ramā bhagavatī geyaprayogānvitā |
viṣṇuḥ sāṃdramṛdaṃgavādanapaṭurdevāḥ samaṃtātsthitāḥ sevaṃte tamanu pradoṣasamaye devaṃ mṛḍānīpatim || 77 ||
[Analyze grammar]

gaṃdharvayakṣapatagoragasiddha sādhyā vidyādharāmaravarāpsarasāṃ gaṇāśca |
ye'nye trilokanilayāḥ saha bhūtavargāḥ prāpte pradoṣasamaye harapārthasaṃsthāḥ || 78 ||
[Analyze grammar]

ataḥ pradoṣe śiva eka eva pūjyo'tha nānye haripadmajādyāḥ |
tasminmaheśe vidhinejyamāne sarve prasīdaṃti surādhināthāḥ || 79 ||
[Analyze grammar]

eṣa te tanayaḥ pūrvajanmani brāhmaṇottamaḥ |
pratigrahairvayo ninye na yajñādyaiḥ sukarmabhiḥ || 80 ||
[Analyze grammar]

ato dāridryamāpannaḥ putraste dvijabhāmini |
taddoṣa parihārārthaṃ śaraṇaṃ yātu śaṃkaram || 81 ||
[Analyze grammar]