Skanda Purana [sanskrit]

876,996 words | ISBN-10: 8170800978 | ISBN-13: 9788170800972

This Sanskrit edition of the Skandapurana. It is one of the largest of the eighteen Mahapuranas, covering over 80,000 shlokas (verses). It is divided into seven large section each covering holy regions detailing their background and legends.

[English text for this chapter is available]

sūta uvāca |
evaṃ brahmarṣiṇā proktāṃ vāṇīṃ pīyūṣasannibhām |
ākarṇya mudito rājā prāṃjaliḥ punarabravīt || 1 ||
[Analyze grammar]

rājovāca |
aho satsaṃgamaḥ puṃsāmaśeṣāghapraśodhanaḥ |
kāmakrodhanihaṃtā ca iṣṭadogdhā janasya hi || 2 ||
[Analyze grammar]

mama māyātamo naṣṭaṃ jñānadṛṣṭiḥ prakāśitā |
tava darśanamātreṇa prāyohamamarottamaḥ || 3 ||
[Analyze grammar]

śrutaṃ ca pūrvacaritaṃ bālayoḥ samyagetayoḥ |
bhaviṣyadapi pṛcchāmi matputrācaraṇaṃ mune || 4 ||
[Analyze grammar]

asyāyuḥ kati varṣāṇi bhāgyaṃ vada ca kīdṛ śam |
vidyā kīrtiśca śaktiśca śraddhā bhaktiśca kīdṛśī || 5 ||
[Analyze grammar]

etatsarvamaśeṣeṇa mune tvaṃ vaktumarhasi |
tava śiṣyosmi bhṛtyosmi śaraṇaṃ tvāṃ gatosmayaham || 6 ||
[Analyze grammar]

parāśara uvāca |
atrāvācyaṃ hi yatkiṃcitkathaṃ śaktosmi śaṃsitum |
yacchrutvā dhṛtimaṃtopi viṣādaṃ prāpnuyurjanāḥ || 7 ||
[Analyze grammar]

tathāpi nirvyalīkena bhāvena paripṛcchataḥ |
avācyamapi vakṣyāmi tava snehānmahīpate || 8 ||
[Analyze grammar]

amuṣya tvatkumārasya varṣāṇi dvādaśātyayuḥ |
itaḥ paraṃ prapadyeta saptame divase mṛtim || 9 ||
[Analyze grammar]

iti tasya vacaḥ śrutvā kālakūṭamivoditam |
mūrcchitaḥ sahasā bhūmau patito nṛpatiḥ śucā || 10 ||
[Analyze grammar]

tamutthāpya samāśvāsya sa muniḥ karuṇārdradhīḥ |
uvāca mā bhairnṛpate punarvakṣyāmi te hitam || 11 ||
[Analyze grammar]

sargātpurā nirālokaṃ yadekaṃ niṣkalaṃ param |
cidānaṃdamayaṃ jyotiḥ sa ādyaḥ kevalaḥ śivaḥ || 12 ||
[Analyze grammar]

sa evādau rajorūpaṃ sṛṣṭvā brahmāṇamātmanā |
sṛṣṭikarmaniyuktāya tasmai vedāṃśca dattavān || 13 ||
[Analyze grammar]

punaśca dattavānīśa ātmatattvaikasaṃgraham |
sarvopaniṣadāṃ sāraṃ rudrādhyāyaṃ ca dattavān || 14 ||
[Analyze grammar]

yadekamavyayaṃ sākṣādbrahmajyotiḥ sanātanam |
śivātmakaṃ paraṃ tattvaṃ rudrādhyāye pratiṣṭhitam || 15 ||
[Analyze grammar]

sa ātmabhūḥ sṛjadviśvaṃ caturbhirvadanairvirāṭ |
sasarja vedāṃścaturo lokānāṃ sthitihetave || 16 ||
[Analyze grammar]

tatrāyaṃ yajuṣāṃ madhye brahmaṇo dakṣiṇānmukhāt |
aśeṣopaniṣatsāro rudrādhyāyaḥ samudgataḥ || 17 ||
[Analyze grammar]

sa eṣa munibhiḥ sarvairmarīcyatripurogamaiḥ |
saha devairdhṛtastebhyastacchiṣyā jagṛhuśca tam || 18 ||
[Analyze grammar]

tacchiṣyaśiṣyaistatputraistatputraiśca kramāgataiḥ |
dhṛto rudrātmakaḥ so'yaṃ vedasāraḥ prasāditaḥ || 19 ||
[Analyze grammar]

eṣa eva paro mantra eṣa eva paraṃ tapaḥ |
rudrādhyāyajapaḥ puṃsāṃ paraṃ kaivalyasādhanam || 20 ||
[Analyze grammar]

mahāpātakinaḥ proktā upapātakinaśca ye |
rudrādhyāyajapātsadyaste'pi yāṃti parāṃ gatim || 21 ||
[Analyze grammar]

bhūyopi brahmaṇā sṛṣṭāḥ sadasanmiśrayonayaḥ |
devatiryaṅmanuṣyādyāstataḥ saṃpūritaṃ jagat || 22 ||
[Analyze grammar]

teṣāṃ karmāṇi sṛṣṭāni svajanmānuguṇāni ca |
lokāsteṣu pravartaṃte bhuṃjate caiva tatphalam || 23 ||
[Analyze grammar]

lokasṛṣṭipravāhārthaṃ svayameva prajāpatiḥ |
dharmādharmau sasarjāgre svavakṣaḥpṛṣṭhabhāgataḥ || 24 ||
[Analyze grammar]

dharmamevānutiṣṭhaṃtaḥ puṇyaṃ viṃdaṃti tatphalam |
adharmamanutiṣṭhaṃtaste pāpaphalabhoginaḥ || 25 ||
[Analyze grammar]

puṇyakarmaphala svargo narakastadviparyayaḥ |
tayordvāvadhipau dhātrā kṛtau śatamakhāṃtakau || 26 ||
[Analyze grammar]

kāmaḥ krodhaśca lobhaśca madamānādayaḥ pare |
adharmasya sutā āsansarve narakanāyakāḥ || 27 ||
[Analyze grammar]

gurutalpaḥ surāpānaṃ tathānyaḥ pulkasīgamaḥ |
kāmasya tanayā hyete pradhānāḥ parikīrtitāḥ || 28 ||
[Analyze grammar]

krodhātpitṛvadho jātastathā mātṛvadhaḥ paraḥ |
brahmahatyā ca kanyaikā krodhasya tanayā amī || 29 ||
[Analyze grammar]

devasvaharaṇaścaiva brahmasvaharaṇastathā |
svarṇasteya iti tvete lobhasya tanayāḥ smṛtāḥ || 30 ||
[Analyze grammar]

etānāhūya cāṃḍālānyamaḥ pātakanāyakān |
narakasya vivṛddhyarthamādhipatyaṃ cakāra ha || 31 ||
[Analyze grammar]

te yamena samādiṣṭā nava pātakanāyakāḥ |
te sarve saṃgatā bhūyo ghorāḥ pātakanāyakāḥ || 32 ||
[Analyze grammar]

narakānpālayāmāsuḥ svabhṛtyaiścopapātakaiḥ |
rudrādhyāye bhuvi prāpte sākṣātkaivalyasādhane || 33 ||
[Analyze grammar]

bhītāḥ pradudruvuḥ sarve te'mī pātakanāyakāḥ |
yamaṃ vijñāpayāmāsuḥ sahānyairupapātakaiḥ || 34 ||
[Analyze grammar]

jaya deva mahārāja vayaṃ hi tava kiṃkarāḥ |
narakasya vivṛddhyarthaṃ sādhikārāḥ kṛtāstvayā || 35 ||
[Analyze grammar]

adhunā vartituṃ loke na śaktāḥ smo vayaṃ prabho |
rudrādhyāyānubhāvena nirdagdhāścaiva vidrutāḥ || 36 ||
[Analyze grammar]

grāmegrāme nadīkūle puṇyeṣvāyataneṣu ca |
rudrajāpye tu paryāpte kathaṃ loke caremahi || 37 ||
[Analyze grammar]

prāyaścittasahasraṃ vai gaṇayāmo na kiṃcana |
rudrajāpyākṣarāṇyeva soḍhuṃ bata na śaknumaḥ || 38 ||
[Analyze grammar]

mahāpātakamukhyānāmasmākaṃ lokaghātinām |
rudrajāpyaṃ bhayaṃ ghoraṃ rudrajāpyaṃ mahadviṣam || 39 ||
[Analyze grammar]

ato durviṣahaṃ ghoramasmāka vyasanaṃ mahat |
rudrajāpyena saṃprāptamapanetuṃ tvamarhasi || 40 ||
[Analyze grammar]

iti vijñāpitaḥ sākṣādyamaḥ pātakanāyakaiḥ |
brahmaṇoṃ'tikamāsādya tasmai sarvaṃ nyavedayat || 41 ||
[Analyze grammar]

devadeva jagannātha tvāmeva śaraṇaṃ gataḥ |
tvayā niyukto martyānāṃ nigrahe pāpakāriṇām || 42 ||
[Analyze grammar]

adhunā pāpino martyā na saṃti pṛthivītale |
rudrādhyāyena nihataṃ pātakānāṃ mahatkulam || 43 ||
[Analyze grammar]

pātakānāṃ kule naṣṭe narakāḥ śūnyatāṃ gatāḥ |
narake śūnyatāṃ yāte mama rājyaṃ hi niṣphalam || 44 ||
[Analyze grammar]

tasmāttvayaiva bhagavannupāyaḥ paricintyatām |
yathā me na vihanyeta svāmitvaṃ martyadehinām || 45 ||
[Analyze grammar]

iti vijñāpito dhātā yamena parikhidyatā |
rudrajāpyavighātārthamupāyaṃ paryakalpayat || 46 ||
[Analyze grammar]

aśraddhāṃ caiva durmedhāmavidyāyāḥ sute ubhe |
śraddhāmedhāvighātinyau martyeṣu paryacodayat || 47 ||
[Analyze grammar]

tābhyāṃ vimohite loke rudrādhyāyaparāṅmukhe |
yamaḥ svasthānamāsādya kṛtārtha iva so'bhavat || 48 ||
[Analyze grammar]

pūrvajanmakṛtaiḥ pāpairjāyaṃte'lpāyuṣo janāḥ |
tāni pāpāni naśyaṃti rudraṃ japtavatāṃ nṛṇām || 49 ||
[Analyze grammar]

kṣīṇeṣu sarvapāpeṣu dīrghamāyurbalaṃ dhṛtiḥ |
ārogyaṃ jñānamaiśvaryaṃ vardhate sarvadehinām || 50 ||
[Analyze grammar]

rudrādhyāyena ye devaṃ snāpayaṃti maheśvaram |
tajjalaiḥ kurvataḥ snānaṃ te mṛtyuṃ saṃtaraṃti ca || 51 ||
[Analyze grammar]

rudrādhyāyābhijaptena snānaṃ kurvaṃti yeṃ'bhasā |
teṣāṃ mṛtyubhayaṃ nāsti śivalo ke mahīyate || 52 ||
[Analyze grammar]

śatarudrābhiṣekeṇa śatāyurjāyate naraḥ |
aśeṣapāpanirmuktaḥ śivasya dayito bhavet || 53 ||
[Analyze grammar]

eṣa rudrāyutasnānaṃ karotu tava putrakaḥ |
daśavarṣasahasrāṇi modate bhuvi śakravat || 94 ||
[Analyze grammar]

avyāhatabalaiśvaryo hataśatrurnirāmayaḥ |
nirdhūtākhilapāpaughaḥ śāstā rājyamakaṃṭakam || 55 ||
[Analyze grammar]

viprā vedavidaḥ śāṃtāḥ kṛtinaḥ śaṃsitavratāḥ |
jñānayajñataponiṣṭhāḥ śivabhaktiparāyaṇāḥ || 56 ||
[Analyze grammar]

rudrādhyāya japaṃ samyakkurvaṃtu vimalāśayāḥ |
teṣāṃ japānubhāvena sadyaḥ śreyo bhaviṣyati || 57 ||
[Analyze grammar]

ityuktavaṃtaṃ nṛpatirmahāmuniṃ tameva vavre prathamaṃ kriyāgurum |
athāparāṃstyaktadhanāśayānmunīnāvāhayāmāsa sahasraśaḥ kṣaṇāt || 58 ||
[Analyze grammar]

te viprāḥ śāṃtamanasaḥ sahasraparisaṃmitāḥ |
kalaśānāṃ śataṃ sthāpya puṇya vṛkṣarasairyutam || 59 ||
[Analyze grammar]

rudrādhyāyena saṃsnāpya tamurvīpatiputrakam |
vidhivatsnāpayāmāsuḥ saṃprāpte saptame dine || 60 ||
[Analyze grammar]

snāpyamāno munijanaiḥ sa rājanyakumārakaḥ |
akasmādeva saṃtrastaḥ kṣaṇaṃ mūrcchāmavāpa ha || 61 ||
[Analyze grammar]

sahasaiva prabuddho'sau munibhiḥ kṛtarakṣaṇaḥ |
provāca kaścitpuruṣo daṃḍahastaḥ samāgataḥ || 62 ||
[Analyze grammar]

māṃ prahartuṃ kṛtamatirbhīmadaṇḍo bhayānakaḥ |
so'pi cānyairmahāvīrai puruṣairabhitāḍitaḥ || 63 ||
[Analyze grammar]

baddhvā pāśena mahatā dūraṃ nīta ivābhavat |
etāvadahamadrākṣaṃ bhavadbhiḥ kṛtarakṣaṇaḥ || 64 ||
[Analyze grammar]

ityuktavaṃtaṃ nṛpatestanūjaṃ dvijasattamāḥ |
āśīrbhiḥ pūjayāmāsurbhayaṃ rājñe nyavedayan || 65 ||
[Analyze grammar]

atha sarvānṛṣīñchreṣṭhāndakṣiṇābhirnṛpottamaḥ |
pūjayitvā varānnena bhojayitvā ca bhaktitaḥ || 66 ||
[Analyze grammar]

pratigṛhyāśiṣasteṣāṃ munīnāṃ brahmavādi nām |
bhaktyā baṃdhujanaiḥ sārdhaṃ sabhāyāṃ samupāviśat || 67 ||
[Analyze grammar]

tasminsamāgate vīre munibhiḥ saha pārthive |
ājagāma mahāyogī devarṣirnāradaḥ svayam || 68 ||
[Analyze grammar]

tamāgataṃ prekṣya guruṃ munīnāṃ sārdhaṃ sadasyairakhilairmunīṃdraiḥ |
praṇamya bhaktyā viniveśya pīṭhe kṛtopacāraṃ nṛpatirbabhāṣe || 69 ||
[Analyze grammar]

rājovāca |
dṛṣṭaṃ kimasti te brahmastrilokyāṃ kiṃcidadbhutam |
tanno brūhi vayaṃ sarve tvadvākyāmṛtalālasāḥ || 70 ||
[Analyze grammar]

nārada uvāca |
adya citraṃ mahaddṛṣṭaṃ vyomnovataratā mayā |
tacchṛṇuṣva mahārāja sahaibhirmunipuṃgavaiḥ || 71 ||
[Analyze grammar]

adya mṛtyurihāyāto nihaṃtuṃ tava putrakam |
daṃḍahasto durādharṣo lokamudbādhayansadā || 72 ||
[Analyze grammar]

īśvaropi viditvainaṃ tvatputraṃ haṃtumāgatam |
sahaiva pārṣadaiḥ kaṃcidvīrabhadramacodayat || 73 ||
[Analyze grammar]

sa āgatya haṭhānmṛtyuṃ tvatputraṃ haṃtumāgatam |
gṛhītvā sudṛḍhaṃ baddhvā daṃḍenābhyahanadruṣā || 74 ||
[Analyze grammar]

taṃ nīyamānaṃ jagadīśasannidhiṃ śīghraṃ viditvā bhagavānyamaḥ svayam |
kṛtāṃjalirdeva jayetyudīrayanpraṇamya mūrdhnā nijagāda śūlinam || 75 ||
[Analyze grammar]

yama uvāca |
 devadeva mahārudra vīrabhadra namo'stu te |
nirāgasi kathaṃ mṛtyau kopastava samutthitaḥ || 76 ||
[Analyze grammar]

nijakarmānubaṃdhena rājaputraṃ gatāyuṣam |
prahartumudyate mṛtyau koparādho vada prabho || 77 ||
[Analyze grammar]

vīrabhadra uvāca |
daśavarṣasahasrāyuḥ sa rājatanayaḥ katham |
vipattimaṃtarāyāti rudrasnānahatāśubhaḥ || 78 ||
[Analyze grammar]

asti cettava saṃdeho madvākye'pyanivārite |
citraguptaṃ samāhūya praṣṭavyo'dyaiva mā ciram || 79 ||
[Analyze grammar]

nārada uvāca |
athāhūtaścitragupto yamena sahasāgataḥ |
āyuḥpramāṇa tvatsūnoḥ paripṛṣṭaḥ sa cābravīt || 80 ||
[Analyze grammar]

dvādaśābdaṃ ca tasyāyurityuktvātha vimṛśya ca |
punarlekhyagataṃ prāha sa varṣāyutajīvitam || 81 ||
[Analyze grammar]

atha bhīto yamo rājā vīrabhadraṃ praṇamya ca |
kathaṃcinmocayāmāsa mṛtyuṃ durvārabaṃdhanāt || 82 ||
[Analyze grammar]

vīrabhadreṇa mukto'tha yamo'gānnijamaṃdiram |
vīrabhadraśca kailāsamahaṃ prāptastavāṃtikam || 83 ||
[Analyze grammar]

atastava kumāro'yaṃ rudrajāpyānubhāvataḥ |
mṛtyorbhayaṃ samuttīrya sukhī jāto'yutaṃ samāḥ || 84 ||
[Analyze grammar]

ityuktvā nṛpamāmaṃtrya nārade tridivaṃ gate |
viprāḥ sarve pramuditāḥ svasvajagmurathāśramam || 85 ||
[Analyze grammar]

itthaṃ kāśmīranṛpatī rudrādhyāyaprabhāvataḥ |
nistīryāśeṣaduḥ khāni kṛtārthobhūtsaputrakaḥ || 86 ||
[Analyze grammar]

ye kīrtayaṃti manujāḥ parameśvarasya māhātmyametadatha karṇapuṭaiḥ pibaṃti |
te janmakoṭikṛtapāpagaṇairvimuktāḥ śāṃtāḥ prayāṃti paramaṃ padamiṃdumauleḥ || 87 ||
[Analyze grammar]

iti śrīskāṃde mahāpurāṇa ekāśītisāhasryāṃ saṃhitāyāṃ tṛtīye brahmottarakhaṃḍe rudrādhyāyamahimavarṇanaṃnāmaika viṃśo'dhyāyaḥ || 21 ||
[Analyze grammar]

Other print editions:

Also see the following print editions of the Sanskrit text or (alternative) English translations of the Skandapurana Chapter 21

Cover of edition (2007)

The Skanda-Purana
by G. V. Tagare (2007)

(23 Volumes) - Motilal Banarsidass Publishers Pvt. Ltd.

Buy now!
Cover of edition (2016)

Skanda Purana (Hindi Translation)
by S. N. Khandelwal (2016)

(Set of 10 Books) - Chowkhamba Sanskrit Series Office

Buy now!
Cover of Bengali edition

Skanda Purana in Bengali
by Navabharat Publishers, Kolkata (0)

স্কন্ধ পুরাণম: - (Set of 7 Volumes)

Buy now!
Cover of edition (0)

Skanda Purana in Kannada
by Vandana Book House, Bangalore (0)

ಶ್ರೀ ಸ್ಕಾಂದ ಮಹಾಪುರಣಂ: (Set of 25 Volumes)

Buy now!
Cover of Gujarati edition

Skanda Mahapurana (Gujarati)
by Sahitya Sangam, Ahemdabad (2017)

સ્કંદ મહાપુરાણ: (Condensed/Summary)

Buy now!
Cover of edition (2015)

Shri Skanda purana (Malayalam)
by M.P. Pillai kaniyanthara (2015)

(Condensed/Summary) - Devi Book Stall, Kodungallur

Buy now!
Like what you read? Consider supporting this website: