Chapter 17

[English text for this chapter is available]

ṛṣaya ūcuḥ |
vedavedāṃgatattvajñairgurubhirbrahmavādibhiḥ |
nṛṇāṃ kṛtopadeśānāṃ sadyaḥ siddhirhi jāyate || 1 ||
[Analyze grammar]

athānyajanasāmānyairgurubhirnītikovidaiḥ |
nṛṇāṃ kṛtopadeśānāṃ siddhirbhavati kīdṛśī || 2 ||
[Analyze grammar]

sūta uvāca |
śraddhaiva sarvadharmasya cātīva hitakāriṇī |
śraddhayaiva nṛṇāṃ siddhirjāyate lokayordvayoḥ || 3 ||
[Analyze grammar]

śraddhayā bhajataḥ puṃsaḥ śilāpi phaladāyinī |
mūrkho'pi pūjito bhaktyā gururbhavati siddhidaḥ || 4 ||
[Analyze grammar]

śraddhayā paṭhito mantrastvabaddhopi phalapradaḥ |
śraddhayā pūjito devo nīcasyāpi phalapradaḥ || 6 ||
[Analyze grammar]

aśraddhayā kṛtā pūjā dānaṃ yajñastapo vratam |
sarvaṃ niṣphalatāṃ yāti puṣpaṃ vandhyata roriva || 6 ||
[Analyze grammar]

sarvatra saṃśayāviṣṭaḥ śraddhāhīno'ticaṃcalaḥ |
paramārthātparibhraṣṭaḥ saṃsṛterna hi mucyate || 7 ||
[Analyze grammar]

mantre tīrthe dvije deve daivajñe bheṣaje gurau |
yādṛśī bhāvanā yatra siddhirbhavati tādṛśī || 8 ||
[Analyze grammar]

ato bhāvamayaṃ viśvaṃ puṇyaṃ pāpaṃ ca bhāvataḥ |
te ubhe bhāvahīnasya na bhavetāṃ kadācana || 9 ||
[Analyze grammar]

atredaṃ paramāścaryamākhyānamanuvarṇyate |
aśraddhā sarvamartyānāṃ yena sadyo nivartate || 10 ||
[Analyze grammar]

āsītpāṃcālarājasya siṃhaketuriti śrutaḥ |
putraḥ sarvaguṇopetaḥ kṣātradharmarataḥ sadā || 11 ||
[Analyze grammar]

sa ekadā katipayairbhṛtyairyukto mahābalaḥ |
jagāma mṛgayāhetorbahu sattvānvitaṃ vanam || 12 ||
[Analyze grammar]

tadbhṛtyaḥ śabaraḥ kaścidvicaranmṛgayāṃ vane |
dadarśa jīrṇaṃ sphuṭitaṃ patitaṃ devatālayam || 13 ||
[Analyze grammar]

tatrāpaśyadbhinnapīṭhaṃ patitaṃ sthaṃḍilopari |
śivaliṃṅgamṛjuṃ sūkṣmaṃ mūrtaṃ bhāgyamivātmanaḥ || 14 ||
[Analyze grammar]

sa samādāya vegena pūrvakarmapracoditaḥ |
tasmai saṃdarśayāmāsa rāja putrāya dhīmate || 15 ||
[Analyze grammar]

paśyedaṃ ruciraṃ liṃgaṃ mayā dṛṣṭamiha prabho |
tadetatpūjayiṣyāmi yathāvibhavamādarāt || 16 ||
[Analyze grammar]

asya pūjāvidhiṃ brūhi yathā devo maheśvaraḥ |
amaṃtrajñaiśca mantrajñaiḥ prīto bhavati pūjitaḥ || 17 ||
[Analyze grammar]

iti tena niṣādena pṛṣṭaḥ pārthivanaṃdanaḥ |
pratyuvāca prahasyainaṃ parihāsa vicakṣaṇaḥ || 18 ||
[Analyze grammar]

saṃkalpena sadā kuryādabhiṣekaṃ navāṃbhasā |
upaveśyāsane śuddhe śubhairgaṃdhākṣatairnavaiḥ |
vanyaiḥ patraiśca kusumairdhūpairdīpaiśca pūjayeta || 19 ||
[Analyze grammar]

citābhasmopahāraṃ ca prathamaṃ parikalpayet |
ātmopabhogyenānnena naivadyaṃ kalpayedbudhaḥ || 20 ||
[Analyze grammar]

punaśca dhūpadīpādīnupacārānprakalpet |
nṛtyavāditragītādīnyathāvatparikalpayet || 21 ||
[Analyze grammar]

namaskṛtvā tu vidhivatprasādaṃ dhārayedbudhaḥ |
eṣa sādhāraṇaḥ proktaḥ śivapūjāvidhistava || 22 ||
[Analyze grammar]

citābhasmopahāreṇa sadyastuṣyati śaṃkaraḥ || 23 ||
[Analyze grammar]

sūta uvāca |
parihāsarasenetthaṃ śāsitaḥ svāminā'munā |
sa caṃḍakākhyaḥ śabaro mūrdhnā jagrāha tadvacaḥ || 24 ||
[Analyze grammar]

tataḥ svabhavanaṃ prāpya liṃgamūrti maheśvaram |
pratyahaṃ pūjayāmāsa citābhasmopahārakṛt || 25 ||
[Analyze grammar]

yaccātmanaḥ priyaṃ vastu gandhapuṣpākṣatādikam |
nivedya śaṃbhave nityamupāyuṃkta tataḥ svayam || 26 ||
[Analyze grammar]

evaṃ maheśvaraṃ bhaktyā saha patnyābhyapūjayat |
śabaraḥ sukhamāsādya nināya katicitsamāḥ || 27 ||
[Analyze grammar]

ekadā śivapūjāyai pravṛttaḥ śabarottamaḥ |
na dadarśa citābhasma pātre pūritamaṇvapi || 28 ||
[Analyze grammar]

athāsau tvarito dūramanviṣyanparito bhraman |
na labdhavāṃścitābhasma śrāṃto gṛhamagātpunaḥ || 29 ||
[Analyze grammar]

tata āhūya patnīṃ svāṃ śabaro vākyamabravīt |
na labdhaṃ me citābhasma kiṃ karomi vada priye || 30 ||
[Analyze grammar]

śivapūjāṃtarāyo me jātodya bata pāpmanaḥ |
pūjāṃ vinā kṣaṇamapi nāhaṃ jīvitumutsahe || 31 ||
[Analyze grammar]

upāyaṃ nātra paśyāmi pūjopakaraṇe hate |
na gurośca vihanyeta śāsanaṃ sakalārthadam || 32 ||
[Analyze grammar]

iti vyākulitaṃ dṛṣṭvā bharttāraṃ śabarāṃganā |
pratyabhāṣata mā bhaistvamupāyaṃ pravadāmi te || 33 ||
[Analyze grammar]

idameva gṛhaṃ dagdhvā bahukālopabṛṃhitam |
ahamagniṃ pravekṣyāmi citābhasma bhavettataḥ || 34 ||
[Analyze grammar]

śabara uvāca |
dharmārthakāmamokṣāṇāṃ dehaḥ paramasādhanam |
kathaṃ tyajasi taṃ dehaṃ sukhārthaṃ navayauvanam || 35 ||
[Analyze grammar]

adhunā tvanapatyā tvamabhuktaviṣayāsavā |
bhogayogyamimaṃ dehaṃ kathaṃ dagdhumihecchasi || 36 ||
[Analyze grammar]

śabaryuvāca |
etāvadeva sāphalyaṃ jīvitasya ca janmanaḥ |
parārthe yastyajetprāṇāñchivārthe kimuta svayam || 37 ||
[Analyze grammar]

kiṃ nu taptaṃ tapo ghoraṃ kiṃ vā dattaṃ mayā purā |
kiṃ vārcanaṃ kṛtaṃ śaṃbhoḥ pūrvajanmaśatāṃtare || 38 ||
[Analyze grammar]

kiṃ vā puṇyaṃ mama pituḥ kā vā mātuḥ kṛtārthatā |
yacchivārthe samiddhe'gnau tyajāmyetatkalevaram || 39 ||
[Analyze grammar]

itthaṃ sthirāṃ matiṃ dṛṣṭvā tasyā bhaktiṃ ca śaṃkare |
tatheti dṛḍhasaṃkalpaḥ śabaraḥ pratyapūjayat || 40 ||
[Analyze grammar]

sā bharttāramanuprāpya snātvā śuciralaṃkṛtā |
gṛhamādīpya taṃ vahniṃ bhaktyā cakre pradakṣiṇam || 41 ||
[Analyze grammar]

namaskṛtvātmagurave dhyātvā hṛdi sadāśivam |
agnipraveśābhimukhī kṛtāṃjaliridaṃ jagau || 42 ||
[Analyze grammar]

śabaryuvāca |
puṣpāṇi saṃtu tava deva mameṃdriyāṇi dhūpo'gururvapuridaṃ hṛdayaṃ pradīpaḥ |
prāṇā havīṃṣi karaṇāni tavākṣatāśca pūjāphalaṃ vrajatu sāṃpratameṣa jīvaḥ || 43 ||
[Analyze grammar]

vāṃchāmi nāhamapi sarvadhanādhipatyaṃ na svargabhūmimacalāṃ na padaṃ vidhātuḥ |
bhūyo bhavāmi yadi janmanijanmani syāṃ tvatpādapaṃkajalasanmakaraṃdabhṛṃgī || 44 ||
[Analyze grammar]

janmāni saṃtu mama deva śatādhikāni māyā na me vi śatu cittamabodhahetuḥ |
kiṃcitkṣaṇārdhamapi te caraṇāravindānnāpaitu me hṛdayamīśa namonamaste || 45 ||
[Analyze grammar]

iti prasādya deveśaṃ śabarī dṛḍhaniścayā |
viveśa jvalitaṃ vahniṃ bhasmasādabhavatkṣaṇāt || 46 ||
[Analyze grammar]

śabaropi ca tadbhasma yatnena parigṛhya saḥ |
cakre dagdhagṛhopānte śivapūjāṃ samāhitaḥ || 46 ||
[Analyze grammar]

atha sasmāra pūjāṃte prasādagrahaṇocitām |
dayitāṃ nityamāyāṃtīṃ prāṃjaliṃ vinayānvitām || 48 ||
[Analyze grammar]

smṛtamātrāṃ tadāpaśyadāgatāṃ pṛṣṭhataḥ sthitām |
pūrveṇāvayavenaiva bhaktinamrāṃ śucismitām || 49 ||
[Analyze grammar]

tāṃ vīkṣya śabaraḥ patnīṃ pūrvavatprāṃjaliṃ sthitām |
bhasmāvaśeṣitagṛhaṃ yathāpūrvamavasthitam || 50 ||
[Analyze grammar]

agnirdahati tejobhiḥ sūryo dahati raśmibhiḥ |
rājā dahati daṃḍena brāhmaṇo manasā dahet || 51 ||
[Analyze grammar]

kimayaṃ svapna āhosvitkiṃ vā māyā bhramātmikā |
iti vismayasaṃbhrātastāṃ bhūyaḥ paryapṛcchata || 52 ||
[Analyze grammar]

api tvaṃ ca kathaṃ prāptā bhasmabhūtāsi pāvake |
dagdhaṃ ca bhavanaṃ bhūyaḥ kathaṃ pūrva vadāsthitam || 53 ||
[Analyze grammar]

śabaryuvāca |
yadā gṛhaṃ samuddīpya praviṣṭāhaṃ hutāśane |
tadātmānaṃ na jānāmi na paśyāmi hutāśanam || 54 ||
[Analyze grammar]

na tāpaleśopyāsīnme praviṣṭāyā ivodakam |
suṣupteva kṣaṇārdhena prabuddhāsmi punaḥ kṣaṇāt || 55 ||
[Analyze grammar]

tāvadbhavanamadrākṣamadagdhamiva susthitam |
adhunā devapūjāṃte prasādaṃ labdhumāgatā || 56 ||
[Analyze grammar]

evaṃ parasparaṃ premṇā daṃpatyorbhāṣamāṇayoḥ |
prādurāsīttayoragre vimānaṃ divyamadbhutam || 57 ||
[Analyze grammar]

tasminvimāne śatacandrabhāsvare catvāra īśānucarāḥ puraḥsarāḥ |
haste gṛhītvātha niṣādadaṃpatī āropayāmāsuramuktavigrahau || 58 ||
[Analyze grammar]

tayorniṣādadaṃpatyostatkṣaṇādeva tadvapuḥ |
śivadūtakarasparśāttatsārūpyamavāpa ha || 59 ||
[Analyze grammar]

tasmācchraddhaiva sarveṣu vidheyā puṇyakarmasu |
nīcopi śabaraḥ prāpa śraddhayā yogināṃ gatim || 60 ||
[Analyze grammar]

kiṃ janmanā sakalavarṇajanottamena kiṃ vidyayā sakalaśāstravicāravatyā |
yasyāsti cetasi sadā parameśabhaktiḥ ko'nyastatastribhuvane puruṣosti dhanyaḥ || 61 ||
[Analyze grammar]

iti śrīskāṃde mahāpurāṇa ekāśītisāhasryāṃ saṃhitāyāṃ tṛtīye brahmottarakhaṇḍe bhasmamāhātmyavarṇanaṃ nāma saptadaśo'dhyāyaḥ || 17 ||
[Analyze grammar]