Chapter 16

[English text for this chapter is available]

| sūta uvāca || |
śṛṇudhvaṃ munayaḥ śreṣṭhā vāmadevasya bhāṣitam || 1 ||
[Analyze grammar]

vāmadeva uvāca |
purā maṃdaraśaileṃdre nānādhātuvicitrite |
nānāsatvasamākīrṇe nānādrumalatākule || 2 ||
[Analyze grammar]

kālāgnirudro bhagavānkadācidviśvavaṃditaḥ |
samāsasāda bhūteśaḥ svecchayā parameśvaraḥ || 3 ||
[Analyze grammar]

samaṃtātsamupātiṣṭhanrudrāṇāṃ śatakoṭayaḥ |
teṣāṃ madhye samāsīno devadevastrilocanaḥ || 4 ||
[Analyze grammar]

tatrāgacchatsuraśraṣṭho devaiḥ saha puraṃdaraḥ |
tathāgnirvaruṇo vāyuryamo vaivasvatastathā || 5 ||
[Analyze grammar]

gaṃdharvāścitrasenādyāḥ khecarāḥ pannagādayaḥ |
vidyādharāḥ kiṃpuruṣāḥ siddhāḥ sādhyāśca guhyakāḥ || 6 ||
[Analyze grammar]

brahmarṣayo vasiṣṭhādyā nāradādyāḥ surarṣayaḥ |
pitaraśca mahātmāno dakṣādyāśca prajeśvarāḥ || 7 ||
[Analyze grammar]

urvaśyādyāścāpsarasaścaṃḍikādyāśca mātaraḥ |
ādityā vasavo dasrau viśvedevā mahaujasaḥ || 8 ||
[Analyze grammar]

athānye bhūtapatayo lokasaṃharaṇe kṣamāḥ |
mahākālaśca naṃdī ca tathā vai śaṃkhapālakau || 9 ||
[Analyze grammar]

vīrabhadro mahātejāḥ śaṃkukarṇo mahābalaḥ |
ghaṃṭākarṇaśca durdharṣo maṇibhadro vṛkodaraḥ || 10 ||
[Analyze grammar]

kuṃḍodaraśca vikaṭāstathā kubhodaro balī |
maṃdodaraḥ karṇadhāraḥ keturbhṛṃgīriṭistathā || 11 ||
[Analyze grammar]

bhūtanāthāstathānye ca mahākāyā mahaujasaḥ |
kṛṣṇavarṇāstathā śvetāḥ kecinmaṃḍūkasaprabhāḥ || 12 ||
[Analyze grammar]

haritā dhūsarā dhūmrāḥ karburā pītalohitāḥ |
citravarṇā vicitrāṃgāścitralīlā madotkaṭāḥ || 13 ||
[Analyze grammar]

nānāyudhodyatakarā nānāvāhanabhūṣaṇāḥ |
kecidvyāghramukhāḥ kecitsūkarāsyā mṛgā nanāḥ || 14 ||
[Analyze grammar]

kecicca nakravadanāḥ sārameyamukhāḥ pare |
sṛgālavadanāścānya uṣṭrābhavadanāḥ pare || 15 ||
[Analyze grammar]

keciccharabhabheruṃḍasiṃhāśvoṣṭrabakānanāḥ |
ekavaktrā dvivaktrāśca trimukhāścaiva nirmukhāḥ || 16 ||
[Analyze grammar]

ekahastāstrihastāśca paṃcahastāstvahastakāḥ |
apādā bahupādāśca bahukarṇaikakarṇakāḥ || 17 ||
[Analyze grammar]

ekanetrāścaturnetrā dīrghāḥ kecana vāmanāḥ |
samaṃtātparivāryeśaṃ bhūtanāthamupāsate || 18 ||
[Analyze grammar]

athāgacchanmahātejā munīnāṃ pravaraḥ sudhīḥ |
sanatkumāro dharmātmā taṃ draṣṭuṃ jagadīśvaram || 19 ||
[Analyze grammar]

taṃ devadevaṃ viśveśaṃ sūryakoṭisamaprabham |
mahāpralayasaṃkṣubdhasaptārṇavaghanasvanam || 20 ||
[Analyze grammar]

saṃvarttāgnisamāṭopaṃ jaṭāmaṃḍalaśobhitam |
akṣīṇabhālanayanaṃ jvālāmlānamukhatviṣam || 21 ||
[Analyze grammar]

pradīptacūḍāmaṇinā śaśikhaṃḍena śobhitam |
takṣakaṃ vāmakarṇena dakṣiṇena ca vāsukim || 22 ||
[Analyze grammar]

bibhrāṇaṃ kuṃḍalayugaṃ nīlaratnamahāhanum |
nīlagrīvaṃ mahābāhuṃ nāgahāravirājitam || 23 ||
[Analyze grammar]

phaṇirājaparibhrājatkaṃka ṇāṃgadamudrikam |
anaṃtaguṇasāhasramaṇiraṃjitamekhalam || 24 ||
[Analyze grammar]

vyāghracarmaparīdhānaṃ ghaṃṭādarpaṇabhūṣitam |
karkoṭakamahāpadmadhṛtarāṣṭradhanaṃjayaiḥ || 25 ||
[Analyze grammar]

kūjannūpurasaṃghuṣṭapādapadmavirājitam |
prāsatomarakhaṭvāṅgaśūlaṭaṃkadhanurdharam || 26 ||
[Analyze grammar]

apradhṛṣyamanirdeśyamaciṃtyākāramīśvaram |
ratnasiṃhāsanārūḍhaṃ praṇa nāma mahāmuniḥ || 27 ||
[Analyze grammar]

taṃ bhaktibhārocchvasitāṃtarātmā saṃstūya vāgbhiḥ śrutisaṃmitābhiḥ |
kṛtāṃjaliḥ praśrayanamrakaṃdharaḥ papraccha dharmānakhilāñchu bhapradān || 28 ||
[Analyze grammar]

yānyānapṛcchata munistāṃstāndharmānaśeṣataḥ |
provāca bhagavānrudro bhūyo munirapṛcchata || 29 ||
[Analyze grammar]

sanatkumāra uvāca |
śrutāste bhagavandharmāstvanmukhānmuktihetavaḥ |
yairmuktapāpā manujāstariṣyaṃti bhavārṇavam || 30 ||
[Analyze grammar]

athāparaṃ vibho dharmamalpāyāsaṃ mahāphalam |
brūhi kāruṇyato mahyaṃ sadyo muktipradaṃ nṛṇām || 31 ||
[Analyze grammar]

abhyāsabahulā dharmāḥ śāstradṛṣṭāḥ sahasraśaḥ |
samyaksaṃsevitāḥ kālātsiddhiṃ yacchaṃti vā na vā || 32 ||
[Analyze grammar]

ato lokahitaṃ guhyaṃ bhuktimuktyośca sādhanam |
dharmaṃ vijñātumicchāmi tvatprasādānmaheśvara || 33 ||
[Analyze grammar]

śrīrudra uvāca |
sarveṣāmapi dharmāṇāmuttamaṃ śruticoditam |
rahasyaṃ sarvajaṃtūnāṃ yattripuṃḍrasya dhāraṇam || 34 ||
[Analyze grammar]

sanatkumāra uvāca |
tripuṃḍrasya vidhiṃ brūhi bhagavañjagatāṃ pate |
tattvato jñātumicchāmi tvatprasādānmaheśvara || 35 ||
[Analyze grammar]

kati sthānāni kiṃ dravyaṃ kā śaktiḥ kā ca devatā |
kiṃ pramāṇaṃ ca kaḥ karttā ke maṃtrāstasya kiṃ phalam || 36 ||
[Analyze grammar]

etatsarvamaśeṣeṇa tripuṃḍrasya ca lakṣaṇam |
brūhi me jagatāṃ nātha lokānugrahakāmyayā || 37 ||
[Analyze grammar]

śrīrudra uvāca |
āgneyamucyate bhasma dagdhagomayasaṃbhavam |
tadeva dravyamityuktaṃ tripuṃḍrasya mahāmune || 38 ||
[Analyze grammar]

sadyojātādibhirbrahmamayairmaṃtraiśca paṃcabhiḥ |
parigṛhyāgnirityādimaṃtrairbhasmābhimaṃtrayet || 39 ||
[Analyze grammar]

mānastoketi saṃmṛṃjya śiro liṃpecca tryaṃbakam |
triyāyuṣādibhirmaṃtrairlalāṭe ca bhujadvaye |
skaṃdhe ca lepayedbhasma sajalaṃ maṃtrabhāvitam || 40 ||
[Analyze grammar]

tisro rekhā bhavaṃtyeṣu sthāneṣu munipuṃgava |
bhruvormadhyaṃ samārabhya yāvadaṃto bhruvorbhavet || 41 ||
[Analyze grammar]

madhyamānāmikāṃgulyormadhye tu pratilomataḥ |
aṃguṣṭhena kṛtā rekhā tripuṃḍrasyābhidhīyate || 42 ||
[Analyze grammar]

tisṛṇāmapi rekhāṇāṃ pratyekaṃ nava devatāḥ |
akāro gārhapatyaśca ṛgbhūrloko rajastathā || 43 ||
[Analyze grammar]

ātmā caiva kriyāśaktiḥ prātaḥ savanameva ca |
mahādevastu rekhāyāḥ prathamāyāstu devatā || 44 ||
[Analyze grammar]

ukāro dakṣiṇāgniśca nabhaḥ sattvaṃ yajustathā |
madhyaṃdinaṃ ca savanamicchāśaktyaṃtarātmakau || 45 ||
[Analyze grammar]

maheśvaraśca rekhāyā dvitīyāyāśca devatā |
makārāhavanīyau ca paramātmā tamo divaḥ || 46 ||
[Analyze grammar]

jñānaśaktiḥ sāmavedastṛtīyasavanaṃ tathā |
śivaśceti tṛtīyāyā rekhāyāścādhidevatā || 47 ||
[Analyze grammar]

etā nityaṃ namaskṛtya tripuṃḍraṃ dhārayetsudhīḥ |
maheśvaravratamidaṃ sarvavedeṣu kīrtitam || 48 ||
[Analyze grammar]

muktikāmairnaraiḥ sevyaṃ punasteṣāṃ na saṃbhavaḥ |
tripuṃḍraṃ kurute yastu bhasmanā vidhipūrvakam || 49 ||
[Analyze grammar]

brahmacārī gṛhastho vā vanastho yatireva vā |
mahāpātakasaṃghātairmucyate copapātakaiḥ || 50 ||
[Analyze grammar]

tathānyaiḥ kṣatraviṭśūdrastrīgohatyā dipātakaiḥ |
vīrahatyāśvahatyābhyāṃ mucyate nātra saṃśayaḥ || 51 ||
[Analyze grammar]

amaṃtreṇāpi yaḥ kuryādajñātvā mahimonnatim |
tripuṃḍraṃ bhālapaṭale mucyate sarvapātakaiḥ || 52 ||
[Analyze grammar]

paradravyāpaharaṇaṃ paradārābhimarśanam |
paraniṃdā parakṣetraharaṇaṃ parapīḍanam || 53 ||
[Analyze grammar]

sasyārāmādiharaṇaṃ gṛhadāhādikarma ca |
asatyavādaṃ paiśunyaṃ pāruṣyaṃ vedavikra yaḥ |
kūṭasākṣyaṃ vratatyāgaḥ kaitavaṃ nīcasevanam || 54 ||
[Analyze grammar]

gobhūhiraṇyamahiṣī tilakaṃbalavāsasām |
annadhānyajalādīnāṃ nīcebhyaśca parigrahaḥ || 55 ||
[Analyze grammar]

dāsī veśyābhujaṃgeṣu vṛṣalīṣu naṭīṣu ca |
rajasvalāsu kanyāsu vidhavāsu ca saṃgamaḥ || 56 ||
[Analyze grammar]

māṃsacarmarasādīnāṃ lavaṇasya ca vikrayaḥ |
evamādīnya saṃkhyāni pāpāni vividhāni ca || 57 ||
[Analyze grammar]

sadya eva vinaśyaṃti tripuṃḍrasya ca dhāraṇāt |
śivadravyāpaharaṇaṃ śivaniṃdā ca kutracit || 58 ||
[Analyze grammar]

niṃdā ca śivabhaktānāṃ prāyaścitairna śuddhyati |
rudrākṣā yasya gātreṣu lalāṭe ca tripuṃḍrakam || 59 ||
[Analyze grammar]

sa cāṃḍālo'pi saṃpūjyaḥ sarvavarṇottamo bhavet |
yāni tīrthāni loke'smingaṃgāyāḥ saritaśca yāḥ || 60 ||
[Analyze grammar]

snāto bhavati sarvatra lalāṭe yastripuṃḍradhṛk |
saptakoṭimahāmaṃtrāḥ paṃcākṣarapuraḥsarāḥ || 61 ||
[Analyze grammar]

tathānye koṭiśo maṃtrāḥ śaivāḥ kaivalyahetavaḥ |
te sarve yena japtāḥ syuryo bibharti tripuṃḍrakam || 62 ||
[Analyze grammar]

sahasraṃ pūrvajātānāṃ sahasraṃ ca janiṣyatām |
svavaṃśajānāṃ martyānāmuddharedyastripuṃḍradhṛk || 63 ||
[Analyze grammar]

iha bhuktvākhilānbhogāndīrghāyurvyādhivarjitaḥ |
jīvitāṃte ca maraṇaṃ sukhanaivaṃ prapadyate || 64 ||
[Analyze grammar]

aṣṭaiśvaryaguṇopetaṃ prāpya divyaṃ vapuḥ śubham |
divyaṃ vimānamāruhya divyastrīśatasevitaḥ || 65 ||
[Analyze grammar]

vidyādharāṇāṃ siddhānāṃ gaṃdharvāṇāṃ mahaujasām |
iṃdrādilokapālānāṃ lokeṣu ca yathākramam || 66 ||
[Analyze grammar]

bhuktvā bhogānsuvipulānprajeśānāṃ pureṣu ca |
brahmaṇaḥ padamāsādya tatra kalpaśataṃ ramet || 67 ||
[Analyze grammar]

viṣṇorloke ca ramate yāvadbrahmaśatatrayam || 68 ||
[Analyze grammar]

śivalokaṃ tataḥ prāpya ramate kālamakṣayam |
śivasāyujyamāpnoti na sa bhūyo'bhijāyate || 69 ||
[Analyze grammar]

sarvopaniṣadāṃ sāraṃ samālocya muhurmuhuḥ |
idameva hi nirṇītaṃ paraṃ śreyastripuṃḍrakam || 70 ||
[Analyze grammar]

etattripuṃḍramāhātmyaṃ samāsātkathitaṃ mayā |
rahasyaṃ sarvabhūtānāṃ gopanīyamidaṃ tvayā || 71 ||
[Analyze grammar]

ityuktvā bhagavānrudrastatraivāṃtaradhīyata |
sanatkumāro'pi munirjagāma brahmaṇaḥ padam || 72 ||
[Analyze grammar]

tavāpi bhasmasaṃparkātsaṃjātā vimalā matiḥ |
tvamapi śraddhayā puṇyaṃ dhārayasva tripuṃḍrakam || 73 ||
[Analyze grammar]

sūta uvāca |
ityuktvā vāmadevastu śivayogī mahātapāḥ |
abhimaṃtrya dadau bhasma ghorāya brahmarakṣase || 74 ||
[Analyze grammar]

tenāsau bhālapaṭale cakre tirya ktripuṃḍrakam |
brahmarākṣasatāṃ sadyo jahau tasyānubhāvataḥ || 75 ||
[Analyze grammar]

sa babhau sūryasaṃkāśastejomaṇḍalamaṃḍitaḥ |
divyāvayarūpaiśca divyamālyāṃbaro jjvalaḥ || 76 ||
[Analyze grammar]

bhaktyā pradakṣiṇīkṛtya taṃ guruṃ śivayoginam |
divyaṃ vimānamāruhya puṇyalokāñjagāma saḥ || 77 ||
[Analyze grammar]

vāmadevo mahāyogī dattvā tasmai parāṃ gatim |
cacāra loke mūḍhātmā sākṣādiva śivaḥ svayam || 78 ||
[Analyze grammar]

ya etadbhasmamāhātmyaṃ tripuṃḍraṃ śṛṇuyānnaraḥ |
śrāvayedvā paṭhedvāpi sa hi yāti parāṃ gatim || 79 ||
[Analyze grammar]

kathayati śivakīrtiṃ saṃsṛtermuktihetuṃ praṇamati śivayogidhyeyamīśāṃghripadmam |
racayati śivabhaktodbhāsi bhāle tripuṃḍraṃ na punariha jananyā garbhavāsaṃ bhajetsaḥ || 80 ||
[Analyze grammar]

iti śrīskāṃde mahāpurāṇa ekāśītisāhasryāṃ saṃhitāyāṃ tṛtīye brahmottara khaṇḍe bhasmamāhātmyakathanaṃ nāma ṣoḍaśo'dhyāyaḥ || 16 ||
[Analyze grammar]