Chapter 15

[English text for this chapter is available]

| sūta uvāca |
ṛṣabhasyānubhāvoyaṃ varṇitaḥ śivayoginaḥ |
athānyasyāpi vakṣyāmi prabhāvaṃ śivayoginaḥ || 1 ||
[Analyze grammar]

bhasmanaścāpi māhātmyaṃ varṇayāmi samāsataḥ |
kṛtakṛtyā bhaviṣyaṃti yacchutvā pāpino janāḥ || 2 ||
[Analyze grammar]

astyeko vāmadevākhyaḥ śivayogī mahā tapāḥ |
nirdvaṃdvo nirguṇaḥ śāṃto niḥsaṃgaḥ samadarśanaḥ || 3 ||
[Analyze grammar]

ātmārāmo jitakrodho gṛhadāravivarjitaḥ |
atarkitagatirmaunī saṃtuṣṭo niṣpa rigrahaḥ || 4 ||
[Analyze grammar]

bhasmoddhūlitasarvāṃgo jaṭāmaṃḍalamaṃḍitaḥ |
valkalājinasaṃvīto bhikṣāmātraparigrahaḥ || 5 ||
[Analyze grammar]

sa ekadā caraṃlloke sarvānugrahatatparaḥ |
krauṃcāraṇyaṃ mahāghoraṃ praviveśa yadṛcchayā || 6 ||
[Analyze grammar]

tasminnirmanuje'raṇye tiṣṭhatyeko'tibhīṣaṇaḥ |
kṣuttṛṣākulito nityaṃ yaḥ kaścidbrahmarākṣasaḥ || 7 ||
[Analyze grammar]

taṃ praviṣṭaṃ śivātmānaṃ sa dṛṣṭvā brahmarākṣasaḥ |
abhidudrāva vegena jagdhaṃु kṣutparipīḍitaḥ || 8 ||
[Analyze grammar]

vyāttānanaṃ mahākāyaṃ bhīmadaṃṣṭraṃ bhayānakam |
tamāyāṃtamabhiprekṣya yogīśo na cacāla saḥ || 9 ||
[Analyze grammar]

athābhidrutya tarasā sa ghoro vanagocaraḥ |
dorbhyāṃ niṣpīḍya jagrāha niṣkaṃpaṃ śivayoginam || 10 ||
[Analyze grammar]

tadaṃgasparśanādeva sadyo vidhvastakilbiṣaḥ |
sa brahmarākṣaso ghoro viṣaṇṇaḥ smṛtimāyayau || 11 ||
[Analyze grammar]

yathā ciṃtāmaṇiṃ spṛṣṭvā lohaṃ kāṃcanatāṃ vrajet |
yathā jaṃbūnadīṃ prāpya mṛttikā svarṇatāṃ vrajet || 12 ||
[Analyze grammar]

yathā mānasamabhyetya vāyasā yāṃti haṃsatām |
yathāmṛtaṃ sakṛtpītvā naro devatvamāpnuyāt || 13 ||
[Analyze grammar]

tathaiva hi mahātmāno darśanasparśanādibhiḥ |
sadyaḥ punaṃtyaghopetānsatsaṃgo durlabho hyataḥ || 14 ||
[Analyze grammar]

yaḥ pūrvaṃ kṣutpipāsārto ghorātmā vipine caraḥ |
sa sadyastṛptimāyātaḥ pūrṇānaṃdo babhūva ha || 15 ||
[Analyze grammar]

tadgātralagnasitabhasmakaṇānuviddhaḥ sadyo vidhūtaghanapāpatamaḥsvabhāvaḥ |
saṃprāptapūrvabhava saṃsmṛtirugrakāryastatpādapadmayugale praṇato babhāṣe || 16 ||
[Analyze grammar]

rākṣasa uvāca |
prasīda me mahāyoginprasīda karuṇānidhe |
prasīda bhavataptānāmānaṃdāmṛvāridhe || 17 ||
[Analyze grammar]

kvāhaṃ pāpamatirghoraḥ sarvaprāṇibhayaṃkaraḥ |
kva te mahānubhāvasya darśanaṃ karuṇātmanaḥ || 18 ||
[Analyze grammar]

uddharoddhara māṃ ghore patitaṃ duḥkhasāgare |
tava sannidhimātreṇa mahānaṃdo'bhivardhate || 19 ||
[Analyze grammar]

vāmadeva uvāca |
kastvaṃ vanecaro ghoro rākṣaso'tra kimāsthitaḥ |
kathametāṃ mahāghorāṃ kaṣṭāṃ gatimavāptavān || 20 ||
[Analyze grammar]

rākṣasa uvāca |
rākṣaso'hamitaḥ pūrvaṃ paṃcaviṃśatime bhave |
goptā yavanarāṣṭrasya durjayo nāma vīryavān || 21 ||
[Analyze grammar]

so'haṃ durātmā pāpīyānsvairacārī madotkaṭaḥ |
daṃḍadhārī durācāraḥ pracaṃḍo nirghṛṇaḥ khalaḥ || 22 ||
[Analyze grammar]

yuvā bahukalatro'pi kāmāsakto'jiteṃdriyaḥ |
imāṃ pāpīyasīṃ ceṣṭāṃ punarekāṃ gato'smyaham || 23 ||
[Analyze grammar]

pratyahaṃ nūtanāmanyā nārīṃ bhoktumanāḥ sadā |
āhṛtāḥ sarvadeśebhyo nāryo bhṛtyairmadājñayā || 24 ||
[Analyze grammar]

bhuktvābhuktvā parityaktāmekāmekāṃ dinedine |
antargṛheṣu saṃsthāpya punaranyāḥ striyo dhṛtāḥ || 25 ||
[Analyze grammar]

evaṃ svarāṣṭrātpararāṣṭrataśca deśākaragrāmapuravrajebhyaḥ |
āhṛtya nāryo ramitā dinedine bhukvā punaḥ kāpi na bhujyate mayā || 26 ||
[Analyze grammar]

athānyaiśca na bhujyaṃte mayā bhuktāstathā striyaḥ |
antargṛheṣu nihitāḥ śocaṃte ca divāniśam || 27 ||
[Analyze grammar]

brahmaviṭkṣatraśūdrāṇāṃ yadā nāryo mayā hṛtāḥ |
mama rājye sthitā viprāḥ saha dāraiḥ pradudruvuḥ || 28 ||
[Analyze grammar]

sabhartṛkāśca kanyāśca vidhavāśca rajasvalāḥ |
āhṛtya nāryo ramitā mayā kāmahatātmanā || 29 ||
[Analyze grammar]

triśataṃ dvijanārīṇāṃ rājastrīṇāṃ catuḥśatam |
ṣaṭśataṃ vaiśyanārīṇāṃ sahasraṃ śūdrayoṣitām || 30 ||
[Analyze grammar]

śataṃ cāṃḍālanadgīrṇā puliṃdīnāṃ sahasrakam |
śailūṣīṇāṃ paṃcaśataṃ rajakīnāṃ catuḥśatam || 31 ||
[Analyze grammar]

asaṃkhyā vāramukhyāśca mayā bhuktā durātmanā |
tathāpi mayi kāmasya na tṛptiḥ samajāyata || 32 ||
[Analyze grammar]

evaṃ durviṣayāsaktaṃ mattaṃ pānarataṃ sadā |
yauvanepi mahārogā viviśuryakṣmakādayaḥ || 33 ||
[Analyze grammar]

rogārdito'napatyaśca śatrubhiścāpi pīḍitaḥ |
tyaktomātyaiśca bhṛtyaiśca mṛto'haṃ svena karmaṇā || 34 ||
[Analyze grammar]

āyurvinaśyatyayaśo vivardhate bhāgyaṃ kṣayaṃ yātyatidurgatiṃ vrajet |
svargāccyavaṃte pitaraḥ purātanā dharmavyapetasya narasya niścitam || 35 ||
[Analyze grammar]

athāhaṃ kiṃkarairyāmyairnīto vaivasvatālayam |
tato'haṃ narake ghore tatkuṇḍe vinipātitaḥ || 36 ||
[Analyze grammar]

tatrāhaṃ narake ghore varṣāṇāmayutatrayam |
retaḥ pibanpīḍyamāno nyavasaṃ yamakiṃkaraiḥ || 37 ||
[Analyze grammar]

tataḥ pāpāvaśeṣeṇa piśāco nirjane vane |
sahasraśiśnaḥ saṃjāto nityaṃ kṣuttṛṣayākulaḥ || 38 ||
[Analyze grammar]

paiśācīṃ gatimāśritya nītaṃ divyaṃ śaracchatam |
dvitīyehaṃ bhave jāto vyāghraḥ prāṇibhayaṃkaraḥ || 39 ||
[Analyze grammar]

tṛtīye'jagaro ghoraścaturthe'haṃ bhave vṛkaḥ |
paṃcame viḍvarāhaśca ṣaṣṭhe'haṃ kṛkalāsakaḥ || 40 ||
[Analyze grammar]

saptame'haṃ sārameyaḥ sṛgālaścāṣṭame bhave |
navame gavayo bhīmo mṛgo'haṃ daśame bhave || 41 ||
[Analyze grammar]

ekādaśe markaṭaśca gṛdhro'haṃ dvādaśe bhave |
trayodaśe'haṃ nakulo vāyasaśca catu rdaśe || 42 ||
[Analyze grammar]

acchabhallaḥ paṃcadaśe ṣoḍaśe vanakukkuṭaḥ |
gardabho'haṃ saptadaśe mārjāroṣṭādaśe bhave || 43 ||
[Analyze grammar]

ekonaviṃśe maṇḍūkaḥ kūrmo viṃśatime bhave |
ekaviṃśe bhave matsyo dvāviṃśe mūṣako'bhavam || 44 ||
[Analyze grammar]

ulūkohaṃ trayoviṃśe caturviśe vanadvipaḥ |
paṃcaviṃśe bhave cāsmiñjātohaṃ brahmarākṣasaḥ || 45 ||
[Analyze grammar]

kṣutparīto nirāhāro vasāmyatra mahāvane |
idānīmāgataṃ dṛṣṭvā bhavaṃtaṃ jagdhumutsukaḥ |
tvaddehasparśamātreṇa jātā pūrvabhavasmṛtiḥ || 46 ||
[Analyze grammar]

gatajanma sahasrāṇi smarāmyadya tvadaṃtike |
nirvedaśca paro jātaḥ prasannaṃ hṛdayaṃ ca me || 47 ||
[Analyze grammar]

īdṛśo'yaṃ prabhāvaste kathaṃ labdho mahāmate |
tapasā vāpi tīvreṇa kimu tīrthaniṣevaṇāt || 48 ||
[Analyze grammar]

yogena devaśaktyā vā maṃtrairvānaṃtaśaktibhiḥ |
tattvato brūhi bhagavaṃstvāmahaṃ śaraṇaṃ gataḥ || 49 ||
[Analyze grammar]

vāmadeva uvāca |
eṣa madgātralagnasya prabhāvo bhasmano mahān |
yatsaṃparkāttamovṛttestaveyaṃ matiruttamā || 50 ||
[Analyze grammar]

ko veda bhasmasāmarthyaṃ mahādevā dṛte paraḥ |
durvibhāvyaṃ yathā śaṃbhormāhātmyaṃ bhasmanastathā || 51 ||
[Analyze grammar]

purā bhavādṛśaḥ kaścidbrāhmaṇo dharmavarjitaḥ |
drāviḍeṣu sthito mūḍhaḥ karmaṇā śūdratāṃ gataḥ || 52 ||
[Analyze grammar]

cauryavṛttirnaiṣkṛtiko vṛṣalīratilālasaḥ |
kadācijjāratāṃ prāptaḥ śūdreṇa nihato niśi || 53 ||
[Analyze grammar]

tacchavasya bahirgrāmā tkṣiptasya pretakarmaṇaḥ |
cacāra sārameyoṃ'ge bhasmapādo yadṛcchayā || 54 ||
[Analyze grammar]

atha taṃ narake ghore patitaṃ śivakiṃkarāḥ |
ninyurvimānamāropya prasahya yamakiṃkarān || 55 ||
[Analyze grammar]

śivadūtānsamabhyetya yamopi paripṛṣṭavān |
mahāpātakakarttāraṃ kathamenaṃ ninīṣatha || 56 ||
[Analyze grammar]

athocuḥ śivadūtāste paśyāsya śavavigraham |
vakṣolalāṭadormūlānyaṃkitāni subhasmanā || 57 ||
[Analyze grammar]

ata enaṃ samānetumāgatāḥ śivaśāsanāt |
nāsmānniṣeddhuṃ śaktosi māstvatra tava saṃśayaḥ || 58 ||
[Analyze grammar]

ityābhāṣya yamaṃ śaṃbhordūtāstaṃ brāhmaṇaṃ tataḥ |
paśyatāṃ sarvalokānāṃ ninyurlokamanāmayam || 59 ||
[Analyze grammar]

tasmādaśeṣapāpānāṃ sadyaḥ saṃśodhanaṃ param |
śaṃbhorvibhūṣaṇaṃ bhasma satataṃ dhriyate mayā || 60 ||
[Analyze grammar]

itthaṃ niśamya māhātmyaṃ bhasmano brahmarākṣasaḥ |
vistareṇa punaḥ śrotu mautkaṃṭhyādityabhāṣata || 61 ||
[Analyze grammar]

sādhusādhu mahāyogindhanyosmi tava darśanāt |
māṃ vimocaya dharmātmanghorādasmātkujanmanaḥ || 62 ||
[Analyze grammar]

kiṃcidastīha me bhāti mayā puṇyaṃ purākṛtam |
atohaṃ tvatprasādena muktosmyadya dvijottama || 63 ||
[Analyze grammar]

ekasmai śivabhaktāya tasminpārthivajanmani |
bhūmirvṛttikarī dattā sasyārāmānvitā mayā || 99 ||
[Analyze grammar]

yamenāpi tadaivoktaṃ paṃcaviṃśatime bhave |
kasyacidyoginaḥ saṃgānmokṣyase saṃsṛteriti || 65 ||
[Analyze grammar]

tadadya phalitaṃ puṇyaṃ yatkiṃcitprāgbhavārjitam |
ato nirmanujāraṇye saṃprāptastava saṃgamaḥ || 66 ||
[Analyze grammar]

ato māṃ ghorapāpmānaṃ saṃsaraṃtaṃ kujanmani |
samuddhara kṛpāsindho dattvā bhasma samaṃtrakam || 67 ||
[Analyze grammar]

kathaṃ dhāryamidaṃ bhasma ko maṃtraḥ ko vidhiḥ śubhaḥ |
kaḥ kālaḥ kaśca vā deśaḥ sarvaṃ kathaya me guro || 68 ||
[Analyze grammar]

bhavādṛśā mahātmānaḥ sadā lokahite ratāḥ |
nātmano hitamicchaṃti kalpavṛkṣasadharmiṇaḥ || 69 ||
[Analyze grammar]

sūta uvāca |
ityuktastena yogīśo ghoreṇa vanacāriṇā |
bhūyopi bhasmamāhātmyaṃ varṇayāmāsa tattvavit || 70 ||
[Analyze grammar]

iti śrīskāṃde mahāpurāṇa ekāśītisāhasryāṃ saṃhitāyāṃ tṛtīye brahmottarakhaṇḍe bhasmamāhātmyakathanaṃ nāma paṃcadaśo'dhyāyaḥ || 15 ||
[Analyze grammar]