Chapter 40

[English text for this chapter is available]

nārada uvāca |
jñātibhede tu saṃjāte tasminmoherake pure |
traividyaiḥ kiṃ kṛtaṃ brahmaṃstanmamācakṣva pṛcchataḥ || 1 ||
[Analyze grammar]

brahmovāca |
svasthāne vāḍavāḥ sarve harṣanirbharamānasāḥ |
agnihotraparā ke'pi ke'pi yajñaparāyaṇāḥ || 2 ||
[Analyze grammar]

ke'pi cāgnisamādhānāḥ ke'pi smārtā niraṃtaram |
purāṇanyāyavettāro vedavedāṃgavādinaḥ || 3 ||
[Analyze grammar]

sukhena svānsadācārānkurvanto brahmavādinaḥ |
evaṃ dharmasamācārānkurvatāṃ kuśalātmanām || 4 ||
[Analyze grammar]

sthānācārānkulācārānadhidevyāśca bhāṣitān |
dharmaśāstrasthitaṃ sarvaṃ kājeśairuditaṃ ca yat || 5 ||
[Analyze grammar]

paraṃparāgataṃ dharma mūcuste vāḍavottamāḥ || 6 ||
[Analyze grammar]

brāhmaṇā ūcuḥ |
upāste yaśca likhitaṃ raktapādaistu vāḍavāḥ |
jñātiśreṣṭhaḥ sa vijñeyo valirdeyastataḥ param || 7 ||
[Analyze grammar]

raktacaṃdanaṃ prasādhyātha prasiddhaṃ svakulaṃ tathā |
kuṃkumāraktapādaistairgaṃdhapuṣpādicarcitaiḥ || 8 ||
[Analyze grammar]

saṃbhūya likhitaṃ tacca raktapādaṃ taducyate |
rāmasya lekhyaṃ te sarve pūjayaṃtu samāhitāḥ || 9 ||
[Analyze grammar]

rāmasya karamudrāṃ ca pūjayaṃtu dvijāḥ sadā |
yeṣāṃ doṣāḥ sadācāre vyabhicārādayo yadi || 10 ||
[Analyze grammar]

teṣāṃ daṇḍo vidheyastu ya ukto vidhivadvijaiḥ |
cihnaṃ na rāmamudrāyā yāvaddaṃḍaṃ dadāti na || 11 ||
[Analyze grammar]

vinā daṇḍapradānena mudrācihnaṃ na dhāryate |
mudrāhastāśca vijñeyā vāḍavā nṛpasattama || 12 ||
[Analyze grammar]

putre jāte pitā daddyācchrīmātre tu baliṃ sadā |
palāni viṃśatiḥ sarppirguḍaḥ paṃcapa lāni ca || 13 ||
[Analyze grammar]

kuṃkumādibhirabhyarcya jātamātraḥ sutastadā |
ṣaṣṭhe ca divase rājanṣaṣṭhīṃ pūjayate sadā || 14 ||
[Analyze grammar]

dadyāttatra baliṃ sājyaṃ kuryāddhi balipaṃcakam |
paṃcaprasthānbalīndadyātsavastrāñchrīphalairyutān || 15 ||
[Analyze grammar]

kuṃkumādibhirabhyarcya śrīmātre bhaktipūrvakam |
vitaśāṭhyaṃ na kurvīta kule saṃtativṛddhaye || 16 ||
[Analyze grammar]

taddhi cārpayatā dravyaṃ vṛddhau yaddhrīṇitaṃ punaḥ |
janmano naṃtaraṃ kāryaṃ jātakarma yathāvidhi || 17 ||
[Analyze grammar]

viprānukīrtitā yāśca vṛttiḥ sāpi vibhajyate |
prathamā labhyamānā ca vṛttirvai yāvatī punaḥ || 18 ||
[Analyze grammar]

tasyā vṛtterarddhabhāgo gotradevyai tu kalpyatām |
dviguṇaṃ vaṇijā caiva putraṃ jāte bhavediti || 19 ||
[Analyze grammar]

māṃḍalīyāśca ye śūdrāsteṣāmarkakaraṃ tvidam |
aḍālajānāṃ triguṇaṃ gobhujānāṃ caturguṇam || 20 ||
[Analyze grammar]

ityetatkathitaṃ sarvamanyacca śūdrajātiṣu |
yasya doṣastu hatyāyāḥ samudbhūto vidhervaśāt || 21 ||
[Analyze grammar]

daṇḍastu vidhivattasya karttavyo vedaśāstribhiḥ |
anyāyo nyāyavādī syānnirddoṣe doṣadāyakaḥ || 22 ||
[Analyze grammar]

paṃktibhedasya kartā ca gosahasravadhaḥ smṛtaḥ |
vṛttibhāgavibhajanaṃ tathā nyāyavicāraṇam |
śrīrāmadūtakasyāgre karttavyamiti niścayaḥ || 23 ||
[Analyze grammar]

tasya pūjāṃ prakurvīta tadā kāle'thavā sadā |
tailena lepayettasya dehe vai vighnaśāṃtaye || 24 ||
[Analyze grammar]

dhūpaṃ dīpaṃ phalaṃ dadyātpuṣpairnānāvidhaiḥ kila |
pūjito hanumāneva dadāti tasya vāṃchitam || 25 ||
[Analyze grammar]

pratiputraṃ tu tasyāgre kuryānnānyatra kutracit |
śrīmātābakulasvāmibhāgadheyaṃ tu pūrvataḥ || 26 ||
[Analyze grammar]

paścātpratigrahaṃ vipraiḥ karttavyamiti niścitam |
samāgameṣu viprāṇāṃ nyāyānyāyavinirṇaye || 27 ||
[Analyze grammar]

nirṇayaṃ hṛdaye dhṛtvā tatrasthaṃ śrāvayeddvijān |
kevalaṃ dharmabuddhyā ca pakṣapātaṃ vivarjayet || 28 ||
[Analyze grammar]

sarveṣāṃ saṃmataṃ kāryaṃ taddhyavikṛtameva ca |
ākāritastato vipraḥ sabhāyāṃ bhayameti cet || 29 ||
[Analyze grammar]

na tasya vākyaṃ śrotavyaṃ nirṇītārthanivāraṇe |
yasya varjastu kriyate militvā sarva vāḍavaiḥ || 30 ||
[Analyze grammar]

khānapānādikaṃ sarvaṃ kāryaṃ tena vivarjayet |
tasya kanyā na dātavyā tatsaṃsargī ca tādṛśaḥ || 31 ||
[Analyze grammar]

tato daṃḍaṃ prakurvīta sarvaireva dvijottamaiḥ |
bhojanaṃ kanyakādānamiti dāśarathermatam || 32 ||
[Analyze grammar]

yatkiṃcitkurute pāpaṃ labdhuṃ sthalamathāpi vā |
śuṣkārdraṃ vasate cānne tasmādannaṃ pari tyajet || 33 ||
[Analyze grammar]

kurvaṃstatpāpabhāgī syāttasya daṃḍo yathāvidhi |
nyāyaṃ na paśyate yastu śaktau satyāṃ sadā yataḥ || 34 ||
[Analyze grammar]

pāpabhāgī sa vijñeya iti satyaṃ na saṃśayaḥ |
utkocaṃ yastu gṛhṇāti pāpināṃ duṣṭakarmiṇām |
sakalaṃ ca bhavettasya pāpaṃ naivātra saśayaḥ || 35 ||
[Analyze grammar]

tasyānnaṃ gṛhyate naiva kanyāpi na kadācana |
hitamācarate yastu putrāṇāmapi vai naraḥ || 36 ||
[Analyze grammar]

sa etānniyamānsarvānpālayennātra saṃśayaḥ |
evaṃ patraṃ likhitvā tu vāḍavāste praha rṣitāḥ || 37 ||
[Analyze grammar]

prāpte kaliyuge ghore yathā pāpaṃ na kurvate |
iti jñātvā tu sarve te nyāyadharmaṃ pracakrire || 38 ||
[Analyze grammar]

vyāsa uvāca |
kalau prāpte dvijāḥ sarve sthānabhraṣṭā yatastataḥ |
pakṣamutkalaṃ grahīṣyaṃti tathā syuḥ pakṣapātinaḥ || 39 ||
[Analyze grammar]

bhokṣyaṃte mlecchakagrāmānkolāvidhvaṃsibhiḥ kila |
vedabhraṣṭāśca te viprā bhaviṣyaṃti kalau yuge || 40 ||
[Analyze grammar]

yudhiṣṭhira uvāca |
deśedeśe gamiṣyaṃti te viprā vaṇijastathā |
kathaṃ vai jñāyate sarvai kena cihnena māriṣa || 11 ||
[Analyze grammar]

yasmingotre samutpannā vāḍavā ye mahābalāḥ || 42 ||
[Analyze grammar]

vyāsa uvāca ||
jñāyate gotrasaṃjñā'tha keciccaiva parākramaiḥ |
yasyayasya ca yatkarma tasya tasyāvaṭaṃkakaḥ || 43 ||
[Analyze grammar]

avaṭaṃkairhi jñāyaṃte nānyathā jñāyate kvacit |
gotraiśca pravaraiścaiva avaṭaṃkairnṛpātmaja || 44 ||
[Analyze grammar]

jñāyaṃte hi dvijā rājanmoḍha brāhmaṇasattamāḥ || 19 ||
[Analyze grammar]

yudhiṣṭhira uvāca |
gotraiśca pravaraiścaiva śrutā ete tavānanāt |
kāṃ vā śākhāmadhīyānāstanme brūhi pitāmaha || 16 ||
[Analyze grammar]

vyāsa uvāca |
jñāyaṃte yatrayatrasthā mādhyaṃdinīyā mahābalāḥ |
kauthamīṃ ca samāśritya kecidviprā guṇānvitāḥ || 47 ||
[Analyze grammar]

ṛgatharvaṇajā śākhā naṣṭā sā ca mahāmate |
evaṃ vai vartamānāste vāḍavā dharmasaṃbhavāḥ || 48 ||
[Analyze grammar]

dharmāraṇye mahābhāgāḥ putrapautrānvitā'bhavan |
śūdrāḥ sarve mahābhāgāḥ putrapautra samāvṛtāḥ || 49 ||
[Analyze grammar]

dharmāraṇye mahātīrthe sarve te dvijasevakāḥ |
abhavanrāmabhaktāśca rāmājñāṃ pālayaṃti ca || 50 ||
[Analyze grammar]

ājñāmatyā'dareṇeha hanūmaṃtaśca vīryavān |
pālayetso'pi cedānīṃ suprāpte vai kalau yuge || 51 ||
[Analyze grammar]

adṛṣṭarūpī hanumāṃstatra bhramati nityaśaḥ |
traividyā vāḍavā yatra cāturvidyāstathaiva ca || 52 ||
[Analyze grammar]

sabhāyāmupaviṣṭā ye'nyāyātpāpaṃ prakurvate |
jayo hi nyāyakartṝṇāmajayo'nyāyakāriṇām || 53 ||
[Analyze grammar]

sāparādhe yastu putre tāte bhrātari cāpi vā |
pakṣapātaṃ prakurvīta tasya kupyati vāyujaḥ || 54 ||
[Analyze grammar]

kupito hanumāneṣa dhananāśaṃ karoti vai |
putranāśaṃ karotyeva dhāmanāśaṃ tathaiva ca || 55 ||
[Analyze grammar]

sevārthaṃ nirmitaḥ śūdro na viprānpariṣevate |
vṛttiṃ vā na dadātyeva hanumāṃstasya kupyati || 56 ||
[Analyze grammar]

arthanāśaṃ putranāśaṃ sthānanāśaṃ mahā bhayam |
kurute vāyuputro hi rāmavākyamanusmaran || 57 ||
[Analyze grammar]

yatra kutra sthitā viprāḥ śūdrā vā nṛpasattama |
na nirddhanā bhaveyuste prasādādrāghavasya ca || 58 ||
[Analyze grammar]

yo mūḍhaścāpyadharmātmā pāpapāṣaṃḍamāśritaḥ |
nijānviprānparityajya parajñātīṃśca manyate || 59 ||
[Analyze grammar]

tasya pūrvakṛtaṃ puṇyaṃ bhasmībhavati nānyathā |
anyeṣāṃ dīyate dānaṃ svalpaṃ vā yadi vā bahu || 60 ||
[Analyze grammar]

yathā bhavati vai pūrvaṃ brahmaviṣṇuśivaiḥ kṛtam |
tasya devā na gṛhṇaṃti hṛvyaṃ kavyaṃ ca pūrvajāḥ || 61 ||
[Analyze grammar]

vaṃcayitvā nijānviprānanyebhyaḥ pradadettu yaḥ |
tasya janmārjitaṃ puṇyaṃ bhasmībhavati tatkṣaṇāt || 62 ||
[Analyze grammar]

brahmaviṣṇuśivaiścaiva pūjitā ye dvijottamāḥ || te |
ṣāṃ ye vimukhāḥ śūdrā raurave nivasaṃti te || 63 ||
[Analyze grammar]

yo laulyācca kulācāraṃ gotrācāraṃ pralopayet |
svācāraṃ yo na kurvīta kadācidvai vimohitaḥ || 64 ||
[Analyze grammar]

sarvanāśo bhavettasya bhasmībhavati tatkṣaṇāt |
tasmātsarvaḥ kulācāraḥ sthānācārastathaiva ca || 65 ||
[Analyze grammar]

gotrācāraḥ pālanīyo yathāvittānusārataḥ |
evaṃ te kathitaṃ rājandharmāraṇyaṃ purātanam || 66 ||
[Analyze grammar]

sthāpitaṃ devadevaiśca brahmaviṣṇuśivādibhiḥ |
dharmāraṇyaṃ kṛtayuge tretāyāṃ satyamaṃdiram |
dvāpare vedabhavanaṃ kālau moherakaṃ smṛtam || 67 ||
[Analyze grammar]

brahmovāca |
ya idaṃ śṛṇuyātputra śraddhayā parayā yutaḥ |
dharmāraṇyasya māhātmyaṃ sarvakilbiṣanāśanam || 68 ||
[Analyze grammar]

manovākkāyajanitaṃ pātakaṃ trividhaṃ ca yat |
tatsarvaṃ nāśamāyāti śravaṇātkīrtanātsukṛt || 69 ||
[Analyze grammar]

dhanyaṃ yaśasyamāyuṣyaṃ sukhasaṃtānadāyakam |
māhātmyaṃ śṛṇuyādvatsa sarvasaukhyāptaye naraḥ || 70 ||
[Analyze grammar]

sarvatīrtheṣu yatpuṇyaṃ sarvakṣetreṣu yatphalam |
tatphalaṃ samavāpnoti dharmāraṇyasya sevanāt || 71 ||
[Analyze grammar]

nārada uvāca |
dharmāraṇyasya māhātmyaṃ yacchrutaṃ tvanmukhāṃbujāt |
dharmavāpyāṃ yatra dharmmastapastepe suduṣkuram || 72 ||
[Analyze grammar]

tasya kṣetrasya mahimā mayā tvatto'vadhāritaḥ |
svasti te'stu gamiṣyāmi dharmāraṇyadidṛkṣayā || 73 ||
[Analyze grammar]

tatra vākyajalaughena pāvito'haṃ caturmukha || 74 ||
[Analyze grammar]

vyāsa uvāca |
idamākhyānakaṃ sarvaṃ kathitaṃ pāṃḍunaṃdana |
yacchrutvā gosahasrasya phalaṃ prāpnoti mānavaḥ || 75 ||
[Analyze grammar]

aputro labhate putrānnirddhano dhanavānbhavet |
rogī rogātpramucyeta baddho mucyeta baṃdhanāt || 76 ||
[Analyze grammar]

vidyārthī labhate vidyāmuttamāṃ karmasādhanām |
tīrthayātrāphalaṃ tasya koṭikanyāphalaṃ labhet || 77 ||
[Analyze grammar]

yaḥ śrṛṇoti naro bhaktyā nārī vātha narottama |
nirayaṃ naiva paśyaṃti ekottaraśataiḥ saha || 78 ||
[Analyze grammar]

śubhe deśe niveśyātha kṣaumavastrādibhistathā |
purāṇapustakaṃ rājanprayataḥ śiṣṭasaṃmataḥ || 79 ||
[Analyze grammar]

arcayecca yathā nyāyaṃ gaṃdhamālyaiḥ pṛthakpṛthak |
samāptau nṛpa graṃthasya vācakasyānupūjanam || 80 ||
[Analyze grammar]

dānādibhiryathānyāyaṃ saṃpūrṇaphalahetave |
mudrikāṃ kuṃḍale caiva brahmasūtraṃ hiraṇmayam || 81 ||
[Analyze grammar]

vastrāṇi ca vicitrāṇi gaṃdhamālyānulepanaiḥ |
devavatpūjanaṃ kṛtvā gāṃ ca dadyātpayasvinīm || 82 ||
[Analyze grammar]

evaṃ vidhānataḥ śrutvā dharmāraṇyakathānakam |
dharmāraṇyanivāsasya phalamāpnotyasaṃśayam || 83 ||
[Analyze grammar]

iti śrīskāṃde mahāpurāṇa ekāśītisāhasryāṃ saṃhitāyāṃ tṛtīye brahmakhaṇḍe pūrvabhāge dharmāraṇyamāhātmye dharmāraṇyanivāsivyavasthāvarṇanapūrvaka dharmāraṇyapurāṇaśravaṇamāhātmyavarṇanaṃnāma catvāriṃśo'dhyāyaḥ || 40 ||
[Analyze grammar]