Chapter 30

[English text for this chapter is available]

| vyāsa uvāca |
purā tretāyuge prāpte vaiṣṇavāṃśo raghūdvahaḥ |
sūryavaṃśe samutpanno rāmo rājīvalocanaḥ || 1 ||
[Analyze grammar]

sa rāmo lakṣmaṇaścaiva kākapakṣadharāvubhau |
tātasya vacanāttau tu viśvāmitramanuvratau || 2 ||
[Analyze grammar]

yajñasaṃrakṣaṇārthāya rājñā dattau kumārakau |
dhanuḥśaradharau vīrau piturvacanapālakau || 3 ||
[Analyze grammar]

pathi pravrajato yāvattāḍakānāma rākṣasī |
tāvadāgamya puratastasthau vai vighnakāraṇāt || 4 ||
[Analyze grammar]

ṛṣeranujñayā rāmastāḍakāṃ samaghātayat |
prādiśacca dhanurvedavidyāṃ rāmāya gādhijaḥ || 5 ||
[Analyze grammar]

tasya pādatalasparśācchilā vāsavayogataḥ |
ahalyā gautamavadhūḥ punarjātā svarūpiṇī || 6 ||
[Analyze grammar]

viśvāmitrasya yajñe tu saṃpravṛtte raghūttamaḥ |
mārīcaṃ ca subāhuṃ ca jaghāna parameṣubhiḥ || 7 ||
[Analyze grammar]

īśvarasya dhanurbhagnaṃ janakasya gṛhe sthitam |
rāmaḥ paṃcadaśe varṣe ṣaḍvarṣāṃ caiva maithilīm || 8 ||
[Analyze grammar]

upayeme tadā rājanramyāṃ sītāmayonijām |
kṛtakṛtyastadā jātaḥ sītāṃ saṃprāpya rāghavaḥ || 9 ||
[Analyze grammar]

ayodhyāmagamanmārge jāmadagnyamavekṣya ca |
saṃgrāmo'bhūttadā rājandevānāmapi duḥsahaḥ || 10 ||
[Analyze grammar]

tato rāmaṃ parājitya sītayā gṛhamāgataḥ |
tato dvādaśavarṣāṇi reme rāmastayā saha || 11 ||
[Analyze grammar]

ekaviṃśatime varṣe yauvarājyapradāyakam |
rājānamatha kaikeyī varadvayamayāca ta || 12 ||
[Analyze grammar]

tayorekena rāmastu sasītaḥ sahalakṣmaṇaḥ |
jaṭādharaḥ pravrajatāṃ varṣāṇīha caturdaśa || 13 ||
[Analyze grammar]

bharatastu dvitīyena yauvarājyādhipostu me |
maṃtharāvacanānmūḍhā varametamayācata || 14 ||
[Analyze grammar]

jānakīlakṣmaṇasakhaṃ rāmaṃ prāvrājayannṛpaḥ |
trirātramudakāhāraścaturthehni phalāśanaḥ || 15 ||
[Analyze grammar]

pañcame citrakūṭe tu rāmo vāsamakalpayat |
tadā daśarathaḥ svargaṃ gato rāma iti bruvan || 16 ||
[Analyze grammar]

brahmaśāpaṃ tu saphalaṃ kṛtvā svargaṃ jagāma kim |
tato bharata śatrughnau citrakūṭe samāgatau || 17 ||
[Analyze grammar]

svargataṃ pitaraṃ rājanrāmāya vinivedya ca |
sāṃtvanaṃ bharatasyāsya kṛtvā nivartanaṃ prati || 18 ||
[Analyze grammar]

tato bharata śatrughnau naṃdigrāmaṃ samāgatau |
pādukāpūjanaratau tatra rājyadharāvubhau || 19 ||
[Analyze grammar]

atriṃ dṛṣṭvā mahātmānaṃ daṇḍakāraṇyamāgamata |
rakṣogaṇavadhārambhe virādhe vinipātite || 20 ||
[Analyze grammar]

arddhatrayodaśe varṣe paṃcavaṭyāmuvāsa ha |
tato virūpayāmāsa śūrpaṇakhāṃ niśācarīm |
vane vicarataratasya jānakīsahitasya ca || 21 ||
[Analyze grammar]

āgato rākṣaso ghoraḥ sītāpaharaṇāya saḥ |
tato māghāsitāṣṭamyāṃ muhūrte vṛndasaṃjñake || 22 ||
[Analyze grammar]

rāghavābhyāṃ vinā sītāṃ jahāra daśa kandharaḥ |
mārīcasyāśramaṃ gatvā mṛgarūpeṇa tena ca || 23 ||
[Analyze grammar]

nītvā dūraṃ rāghavaṃ ca lakṣmaṇena samanvitam |
tato rāmo jaghānāśu mārīcaṃ mṛgarū piṇam || 24 ||
[Analyze grammar]

punaḥ prāpyāśramaṃ rāmo vinā sītāṃ dadarśa ha |
tatraiva hriyamāṇā sā cakraṃda kurarī yathā || 25 ||
[Analyze grammar]

rāmarāmeti māṃ rakṣa rakṣa māṃ rakṣasā hṛtām |
yathā śyenaḥ kṣudhāyu्ktaḥ krandaṃtīṃ vartikāṃ nayet || 26 ||
[Analyze grammar]

tathā kāmavaśaṃ prāpto rākṣaso janakātmajām |
nayatyeṣa janakajāṃ tacchrutvā pakṣirāṭ tadā || 27 ||
[Analyze grammar]

yuyudhe rākṣaseṃdreṇa rāvaṇena hato'patat |
māghāsitanavamyāṃ tu vasaṃtīṃ rāvaṇālaye || 28 ||
[Analyze grammar]

mārgamāṇau tadā tau tu bhrātarau rāmalakṣmaṇau || 29 ||
[Analyze grammar]

jaṭāyuṣaṃ tu dṛṣṭvaiva jñātvā rākṣasasaṃhṛtām |
sītāṃ jñātvā tataḥ pakṣī saṃskṛtastena bhaktitaḥ || 30 ||
[Analyze grammar]

agrataḥ prayayau rāmo lakṣmaṇastatpadānugaḥ |
paṃpābhyāśamanuprāpya śabarīmanugṛhya ca || 31 ||
[Analyze grammar]

tajjalaṃ samupaspṛśya hanumaddarśanaṃ kṛtam |
tato rāmo hanumatā saha sakhyaṃ cakāra ha || 32 ||
[Analyze grammar]

tataḥ sugrīvamabhyetya ahanadvālivānaram |
preṣitā rāmadevena hanumatpramukhāḥ priyām || 33 ||
[Analyze grammar]

aṃgulīyakamādāya vāyusūnustadāgataḥ |
saṃpātirdaśame māsi ācakhyau vānarāya tām || 34 ||
[Analyze grammar]

tatastadvacanādabdhiṃ pupluve śatayojanam |
hanumānniśi tasyāṃ tu laṃkāyāṃ parito'cinot || 35 ||
[Analyze grammar]

tadrātriśeṣe sītāyā darśanaṃ tu hanūmataḥ |
dvādaśyāṃ śiṃśapāvṛkṣe hanumānparyavasthitaḥ || 36 ||
[Analyze grammar]

tasyāṃ niśāyāṃ jānakyā viśvāsāyāha saṃkathām |
akṣādibhistrayodaśyāṃ tato yuddhamavarttata || 37 ||
[Analyze grammar]

brahmāstreṇa trayodaśyāṃ baddhaḥ śakrajitā kapiḥ |
dāruṇāni ca rūkṣāṇi vākyāni rākṣasādhipam || 38 ||
[Analyze grammar]

abravīdvāyusūnustaṃ baddho brahmāstrasaṃyutaḥ |
vahninā pucchayuktena laṃkāyā dahanaṃ kṛtam || 39 ||
[Analyze grammar]

pūrṇimāyāṃ maheṃdrādrau punarāgamanaṃ kapeḥ |
mārgaśīrṣapratipadaḥ paṃcabhiḥ pathi vāsaraiḥ || 40 ||
[Analyze grammar]

punarāgatya varṣehni dhvastaṃ madhuvanaṃ kila |
saptamyāṃ pratyabhijñānadānaṃ sarvanivedanam || 41 ||
[Analyze grammar]

maṇipradānaṃ sītāyāḥ sarvaṃ rāmāya śaṃsayat |
aṣṭamyuttaraphālgunyāṃ muhūrte vijayābhidhe || 42 ||
[Analyze grammar]

madhyaṃ prāpte sahasrāṃśau prasthānaṃ rāghavasya ca |
rāmaḥ kṛtvā pratijñāṃ hi prayātuṃ dakṣiṇāṃ diśam || 43 ||
[Analyze grammar]

tīrtvāhaṃ sāgaramapi haniṣye rākṣaseśvaram |
dakṣiṇāśāṃ prayātasya sugrīvo'thābhava tsakhā || 44 ||
[Analyze grammar]

vāsaraiḥ saptabhiḥ siṃdhostīre sainyaniveśanam |
pauṣaśuklapratipadastṛtīyāṃ yāvadaṃbudhau |
upasthānaṃ sasainyasya rāghavasya babhūva ha || 45 ||
[Analyze grammar]

vibhīṣaṇaścaturthyāṃ tu rāmeṇa saha saṃgataḥ |
samudrataraṇārthāya paṃcamyāṃ maṃtra udyateḥ || 46 ||
[Analyze grammar]

prāyopaveśanaṃ cakre rāmo dinacatuṣṭayam |
samudrādvaralābhaśca sahopāyapradarśanaḥ || 47 ||
[Analyze grammar]

setordaśamyāmāraṃbhastrayodaśyāṃ samāpanam |
caturdaśyāṃ suvelādrau rāmaḥ senāṃ nyave śayat || 48 ||
[Analyze grammar]

pūrṇimāsyā dvitīyāyāṃ tridinaiḥ sainyatāraṇam |
tīrtvā toyanidhiṃ rāmaḥ śūravānarasainyavān || 49 ||
[Analyze grammar]

rurodha ca purīṃ laṃkāṃ sītārthaṃ śubhalakṣaṇaḥ |
tṛtīyādidaśamyaṃtaṃ niveśaśca dināṣṭakaḥ || 50 ||
[Analyze grammar]

śukasāraṇayostatra prāptirekādaśīdine |
pauṣāsite ca dvādaśyāṃ sainyasaṃkhyānameva ca || 51 ||
[Analyze grammar]

śārdūlena kapīṃdrāṇāṃ sārāsāropavarṇanam |
trayodaśyādyamāṃte ca laṃkāyāṃ divasaistribhiḥ || 52 ||
[Analyze grammar]

rāvaṇaḥ sainyasaṃ khyānaṃ raṇotsāhaṃ tadā'karot |
prayayāvaṃgado dautye māghaśuklādyavāsare || 53 ||
[Analyze grammar]

sītāyāśca tadā bharturmāyāmūrdhādidarśanam |
māghaśukladvitīyā yāṃ dinaiḥ saptabhiraṣṭamīm || 54 ||
[Analyze grammar]

rakṣasāṃ vānarāṇāṃ ca yuddhamāsīcca saṃkulam |
māghaśuklanavamyāṃ tu rātrāviṃdrajitā raṇe || 55 ||
[Analyze grammar]

rāmalakṣmaṇayornā gapāśabaṃdhaḥ kṛtaḥ kila |
ākuleṣu kapīśeṣu hatāśeṣu ca sarvaśaḥ || 56 ||
[Analyze grammar]

vāyūpadeśādgaruḍaṃ sasmāra rāghavastadā |
nāgapāśavimokṣārthaṃ daśamyāṃ garu ḍo'bhyagāt || 57 ||
[Analyze grammar]

avahāro māghaśuklaisyaikādaśyāṃ dinadvayam |
dvādaśyāmāṃjaneyena dhūmrākṣasya vadhaḥ kṛtaḥ || 58 ||
[Analyze grammar]

trayodaśyāṃ tu tenaiva nihato'kaṃpano raṇe |
māyāsītāṃ darśayitvā rāmāya daśakaṃdharaḥ || 59 ||
[Analyze grammar]

trāsayāmāsa ca tadā sarvānsainyagatānapi |
māghaśuklacaturddaśyāṃ yāvatkṛṣṇādivāsaram || 60 ||
[Analyze grammar]

tridinena prahastasya nīlena vihito vadhaḥ |
māghakṛṣṇadvitīyāyāścaturthyaṃtaṃ tribhirdinaiḥ || 61 ||
[Analyze grammar]

rāmeṇa tumule yuddhe rāvaṇo drāvito raṇāt |
pañcamyā aṣṭamī yāvadrāvaṇena prabodhitaḥ || 62 ||
[Analyze grammar]

kuṃbhakarṇastadā cakre'bhyavahāraṃ caturdinam |
kumbhakarṇokarodyuddhaṃ navamyādicaturdinaiḥ || 63 ||
[Analyze grammar]

rāmeṇa nihato yuddhe bahuvānarabhakṣakaḥ |
amāvāsyādine śokā'bhyavahāro babhūva ha || 64 ||
[Analyze grammar]

phālgunapratipadādau caturthyaṃtaiścaturdinaiḥ |
narāṃtakaprabhṛtayo nihatāḥ pañca rākṣasāḥ || 65 ||
[Analyze grammar]

paṃcamyāḥ saptamīṃ yāvadatikāyavadhastryahāt |
aṣṭamyā dvādaśīṃ yāvannihato dinapaṃcakāt || 66 ||
[Analyze grammar]

nikumbhakumbhau dvāvetau makarākṣaścaturdinaiḥ |
phālgunāsitadvitīyāyā dine vai śakrajijjitaḥ || 67 ||
[Analyze grammar]

tṛtīyādau saptamyaṃtadinapañcakameva ca |
oṣadhyānayavaiyagryādavahāro babhūva ha || 68 ||
[Analyze grammar]

aṣṭamyāṃ rāvaṇo māyāmaithilīṃ hatavānkudhīḥ |
śokāvegāttadā rāmaścakre sainyāvadhāraṇam || 69 ||
[Analyze grammar]

tatastrayodaśīṃ yāvaddinaiḥ paṃcabhiriṃdrajit |
lakṣmaṇena hato yuddhe vikhyātabalapauruṣaḥ || 70 ||
[Analyze grammar]

caturddaśyāṃ daśagrīvo dīkṣāmāpāvahārataḥ |
amāvāsyādine prāgādyuddhāya daśakaṃdharaḥ || 71 ||
[Analyze grammar]

caitraśuklapratipadaḥ paṃcamīdinapaṃcake |
rāvaṇo yudhyamāno 'bhūtpracuro rakṣasāṃ vadhaḥ || 72 ||
[Analyze grammar]

caitraśuklāṣṭamīṃ yāvatsyaṃdanāśvādisūdanam |
caitraśuklanavamyāṃ tu saumitreḥ śaktibhedane || 73 ||
[Analyze grammar]

kopāviṣṭena rāmeṇa drāvito daśakaṃdharaḥ |
vibhīṣaṇopadeśena hanumadyuddhameva ca || 74 ||
[Analyze grammar]

droṇādreroṣadhīṃ netuṃ lakṣmaṇārthamupāgataḥ |
viśalyāṃ tu samādāya lakṣmaṇaṃ tāmapāyayat || 75 ||
[Analyze grammar]

daśamyāmavahāro'bhūdrātrau yuddhaṃ tu rakṣasām |
ekādaśyāṃ tu rāmāya ratho mātalisārathiḥ || 76 ||
[Analyze grammar]

prāpto yuddhāya dvādaśyāṃ yāvatkṛṣṇāṃ caturdaśīm |
aṣṭādaśadine rāmo rāvaṇaṃ dvairathe'vadhīt || 77 ||
[Analyze grammar]

saṃskārā rāvaṇādīnāmamāvā syādine'bhavan |
saṃgrāme tumule jāte rāmo jayamavāptavān || 78 ||
[Analyze grammar]

māghaśukladvitīyādicaitrakṛṣṇacaturddaśīm |
saptāśītidinānyevaṃ madhye paṃvadaśā hakam || 79 ||
[Analyze grammar]

yuddhāvahāraḥ saṃgrāmo dvāsaptatidinānyabhūt |
vaiśākhādi tithau rāma uvāsa raṇabhūmiṣu |
abhiṣikto dvitīyāyāṃ laṃkārājye vibhī ṣaṇaḥ || 80 ||
[Analyze grammar]

sītāśuddhistṛtīyāyāṃ devebhyo varalaṃbhanam |
daśarathasyāgamanaṃ tatra caivānumodanam || 81 ||
[Analyze grammar]

hatvā tvareṇa laṃkeśaṃ lakṣmaṇasyāgrajo vibhuḥ || |
gṛhītvā jānakīṃ puṇyāṃ duḥkhitāṃ rākṣasena tu || 82 ||
[Analyze grammar]

ādāya parayā prītyā jānakīṃ sa nyavartata |
vaiśākhasya caturthyāṃ tu rāmaḥ puṣpakamā śritaḥ || 83 ||
[Analyze grammar]

vihāyasā nivṛttastu bhūyo'yodhyāṃ purīṃ prati |
pūrṇe caturdaśe varṣe paṃcamyāṃ mādhavasya ca || 84 ||
[Analyze grammar]

bhāradvājāśrame rāmaḥ sagaṇaḥ samu pāviśat |
naṃdigrāme tu ṣaṣṭhyāṃ sa puṣpakeṇa samāgataḥ || 85 ||
[Analyze grammar]

saptamyāmabhiṣikto'sau bhūyo'yodhyāyāṃ raghūdvahaḥ |
daśāhādhikamāsāṃśca caturdaśa hi maithilī || 85 ||
[Analyze grammar]

uvāsa rāmarahitā rāvaṇasya niveśane |
dvācatvāriṃśake varṣe rāmo rājyamakārayat || 87 ||
[Analyze grammar]

sītāyāstu trayastriṃśadvarṣāṇi tu tadā bhavan |
sa caturdaśavarṣāṃte praviṣṭaḥ svāṃ purīṃ prabhuḥ || 88 ||
[Analyze grammar]

ayodhyāṃ nāma mudito rāmo rāvaṇadarpahā |
bhrātṛbhiḥ sahitastatra rāmo rājyamakāra yat || 89 ||
[Analyze grammar]

daśavarṣasahasrāṇi daśavarṣaśatāni ca |
rāmo rājyaṃ pālayitvā jagāma tridivālayam || 90 ||
[Analyze grammar]

rāmarājye tadā lokā harṣanirbharamā nasāḥ |
babhūvurdhanadhānyāḍhyāḥ putrapautrayutā narāḥ || 91 ||
[Analyze grammar]

kāmavarṣī ca parjanyaḥ sasyāni guṇavaṃti ca |
gāvastu ghaṭadohinyaḥ pādapāśca sadā phalāḥ || 92 ||
[Analyze grammar]

nādhayo vyādhayaścaiva rāmarājye narādhipa |
nāryaḥ pativratāścāsanpitṛbhaktiparā narāḥ || 93 ||
[Analyze grammar]

dvijā vedaparā nityaṃ kṣatriyā dvija sevinaḥ |
kurvate vaiśyavarṇāśca bhaktiṃ dvijagavāṃ sadā || 94 ||
[Analyze grammar]

na yonisaṃkaraścāsīttatra nācārasaṃkaraḥ |
na vaṃdhyā durbhagā nārī kākavaṃdhyā mṛta prajā || 95 ||
[Analyze grammar]

vidhavā naiva kāpyāsītsabhartṛkā na lapyate |
nāvajñāṃ kurvate kepi mātāpitrorgurostathā || 96 ||
[Analyze grammar]

na ca vākyaṃ hi vṛddhānāmullaṃ ghayati puṇyakṛt |
na bhūmiharaṇaṃ tatra paranārīparāṅmukhāḥ || 97 ||
[Analyze grammar]

nāpavādaparo loko na daridro na rogabhāk |
na steyo dyūtakārī ca maireyī pāpino nahi || 98 ||
[Analyze grammar]

na hemahārī brahmaghno na caiva gurutalpagaḥ |
na strīghno na ca bālaghno na caivānṛtabhāṣaṇaḥ || 99 ||
[Analyze grammar]

na vṛttilopakaścāsītkūṭa sākṣī na caiva hi |
na śaṭho na kṛtaghnaśca malino naiva dṛśyate || 100 ||
[Analyze grammar]

sadā sarvatra pūjyaṃte brāhmaṇā vedapāragāḥ |
nāvaiṣṇavo'vratī rājanrāma rājye'tiviśrute || 101 ||
[Analyze grammar]

rājyaṃ prakurvatastasya purodhā vadatāṃ varaḥ |
vasiṣṭho munibhiḥ sārddhaṃ kṛtvā tīrthānyanekaśaḥ || 2 ||
[Analyze grammar]

ājagāma brahmaputro mahābhāgastaponidhiḥ |
rāmastaṃ pūjayāmāsa munibhiḥ sahitaṃ gurum || 3 ||
[Analyze grammar]

abhyutthānārghapādyaiśca madhuparkādipūjayā |
prapaccha kuśalaṃ rāmaṃ vasiṣṭho munipuṃgavaḥ || 4 ||
[Analyze grammar]

rājye cāśve gaje kośe deśe sadbhrātṛbhṛtyayoḥ |
kuśalaṃ varttate rāma iti pṛṣṭe munestadā || 5 ||
[Analyze grammar]

rāma uvāca |
sarvatra kuśalaṃ me'dya prasādādbhavataḥ sadā |
papraccha kuśalaṃ rāmo vasiṣṭhaṃ munipuṃgavam || 6 ||
[Analyze grammar]

sarvataḥ kuśalī tvaṃ hi bhāryāputrasamanvitaḥ |
sa sarvaṃ kathayāmāsa yathā tīrthānyaśeṣataḥ || 7 ||
[Analyze grammar]

sevitāni dharāpṛṣṭhe kṣetrāṇyāyatanāni ca |
rāmāya kathayāmāsa sarvatra kuśalaṃ tadā || 8 ||
[Analyze grammar]

tataḥ sa vismayāviṣṭo rāmo rājīvalocanaḥ |
papraccha tīrthamāhātmyaṃ yattīrtheṣūttamottamam || 109 ||
[Analyze grammar]