Skanda Purana [sanskrit]

876,996 words | ISBN-10: 8170800978 | ISBN-13: 9788170800972

This Sanskrit edition of the Skandapurana. It is one of the largest of the eighteen Mahapuranas, covering over 80,000 shlokas (verses). It is divided into seven large section each covering holy regions detailing their background and legends.

[English text for this chapter is available]

sūta uvāca |
tatra tasya samīpasthaṃ mārkaṃḍenopalakṣitam |
tīrthaṃ govatsasaṃjñaṃ tu sarvatra bhuvi saṃśrutam || 1 ||
[Analyze grammar]

tatrāvatīrya govatsasvarūpeṇāṃbikāpatiḥ |
svayaṃbhūliṃgarūpeṇa saṃsthito jagatāṃ patiḥ || 2 ||
[Analyze grammar]

āsīdbalāhakonāma rudrabhakto mahābalaḥ |
ākheṭakasamāyukto nṛpaḥ parapuraṃjayaḥ || 3 ||
[Analyze grammar]

mṛgayūthe sthitaṃ dṛṣṭvā govatsaṃ tatpadātinā |
ukto rājā mayā dṛṣṭaṃ kautukaṃ nṛpasattama || 4 ||
[Analyze grammar]

govatso mṛgayūthasya dṛṣṭo madhyasthito mayā |
teṣāmevānurakto'sau jananyā rahitastathā || 5 ||
[Analyze grammar]

draṣṭuṃ tu kautukaṃ rājā taṃ padātiṃ puraḥ sthitam |
uvāca darśayasveti govatsaṃ ca samāviśat || 6 ||
[Analyze grammar]

gatvāṭavīṃ tadā rājño darśitaḥ sa padātinā |
padātibhirmṛgānīkaṃ dudrāva trāsitaṃ yadā || 7 ||
[Analyze grammar]

pīlugulmaṃ prati gataṃ govatsaḥ prasthitastadā |
rājā taddharaṇākāṃkṣo prāviśadgulmamādarāt || 8 ||
[Analyze grammar]

tatra sthitaṃ sa govatsamapaśyannṛpatiḥ svayam |
yāvadgṛhṇāti taṃ tāvalliṃgaṃ jātaṃ samujvalam || 9 ||
[Analyze grammar]

taṃ dṛṣṭvā vismito rājā kimetadityaciṃtayat |
yāvacciṃtayate hyevaṃ dehaṃ tyaktvā divaṃ gataḥ || 10 ||
[Analyze grammar]

atrāṃtare gaganatale samaṃtataḥ śrūyate surajayakāragarjitam |
papāta puṣpavṛṣṭiraṃbarādrājā gataḥ śivabhuvanaṃ ca tatkṣaṇāt || 11 ||
[Analyze grammar]

tāvatpaśyati tannābhyaṃ govatsaṃ bālakaṃ sthitam |
nūnameṣa mahādevo vatsarūpī maheśvaraḥ || 12 ||
[Analyze grammar]

tamānetuṃ samudyukto rājā tamujjahāra ca |
tadā taddeva liṃgaṃ tu nottiṣṭhati kathaṃcana |
tadā devāḥ sahānena prārthayāmāsurīśvaram || 13 ||
[Analyze grammar]

devā ūcuḥ |
bhagavansarvadeveśa sthātavyaṃ bhavatā vibho |
śuklena liṃgarūpeṇa sarvalokahitaiṣiṇā || 14 ||
[Analyze grammar]

śrīmahādeva uvāca |
sthāsyāmyahaṃ sadaivātra liṃgarūpeṇa devatāḥ |
yasmādbhādrapade māsi kṛṣṇapakṣe kuhū dine || 15 ||
[Analyze grammar]

tathā taddivase tatra snānaṃ kṛtvā vidhānataḥ |
liṃgaṃ ye pūjayiṣyaṃti na teṣāṃ vidyate bhayam || 16 ||
[Analyze grammar]

ṛte ca piṃḍadānena pūrvajāḥ śāśvatīḥ samāḥ |
raurave narake ghore kuṃbhīpāke ca ye gatāḥ || 17 ||
[Analyze grammar]

anekanarakasthāśca tiryagyonigatāśca ye |
sakṛtpiṃḍapradānena syātte ṣāmakṣayā gatiḥ || 18 ||
[Analyze grammar]

tato balāhako rājā sarvadevasamanvitaḥ |
sthāpayāmāsa talliṃgaṃ sarvadevasamīpataḥ || 19 ||
[Analyze grammar]

cakāra bahudānāni lokānāṃ hitakāmyayā |
yāvadarcayate hyevaṃ rudro'pi svayamāgataḥ || 20 ||
[Analyze grammar]

rudra uvāca |
asyāṃ rātrau tu manujāḥ śraddhābhaktisamanvitāḥ |
yercayiṣyaṃti deveśaṃ teṣāṃ puṇyamanaṃtakam || 21 ||
[Analyze grammar]

jāgaraṃ ye kariṣyaṃti gītaśāstrapuraḥsaram |
uddhariṣyaṃti te martyāḥ kulamekottaraṃ śatam || 22 ||
[Analyze grammar]

tāvadgarjjaṃti tīrthāni naimiṣaṃ puṣkaraṃ gayā |
prayāgaṃ ca prabhāsaṃ ca dvārakā mathurā'rbudaḥ || 23 ||
[Analyze grammar]

yāvanna dṛśyate liṃgaṃ govatsaṃ paramādbhutam |
yadā hi kurute bhāvaṃ govatsagamanaṃ prati || 24 ||
[Analyze grammar]

svavaṃśajāstadā sarve nṛtyaṃti harṣitā dhruvam || 25 ||
[Analyze grammar]

sūta uvāca |
yaccānyadadbhutaṃ tatra vṛttāṃtaṃ śṛṇu ta dvijā |
yena vai śrutamātreṇa sarvapāpakṣayo bhavet || 26 ||
[Analyze grammar]

yadā vai sthāpitaṃ liṃgaṃ sarvadevaiḥ purātanam |
viṣṇoḥ pratiṣṭhānaguṇātsarveṣāṃ ca divauka sām || 27 ||
[Analyze grammar]

aṇumātrapramāṇena pratyahaṃ samavarddhata |
tataste manujā devā bhītāstaṃ śaraṇaṃ yayuḥ || 28 ||
[Analyze grammar]

devā ūcuḥ |
vṛddhiṃ saṃhara deveśa lokā nāṃ svasti tadbhavet |
evamukte tato liṃgādvāguvācāśarīriṇī || 29 ||
[Analyze grammar]

śivavāṇyuvāca |
he lokā mā bhayaṃ vo'stu upāyaḥ śrūyatāmayam |
kaściccaṃḍālamānīya matpuraḥ sthāpyatāṃ dhuvam || 30 ||
[Analyze grammar]

caṃḍālāṃśca samānīya dadhurdevasya te puraḥ |
tathāpi tasya vṛddhistu naiva nirvartate punaḥ || 31 ||
[Analyze grammar]

vāguvāca |
karmmaṇā yastu caṃḍālaḥ so'gre me sthāpyatāṃ janāḥ |
tacchrutvā mahadāścaryaṃ matiṃ cakurvilocane || 32 ||
[Analyze grammar]

mārgamāṇāstadā te tu grāmāṇi ca purāṇi ca |
kañcitkarmarataṃ pāpaṃ dadṛśurbrāhmaṇabruvam || 33 ||
[Analyze grammar]

vṛṣabhānbhārasaṃyuktānmadhyāhnevāhayattu saḥ |
kṣuttṛṭśramaparītāṃśca durbalānkrūramānasaḥ || 34 ||
[Analyze grammar]

asnātvāpi paryuṣitaṃ bhakṣayaṃtīha vai dvijāḥ |
taṃ samādāya deveśaṃ jagmuryatra jagadguruḥ || 35 ||
[Analyze grammar]

devālayāgrabhūmau taṃ sthāpayāsurādṛtāḥ |
bhasmī babhūva sahasā govatsāgre nirūpitaḥ || 36 ||
[Analyze grammar]

caṃḍālasthala ityeṣa prasiddhosau'bhavatkṣitau |
tatra sthitairna cādyāpi prāsādo daśyate hi saḥ || 37 ||
[Analyze grammar]

tadāprabhṛti talliṃgaṃ sāmyabhāvamupāgatam |
dhautapāpmā gatastīrthaṃ dvijo liṃganirīkṣiṇāt || 38 ||
[Analyze grammar]

pratyahaṃ pūjayāmāsa govatsaṃ gata kilbiṣaḥ |
viśeṣātkṛṣṇapakṣasya caturddaśyāṃ samāgataḥ || 39 ||
[Analyze grammar]

etattadadbhutaṃ tasya devasya ca triśūlinaḥ |
śṛṇuyādyo naro bhaktyā sarvapāpaiḥ pramucyate || 40 ||
[Analyze grammar]

bhūta uvāca |
govatsamiti vikhyātaṃ narāṇāṃ puṇyadaṃ param |
anekajanmapāpaghnaṃ mārkaṃḍeyena bhāṣitam || 41 ||
[Analyze grammar]

tatra tīrthe sakṛtsnānaṃ rudralokapradaṃ nṛṇām |
pāpadehaviśuddhayarthaṃ pāpenopahatātmanām || 42 ||
[Analyze grammar]

kūpe tarpaṇataścaiva śrāddhataścaiva tṛptatā |
bhādrapade viśe ṣeṇa pakṣasyāṃte bhavetkalau || 43 ||
[Analyze grammar]

ekaviṃśativārāṃstu gayāyāṃ tarpaṇe kṛte |
pitṝṇāṃ paramā tṛptiḥ sakṛdvai gaṃgakūpake || 44 ||
[Analyze grammar]

tasmingovatsasāmīpye tiṣṭhate gaṃgakūpakaḥ |
tasmiṃstilodakenāpi sadgatiṃ yāṃti tarpitāḥ || 45 ||
[Analyze grammar]

pitaro narakādvāpi supuṇyena sumedhasā |
gopradānaṃ praśaṃsaṃti tasmiṃstīrthe munīśvarāḥ || 46 ||
[Analyze grammar]

viprāya svarṇadānaṃ tu rudraloke nayennaram |
sarasvatīśivakṣetre gaṃgā ca gaṃgakūpake || 47 ||
[Analyze grammar]

ekasthametattritayaṃ svargāpavargakāraṇam |
sevitaṃ carṣibhiḥ siddhaistīrthaṃ sarvatra viśrutam || 48 ||
[Analyze grammar]

pīluyugmaṃ sthitaṃ tatra tattīrthaṃ munisevitam |
snānātsvargapradaṃ caiva pānātpāpaviśuddhidam || 49 ||
[Analyze grammar]

kīrttanātpuṇyajananaṃ sevanānmuktidaṃ param |
tadvai paśyaṃti ye bhaktyā brahmahā yadi mātṛhā || 50 ||
[Analyze grammar]

bālaghātī ca goghnaśca ye ca strīśūdraghātakāḥ |
garadāścāgnidāścaiva gurudroharatāśca ye || 51 ||
[Analyze grammar]

tapasvinindakāścaiva kūṭasākṣyaṃ karoti yaḥ |
vaktā ca paradoṣasya parasya guṇalopakaḥ || 52 ||
[Analyze grammar]

sarvapāpamayo'pyatra mucyate liṃgadarśanāt || 53 ||
[Analyze grammar]

iti śrīskāṃde mahāpurāṇa ekāśīti sāhasryāṃ saṃhitāyāṃ tṛtīye brahmakhaṇḍe pātālakhaṇḍe dharmāraṇyamāhātmye balāhakopākhyānavarṇanaṃnāma saptaviṃśo'dhyāyaḥ || 27 ||
[Analyze grammar]

Other print editions:

Also see the following print editions of the Sanskrit text or (alternative) English translations of the Skandapurana Chapter 27

Cover of edition (2007)

The Skanda-Purana
by G. V. Tagare (2007)

(23 Volumes) - Motilal Banarsidass Publishers Pvt. Ltd.

Buy now!
Cover of edition (2016)

Skanda Purana (Hindi Translation)
by S. N. Khandelwal (2016)

(Set of 10 Books) - Chowkhamba Sanskrit Series Office

Buy now!
Cover of Bengali edition

Skanda Purana in Bengali
by Navabharat Publishers, Kolkata (0)

স্কন্ধ পুরাণম: - (Set of 7 Volumes)

Buy now!
Cover of edition (0)

Skanda Purana in Kannada
by Vandana Book House, Bangalore (0)

ಶ್ರೀ ಸ್ಕಾಂದ ಮಹಾಪುರಣಂ: (Set of 25 Volumes)

Buy now!
Cover of Gujarati edition

Skanda Mahapurana (Gujarati)
by Sahitya Sangam, Ahemdabad (2017)

સ્કંદ મહાપુરાણ: (Condensed/Summary)

Buy now!
Cover of edition (2015)

Shri Skanda purana (Malayalam)
by M.P. Pillai kaniyanthara (2015)

(Condensed/Summary) - Devi Book Stall, Kodungallur

Buy now!
Like what you read? Consider supporting this website: