Chapter 20

[English text for this chapter is available]

vyāsa uvāca |
ataḥ paraṃ pravakṣyāmi śivatīrthamanuttamam |
yatrāsau śaṃkaro devaḥ punarjanmadharo'bhavat || 1 ||
[Analyze grammar]

kīlito devadeveśaḥ śaṃkaraśca trilocanaḥ |
girijayā mahābhāga pātito bhūmimaṃḍale || 2 ||
[Analyze grammar]

chalito muhyamānastu divārātriṃ na vetti ca |
puṃstrīnapuṃsakāścaiva jaḍībhūtastrilocanaḥ || 3 ||
[Analyze grammar]

kalpāṃtamiva saṃjātaṃ tadā tasmiṃśca kīlite |
pārvatyā sahasā tasya kṛta kīlanakaṃ tadā || 4 ||
[Analyze grammar]

yudhiṣṭhira uvāca |
etadāścaryamatulaṃ vacanaṃ yattvayoditam |
yo guruḥ sarvadevānāṃ yogināṃ caiva sarvadā || 5 ||
[Analyze grammar]

pārvatyā kīlitaḥ kasmā nnaṣṭavṛttiḥ śivaḥ katham |
kāraṇaṃ kathyatāṃ tatra paraṃ kautūhalaṃ hi me || 6 ||
[Analyze grammar]

vyāsa uvāca |
mantraughā vividhā rājañchaṃkareṇa prakāśitāḥ |
pārvatyagre mahārāja atharvaṇopavedajāḥ || 7 ||
[Analyze grammar]

śākinī ḍākinī caiva kākinī hākinī tathā |
ekinī lākinī hyetāḥ ṣaṭbhedāstatra kīrti tāḥ || 7 ||
[Analyze grammar]

bījānyuddhṛtya vai tābhyo mālā caikavṛtā kṛtā |
śaṃbhunā kathitā caiva pārvatyagre nṛpottama || 9 ||
[Analyze grammar]

taiścaiva aṣṭā bhavati maṃtroddhāraḥ kṛtastu sā |
sādhayetsā mahāduṣṭā śākinī pramadānaghe || 10 ||
[Analyze grammar]

śrīpārvatyuvāca |
prakāśitāstvayā nātha bhedā hyete ṣaḍeva hi |
ṣaḍvidhāḥ śaktayo nātha agamyāyogamālinīḥ |
ṣaḍvidhoktaṃ tvayaikena kūṭātkṛtaṃ vadasva mām || 11 ||
[Analyze grammar]

śrīmahādeva uvāca |
aprakāśo mahādevi devāsuraistu mānavaiḥ || 12 ||
[Analyze grammar]

pārvatyuvāca |
namaste sarvarūpāya namaste vṛṣabhadhvaja |
jaṭileśa namastubhyaṃ nīlakaṇṭha namostute || 13 ||
[Analyze grammar]

kṛpāsiṃdho namastubhyaṃ namaste kālarūpiṇe |
etaiśca bahubhirvākyaiḥ komalaiḥ karuṇānidhim || 14 ||
[Analyze grammar]

toṣayitvādritanayā daṇḍavatpraṇipatya ca |
jagrāha pādayugalaṃ tāṃ provāca dayāparaḥ || 15 ||
[Analyze grammar]

kimarthaṃ stūyase bhadre yācyatāṃ manasīpsitam || 16 ||
[Analyze grammar]

pārvatyuvāca |
samāhāraṃ ca sadhyānaṃ kathayasva savistaram |
asaṃdehamaśeṣaṃ ca yadyahaṃ vallabhā tava || 17 ||
[Analyze grammar]

śrīrudra uvāca |
na prakāśyaṃ tvayā devi samāhārodbhavaṃ phalam |
sarvaṃ tattvamahaṃ vakṣye maṃtrakūṭādyameva hi || 17 ||
[Analyze grammar]

māyābījaṃ tu sarveṣāṃ kūṭānāṃ hi varānane |
sarveṣāṃ madhyamo varṇo biṃdunā dādiśobhitaḥ || 19 ||
[Analyze grammar]

vahnibījaṃ savātaṃ ca kūrmabījasamanvitam |
ādityaprabhavaṃ bījaṃ śaktibījodbhavaṃ sadā || 20 ||
[Analyze grammar]

etatkūṭaṃ cādyabījaṃ dvitīyaṃ ca vibhormatam |
tṛtīyaṃ cāgnibījaṃ tu saṃyuktaṃ biṃduneṃdunā || 21 ||
[Analyze grammar]

caturthaṃ yuktaṃ śeṣeṇa brahmabījamṛṣistathā |
paṃcamaṃ kālabījaṃ ca ṣaṣṭhaṃ pārthiva bījakam || 22 ||
[Analyze grammar]

saptame cāṣṭame bāhyaṃ nṛsiṃhena samanvitam |
navame dvitīyamekaṃ ca daśame cāṣṭakūṭakam || 23 ||
[Analyze grammar]

viparītaṃ tayorbījaṃ rudrākṣe vara cāriṇi |
caturdaśe caturthyarthaṃ pṛthvībījena saṃyutam || 24 ||
[Analyze grammar]

kūṭāḥ śeṣākṣarāḥ kecidrakṣitā menakātmaje |
sā papāta yadorvyāṃ hi śivapatnī tadā nṛpa || 25 ||
[Analyze grammar]

rāmeṇāśvāsitā tatra prahasaṃstripurāṃtakaḥ |
bhadre yasmāttvayā pannaṃ jaṃvaśaktirbhaviṣyati || 26 ||
[Analyze grammar]

māraṇe mohane vaśye ākarṣaṇe ca kṣobhaṇe |
yaṃyaṃ kāmayate nūnaṃ tatatsiddhirbhaviṣyati || 27 ||
[Analyze grammar]

iti śrutvā tadā devī duṣṭacittā śucismitā |
kūṭaśeṣāstato vīrāḥ proktāstasyai tu śaṃbhu nā || 28 ||
[Analyze grammar]

uvāca ca kṛpāsiṃdhuḥ sādhayasva yathāvidhi |
kailāsāttu harastatra dharmāraṇyaṃ gato bhṛśam || 29 ||
[Analyze grammar]

jñātvā devī yayau tatra yatrāsau vṛṣabhadhvajaḥ |
tatkṣaṇātpatito bhūmau dharmāraṇye nṛpottama || 30 ||
[Analyze grammar]

jaṭā caṃdroragāḥ śūlaṃ vṛṣabhādyāyudhāni || 3 ||
[Analyze grammar]

muṃḍamālā ca kaupīnaṃ kapālaṃ brahmaṇastu vai || 31 ||
[Analyze grammar]

gatā gaṇāśca sarvatra bhūtapretā diśo daśa |
visaṃjñaṃ ca svamātmānaṃ jñātvā devo maheśvaraḥ || 32 ||
[Analyze grammar]

svedajāstu samutpannā gaṇāḥ kūṭādayastathā |
paṃcakūṭānsamutpādya tasmāttadādhamūline || 33 ||
[Analyze grammar]

sādhakāste mahārāja japahomaparāyaṇāḥ |
pretāsanāstu te sarve kālakūṭopari sthitāḥ || 34 ||
[Analyze grammar]

kathayaṃti svamātmānaṃ yena mokṣaḥ pinākinaḥ |
tataḥ kaṣṭasamāviṣṭā gaurī vahnibhayāturā || 35 ||
[Analyze grammar]

sabhājitaḥ śivastaiśca gaurī hrīṇā tvadhomukhī |
tapastepe ca tatrasthā śaṃkarādeśakāriṇī || 36 ||
[Analyze grammar]

paṃcāgnisevanaṃ kṛtvā dhūmrapānamadhomukhī |
kūṭākṣaraiḥ stutastaistu toṣito vṛṣabhadhvajaḥ || 37 ||
[Analyze grammar]

dharākṣetramidaṃ rājanpāpaghnaṃ sarvakāmadam |
devamajjanakaṃ śubhraṃ sthānake'sminvirājate || 38 ||
[Analyze grammar]

āśvine kṛṣṇapakṣe ca caturdaśyā dine nṛpa |
tatra snātvā ca pītvā ca sarvapāpaiḥ pramucyate || 39 ||
[Analyze grammar]

pūjayitvā ca deveśamupoṣya ca vidhānataḥ |
śākinī ḍākinī caiva vetālāḥ pitaro grahāḥ || 40 ||
[Analyze grammar]

grahā dhiṣṇyā na pīḍyaṃte satyaṃsatyaṃ varānane |
sāṃgaṃ rudrajapaṃ tatra kṛtvā pāpaiḥ pramucyate || 41 ||
[Analyze grammar]

naśyaṃti trividhā rogāḥ satyaṃsatyaṃ ca bhūpate |
etatsarvaṃ mayā khyātaṃ devamajjanakaṃ śṛṇu || 42 ||
[Analyze grammar]

aśvamedhasahasraistu kṛtaistu bhūridakṣiṇaiḥ |
tatphalaṃ samavāpnoti śrotā śrāvayitā naraḥ || 43 ||
[Analyze grammar]

aputro labhate putrānnirdhano dhanamāpnuyāt |
āyurārogyamaiśvaryaṃ labhate nātra saṃśayaḥ || 44 ||
[Analyze grammar]

manovākkāyajanitaṃ pātakaṃ trividhaṃ ca yat |
tatsarvaṃ nāśamāyāti smaraṇātkīrtanānnṛpa || 45 ||
[Analyze grammar]

dhanyaṃ yaśasyamāyuṣyaṃ sukhasaṃtānadāyakam |
māhātmyaṃ śṛṇuyādvatsa sarvasaukhyānvito bhavet || 46 ||
[Analyze grammar]

sarvatīrtheṣu yatpuṇyaṃ sarvadāneṣu yatphalam |
sarvayajñaiśca yatpuṇyaṃ jāyate śravaṇānnṛpa || 47 ||
[Analyze grammar]

iti śrīskāṃde mahāpurāṇa ekāśītisāhasryāṃ sahitāyāṃ tṛtīye brahmakhaṇḍa pūrvabhāge dharmāṇyamāhātmye dharākṣetravarṇanaṃ nāma viṃśo'dhyāyaḥ || 20 ||
[Analyze grammar]