Chapter 19

[English text for this chapter is available]

| | vyāsa uvāca |
indrasare naraḥ snātvā dṛṣṭvā ceṃdreśvaraṃ śivam |
saptajanmakṛtātpāpānmucyate nātra saṃśayaḥ || 1 ||
[Analyze grammar]

yudhiṣṭhira uvāca |
kena cādau nirmitaṃ tattīrthaṃ sarvottamottamam |
yathāvadvarṇaya tvaṃ me bhagavandvijasattama || 2 ||
[Analyze grammar]

vyāsa uvāca |
indreṇaiva mahārāja tapastaptaṃ suduṣkaram |
grāmāduttaradigbhāge śatavarṣāṇi tatra vai || 3 ||
[Analyze grammar]

śivoddeśaṃ mahāghoramekāṃguṣṭhena bhārata |
urddhvabāhurmahātejāḥ sūryasyābhimukho'bhavat || 4 ||
[Analyze grammar]

vṛtrasya vadhato jñātaṃ yatpāpaṃ tasya nuttaye |
ekāgraḥ prayato bhūtvā śivasyārādhane rataḥ || 5 ||
[Analyze grammar]

tapasā ca tadā śaṃbhustoṣitaḥ śaśiśe kharaḥ |
tatrājagāma jaṭilo bhasmāṃgo vṛṣabhadhvajaḥ || 6 ||
[Analyze grammar]

khaṭvāṃgī paṃcavaktraśca daśabāhustrilocanaḥ |
gaṃgādharo vṛṣārūḍho bhūtapretādiveṣṭitaḥ || 7 ||
[Analyze grammar]

suprasannaḥ suraśreṣṭhaḥ kṛpālurvaradāyakaḥ |
tadā hṛṣṭamanā devo devendramidamūcivān || 8 ||
[Analyze grammar]

hara uvāca |
yattvaṃ yācayase deva tadahaṃ prada dāmi te || 9 ||
[Analyze grammar]

indra uvāca |
yadi tuṣṭosi deveśa kṛpāsiṃdho maheśvara |
brahmahatyā hi māṃ deva udvejayati nityaśaḥ || 10 ||
[Analyze grammar]

vṛtrāsurasya hanane jātaṃ pāpaṃ surottama |
tatpāpaṃ nāśaya vibho mama duḥkhapradaṃ sadā || 11 ||
[Analyze grammar]

hara uvāca |
dharmāraṇye surapate brahmahatyā na pīḍayet |
hatyā gavāṃ dvijātīnāṃ bālasya yoṣitāmapi || 12 ||
[Analyze grammar]

vacanānmama deveṃdra brahmaṇaḥ keśavasya ca |
yamasya vacanājjiṣṇo hatyā naivātra tiṣṭhati |
praviśya tvaṃ mahārāja atotra snānamācara || 13 ||
[Analyze grammar]

indra uvāca |
yadi tvaṃ mama tuṣṭo'si kṛpāsiṃdho maheśvara |
mannāmnā ca mahādeva sthāpito bhava śaṃkara || 14 ||
[Analyze grammar]

tathetyuktvā mahādevaḥ suprasanno harastadā |
darśayāmāsa tatraiva liṃgaṃ pāpapraṇāśanam || 15 ||
[Analyze grammar]

kūrmapṛṣṭhātsamutpādya ātmayogena śaṃbhunā |
sthitastatraiva śrīkaṇṭhaḥ kālatrayavido viduḥ || 16 ||
[Analyze grammar]

vṛtrahatyāsamuttrastadevarājasya sannidhau |
indreśvarastadā tatra dharmā raṇye sthito nṛpa || 17 ||
[Analyze grammar]

sarvapāpaviśuddhyarthaṃ lokānāṃ hitakāmyayā |
indreśvaraṃ tu rājeṃdra puṣpadhūpādikaiḥ sadā || 18 ||
[Analyze grammar]

pūjayecca naro bhaktyā sarvapāpaiḥ pramucyate |
aṣṭamyāṃ ca caturdaśyāṃ māghamāse viśeṣataḥ || 19 ||
[Analyze grammar]

sarvapāpaviśuddhyarthaṃ śivaloke mahīyate |
nīlotsargaṃ tu yo martyaḥ karoti ca tadagrataḥ || 20 ||
[Analyze grammar]

uddharetsapta gotrāṇi kulamekottaraṃ śatam |
sāṃgarudrajapaṃ yastu caturddaśyāṃ karoti vai || 21 ||
[Analyze grammar]

sarvapāviśuddhātmā labhate paramaṃ padam || 22 ||
[Analyze grammar]

sauvarṇanayanaṃ kṛtvā madhye ratnasamanvitam |
yo dadāti dvijātibhya indratīrthe tathottame || 23 ||
[Analyze grammar]

andhatā na bhave ttasya janmāni ṣaṣṭisaṃkhyayā |
nirmalatvaṃ sadā teṣāṃ nayaneṣu prajāyate |
mahārogāstathā cānye snātvā yāṃti tadagrataḥ || 24 ||
[Analyze grammar]

pūjite caikacitte na sarvarogātpramucyate |
snātvā kuṇḍe naro yastu saṃtarpayati yaḥ pitṝn || 25 ||
[Analyze grammar]

tasya tṛptāḥ sadā bhūpa pitaraśca pitāmahāḥ |
ye vai grastā mahārogaiḥ kuṣṭhādyaiścaiva dehinaḥ || 26 ||
[Analyze grammar]

snānamātreṇa saṃśuddhā divyadehā bhavaṃti te |
jvarādikaṣṭamāpannā narāḥ svātmahitāya vai || 27 ||
[Analyze grammar]

snāna mātreṇa saṃśuddhā divyadehā bhavaṃti te |
snātvā ca pūjayeddevaṃ mucyate jvarabandhanāt || 28 ||
[Analyze grammar]

ekāhikaṃ dvyāhikaṃ ca cāturthaṃ vā tṛtīyakam |
viṣamajvarapīḍā ca māsapakṣādikaṃ jvaram || 29 ||
[Analyze grammar]

indreśvaraprasādācca naśyate nātra saṃśayaḥ |
vijvaro jāyate nūnaṃ satyaṃsatyaṃ ca bhūpate || 30 ||
[Analyze grammar]

vandhyā ca durbhagā nārī kākavandhyā mṛtaprajā |
mṛtavatsā mahāduṣṭā snātvā kuṇḍe śivāgrataḥ |
pūjayedekacittena snānamātreṇa śuddhyati || 31 ||
[Analyze grammar]

evaṃvidhāśca bahuśo varāndattvā pinākadhṛk |
gato'sau svapuraṃ pārtha sevyamānaḥ surāsuraiḥ || 32 ||
[Analyze grammar]

tataḥ śakro mahātejā gato vai svapuraṃ prati |
jayaṃtenāpi tatraiva sthāpitaṃ liṃgamuttamam || 33 ||
[Analyze grammar]

jayaṃtasya harastuṣṭastasmilliṃge stutaḥ sadā |
trikālaṃ putrasaṃyuktaḥ pūjanārthaṃ sureśvaraḥ || 34 ||
[Analyze grammar]

āyāti ca mahābāho tyaktvā sthānaṃ svakaṃ hi vai |
etatsarvaṃ samākhyātaṃ sarvasaukhyapradāyakam || 35 ||
[Analyze grammar]

indreśvaraṃ tu yatpuṇyaṃ jayaṃteśasya pūja nāt |
tadevāpnoti rājendra satyaṃsatyaṃ na saṃśayaḥ || 36 ||
[Analyze grammar]

snātvā kuṇḍe mahārāja saṃpūjyaikāgramānasaḥ |
sarvapāpaviśuddhātmā indraloke mahīyate || 37 ||
[Analyze grammar]

yaḥ śṛṇoti naro bhaktyā sarvapāpaiḥ pramucyate |
sarvānkāmānavāpnoti jayaṃteśapramādataḥ || 38 ||
[Analyze grammar]