Chapter 13

[English text for this chapter is available]

vyāsa uvāca |
śaṃbhośca paścime bhāge sthāpitaḥ kaśyapātmajaḥ |
tatrāsti tanmahābhāga ravikṣetraṃ taducyate || 1 ||
[Analyze grammar]

tatrotpannau mahādivyau rūpayauvanasaṃyutau |
nāsatyāvaśvinau devau vikhyātau gadanāśanau || 2 ||
[Analyze grammar]

yudhiṣṭhira uvāca |
pitāmaha mahābhāga kathayasva prasādataḥ |
utpattiraśvinoścaiva mṛtyuloke ca tatkatham || 3 ||
[Analyze grammar]

ravilokātkathaṃ sūryo dharāyāmavatāritaḥ |
etatsarvaṃ prayatnena kathayasva prasādataḥ || 4 ||
[Analyze grammar]

yacchrutvā hi mahābhāga sarvapāpaiḥ pramucyate || 5 ||
[Analyze grammar]

vyāsa uvāca |
sādhu pṛṣṭaṃ tvayā bhūpa ūrdhvalokakathānakam |
yacchrutvā naraśārdūla sarvarogātpramucyate |
viśvakarmmasutā saṃjñā aṃśumadraviṇā vṛtā || 6 ||
[Analyze grammar]

sūryaṃ dṛṣṭvā sadā saṃjñā svākṣisaṃyamanaṃ vyadhāt |
yatastataḥ saroṣo'rkaḥ saṃjñāṃ vacanamabravīt || 97 ||
[Analyze grammar]

sūrya uvāca |
mayi dṛṣṭe sadā yasmātkuruṣe svākṣisaṃyamam |
tasmājjaniṣyate mūḍhe prajāsaṃyamano yamaḥ || 8 ||
[Analyze grammar]

tataḥ sā capalaṃ devī dadarśa ca bhayākulam |
vilolitadṛśaṃ dṛṣṭvā punarāha ca tāṃ raviḥ || 9 ||
[Analyze grammar]

yasmādvilolitā dṛṣṭirmayi dṛṣṭe tvayā dhunā |
tasmādvilolitāṃ saṃjñe tanayāṃ prasaviṣyasi || 10 ||
[Analyze grammar]

vyāsa uvāca |
tatastasyāstu saṃjajñe bhartṛśāpena tena vai |
yamaśca yamunā yeyaṃ vikhyātā sumahānadī || 11 ||
[Analyze grammar]

sā ca saṃjñā ravestejo mahadduḥkhena bhāminī |
asahaṃtīva sā citte ciṃtayāmāsa vai tadā || 12 ||
[Analyze grammar]

kiṃ karomi kva gacchāmi kva gatāyāśca nirvṛtiḥ |
bhavenmama kathaṃ bhartuḥ kopamarkasya naśyati || 13 ||
[Analyze grammar]

iti saṃciṃtya bahudhā prajāpatisutā tadā |
sādhu mene mahābhāgā pitṛsaṃśrayamāpasā || 14 ||
[Analyze grammar]

tataḥ pitṛgṛhaṃ gaṃtuṃ kṛtabuddhiryaśasvinī |
chāyāmāhūyātmanastu sā devī dayitā raveḥ || 15 ||
[Analyze grammar]

tāṃ covāca tvayā stheyamatra bhānoryathā mayā |
tathā samyagapatyeṣu vartitavyaṃ tathā ravau || 16 ||
[Analyze grammar]

duṣṭamapi na vācyaṃ te yathā bahumataṃ mama |
saivāsmi saṃjñāhamiti vācyamevaṃ tvayānaghe || 17 ||
[Analyze grammar]

chāyāsaṃjñovāca |
ākeśagrahaṇāccāhamāśāpācca vacastathā |
kariṣye kathayiṣyāmi yāvatkeśāpakarṣaṇā t || 18 ||
[Analyze grammar]

ityuktā sā tadā devī jagāma bhavanaṃ pituḥ |
dadarśa tatra tvaṣṭāraṃ tapasā dhūtakilbiṣam || 19 ||
[Analyze grammar]

bahumānācca tenāpi pūjitā viśva karmmaṇā |
tatsthau pitṛgṛhe sā tu kiṃcitkālamaniṃditā || 20 ||
[Analyze grammar]

tataḥ prāha sa dharmajñaḥ pitā nāticiroṣitām |
viśvakarmā sutāṃ premṇā bahumā napurassaram || 21 ||
[Analyze grammar]

tvāṃ tu me paśyato vatse dināni subahūnyapi |
muhūrtena samāni syuḥ kiṃtu dharmo vilupyate || 22 ||
[Analyze grammar]

bāṃdhaveṣu ciraṃ vāso na nārīṇāṃ yaśaskaraḥ |
manoratho bāṃdhavānāṃ bhāryā pitṛgṛhe sthitā || 23 ||
[Analyze grammar]

sa tvaṃ trailokyanāthena bhartrā sūryeṇa saṃgatā |
piturgṛhe ciraṃ kālaṃ vastuṃ nārhasi putrike || 24 ||
[Analyze grammar]

ato bhartṛgṛhaṃ gaccha dṛṣṭo'haṃ pūjitā ca me |
punarāgamanaṃ kāryaṃ darśanāya śubhekṣaṇe || 25 ||
[Analyze grammar]

vyāsa uvāca |
ityuktā sā tadā kṣipraṃ tathetyuktā ca vai mune |
pūjayitvā tu pitaraṃ sā jagāmottarānkurūn || 26 ||
[Analyze grammar]

sūryatāpamanicchatī tejasastasya bibhyatī |
tapaścacāra tatrāpi vaḍavārūpadhāriṇī || 27 ||
[Analyze grammar]

saṃjñāmityeva manvāno dvitīyāyāṃ divaspatiḥ |
janayāmāsa tanayau kanyāṃ caikāṃ manoramām || 28 ||
[Analyze grammar]

chāyā svatanayeṣveva yathā preṣṇādhyavartata |
tathā na saṃjñākanyāyāṃ putrayoścāpyavartata |
lālanāsu ca bhojyeṣu viśeṣamanuvāsaram || 29 ||
[Analyze grammar]

manustatkṣāṃtavānasyā yamastasyā na cākṣamat |
tāḍanāya tataḥ kopātpādastena samudyataḥ |
tasyāḥ punaḥ kṣāṃtamanā na tu dehe nyapātayat || 30 ||
[Analyze grammar]

tataḥ śaśāpa taṃ kopācchāyāsaṃjñā yamaṃ nṛpa |
kiṃcitprasphuramāṇoṣṭhī vicalatpāṇipallavā || 31 ||
[Analyze grammar]

patnyāṃ piturmayi yadi pādamudyacchase balāt |
bhuvi tasmādayaṃ pādastavādyaiva bhaviṣyati || 32 ||
[Analyze grammar]

ityākarṇya yamaḥ śāpaṃ mātaryativiśaṃkitaḥ |
abhyetya pitaraṃ prāha praṇipātapurassaram || 33 ||
[Analyze grammar]

tātaitanmahadāścaryamadṛṣṭamiti ca kvacit |
mātā vātsalyarūpeṇa śāpaṃ putre prayacchati || 34 ||
[Analyze grammar]

yathā mātā mamācaṣṭa neyaṃ mātā tathā mama |
nirguṇeṣvapi putreṣu na mātā nirguṇā bhavet || 35 ||
[Analyze grammar]

yamasyaitadvacaḥ śrutvā bhagavāṃstimirāpahaḥ |
chāyāsaṃjñāmathāhūya papraccha kvagateti ca || 36 ||
[Analyze grammar]

sā cāha tanayā tvaṣṭurahaṃ saṃjñā vibhāvaso |
patnī tava tvayāpatyānyetāni janitāni me || 37 ||
[Analyze grammar]

itthaṃ vivasvatastāṃ tu bahuśaḥ pṛcchato yadā |
nācacakṣe tadā kruddho bhāsvāṃstāṃ śaptumudyataḥ || 38 ||
[Analyze grammar]

tataḥ sā kathayāmāsa yathāvṛttaṃ vivasvate |
viditārthaśca bhagavāñjagāma tvaṣṭu rālayam || 39 ||
[Analyze grammar]

tataḥ saṃpūjayāmāsa tvaṣṭā trailokyapūjitam |
bhāsvankiṃ rahitā śaktyā nijagehamupāgataḥ || 40 ||
[Analyze grammar]

saṃjñāṃ papraccha taṃ tasmai kathayāmāsa tattvavit |
āgatā seha me veśma bhavataḥ preṣitā rave || 41 ||
[Analyze grammar]

divākaraḥ samādhistho vaḍavārūpadhāriṇīm |
tapaścaraṃtīṃ dadṛśe uttareṣu kuruṣvatha || 42 ||
[Analyze grammar]

asahyamānā sūryasya tejastenātipīḍitā |
vahnyābhanijarūpaṃ tu cchāyārūpaṃ vimucya ca || 43 ||
[Analyze grammar]

dharmāraṇye samāgatya tapa stepe suduṣkaram |
chāyāputraṃ śaniṃ dṛṣṭvā yamaṃ cānyaṃ ca bhūpate || 44 ||
[Analyze grammar]

tadaiva vismitaḥ sūryo duṣṭaputrau samīkṣya ca |
jñātuṃ dadhyau kṣaṇaṃ dhyātvā viditvā tacca kāraṇam || 45 ||
[Analyze grammar]

ghṛṇyauṣṇyāddagdhadehā sā tapastepe pativratā |
yena māṃ tejasā sahyaṃ draṣṭuṃ naiva śaśāka ha || 46 ||
[Analyze grammar]

pañcāśaddhāyanetīte gatvā kau tapa ācarat |
pradyotano vicāryaivaṃ gatvā śīghraṃ manojavaḥ || 47 ||
[Analyze grammar]

dharmāraṇye vare puṇye yatra saṃjñāsthitā tapaḥ |
āgataṃ taṃ raviṃ dṛṣṭvā vaḍavā samajāyata || 48 ||
[Analyze grammar]

sūryapatnī sadā saṃjñā sūryaścāśvastato'bhavat |
tābhyāṃ sahābhūtsaṃyogo ghrāṇe liṃgaṃ niveśya ca || 49 ||
[Analyze grammar]

tadā tau ca samutpannau yugalāvaśvinau bhuvi |
prādurbhūtaṃ jalaṃ tatra dakṣiṇena khureṇa ca || 50 ||
[Analyze grammar]

vidalite bhūmibhāge tatra kuṃḍaṃ samudbabhau |
dvitīyaṃ tu punaḥ kuṃḍaṃ paścārdhacaraṇodbhavam || 51 ||
[Analyze grammar]

uttaravāhinyāḥ kāśyā kurukṣetrādi vai tathā |
gaṃgāpurīsamaphalaṃ kuṇḍe'tra muninoditam || 52 ||
[Analyze grammar]

tatphalaṃ samavāpnoti taptakuṇḍe na saṃśayaḥ |
snānaṃ vidhāya tatraiva sarvapāpaiḥ pramucyate || 53 ||
[Analyze grammar]

na punarjāyate dehaḥ kuṣṭhādivyādhipīḍitaḥ |
etatte kathitaṃ bhūpa dasrāṃśotpattikāraṇam || 54 ||
[Analyze grammar]

tadā brahmādayo devā āgatāstatra bhūpate |
dattvā saṃjñāvaraṃ śubhraṃ ciṃtitādadhikaṃ hi taiḥ || 55 ||
[Analyze grammar]

sthāpayitvā raviṃ tatra bakulākhyavanādhipam |
ānarcuste tadā saṃjñāṃ pūrvarūpā'bhavattadā || 56 ||
[Analyze grammar]

sthāpitā tatra rājñī ca kumārau yugalau tadā |
etattīrthaphalaṃ vakṣye śṛṇu rājanmahāmate || 57 ||
[Analyze grammar]

ādisthānaṃ kuruśreṣṭha devairapi sudurlabham |
ravikuṇḍe naraḥ snātvā śraddhāyukto jiteṃdriyaḥ || 58 ||
[Analyze grammar]

tārayetsa pitṝnsarvānmahānarakagānapi |
śraddhayā yaḥ pibettoyaṃ saṃtarpya pitṛdevatāḥ || 59 ||
[Analyze grammar]

svalpaṃ vāpi bahuvāpi sarvaṃ koṭiguṇaṃ bhavet |
saptamyāṃ ravivāreṇa grahaṇaṃ caṃdrasūryayoḥ || 60 ||
[Analyze grammar]

ravikuṇḍe ca ye snātāḥ na te vai garbhagāminaḥ |
sakrāṃtau ca vyatīpāte vaidhṛteṣu ca parvasu || 61 ||
[Analyze grammar]

pūrṇamāsyāmamāvāsyāṃ caturddaśyāṃ sitāsite |
ravikuṃḍe ca yaḥ snātaḥ kratukoṭiphalaṃ labhet || 62 ||
[Analyze grammar]

pūjayedbakulārkaṃ ca ekacittena mānavaḥ |
sa yāti paramaṃ dhāma sa yāvattapate raviḥ || 63 ||
[Analyze grammar]

tasya lakṣmīḥ sthirā nūnaṃ labhate saṃtatiṃ sukham |
arivargaḥ kṣayaṃ yāti prasādācca divaspateḥ || 64 ||
[Analyze grammar]

nāgnerbhayaṃ hi tasya syānna vyāghrānna ca daṃtinaḥ |
na ca sarppabhayaṃ kvāpi bhūtapretādibhīrnahi || 65 ||
[Analyze grammar]

bālagrahāśca sarve'pi revatī vṛddharevatī |
te sarve nāśamāyāṃti bakulārka namostu te || 66 ||
[Analyze grammar]

gāvastasya vivarddhaṃte dhanaṃ dhānyaṃ tathaiva ca |
avicchedo bhavedvaṃśo bakulārke namaskṛte || 67 ||
[Analyze grammar]

kākavandhyā ca yā nārī anapatyā mṛtaprajā |
vandhyā virūpitā caiva viṣakanyāśca yāḥ striyaḥ || 68 ||
[Analyze grammar]

evaṃ doṣaiḥ pramucyaṃte snātvā kuṇḍe ca bhūpate |
saubhāgyastrīsutāṃścaiva rūpaṃ cāpnoti sarvaśaḥ || 69 ||
[Analyze grammar]

vyādhigrastopi yo martyaḥ ṣaṇmāsāccaiva mānavaḥ |
ravikuṇḍe ca susnātaḥ sarvarogātpramucyate || 70 ||
[Analyze grammar]

nīlotsargavidhiṃ yastu ravikṣetre karoti vai |
pitarastṛptimāyāṃti yāvadābhūtasaṃplavam || 71 ||
[Analyze grammar]

kanyādānaṃ ca yaḥ kuryādasminkṣetre ca putraka |
udvāhaparipūtātmā brahmaloke mahīyate || 72 ||
[Analyze grammar]

dhenudānaṃ ca śayyāṃ ca vidrumaṃ ca hayaṃ tathā |
dāsīmahiṣīghaṇṭāśca tilaṃ kāṃcanasaṃyutam || 73 ||
[Analyze grammar]

dhenuṃ tilamayīṃ dadyādasmi nkṣetre ca bhārata |
upānahau ca chatraṃ ca śītatrāṇādikaṃ tathā || 74 ||
[Analyze grammar]

lakṣahomaṃ tathā rudraṃ rudrātirudrameva ca |
tasminsthāne ca yatkiṃciddadāti śraddhayānvitaḥ || 75 ||
[Analyze grammar]

ekaikasya phalaṃ tāta vakṣyāmi śṛṇu tattvataḥ |
dānena labhate bhogāniha loke paratra ca || 76 ||
[Analyze grammar]

rājyaṃ ca labhate martyaḥ kṛtvodvāhaṃ tu mānuṣāḥ |
jāyāto dharmakāmārthāḥ prāpyaṃte nātra saṃśayaḥ || 77 ||
[Analyze grammar]

pūjāyā labhate saukhyaṃ bhavejjanmanijanmani |
saptamyāṃ raviyuktāyāṃ bakulārkaṃ smarettu yaḥ || 78 ||
[Analyze grammar]

jvarādeḥ śatrutaścaiva vyādhestasya bhayaṃ nahi || 79 ||
[Analyze grammar]

yudhiṣṭhira uvāca |
bakulārketi vai nāma kathaṃ jātaṃ ravermune |
etanme vadatāṃ śreṣṭha tattvamākhyātumarhasi || 80 ||
[Analyze grammar]

vyāsa uvāca |
yadā saṃjñā ca rājeṃdra sūryārthaṃṃ caikacetasā |
tepe bakulavṛkṣādhaḥ patyustejaḥ praśāṃ taye || 81 ||
[Analyze grammar]

prādurbhāvaṃ raverdṛṣṭvā vaḍavā samajāyata |
atyaṃtaṃ gopatiḥ śāṃto bakulasya samīpataḥ || 82 ||
[Analyze grammar]

suṣuve ca tadā rājñī sutau divyau manoharau |
tenāsya prathitaṃ nāma bakulārketi vai raveḥ || 83 ||
[Analyze grammar]

yastatra kurute snānaṃ vyādhistasya na pīḍayet |
dharmamarthaṃ ca kāmaṃ ca labhate nātra saṃśayaḥ || 84 ||
[Analyze grammar]

ṣaṇmāsātsiddhimāpnoti mokṣaṃ ca labhate naraḥ |
etaduktaṃ mahārāja bakulārkasya vaibhavam || 85 ||
[Analyze grammar]

iti śrīskāṃde mahāpurāṇa ekāśītisāhasryāṃ saṃhitāyāṃ tṛtīye brahmakhaṇḍe pūrvabhāge dharmāraṇyopākhyāne bakulārkamāhātmyakathanaṃnāma trayodaśo'dhyāyaḥ || 13 ||
[Analyze grammar]