Chapter 9

[English text for this chapter is available]

vyāsa uvāca |
śrūyatāṃ rājaśārdūla puṇyamākhyānamuttamam |
stūyamāno |
jagannātha idaṃ vacanamabravīt || 1 ||
[Analyze grammar]

viṣṇuruvāca |
kimarthamāgatāḥ sarve brahmādyāḥ surasattamāḥ |
pṛthivyāṃ kuśalaṃ kaccitkuto vo bhayamāgatam || 2 ||
[Analyze grammar]

tataḥ provāca vai hṛṣṭo brahmā taṃ keśavaṃ vacaḥ |
na bhayaṃ vidyate'smākaṃ trailokye sacarācare || 3 ||
[Analyze grammar]

ekavijñāpanārthāya āgato'haṃ tavāṃtike |
tadahaṃ saṃpravakṣyāmi tadetacchṛṇu me vacaḥ || 4 ||
[Analyze grammar]

paraṃ tu pūrvaṃ dharmeṇa sthāpitaṃ tīrthamuttamam |
taddraṣṭukāmo'haṃ deva tvatprasādājjanārdana || 5 ||
[Analyze grammar]

tatra tvaṃ devadeveśa gamane kuru mānasam |
yathā sattīrthatāṃ yāti dharmāraṇyamanuttamam || 6 ||
[Analyze grammar]

viṣṇuruvāca |
sādhusādhu mahābhāga tvaryatāṃ tatra mā ciram |
mamāpi cittaṃ tatraiva taddarśanesti lālasam || 7 ||
[Analyze grammar]

vyāsa uvāca |
tārkṣyamāruhya goviṃda statrāgācchīghrameva hi |
tato dharmeṇa te devāḥ seṃdrāḥ sarṣigaṇāstathā || 8 ||
[Analyze grammar]

brahmaviṣṇumaheśādyā dṛṣṭā dūrānmumoda ca |
dharmarājopi tāndṛṣṭvā devā nviṣṇupurogamān || 9 ||
[Analyze grammar]

āgataḥ svāśramāttatra pūjāṃ pragṛhya tatpuraḥ |
āsanādutthitaḥ śīghraṃ saparyādyaṃ pragṛhya ca |
ekaikasya cakārātha pūjāṃ caiva pṛthakpṛthak || 10 ||
[Analyze grammar]

cakāra pūjāṃ vidhivatteṣāṃ tatrārkanaṃdanaḥ |
āsaneṣūpaveśyātha pūjāṃ kṛtvā garīyasīm || 11 ||
[Analyze grammar]

yama uvāca |
tīrtharūpamidaṃ kṣetraṃ prasādāddevakīsuta |
tvattoṣavidhinā cādya kṛpayā ca śivasya ca || 12 ||
[Analyze grammar]

adya me saphalaṃ janma adya me saphalaṃ tapaḥ |
adya me saphalaṃ sthānaṃ kājeśānāṃ samāgamāt || 13 ||
[Analyze grammar]

vyāsa uvāca |
evaṃ stutastadā viṣṇuḥ provāca madhuraṃ vacaḥ |
tuṣṭo'smi dharma rājeṃdra ahaṃ stotreṇa te vibho || 14 ||
[Analyze grammar]

kiṃcitprārthaya matto'haṃ karomi tava vāṃchitam |
yatte'styabhīpsitaṃ tubhyaṃ taddadāmi na saṃśayaḥ || 15 ||
[Analyze grammar]

yama uvāca |
yadi tuṣṭo'si deveśa vāṃchitaṃ kuruṣe yadi |
dharmāraṇye mahāpuṇye ṛṣīṇāmāśramānkuru || 16 ||
[Analyze grammar]

vasaṃti vāḍavā yatra yajaṃti caiva yājñikāḥ |
vedanirghoṣasaṃyuktaṃ bhāti tattīrthamuttamam || 17 ||
[Analyze grammar]

abrāhmaṇamidaṃ tīrthaṃ pīḍayiṣyaṃti jantavaḥ |
tasmāttvaṃ vāḍavāñchaure samānaya ṛṣī nbahūn |
dharmāraṇyaṃ yathā bhāti trailokye sacarācare || 18 ||
[Analyze grammar]

tato viṣṇuḥ sahasrākṣaḥ sahasraśīrṣaḥ sahasrapāt |
sahasraśastadā rūpaṃ kṛtavāndharmavatsalaḥ |
yasminsthāne ca ye viprāḥ sadācārāḥ śubhavratāḥ || 19 ||
[Analyze grammar]

aśeṣadharmakuśalāḥ sarvaśāstraviśāradāḥ |
tapojñāne mahākhyātā brahmayajñaparāyaṇāḥ |
sthāpitā ṛṣayaḥ sarve sahasrāṇyaṣṭādaśaiva tu || 20 ||
[Analyze grammar]

nānādeśātsamānīya sthāpitāstatra taiḥ suraiḥ |
āśramāṃśca bahūṃstatra kājeśairapi nirmitān || 21 ||
[Analyze grammar]

dharmopadeśātkṛṣṇena brahmaṇā ca śivena ca |
svesve sthāne yathāyogye sthāpayāmāsa keśavaḥ || 22 ||
[Analyze grammar]

yudhiṣṭhira uvāca |
kasminvaṃśe samutpannā brāhmaṇā vedapāragāḥ |
sthāpitāḥ saparīvārāḥ putrapautrasamāvṛtāḥ |
śiṣyaiśca bahubhiryuktā agnihotraparāyaṇāḥ |
teṣāṃ sthānāni nāmāni yathāvacca vadasva me || 23 ||
[Analyze grammar]

vyāsa uvāca |
śrūyatāṃ nṛpaśārdūla dharmmāraṇyanivāsinām || 24 ||
[Analyze grammar]

mahātmanāṃ brāhmaṇānāmṛṣīṇāmūrdhvaretasām |
teṣāṃ vai putrapautrāṇāṃ nāmāni ca vadāmyaham || 25 ||
[Analyze grammar]

caturviśatigotrāṇi dvijānāṃ pāṃḍavarṣabha |
teṣāṃ śākhāḥ praśākhāśca putrapautrādayastathā || 26 ||
[Analyze grammar]

jajñire bahavaḥ putrāḥ śataśo'tha sahasraśaḥ |
caturviśatimukhyānāṃ nāmāni pravadāmi te |
dvijānāmṛṣayaḥ proktāḥ pravarāṇi tathā śṛṇu || 27 ||
[Analyze grammar]

bhāradvājastathā vatsaḥ kauśikaḥ kuśa eva ca |
śāṃḍilyaḥ kāśyapaścaiva gautamaśchāṃdhanastathā || 28 ||
[Analyze grammar]

jātūkarṇyastathā vatso vasiṣṭho dhāraṇastathā |
ātreyo bhāṃḍilaścaiva laukikāśca itaḥ param || 29 ||
[Analyze grammar]

kṛṣṇāyanopamanyuśca gārgyamudgalamauṣakāḥ |
puṇyāsanaḥ parāśaraḥ kauṃḍinyaśca tataḥ param || 30 ||
[Analyze grammar]

tathā gānyāsanaścaiva pravarāṇi caturviṃśatiḥ |
jāmadagnyasya gotrasya pravarāḥ paṃca eva hi || 31 ||
[Analyze grammar]

bhārgavaścyavanāpnuvānaurvaśca jamadagnikaḥ |
paṃcaite pravarā rājanvikhyātā lokaviśrutāḥ || 32 ||
[Analyze grammar]

evaṃ gotrasamutpannā vāḍavā vedapāragāḥ |
dvijapūjākriyāyuktā nānākratukriyāparāḥ || 33 ||
[Analyze grammar]

guṇena saṃhitā āsan ṣaṭkarmaniratāśca ye |
evaṃvidhā mahābhāgā nānādeśabhavā dvijāḥ || 34 ||
[Analyze grammar]

bhāmevasaṃ tṛtīyaṃ ca pravarāḥ paṃca eva hi |
bhārgavacyāvanāpnuvānaurvajāmadagnyasaṃyutāḥ |
ātreyo'rcanānasaśca śyāvāsyeti tṛtīyakaḥ || 35 ||
[Analyze grammar]

asmingotre bhavā viprā duṣṭāḥ kuṭilagāminaḥ |
dhanino dharmaniṣṭhāśca vedavedāṃgapāragāḥ || 36 ||
[Analyze grammar]

dānabhogaratāḥ sarve śrautasmārteṣu saṃmatāḥ |
māṃḍavyagotre vijñeyāḥ pravaraiḥ paṃcabhiryutāḥ || 37 ||
[Analyze grammar]

bhārgavaścyāvano 'triścāpnuvānaurvastathaiva ca |
asmingotre bhavā viprāḥ śrutismṛtiparāyaṇāḥ || 38 ||
[Analyze grammar]

rogiṇo lobhino duṣṭā yajane yājane ratāḥ |
brahmakriyā parāḥ sarve māṃḍavyāḥ kurusattama || 39 ||
[Analyze grammar]

gārgyasya gotre ye jātāsteṣāṃ tu pravarāstrayaḥ |
aṃgirāścāṃbarīṣaśca yauvanāśvastṛtīyakaḥ || 40 ||
[Analyze grammar]

asmingotre samutpannāḥ sadvṛttāḥ satyabhāṣiṇaḥ |
śāṃtāśca bhinnavarṇāśca nirddhanāśca kucailinaḥ || 41 ||
[Analyze grammar]

saṃgavātsalyayuktāśca vedaśāstreṣu niścalāḥ |
vatsagotre dvijā bhūpa pravarāḥ paṃca eva hi || 42 ||
[Analyze grammar]

bhārgavaścyavanāpnuvānaurvaśca jamadagnikaḥ |
ebhistu paṃca vikhyātā dvijā brahmasvarūpiṇaḥ || 43 ||
[Analyze grammar]

śāṃtā dāṃtāḥ suśīlāśca dharmaputraiḥ susaṃyutā |
vedādhyayanahīnāśca kuśalāḥ sarvakarmasu || 44 ||
[Analyze grammar]

surūpāśca sadācārāḥ sarvadharmeṣu niṣṭhitāḥ |
dānadharma ratāḥ sarve annadā jaladā dvijāḥ || 45 ||
[Analyze grammar]

dayālavaḥ suśīlāśca sarvabhūtahite ratāḥ |
kāśyapā brāhmaṇā rājanpravaratrayasaṃyutāḥ || 46 ||
[Analyze grammar]

kāśyapaścāpavatsāro naidhruvaśca tṛtīyakaḥ |
vedajñā gauravarṇāśca naiṣṭhikā yajñakārakāḥ || 47 ||
[Analyze grammar]

priyavāsā mahādakṣā gurubhaktiratāḥ sadā |
pratiṣṭhāmānava ntaśca sarvabhūtahite ratāḥ || 48 ||
[Analyze grammar]

yajaṃte ca mahāyajñānkāśyapeyā dvijātayaḥ |
dhārīṇasagotrajāśca pravaraistribhiranvitāḥ || 49 ||
[Analyze grammar]

agastidarviśvetāśva dadhyavāhanasaṃjñakāḥ |
asmingotre ca ye jātā dharmakarmasamāśritāḥ || 50 ||
[Analyze grammar]

karmakrūrāśca te sarve tathaivodariṇastu te |
laṃbakarṇā mahādaṃṣṭrā dvijā dhanaparāyaṇāḥ || 51 ||
[Analyze grammar]

krodhino dveṣiṇaścaiva sarvasattvabhayaṃkarāḥ |
laugākṣasodbhavā ye vai vāḍavāḥ satyasaṃśritāḥ || 52 ||
[Analyze grammar]

pravarāśca trayasteṣāṃ tattvajñānasvarūpakāḥ |
kaśyapaścaiva vatsaśca vasiṣṭhaśca tṛtīyakaḥ || 53 ||
[Analyze grammar]

sadācārāstu vikhyātā vaiṣṇavā bahuvṛ ttayaḥ |
romabhirbahubhirvyāptāḥ kṛṣṇavarṇāstu vāḍavāḥ || 54 ||
[Analyze grammar]

śāṃtā dātāḥ suśīlāśca svadāraniratāḥ sadā |
kuśikasagotre ye jātāḥ pravaraistribhiranvitāḥ || 55 ||
[Analyze grammar]

viśvāmitro devarāta audalaśca trayaśca ye |
asmingotre tu ye jātā durbalā dīnamānasāḥ || 56 ||
[Analyze grammar]

asatyabhāṣiṇo viprāḥ surūpā nṛpasattamāḥ |
sarvvavidyākuśalino brāhmaṇā brahmasattamāḥ || 57 ||
[Analyze grammar]

upamanyusagotreyāḥ pravaratrayasaṃyutāḥ |
vasiṣṭhaśca bharadvājastviṃdrapramada eva vā || 58 ||
[Analyze grammar]

asmingotre tu ye viprāḥ krūrāḥ kuṭilagāminaḥ |
dūṣaṇā dveṣiṇastucchāḥ sarvasaṃgrahatatparāḥ || 59 ||
[Analyze grammar]

kalahotpādane dakṣā dhanino māninastathā |
sarvadaiva praduṣṭāśca duṣṭasaṃgaratāstathā || 60 ||
[Analyze grammar]

rogiṇo durbalāścaiva vṛttyupakalpavarjitāḥ |
vātsyagotre bhavā viprāḥ pravaraiḥ paṃcabhiryutāḥ || 61 ||
[Analyze grammar]

bhārgavacyāvanāpnuvānaurvaśca jamadagnikaḥ |
asmingotre bhavā viprāḥ sthūlāśca bahubuddhayaḥ || 62 ||
[Analyze grammar]

sarvakarmaratā ścaiva sarvadharmeṣu niścalāḥ |
vedaśāstrārthanipuṇā yajane yājane ratāḥ || 63 ||
[Analyze grammar]

sadācārāḥ surūpāśca buddhito dīrghadarśinaḥ |
vātsyāyanasagotreyāḥ pravaraiḥ paṃcabhiryutāḥ || 64 ||
[Analyze grammar]

bhārgavacyāvanāpnuvānaurvaśca jamadagnikaḥ |
pūrvoktāḥ pravarāścāsya kathitāstava bhārata || 65 ||
[Analyze grammar]

asmingotre tu ye jātā pākayajñaratāḥ sadā |
lobhinaḥ krodhinaścaiva prajāyante bahuprajāḥ || 66 ||
[Analyze grammar]

snānadānādiniratāḥ sarvadāśca jiteṃdriyāḥ |
vāpīkūpataḍāgānāṃ kartāraśca sahasraśaḥ |
vrataśīlā guṇajñāśca mūrkhā vedavivarjitāḥ || 67 ||
[Analyze grammar]

kauśikavaṃśe ye jātāḥ pravaratrayasaṃyutāḥ |
viśvāmitro'gharmaṣī ca kauśikaśca tṛtīyakaḥ || 68 ||
[Analyze grammar]

asmingotre ca ye jātā brāhmaṇā brahmavedinaḥ |
śāṃtā dāṃtāḥ suśīlāśca sarvadharmaparāyaṇāḥ || 69 ||
[Analyze grammar]

aputriṇa stathā rūkṣāstejohīnā dvijottamāḥ |
bhāradvājasagotreyāḥ pravaraiḥ paṃcabhiryutāḥ || 70 ||
[Analyze grammar]

aṃgiraso bārhaspatyo bhāradvājastu sainyasaḥ |
gārgyaścai veti vijñeyāḥ pravarāḥ paṃca eva ca || 71 ||
[Analyze grammar]

asmingotre ca ye jātā vāḍavā dhaninaḥ śubhāḥ |
vastrālaṃkaraṇopetā dvijabhaktiparāyaṇāḥ || 72 ||
[Analyze grammar]

brahmabhojyaparāḥ sarve sarvadharmaparāyaṇāḥ |
kāśyapagotre yai jātāḥ pravaratrayasaṃyutāḥ || 73 ||
[Analyze grammar]

kāśyapaścāpavatsāro raibhyeti viśrutāstrayaḥ |
asmingotre bhavā viprā raktākṣāḥ krūradṛṣṭayaḥ || 74 ||
[Analyze grammar]

jihvālaulyaratāḥ sarve sarve te pāramārthinaḥ |
nirdhanā rogiṇaścaite taskarānṛtabhāṣiṇaḥ || 75 ||
[Analyze grammar]

śāstrārthāvedinaḥ sarve vedasmṛtivivarjitāḥ |
śunakeṣu ca ye jātā viprā dhyānaparāyaṇāḥ || 76 ||
[Analyze grammar]

tapasvino yoginaśca vedavedāṃgapāragāḥ |
sādhavaśca sadācārā viṣṇubhaktiparāyaṇāḥ || 77 ||
[Analyze grammar]

hrasvakāyā bhinnavarṇā bahurāmā dvijottamāḥ |
dayālāḥ saralāḥ śāṃtā brahmabhojyaparāyaṇāḥ || 78 ||
[Analyze grammar]

śaunakaseṣu ye jātāḥ pravaratrayasaṃyutāḥ |
bhārgavaśaunahotreti gārtsyapramada iti trayaḥ || 79 ||
[Analyze grammar]

asmindeśe samutpannā vāḍavā duḥsahā nṛpa |
mahotkaṭā mahākāyāḥ pralaṃbāśca madoddhatāḥ || 80 ||
[Analyze grammar]

kleśarūpāḥ kṛṣṇavarṇāḥ sarvaśāstraviśāradāḥ |
bahubhujo mānino dakṣā rāga dveṣopavarjitāḥ || 81 ||
[Analyze grammar]

suvastrabhūṣārūpā vai brāhmaṇā brahmavādinaḥ |
vasiṣṭhagotre ye jātāḥ pravaratrayasaṃyutāḥ || 82 ||
[Analyze grammar]

vasiṣṭho bhāradvājaśca indrapramada eva ca |
asmingotre bhavā viprā vedavedāṃgapāragāḥ || 83 ||
[Analyze grammar]

yājñikā yajñaśīlāśca susvarāḥ sukhinastathā |
dveṣiṇo dhanavaṃtaśca putriṇo guṇinastathā || 84 ||
[Analyze grammar]

viśālahṛdayā rājañchūrāḥ śatrunibarhaṇāḥ |
gautamasagotre ye jātāḥ pravarāḥ paṃca eva hi || 85 ||
[Analyze grammar]

kautsagārgyomavāhāśca asito devalastathā |
asmingotre ca ye jātā viprāḥ paramapāvanāḥ || 86 ||
[Analyze grammar]

paropakāriṇaḥ sarve śrutismṛti parāyaṇāḥ |
bakāsanāśca kuṭilāśchadmavṛttiparāstathā || 87 ||
[Analyze grammar]

nānāśāstrārthanipuṇā nānābharaṇabhūṣitāḥ |
vṛkṣādikarmakuśalā dīrgharoṣāśca rogiṇaḥ || 88 ||
[Analyze grammar]

āṃgirasagotre ye jātāḥ pravaratrayasaṃyutāḥ |
āṃgirasoṃbarīṣaśca yauvanāśvastṛtīyakaḥ || 89 ||
[Analyze grammar]

asmingotre ca ye jātāḥ satya saṃbhāṣiṇastathā |
jiteṃdriyāḥ surūpāśca alpāhārāḥ śubhānanāḥ || 90 ||
[Analyze grammar]

mahāvratāḥ purāṇajñā mahādānaparāyaṇāḥ |
nirdveṣiṇo lobhayutā vedādhya yanatatparāḥ || 91 ||
[Analyze grammar]

dīrghadarśimahātejo mahāmāyāvimohitāḥ |
śāṃḍilasagotreye pravaratrayasaṃyutāḥ || 92 ||
[Analyze grammar]

asito devalaścaiva śāṃḍilastu tṛtīyakaḥ |
asmingotre mahābhāgāḥ kubjāśca dvijasattamāḥ || 93 ||
[Analyze grammar]

netrarogī mahāduṣṭā mahātyāgā anāyuṣaḥ |
kalahotpādane dakṣāḥ sarvasaṃgraha tatparāḥ || 94 ||
[Analyze grammar]

malinā māninaścaiva jyotiḥśāstraviśāradāḥ |
ātreyasagotre ye jātāḥ paṃcapravarasaṃyutāḥ || 95 ||
[Analyze grammar]

ātreyo'rcanānasaśyāvāśvoṃgira so'triśca |
asminvaṃśe ca ye jātā dvijāste sūryavarcasaḥ || 96 ||
[Analyze grammar]

caṃdravacchītalāḥ sarve dharmāraṇye vyavasthitāḥ |
sadācārā mahādakṣāḥ śrutiśāstra parāyaṇāḥ || 97 ||
[Analyze grammar]

yājñikāśca śubhācārāḥ satyaśaucaparāyaṇāḥ |
dharmajñā dānaśīlāśca nirmalāśca mahotsukāḥ || 98 ||
[Analyze grammar]

tapaḥsvādhyāyaniratā nyāyadharmaparāyaṇāḥ || 99 ||
[Analyze grammar]

yudhiṣṭhira uvāca |
kathayasva mahābāho dharmāraṇyakathāmṛtam |
yacchrutvā mucyate pāpādghorādbrahmavadhādapi || 100 ||
[Analyze grammar]

vyāsa uvāca |
śṛṇu rājanpravakṣyāmi kathāmetāṃ sudurlabhām || 1 ||
[Analyze grammar]

yakṣarakṣaḥpiśācādyā udvejayaṃti vāḍavān |
jṛṃbhakonāma yakṣo'bhūddharmmāraṇyasamīpataḥ || 2 ||
[Analyze grammar]

udvejayati nityaṃ sa dharmāraṇyanivāsinaḥ |
tatastaiśca dvijāgryaistu devebhyo viniveditam || 3 ||
[Analyze grammar]

yakṣarakṣādinā caiva paribhūtā vayaṃ surāḥ |
tyakṣyāmo'dya varaṃ sthānaṃ tadbhayānnātra saṃśayaḥ || 4 ||
[Analyze grammar]

tato devaiḥ saṃgadharvaiḥ sthāpitāstatra bhūmiṣu |
 siddhāśca varayoginyaḥ śrīmātṛprabhṛtayastathā || 5 ||
[Analyze grammar]

rakṣaṇārthaṃ hi viprāṇāṃ lokānāṃ hitakāmyayā |
gotrānprati tathaikaikā sthāpitā yoginī tadā || 6 ||
[Analyze grammar]

yasya gotrasya yā śaktī rakṣaṇe pālane kṣamā |
sā tasya kuladevīti sākṣāttatra babhūva ha || 7 ||
[Analyze grammar]

śrīmātā tāraṇī devī āśāpūrī ca gotrapā |
icchā'rtināśinī caiva pippalī vikāravaśā || 8 ||
[Analyze grammar]

jaganmātā mahāmātā siddhā bhaṭṭārikā tathā |
kadaṃbā vikarā mīṭhā suparṇā vasujā tathā || 9 ||
[Analyze grammar]

mātaṃgī ca mahādevī vāṇī ca mukuṭeśvarī |
bhadrī caiva mahāśaktiḥ saṃhārī ca mahābalā || 110 ||
[Analyze grammar]

cāmuṃḍā ca mahādevī ityetā gotramātaraḥ |
brahmaviṣṇumaheśādyaiḥ sthāpitāstatra rakṣaṇe || 11 ||
[Analyze grammar]

tāḥ pūjayaṃti vipreṃdrāḥ svadharmaniratāḥ sadā |
tataḥ prabhṛti yoginyaḥ svesve kāle surakṣitāḥ || 12 ||
[Analyze grammar]

vāḍavāḥ svasthatāṃ jagmuḥ putrapautraiḥ samāvṛtāḥ |
tato devāḥ sagaṃdharvā harṣanirbharamānasāḥ |
vimānavaramārūḍhā jagmurnāke'mṛtāśanāḥ || 13 ||
[Analyze grammar]

gate varṣaśate rājanbrahmaviṣṇumaheśvarāḥ |
smṛtvā tu dharmāraṇyasya prekṣaṇārthaṃ kutūhalāt || 14 ||
[Analyze grammar]

samājagmustadā rājanprabhāte udite ravau |
vimānavaramāruhya apsarogaṇasevitāḥ || 15 ||
[Analyze grammar]

gaṃdharvair gīyamānāste stūyamānāḥ prabodhakaiḥ |
tatra sthāne dvijā rājansamitpuṣpakuśānbahūn || 16 ||
[Analyze grammar]

āśramāṃstānparityajya gatāḥ sarve diśo daśa |
tamāśramapadaṃ dṛṣṭvā śūnyaṃ caiva maheśvaraḥ || 17 ||
[Analyze grammar]

uvāca vākyaṃ dharmajño vāḍavānkliśate vibho |
śuśūṣārthaṃ hi śuśrūṣankalpayediti me matiḥ || 18 ||
[Analyze grammar]

śrutvā tu vacanaṃ śaṃbhordevadevo janārdanaḥ |
satyaṃsatyamiti procya brahmāṇamidamabravīt || 19 ||
[Analyze grammar]

bhobho brahmandvijātīnāṃ śuśrūṣārthaṃ prakalpaya |
sṛṣṭirhi śāśvatīvādya dvijoghopi sukhī bhavet |
viṣṇorvākyamabhiśrutya brahmā lokapitāmahaḥ || 120 ||
[Analyze grammar]

saṃsmarankāmadhenuṃ vai smaraṇenaiva tatkṣaṇe |
āgatā tatra sā dhenurdharmāraṇye pavitrake || 121 ||
[Analyze grammar]