Chapter 2

[English text for this chapter is available]

| vyāsa uvāca ||
pṛthvīpuraṃdhyāstilakaṃ lalāṭe lakṣmīlatāyāḥ sphuṭamālavālam |
vāgdevatāyā jalakeliramyaṃ noherakaṃ saṃprati varṇayāmi || 1 ||
[Analyze grammar]

sādhu pṛṣṭaṃ tvayā rājanvārāṇasyadhikādhikam |
dharmāraṇyaṃ nṛpaśreṣṭha śrṛṇuṣvāvahito bhṛśam || 2 ||
[Analyze grammar]

sarvatīrthāni tatraiva ūṣaraṃ tena kathyate |
brahmaviṣṇumaheśādyairiṃdrādyaiḥ parisevitam || 3 ||
[Analyze grammar]

lokapālaiśca dikpālairmātṛbhiḥ śivaśaktibhiḥ |
gaṃdharvaiśvāpsarobhiśca sevitaṃ yajñakarmabhiḥ || 4 ||
[Analyze grammar]

bhūtavetālaśākinīgrahadevādhidevataiḥ |
ṛtubhirmāsapakṣaiśca sevyamānaṃ surāsureḥ || 9 ||
[Analyze grammar]

tadādyaṃ ca nṛpasthānaṃ sarvasaukhyapraduṃ tathā |
yajñaiśca bahubhiścaiva sevitaṃ munisattamaiḥ || 6 ||
[Analyze grammar]

siṃhavyāghrairdvipaiścaiva pakṣibhirvividhaistathā |
gomahiṣyādibhiścaiva sārasairmṛgaśūkaraiḥ || 7 ||
[Analyze grammar]

sevitaṃ nṛpaśārdūla śvāpadaivairvividhairapi |
tatra ye nidhanaṃ prāptāḥ pakṣiṇaḥ kīṭakādayaḥ || 8 ||
[Analyze grammar]

paśavaḥ śvāpadāścaiva jalasthalacarāśca ye |
khecarā bhūcarāścaiva ḍākinyo rākṣasāstathā || 9 ||
[Analyze grammar]

ekottaraśataiḥ sārddhaṃ muktisteṣāṃ hi śāśvatī |
te sarve viṣṇulokāṃśca prayāṃtyeva na saṃśayaḥ || 10 ||
[Analyze grammar]

saṃtārayati pūrvajñāndaśa pūrvāndaśāparān |
yavavrīhitilaiḥ sarpirbilvapatraiśca dūrvayā || 11 ||
[Analyze grammar]

guḍaiścaivodakairnātha tatra piṃḍaṃ karoti yaḥ |
uddharetsapta gotrāṇi kulamekottaraṃ śatam || 12 ||
[Analyze grammar]

vṛkṣairanekadhā yuṃkte latāgulmaiḥ suśobhitam |
sadā puṇyapradaṃ tacca sadā phalasamanvitam || 13 ||
[Analyze grammar]

nirvairaṃ nirbhayaṃ caiva dharmāraṇyaṃ ca bhūpate |
govyāghraiḥ krīḍyate tatra tathā mārjāramūṣakaiḥ || 11 ||
[Analyze grammar]

bheko'hinā krīḍate ca mānuṣā rākṣasaiḥ saha |
nirbhayaṃ vasate tatra dharmmāraṇyaṃ ca bhūtale || 19 ||
[Analyze grammar]

mahānaṃdamayaṃ divyaṃ pāvanātpāvanaṃ param |
kalakaṃṭhaḥ kalotkaṃṭhamanuguṃjati kuṃjagaḥ || 16 ||
[Analyze grammar]

dhyānasthaḥ śroṣyati tadā pārāvatyeti vāryyate |
kekaḥ kokīṃ parityajya maunaṃ tiṣṭhati tadbhayāt || 17 ||
[Analyze grammar]

cakoraścaṃdrikābhoktā naktavratamivāsthitaḥ |
paṭhaṃti sārikāḥ sāraṃ śukaṃ saṃbodhayatyaho || 18 ||
[Analyze grammar]

apāravārasaṃsārasiṃdhupārapradaḥ śivaḥ |
ālasyenāpi yo yāyādgṛhāddharmavanaṃ prati || 19 ||
[Analyze grammar]

aśvamedhādhiko dharmastasya syācca padepade |
śāpānugrahasaṃyuktā brāhmaṇāstatra saṃti vai || 20 ||
[Analyze grammar]

aṣṭādaśasahasrāṇi puṇyakāryeṣu nirmitāḥ |
ṣaṭtriṃśattu sahasrāṇi bhṛtyāste vaṇijo bhuvi || 21 ||
[Analyze grammar]

dvijabhaktisamāyuktā brahmaṇyāste tvayonijāḥ |
purāṇajñāḥ sadācārā dhārmikāḥ śuddhabuddhayaḥ |
svarge devāḥ praśaṃsaṃti dharmmāraṇyanivāsinaḥ || 22 ||
[Analyze grammar]

yudhiṣṭhira uvāca |
dharmāraṇyeti tridaśaiḥ kadā nāma pratiṣṭhitam |
pāvanaṃ bhūtale jātaṃ kasmāttena vinirmitam || 23 ||
[Analyze grammar]

tīrthabhūtaṃ hi kasmācca kāraṇāttadvadasva me |
brāhmaṇāḥ katisaṃ khyākāḥ kena vai sthāpitāḥ purā || 24 ||
[Analyze grammar]

aṣṭādaśasahasrāṇi kimarthaṃ sthāpitāni vai |
kasminnaṃśe samutpannā brāhmaṇā brahma sattamāḥ || 25 ||
[Analyze grammar]

sarvavidyāsu niṣṇātā vedavedāṃgapāragāḥ |
ṛgvedeṣu ca niṣṇātā yajurvedakṛtaśramāḥ || 26 ||
[Analyze grammar]

sāmavedāṃgapārajñāstraividyā dharma vittamāḥ |
taponiṣṭhā śubhācārāḥ satyavrataparāyaṇāḥ || 27 ||
[Analyze grammar]

māsopavāsaiḥ kṛśitāstathā cāṃdrāyaṇādibhiḥ |
sadācārāśca brahmaṇyāḥ kena nityo pajīvinaḥ |
tatsarvamāditaḥ kṛtsnaṃ brūhi me vadatāṃ vara || 28 ||
[Analyze grammar]

dānavāstatra daiteyā bhūtavetālasaṃbhavāḥ |
rākṣasāśca piśācāśca udvejaṃte kathaṃ na tān || 29 ||
[Analyze grammar]

iti śrīskānde mahāpurāṇa ekāśītisāhasryāṃ saṃhitāyāṃ tṛtīye brahmakhaṇḍe pūrvārdhe dharmāraṇyamāhātmye yudhiṣṭhirapraśnarṇanaṃnāma dvitī yo'dhyāyaḥ || 2 ||
[Analyze grammar]