Chapter 47

[English text for this chapter is available]

ṛṣaya ūcuḥ |
rākṣasasya vadhātsūta rāvaṇasya mahāmune |
brahmahatyā kathamabhūdrāghavasya mahātmanaḥ || 1 ||
[Analyze grammar]

brāhmaṇasya vadhātsūta brahmahatyābhijāyate |
na brāhmaṇo daśagrīvaḥ kathaṃ tadvada no mune || 2 ||
[Analyze grammar]

brahmahatyā bhavetkrūrā rāmacaṃdrasya dhīmataḥ |
etannaḥ śraddadhānānāṃ vada kāruṇyato'dhunā || 3 ||
[Analyze grammar]

iti pṛṣṭastataḥ sūto naimiṣāraṇyavāsibhiḥ |
vaktuṃ pracakrame teṣāṃ praśnasyottaramuttamam || 4 ||
[Analyze grammar]

|śrīsūta uvāca |
brahmaputro mahātejāḥ pulastyonāma vai dvijāḥ |
babhūva tasya putro'bhūdviśravā iti viśrutaḥ || 5 ||
[Analyze grammar]

tasya putraḥ pulastya sya viśravā munipuṃgavāḥ |
cirakālaṃ tapastepe devairapi suduṣkaram || 6 ||
[Analyze grammar]

tapaḥ kurvati tasmiṃstu sumālī nāma rākṣasaḥ |
pātālalokādbhūlokaṃ sarvaṃ vai vicacāra ha || 7 ||
[Analyze grammar]

hemaniṣkāṃgadadharaḥ kālameghanibhacchaviḥ |
samādāya sutāṃ kanyāṃ padmahīnāmiva śriyam || 8 ||
[Analyze grammar]

vicaransa mahīpṛṣṭhe kadācitpuṣpakasthitam |
dṛṣṭvā viśravasaḥ putraṃ kuberaṃ vai dhaneśvaram || 9 ||
[Analyze grammar]

ciṃtayāmāsa vipreṃdrāḥ sumālī sa tu rākṣasaḥ |
kuberasadṛśaḥ putro yadyasmākaṃ bhaviṣyati || 10 ||
[Analyze grammar]

vayaṃ varddhāmahe sarve rākṣasā hyakutobhayāḥ |
vicāryaivaṃ nijasutāmabravīdrākṣaseśvaraḥ || 11 ||
[Analyze grammar]

sute pradānakālo'dya tava kaikasi śobhane |
adya te yauvanaṃ prāptaṃ taddeyā tvaṃ varāya hi || 12 ||
[Analyze grammar]

apradānena putrīṇāṃ pitaro duḥkhamāpnuyuḥ |
kiṃ ca sarvaguṇotkṛṣṭā lakṣmīriva sute śubhe || 13 ||
[Analyze grammar]

pratyākhyānabhayātpuṃbhirna ca tvaṃ prārthyase śubhe |
kanyāpitṛtvaṃ duḥkhāya sarveṣāṃ mānakāṃkṣiṇām || 14 ||
[Analyze grammar]

na jāne'haṃ varaḥ ko vā varayediti kanyake |
sā tvaṃ pulastyatanayaṃ muniṃ viśravasaṃ dvijam || 15 ||
[Analyze grammar]

pitāmahakulodbhūtaṃ varayasva svayaṃgatā |
kuberatulyāstanayā bhaveyuste na saṃśayaḥ || 16 ||
[Analyze grammar]

kaikasī tadvacaḥ śrutvā sā kanyā pitṛgauravāt |
aṃgīcakāra tadvākyaṃ tathāstviti śucismitā || 17 ||
[Analyze grammar]

parṇaśālāṃ muniśreṣṭhā gatvā viśravaso muneḥ |
atiṣṭhadaṃtike tasya lajjamānā hyadhomukhī || 18 ||
[Analyze grammar]

tasminnavasare viprāḥ pulastyatanayaḥ sudhīḥ |
agnihotramupāste sma jvalatpāvakasannibhaḥ || 19 ||
[Analyze grammar]

saṃdhyākālamatikrūramaviciṃtya tu kaikasī |
abhyetya taṃ muniṃ subhrūḥ piturvacanagauravāt || 20 ||
[Analyze grammar]

tasthāvadhomukhī bhūmiṃ likhatyaṃguṣṭhakoṭinā |
viśravāstāṃ vilokyātha kaikasīṃ tanumadhyamām |
uvāca sasmito viprāḥ pūrṇacaṃdranibhānanām || 21 ||
[Analyze grammar]

viśravā uvāca |
śobhane kasya putrī tvaṃ kuto vā tvamihāgatā || 22 ||
[Analyze grammar]

kāryaṃ kiṃ vā tvamuddiśya vartase'tra śucismite |
yathārthato vadasvādya mama sarvamaniṃdite || 23 ||
[Analyze grammar]

itīritā kaikasī sā kanyā baddhāṃjalirdvijāḥ |
uvāca taṃ muniṃ prahvā vinayena samanvitā || 24 ||
[Analyze grammar]

tapaḥ prabhāvena mune madabhiprāyamadya tu |
vettumarhasi samyaktvaṃ pulastyakuladīpana || 25 ||
[Analyze grammar]

ahaṃ tu kaikasī nāma sumāliduhitā mune |
mattātasyājñayā brahmaṃstavāṃtikamupāgatā || 26 ||
[Analyze grammar]

śeṣa tvaṃ jñānadṛṣṭyādya jñātumarhasyasaṃśayaḥ |
kṣaṇaṃ dhyātvā muniḥ prāha viśravāḥ sa tu kaikasīm || 27 ||
[Analyze grammar]

mayā te viditaṃ subhrūrmanogatamabhīpsitam |
putrābhilāṣiṇī sā tvaṃ māmagāḥ sāṃprataṃ śubhe || 28 ||
[Analyze grammar]

sāyaṃkāle'dhunā krūre yasmānmāṃ tvamupāgatā |
putrābhilāṣiṇī bhūtvā tasmāttvāṃ prabravīmyaham || 29 ||
[Analyze grammar]

śṛṇuṣvāvahitā rāme kaikasī tvamaniṃdite |
dāruṇāndāruṇākārāndāruṇābhijanapriyān || 30 ||
[Analyze grammar]

janayiṣyasi putrāṃstvaṃ rākṣasānkrūrakarmaṇaḥ |
śrutvā tadvacanaṃ sā tu kaikasī praṇipatya tam || 31 ||
[Analyze grammar]

pulastyatanayaṃ prāha kṛtāṃjalipuṭā dvijāḥ |
bhagavadīdṛśāḥ putrāstvattaḥ prāptuṃ na yujyate || 32 ||
[Analyze grammar]

ityuktaḥ sa muniḥ prāha kaikasīṃ tāṃ sumadhyamām |
madvaṃśānuguṇaḥ putraḥ paścimaste bhaviṣyati || 33 ||
[Analyze grammar]

dhārmikaḥ śāstravicchāṃto na tu rākṣasaceṣṭitaḥ |
ityuktā kaikasī viprāḥ kāle katipaye gate || 34 ||
[Analyze grammar]

suṣuve tanayaṃ krūraṃ rakṣorūpaṃ bhayaṃkaram |
dvipaṃcaśīrṣaṃ kumatiṃ viṃśadbāhuṃ bhayānakam || 35 ||
[Analyze grammar]

tāmroṣṭhaṃ kṛṣṇavadanaṃ raktaśmaśru śiroruham |
mahādaṃṣṭraṃ mahākāyaṃ lokatrāsakaraṃ sadā || 36 ||
[Analyze grammar]

daśagrīvābhidhaḥ so'bhūttathā rāvaṇa nāmavān |
rāvaṇānaṃtaraṃ jātaḥ kumbhakarṇābhidhaḥ sutaḥ || 37 ||
[Analyze grammar]

tataḥ śūrpaṇakhā nāmnā krūrā jajñe ca rākṣasī |
tato babhūva kaikasyā vibhīṣaṇa iti śrutaḥ || 38 ||
[Analyze grammar]

paścimastanayo dhīmāndhārmiko vedaśāstravit |
ete viśravasaḥ putrā daśagrīvādayo dvijāḥ || 39 ||
[Analyze grammar]

ato daśagrīvavadhātkumbhakarṇavadhādapi |
brahmahatyā samabhavadrāmasyākliṣṭakarmaṇaḥ || 40 ||
[Analyze grammar]

atastacchāṃtaye rāmo liṃgaṃ rāmeśvarābhidham |
sthāpayāmāsa vidhinā vaidikena dvijottamāḥ || 41 ||
[Analyze grammar]

evaṃ rāvaṇaghātena brahmahatyāsamudbhavaḥ |
samabhūdrāmacaṃdrasya lokakāṃtasya dhīmataḥ || 42 ||
[Analyze grammar]

tatsahaitukamākhyātaṃ bhavatāṃ brahmaghātajam |
pāpaṃ yacchāṃtaye rāmo liṃgaṃ prātiṣṭhipatsvayam || 43 ||
[Analyze grammar]

evaṃ liṃgaṃ pratiṣṭhāpya rāmacandro'tidhārmikaḥ |
mene kṛtārthamātmānaṃ sasītā varajo dvijāḥ || 44 ||
[Analyze grammar]

brahmahatyā gatā yatra rāmacaṃdrasya bhūpateḥ |
tatra tīrthamabhūtkiṃcidbrahmahatyāvimocanam || 45 ||
[Analyze grammar]

tatra snānaṃ mahāpuṇyaṃ brahmahatyāvināśanam |
dṛśyate rāvaṇo'dyāpi chāyārūpeṇa tatra vai || 46 ||
[Analyze grammar]

tadagre nāgalokasya bilamasti mahattaram |
daśagrīvavadhotpannāṃ brahmahatyāṃ balīyasīm || 47 ||
[Analyze grammar]

tadbilaṃ prāpayāmāsa jānakīramaṇo dvijāḥ |
tasyopari bilasyātha kṛtvā maṇḍapamuttamam || 48 ||
[Analyze grammar]

bhairavaṃ sthāpayāmāsa rakṣārthaṃ tatra rāghavaḥ |
bhairavājñāparitrastā brahmahatyā bhayaṃkarī || 49 ||
[Analyze grammar]

nāśaknottadbilādūrdhvaṃ nirgaṃtuṃ dvijasattamāḥ |
tasminneva bile tasthau brahmahatyā nirudyamā || 50 ||
[Analyze grammar]

rāmanāthamahāliṃgaṃ dakṣiṇe girijā mudā |
vartate paramānaṃdaśivasyārdhaśarīriṇī || 51 ||
[Analyze grammar]

ādityasomau vartete pārśvayostatra śūlinaḥ |
devasya purato vahnī rāmanāthasya vartate || 52 ||
[Analyze grammar]

āste śatakratuḥ prācyāmāgneyāṃ ca tathā'nalaḥ |
āste yamo dakṣiṇasyāṃ rāmanāthasya sevakaḥ || 53 ||
[Analyze grammar]

nairṛte nirṛtirviprā vartate śaṃkarasya tu |
vāruṇyāṃ varuṇo bhaktyā sevate rāghaveśvaram || 54 ||
[Analyze grammar]

vāyavye tu diśo bhāge vāyurāste śivasya tu |
uttarasyāṃ ca dhanado rāmanāthasya vartate || 55 ||
[Analyze grammar]

īśānye'sya ca digbhāge maheśo vartate dvijāḥ |
vināyaka kumārau ca mahādevasutāvubhau || 56 ||
[Analyze grammar]

yathāpradeśaṃ vartete rāmanāthālaye'dhunā |
vīrabhadrādayaḥ sarve maheśvaragaṇeśvarāḥ || 57 ||
[Analyze grammar]

yathāpradeśaṃ vartaṃte rāmanāthālaye sadā |
munayaḥ pannagāḥ siddhā gandharvāpsarasāṃ gaṇāḥ || 58 ||
[Analyze grammar]

saṃtuṣyamāṇahṛdayā yatheṣṭaṃ śivasannidhau |
vartaṃte rāmanāthasya sevārthaṃ bhaktipūrvakam || 59 ||
[Analyze grammar]

rāmanāthasya pūjārthaṃ śrotriyānbrāhmaṇānbahūn |
rāmeśvare raghupatiḥ sthāpayāmāsa pūjakān || 60 ||
[Analyze grammar]

rāmapratiṣṭhitānviprānhavyakavyādinārcayet |
tuṣṭāste toṣitāḥ sarvā pitṛbhiḥ sahadevatāḥ || 61 ||
[Analyze grammar]

tebhyo bahudhanāngrāmānpradadau jānakīpatiḥ |
rāmanāthamahādeva naivedyārthamapi dvijāḥ || 62 ||
[Analyze grammar]

bahūngrāmānbahudhanaṃ pradadau lakṣmaṇāgrajaḥ |
hārakeyūrakaṭakaniṣkādyābharaṇāni ca || 63 ||
[Analyze grammar]

anekapaṭṭa vastrāṇi kṣaumāṇi vividhāni ca |
rāmanāthāya devāya dadau daśarathātmajaḥ || 64 ||
[Analyze grammar]

gaṃgā ca yamunā puṇyā sarayūśca sarasvatī |
setau rāmeśvaraṃ devaṃ bhajaṃte svāghaśāṃtaye || 65 ||
[Analyze grammar]

etadadhyāyapaṭhanācchravaṇādapi mānavaḥ |
vimuktaḥ sarvapāpebhyaḥ sāyujyaṃ labhate hareḥ || 66 ||
[Analyze grammar]

iti śrīskāṃde mahāpurāṇa ekāśītisāhasryāṃ saṃhitāyāṃ tṛtīye brahmakhaṇḍe setumāhātmye rāmasya brahmahatyotpattihetunirūpaṇaṃ nāma saptacatvāriṃśo'dhyāyaḥ || 47 ||
[Analyze grammar]