Chapter 34

[English text for this chapter is available]

śrīsūta uvāca |
itihāsaṃ punarvakṣye dhanuṣkoṭipraśaṃsanam |
sṛgālasya ca saṃvādaṃ vānarasya ca sattamāḥ || 1 ||
[Analyze grammar]

sṛgālavānarau pūrvamāstāṃ jātismarāvubhau |
purāpi mānuṣe bhāve sakhāyau tau babhūvatuḥ || 2 ||
[Analyze grammar]

anyāṃ yoniṃ samāpannau sārgālīṃ vānarīṃ tathā |
sakhyaṃ samīyaturubhau sṛgālo vānaro dvijāḥ || 3 ||
[Analyze grammar]

kadācidrudrabhūmiṣṭhaṃ sṛgālaṃ vānaro'bravīt |
śmaśānamadhye saṃprekṣya pūrvajātimanusmaran || 4 ||
[Analyze grammar]

vānara uvāca |
sṛgāla pātakaṃ pūrvaṃ kimakārṣīḥ sudāruṇam |
yastvaṃ śmaśāne mṛtakānpūtigaṃdhāṃśca kutsitān |
atsītyukto'tha kapinā sṛgālastamabhāṣata || 5 ||
[Analyze grammar]

sṛgāla uvāca |
ahaṃ pūrvabhave hyāsaṃ brāhmaṇo vedapāragaḥ || 6 ||
[Analyze grammar]

vedaśarmābhidho vidvānsarvakarmakalāpavit |
brāhmaṇāya pratiśrutya na mayā tatra janmani || 7 ||
[Analyze grammar]

kape dhanaṃ tadā dattaṃ sṛgālo'haṃ tato'bhavam |
tasmādevaṃvidhaṃ bhakṣyaṃ bhakṣayāmyatikutsitam || 8 ||
[Analyze grammar]

pratiśrutya durātmāno na prayacchaṃti ye narāḥ |
kape sṛgālayoniṃ te prāpnuvaṃtyatikutsitām || 9 ||
[Analyze grammar]

yo na dadyātpratiśrutya svalpaṃ vā yadi vā bahu |
sarvāśāstasya naṣṭāḥ syuḥ ṣaṃḍhasyeva prajodbhavaḥ || 10 ||
[Analyze grammar]

pratiśrutyāpradāne tu brāhmaṇāya plavaṃgama |
daśajanmārjitaṃ puṇyaṃ tatkṣaṇādeva naśyati || 11 ||
[Analyze grammar]

pratiśrutyāpradānena yatpāpamupajāyate |
nāśvamedhaśatenāpitatpāpaṃ pariśudhyati || 12 ||
[Analyze grammar]

na jānehamidaṃ pāpaṃ kadā naṣṭaṃ bhavediti |
tasmātpratiśrutaṃ dravyaṃ dātavyaṃ viduṣā sadā || 13 ||
[Analyze grammar]

pratiśrutyāpradānena sṛgālo bhavati dhruvam |
tasmātprājñena viduṣā dātavyaṃ hi pratiśrutam || 14 ||
[Analyze grammar]

ityuktvā sa sṛgālastaṃ vānaraṃ punarabravīt |
bhavatā kiṃ kṛtaṃ pāpaṃ yena vānaratāmagāt || 15 ||
[Analyze grammar]

anāgaso vanacarānpakṣiṇo hiṃsi vānara |
tatpātakaṃ vadasvādya vānaratvapradaṃ mama |
ityuktaḥ sa sṛgālena sṛgālaṃ vānaro'bravīt || 16 ||
[Analyze grammar]

vānara uvāca |
purā janmanyahaṃ vipro vedanātha iti smṛtaḥ || 17 ||
[Analyze grammar]

viśvanātho mama pitā mamāṃbā kamalālayā |
sṛgāla sakhyamabhavadāvayoḥ prāgbhave'pi hi || 19 ||
[Analyze grammar]

tvaṃ na jānāsi tatsarvaṃ vedmyahaṃ puṇya gauravāt |
tapasārādhya giriśaṃ tatprasādātpurā mama || 19 ||
[Analyze grammar]

atītabhāvivijñānamasti janmāṃtare'pi ca |
gomāyo tadbhave śākaṃ brāhmaṇasya hṛtaṃ mayā || 20 ||
[Analyze grammar]

tatpāpādvānaro jāto narakānubhavādanu |
nāhartavyaṃ vipradhanaṃ haraṇānnarakaṃ bhavet || 21 ||
[Analyze grammar]

anaṃtaraṃ vānaratvaṃ bhaviṣyati na saṃśayaḥ |
tasmānna brāhmaṇasvaṃ tu hartavyaṃ viduṣā sadā || 22 ||
[Analyze grammar]

brahmasvaharaṇātpāpamadhikaṃ naiva vidyate |
pītavaṃtaṃ viṣaṃ haṃti brahmasvaṃ sakulaṃ dahet || 23 ||
[Analyze grammar]

brahmasvaharaṇātpāpī kuṃbhīpākeṣu pacyate |
paścānnarakaśeṣeṇa vānarīṃ yonimaśnute || 24 ||
[Analyze grammar]

vipradravyaṃ na hartavyaṃ kṣaṃtavyaṃ teṣvataḥ sadā |
bālā daridrāḥ kṛpaṇā vedaśāstrādivarjitāḥ || 25 ||
[Analyze grammar]

brāhmaṇā nāvamaṃtavyāḥ kruddhāścedanalopamāḥ |
atītānāgataṃ jñānaṃ sṛgālākhilamasti me || 26 ||
[Analyze grammar]

jñānamasti na me tvekametatpāpaviśodhanam |
jātismaro'pi hi bhavānbhāvikāryaṃ na budhyate || 27 ||
[Analyze grammar]

atīteṣvapi kiṃcijjñaḥ pratibaṃdhavaśādbhavān |
ato bhavānna jānīte bhāvyatītaṃ tathākhilam || 28 ||
[Analyze grammar]

kiyatkālaṃ sṛgālāto bhuktā vyasanamīdṛśam |
āvayorasya pāpasya ko vā mocayitā bhavet || 29 ||
[Analyze grammar]

evaṃ prabruvatostatra plavaṃgamasṛgālayoḥ |
yadṛcchayā daivayogātpūrvapuṇyavaśāddvijāḥ || 30 ||
[Analyze grammar]

āyayau sa mahātejāḥ siṃdhudvīpāhvayo muniḥ |
bhasmoddhūlitasarvāṃgastripuṃḍrāṃkitamastakaḥ || 31 ||
[Analyze grammar]

rudrākṣamālābharaṇaḥ śivanāmāni kīrtayan |
sṛgālavānarau dṛṣṭvā siṃdhudvīpābhidhaṃ munim |
praṇamya mudi tau bhūtvā papracchaturidaṃ tadā || 32 ||
[Analyze grammar]

sṛgālavānarāvūcatuḥ |
bhagavansarvadharmajña siṃdhudvīpa mahāmune || 33 ||
[Analyze grammar]

āvāṃ rakṣa kṛpādṛṣṭyā vilokaya muhurmudā |
kapitvaṃ ca sṛgālatvamāvayoryena naśyati || 34 ||
[Analyze grammar]

tamupāyaṃ vadasvādya tvaṃ hi puṇyavatāṃ varaḥ |
anāthānkṛpaṇānajñānbālānrogāturāñjanān || 35 ||
[Analyze grammar]

rakṣaṃti sādhavo nityaṃ kṛpayā nirapekṣakāḥ |
tābhyāmitīritaḥ prājñaḥ siṃdhudvīpo mahāmuniḥ |
prāha tau kapigomāyū dhyātvā tu manasā ciram || 36 ||
[Analyze grammar]

siṃdhudvīpa uvāca |
jānāmyahaṃ yuvāṃ samyagghe sṛgālaplavaṃgamau || 37 ||
[Analyze grammar]

sṛgāla prāgbhave tvaṃ vai vedaśarmābhidho dvijaḥ |
brāhmaṇāya pratiśrutya dhānyānāmāḍhakaṃ tvayā || 38 ||
[Analyze grammar]

na dattaṃ tena pāpena sārgālīṃ yonimāptavān |
tvaṃ ca vānara pūrvasminvedanāthābhidho dvijaḥ || 39 ||
[Analyze grammar]

brāhmaṇasya gṛhācchākaṃ hṛtaṃ cauryāttvayā tata |
prāptosi vānarīṃ yoniṃ sarvapakṣibhayaṃkarīm || 40 ||
[Analyze grammar]

yuvayoḥ pāpaśāṃtyarthamupāyaṃ pravadāmyaham |
dakṣiṇāṃbunidhau rāmadhanuṣkoṭau yuvāmaram || 41 ||
[Analyze grammar]

gatvātra kurutaṃ snānaṃ tena pāpādvimokṣyathaḥ |
purā kirātīsaṃsargātsumatirbrāhmaṇaḥ surām |
pītavāntsa dhanuṣkoṭau snātvā pāpādvimocitaḥ || 42 ||
[Analyze grammar]

sṛgāla vānarāvūcatuḥ |
sumatiḥ kasya putro'sau kathaṃ ca sa surāṃ papau || 43 ||
[Analyze grammar]

kathaṃ kirātyāṃ sakto'bhūtsiṃdhudvīpa mahāmate |
āvayorvistarādetadvada tvaṃ kṛpāyādhunā || 44 ||
[Analyze grammar]

siṃdhudvīpa uvāca |
mahārāṣṭrābhidhe deśe brāhmaṇaḥ kaścidāstikaḥ |
yajñadeva iti khyāto vedavedāṃgapāragaḥ || 45 ||
[Analyze grammar]

dayālurātitheyaśca śivanārāyaṇārcakaḥ |
sumatirnāma putro'bhūdyajñadevasya tasya vai || 46 ||
[Analyze grammar]

pitarau sa parityajya bhāryāmapi pativratām |
prayayāvutkale deśe viṭagoṣṭhīparāyaṇaḥ || 47 ||
[Analyze grammar]

kācitkirātī taddeśe vasantī yuvamohinī |
yūnāṃ samastadravyāṇi pralobhya jagṛhe ciram || 48 ||
[Analyze grammar]

tasyā gṛhaṃ sa prayayau sumatirbrāhmaṇādhamaḥ |
sumatiṃ sā na jagrāha kirātī nirdhanaṃ dvijam || 49 ||
[Analyze grammar]

tayā tyakto'tha sumatistatsaṃyogaikatatparaḥ |
itastataścorayitvā bahudravyāṇi saṃtatam || 50 ||
[Analyze grammar]

dattvā tayā ciraṃ reme tadgrahe bubhuje ca saḥ |
ekena caṣakeṇāsau tayā saha surāṃ papau || 51 ||
[Analyze grammar]

evaṃ sa bahukālaṃ vai ramamāṇastayā saha |
pitarau nijapatnīṃ ca nāsmaradviṣayāturaḥ || 52 ||
[Analyze grammar]

sa kadācitkirātaistu cauryaṃ kartuṃ yayau saha |
dravyaṃ hartuṃ kirātāste lāṭānāṃ viṣayaṃ yayuḥ || 53 ||
[Analyze grammar]

viprasya kasyacidgehe so'pi kairātaveṣadhṛk |
yayau corayituṃ dravyaṃ sāhasī khaṅgahastavān || 54 ||
[Analyze grammar]

tadgṛhasvāminaṃ vipraṃ hatvā khaḍgena sāhasī |
samādāya bahu dravyaṃ kirātībhavanaṃ yayau || 55 ||
[Analyze grammar]

taṃ yāṃtamanuyāti sma brahmahatyā bhayaṃkarī |
nīlavastradharā bhīmā bhṛśaṃ raktaśiroruhā || 56 ||
[Analyze grammar]

garjaṃtī sāṭṭahāsaṃ sā kaṃpayantī ca rodasī |
anudrutastayā so'yaṃ babhrāma jagatītale || 57 ||
[Analyze grammar]

evaṃ bhramanbhuvaṃ sarvāṃ kadācitsumatiḥ svayam |
svaṃ grāmaṃ prayayau bhītyā he sṛgālaplavaṃgamau || 58 ||
[Analyze grammar]

anudrutastayā bhītaḥ prayayau svagṛhaṃ prati |
brahmahatyāpyanudrutya tena sākaṃ gṛhaṃ yayau || 59 ||
[Analyze grammar]

pitaraṃ rakṣa rakṣeti sumatiḥ śaraṇaṃ yayau |
mā bhaiṣīriti taṃ procya pitā rakṣitumudyataḥ |
tadānīṃ brahmahatyeyaṃ tattātaṃ pratyabhāṣata || 60 ||
[Analyze grammar]

|brahmahatyovāca |
mainaṃ tvaṃ pratigṛhṇīṣva yajñadeva dvijottama || 61 ||
[Analyze grammar]

asau surāpī steyī ca brahmahā cātipātakī |
mātṛdrohī pitṛdrohī bhāryātyāgī ca pāpakṛt || 62 ||
[Analyze grammar]

kirātīsaṃgaduṣṭaśca nainaṃ muñcāmyahaṃ dvija |
gṛhṇāsi cedimaṃ vipra mahāpātakinaṃ sutam || 63 ||
[Analyze grammar]

tvadbhāryāmasya bhāryāṃ ca tvāṃ ca putramimaṃ dvija |
bhakṣayiṣyāmi vaṃśaṃ ca tasmānmuñca sutaṃ tvimam || 64 ||
[Analyze grammar]

imaṃ tyajasi cetputraṃ yuṣmānmokṣyāmi sāṃpratam |
naikasyārthe kulaṃ hantumarhasi tvaṃ mahāmate |
ityuktaḥ sa tayā tatra yajñadevo'bravīcca tām || 65 ||
[Analyze grammar]

yajñadeva uvāca |
bādhate māṃ sutasnehaḥ kathamenaṃ parityaje |
brahmahatyā tadākarṇya dvijoktaṃ tamabhāṣata || 66 ||
[Analyze grammar]

brahmahatyovāca |
ayaṃ hi patito'bhūtte varṇāśramabahiṣkṛtaḥ || 67 ||
[Analyze grammar]

putresminmā kuru snehaṃ niṃditaṃ tasya darśanam |
ityuktvā brahmahatyā sā yajñadevasya paśyataḥ || 68 ||
[Analyze grammar]

talena prajahārāsya putraṃ sumatināmakam |
ruroda tāta tāteti pitaraṃ prabruvanmuhuḥ || 69 ||
[Analyze grammar]

rurudurjanako mātā bhāryāpi sumatestadā |
etasminnaṃtare tatra durvāsāḥ śaṃkarāṃśajaḥ || 70 ||
[Analyze grammar]

diṣṭavā samāyayau yogī he sṛgālaplavaṃgamau |
yajñadevo'tha taṃ dṛṣṭvā muniṃ rudrāvatārakam |
śrutvā praṇamya śaraṇaṃ yayāce putrakāraṇāt || 71 ||
[Analyze grammar]

pitovāca |
durvāsastvaṃ mahāyogī sākṣādvai śaṃkarāṃśajaḥ || 72 ||
[Analyze grammar]

tvaddarśanamapuṇyānāṃ bhavitā na kadācana |
brahmahā ca surāpī ca steyī cābhūtsuto mama || 73 ||
[Analyze grammar]

enaṃ prahartumāyātā brahmahatyā vivartate |
bhūyādyathā me putro'yaṃ mahāpātakamocitaḥ || 74 ||
[Analyze grammar]

ghorā ca brahmahatyeyaṃ yathā śīghraṃ layaṃ vrajet |
tamupāyaṃ vadasvādya mama putre dayāṃ kuru || 79 ||
[Analyze grammar]

ayameva hi putro me nānyo'sti tanayo mune |
asminmṛte tu vaṃśo me samucchidyetsamūlataḥ || 76 ||
[Analyze grammar]

tataḥ pitṛbhyaḥ piṃḍānāṃ dātāpi na bhaveddhruvam |
ataḥ kṛpāṃ kuruṣva tvamasmāsu bhagavanmune || 77 ||
[Analyze grammar]

ityuktaḥ sa tadovāca durvāsāḥ śaṃkarāṃśajaḥ |
dhyātvā tu suciraṃ kālaṃ yajñadevaṃ dvijottamam || 78 ||
[Analyze grammar]

durvāsā uvāca |
ya़jñadeva kṛtaṃ pāpamatikrūraṃ sutena te |
nāsya pāpasya śāṃtiḥ syātprāyaścittāyutairapi || 79 ||
[Analyze grammar]

athāpi te sutasyāhamasya pāpasya śāṃtaye |
prāyaścittaṃ vadiṣyāmi śṛṇu nānyamanā dvija || 80 ||
[Analyze grammar]

śrīrāmadhanuṣaḥ koṭau dakṣiṇe salilārṇave |
snāti cettava putro'yaṃ pātakānmokṣyate kṣaṇāt || 81 ||
[Analyze grammar]

durvinītābhidho vipro yatra snānāddvijottama |
gurustrīgama pāpebhyastatkṣaṇādeva mocitaḥ || 82 ||
[Analyze grammar]

saiṣā śrīdhanuṣaḥ koṭī rāghavasya svayaṃ hareḥ |
snānamātreṇa pāpaughaṃ nāśayettvatsutasya sā || 83 ||
[Analyze grammar]

iti śrīskāṃde mahāpurāṇa ekāśītisāhasryāṃ saṃhitāyāṃ tṛtīye brahmakhaṇḍe setumāhātmye dhanuṣkoṭipraśaṃsāyāṃ sṛgālavānarasaṃvāde sumatimahāpātaka vimokṣopāyakathanaṃnāma catustriṃśo'dhyāyaḥ || 34 ||
[Analyze grammar]