Chapter 33

[English text for this chapter is available]

śrīsūta uvāca |
bhūyo'pyahaṃ pravakṣyāmi dhanuṣkoṭestu vaibhavam |
atyadbhutataraṃ guhyaṃ sarvalokaikapāvanam || 1 ||
[Analyze grammar]

purā parāvasurnāma brāhmaṇo vedavittamaḥ |
ajñānātpitaraṃ hatvā brahmahatyāmavāptavān |
so'pi snātvā dhanuṣkoṭau taddoṣā nmumuce kṣaṇāt || 2 ||
[Analyze grammar]

ṛṣaya ūcuḥ |
pitaraṃ hatavānpūrvaṃ kathaṃ sūta parāvasuḥ || 3 ||
[Analyze grammar]

kathaṃ vā dhanuṣaḥ koṭau muktistasyāpyabhūnmune |
etannaḥ śraddadhānānāṃ vistarādvaktumarhasi || 4 ||
[Analyze grammar]

śrīsūta uvāca |
āsīdrājā bṛhaddyumnaścakravartī mahābalaḥ |
dharmeṇa pālayāmāsa sāgarāṃtāṃ vasundharām || 5 ||
[Analyze grammar]

ayajatsatrayāgena devāniṃdrapurogamān |
yājakastasya raibhyo'bhūdvidvānparamadhārmikaḥ || 6 ||
[Analyze grammar]

āstāṃ putrāvubhau tasyāpyarvāvasu parāvasū |
ṣaḍaṃgavedaviduṣau śrautasmārteṣu kovidau || 7 ||
[Analyze grammar]

kāṇāde jaiminīye ca sāṃkhye vaiyāsike tathā |
gautame yogaśāstre ca pāṇinīye ca kovi dau || 8 ||
[Analyze grammar]

manvādismṛtiniṣṇātau sarvaśāstraviśāradau |
satrayāge sahāyārthaṃ bṛhaddyumnena yācitau || 9 ||
[Analyze grammar]

bhrātarau samanujñātau pitrā raibhyeṇa jagmatuḥ |
bṛhaddyumnasya satraṃ tāvaśvināviva rūpiṇau || 10 ||
[Analyze grammar]

atiṣṭhadāśrame raibhyaḥ snuṣayā jyeṣṭhayā saha |
tau gatvā bhrātarau tatra rājñaḥ satramanuttamam || 11 ||
[Analyze grammar]

yāja yāmāsatuḥ satre bṛhaddyumnaṃ mahīpatim |
nābhavatskhalanaṃ bhrātroḥ satre sāṃgeṣu karmasu || 12 ||
[Analyze grammar]

satre saṃtanyamāne'sminbṛhaddyumnasya bhūpateḥ |
munayo bhyāgamansarve rājñāhūtā nirīkṣitum || 13 ||
[Analyze grammar]

vasiṣṭho gautamaścātrirjābāliratha kaśyapaḥ |
kraturdakṣaḥ pulastyaśca pulaho nārado muniḥ || 14 ||
[Analyze grammar]

mārkaṃḍeyaḥ śatānaṃdo viśvāmitraḥ parāśaraḥ |
bhṛguḥ kutso'tha vālmīkirvyāsadhaumyādayo'pare || 15 ||
[Analyze grammar]

śiṣyaiḥ praśiṣyairbahubhirasaṃkhyātaiḥ samāvṛtāḥ |
tānāgatānsamālokya bṛhaddyumno mahīpatiḥ || 16 ||
[Analyze grammar]

arghyādinā munīnsarvānpūjayāmāsa sādaram |
nānā digbhyaḥ samāyātāścaturaṃgabalairyutāḥ || 17 ||
[Analyze grammar]

upadāsahitā bhūpāssatraṃ vīkṣitumādarāt |
vaiśyāḥ śūdrāstathā varṇāścatvaro'pi samāgatāḥ || 18 ||
[Analyze grammar]

varṇino'tha gṛhasthāśca vānaprasthāśca bhikṣavaḥ |
satraṃ nirīkṣituṃ tasya bṛhaddyumnasya cāyayuḥ || 19 ||
[Analyze grammar]

tānsarvānpūjayāmāsa yathārhaṃ rājasattamaḥ |
dadau cānnāni sarvebhyo ghṛtasūpādikāṃstathā || 20 ||
[Analyze grammar]

vastrāṇi ca suvarṇāni hāraratnānyanekaśaḥ |
evaṃ satkārayāmāsa rājā satre samāgatān || 21 ||
[Analyze grammar]

raibhyaputro tadā viprā arvāvasuparāvasū |
adhvarādīni karmāṇi cakratuḥ skhalitaṃ vinā || 22 ||
[Analyze grammar]

taddṛṣṭvā munayassarve kauśalaṃ raibhyaputrayauḥ |
ślāghaṃte saśiraḥkampaṃ vasiṣṭhapramukhāstadā || 23 ||
[Analyze grammar]

karmāṇi kāni cittatra kārayitvā parāvasuḥ |
tṛtīyasavanasyāṃte gṛhakṛtyaṃ nirīkṣitum || 24 ||
[Analyze grammar]

prayayau svāśramaṃ sāyaṃ vinaivārvāvasuṃ dvijāḥ |
tasminnavasare raibhyaṃ kṛṣṇājinasamāvṛtam || 25 ||
[Analyze grammar]

vane caraṃtaṃ pitaraṃ dṛṣṭvā sa mṛgaśaṃkayā |
nidrākaluṣito rātrāvaṃdhe tamasi saṃkule || 26 ||
[Analyze grammar]

ātmānaṃ haṃtumāyāti mṛgo'yamiti ciṃtayan |
jaghāna pitaraṃ so'yaṃ mahāraṇye parāvasuḥ || 27 ||
[Analyze grammar]

rirakṣuṇā śarīraṃ svaṃ tenākāmanayā pitā |
rajanyāṃ hiṃsito viprā mahāpātakakāriṇā || 28 ||
[Analyze grammar]

aṃtikaṃ sa samāgatya vyalokayata taṃ hatam |
jñātvā svapitaraṃ rātrau śuśoca vyathiteṃdriyaḥ || 29 ||
[Analyze grammar]

pretakāryaṃ tataḥ kṛtvā pituḥ sarvaṃ parāvasuḥ |
bhūyopi nṛpateḥ satraṃ parāvasurupāyayau || 30 ||
[Analyze grammar]

svaceṣṭitaṃ tu tatsarvamanujāya tato'bravīt |
mṛtaṃ svapitaraṃ śrutvā so'pi śokākulo'bhavat || 31 ||
[Analyze grammar]

jyeṣṭho'nujaṃ tataḥ prāha vacanaṃ dvijasattamāḥ |
mahatsatraṃ samārabdhaṃ bṛhaddyumnasya bhūpateḥ || 32 ||
[Analyze grammar]

voḍhutvaśaktirnāstyasya karmaṇo bālakasya te |
janakaśca hato rātrau mayāpi mṛgaśaṃkayā || 33 ||
[Analyze grammar]

prāyaścittaṃ ca karttavyaṃ brahmahatyā viśuddhaye |
madarthaṃ vratacaryāṃ tvaṃ cara tāta kaniṣṭhaka || 34 ||
[Analyze grammar]

ekākī dhuramudvoḍhuṃ śakto'haṃ satrakarmaṇaḥ |
arvāvasuriti prokto jyeṣṭhena sa tamabhya dhāt || 35 ||
[Analyze grammar]

tathā bhavatvahaṃ jyeṣṭha cariṣye vratamuttamam |
brahmahatyāviśuddhyarthaṃ tvaṃ satradhuramāvaha || 36 ||
[Analyze grammar]

ityuktvā sonu'jo jyeṣṭhaṃ tasmātsatrādvi niryayau |
kārayāmāsa karmāṇi jyeṣṭhastasmingate katau || 37 ||
[Analyze grammar]

dvādaśābdaṃ kaniṣṭhopi brahmahatyāvrataṃ dvijāḥ |
caritvā satrayāge'sminnājagāma punarmudā || 38 ||
[Analyze grammar]

taṃ dṛṣṭvā bhrātaraṃ jyeṣṭho bṛhaddyumnamuvāca ha |
ayaṃ te brahmahā satramarvāvasurupāgataḥ || 39 ||
[Analyze grammar]

enamutsārayāśu tvamasmātsatrānnṛpo ttama |
anyathā satrayāgasya phalahānirbhaviṣyati || 40 ||
[Analyze grammar]

itīritaḥ sa svapreṣyairyāgāttamudavāsayat |
udvāsyamāno rājānamarvāvasurathābravīt || 41 ||
[Analyze grammar]

na mayā brahmahatyeyaṃ bṛhaddyumna kṛtānagha |
kintu jyeṣṭhena me sā hi brahmahatyā kṛtā vibho || 42 ||
[Analyze grammar]

brahmahatyāvrataṃ cīrṇaṃ tadarthaṃ ca mayā dhunā |
evamuktopi rājāsau vacasā sa parāvasoḥ || 43 ||
[Analyze grammar]

arvāvasuṃ nijātsatrādudavāsayadāśu vai |
dhikkṛto brāhmaṇaiścāyaṃ yayau tūṣṇīṃ vanaṃ tadā || 44 ||
[Analyze grammar]

munivṛndasamākīrṇaṃ tapovanamupetya saḥ |
arvāvasustapaścakre devairapi suduṣkaram || 45 ||
[Analyze grammar]

tapaḥ kurvaṃstathādityamupatasthe samā hitaḥ |
mūrtimāṃstapasā tasya mahatā'duṣṭadhīḥ svayam || 46 ||
[Analyze grammar]

āvirāsītsvayā dīptyā bhāsayañjagatītalam |
karmasākṣī jagaccakṣurbhāskaro devatāgraṇīḥ || 47 ||
[Analyze grammar]

āvirbabhūvurdevāśca puraskṛtya śacīpatim |
indrādayastato devāḥ procurarvāvasuṃ dvijāḥ || 48 ||
[Analyze grammar]

arvāvaso tvaṃ pravarastapasā brahma caryataḥ |
ācāreṇa śrutenāpi vedaśāstrādiśikṣayā || 49 ||
[Analyze grammar]

nirākṛtovamānena tvaṃ parāvasunā bahu |
tathāpi kṣamayā yukto na kupyati bhavānyataḥ || 50 ||
[Analyze grammar]

yasmājjyeṣṭho'vadhīttātaṃ na hiṃsīstvaṃ mahāmate |
brahmahatyāvrataṃ yasmāttadarthaṃ caritaṃ tvayā || 51 ||
[Analyze grammar]

ataḥ svīkurma he tvāṃ tu parākurmaḥ parāvasum |
uktvaivaṃ balabhinmukhyāḥ sarve ca tridivālayāḥ || 52 ||
[Analyze grammar]

taṃ te pravarayāmāsurnirāsuśca parāvasum |
punariṃdrādayo devāḥ purodhāya divākaram || 53 ||
[Analyze grammar]

arvāvasuṃ procuridaṃ varaṃ tvaṃ varayeti vai |
sa cāpi prārthayāmāsa janakasyotthitiṃ puna || 54 ||
[Analyze grammar]

vadhe cāsmaraṇaṃ devānātmano janakasya vai |
tathāstviti surāḥ procuḥ punarūcuridaṃ vacaḥ || 55 ||
[Analyze grammar]

varaṃ cānyaṃ pradāsyāmo varaya tvaṃ mahāmate |
evamuktaḥ suraiḥ soyamarvāvasurabhāṣata || 56 ||
[Analyze grammar]

mama bhrāturaduṣṭatvaṃ bhavatu tridaśālayāḥ |
arvāvasorvacaḥ śrutvā tridaśāḥ punarabruvan || 57 ||
[Analyze grammar]

brāhmaṇasya piturghātānmahāndoṣaḥ parāvasoḥ |
na hyanyakṛtapāpasya pareṇānuṣṭhitena vai || 58 ||
[Analyze grammar]

prāyaścittena śāṃtiḥ syānmahāpātakapaṃcake |
piturbrāhmaṇahaṃtustu sutarāṃ nāsti niṣkṛtiḥ || 59 ||
[Analyze grammar]

ātmanānuṣṭhitenāpi vratena na hi duṣkṛtiḥ |
parāvasostava bhrāturato naivāsti niṣkṛtiḥ || 60 ||
[Analyze grammar]

ato'smābhiraduṣṭatvamasmai dātuṃ na śakyate |
arvāvasuḥ punaḥprāha devāniṃdrapurogamān || 61 ||
[Analyze grammar]

tathāpi yuṣmanmāhātmyātprasādādbhavatāṃ tathā |
piturbrāhmaṇahaṃturme bhrātustridaśasattamāḥ || 62 ||
[Analyze grammar]

yathā syānniṣkṛtirbrūta tathaiva kṛpayā yutāḥ |
evamarvāvasoḥ śrutvā vacaste tridaśālayāḥ || 63 ||
[Analyze grammar]

dhyātvā tu suciraṃ kālaṃ viniścityedamabuvan |
upāyaṃ te pravakṣyāmastatpātakanivāraṇam || 64 ||
[Analyze grammar]

dakṣiṇāṃbunidhau puṇye rāmasetau vimuktide |
dhanuṣkoṭiriti khyātaṃ tīrthamasti vimuktidam || 65 ||
[Analyze grammar]

brahmahatyāsurāpānasvarṇasteyavināśanam |
gurutalpagasaṃsargadoṣāṇāmapi nāśanam || 66 ||
[Analyze grammar]

akāmenāpi yaḥ snāyādapavargaphalapradam |
duḥsvapnanāśanaṃ dhanyaṃ narakakleśanāśanam || 67 ||
[Analyze grammar]

kailāsādipadaprāptikāraṇaṃ paramārthadam |
sarvakāmamidaṃ puṃsāmṛṇadāridryanāśanam || 68 ||
[Analyze grammar]

dhanuṣkoṭirdhanu ṣkoṭirdhanuṣkoṭiritīraṇāt |
svargāpavargadaṃ puṃsāṃ mahāpuṇyaphalapradam || 69 ||
[Analyze grammar]

tatra gatvā tava bhrātā snāyādyadi parāvasuḥ |
tatkṣaṇādeva te jyeṣṭho mucyate brahmahatyayā || 70 ||
[Analyze grammar]

idaṃ rahasyaṃ sumahatprāyaścittamudīritam |
uktvetyarvāvasuṃ devāḥ prayayuḥ svapurīṃ prati || 71 ||
[Analyze grammar]

tata arvāvasurjyeṣṭhaṃ samādāya parāvasum |
rāmacandradhanuṣkoṭiṃ prayayau muktidāyinīm || 72 ||
[Analyze grammar]

setau saṃkalpamuktvā tu niyamena parāvasuḥ |
saha bhrātrā dhanuṣkoṭau sasnau pātakaśuddhaye || 73 ||
[Analyze grammar]

snātvotthitaṃ dhanuṣkoṭau taṃ provācāśarīriṇī |
parāvaso vinaṣṭā te piturbrāhmaṇaghātajā || 74 ||
[Analyze grammar]

brahmahatyā mahā ghorā narakakleśakāriṇī |
ityuktvā virarāmātha sāpi vāgaśarīriṇī || 75 ||
[Analyze grammar]

parāvasustadā viprāḥ kaniṣṭhena samanvitaḥ |
rāmacandradhanuṣkoṭiṃ praṇamya ca sabhaktikam || 76 ||
[Analyze grammar]

rāmanāthaṃ mahādevaṃ natvā bhaktipuraḥsaram |
vimuktapātako viprāḥ prayayau piturāśramam || 77 ||
[Analyze grammar]

mṛtvotthitastadā raibhyo dṛṣṭvā putrau samāgatau |
saṃtuṣṭahṛdayo hyāste putrābhyāṃ svāśrame tadā || 78 ||
[Analyze grammar]

rāmacandradhanuṣkoṭau snānena hatapātakam |
enaṃ parāvasuṃ sarve svīcakrurmunayastadā || 79 ||
[Analyze grammar]

evaṃ parāvasoruktaṃ brahmahatyāvimokṣaṇam |
snānamātrāddhanuṣkoṭau yuṣmākaṃ munipuṃgavāḥ || 80 ||
[Analyze grammar]

surā pānādayo viprā naśyaṃtyevātra majjanāt |
satyaṃsatyaṃ punaḥ satyamuddhṛtya bhujamucyate || 91 ||
[Analyze grammar]

mahāpātakasaṃghāśca naśyeyurmajjanādiha |
ya imaṃ paṭhate'dhyāyaṃ brahmahatyāvimokṣaṇam || 82 ||
[Analyze grammar]

brahmahatyā vinaśyeta tatkṣaṇānnāsti saṃśayaḥ |
surāpānādayo'pyasya śāṃtiṃ gaccheyuraṃjasā || 83 ||
[Analyze grammar]

iti śrīskāṃde mahāpurāṇa ekāśītisāhasryāṃ saṃhitāyāṃ tṛtīye brahmakhaṇḍe setumāhātmye dhanuṣkoṭipraśaṃsāyāṃ parāvasorbrahmahatyāvimo kṣaṇaṃnāma trayastriṃśo'dhyāyaḥ || 33 ||
[Analyze grammar]