Chapter 32

[English text for this chapter is available]

śrīsūta uvāca |
bhūyo'pisaṃpravakṣyāmi dhanuṣkoṭestu vaibhavam |
yuṣmākamādareṇāhaṃ naimiṣāraṇyavā sinaḥ || 1 ||
[Analyze grammar]

naṃdonāma mahārājaḥ somavaṃśasamudbhavaḥ |
dharmeṇa pālayāmāsa sāgarāṃtāṃ dharāmimām || 2 ||
[Analyze grammar]

tasya putraḥ samabhavaddharmagupta iti śrutaḥ |
rājya rakṣādhuraṃ naṃdo nijaputre nidhāya saḥ || 3 ||
[Analyze grammar]

jiteṃdriyo jitāhāraḥ praviveśa tapovanam |
tāte tapovanaṃ yāte dharmaguptābhidho nṛpaḥ || 4 ||
[Analyze grammar]

medinīṃ pālayā māsa dharmajño nītitatparaḥ |
īje bahuvidhairyajñairdevāniṃdrapurogamān || 5 ||
[Analyze grammar]

brāhmaṇebhyo dadau vittaṃ kṣetrāṇi ca bahūni saḥ |
sarve svadharmaniratāstasminrājani śāsati || 6 ||
[Analyze grammar]

babhūvurnābhavanpīḍāstasmiṃścorādisaṃbhavāḥ |
kadāciddharmagupto'yamārūḍhasturagottamam || 7 ||
[Analyze grammar]

vanaṃ viveśa vipreṃdrā mṛgayārasakau tukī |
tamālatālahiṃtālakuravākuladiṅmukhe || 8 ||
[Analyze grammar]

vicacāra vane tasminsiṃhavyāghrabhayānake |
mattālikulasaṃnādasaṃmūrchitadigaṃtare || 9 ||
[Analyze grammar]

padma kalhārakumudanīlotpalavanākulaiḥ |
taṭākairapi saṃpūrṇe tapasvijanamaṃḍite || 10 ||
[Analyze grammar]

tasminvane saṃcarato dharmaguptasya bhūpateḥ |
abhūdvibhāvarī viprāsta masāvṛtadiṅmukhā || 11 ||
[Analyze grammar]

rājāpi paścimāṃ saṃdhyāmupāsya niyamānvitaḥ |
jajāpa tatra ca vane gāyatrīṃ vedamātaram || 12 ||
[Analyze grammar]

siṃhavyāghrādibhītyā sminvṛkṣamekaṃ samāsthite |
rājaputre tadābhyāgādṛkṣaḥ siṃhabhayārditaḥ || 13 ||
[Analyze grammar]

anvadhāvataṃ taṃ ṛkṣamaikaḥ siṃho vanecaraḥ |
anudrutaḥ sa siṃhena ṛkṣo vṛkṣamupāruhat || 14 ||
[Analyze grammar]

āruhya ṛkṣo vṛkṣaṃ taṃ dadarśa jagatīpatim |
vṛkṣasthitaṃ mahātmānaṃ mahābalaparākramam || 15 ||
[Analyze grammar]

uvāca bhūpatiṃ dṛṣṭvā ṛkṣoyaṃ vanagocaraḥ |
mā bhītiṃ kuru rājeṃdra vatsyāvo rajanīmiha || 16 ||
[Analyze grammar]

mahāsattvo mahākāyo mahādaṃṣṭrāsamākulaḥ |
vṛkṣamūlaṃ samāyātaḥ siṃho yamatibhīṣaṇaḥ || 17 ||
[Analyze grammar]

rātryardhaṃ bhaja nidrā tvaṃ rakṣyamāṇo mayāditaḥ |
tataḥ prasuptaṃ māṃ rakṣa śarvaryardhaṃ mahāmate || 18 ||
[Analyze grammar]

iti tadvākyamādāya supte naṃdasute hariḥ |
provāca ṛkṣaṃ supto'yaṃ nṛpaśca tyajyatāmiti || 19 ||
[Analyze grammar]

taṃ siṃhamabravīdṛkṣo dharmajño dvijasattamāḥ |
bhavāndharmaṃ na jānīṣe mṛgarāja vanecara || 20 ||
[Analyze grammar]

viśvāsaghātināṃ loke mahākaṣṭā bhavaṃti hi |
na hi mitradruhāṃ pāpaṃ naśyeyajñāyutairapi || 21 ||
[Analyze grammar]

brahmahatyādipāpānāṃ kathaṃcinniṣkṛtirbhavet |
viśvastaghātināṃ pāpaṃ na naśyejjanmakoṭibhiḥ || 22 ||
[Analyze grammar]

nāhaṃ meruṃ mahābhāraṃ manye paṃcāsya bhūtale |
mahābhāramimaṃ manye loke viśvāsaghātakam || 23 ||
[Analyze grammar]

evamukte'tha ṛkṣeṇa siṃhastūṣṇīmabhūttadā |
dharmagupte prabuddhe tu ṛkṣaḥ suṣvāpa bhūruhe || 24 ||
[Analyze grammar]

tataḥ siṃho'bravīdbhūpamenamṛkṣaṃ tyajasva me |
evamukte'tha siṃhena rājā suptamaśaṃkitaḥ || 25 ||
[Analyze grammar]

svāṃkanyastaśiraskaṃ tamṛkṣaṃ tatyāja bhūtale |
pātyamānastato rājñā nakhālaṃbitapādapaḥ || 26 ||
[Analyze grammar]

ṛkṣaḥ puṇyavaśādvṛkṣānna papāta mahītale |
sa ṛkṣo nṛpamabhyetya kopādvākyamabhāṣata || 27 ||
[Analyze grammar]

kāmarūpadharo rājannahaṃ bhṛgukulodbhavaḥ |
dhyānakāṣṭhābhidho nāmnā ṛkṣarūpamadhārayam || 28 ||
[Analyze grammar]

yasmādanāgasaṃ suptamatyākṣīnmāṃ bhavānnṛpa |
macchāpāttvamataḥ śīghramunmattaścara bhūpate || 29 ||
[Analyze grammar]

iti śaptvā munirbhūpaṃ tataḥ siṃhamabhāṣata |
nṛsiṃhastvaṃ mahāyakṣaḥ kuberasacivaḥ purā || 3 ||
[Analyze grammar]

himavadgirimāsādya kadācittvaṃ vadhūsakhaḥ |
ajñānādgautamābhyāśe vihāramatanormudā || 31 ||
[Analyze grammar]

gautamopyuṭajāddaivātsamidāharaṇāya vai |
nirgatastvāṃ vivasanaṃ dṛṣṭvā śāpamudāharat || 32 ||
[Analyze grammar]

yasmānmamāśrame'dya tvaṃ vivastraḥ sthitavānasi |
ataḥ siṃhatvamadyaiva bhavitā te na saṃśayaḥ || 33 ||
[Analyze grammar]

iti gautamaśāpena siṃhatvamagamatpurā |
kuberasacivo yakṣo bhadranāmā bhavānpurā || 34 ||
[Analyze grammar]

kubero dharmaśīlo hi tadbhṛtyāśca tathaiva hi |
ataḥ kimarthaṃ tvaṃ haṃsi māmṛṣiṃ vanagocaram || 35 ||
[Analyze grammar]

etatsarvamahaṃ dhyānā jjānāmīha mṛgādhipa |
ityukte dhyānakāṣṭhena tyaktvā siṃhatvamāśu saḥ || 36 ||
[Analyze grammar]

yakṣarūpaṃ gato divyaṃ kuberasacivātmakam |
dhyānakāṣṭhamasāvāha prāṃjaliḥ praṇato munim || 37 ||
[Analyze grammar]

adya jñātaṃ mayā sarvaṃ pūrvavṛttaṃ mahāmune |
gautamaḥ śāpakāle me śāpāṃtamapi coktavān || 38 ||
[Analyze grammar]

dhyānakāṣṭhe na saṃvāda ṛkṣarūpeṇa te yadā |
tadā nirdhūya siṃhatvaṃ yakṣarūpamavāpsyasi || 39 ||
[Analyze grammar]

iti māmabravīdbrahmangautamo munipuṃgavaḥ |
adya siṃhatvanāśānme jānāmi tvāṃ mahāmune || 40 ||
[Analyze grammar]

dhyānakāṣṭhābhidhaṃ śuddhaṃ kāmarūpadharaṃ sadā |
ityuktvā taṃ praṇamyātha dhyānakāṣṭhaṃ sa yakṣarāṭ || 41 ||
[Analyze grammar]

vimānavaramā ruhya prayayāvalakāpurīm |
tasmingate tu yakṣeśe dhyānakāṣṭho mahāmuniḥ || 42 ||
[Analyze grammar]

avyāhateṣṭagamano yatheṣṭhaḥ prayayau mahīm |
dhyānakāṣṭhe gate tasmi nkāmarūpadhare munau || 43 ||
[Analyze grammar]

dharmaguptau muneḥ śāpādunmattaḥ prayayau purīm |
unmattarūpaṃ taṃ dṛṣṭvā maṃtriṇastu nṛpottamam || 44 ||
[Analyze grammar]

pituḥ sakāśamā ninyū revātīre manorame |
tasmai nivedayāmāsurmatibhraṃśaṃ sutasya te || 45 ||
[Analyze grammar]

jñātvā tu putravṛttāṃtaṃ nandastasya pitā tadā |
putramādāya tarasā jaiminerantikaṃ yayau |
tasmai nivedayāmāsa putravṛttāntamāditaḥ || 46 ||
[Analyze grammar]

bhagavañjaimine putro mamādyonmattatāṃ gataḥ || 47 ||
[Analyze grammar]

asyonmādavināśāya brūhyupāyaṃ mahāmune |
iti pṛṣṭaściraṃ dadhyau jaiminirmunipuṃgavaḥ || 48 ||
[Analyze grammar]

dhyātvā tu suciraṃ kālaṃ nṛpaṃ naṃdamathābravīt |
dhyānakāṣṭhasya śāpena hyunma ttaste suto'bhavat || 49 ||
[Analyze grammar]

tasya śāpasya mokṣārthamupāyaṃ prabravīmi te |
dakṣiṇāṃbunidhau setau puṇye pāpavināśane || 50 ||
[Analyze grammar]

dhanuṣkoṭiriti khyātaṃ tīrthamasti mahattaram |
pavitrāṇāṃ pavitraṃ ca maṃgalānāṃ ca maṃgalam || 51 ||
[Analyze grammar]

śrutisiddhaṃ mahāpuṇyaṃ brahmahatyādiśodhakam |
nītvā tatra sutaṃ te'dya snāpayasva mahīpate || 52 ||
[Analyze grammar]

unmādastatkṣaṇādeva tasya naśyenna saṃśayaḥ |
ityuktastaṃ praṇamyāsau jaiminiṃ munipuṃgavam || 53 ||
[Analyze grammar]

naṃdaḥ putraṃ samādāya dhanuṣkoṭiṃ yayau tadā |
tatra ca snāpayāmāsa putraṃ niyamapūrvakam || 54 ||
[Analyze grammar]

snānamātrāttataḥ sadyo naṣṭonmādo'bhavatsutaḥ |
svayaṃ sasnau sa nandopi dhanuṣkoṭau sabhaktikam || 55 ||
[Analyze grammar]

uṣitvā dinamekaṃ tu saputrastu pitā tadā |
sevitvā rāmanāthaṃ ca sāṃbamūrtiṃ ghṛṇānidhim || 56 ||
[Analyze grammar]

putramāpṛcchaya naṃdastaṃ prayayau tapase vanam |
gate pitari putro'pi dharmagupto nṛpo dvijāḥ || 57 ||
[Analyze grammar]

pradadau rāmanāthāya bahuvittāni bhaktitaḥ |
brāhmaṇebhyo dhanaṃ dhānyaṃ kṣetrāṇi ca dadau tadā || 58 ||
[Analyze grammar]

prayayau maṃtribhiḥ sārdhaṃ svāṃ purīṃ tadanaṃtaram |
dharmeṇa pālayāmāsa rājyaṃ nihatakaṇṭakam || 59 ||
[Analyze grammar]

pitṛpaitāmahaṃ viprā dharmagupto'tidhārmikaḥ |
unmādairapyapasmārairgrahairduṣṭaiśca ye narāḥ || 60 ||
[Analyze grammar]

grastā bhavaṃti vipreṃdrāste'pi cātra nimajjanāt |
dhanuṣkoṭau vimuktāḥ syuḥ satyaṃ satyaṃ vadāmyaham || 61 ||
[Analyze grammar]

parityajya dhanuṣkoṭiṃ tīrthamanyadvrajettu yaḥ |
siddhaṃ sa gopayastyaktvā snuhīkṣīraṃ prayācate || 62 ||
[Analyze grammar]

dhanuṣkoṭirdhanuṣkoṭirdhanuṣkoṭiriti dvijāḥ |
triḥ paṭhanto narā ye tu yatra kvāpi jalāśaye || 63 ||
[Analyze grammar]

snāṃti sarve narāste vai yāsyaṃti brahmaṇaḥ padam |
evaṃ vaḥ kathitā viprā dharmaguptakathā śubhā || 64 ||
[Analyze grammar]

yasyāḥ śravaṇamātreṇa brahmahatyā vinaśyati |
svarṇasteyādayaścānye naśyeyuḥ pāpasaṃcayāḥ || 65 ||
[Analyze grammar]

iti śrīskāṃde mahāpurāṇa ekāśītisāhasryāṃ saṃhitāyāṃ tṛtīye brahmakhaṇḍe setumāhātmye dhanuṣkoṭipraśaṃsāyāṃ dharmaguptonmā davimokṣaṇavarṇanaṃnāma dvātriṃśo'dhyāyaḥ || 32 ||
[Analyze grammar]