Chapter 29

[English text for this chapter is available]

śrīsūta uvāca |
snātvā sādhyāmṛte tīrthe nṛpaśāpavimokṣaṇe |
sarvatīrthaṃ tato gacchenmanujo niyamānvitaḥ || 1 ||
[Analyze grammar]

sarvatīrthaṃ mahāpuṇyaṃ mahāpātakanāśanam |
mahāpātakayukto vā yukto vā sarvapātakaiḥ || 2 ||
[Analyze grammar]

śuddhyeta tatkṣaṇādeva savartīrthanimajjanāt |
tāvatsarvāṇi pāpāni dehe tiṣṭhaṃti suvratāḥ || 3 ||
[Analyze grammar]

na yāvatsarvatīrthesminnimajjetpāpapūruṣaḥ || 1 ||
[Analyze grammar]

snānārthaṃ sarvatīrthe'smindṛṣṭvā yāṃtaṃ dvijā naram || 4 ||
[Analyze grammar]

vepaṃte sarvapāpāni nāśo'smākaṃ bhavediti |
garbhavāsādiduḥkhāni tāvadyāti naro bhuvi || 5 ||
[Analyze grammar]

na snāyātsarvatīrthe'sminyāvadbrāhmaṇapuṃgavāḥ |
anuṣṭhitairmahāyāgaistathā tīrthaniṣevaṇaiḥ || 6 ||
[Analyze grammar]

gāyatryādimahāmaṃtrajapairniyamapūrvakam |
caturṇāmapi vedānāmāvṛttyā śatasaṃkhyayā || 7 ||
[Analyze grammar]

śivaviṣṇvādidevānāṃ pūjayā bhakti pūrvakam |
ekādaśyāditithiṣu tathaivānaśanena ca |
yatphalaṃ labhate martyastallabhedatra majjanāt || 8 ||
[Analyze grammar]

ṛṣaya ūcuḥ |
sarvatīrthamiti khyātiḥ sūtāsya kathamāgatā |
brūhyasmākamidaṃ puṇyaṃ vistarācchṛṇvatāṃ mune || 9 ||
[Analyze grammar]

śrīsūta uvāca |
purā sucaritonāma munirniyamasaṃyutaḥ || 10 ||
[Analyze grammar]

bhṛguvaṃśasamudbhūto jātyaṃdho jarayāturaḥ |
aśaktastīrthayātrāyāṃ netrābhāvena sa dvijāḥ || 11 ||
[Analyze grammar]

sarveṣāmeva tīrthānāṃ snātukāmo mahāmu niḥ |
dakṣiṇāṃbunidhau puṇyaṃ gaṃdhamādanaparvatam || 12 ||
[Analyze grammar]

gatvā śaṃkaramuddiśya tapastepe suduṣkaram |
trikālamarcayañchaṃbhumupavāsī jiteṃdriyaḥ || 13 ||
[Analyze grammar]

tathā triṣavaṇasnānāttathaivātithipūjakaḥ |
śiśire jalamadhyastho grīṣme paṃcāgnimadhyagaḥ || 14 ||
[Analyze grammar]

varṣāsvāsārasahana abbhakṣo vāyubhojanaḥ |
uddhūlanaṃ tripuṃḍraṃ ca bhasmanā dhārayansadā || 15 ||
[Analyze grammar]

jābālopaniṣadrītyā tathā rudrākṣadhārakaḥ |
evamugraṃ tapaścakre daśasaṃvatsaraṃ dvijaḥ || 16 ||
[Analyze grammar]

tapasā tasya saṃtuṣṭaḥ śaṃkaraścaṃdraśekharaḥ |
prādurāsīnmunestasya dvijāḥ sucaritasya vai || 17 ||
[Analyze grammar]

samāruhya mahokṣāṇaṃ bhūtavṛṃdaniṣevitaḥ |
girijārdha vapuḥ śūlī sūryakoṭisamaprabhaḥ || 18 ||
[Analyze grammar]

svabhāsā bhāsayansarvā diśo vitimirāstadā |
bhasmapāṃḍurasarvāṃgo jaṭāmaṃḍalamaṃḍitaḥ || 19 ||
[Analyze grammar]

anaṃtā dimahānāgavibhūṣaṇavibhūṣitaḥ |
prādurbhūtastataḥ śaṃbhuḥ prādāttasya vilocane || 20 ||
[Analyze grammar]

ātmāvalokanārthāya śaṃkaro girijāpatiḥ |
tataḥ sucarito viprāḥ śaṃbhunā dattadṛgdvayaḥ |
ālokya parameśānaṃ pratuṣṭāva prasannadhīḥ || 21 ||
[Analyze grammar]

sucarita uvāca |
jaya deva maheśāna jaya śaṃkara dhūrjaṭe || 22 ||
[Analyze grammar]

jaya brahmādipūjya tvaṃ tripuraghna yamāṃtaka |
jayomeśa mahādeva kāmāṃtaka jayāmala || 23 ||
[Analyze grammar]

jaya saṃsāravaidya tvaṃ bhūtapāla śivāvya ya |
triyaṃbaka namastubhyaṃ bhaktarakṣaṇadīkṣita || 24 ||
[Analyze grammar]

vyomakeśa namastubhyaṃ jaya kāruṇyavigraha |
nīlakaṇṭha namastubhyaṃ jaya saṃsāramocaka || 25 ||
[Analyze grammar]

maheśvara namastubhyaṃ paramānaṃdavigraha |
gaṃgādhara namastubhyaṃ viśveśvara mṛḍāvyaya || 26 ||
[Analyze grammar]

namastubhyaṃ bhagavate vāsudevāya śaṃbhave |
śarvāyogrāya garbhāya kailāsapataye namaḥ || 27 ||
[Analyze grammar]

rakṣa māṃ karuṇāsiṃdho kṛpādaṣṭyavalokanāt |
mama vṛttamanālocya trāhi māṃ kṛpayā hara || 28 ||
[Analyze grammar]

śrīsūta uvāca |
iti stuto mahādevastamenamidamabhyadhāt |
muniṃ sucaritaṃ viprā dayodanvānumāpatiḥ || 29 ||
[Analyze grammar]

mahādeva uvāca |
mune sucaritādya tvaṃ varaṃ varaya kāṃkṣitam |
varaṃ dātuṃ tavāyātaḥ puṇyesminnāśrame śubhe |
itīrito muniḥ prāha mahādevaṃ dayānidhim || 30 ||
[Analyze grammar]

sucarita uvāca |
bhagavaṃstvaṃ prasanno me yadi syāścaṃdraśekhara || 31 ||
[Analyze grammar]

tarhi tvāṃ pravṛṇomyaddhā varaṃ madabhikāṃkṣitam |
jarāpalitadehohaṃ kutracidgaṃtumakṣamaḥ || 32 ||
[Analyze grammar]

sarvatīrtheṣu ca snātumākāṃkṣā mama vidyate |
tasmātsarveṣu tīrtheṣu snānena manujo hi yat |
phalaṃ prāpnoti me brūhi tatphalā vāptisādhanam || 33 ||
[Analyze grammar]

mahādeva uvāca |
ahamāvāhayiṣyāmi tīrthānyatraiva kṛtsnaśaḥ || 34 ||
[Analyze grammar]

rāmasya setunā pūte nage'smingaṃdhamādane |
ityuktvā sa mahādevaḥ parvate gandhamādane || 35 ||
[Analyze grammar]

tīrthānyāvāhayāmāsa muniprītyarthamuttamaḥ |
tatassucaritaṃ prāha śaṃkaraḥ karuṇānidhiḥ || 36 ||
[Analyze grammar]

mune sucaritedaṃ tu mahāpātakanāśanam |
sāṃnidhyātsarvatīrthānāṃ sarvatīrthābhidhaṃ smṛtam || 37 ||
[Analyze grammar]

mayātra sarvatīrthānāṃ manasākarṣaṇādidam |
mānasaṃ tīrthamityākhyāṃ lapsyate bhuktimuktidam || 38 ||
[Analyze grammar]

ataḥ sucaritātra tvaṃ snāhi sadyo vimuktaye |
mahāpātakasaṃghānāṃ dāvānalasamadyutau || 39 ||
[Analyze grammar]

kāmamohabhayakrodhalobharogādināśane |
vinā vedāṃtavijñānaṃ sadyonirvāṇakāraṇe || 40 ||
[Analyze grammar]

janmamṛtyvādinakraughasaṃsārārṇavatāraṇe |
kumbhīpākādisakalanarakāgnivināśane || 41 ||
[Analyze grammar]

itīritaḥ sucaritaḥ śambhunā madanāriṇā |
sasnau viprāḥ sarvatīrthe mahādevasya saṃnidhau || 42 ||
[Analyze grammar]

snātvotthitaḥ sucarito dadṛśe'khilamānavaiḥ |
jarāpalitanirmuktastaruṇo'tīva sundaraḥ || 43 ||
[Analyze grammar]

dṛṣṭvā svadehasauṃdaryaṃ tataḥ sucarito muniḥ |
ślāghayāmāsa tattīrthaṃ bahudhā'nye ca tāpasāḥ || 44 ||
[Analyze grammar]

mahādevaḥ sucaritaṃ babhāṣe tadanaṃtaram |
asya tīrthasya tīre tvaṃ vasansucarita dvija || 45 ||
[Analyze grammar]

snānaṃ kuruṣva satataṃ smaranmāṃ muktidāyakam |
deśāṃtarīyatīrtheṣu mā vraja brāhmaṇottama || 46 ||
[Analyze grammar]

asya tīrthasya māhātmyānmāmaṃte prāpsyasi dhruvam |
anye'pi ye'tra snāsyaṃti te'pi māṃ prāpnuyurdvija || 47 ||
[Analyze grammar]

ityuktvā bhagavānīśastatraivāṃtaradhīyata |
tasminnaṃtarhite rudre tataḥ sucarito muniḥ || 48 ||
[Analyze grammar]

anekakālaṃ nivasansarvatīrthasya tīrataḥ |
snānaṃ samācaraṃstīrthe mānase niyamānvitaḥ || 49 ||
[Analyze grammar]

dehāṃte śaṃkaraṃ prāpa sarvabandhavimocitaḥ |
sāyujyaṃ cāpi saṃprāpa sarvatīrthasya vaibhavāt || 50 ||
[Analyze grammar]

evaṃ vaḥ kathitaṃ viprāḥ sarvatīrthasya vaibhavam |
etatpaṭhanvā śṛṇvanvā mucyate sarva pātakaiḥ || 51 ||
[Analyze grammar]

Comments on Koti/Dhanushkoti |
iti śrīskāṃde mahāpurāṇa ekāśītisāhasryāṃ saṃhitāyāṃ tṛtīye brahmakhaṇḍe setumāhātmye sarvatīrthapraśaṃsāyāṃ sarvatīrthasvarūpa kathanaṃnāmaikonatriṃśo'dhyāyaḥ || 29 ||
[Analyze grammar]