Chapter 28

[English text for this chapter is available]

śrīsūta uvāca |
koṭitīrthaṃ mahāpuṇyaṃ sevitvā kevalaṃ naraḥ |
snātuṃ jiteṃdriyastīrthaṃ tataḥ sādhyāmṛtaṃ vrajet || 1 ||
[Analyze grammar]

sādhyāmṛtaṃ mahātīrtha mahāpuṇyaphalapradam |
mahāduḥkhapraśamanaṃ gandhamādanaparvate || 2 ||
[Analyze grammar]

asti pāpaharaṃ puṃsāṃ sarvābhīṣṭapradāyakam |
yatra snātvā naro bhaktyā sarvānkāmānavāpnuyāt || 3 ||
[Analyze grammar]

tapasā brahmacaryeṇa yajñairdānena vā punaḥ |
gatiṃ tāṃ na labhenmartyo yāṃ sādhyāmṛtamajjanāt || 4 ||
[Analyze grammar]

spṛṣṭāni yeṣāmaṃgāni sādhyāmṛtajalaiḥ śubhaiḥ |
teṣāṃ dehagataṃ pāpaṃ tatkṣaṇādeva naśyati || 5 ||
[Analyze grammar]

sādhyāmṛtajale yastu sāghamarṣaṇakṛnnaraḥ |
sa vidhūyeha pāpāni viṣṇuloke mahīyate || 6 ||
[Analyze grammar]

pūrve vayasi pāpāni kṛtvā karmāṇi yo naraḥ |
paścātsādhyāmṛtaṃ sevetpaścāttāpasamanvitaḥ || 7 ||
[Analyze grammar]

ante vayasi muktaḥ syātsa naro nātra saṃśayaḥ |
sādhyāmṛte naraḥ snātvā dehabaṃdhādvimucyate || 8 ||
[Analyze grammar]

sādhyāmṛtajale snātā manuṣyāḥ pāpaka rmiṇaḥ |
anekakleśaghorāṇi narakāṇi na yāṃti hi || 9 ||
[Analyze grammar]

sādhyāmṛtajale snānātpuṃsāṃ yā syādgatirdvijāḥ |
na sā gatirbhavedyajñairna vedaiḥ puṇyakarmabhiḥ || 10 ||
[Analyze grammar]

yāvadasthi manuṣyāṇāṃ sādhyāmṛtajale sthitam |
tāvadvarṣāṇi tiṣṭhaṃti śivaloke supūjitāḥ || 11 ||
[Analyze grammar]

apahatya tamastīvraṃ yathā bhātyudaye raviḥ |
tathā sādhyāmṛtasnāyī bhittvā pāpāni rājate || 12 ||
[Analyze grammar]

vāṃchitāṃllabhate kāmānatra snāto naraḥ sadā |
yatra snātvā mahāpuṇye purā rājā purūravāḥ |
viprayogaṃ sahorvaśyā jahau tuṃburuśāpajam || 13 ||
[Analyze grammar]

ṛṣaya ūcuḥ |
kathaṃ sūta mahābhāga sahorvaśyāmarastriyā || 14 ||
[Analyze grammar]

prathamaṃ labdhavānyogaṃ martyo rājā purūravāḥ |
viprayogaṃ sahorvaśyā jahau tuṃburuśāpajam || 15 ||
[Analyze grammar]

hetunā kena rājānaṃ śaśāpa tuṃbururmuniḥ |
etatsarvaṃ samācakṣva vistarānmunipuṃgava || 16 ||
[Analyze grammar]

sūta uvāca |
āsītpurūravānāma śakratulyaparākramaḥ |
rājarājasamo rājā purā hyamarapūjitaḥ || 17 ||
[Analyze grammar]

dharmataḥ pālayāmāsa medinīṃ sa nṛpottamaḥ |
īje ca bahubhiryajñairdadau dānāni sarvadā || 18 ||
[Analyze grammar]

praśāsati mahīṃ sarvāṃ rājñi tasminmahāmatau |
mitrāvaruṇaśāpena bhuvaṃ prāporvaśī dvijāḥ || 19 ||
[Analyze grammar]

sā cacārorvaśī tatra rājñastasya purāṃtike |
kokilālāpamadhuravīṇayopavane jagau || 20 ||
[Analyze grammar]

sa rājopavane raṃtuṃ kadāciddhṛtakautukaḥ |
ārūḍhaturagaḥ prāyāllalanāśatasaṃvṛtaḥ || 21 ||
[Analyze grammar]

tādṛśīmurvaśīṃ tatra karasammitamadhyamām |
uvāca caināṃ rājāsau bhāryā mama bhaveti vai || 22 ||
[Analyze grammar]

sāpi kāmāturā tatra rājānaṃ pratyabhāṣata |
bhavatvevaṃ naraśreṣṭha samayaṃ yadi me bhavān || 23 ||
[Analyze grammar]

kariṣyati tavābhyāśe vatsyāmi dhṛtakautukā |
kariṣye samayaṃ subhru tavāhamiti so'bravīt || 24 ||
[Analyze grammar]

athorvaśī babhāṣe taṃ purūravasamutsukā |
putrabhūtaṃ mama yadi rakṣasyuraṇakadvayam || 25 ||
[Analyze grammar]

na nagno dṛśyase rājankadāpi yadi vai tathā |
nocchiṣṭaṃ mama dadyāścettadā vatsye tavāṃtike || 26 ||
[Analyze grammar]

ghṛtamātrāśanā cāhaṃ bhaviṣyāmi nṛpottama |
evamastviti rājoktāṃ tāṃ nināya nijaṃ gṛham || 27 ||
[Analyze grammar]

alakāyāṃ sa bhūpālastathā caitrarathe vane |
reme sarasvatītīre padmakhaṇḍamanorame || 28 ||
[Analyze grammar]

ekaṣaṣṭiṃ sa varṣāṇi ramamāṇastayānayat |
tenorvaśī pratidinaṃ vardhamānānurāgiṇī || 29 ||
[Analyze grammar]

spṛhāṃ na devaloke'pi cakāra tanumadhyamā |
nābhavadramaṇīyo'sau devalokastayā vinā || 30 ||
[Analyze grammar]

atastāmānayiṣyāmi devalokamiti dvijāḥ |
viśvāvasurvicāryaivaṃ bhūrlokamagamatkṣaṇāt || 31 ||
[Analyze grammar]

urvaśyāḥ samayaṃ rājñā viśvāvasurayaṃ saha |
viditvā saha gandharvaiḥ samaveto niśāṃtare || 32 ||
[Analyze grammar]

urvaśyāḥ śayanābhyāśājjagrāhoraṇakaṃ javāt |
ākāśe nīyamānasya tasya śrutvorvaśī patim || 33 ||
[Analyze grammar]

abravīnmatsutaḥ kena gṛhyate tyajyatāmayam |
anāthā śaraṇaṃ yāmi kaṃ naraṃ gatacetanā || 34 ||
[Analyze grammar]

purūravāḥ samākarṇya vākyaṃ tasyā niśāṃtare |
māṃ na nagnaṃ nirīkṣeta devīti na yayau tadā || 35 ||
[Analyze grammar]

athānyamapyuraṇakaṃ gandharvāḥ pratigṛhya te |
yayustasyoraṇasyāpi śabdaṃ śuśrāva corvaśī || 36 ||
[Analyze grammar]

anāthāyā mama suto gṛhyate taskarairiti |
cukrośa devī paruṣaṃ kaṃ yāmi śaraṇaṃ naram || 37 ||
[Analyze grammar]

amarṣavaśamāpannaḥ śrutvā tadvacanaṃ nṛpaḥ |
timireṇāvṛtaṃ sarvamiti mattvā sa khaṅgadhṛk || 38 ||
[Analyze grammar]

duṣṭaduṣṭa kuto yāsītyabhyadhāvadvaco vadan |
tāvatsaudāminī dīptā gandha rvairjanitā bhṛśam || 39 ||
[Analyze grammar]

tatprabhāmaṃḍalairdevī rājānaṃ vigatāṃbaram |
dṛṣṭvā nivṛttasamayā tatkṣaṇādeva niryayau || 40 ||
[Analyze grammar]

tyaktvā hyuraṇakau tatra gaṃdharvā api niryayuḥ |
rājā meṣau samādāya hṛṣṭaḥ svaśayanāṃtikam || 41 ||
[Analyze grammar]

āgato norvaśīṃ tatra dadarśāyatalocanām |
tāṃ cāpaśyanvivastraśca babhrāmonmattavadbhuvi || 42 ||
[Analyze grammar]

kurukṣetraṃ gato rājā taṭāke padmasaṃkule |
caturbhirapsarastrībhiḥ krīḍamānā dadarśa tām || 43 ||
[Analyze grammar]

he jāye tiṣṭha manasā ghoreti vyāharanmuhuḥ |
evaṃ bahuprakāraṃ vai sa sūktaṃ prālapannṛpaḥ || 44 ||
[Analyze grammar]

abravīdurvaśī taṃ ca krīḍatī sāpsarogaṇaiḥ |
mahārājālametena ceṣṭitena tavānagha || 45 ||
[Analyze grammar]

tvatto garbhiṇyahaṃ pūrvamabdāṃte bhavatātra vai |
āgaṃtavyaṃ kumāraste bhaviṣyatyatidhārmikaḥ || 46 ||
[Analyze grammar]

ekāṃ vibhāvarīṃ rājaṃstvayā vatsyāmi vai tadā |
ityukto nṛpatirhṛṣṭaḥ svapurīṃ prāviśaddvijāḥ || 47 ||
[Analyze grammar]

tāsāmapsarasāṃ sā tu kathayāmāsa taṃ nṛpam |
ayaṃ sa puruṣaśreṣṭho yenāhaṃ kāmarūpiṇā || 48 ||
[Analyze grammar]

etāvaṃtaṃ mahākālamanurāgavaśāturā |
uṣitāsmi sahānena sakhyo nṛpatinā ciram || 49 ||
[Analyze grammar]

evamuktāstataḥ sakhyastāmūcuḥ sādhusādhviti |
anena sākamāsyāmaḥ sarvakālaṃ vayaṃ sakhi || 50 ||
[Analyze grammar]

ityūcururvaśīṃ tatra sakhīmapsarasastadā |
abde'tha pūrṇe rājāpi taṭākāṃti kamāyayau || 51 ||
[Analyze grammar]

āgataṃ nṛpatiṃ dṛṣṭvā purūravasamurvaśī |
kumāramāyuṣaṃ tasmai dadau saṃprītamānasā || 52 ||
[Analyze grammar]

tena sākaṃ niśāmekāmuṣitā sānu rāgiṇī |
paṃcaputrapradaṃ garbhaṃ tasmādāpāśu sorvaśī || 53 ||
[Analyze grammar]

uvāca cainaṃ rājānamurvaśī paramāṃganā |
varaṃ dāsyaṃti gandharvā matprītyā tava bhūpate || 54 ||
[Analyze grammar]

bhavatāṃ prārthyatāṃ tebhyo varo rājarṣisattama |
ityuktaḥ sa tayā rājā prāha gandharvasattamān || 55 ||
[Analyze grammar]

ahaṃ saṃpūrṇakośaśca vijitārāti maṃḍalaḥ |
salokatāṃ vinorvaśyāḥ prāptavyaṃ nānyadasti me || 56 ||
[Analyze grammar]

atastayā sahorvaśyā kālaṃ netumahaṃ vṛṇe |
evamukte nṛpeṇātha gandharvāstuṣṭa mānasāḥ |
agnisthālīṃ pradāyāsmai procuścainaṃ nṛpaṃ tadā || 57 ||
[Analyze grammar]

gandharvā ūcuḥ |
agniṃ vedānusārī tvaṃ tridhā kṛtvā nṛpottama || 58 ||
[Analyze grammar]

iṣṭvā yajñena corvaśyāḥ sālokyaṃ yāhi bhūpate |
itīritastairādāya sthālīmagneryayau nṛpaḥ || 59 ||
[Analyze grammar]

aho batātimūḍhohamiti madhye vanaṃ nṛpaḥ |
urvaśī na mayā labdhā vahnisthālyā tu kiṃ phalam || 60 ||
[Analyze grammar]

nidhāyaiva vane sthālīṃ svapuraṃ prayayau nṛpaḥ |
ardharātre vyatīte'sau vinidro'ciṃtayatsvayam || 61 ||
[Analyze grammar]

urvaśīlokasiddhyarthaṃ mama gandharvapuṃgavaiḥ |
agnisthālī saṃpradattā sā ca tyaktā mayā vane || 62 ||
[Analyze grammar]

āhariṣye punaḥ sthālīmityutthāya yayau vanam |
nāgnisthālīṃ dadarśāsau vane tatra purūravāḥ || 63 ||
[Analyze grammar]

śamīgarbhamathāśvatthamagnisthāne vilokya saḥ |
vyaciṃtayanmayā sthālī nikṣiptātra vane purā || 64 ||
[Analyze grammar]

sā cāśvatthaḥ śamīgarbhaḥ samabhūdadhunā tviha |
tasmādenaṃ samādāya vahnirūpamahaṃ puram || 65 ||
[Analyze grammar]

gatvā kṛtvāraṇīṃ samyaktadutpannāgnimādarāt |
upāsyāmīti niścitya svapuraṃ gatavānnṛpaḥ || 66 ||
[Analyze grammar]

ramaṇīyāraṇīṃ cakre svāṃgulaiḥ pramitā masau |
nirmāṇasamaye rājā gāyatrīmajapaddvijāḥ || 67 ||
[Analyze grammar]

gāyatryāḥ paṭhyamānāyā yāni saṃtyakṣarāṇi hi |
tāvadaṃgulimaryādāmakarodaraṇīṃ nṛpaḥ || 68 ||
[Analyze grammar]

tatra nirmathanādagnitrayamutpādya bhūpatiḥ |
urvaśīlokasaṃprāptiphalamuddiśya kāṃkṣitam || 69 ||
[Analyze grammar]

vedānusārī nṛpatirjuhāvāgnitrayaṃ mudā |
tenaiva cāgnividhinā bahūnyajñānathātanot || 70 ||
[Analyze grammar]

tena gandharvalokāṃśca saṃprāpya jagatīpatiḥ |
sahorvaśyā ciraṃ reme devaloke dvijottamāḥ || 71 ||
[Analyze grammar]

atha sarvāmaropetaḥ kadācidbalavṛtrahā |
nṛtyaṃ surāṃganānāṃ vai vyalokayata saṃsadi || 72 ||
[Analyze grammar]

purūravā nṛpopyāyāttadā deveṃdrasaṃsadam |
draṣṭuṃ surāṃganānṛtyaṃ manohāri divaukasām || 73 ||
[Analyze grammar]

ekaikaśastāḥ śakrasya nanṛtuḥ puratoṃ'ganāḥ |
athorvaśī samāgatya nanarta purato hareḥ || 74 ||
[Analyze grammar]

nṛttābhinayasāmarthyagarvayuktā tadorvaśī |
taṃ purūravasaṃ dṛṣṭvā jahāsātimanoharā || 75 ||
[Analyze grammar]

jahāsa tatra rājāpi tāṃ vilokya tadorvaśīm |
hāsasaṃkupitastatra nāṭyācāryo'tha tuṃburuḥ |
śaśāpa tāvubhau kopādurvaśīṃ ca nṛpottamam || 76 ||
[Analyze grammar]

tuṃbururuvāca |
anekadevasaṃpūrṇasabhāyāmatra yatkṛtam || 77 ||
[Analyze grammar]

yuvābhyāṃ hasitaṃ nṛttamadhye niṣkāraṇaṃ vṛthā |
tasmājjhaṭiti rājeṃdra viyogo yuvayoḥ kṣaṇāt || 78 ||
[Analyze grammar]

bhūyāditi śaśāpainaṃ sarvadaivatasaṃnidhau |
atha śapto nṛpastatra nāṭyācāryeṇa duḥkhitaḥ || 79 ||
[Analyze grammar]

jagāma śaraṇaṃ tatra pāhipāhīti vajriṇam |
uvāca dīnayā vācā puruhūtaṃ purūravāḥ || 80 ||
[Analyze grammar]

urvaśyā saha sālokyasiddhyarthamahamiṣṭavān |
atastasmā viyogo me'sahyaḥ syātpākaśāsana || 81 ||
[Analyze grammar]

ityuktavaṃtaṃ taṃ prāha sahasrākṣaḥ śacīpatiḥ |
śāpamokṣaṃ pravakṣyāmi mā bhaiṣīstvaṃ nṛpottama || 82 ||
[Analyze grammar]

dakṣiṇāṃbhonidhau puṇye gaṃdhamādanaparvate |
sādhyāmṛtamiti khyātaṃ tīrthamasti mahattaram || 83 ||
[Analyze grammar]

sevitaṃ sarvadevaiśca siddhacāraṇakinnaraiḥ |
sanakādi mahāyogimunivṛṃdaniṣevitam || 84 ||
[Analyze grammar]

bhuktimuktipradaṃ puṃsāṃ sarvaśāpavimokṣadam |
asti tīrthaṃ bhavāṃstatra gacchasva tvarayā nṛpa || 85 ||
[Analyze grammar]

sarveṣāmamṛtaṃ snānādatra sādhyaṃ yatastataḥ |
sādhyāmṛtamiti khyātaṃ sarvalokeṣu viśrutam || 86 ||
[Analyze grammar]

tatra snānāttavorvaśyāḥ punaryogo bhaviṣyati |
mama loke nivāsaśca bhaviṣyati na saṃśayaḥ || 87 ||
[Analyze grammar]

iti pratisamādiṣṭo nṛpaḥ saṃprītamānasaḥ |
sādhyāmṛtaṃ mahātīrthaṃ samuddiśya yayau kṣaṇāt || 88 ||
[Analyze grammar]

sasnau sādhyāmṛte tatra mahāpātakanāśane |
tatra snānānnṛpo viprāḥ sadyaḥ śāpena mocitaḥ || 89 ||
[Analyze grammar]

snānānaṃtaramevāsāvurvaśyā saha saṃgataḥ |
tayā saha vimānasthaḥ prayayāvamarāvatīm || 90 ||
[Analyze grammar]

reme punastayā sārdhaṃ devavaddevamaṃdire |
evaṃprabhāvaṃ tattīrthaṃ sādhyāmṛtamanuttamam || 91 ||
[Analyze grammar]

purūravā sahorvaśyā yatra snānena saṃgataḥ |
ato'tra tīrthe yaḥ snāyānmahāpātakanāśane || 92 ||
[Analyze grammar]

vāṃchitāṃllabhate kāmānyāsyati svargamuttamam |
niṣkāmaḥ snāti cedvi prā mokṣamāpnoti mānavaḥ || 93 ||
[Analyze grammar]

imaṃ pavitraṃ pāpaghnamadhyāyaṃ paṭhate tu yaḥ |
śṛṇuyādvā manuṣyo'sau vaikuṃṭhe labhate sthitim || 94 ||
[Analyze grammar]

evaṃ vaḥ kathitaṃ viprā vaibhavaṃ pāpanāśanam |
sādhyāmṛtasya tīrthasya vistarācchraddhayā mayā || 95 ||
[Analyze grammar]

yatpurā sanakādibhyaḥ proktavāṃścaturānanaḥ || 96 ||
[Analyze grammar]

iti śrīskāṃde mahāpurāṇa ekāśītisāhasryāṃ saṃhitāyāṃ tṛtīye brahmakhaṇḍe setumāhātmye sādhyāmṛtatīrthapraśaṃsāyāṃ purūravaḥśāpavimokṣaṇavarṇanaṃnāmāṣṭāviṃśo adhyāyaḥ || 28 ||
[Analyze grammar]