Chapter 9

[English text for this chapter is available]

tataḥ sa vipraḥ pratyūṣe putraśokena pīḍitaḥ |
aśoka dattasaṃyukto bhāryayā vilalāpa ha || 1 ||
[Analyze grammar]

vilapaṃtaṃ samālokya goviṃdasvāminaṃ dvijāḥ |
vaṇiksamudradattākhyaḥ samāninye nijaṃ gṛham || 2 ||
[Analyze grammar]

samānīya samāśvāsya dayāyukto vaṇigvaraḥ |
svadhanānāṃ hi sarveṣāṃ rakṣitāramakalpayat || 3 ||
[Analyze grammar]

smaranmahāyativacaḥ putradarśanalālasaḥ |
sa tasthau vaṇijo gehe putrabhāryāsamanvitaḥ || 4 ||
[Analyze grammar]

aśokadattanāmā tu dvitīyo vipranaṃdanaḥ |
śastre caiva tathā śāstre babhūvātivicakṣaṇaḥ || 5 ||
[Analyze grammar]

tathānyāsvapi vidyāsu nāsti tatsadṛśo bhuvi |
kṛtavidyo dvijasutaḥ prakhyāto nagare'bhavat || 6 ||
[Analyze grammar]

atrāṃtare narapatiṃ pratāpamukuṭābhidham |
kāśīdeśādhipo mallaḥ kaścidabhyāyayau balī || 7 ||
[Analyze grammar]

pratāpamukuṭo rājā mallasyāsya jayāya saḥ |
balinaṃ dvijaputraṃ tamāhvayāmāsa bhṛtyakaiḥ || 8 ||
[Analyze grammar]

tamāgataṃ samālokya pratāpamukuṭo'bravīt |
aśokadatta sahasā mallamenaṃ balotkaṭam || 9 ||
[Analyze grammar]

durjayaṃ jahi saṃgrāme tvaṃ vai valavatāṃ varaḥ |
dākṣiṇātyamahāmallapatāvasmiñjite tvayā || 10 ||
[Analyze grammar]

yadiṣṭaṃ tava tatsarvaṃ dāsyāmyahaṃ na saṃśayaḥ |
iti tasya vacaḥ śrutvā valavāndvijanaṃdanaḥ || 11 ||
[Analyze grammar]

dākṣiṇātyamahāmallanṛpatiṃ samatāḍayat |
tāḍito dvijaputreṇa mallaḥ sa balinā balī || 12 ||
[Analyze grammar]

sadyo vivṛttanayanaḥ parāsurnyapatadbhuvi |
dvija putrasya tatkarma devairapi suduṣkaram || 13 ||
[Analyze grammar]

pratāpamukuṭo dṛṣṭvā prasannahṛdayo'bhavat |
dattvā vahudhanāngrāmānsamīpe'sthāpayattadā || 14 ||
[Analyze grammar]

sa kadācinmahārāja sahito dvijasūnunā |
saṃdhyāyāṃ vijane deśe cacāra turageṇa vai || 15 ||
[Analyze grammar]

dvijasūnusakhastatra dīnāṃ vāṇīmathāśṛṇot |
rājannalpāparādho'haṃ śatrupreraṇayāsakṛt || 16 ||
[Analyze grammar]

daṇḍapālena nihitaḥ śūle nirghṛṇacetasā |
dinamadya caturthaṃ me śūlasthasyaiva jīvataḥ || 17 ||
[Analyze grammar]

prāṇāḥ sukhena niryāṃti na hi duṣkṛtakarmaṇām |
bhṛśaṃ māṃ bādhate tṛṣṇā tāṃ nivāraya bhūpate || 18 ||
[Analyze grammar]

iti dīnāṃ samākarṇya vācaṃ rājā dvijā tmajam |
aśokadattanāmānaṃ dhairyavaṃtamabhāṣata || 19 ||
[Analyze grammar]

asmai niraparādhāya śūlaprotāya jaṃtave |
tṛṣṇārditāya dātavyaṃ dvijasūno tvayā jalam || 20 ||
[Analyze grammar]

ityādiṣṭo narendreṇa sahasā dvijanandanaḥ |
jalapūrṇaṃ samādāya kalaśaṃ vegavānyayau || 21 ||
[Analyze grammar]

tacchmaśānaṃ samāsādya bhūtavetālasaṃkulam |
śūlaprotāya vai tasmai jalaṃ dātuṃ samutsukaḥ || 22 ||
[Analyze grammar]

dadarśātha sthitāṃ nārīṃ navayauvanaśālinīm |
udaikṣata mahākāṃtiṃ mūrtāmiva ratiṃ dvijaḥ || 23 ||
[Analyze grammar]

tāmālokya tataḥ prāha dhairyavāndvijanaṃdanaḥ |
kāsi bhadre varārohe śmaśāne vijane sthitā || 24 ||
[Analyze grammar]

asyādhastātkimarthaṃ tvaṃ śūlaprotasya tiṣṭhasi |
iti tasya vacaḥ śrutvā sā prāha rucirānanā || 25 ||
[Analyze grammar]

puruṣo vallabho'yaṃ me śūle rājñā samarpitaḥ |
dhanaṃ yathā ca kṛpaṇaḥ paśya prāṇānna muṃcati || 26 ||
[Analyze grammar]

āsannamaraṇaṃ cainamanuyātumiha sthitā |
tṛṣito yācate vāri māmayaṃ vyathate muhuḥ || 27 ||
[Analyze grammar]

śūlaproto ddhatagrīvaṃ mumūrṣuṃ prāṇanāyakam |
nāsmi pāyayituṃ śaktā jalamenamadhaḥsthitā || 28 ||
[Analyze grammar]

aśokadattastacchrutvā karuṇāvaruṇālayaḥ |
tatkālasadṛśaṃ vākyaṃ tāṃ vadhūmabravīttadā || 29 ||
[Analyze grammar]

aśokadatta uvāca |
mātarmatskaṃdhamāruhya dehyasmai śītalaṃ jalam |
sā tatheti tamābhāṣya taruṇī tvarayānvitā || 30 ||
[Analyze grammar]

ānamravapuṣastasya skaṃdhaṃ padbhyāṃ ruroha vai |
dvijasūnurdadarśātha śoṇitaṃ nūtanaṃ patat || 31 ||
[Analyze grammar]

kimetaditi sopaśyadunnamya sahasā mukham |
bhakṣyamāṇaṃ tayā tatsa vijñāya dvijanaṃdanaḥ || 32 ||
[Analyze grammar]

aśokadatto jagrāha tasyāḥ pādaṃ sanūpuram |
tato'gānnūpuraṃ tyaktvā baddharatnaṃ vihāya tat || 33 ||
[Analyze grammar]

pratyuptānekaratnāḍhyaṃ tadādāyaca nūpuram |
aśokadattaḥ prayayau tacchmaśānānnṛpāṃtikam || 34 ||
[Analyze grammar]

smaśānavṛttaṃ tatsarvaṃ sa nṛpāya nivedya vai |
mahārghyaratnapratyuptaṃ nūpuraṃ ca dadau tadā || 35 ||
[Analyze grammar]

jñātvā tadvīracaritaṃ vīrairanyaiḥ suduṣkaram |
dadau madanalekhākhyāṃ sutāṃ tasmai mahīpatiḥ || 36 ||
[Analyze grammar]

kadācidatha tāddivyaṃ nūpuraṃ vīkṣya bhūpatiḥ |
asya nūpuravaryasya tulyaṃ vai nūpurāṃtaram || 37 ||
[Analyze grammar]

kuto vā labhyata iti sādaraṃ samaciṃtayat |
aśokadattastu tadā vijñāya nṛpakāṃkṣitam || 38 ||
[Analyze grammar]

nṛpurāṃtarasi ddhyarthaṃ ciṃtayāmāsa cetasā |
śmaśāne nūpuramidaṃ yataḥ prāptaṃ mayā purā || 39 ||
[Analyze grammar]

tāṃ nūpurāṃtaraprāptyai kutra drakṣyāmi sāṃpratam |
itthaṃ vitarkya bahudhā ni ścikāya mahāmatiḥ || 40 ||
[Analyze grammar]

vikreṣyāmi mahāmāṃsaṃ sametya pitṛkānanam |
tatra rākṣasavetālapiśācādiṣu sarvaśaḥ || 41 ||
[Analyze grammar]

maṃtrairāhūyamāneṣu sāpyāyāsya ti rākṣasī |
tāmāgatāṃ balādgṛhya tadgrahīṣyāmi nūpuram || 42 ||
[Analyze grammar]

rākṣasānāṃ sahasraṃ vā piśācānāṃ tathāyutam |
vetālānāṃ tathā koṭirna lakṣyaṃ balino mama || 43 ||
[Analyze grammar]

iti niścitya manasā śmaśānaṃ sahasā yayau |
vikrīṇāno mahāmāṃsaṃ maṃtrairāhūya rākṣasān || 44 ||
[Analyze grammar]

gṛhāṇetyuccayā vācā cacāra śrāvayandi śaḥ |
vikrīyate mahāmāṃsaṃ gṛhyatāṃgṛhyatāmiti || 45 ||
[Analyze grammar]

tatra rākṣasavetālāḥ kaṃkālāśca piśācakāḥ |
anye ca bhūtanivahāḥ samājagmuḥ praharṣitāḥ || 46 ||
[Analyze grammar]

bhakṣayiṣyāmahe sarve māṃsamiṣṭatamaṃ tviti |
tatrāgacchatsu sarveṣu rakṣaḥkanyāsamāvṛtā || 47 ||
[Analyze grammar]

āyayau rākṣasī sāpi māṃsabhakṣaṇalālasā |
gaveṣayaṃstadā viprastāṃ samudvīkṣya rākṣasīm || 48 ||
[Analyze grammar]

seyaṃ dṛṣṭā puretyeṣa pratyabhijñānamāptavān |
tāmāha dvijaputro'nyaddehi me nūpuraṃ tviti || 49 ||
[Analyze grammar]

sā tasya vacanaṃ śrutvā prītā vākyamathā'bravīt |
mamaiva ca tvayā nītaṃ purā vīreṃdra nūpuram || 50 ||
[Analyze grammar]

gṛhāṇa ratnaruciraṃ dvitīyamapi nūpuram |
ityuktvā nūpuraṃ tasmai svasutāṃ ca dadau priyām || 51 ||
[Analyze grammar]

vidyutkeśyā tadā dattāṃ priyāṃ vidyutprabhābhidhām |
vipraḥ saṃprāpya mumude rūpayauvanaśāli nīm || 52 ||
[Analyze grammar]

vidyutkeśī tu jāmātre hemābjamapi sā dadau |
vidyutprabhāṃ nūpuraṃ ca hemābjamapilabhya saḥ || 53 ||
[Analyze grammar]

śvaśrūmābhāṣya sahasā punaḥ prāyānnṛpāṃtikam |
tataḥ pratāpamukuṭo nūpuraprāptinaṃditaḥ || 54 ||
[Analyze grammar]

śauryadhairyasamāyuktaṃ praśaśaṃsa dvijātmajam |
atha vidyutprabhāṃ vipraḥ so'bravīdrahasi priyām || 55 ||
[Analyze grammar]

mātrā tava kuto labdhametaddhemāṃbuja priye |
etattulyāni cānyāni yataḥ prāpsye varānane || 56 ||
[Analyze grammar]

dvijātmajaṃ tataḥ prāha patiṃ vidyutprabhā rahaḥ |
prabho kapālavisphoṭanāmno vetālabhūpateḥ || 57 ||
[Analyze grammar]

asti divyaṃ saraḥ kiṃciddhemāṃbujapariṣkṛtam |
tava śvaśrvā jalakrīḍāṃ vitanvaṃ tyedamāhṛtam || 58 ||
[Analyze grammar]

iti śrutvā vacastatra māṃ nayeti jagāda saḥ |
tataḥ sā sahasā vipraṃ ninye tatkāṃcanaṃ saraḥ || 59 ||
[Analyze grammar]

tataḥ sa hemapadmānāmājihīrṣurdvijātmajaḥ |
tadviprakāriṇaḥ sarvānvetālādīṃstato'vadhīt || 60 ||
[Analyze grammar]

svayaṃ kapālavisphoṭaṃ nihatāśeṣasainikam |
dadarśa vetālapatiṃ taṃ ca haṃtuṃ pracakrame || 61 ||
[Analyze grammar]

atrāṃtare mahātejā nāmnā vijñaptikautukaḥ |
vidyādharapatiḥ prāpya vimānenainamabravīt || 62 ||
[Analyze grammar]

aśokadattaṃ vipreṃdra sāhasaṃ mā kṛthā iti |
tadākarṇya dvijasuto vimānavarasaṃsthitam || 63 ||
[Analyze grammar]

dadarśa prabhayā yuktaṃ vidyādharapatiṃ divi |
tasya darśanamātreṇa śāpāmukto dvijā tmajaḥ || 64 ||
[Analyze grammar]

saṃtyajya mānuṣaṃ rūpaṃ divyaṃ rūpamavāptavān |
vimānavaramārūḍhaṃ divyābharaṇabhūṣitam || 65 ||
[Analyze grammar]

śāpānmuktaṃ sukarṇaṃ taṃ prāha vijñapti kautukaḥ |
ayaṃ sukarṇa te bhrātā gālavasya mahāmuneḥ || 66 ||
[Analyze grammar]

śāpādvetālatāṃ prāpa tatkanyāsparśapātakī |
tvaṃ ca śaptaḥ purā tena tatpāpasyānu modakaḥ || 67 ||
[Analyze grammar]

tavāyamalpapāpasya śāpo maddarśanāvadhiḥ |
kalpistatena muninā śāpāṃto nāsya kalpitaḥ || 68 ||
[Analyze grammar]

tadehi muktaśāposi sukarṇa svargamāruha |
tataḥ sukarṇastaṃ prāha vidyādharakulādhipam || 69 ||
[Analyze grammar]

vidyādharapate bhrātrā vinā jyeṣṭhena sāṃpratam |
sarvabhogayutaṃ svargaṃ naiva gaṃtuṃ samutsahe || 70 ||
[Analyze grammar]

śāpasyāṃto yathā bhūyānmama bhrātustathā vada |
tamuvāca mahātejāstathā vijñaptikautukaḥ || 71 ||
[Analyze grammar]

durnivāramimaṃ śāpamanyaḥ ko vā nivārayet |
kiṃ tu guhyatamaṃ kiṃcittava vakṣyāmi sāṃpratam || 72 ||
[Analyze grammar]

brahmaṇā sanakādibhyo munibhyaḥ kathitaṃ purā |
sarvatīrthāśraye puṇye dakṣiṇasyo dadhestaṭe || 73 ||
[Analyze grammar]

cakratīrthasamīpe tu tīrthamastimahattaram |
mahāpātakasaṃghāśca yasya darśanamātrataḥ || 74 ||
[Analyze grammar]

naśyaṃti tatkṣaṇādeva na jāne snānajaṃ phalam |
tatra gatvā tava jyeṣṭho yadi snāyānmahattare || 75 ||
[Analyze grammar]

vetālatvaṃ tyajennūnaṃ tadā gālavaśāpajam |
sukarṇastadvacaḥ śrutvā bhrātrā vetālarūpiṇā || 76 ||
[Analyze grammar]

sahitaḥ sahasā prāyāddakṣiṇasyodadhestaṭam |
dakṣiṇaṃ cakratīrthākhyāduttaraṃ gaṃdhamādanāt || 77 ||
[Analyze grammar]

brahmaṇā sanakādibhyaḥ kathitaṃ tīrthamabhyagāt |
tattīrthakūlamāsādya bhrātaraṃ cedamabravīt || 78 ||
[Analyze grammar]

bhrātargālavaśāpasya ghorasyāsya nivṛttaye |
tīrthe'sminnacirātsnāhi sarvatīrthottamottame || 79 ||
[Analyze grammar]

tasminna vasare viprāstasya tīrthasya śīkarāḥ |
nyapataṃstasya gātreṣu vāyunā vai samāhṛtāḥ || 80 ||
[Analyze grammar]

sa tacchīkarasaṃsparśāttyaktvā vetālatāṃ tadā |
tadeva mānuṣaṃ bhāvaṃ dvijaputratvamāptavān || 81 ||
[Analyze grammar]

tataḥ saṃkalpya sahasā tasmiṃstīrthottamottame |
manuṣyatvanivṛttyarthaṃ nimamajja dvijātmajaḥ || 82 ||
[Analyze grammar]

uttiṣṭhanneva sahasā divyaṃ rūpamavāptavān |
vimānavaramārūḍho devastrīparivāritaḥ || 83 ||
[Analyze grammar]

sarvābharaṇasaṃyuktaḥ saha bhrātrā sudarśanaḥ |
ślāghamānaśca tattīrthaṃ namaskatya punaḥpunaḥ || 84 ||
[Analyze grammar]

vijñaptikautukaṃ cāpi puraskṛtya divaṃ yayau |
tadāprabhṛti tattīrthaṃ vetālavaradābhidham || 85 ||
[Analyze grammar]

vetālatvaṃ vinaṣṭaṃ yacchīkarasparśamātrataḥ |
ya idaṃ tīrthamāsādya cakratīrthasya dakṣiṇe || 86 ||
[Analyze grammar]

snānaṃ kadācitkurvaṃti jīvanmuktā bhavaṃti te |
etattīrthasamaṃ puṇyaṃ na bhūtaṃ na bhaviṣyati || 87 ||
[Analyze grammar]

ghorāṃ vetālatāṃ tyaktvā divyatāṃ sa yadāptavān || 88 ||
[Analyze grammar]

atra saṃkalpya ca snātvā vetālavarade śubhe |
pitṛbhyaḥ piṃḍadānaṃ ca kuryādvai niyamānvitaḥ || 89 ||
[Analyze grammar]

evaṃ vaḥ kathitaṃ viprāstasya tīrthasya vaibhavam |
vetālavaradābhikhyā yathā cāsya samāgatā || 90 ||
[Analyze grammar]

yaḥ paṭhedimamadhyāyaṃ śṛṇuyādvā sa mucyate || 91 ||
[Analyze grammar]

iti śrīskānde mahāpurāṇa ekāśītisāhasryāṃ saṃhitāyāṃ tṛtīye brahmakhaṇḍe setumāhātmye vetālavaradatīrthapraśaṃsāyāṃ sudarśanasukarṇaśāpamokṣaṇaṃnāma navamo'dhyāyaḥ || 9 ||
[Analyze grammar]