Chapter 23

[English text for this chapter is available]

śrīnārāyaṇa uvāca |
vānaprasthasya vakṣyāmi niyamānatha te mune |
tṛtīya āyuṣo bhāge tṛtīyāśrama īritaḥ || 1 ||
[Analyze grammar]

anukūlā svasevāyāṃ viraktā ca tapaḥpriyā |
yadi patnī bhavettarhi tayā saha vanaṃ viśet || 2 ||
[Analyze grammar]

anyathā tu sutādibhyastasyāḥ poṣaṇarakṣaṇam |
ādiśya svayamekākī virakto vanamāviśet || 3 ||
[Analyze grammar]

nirbhayo nivasettatra taporuciratandritaḥ |
kuryāduṭajamagnyarthaṃ svayaṃ tu bahirāvaset || 4 ||
[Analyze grammar]

bhavetpañcatapā grīṣma udavāsaśca śaiśire |
āsāraṣāṭca varṣāsu jitakrodho jitendriyaḥ || 5 ||
[Analyze grammar]

vāsaśca tārṇaṃ pārṇaṃ vā vasītājinavalkalam |
bhuñjīta ṛṣidhānyāni vanyaṃ kandaphalādi vā || 6 ||
[Analyze grammar]

agnipakvaṃ vārkapakvamapakvaṃ vāpi bhakṣayet |
abhāve tveṣa dantānāmaśmolūkhalakuṭṭitam || 7 ||
[Analyze grammar]

svayamevāharedannaṃ yathākālaṃ dinedine |
kāle parāhṛtaṃ vāpi gṛhṇīyānnānyadā kvacit || 8 ||
[Analyze grammar]

kālepi kṛṣṭapacyaṃ tu na gṛhṇīyādanāpadi |
vanyairevāgnikāryaṃ ca dhānyaiḥ kurvīta pūrvavat || 9 ||
[Analyze grammar]

rakṣetkamaṇḍaluṃ daṇḍamagnihotraparicchadān |
keśaromaśmaśrunakhāndhārayenmalināndataḥ || 10 ||
[Analyze grammar]

aṃgānyamardayansnāyādbhūtale ca śayīta saḥ |
deśakāla balāvasthānusāreṇa tapaścaret || 11 ||
[Analyze grammar]

phenapāścaudumbarāśca vālakhilyāstathaiva ca |
vaikhānaseti kathitāścaturddhā vanavāsinaḥ || 12 ||
[Analyze grammar]

yathāśakti dvādaśābdānaṣṭau vā caturo vane |
vaseddvāvekamevāpi tataḥ saṃnyāsamāśrayet || 13 ||
[Analyze grammar]

yadi syāttīvravairāgyaṃ tarhi nyāso hitāvahaḥ |
vasettatraivā'nyathā tu yāvajjīvaṃ vane dvijaḥ || 14 ||
[Analyze grammar]

yathāvidhi kṛtatyāgasturīyāśramamāsthitaḥ |
sācchādanaṃ tu kaupīnaṃ kanthāmekāṃ ca dhārayet || 15 ||
[Analyze grammar]

daṇḍaṃ kamaṇḍaluṃ cāmbugālanaṃ bibhṛyācca saḥ |
sadācāradvijagṛhe kāle bhikṣāṃ samācaret || 16 ||
[Analyze grammar]

na kuryātpratyahaṃ bhikṣāmekasyaiva gṛhe yatiḥ |
rasalubdho bhavenneva sakṛcca mitabhugbhavet || 17 ||
[Analyze grammar]

vanasthāśramiṇo bhikṣāṃ prāyo gṛhṇīta bhikṣukaḥ |
tadandhasātiśuddhena śuddhyatyevā'sya yanmanaḥ || 18 ||
[Analyze grammar]

ghrāṇepi māṃsasurayoḥ pārākaṃ vratamācaret |
śaucācāraviśuddhaḥ syācchūdrādīṃścāpi na spṛśet || 19 ||
[Analyze grammar]

nityaṃ kuryādviṣṇupūjā madyādviṣṇornniveditam |
dvādaśārṇaṃ japedviṣṇoraṣṭākṣaramanuṃ ca vā || 20 ||
[Analyze grammar]

asadvādaṃ na kurvīta vṛttyarthaṃ nācaretkathām |
asacchāstre na saktaḥ syānnopajīvecca jīvikām || 21 ||
[Analyze grammar]

sacchāstramabhyaseccāsau bandhamokṣānudarśanam |
maṭhādīnnaiva badhnīyādahantāmamate tyajet || 22 ||
[Analyze grammar]

cāturmāsyaṃ vinaikatra vasennā'sāvanāpadi |
ātmanaśca hare rūpaṃ vidyājjñānena tattvataḥ || 23 ||
[Analyze grammar]

kāmaṃ krodhaṃ bhayaṃ vairaṃ dhanadhānyādisaṃgraham |
naiva kuryātpālayeta yamāṃśca niyamānyatiḥ || 24 ||
[Analyze grammar]

tīvrajñānavirāgābhyāṃ saṃpannopi yatirdhruvam |
strīvittabhūṣāsadvastrasaṃsargādbhraṣṭatāṃ vrajet || 25 ||
[Analyze grammar]

puṣpa candanatailādisugandhidravyavarjanam |
tyāgī kurvītānyathā tu bhaveddehātmadhīḥ sa vai || 26 ||
[Analyze grammar]

āhāro yasya yāvāṃstaṃ tāvānstrīkāma āviśet |
ato mitaṃ nīrasaṃ ca bhojanaṃ tyāgino hitam || 27 ||
[Analyze grammar]

na śrāvyā grāmyavārttā ca mokṣasiddhimabhīpsatā |
naśyedyacchravaṇānnṝṇāṃ sadyo viṣṇukathā ruciḥ || 28 ||
[Analyze grammar]

api citramayīṃ nārīṃ tyāgī nekṣeta na spṛśet |
stryākāradarśanādeva bhraṣṭā bhūri tapasvinaḥ || 29 ||
[Analyze grammar]

kuṭīcako bahūdaśca haṃsaḥ paramahaṃsakaḥ |
evaṃ caturddhā kathito yatirvairāgyabhedataḥ || 30 ||
[Analyze grammar]

kāṣāyavāsaso ye me bhaviṣyāḥ sādhavaśca taiḥ |
kāryaṃ madarthapākādi turyāśramasthitairapi || 31 ||
[Analyze grammar]

śrīvāsudevabhaktā ye tīvravairāgyaśālinaḥ |
teṣāṃ dharmastu tatsevā proktāhassu ca rātriṣu || 32 ||
[Analyze grammar]

ekopi ca kṣaṇasteṣāṃ jñānavijñānabhūyasām |
bhaktiṃ navavidhāṃ viṣṇorvinā vyartho na vai bhavet || 33 ||
[Analyze grammar]

sarverguṇairupetopi bhagavadvimukho yadi |
svajanopi bhavettaṃ tu jahyureva hi vaiṣṇavāḥ || 34 ||
[Analyze grammar]

prāsādikaṃ harerannaṃ prokṣitaṃ tatpadāmbunā |
bhuñjīraṃstulasīmiśraṃ pratyahaṃ sātvatā janāḥ || 35 ||
[Analyze grammar]

strīṇāṃ ca strīṣu saktānāṃ prasaṃgo viṣṇucintakaiḥ |
sarvathaiva parityājyo bhavettaddhyānamanyathā || 36 ||
[Analyze grammar]

bhagavantaṃ vāsudevaṃ vinaikamitaraḥ pumān |
kopi nāstyeva yo nārīṃ samīkṣya na vimuhyati || 37 ||
[Analyze grammar]

yatra sthityā muhuḥ strīṇāṃ syātāṃ śabdaśrutīkṣaṇe |
tyāgī tatra vasennaiva vasandharmacyuto bhavet || 38 ||
[Analyze grammar]

kāmo lobho rasāsvādaḥ sneho mānastathā ca ruṭ |
ete tyājyāḥ prayatnena ṣaḍdoṣāḥ saṃsṛtipradāḥ || 39 ||
[Analyze grammar]

prokteṣu dharmeṣveteṣu yasyayasya cyutirbhavet |
yathāśakti yathāśāstraṃ kāryā tattasya niṣkṛtiḥ || 40 ||
[Analyze grammar]

itthaṃ caturṇāṃ varṇānāmāśramāṇāṃ ca nārada |
dharmāḥ saṃkṣepataḥ proktā vaiṣṇavānāṃ ca te mayā || 41 ||
[Analyze grammar]

varṇī yatiśca dharmastho brahmalokamupaiti vai |
ṛṣilokaṃ vanasthaśca gṛhasthaḥ svargamāpnuyāt || 42 ||
[Analyze grammar]

bhaktyā sahaitāñchrīviṣṇorācareyustu ye janāḥ |
te tu sarvepi dehānte viṣṇulokamavāpnuyuḥ || 43 ||
[Analyze grammar]

iti śrīskānde mahāpurāṇa ekāśītisāhasryāṃ saṃhitāyāṃ dvitīye vaiṣṇavakhaṇḍe śrīvāsudevamāhātmye vanasthayatidharmanirūpaṇaṃ nāma trayoviṃśo'dhyāyaḥ || 23 ||
[Analyze grammar]