Chapter 20

[English text for this chapter is available]

nārada uvāca |
bhagavanbrūhi me dharmamekāntaṃ tava saṃmatam |
prīyate yena viśvātmā vāsudevaḥ sa sarvadā || 1 ||
[Analyze grammar]

śrīnārāyaṇa uvāca |
sādhu pṛṣṭaṃ tvayā brahmanmatiste vimalā kila |
mayi snigdhāya bhaktāya tubhyaṃ guhyamapi bruve || 2 ||
[Analyze grammar]

dharma eṣa mayā proktaḥ kalpasyādau vivasvate |
tameva kathaye tubhyaṃ sanātanamahaṃ mune || 3 ||
[Analyze grammar]

svadharmajñānavairāgyaiḥ saha lakṣmīvadīśvare |
tasminnananyā bhaktiryā dharma ekāntikaḥ sa vai || 4 ||
[Analyze grammar]

tenaivātiprasannaḥ syādgolokādhipatiḥ svayam |
jāyate sa ca bhaktopi paripūrṇamanorathaḥ || 5 ||
[Analyze grammar]

nārada uvāca |
lakṣaṇāni bubhutsāmi svadharmādeḥ pṛthakpṛthak |
śāstrayonerahaṃ tvatto vaktuṃ tāni tvamarhasi || 6 ||
[Analyze grammar]

nigamāgamaśāstrāṇāṃ sarveṣāmapi satpate |
mūlaṃ tvameka evāsi yeṣu dharmaḥ sanātanaḥ || 7 ||
[Analyze grammar]

tvameva sākṣādbhagavānvāsudevo'kṣarātparaḥ |
śreyase sarvabhūtānāṃ vartase'tra dayānidhiḥ || 8 ||
[Analyze grammar]

tvatto'nye tu svasvabhāvaguṇatantrā hyajādayaḥ |
yathāvanna vijānīyurddharmādīṃstvamato vada || 9 ||
[Analyze grammar]

skanda uvāca |
iti devarṣiṇā pṛṣṭo bhagavāndharmanandanaḥ |
svadharmādīnkrameṇaiva kathayāmāsa sarvavit || 10 ||
[Analyze grammar]

śrīnārāyaṇa uvāca |
varṇānāmāśramāṇāṃ ca sadācāraḥ pṛthakpṛthak |
sāmānyaḥ saviśeṣaśca svadharmaḥ sa udīryate || 11 ||
[Analyze grammar]

nṛṇāṃ sādhāraṇaṃ dharmaṃ sarveṣāmāditaḥ śṛṇu |
ahiṃsā paramo dharmastatrādima udāhṛtaḥ || 12 ||
[Analyze grammar]

svamukhyadharmavṛtyorapyadroho manasāpi yaḥ |
sati gatyantare prāṇimātrasyāpīti sā matā || 13 ||
[Analyze grammar]

satyā vāgbhūtamātrasya droho na syādyayā tathā |
tapaśca śāstravihitabhogasaṃkocalakṣaṇam || 14 ||
[Analyze grammar]

bāhyamābhyantaraṃ ceti dvividhaṃ śaucakarma ca |
anādānaṃ parasvasya parokṣaṃ vā chalena ca || 15 ||
[Analyze grammar]

yathocitaṃ brahmacaryakāmalobhakrudhāṃ jayaḥ |
mudā vittārpaṇaṃ pātre tuṣṭirlabdhena daivataḥ || 16 ||
[Analyze grammar]

tīrthe kṣetre ca yajñādau caturvargāptayepi vā |
ātmano vā parasyāpi sarvathā ghātavarjanam || 17 ||
[Analyze grammar]

jātibhraṃśakarāṇāṃ ca karmaṇāṃ parivarjanam |
pāṇipādodaropasthavācāṃ saṃyamanaṃ tathā || 18 ||
[Analyze grammar]

sarveṣāṃ vyasanānāṃ ca varjanaṃ madyamāṃsayoḥ |
vyabhicārānnivṛttiśca kulasaddharmapālanam || 19 ||
[Analyze grammar]

ekādaśīnāṃ sarvāsāṃ yamaiḥ sākamupoṣaṇam |
harerjanmadinānāṃ ca vratācaraṇamañjasā || 20 ||
[Analyze grammar]

ārjavaṃ sādhusevā ca vibhajyā'nnādibhojanam |
bhaktirbhagavataśceti dharmāḥ sādhāraṇā nṛṇām || 21 ||
[Analyze grammar]

brahmakṣatraviśaḥ śūdrā varṇāścatvāra īritāḥ |
teṣāṃ pṛthakpṛthagdharmānviśeṣānvacmi te mune || 22 ||
[Analyze grammar]

śamo damaḥ kṣamā śaucamāstikyaṃ bhaktirīśituḥ |
tapo jñānaṃ ca vijñānaṃ vipradharmaḥ svabhāvajaḥ || 23 ||
[Analyze grammar]

śūratvaṃ dhairyamaudārya balaṃ tejaḥ śaraṇyatā |
goviprasādhurakṣejyā dharmāḥ kṣatrasya kīrttitāḥ || 24 ||
[Analyze grammar]

rājñastvete'tha nītyaiva prajānāṃ paripālanam |
dharmasaṃsthāpanaṃ bhūmau dharmā daṇḍārhadaṇḍanam || 25 ||
[Analyze grammar]

āstikyaṃ dānaniṣṭhā ca sādhubrāhmaṇasevanam |
atuṣṭirarthopacaye dharmā vaiśyasya codyamaḥ || 26 ||
[Analyze grammar]

dvijātīnāṃ ca devānāṃ sevā niṣkapaṭaṃ gavām |
viśeṣadharmaḥ kathitaḥ śūdrasya munisattama || 27 ||
[Analyze grammar]

adhyāpanaṃ yājanaṃ ca viśuddhācca pratigrahaḥ |
viprasya jīvikā proktā tatrāntyā tvāpadi smṛtā || 28 ||
[Analyze grammar]

yājane'dhyāpane vāpi doṣadarśī dvijottamaḥ |
yastasyā'nyāpi vihitā vṛttirasti caturvidhā || 29 ||
[Analyze grammar]

śiloñcha nityayācñā ca śālīnaṃ cocitā kṛṣiḥ |
śreyasī pūrvapūrvā'tra jñātavyā dvijasattamaiḥ || 30 ||
[Analyze grammar]

vipro jīvedvaiśyavṛttyā satyāmāpadi nārada |
atha vā kṣatravṛttyāpi śvavṛttyā na tu karhicit || 31 ||
[Analyze grammar]

śastreṇa jīvetkṣatraṃ tu sarvato dharmarakṣayā |
āpanno vaiśyavṛttyaiva viprarūpeṇa vā caret || 32 ||
[Analyze grammar]

karādānādinṛpateraviprādvṛttirīritā |
deśakālānusāreṇa rañjayitvā'khilāḥ prajāḥ || 33 ||
[Analyze grammar]

āpatkālepi kṣatrasya brāhmaṇasyeva sarvathā |
vigarhitā nīcasevā svatejaḥkṣayakāriṇī || 34 ||
[Analyze grammar]

kṛṣivāṇijyagorakṣā turīyā vṛddhijīvanam |
vaiśyasya jīvikā proktā śūdravṛttistathāpadi || 35 ||
[Analyze grammar]

śūdro jīveddvijātīnāṃ sevālabdhadhanena ca |
āpatkāle tu kārvāderjīvikāvṛttimāśrayet || 36 ||
[Analyze grammar]

āpanmuktastu sarvopi prāyaścittaṃ yathocitam |
vidhāya svasvavṛttyaiva punarvartteta mukhyayā || 37 ||
[Analyze grammar]

cāturvarṇyaṃ satāṃ saṃgaṃ kuryānna tvasatāṃ kvacit |
muktipradosti satsaṃgaḥ kusaṃgo nirayapradaḥ || 38 ||
[Analyze grammar]

kāmaṃ krodhaṃ rasāsvādaṃ jitvā mānaṃ ca matsaram |
nirdambhaṃ viṣṇubhaktā ye te santaḥ sādhavo matāḥ || 39 ||
[Analyze grammar]

striyāṃ straiṇe rasāsvāde saktāśca dhanagṛdhnavaḥ |
hiṃsrā dambhakṛtāṭopā bhaktābhāsā hyasādhavaḥ || 40 ||
[Analyze grammar]

asādhuṣvāsurī saṃpaddaivī saṃpattu sādhuṣu |
sahajāstīti niścitya sevyā santaḥ sukhepsubhiḥ || 41 ||
[Analyze grammar]

yādṛśāṃ yasya saṃgaḥ syācchāstrāṇāṃ vā nṛṇāmapi |
buddhiḥ syāttādṛśī tasya kāryo'to nāsatāṃ hi saḥ || 42 ||
[Analyze grammar]

ye sādhusevārucayaḥ puruṣā nijaśaktitaḥ |
aprāpyaṃ nāsti teṣāṃ vai kimapyaiśvaryamūrjitam || 43 ||
[Analyze grammar]

svadharmasthā api satāṃ drohiṇo ye tu mānavāḥ |
sadgatiṃ naiva te yānti kvāpi kenāpi karmaṇā || 44 ||
[Analyze grammar]

mahāpūjāratā viṣṇorbhaktā api satāṃ yadi |
drohaṃ kuryustadā teṣu na prasīdati sa kvacit || 45 ||
[Analyze grammar]

saddrohiṇastu dehānte yāṃyāṃ yoniṃ brajanti ca |
tatratatra kṣudhārogaiḥ pīḍyante jīvitāvadhi || 46 ||
[Analyze grammar]

satāmatikramādeva puṇyānāṃ mahatāmapi |
sadyaḥ kṣayaḥ syātsarveṣāmāyuṣaḥ saṃpadāmapi || 47 ||
[Analyze grammar]

tasmātsevā satāṃ kāryā sarvairapi sukhepsubhiḥ |
puṇyatīrthāni sevyāni pūjyā viprāśca dhenavaḥ || 48 ||
[Analyze grammar]

tīrthāni devapratimā nindeyurye kubuddhayaḥ |
teṣāṃ tu jārajātānāṃ vaṃśocchedo bhaveddhruvam || 49 ||
[Analyze grammar]

ekasmiṃstarpite vipre sadbhojyairdakṣiṇādibhiḥ |
tarpitaṃ syājjagatsarvaṃ haristuṣyati ca svayam || 50 ||
[Analyze grammar]

ekasminbrāhmaṇe drugdhe drugdhaṃ syātsakalaṃ jagat |
tasmācchaktyā pūjanīyā brāhmaṇā viṣṇurūpiṇaḥ || 51 ||
[Analyze grammar]

gavāmaṃgeṣu tiṣṭhanti sarve devagaṇā api |
tathā sarvāṇi tīrthāni tāsu tiṣṭhanti sarvadā || 52 ||
[Analyze grammar]

gavyarccitāyāmekasyāṃ sarve devāḥ samarccitāḥ |
kṛtāni syuśca sarvāṇi tīrthānyapi ca nārada || 53 ||
[Analyze grammar]

ekasyā api gordrohe kṛte kvāpi pramādataḥ |
drugdhāḥ syurdevatāḥ sarvāstīrthānyapi ca kṛtsnaśaḥ || 54 ||
[Analyze grammar]

tasmāccāturvarṇya janairyathoktavidhisaṃsthitaiḥ |
bhavitavyaṃ prayatnena tretavyaṃ ca niṣedhataḥ || 55 ||
[Analyze grammar]

cāturvarṇyetare ye tu teṣāṃ vṛttiḥ kulocitā |
cauryahiṃsādyadharmeṇa rahitaiva hitāvahā || 56 ||
[Analyze grammar]

varṇadharmā iti proktāḥ saṃkṣepeṇa mayā mune |
caturṇāmāśramāṇāṃ ca dharmānatha vadāmi te || 57 ||
[Analyze grammar]

iti śrīskānde mahāpurāṇa ekāśītisāhasryāṃ saṃhitāyāṃ dvitīye vaiṣṇavakhaṇḍe śrīvāsudevamāhātmye cāturvarṇyadharmanirūpaṇaṃ nāma viṃśo'dhyāyaḥ || 20 ||
[Analyze grammar]