Chapter 15

[English text for this chapter is available]

brahmovāca |
vicāryyā'haṃ vedānmuhurupagato niścayamimaṃ ramārāme bhaktistvayi dṛḍhatarā yarhyasubhṛtām |
bhavettarhyevaiṣāṃ kṣayavirahitā bhoganikarāstathā syurlokā vai paramapuruṣātyaṃtikagatiḥ || 1 ||
[Analyze grammar]

ajānantastvitthaṃ bhṛtarajatamaskānapi hare bhajantyasmāndevānbahuvidhataporccāsaraṇibhiḥ |
ta evoktā mūḍhāḥ kṣayarahitasaukhyaṃ na kuhacillabhante'tastvāṃ vai nijahṛdi dadhe keśavamaham || 2 ||
[Analyze grammar]

śaṃkara uvāca |
trayī sāṃkhyavedāṃtayogāḥ purāṇaṃ tathā pañcarātraṃ prabho dharmaśāstram |
tavaivātimāhātmyamekasya nityaṃ prakārairanekairhi gāyaṃti bhaktyā || 3 ||
[Analyze grammar]

tvadeveśa śāstrāṇi caitāni bhūmno babhūvustvadekāśrayāṇyādikalpe |
ramāsevyapādāmbujaṃ śāstrayoniṃ tamādyaṃ bhavantaṃ bhaje vāsudevam || 4 ||
[Analyze grammar]

dharma uvāca |
kathā tvadīyā bhavapāśamocanī sudhaiva tāpatrayataptadehinām |
anekajanmāghacayāpahāriṇī tanoti bhaktiṃ vayunaṃ tavāñjasā || 5 ||
[Analyze grammar]

sadaiva sā karṇapathena hṛddarī viśatvanantābhidha sammukhodgatā |
mama tvadanyā haratācca vāsanā dayābdhaye te prabhaviṣṇave namaḥ || 6 ||
[Analyze grammar]

prajāpataya ūcuḥ |
dhanyā ete kalpavṛkṣā yadīyāṃ chāyāmetāmāśritastvaṃ sahaśrīḥ |
dhanyaḥ kartā maṇḍapasyāsya te vai dhanyaiṣā bhūryatra pīṭhaṃ taveśa || 7 ||
[Analyze grammar]

dhanyo loke nūnameṣomburāśiḥ sākṣāttubhyaṃ yena dattā svakanyā |
dhanyāścaite tvāṃ vayaṃ vīkṣamāṇā dhanyeśānaṃ śrīpatiṃ tvāṃ natāḥ smaḥ || 8 ||
[Analyze grammar]

manava ūcuḥ |
dharmaḥ khalu sa hi paramo dharmebhyo mādhava sakalebhyopi |
bhaktirbhavati yato vai dharmabhuvi tvayi hi niravadyā || 9 ||
[Analyze grammar]

dharmātmānaṃ bhagavandharmadhurīṇaṃ ca dharmapātāram |
sarvātipriyadharmaṃ numastvāṃ dharmasaṃbhūtim || 10 ||
[Analyze grammar]

ṛṣaya ūcuḥ |
bhaktyā hīnastvadvimukho vayunārthī śrāmyanbhūyopyasya na siddhiṃ samupaiti |
tarhyāsaktaḥ karmaṇi kāmye tu kutosau saukhyaṃ yāyādakṣayamānandamahābdhe || 11 ||
[Analyze grammar]

bhaktyā nityaṃ tvāmata eva vayaṃ vai śraddhāyuktā dharmataponigamādyaiḥ |
māyātītaṃ kālaniyantāramudāraṃ dhyāyāmaḥ śrīkāntaparātparamekam || 12 ||
[Analyze grammar]

indra uvāca |
bhagavannuruduḥkhitā vayaṃ nanu durvāsasa eva helanāt |
na bhavantamṛte'vituṃ hi no vidhirudrapramukhā ime'śakan || 13 ||
[Analyze grammar]

vigatākhilasaṃpado nirannāḥ samabhāvaṃ bhuvi pāmarairupetāḥ |
bhavataiva vayaṃ hṛtāpadaḥ smaḥ sapadi śrīharaye namostu tubhyam || 14 ||
[Analyze grammar]

agniruvāca |
gīrvāṇadānavanarādyupajīvanānnaṃ yannirmitaṃ hi bhavataiva tato budhāstu |
yajñeṣu tena yajanaṃ tava kurvate'tho tvaccheṣamanyadiviṣadbhya upānayanti || 15 ||
[Analyze grammar]

kāmyeṣu karmasu ratā api yājñikāste tatkarmabandhanata āśu vimucya yānti |
brāhmīṃ gatiṃ taditare tu bhavanti caurāḥ śrīyajñapūruṣamahaṃ praṇamāmi taṃ tvām || 16 ||
[Analyze grammar]

maruta ūcuḥ |
bhaktā ekāntikāste'kṣaraparamapade sevayā te tu hīnaṃ vāsaiśvaryādi necchantyatiśayitasukhaṃ nāpi kaivalyamokṣam |
tadyuktaṃ tvātmanopi śvapacakulajanurmānayantyuttamaṃ vai taṃ tvāmekāntadharmāśrayaṇamupagatāḥ śrīmahāpūruṣaṃ smaḥ || 17 ||
[Analyze grammar]

siddhā ūcuḥ |
naikabrahmāṇḍasargādikāraṇaṃ tvāmakāraṇam |
tatsthaṃ tadvyatiriktaṃ ca niyantāraṃ namāmahe || 18 ||
[Analyze grammar]

rudrā ūcuḥ || māyāyāḥ sarvamohinyā mohanaṃ mohavarjitam |
mahākālasyāpi kālaṃ tvāṃ namaḥ puruṣottamam || 19 ||
[Analyze grammar]

ādityā ūcuḥ |
prakāśitā yena vayaṃ jaganti prakāśayāmo bhavatā rameśa |
svayaṃprakāśaṃ tamuruprakāśaṃ prakāśamūrttiṃ praṇatā bhavantam || 20 ||
[Analyze grammar]

sādhyā ūcuḥ |
śāstā nṛpāṇāṃ ca mahoragāṇāṃ daityādhipānāṃ ca surādhipānām |
tvaṃ vai manūnāṃ ca prajāpatīnāṃ rājādhirājāya namostu tubhyam || 21 ||
[Analyze grammar]

vasava ūcuḥ |
bhavati bhuvi yadāyadā'surāṃśaiḥ prathitasanātanadharmadhārmikāṇām |
kadanamuru tadātadā svayaṃ te hyavatarate praṇamāma dharmagoptre || 22 ||
[Analyze grammar]

cāraṇā ūcuḥ |
caritraṃ śubhaṃ te dhṛtānekamūrtteḥ prabandhairanekairhi gāyanti bhaktāḥ |
yadu śrotṛvaktṝnpunātyeva sadyo vayaṃ taṃ natāḥ puṇyakīrttiṃ bhavantam || 23 ||
[Analyze grammar]

gandharvāpsarasa ūcuḥ |
ye kathāste vihāyānyagāthāḥ prabho kīrttayante'tha śṛṇvanti vā te janāḥ |
duḥkhitāḥ syuśca saṃsārapāśaiḥ sitāstaṃ natāḥ smaḥ śaraṇyaṃ bhavantaṃ vayam || 24 ||
[Analyze grammar]

samudra uvāca |
ajita tavā'tha tāvakajanasya mudā'lpamapi draviṇa jalānnavastranamanānyatamena sakṛt |
carati ha sevanaṃ sa padavīṃ mahatīṃ mahatāṃ vrajati janolpakopi tamahaṃ praṇataḥ karuṇam || 25 ||
[Analyze grammar]

pārṣadā ūcuḥ |
pitaro tvamasi svajanastvamasi tvamasīṣṭaguruḥ suhṛdātmapatiḥ |
tvamasīśvara eva ca naḥ paramastvamasi draviṇaṃ sakalaṃ tvamasi || 26 ||
[Analyze grammar]

mūrttiruvāca |
yatsaṃbandhata eva yānti padavīmuccāṃ mahadbhirnnutāṃ strīśūdrāsuranīcapakṣipaśavaḥ pāpātmajīvā api |
yaddhīnā vibudheśvarā api bhavantyarccojjhitāstatkṣaṇaṃ golokādhipatiṃ tameva hṛdaye nityaṃ bhaje tvāmaham || 27 ||
[Analyze grammar]

sāvitryuvāca |
tvaṃ sargakāle prakṛtiṃ ca pūruṣaṃ dṛṣṭyā svayotthāpya tatastadātmanā |
tattvāni sṛṣṭvā mahadādimānitairnnaikānvirājo bahudhā sasarjitha || 28 ||
[Analyze grammar]

vairājarūpeṇa jagadvidhātṛtāṃ svīkṛtya devāsuramānuṣoragān |
tvaṃ sthāvaraṃ jaṃgamamīśa nirmame tvāmādikartāramupāśritāsmyaham || 29 ||
[Analyze grammar]

durgovāca |
priyatayā'dhikayā hṛdi cintanaṃ vidadhate tava ye bhuvi te vibho |
na parameṣṭhisukhaṃ na divaḥ sukhaṃ na kamayanti dharaikanareśatām || 30 ||
[Analyze grammar]

prasabhamarpitamapyatulaṃ tvayā sukhamidaṃ samavāpya ca tatra te |
tadapahāya na śaktikṛtaḥ kṣaṇaṃ tamu namāmi ca sātvatanāyakam || 31 ||
[Analyze grammar]

nadya ūcuḥ |
varada namanamātraṃ nāmasaṃkīrtanaṃ vā vidadhati tava ye vai jñānato'jñānato vā |
janimṛtiyamabhītestānapi trāyamāṇaṃ narasakhamupayātāḥ smo'dya nārāyaṇaṃ tvām || 32 ||
[Analyze grammar]

devapatnya ūcuḥ |
bhuvi dhṛtākṛterjanma maṅgalaṃ caritamadbhutaṃ lokapāvanam |
bhavati nirguṇaṃ sarvameva te bhavasi nirguṇabrahma yatparam || 33 ||
[Analyze grammar]

tava samāśrayāttāmasā janā api ca rājasāḥ sāttvikāśca ye |
nanu bhavanti te nirguṇāstato vayamupāsmahe tvāṃ hi nirguṇam || 34 ||
[Analyze grammar]

ṛṣipatnya ūcuḥ |
ārtānāmuruvṛjinaistridhā ca tāpaiḥ sarvāpatpraśamanamekameva viṣṇoḥ |
pādābjaṃ tava bhavatīti tadvayaṃ vai prāptāḥ smaḥ śaraṇamananta devadeva || 35 ||
[Analyze grammar]

pṛthivyuvāca |
pūrṇaśāradasudhākarānanaṃ śāradābjadaladīrghalocanam |
śrīviyogabahudhārtimocanaṃ vā'sudevamahamekamāśraye || 36 ||
[Analyze grammar]

sarasvatyuvāca |
nayane mamācyuta tavātisundare mukhaśītarociṣi cakoratāṃ gate |
na hi gacchato'nyata itīyameva me hṛdi mūrtirastu satataṃ nahītarā || 37 ||
[Analyze grammar]

skanda uvāca |
iti stuto'khilairdevaiḥ sobhinandya dṛśaiva tān |
prāha śriyaṃ śubhe paśya devādīṃstvamimāniti || 38 ||
[Analyze grammar]

tataḥ samīkṣitāḥ prītyā tayā madhurayā dṛśā |
trilokīvāsinaḥ sarve ṛddhā āsanyathā purā || 39 ||
[Analyze grammar]

lebhire svasvaṛddhiṃ te gṛhiṇastyāginopi ca |
dharmādayaśca sānandaṃ pracaranti sma pūrvavat || 40 ||
[Analyze grammar]

tasyāḥ śriyaśca bhagavāndadau sthānamuraḥ svakam |
tatra sthitvaiva sā vyāpattrailokyaṃ saṃpadātmanā || 41 ||
[Analyze grammar]

tato ratnākaraḥ svasmācchrījaneranubhāvataḥ |
babhūvānvarthasaṃjño vai saṃpūrṇakṣayaratnavān || 42 ||
[Analyze grammar]

caturvidhairbahurasaiḥ sadannairamṛtopamaiḥ |
sarvānsamāgatāṃstatra tarpayāmāsa sādaram || 43 ||
[Analyze grammar]

anarghyāṇi ca vastrāṇi ratnabhūṣāḥ paricchadān |
devādibhyo dadau prītyā sarvebhyopi pṛthakpṛthak || 44 ||
[Analyze grammar]

jāmātustuṣṭaye svasya tadīyebhyastadāmbudheḥ |
nāsītkimapyadeyaṃ vai ghanavaddhanavarṣiṇaḥ || 45 ||
[Analyze grammar]

bhagavānapi taddattaṃ yautakaṃ ca dhanaṃ bahu |
brāhmaṇebhyaḥ pradāyaiva śriyā saha tirodadhe || 46 ||
[Analyze grammar]

lakṣmīnārāyaṇābhyāṃ te bhṛśamānanditāḥ surāḥ |
indrādayo divaṃ jagmuḥ svaṃsvaṃ dhāmā'pare yayuḥ || 47 ||
[Analyze grammar]

adhikāraṃ ca saṃprāpya yathāpūrvaṃ nijaṃnijam |
sarvepi sukhino jātāḥ prasādātkamalāpateḥ || 48 ||
[Analyze grammar]

mandaraṃ ca giriṃ tārkṣyaḥ punarbhagavadājñayā |
svasthānaṃ samupānīya sthāpayāmāsa līlayā || 49 ||
[Analyze grammar]

evamindreṇa brahmarṣe naṣṭā brāhmaṇaśāpataḥ |
upalabdhā punaḥ saṃpannārāyaṇaprasādataḥ || 50 ||
[Analyze grammar]

ya etāṃ śṛṇuyātpuṇyāṃ kathāṃ bhagavato mune |
kīrtayetprayato vāpi saṃpadaṃ prāpnuto hi tau || 51 ||
[Analyze grammar]

gṛhiṇāṃ dhanasiddhiḥ syāttyāgināṃ ca yathepsitā |
bhaktijñānavirāgāderbhavetsiddhiranena vai || 52 ||
[Analyze grammar]

iti te kathitaṃ brahmanyathendraḥ prāpa saṃpadam |
nāradopi yathā śvetaṃ dvīpaṃ sa gatavānṛṣiḥ |
tatte sarvaṃ pravakṣyāmi śṛṇuṣvaikena caitasā || 53 ||
[Analyze grammar]

iti śrīskānde mahāpurāṇa ekāśītisāhasryāṃ saṃhitāyāṃ dvitīye vaiṣṇavakhaṇḍe śrīvāsudevamāhātmye lakṣmīnārāyaṇastutinirūpaṇaṃ nāma pañcadaśo'dhyāyaḥ || 15 ||
[Analyze grammar]