Chapter 8

[English text for this chapter is available]

sāvarṇiruvāca |
maharṣivāritairddevaistyakte hiṃsāmaye makhe |
punaḥ kathaṃ saṃpravṛttā makhāḥ sarvatra tādṛśāḥ || 1 ||
[Analyze grammar]

deveṣvṛṣiṣu bhūpeṣu prācīnādhunikeṣu ca |
sanātanaḥ śuddhadharmo viparyāsaṃ kathaṃ gataḥ || 2 ||
[Analyze grammar]

atra me saṃśayo bhūyānsaṃjāto'dya ṣaḍānana |
tvaṃ sarvaśāstratattvajñastamapākarttumarhasi || 3 ||
[Analyze grammar]

skanda uvāca |
kālo balīyānbalināṃ bhidyante tena buddhayaḥ |
kāmakrodharasāsvādalobhamānavatāṃ mune || 4 ||
[Analyze grammar]

atikrameṇa mahatāṃ yathārthahitabhāṣiṇām |
krodhamānavaśātpuṃsāṃ naśyantyeva ca saddhiyaḥ || 5 ||
[Analyze grammar]

akāryamapi te kartuṃ tadānīṃ tu budhā api |
pravarttante'nutapyante bambhramyante'tha saṃsṛtau || 6 ||
[Analyze grammar]

kāmādibhirvihīnā ye sātvatāḥ kṣīṇavāsanāḥ |
teṣāṃ tu buddhibhedāya kvāpi kālo na śaknute || 7 ||
[Analyze grammar]

anāśritastu saddharmaṃ pumānkaścana karhicit |
saṃsṛtermmucyate naiva satyametadvaco mama || 8 ||
[Analyze grammar]

pravṛttiṃ hiṃsrayajñāderatha te dvijasattama |
kathayāmi yathā pūrvaṃ mayā'śrāvi piturmukhāt || 9 ||
[Analyze grammar]

atrāpyudāharantīmamitihāsaṃ purātanam |
nārāyaṇasya māhātmyaṃ yatra lakṣmyāśca kīrtitam || 10 ||
[Analyze grammar]

munīnāṃ bṛhatāṃ teṣāmatikramaṇadoṣataḥ |
indrasyāsīdviśvajitaḥ sadbuddhivilayo mune || 11 ||
[Analyze grammar]

durvāsāḥ śaṃkarasyāṃśastapasvī munirekadā |
caranyadṛcchayā lokānpuṣpabhadrāṃ nadīṃ yayau || 12 ||
[Analyze grammar]

jalakrīḍārthamāyāṃtīṃ svargāttatra sakhīvṛtām |
vidyādharasya sumateraṅganāṃ sa samaikṣata || 13 ||
[Analyze grammar]

svargaṅgāhemakamalairgrathitāmatisaurabhām |
dadhatīṃ dakṣiṇe pāṇau srajaṃ madakalābhidhām || 14 ||
[Analyze grammar]

tāmavekṣya munistasyāḥ samīpamupagamya saḥ |
unmattavadyayāce tāṃ srajaṃ vidyādharīdhṛtām || 15 ||
[Analyze grammar]

sāpi praṇamya taṃ sadyo māhātmyaṃ tasya jānatī |
tatkaṃṭhe dhārayāmāsa mālāṃ tāṃ paramādarāt || 16 ||
[Analyze grammar]

tataḥ prītamanā gacchangāyannunmattavanmuniḥ |
dadarśa pathi devendramāyāntaṃ tāṃ mahānadīm || 17 ||
[Analyze grammar]

apsarobhiśca gandharvaiḥ satālaṃ madhurasvaram |
upagīyamānavijayamadhirūḍhaṃ gajādhipam || 18 ||
[Analyze grammar]

rambhāmadhurasaṃgītaśravaṇānandanirvṛtam |
tanmukhābjasthiradṛśaṃ chatracāmaraśobhitam || 19 ||
[Analyze grammar]

anavekṣamāṇamātmānaṃ taṃ dṛṣṭvā so'trinandanaḥ |
svakaṇṭhasthāṃ srajaṃ tasmiṃścikṣeponmattavaddhasan || 20 ||
[Analyze grammar]

indropyadharmasargeṇa samāviṣṭaḥ puraiva yat |
tatastadā kāmavaśastāṃ nyadhādgajakumbhayoḥ |
tatsaurabhākṛṣṭacetāḥ karīndraḥ śuṇḍayā'kṛṣat || 21 ||
[Analyze grammar]

karātsā patitā bhūmau tāṃ ca gacchankarī padā |
mamardda paśyatastasya maharṣestapasāṃ nidheḥ || 22 ||
[Analyze grammar]

tataḥ kruddhaḥ sa durvāsāḥ pralayāgnyaruṇekṣaṇaḥ |
prāhendraṃ matta duṣṭātmanstabdhosi kāmalampaṭa || 23 ||
[Analyze grammar]

śriyo dhāma srajaṃ prītyā maddattāṃ nābhinandasi |
praṇāmamapi re mūḍha na karoṣi tvamunmadaḥ || 24 ||
[Analyze grammar]

na vīkṣase māmapi tvaṃ tvādṛṅmattaikaśikṣakam |
trailokyarājyaprāptāndhyaḥ samyaktvāṃ śikṣaye'dhunā || 25 ||
[Analyze grammar]

yasyāḥ prasādāttrailokyarājyasaukhyaṃ tvamāptavān |
saiva śrīḥ satrilokaṃ tvāṃ hitvā līnā'stu sāgare || 26 ||
[Analyze grammar]

vajrapātopamaṃ vākyaṃ tanniśamyaiva tatkṣaṇam |
gajādutplutya vimadastadaṃghryornyapataddhari || 27 ||
[Analyze grammar]

prārthayāmāsa ca muhuḥ praṇamaṃstaṃ savepathuḥ |
prasādaṃ mayi dāse tvaṃ kṛpālo kartumarhasi || 28 ||
[Analyze grammar]

taṃ prāhā'tha sa re śakra nāhaṃ vai gautamo muniḥ |
akṣamāsārasarvasvaṃ durvāsasamavehi mām || 29 ||
[Analyze grammar]

anye te munayo duṣṭāstāvakāste'nuvarttinaḥ |
ahaṃ tu tvādṛśānkīṭāngaṇaye naiva niḥspṛhaḥ || 30 ||
[Analyze grammar]

jvalajjaṭākalāpācca bhrukuṭīkuṭilekṣaṇāt |
ko vā na bibhiyānmatto brahmāṇḍe pāpakarmakṛt || 31 ||
[Analyze grammar]

iti śrīskānde mahāpurāṇa ekāśītisāhasryāṃ saṃhitāyāṃ dvitīye vaiṣṇavakhaṇḍe śrīvāsudevamāhātmye devendraśāpo nāmā'ṣṭamo'dhyāyaḥ || 8 ||
[Analyze grammar]