Chapter 7

[English text for this chapter is available]

skanda uvāca |
bhūmadhyagaḥ sa rājā'tha svakṛtaṃ karma garhayan |
anutapyamānaśca bhṛśaṃ mānayaṃstābṛhanmunīn |
jajāpa bhagavanmantraṃ tryakṣaraṃ manasā sadā || 1 ||
[Analyze grammar]

tatrāpi parayā bhaktyā pañcakālaṃ svacetasā |
ayajaddhariṃ surapatiṃ bhūmervivara ādarāt || 2 ||
[Analyze grammar]

tato'sya tuṣṭo bhagavānvāsudevo jagatpatiḥ || āpadyapi yathākālaṃ yathāśāstraṃ svamarcataḥ || 3 ||
[Analyze grammar]

varado bhagavānviṣṇuḥ samīpasthaṃ dvijottamam || garutmantaṃ mahāvegamābabhāṣe svayaṃ tataḥ || 4 ||
[Analyze grammar]

śrībhagavānuvāca |
dvijottama mahābhāga gamyatāṃ vacanānmama |
samrāḍrājā vasurnāma dharmātmā māṃ samāśritaḥ || 5 ||
[Analyze grammar]

brahmātikramadoṣeṇa praviṣṭo vasudhātalam |
tanmānanā kṛtā tena tadgacchādya tadantikam || 6 ||
[Analyze grammar]

bhūmervivarasaṃguptaṃ garuḍainaṃ mamājñayā |
adhaścaraṃ nṛpaśreṣṭhaṃ khecaraṃ kuru mā ciram || 7 ||
[Analyze grammar]

skanda uvāca |
garutmānatha vikṣipya pakṣau mārutavegavān |
viveśa vivaraṃ bhūmyā yatrāste vāgyato vasuḥ || 8 ||
[Analyze grammar]

tata enaṃ samutkṣipya svacañcvā vinatā sutaḥ |
utpapāta nabhastūrṇaṃ tatra cainamamuñcata || 9 ||
[Analyze grammar]

tasminmuhūrtte saṃjajñe rājoparicaraḥ punaḥ |
saśarīro gataḥ svargaṃ paramaṃ sukhamāptavān || 10 ||
[Analyze grammar]

evaṃ tenāpi brahmarṣe vāgdoṣātsadavajñayā |
prāptā gatirayajvārhā dharmajñena mahātmanā || 11 ||
[Analyze grammar]

kevalaṃ puruṣastena sevito harirīśvaraḥ |
tataḥ śīghraṃ jahau pāpaṃ svargalokamavāpa ca || 12 ||
[Analyze grammar]

bhuñjāno vividhaṃ saukhyaṃ manobhīṣṭaṃ ca tatra saḥ |
uvāsānyo yathā śakro gīyamānayaśāḥ suraiḥ || 13 ||
[Analyze grammar]

tamekadā vimānena carantaṃ sūryasannibham |
adrikāpsarasā yuktamacchodā samavaikṣata || 14 ||
[Analyze grammar]

sā hi somapadasthānāṃ pitṝṇāṃ mānasī sutā |
agniṣvāttābhidhānānāmamūrttānāṃ mahātmanām || 15 ||
[Analyze grammar]

amūrttatvātpitṝnsvānsā na jānantī śucismitā |
taṃ vasuṃ pitaraṃ mene sa ca tāmātmajāmiva || 16 ||
[Analyze grammar]

tau tataḥ pitaraḥ śepurbhāvaṃ dṛṣṭvedṛśaṃ tayoḥ |
kanye tvamasya nṛpaterbhuvi kanyā bhaviṣyasi || 17 ||
[Analyze grammar]

vaso tvaṃ mānuṣo bhūtvā sutāmenāṃ svayoṣiti |
asyāmevāpsarāyāṃ tvaṃ janayiṣyasi niścitam || 18 ||
[Analyze grammar]

itthaṃ tau pitṛbhiḥ śaptau śāpamokṣāya tāstataḥ |
prārthayāmāsaturnnatvā tadocuste kṛpālavaḥ || 19 ||
[Analyze grammar]

avaśyamitthaṃ bhāvitvādyuvābhyāmupalambhitaḥ |
śāpo'yaṃ tatra yuvayoḥ śreya eva bhaviṣyati || 20 ||
[Analyze grammar]

aṣṭāviṃśe dvāpare tu vaso tvaṃ bhuvi bhūpateḥ |
kṛtayajñasya tanayo bhavitāsi mahātmanaḥ || 21 ||
[Analyze grammar]

tatrāpi ca yathedānīṃ tathā tvaṃ sakalairguṇaiḥ |
juṣṭaśca khacaro bhāvyo mahābhāgavatāgraṇīḥ || 22 ||
[Analyze grammar]

pañcarātroktavidhinā viṣṇumabhyarcya bhaktitaḥ |
taccheṣeṇa surāṃścāsmānarcayiṣyasi saprajaḥ || 23 ||
[Analyze grammar]

tatastvaṃ divyadehena svargalokamavāpsyasi |
divyānbhogāṃstatra bhuktvā prāpsyase vaiṣṇavaṃ padam || 24 ||
[Analyze grammar]

acchode tvamapi kṣoṇyāṃ nāmnā kālīti viśrutā |
svāṃśena matsyadehāyāmadrikāyāṃ janiṣyase || 25 ||
[Analyze grammar]

parāśarāttatra sutaṃ kanyeva prāpsyase harim |
prasādādeva tasya tvaṃ bhuktiṃ muktiṃ ca lapsyase || 26 ||
[Analyze grammar]

skanda uvāca |
itthaṃ sa pitṛbhiḥ śapto'nugṛhītaśca bhūpatiḥ |
kṛtayajñādiha janiṃ prāpyā'bhūdviśruto guṇaiḥ || 27 ||
[Analyze grammar]

yathā pūrvaṃ kṛṣṇabhakto daivapitryavidhānavit |
sakhye tasmai mahendraśca prādātpracurasaṃpadaḥ || 28 ||
[Analyze grammar]

śvetadvīpe vāsudevātprāpto yo vijayadhvajaḥ |
purā svenārināśārthaṃ tasmā indrastamapyadāt || 29 ||
[Analyze grammar]

antarikṣagatī rājā bhaumānbhogānsudurlabhān |
bhuktvānte svargalokaṃ ca divyadehena labdhavān || 30 ||
[Analyze grammar]

prākpuṇyaśeṣasya phalaṃ bhuñjansvamanasepsitān |
tatra bhogānbahuvidhāṃstīvraṃ vairāgyamāptavān || 31 ||
[Analyze grammar]

meroḥ śṛṅge'tha vijane śuciḥ kṛtadṛḍhāsanaḥ |
dadhyau svahṛdayāmbhoje sveṣṭadevaṃ ramāpatim || 32 ||
[Analyze grammar]

tyaktvā devavapuḥ so'tha yogadhāraṇayā muniḥ |
tataḥ sūkṣmaśarīreṇa prāpa bhāskaramaṇḍalam |
yadāhurnaiṣṭhikānāṃ ca muktidvāraṃ hi yoginām || 33 ||
[Analyze grammar]

tattejodagdhasūkṣmāṅgaḥ saccidūpo'tinirmalaḥ |
sa babhūva mahābhāgaḥ saṃkṣīṇāśeṣavāsanaḥ || 34 ||
[Analyze grammar]

tatastanmaṇḍalagatairātivāhikadaivataiḥ |
sa ninye vaiṣṇavaṃ dhāma śvetadvīpākhyamadbhutam || 35 ||
[Analyze grammar]

sa hi dvīpo bhuvisthopi bhavatyaprākṛto mune |
haribhaktajanāvāsaḥ prāpya ekāntabhaktibhiḥ || 36 ||
[Analyze grammar]

sa golokabrahmapuravaikuṇṭhānāṃ ca suvrata |
dvārabhūtosti bhaktānāṃ tallipsūnāṃ mahātmanām || 37 ||
[Analyze grammar]

yasya yaddhāmna icchā syādbhajatastaṃ tadeva hi |
prāpayanti śvetamuktā mune prāguktalakṣaṇāḥ || 38 ||
[Analyze grammar]

divyadeho'bhavattatra dhāmnya'sau śvetamuktavat |
prāpya golokadhāmā'tha paramānandamāptavān || 39 ||
[Analyze grammar]

itthamekāntikenaiva dharmeṇārādhayanti ye |
nārāyaṇaṃ paraṃ brahma śvetamuktā bhavaṃti te || 40 ||
[Analyze grammar]

etatte sarvamākhyātaṃ pṛṣṭavānyadbhavānmune |
sthitirekāṃtabhaktānāṃ śvetadhāmnaśca lakṣaṇam || 41 ||
[Analyze grammar]

iti śrīskānde mahāpurāṇa ekāśītisāhasryāṃ saṃhitāyāṃ dvitīye vaiṣṇavakhaṇḍe śrīvāsudevamāhātmya upīracaravasumokṣanirūpaṇaṃ nāma saptamo'dhyāyaḥ || 7 ||
[Analyze grammar]