Skanda Purana [sanskrit]

876,996 words | ISBN-10: 8170800978 | ISBN-13: 9788170800972

This Sanskrit edition of the Skandapurana. It is one of the largest of the eighteen Mahapuranas, covering over 80,000 shlokas (verses). It is divided into seven large section each covering holy regions detailing their background and legends.

[English text for this chapter is available]

agastya uvāca |
tīrthamanyatpravakṣyāmi kṣīrodakamiti smṛtam |
sītākuṇḍācca vāyavye varttate guṇasundaram |
puṇyaikanicayasthānaṃ sarvaduḥkhavināśanam || 1 ||
[Analyze grammar]

purā daśaratho rājā putreṣṭināma nāmataḥ |
cakāra vidhivadyajñaṃ putrārthaṃ yatra cādarāt || 2 ||
[Analyze grammar]

kratuṃ samāpayāmāsa sānando bhūridakṣiṇam |
yajñānte kratubhuktatra mūrtimānsamadṛśyata || 3 ||
[Analyze grammar]

haste kṛtvā hemapātraṃ haviḥpūrṇamanuttamam |
tasminhaviṣi saṃkīrṇaṃ vaiṣṇavaṃ teja uttamam |
caturvidhaṃ vibhajyaiva patnībhyo dattavānnṛpaḥ || 4 ||
[Analyze grammar]

yatra tatkṣīrasaṃprāptirjātā paramadurlabhā |
kṣīrodakamiti khyātaṃ tatsthānaṃ pāpanāśanam |
udakenābhivyaktaṃ ca uttamaṃ ca phalapradam || 5 ||
[Analyze grammar]

tatra snātvā naro dhīmānvijitendriya ādarāt |
sarvānkāmānavāpnoti putrāṃśca subahuśrutān || 6 ||
[Analyze grammar]

āśvine śuklapakṣasya ekādaśyāṃ jitavrataḥ |
tatra snātvā vidhānena dattvā śaktyā dvijanmane || 7 ||
[Analyze grammar]

viṣṇuṃ saṃpūjya vidhivatsarvānkāmānavāpnuyāt |
putrānavāpnuyādviddhi dharmāṃśca vidhivannaraḥ || 8 ||
[Analyze grammar]

tasmātkṣīrodakasthānānnairṛte digdale śritam |
khyātaṃ bṛhaspateḥ kuṇḍamuddaṃḍācaṃḍamaṃḍitam || 9 ||
[Analyze grammar]

sarvapāpapraśamanaṃ puṇyāmṛtataraṃgitam |
yatra sākṣātsuragururnivāsaṃ kila nirmame || 10 ||
[Analyze grammar]

yajñaṃ ca vidhivaccakre bṛhaspatirudāradhīḥ |
nānāmunigaṇairyuktaṃ ramyaṃ bahuphalapradam |
suparṇacchāyasaṃpannaṃ kuṇḍaṃ tatpāpidurllabham || 11 ||
[Analyze grammar]

indrādayo'pi vibudhā yatra snātvā prayatnataḥ |
manobhīṣṭaphalaṃ prāptāḥ sauṃdaryaudāryatuṃdilāḥ || 12 ||
[Analyze grammar]

yatra snānena dānena naro mucyeta kilbiṣāt || 13 ||
[Analyze grammar]

bhādre śukle tu paṃcamyāṃ yātrā tatra phalapradā |
anyadāpi gurorvāre snānaṃ bahuphalapradam || 14 ||
[Analyze grammar]

bṛhaspatestathā viṣṇoḥ pūjāṃ tatra ya ācaret |
sarvapāpavinirmukto viṣṇuloke sa modate || 15 ||
[Analyze grammar]

bhavedbṛhaspateḥ pīḍā yasya gocaravedhataḥ |
tenātra vidhivatsnānaṃ kāryaṃ saṃkalpapūrvakam || 16 ||
[Analyze grammar]

homaṃ kṛtvā gurormūrtiḥ suvarṇena vinirmitā |
sthitvā jale pradeyā vai pītāṃbarasamanvitā || 17 ||
[Analyze grammar]

vedajñāyātiśucaye snātvā pīḍāpanuttaye |
homaṃ ca kārayettatra grahajāpyavidhānataḥ || 18 ||
[Analyze grammar]

evaṃ kṛte na saṃdeho grahapīḍā praṇaśyati || 19 ||
[Analyze grammar]

taddakṣiṇe muniśreṣṭha rukmiṇīkuṇḍamuttamam |
cakāra yatsvayaṃ devī rukmiṇī kṛṣṇavallabhā || 20 ||
[Analyze grammar]

tatra viṣṇuḥ svayaṃ cakre nivāsaṃ salile tadā |
varapradānātsnehena bhāryāyāḥ praguṇīkṛtam || 21 ||
[Analyze grammar]

tatra snānaṃ tathā dānaṃ homaṃ vaiṣṇavamaṃtrakam |
dvijapūjāṃ viṣṇupūjāṃ kurvīta prayato naraḥ || 22 ||
[Analyze grammar]

tatra sāṃvatsarī yātrā karttavyā suprayatnataḥ |
ūrjakṛṣṇanavamyāṃ ca sarvapāpāpanuttaye || 23 ||
[Analyze grammar]

putravāñjāyate vandhyo yātrāṃ kṛtvā na saṃśayaḥ |
nārībhirvā narairvāpi karttavyaṃ snānamādarāt || 24 ||
[Analyze grammar]

bhuktvā bhogānsamagrāṃśca viṣṇuloke sa modate |
lakṣmīkāmanayā tatra snātavyaṃ ca viśeṣataḥ || 25 ||
[Analyze grammar]

sarvakāmamavāpnoti tatra snānena mānavaḥ |
rukmiṇīśrīpatiprītyai dātavyaṃ ca svaśaktitaḥ || 26 ||
[Analyze grammar]

karttavyā vidhivatpūjā brāhmaṇānāṃ viśeṣataḥ |
dhyeyo lakṣmīpatistatra śaṃkhacakragadādharaḥ || 27 ||
[Analyze grammar]

pītāṃbaradharaḥ sragvī nāradādibhirīḍitaḥ |
tārkṣyāsano mukuṭavānmahendrādivibhūṣitaḥ || 28 ||
[Analyze grammar]

sarvakāmaphalāvāptyai vakṣolakṣitakaustubhaḥ |
atasīkusumaśyāmaḥ kamalāmalalocanaḥ || 29 ||
[Analyze grammar]

evaṃ kṛte na saṃdehaḥ sarvānkāmānavāpnuyāt |
iha loke sukhaṃ bhuktvā hariloke sa modate || 30 ||
[Analyze grammar]

ataḥ paraṃ pravakṣyāmi tīrthamanyadaghāpaham |
kalikilviṣasaṃhārakārakaṃ pratyayātmakam || 31 ||
[Analyze grammar]

paraṃ pavitramatulaṃ sarvakāmārthasiddhidam |
dhanayakṣaitikhyātaṃ paraṃ pratyayakārakam || 32 ||
[Analyze grammar]

rukmiṇīkuṇḍavāyavyadigdale saṃsmṛtaṃ śubham |
hariścandrasya rājarṣerāsīttatra dhanaṃ mahat || 33 ||
[Analyze grammar]

tasya rakṣārthamatyarthaṃ rakṣito yakṣauccakaiḥ |
viśvāmitro muniḥ pūrvaṃ yadā caiva parājayat || 34 ||
[Analyze grammar]

hariścaṃdraṃ narapatiṃ rājyasūyakaraṃ param |
rājyaṃ jagrāha sakalaṃ caturaṃgabalānvitam || 35 ||
[Analyze grammar]

tadvaśe'dācca sa munirdhanaṃ sakalamuttamam |
tadrakṣāyai prayatnena yakṣaṃ sthāpitavānasau || 36 ||
[Analyze grammar]

pramaṃthura iti khyātaṃ pramodānandamaṃdiram |
rakṣāṃ vidadhatastasya bahuyatnena sarvaśaḥ || 37 ||
[Analyze grammar]

tutoṣa sa munirddhīmānkadācidvijitendriyaḥ |
uvāca madhuraṃ vākyaṃ prītyā paramayā yutaḥ || 38 ||
[Analyze grammar]

viśvāmitra uvāca |
varaṃ varaya dharmajña kṣiprameva vimatsaraḥ |
bhaktyā paramayā dhīra saṃtuṣṭo'smi viśeṣataḥ || 39 ||
[Analyze grammar]

yakṣa uvāca |
varaṃ prayacchasi yadi vipravarya madīpsitam |
mamāṃgamatidurgaṃdhi śāpācca nṛpaterabhūt |
sugandhayituṃ brahmarṣe tatprasīda munīśvara || 40 ||
[Analyze grammar]

agastya uvāca |
evamukte tu yakṣeṇa munirdhyānasthalocanaḥ |
taṃ vivicyānayā bhaktyā abhiṣekaṃ cakāra saḥ || 41 ||
[Analyze grammar]

tīrthodakena vidhivatkṛtvā saṃkalpamādarāt |
tataḥ so'bhūtkṣaṇenaiva sugandhottaravigrahaḥ || 42 ||
[Analyze grammar]

tathābhūtaḥ sa madhuraṃ provāca prāṃjalistataḥ |
punaḥ puraḥ sthito dhīmānvinayāvanatastadā || 43 ||
[Analyze grammar]

yakṣa uvāca |
tvatkṛpābhirahaṃ dhīra jātaḥ surabhivigrahaḥ |
etatsthānaṃ yathā khyātiṃ yāti sarvajña tatkuru || 44 ||
[Analyze grammar]

tvatprasādena viprarṣe tathā yatnaṃ vidhehi vai || 45 ||
[Analyze grammar]

agastya uvāca |
evamuktaḥ kṣaṇaṃ dhyātvā muniḥ stimitalocanaḥ |
yakṣaṃ prati prasannātmā hyuvāca ślakṣṇayā girā || 46 ||
[Analyze grammar]

viśvāmitra uvāca |
prasiddhimatulāṃ yakṣa etatsthānaṃ gamiṣyati |
dhanayakṣa iti khyātimetattīrthaṃ gamiṣyati || 47 ||
[Analyze grammar]

sauṃdaryyadaṃ śarīrasya paraṃ pratyayakārakam |
yatra snātvā vidhānena daurgaṃdhyaṃ tyajati kṣaṇāt |
tatra snānaṃ prayatnena karttavyaṃ puṇyakāṃkṣibhiḥ || 48 ||
[Analyze grammar]

dānaṃ śraddhāsvaśaktibhyāṃ lakṣmīpūjā viśeṣataḥ |
tatra snānena dānena lakṣmīprītyai viśeṣataḥ || 49 ||
[Analyze grammar]

pūjayā tu nidhīnāṃ ca navānāmapi suvrata |
iha loke sukhaṃ bhuktvā paraloke sa modate || 50 ||
[Analyze grammar]

mahāpadmastathā padmaḥ śaṃkho makarakacchapau |
mukundakuṃdanīlāśca kharvaśca nidhayo nava || 51 ||
[Analyze grammar]

eteṣāmapi kuṇḍe'tra saṃnidhirbhavitā'nagha |
eteṣāṃ tu viśeṣeṇa pūjā bahuphalapradā || 52 ||
[Analyze grammar]

jalamadhye prakarttavyaṃ nidhilakṣmīprapūjanam || 53 ||
[Analyze grammar]

annaṃ bahuvidhaṃ deyaṃ vāsāṃsi vividhāni ca || 54 ||
[Analyze grammar]

suvarṇādi yathāśaktyā vittaśāṭhyaṃ vivarjayet |
guptaṃ dānaṃ prayatnena karttavyaṃ suprayatnataḥ || 55 ||
[Analyze grammar]

phalāni ca suvarṇāni deyāni ca viśeṣataḥ || 56 ||
[Analyze grammar]

kṛṣṇapakṣe caturdaśyāṃ snānaṃ bahuphalapradam |
śraddhayā parayā yuktaiḥ karttavyaṃ śraddhayādhikam || 57 ||
[Analyze grammar]

māghe kṛṣṇacaturdaśyāṃ yātrā sāṃvatsarī bhavet |
tatra snānaṃ pitṝṇāntu tarpaṇaṃ ca viśeṣataḥ || 58 ||
[Analyze grammar]

ābrahmastambaparyaṃtaṃ jagattṛpyatviti bruvan |
apasavyena vidhivattarppayedaṃjalitrayam || 59 ||
[Analyze grammar]

evaṃ kurvannaro yakṣa na muhyati kadācana |
atra snāto divaṃ yāti atra snātaḥ sukhī bhavet || 60 ||
[Analyze grammar]

atra snātena te yakṣa karttavyaṃ pūjanaṃ puraḥ |
tvatpūjanena vidhivannṛṇāṃ pāpakṣayo bhavet || 61 ||
[Analyze grammar]

namaḥ pramatharājeti pūjāmantra udāhṛtaḥ |
tīrthamadhye prakarttavyaṃ pūjanaṃ śravaṇādikam || 62 ||
[Analyze grammar]

nidhilakṣmyo tathā yakṣa tava pūjā viśeṣataḥ |
evaṃ yaḥ kurute dhīraḥ sarvānkāmānavāpnuyāt || 63 ||
[Analyze grammar]

dhanārthī dhanamāpnoti putrārthī putramāpnuyāt |
mokṣārthī mokṣamāpnoti tatkiṃ na yadihāpyate || 64 ||
[Analyze grammar]

yastu mohānnaro yakṣa snānaṃ na kurute kila |
tasya sāṃvatsaraṃ puṇyaṃ tvaṃ grahīṣyasi sarvaśaḥ || 65 ||
[Analyze grammar]

iti dattvā varāṃstasmai viśvāmitro munīśvaraḥ |
antardadhe munivarastadā sa ca taponidhiḥ || 66 ||
[Analyze grammar]

tadāprabhṛti tatsthānaṃ paramāṃ khyātimāyayau |
tasya tīrthasya sakalā bhūmiḥ svarṇavinirmitā || 67 ||
[Analyze grammar]

divyaratnaughakhacitā samaṃtādupaśobhitā |
evaṃ yaḥ kurute vidvansa yāti paramāṃ gatim || 68 ||
[Analyze grammar]

dhanayakṣāduttarasmindigbhāge saṃsthitaṃ dvija |
vasiṣṭhakuṇḍaṃ vikhyātaṃ sarvapāpāpahaṃ sadā || 69 ||
[Analyze grammar]

vasiṣṭhasya sadā tatra nivāsaḥ sutaponidheḥ |
arundhatī sadā yasya vartate nirmalavratā || 70 ||
[Analyze grammar]

atra snānaṃ viśeṣeṇa śrāddhapūrvamataṃdritaḥ |
yaḥ kuryātprayato dhīmāṃstasya puṇyamanuttamam || 71 ||
[Analyze grammar]

vāmadevasya tatraiva saṃnidhirvartate'nagha |
vaśiṣṭhavāmadevau tu pūjanīyau prayatnataḥ || 72 ||
[Analyze grammar]

pativratā pūjanīyā'rundhatī ca viśeṣataḥ |
snātavyaṃ vidhinā samyagdātavyaṃ ca svaśaktitaḥ || 73 ||
[Analyze grammar]

sarvakāmaphalaprāptirjāyate nātra saṃśayaḥ |
atra yaḥ kurute snānaṃ sa vaśiṣṭhasamo bhavet || 74 ||
[Analyze grammar]

bhādre māsi site pakṣe paṃcamyāṃ niyatavrataḥ |
tasya sāṃvatsarī yātrā karttavyā vidhipūrvikā || 75 ||
[Analyze grammar]

viṣṇupūjā prayatnena kartavyā śraddhayātra vai |
sarvapāpaviśuddhātmā viṣṇuloke mahīyate || 76 ||
[Analyze grammar]

vasiṣṭhakuṇḍādvipreṃdra pratyagdigdalamāśritam |
vikhyātaṃ sāgaraṃ kuṇḍaṃ sarvakāmārthasiddhidam |
yatra snānena dānena sarvakāmānavāpnuyāt || 77 ||
[Analyze grammar]

paurṇamāsyāṃ samudrasya snānādyatpuṇyamāpnuyāt |
tatpuṇyaṃ parvaṇi snāto naraścākṣayamāpnuyāt || 78 ||
[Analyze grammar]

tasmādatra vidhānena snātavyaṃ putrakāṃkṣayā |
āśvine paurṇamāsyāṃ tu viśeṣātsnānamācaret || 79 ||
[Analyze grammar]

evaṃ kurvannaro vidvānsarvapāpaiḥ pramucyate |
atra snātvā naro dattvā yathāśaktyā divaṃ vrajet || 80 ||
[Analyze grammar]

sāgarānnairṛte bhāge yoginīkuṇḍamuttamam |
yatrā'sate catuḥṣaṣṭiyoginyo jalasaṃsthitāḥ || 81 ||
[Analyze grammar]

sarvārthasiddhidāḥ puṃsāṃ strīṇāṃ caiva viśeṣataḥ |
parasiddhipradāḥ sarvāḥ sarvakāmaphalapradāḥ || 82 ||
[Analyze grammar]

āśvine śuklapakṣasya aṣṭamyāṃ ca viśeṣataḥ |
snātavyaṃ ca prayatnena yoginīprītaye nṛbhiḥ || 83 ||
[Analyze grammar]

atra snānaṃ tathā dānaṃ sarvaṃ saphalatāṃ vrajet |
yakṣiṇīprabhṛtayaḥ siddhā bhavaṃtyatra na saṃśayaḥ || 84 ||
[Analyze grammar]

yoginīkuṃḍataḥ pūrvamurvaśīkuṇḍamuttamam |
yatra snāto naro vidvannurvaśīṃ divi saṃśrayet || 85 ||
[Analyze grammar]

purā kila munirdhīro raibhyo nāma tapodhanaḥ |
cacāra himavatpārśve nirāhāro jitendriyaḥ || 86 ||
[Analyze grammar]

tattapo vipulaṃ dṛṣṭvā bhītaḥ surapatistataḥ |
urvaśīṃ preṣayāmāsa tapovighnāya cādarāt || 87 ||
[Analyze grammar]

tataḥ sā preṣitā tenājagāma gajagāminī |
uvāsa himavatpārśve raibhyāśramamanuttamam || 88 ||
[Analyze grammar]

vanaphullalatākuñje mañjukūjadvihaṃgame |
kinnarīkelisaṃgītastimitāṃgakuraṃgake || 89 ||
[Analyze grammar]

punnāgakeśarāśokacchinnakijalkapiṃjare |
kalpite kāṃcanagirau dvitīya iva vedhasā || 90 ||
[Analyze grammar]

sā babhau kāṃtisarvasvakośaḥ kusumadhanvanaḥ |
urvaśyanalpasāmānyalāvaṇyāmṛtavāhinī || 91 ||
[Analyze grammar]

aṃgaprabhāsuvarṇena sitamauktikaśobhitā |
tāruṇyaruciratvena tāruṇyena vibhūṣitā || 92 ||
[Analyze grammar]

vilomalocanāpāṃgataraṃgadhavalatviṣā |
navapallavasacchāyaṃ kalpayantī nijādharam || 93 ||
[Analyze grammar]

karṇopalambisaṃghuṣyadbhṛṅgāḍhyacūtamañjarī |
sudhāgarbhasamudbhūtā pārijātalatā yathā || 94 ||
[Analyze grammar]

tanumadhyā pṛthuśroṇirvarṇodbhinnapayodharā |
niḥśāṇitaśarasyeva śaktiḥ kusumadhanvanaḥ || 95 ||
[Analyze grammar]

apaśyadāśrame tasminmunirāyatalocanām |
nayanānaladāhena vidagdhena manobhuvā || 96 ||
[Analyze grammar]

trinetravaṃcanāyaiva kalpitāṃ lalanātanum |
tāmāśramalatāpuṣpakāṃcīracitakuṇḍalām || 97 ||
[Analyze grammar]

vilokya tāṃ viśālākṣīṃ munirvyākulitendriyaḥ |
babhūva roṣasaṃtaptaḥ śaśāpa ca bahu jvalan || 98 ||
[Analyze grammar]

raibhya uvāca |
kurūpatāṃ vraja kṣipraṃ yā tvaṃ sauṃdaryagarvitā |
samāgatā tapovighnahetave mama sannidhau || 99 ||
[Analyze grammar]

agastya uvāca |
iti śaptā ruṣā tena muninā sā śubhekṣaṇā |
uvāca vanitā bhūtvā prāṃjalirmunimādarāt || 100 ||
[Analyze grammar]

urvaśyuvāca |
bhagavanme prasīda tvaṃ parādhīnā yatastvaham |
tvacchāpasya kathaṃ muktirbhavitā niyatavrata || 101 ||
[Analyze grammar]

raibhya uvāca |
ayodhyāyāmasti tīrthaṃ pāvanaṃ paramaṃ mahat |
tatra snānaṃ kuruṣvādya sauṃdaryaṃ paramāpnuhi || 102 ||
[Analyze grammar]

tvannāmnaiva ca vikhyātiṃ toyaṃ yāsyati taddhruvam || 103 ||
[Analyze grammar]

agastya uvāca |
evaṃ sā vipravacasā vidadhe sarvamādarāt |
sundarī sā'bhavatkṣipraṃ tatsthānaṃ khyātimāyayau || 104 ||
[Analyze grammar]

atra snānaṃ muniśreṣṭha yaḥ kuryādvidhivajjanaḥ |
sauṃdaryaṃ paramaṃ tasya bhavettatra na saṃśayaḥ || 105 ||
[Analyze grammar]

bhādre śuklatṛtīyāyāṃ yātrā sāṃvatsarī bhavet |
viṣṇuratra janaiḥ pūjyaḥ sarvakāmārthasiddhaye || 106 ||
[Analyze grammar]

evaṃ kurvannaro vidvānviṣṇuloke vasetsadā |
naro vā yadi vā nārī sarvānkāmānavāpnuyāt || 107 ||
[Analyze grammar]

ghoṣārkakuṃḍaṃ paramamurvaśīkuṃḍadakṣiṇe |
vartate muniśārdūla sarvapāpāpahaṃ sadā || 108 ||
[Analyze grammar]

yatra snānena dānena sūryaloke mahīyate |
etattīrthasya sadṛśaṃ nāparaṃ vidyate kvacit || 109 ||
[Analyze grammar]

vraṇī kuṣṭhī daridrī vā duḥkhākrāṃto'pi yo naraḥ |
karoti vidhivatsnānaṃ sarvānkāmānavāpnuyāt || 110 ||
[Analyze grammar]

ravivāre viśeṣeṇa karttavyaṃ snānamādarāt |
bhādre māsi tathā māghe śuklaṣaṣṭhyāṃ prayatnataḥ || 111 ||
[Analyze grammar]

karttavyaṃ vidhivatsnānaṃ sūryalokābhikāṃkṣayā |
pauṣe māsi tathā snānaṃ sūryavāre viśeṣataḥ || 112 ||
[Analyze grammar]

saptamyāṃ raviyuktāyāṃ snānaṃ bahuphalapradam |
ghoṣābhidho'bhavatpūrvaṃ sūryavaṃśe nareśvaraḥ || 113 ||
[Analyze grammar]

samudramekhalāmekaḥ pṛthivīṃ samapālayat |
yasya kīrtyā prakāśaṃte trilokīmaṃḍalāni vai || 114 ||
[Analyze grammar]

yaḥ pratāpātsphuranbhāti prabhākara ivāparaḥ |
pracaṃḍataradordaṃḍakhaṃḍitārātimaṃḍalaḥ || 115 ||
[Analyze grammar]

sa kadācitprajāpālo maṃttrivinyastabhūtalaḥ |
babhrāma mṛgayāsakto vane'tigahanadrume || 116 ||
[Analyze grammar]

sa rājā pūrvajanmotthapāpairaśubhasūcakaiḥ |
kṛmivyāptakarāṃbhojaḥ sundaropi gatasmayaḥ || 117 ||
[Analyze grammar]

mṛgayāyāmabhūdekaḥ kadācitparyaṭanvane |
varāhasiṃhahariṇānnighnangacchannitastataḥ || 118 ||
[Analyze grammar]

tṛṣākrānto mlānatanuḥ saro'paśyatpuro nṛpaḥ |
dadarśa tatra ca munīnsnānasaṃdhyāditatparān || 119 ||
[Analyze grammar]

tato vidhivadācamya snānaṃ cakre nareśvaraḥ |
tato divyaśarīro'bhūdānaṃdāmalamānasaḥ || 120 ||
[Analyze grammar]

munibhistīrthamājñāya cakre sūryyastutiṃ priyām || 121 ||
[Analyze grammar]

rājovāca |
bhagavandevadeveśa namastubhyaṃ cidātmane |
namaḥ savitre sūryāya jagadānaṃdadāyine || 122 ||
[Analyze grammar]

prabhāgehāya devāya trayībhūtāya te namaḥ |
vivasvate namastubhyaṃ yogajñāya sadātmane || 123 ||
[Analyze grammar]

parāya parameśāya trilokītimiracchide |
acintyāya sadā tubhyaṃ namo bhāskaratejase || 124 ||
[Analyze grammar]

yogapriyāya yogāya yogajñāya sadā namaḥ |
oṃkārāya vaṣaṭkārarūpiṇe jñānarūpiṇe || 125 ||
[Analyze grammar]

yajñāya yajñamānāya haviṣe ṛtvije namaḥ |
rogaghnāya svarūpāya kamalānaṃdadāyine || 126 ||
[Analyze grammar]

atisaumyātitīkṣṇāya surāṇāṃ pataye namaḥ |
satrāśāya namastubhyaṃ bhaktatrāya priyātmane || 127 ||
[Analyze grammar]

prakāśakāya satataṃ lokānāṃ hitakāriṇe |
prasīda praṇatāyādya mahyaṃ bhaktikṛte svayam || 128 ||
[Analyze grammar]

agastya uvāca |
ityevaṃ bruvatastasya sa prasanno raviḥ svayam |
āvirbabhūva sahasā bhaktasya priyakāmyayā |
uvāca madhuraṃ vākyaṃ praśrayānatamūrddhajam || 129 ||
[Analyze grammar]

raviruvāca |
varaṃ varaya rājeṃdra prasanno'smi tavāgrataḥ |
dadāmi tadvaraṃ te'dya yattvayā manasepsitam || 130 ||
[Analyze grammar]

rājovāca |
bhagavanbhāskarānaṃta prayacchasi varaṃ yadi |
mannāmnā kṛtamūrttiste tiṣṭhatvatra sadā vibho || 131 ||
[Analyze grammar]

raviruvāca |
evamastu manuṣyeṃdra tava vāṃchā manoharā |
etatstotraṃ tvayoktaṃ me ye paṭhiṣyaṃti mānavāḥ || 132 ||
[Analyze grammar]

tebhyastuṣṭaḥ pradāsyāmi sarvānkāmānnareśvara |
etatsthānaṃ parāṃ khyātiṃ tvannāmnā yāsyati kṣitau || 133 ||
[Analyze grammar]

sarvānkāmānavāpnoti yo'tra snānaṃ samācaret |
madbhaktena sadā rājankarttavyaṃ snānamatra vai || 134 ||
[Analyze grammar]

yaṃyaṃ kāmamiheccheta taṃtaṃ kāmamavāpnuyāt || 135 ||
[Analyze grammar]

agastya uvāca |
iti dattvā varaṃ devaḥ kṛpayā parayā yutaḥ |
bhāsvānsahasrakiraṇastadāntarddhānamāyayau || 136 ||
[Analyze grammar]

rājā bhāskaradehotthāṃ ravimūrttimanuttamām |
tatra saṃsthāpayāmāsa pūjayāmāsa ca svayam || 137 ||
[Analyze grammar]

ghoṣārkakuṇḍaṃ tannāmnā tatra khyātiṃ jagāma ha |
yatra snānānnaro rājansūryyaloke vasetsadā || 138 ||
[Analyze grammar]

iti ruciravidhānaistūrṇamādityamūrttiṃ vimalaparamabhaktyā pūjayitvā'dareṇa |
tadamṛtamayakuṇḍe snānamādau vidhāya pracuravimalakīrtiḥ sūryaloke vasetsaḥ || 139 ||
[Analyze grammar]

Other print editions:

Also see the following print editions of the Sanskrit text or (alternative) English translations of the Skandapurana Chapter 7

Cover of edition (2007)

The Skanda-Purana
by G. V. Tagare (2007)

(23 Volumes) - Motilal Banarsidass Publishers Pvt. Ltd.

Buy now!
Cover of edition (2016)

Skanda Purana (Hindi Translation)
by S. N. Khandelwal (2016)

(Set of 10 Books) - Chowkhamba Sanskrit Series Office

Buy now!
Cover of Bengali edition

Skanda Purana in Bengali
by Navabharat Publishers, Kolkata (0)

স্কন্ধ পুরাণম: - (Set of 7 Volumes)

Buy now!
Cover of edition (0)

Skanda Purana in Kannada
by Vandana Book House, Bangalore (0)

ಶ್ರೀ ಸ್ಕಾಂದ ಮಹಾಪುರಣಂ: (Set of 25 Volumes)

Buy now!
Cover of Gujarati edition

Skanda Mahapurana (Gujarati)
by Sahitya Sangam, Ahemdabad (2017)

સ્કંદ મહાપુરાણ: (Condensed/Summary)

Buy now!
Cover of edition (2015)

Shri Skanda purana (Malayalam)
by M.P. Pillai kaniyanthara (2015)

(Condensed/Summary) - Devi Book Stall, Kodungallur

Buy now!
Like what you read? Consider supporting this website: