Chapter 22

[English text for this chapter is available]

maithileya uvāca |
kā hyasmiṃstithayaḥ puṇyā māse vaiśākhasaṃjñake |
kāni dānāni śastāni tāsu tāsu viśeṣataḥ || 1 ||
[Analyze grammar]

kāḥ prakhyātāśca vai loka etadācakṣva vistarāt |
śrutadeva uvāca |
triṃśacca tithayaḥ puṇyā vaiśākhe meṣage ravau || 2 ||
[Analyze grammar]

ekādaśyāṃ kṛtaṃ puṇyaṃ koṭikoṭiguṇaṃ bhavet |
sarvadāneṣu yatpuṇyaṃ sarvatīrtheṣu yatphalam || 3 ||
[Analyze grammar]

samavāpnoti vaiśākha ekādaśyāṃ jalāplutaḥ |
snānaṃ dānaṃ tapo homo devatārcanasatkriyāḥ || 4 ||
[Analyze grammar]

kathāyāḥ śravaṇaṃ caiva sadyo muktividhāyakam |
rogādyupahato yastu dāridryeṇā'pi pīḍitaḥ || 5 ||
[Analyze grammar]

śrutvā kathāmimāṃ puṇyāṃ kṛtakṛtyo bhavennaraḥ |
asnātvā cāpyadattvā ca yena nītā imāḥ śubhāḥ || 6 ||
[Analyze grammar]

sa goghnaśca kṛtaghnaśca pitṛghnaśca mahānsmṛ taḥ |
jalāśayāśca svādhīnāḥ svādhīnaṃ ca kalevaram || 7 ||
[Analyze grammar]

mādhavo manasā sevyaḥ kālaśca suguṇottamaḥ |
sādhavaśca dayāvaṃtaḥ ko na seveta mādhavam || 8 ||
[Analyze grammar]

daridraiśca dhanāḍhyaiśca paṃgubhiścāṃdhakaistathā |
ṣaṃḍhaiśca vidhavābhiśca nārībhiśca naraistathā || 9 ||
[Analyze grammar]

kumārayuvavṛddhaiśca rogārtairapi bhūmipa |
atīvasukhasādhyo hi dharmo vaiśākhagocaraḥ || 10 ||
[Analyze grammar]

māsamenamanuprāpya dharmānkuru imāñcchubhān |
ko na yatnaṃ ca kurute tasmātko nvaparaḥ śubhaḥ || 11 ||
[Analyze grammar]

yo'tīva sulabhāndharmānna karoti narā'dhamaḥ |
tasyaiva sulabhā lokā nārakā nātra saṃśayaḥ || 12 ||
[Analyze grammar]

athātaḥ saṃpravakṣyāmi tasminmāse ca kottamā |
tāṃ tithiṃ sarvapāpaghnīṃ dadhnaḥ sāramivoddhṛtām || 13 ||
[Analyze grammar]

caitre māsi mahāpuṇye meṣasaṃsthe divākare |
pāpaghnī pitṛdaivatyā gayākoṭiphalapradā || 14 ||
[Analyze grammar]

atraiva śrūyate puṇyā pitṛgāthā purātanī |
śṛṇu tāṃ satkathāṃ rājansāvarṇau śāsati kṣitim || 15 ||
[Analyze grammar]

triṃśatkaliyugasyāṃte sarvadharmavivarjite |
ānarte tu dvijaḥ kaściddharmavarṇa iti śrutaḥ || 16 ||
[Analyze grammar]

dṛṣṭvā kaliyuge rājañjanānpāparatānmuniḥ |
tasyaiva prathame pāde varṇadharmavivarjite || 17 ||
[Analyze grammar]

sa kadācitsatrayāgaṃ munīnāṃ tu mahātmanām |
agamatpuṣkare kṣetre kurvatāṃ maunadhāriṇām || 18 ||
[Analyze grammar]

tatra cāsanpuṇyakathā ṛṣīṇāṃ śāstragocarāḥ |
tatra kecitkaliyugaṃ praśaśaṃsurdhṛtavratāḥ || 19 ||
[Analyze grammar]

kṛte yadvatsarātsādhyaṃ puṇyaṃ mādhavatoṣaṇam |
tretāyāṃ māsataḥ sādhyaṃ dvāpare pakṣato nṛpa || 20 ||
[Analyze grammar]

tasmāddaśaguṇaṃ puṇyaṃ kalau viṣṇusmṛterbhavet |
atyalpamapi vai puṇyaṃ kalau koṭiguṇaṃ bhavet || 21 ||
[Analyze grammar]

dayā puṇyavihīne tu dānadharmavivarjite |
dayādānaṃ ca kurute sakṛduccārya vai harim || 22 ||
[Analyze grammar]

sa eva cordhvago nūnaṃ durbhikṣe cānnadastathā |
etatprasaṃgāvasare nārado'bhyetya vai muniḥ || 23 ||
[Analyze grammar]

kareṇaikena śiśnaṃ ca jihvāṃ caikena vai hasan |
pragṛhyonmattavattatra nanarta munisattamaḥ || 24 ||
[Analyze grammar]

sabhyāstadā tamityūcuḥ kimetaditi nārada |
pratyuvāca sa tānsarvānnṛtyaṃ kurvanhasansudhīḥ || 254 ||
[Analyze grammar]

saṃtoṣādyadiha proktaṃ nṛtyadbhirbhāvitātmabhiḥ |
siddhā vayaṃ na saṃdehaḥ puṇyo'yaṃ kalirāgataḥ || 26 ||
[Analyze grammar]

tatsatyaṃ na ca saṃdeho bahu svalpena sādhyate |
smaraṇāttoṣamāyāti keśavaḥ kleśanāśanaḥ || 27 ||
[Analyze grammar]

tathāpi vaḥ pravakṣyāmi durghaṭaṃ ca dvayaṃ dhuvam |
śiśnasya nigrahaḥ putrā jihvāyā api nityaśaḥ || 28 ||
[Analyze grammar]

dvayaṃ yaddhi bhavedyasya sa eva syājjanārdanaḥ |
bhavadbhirnātra sthātavyaṃ tasmātkaliyugāgame || 29 ||
[Analyze grammar]

pākhaṃḍaṃ bhārataṃ hitvā saṃcaradhvaṃ yathāsukham |
yatra kutrāpi deśeṣu mano yatra prasīdati || 30 ||
[Analyze grammar]

iti tadvacanaṃ śrutvā munayaḥ śaṃsitavratāḥ |
satraṃ samāpya sahasā yayuste ca yathāsukham || 31 ||
[Analyze grammar]

dharmavarṇo'pi tacchrutvā tyaktuṃ bhūmiṃ mano dadhe |
sa vrataṃ cordhvatejaskaṃ dhṛtvā daṇḍakamaḍalū || 32 ||
[Analyze grammar]

jaṭāvalkaladhārī ca bhūtvā caivaṃ yayau punaḥ |
kalau yuge tvanācārāndraṣṭuṃ vismitamānasaḥ || 33 ||
[Analyze grammar]

tatrā'paśyajjanānghorānpāpācāraratānkhalān |
pākhaṇḍino dvijāḥ sarve śūdrāḥ pravrājinastathā || 34 ||
[Analyze grammar]

bhartāraṃ dveṣṭi bhāryā ca śiṣyo dveṣṭi guruṃ tathā |
bhṛtyaśca svāmihaṃtā ca putraḥ pitṛvadhe rataḥ || 35 ||
[Analyze grammar]

śūdraprāyā dvijāḥ sarve bastaprāyāśca dhenavaḥ |
gāthāprāyāstathā vedāḥ kriyāsāmyāḥ śubhāḥ kriyāḥ || 36 ||
[Analyze grammar]

bhūtapretapiśācādyāḥ phaladāstatra devatāḥ |
tā eva śraddhayā'rcaṃti janāḥ pāparatāḥ śitāḥ || 37 ||
[Analyze grammar]

sarve vyavāyaniratāstadarthe tyaktajīvitāḥ |
kūṭasākṣyapravaktāraḥ sadā kaitavamānasāḥ || 38 ||
[Analyze grammar]

manasyekaṃ vacasyekaṃ karmaṇyekaṃ sadā kalau |
sarveṣāṃ haitukī vidyā sā pūjyā nṛpamaṃdire || 39 ||
[Analyze grammar]

gītādyāśca kalā vidyā nṛpāṇāṃ ca priyāvahāḥ |
hīnāśca pūjyatāṃ yāṃti nottamāśca kalau yuge || 40 ||
[Analyze grammar]

śrotriyāśca dvijāḥ sarve daridrāḥ syuḥ kalau yuge |
viṣṇubhaktirnarāṇāṃ tu prāyaśo naiva vartate || 41 ||
[Analyze grammar]

prāyaḥ pākhaṃḍabhūyiṣṭhaṃ puṇyakṣetraṃ bhaviṣyati |
śūdrā dharmapravaktāro jaṭilāstāpasāḥ kalau || 42 ||
[Analyze grammar]

sarve cālpāyuṣo martyā dayāhīnā śaṭhā janāḥ |
sarve dharmapravaktāraḥ sarve ca grahaṇotsavāḥ || 43 ||
[Analyze grammar]

svārcanaṃ cā'pi hīcchaṃti vṛthā nindāparāyaṇāḥ |
asūyāniratāḥ sarve prabhoḥ svagṛhamāgate || 44 ||
[Analyze grammar]

bhrātā ca bhaginīgaṃtā pitā putrīṃ ca vai kalau |
sarve'pi śūdrīniratāḥ sarve vārāṃganāratāḥ || 45 ||
[Analyze grammar]

sādhūnnaiva vijānaṃti bahupāpāṃśca manyate |
vyaktīkurvaṃti sādhūnāṃ doṣamekaṃ durāgrahāḥ || 46 ||
[Analyze grammar]

pāpānāṃ doṣajātāni guṇatvena vadanti hi |
doṣameva pragṛhṇaṃti kalau tu viguṇā janāḥ || 47 ||
[Analyze grammar]

jalaukā dharmasaṃyuktā raktaṃ pivati no payaḥ |
auṣadhyaḥ sattvahīnā hi ṛtūn vyatyayāstathā || 48 ||
[Analyze grammar]

durbhikṣaṃ sarvarāṣṭreṣu kanyā kāle na sūyate |
naṭanartakavidyāsu prītimanto narāḥ kalau || 49 ||
[Analyze grammar]

vedavedāṃtavidyāsu niratā ye guṇādhikāḥ |
bhṛtyānpaśyaṃti tānmūḍhāste bhraṣṭāścākhilā nṛpa || 50 ||
[Analyze grammar]

tyaktaśrāddhakriyāḥ sarve tyaktavedoditakriyāḥ |
jihvāyāṃ viṣṇunāmāni na vartaṃte kadācana |
śṛṃgārarasa nirvāṇāstadgītānyeva te jaguḥ || 51 ||
[Analyze grammar]

na viṣṇusevā na ca śāstravārtā na yāgadīkṣā na vicāraleśaḥ |
na tīrthayātrā na ca dānadharmāḥ kalau jane kvā'pi babhūva citram || 52 ||
[Analyze grammar]

tāndṛṣṭvā gharmavarṇo'pi subhīto'tyantavismitaḥ |
vaṃśaṃ pāpātkṣayaṃ yāṃtaṃ dṛṣṭvā dvīpāṃtaraṃ yayau || 53 ||
[Analyze grammar]

sa caransarvadvīpeṣu lokeṣveva tu sarvaśaḥ |
pitṛlokaṃ yayau dhīmānkadācitkautukānvitaḥ || 54 ||
[Analyze grammar]

tatrā'paśyanmahāghorāñcchrāmyamāṇāṃśca karmabhiḥ || 55 ||
[Analyze grammar]

dhāvato rudamānāṃśca patataḥ patitānapi |
tatrāpaśyaccāndhakūpe patitānsvānpitṝnadhaḥ || 56 ||
[Analyze grammar]

dūrvāgralaṃbino dīnāndūrvācchede hi śaṃkitān |
tadā prāptaḥ ko'pi cākhurdūrvāmūlaṃ tadāśrayam || 57 ||
[Analyze grammar]

tena bhāgatrayaṃ cāttameko bhāgovaśeṣitaḥ |
taṃ dṛṣṭvā te kṣīyamāṇaṃ mūlaṃ duḥkhena karṣiṇaḥ || 58 ||
[Analyze grammar]

adho dṛṣṭvā cāṃ'dhakūpaṃ taṭapātādibhīṣaṇam |
duruttāraṃ mahāghoraṃ karmaṇāptaṃ suduḥkhitāḥ || 59 ||
[Analyze grammar]

agre cā'pi duruttāramavalaṃbavivarjitam |
tāndraṣṭvā vismito bhūtvā dayālurvākyamabravīt || 60 ||
[Analyze grammar]

ke yūyaṃ patitā hyasminkena dustarakarmaṇā |
kasya gotre samutpannāḥ kathaṃ vo muktirūrjitā || 61 ||
[Analyze grammar]

etadyūyaṃ vadadhvaṃ me śarma vo'tha bhaviṣyati |
ityevamuditāstena pitaro'tha suduḥkhitāḥ || 62 ||
[Analyze grammar]

tamūcuḥ karuṇāṃ vācaṃ dharmaśruti puraḥsarāḥ |
pitara ūcuḥ |
vayaṃ śrīvatsagotrīyā bhuvi santānavarjitāḥ || 63 ||
[Analyze grammar]

piṃḍaśrāddhavihīnāśca tena pacyāmahe vayam |
niḥsantāno'pi no vaṃśo jātaḥ pāpaiḥ kalau yuge || 64 ||
[Analyze grammar]

nā'smākaṃ piṃḍadaścāsti vaṃśe pāpātkṣayaṃ gate |
tenāṃ'dhakūpe patanaṃ nistaṃtūnāṃ durātmanām || 65 ||
[Analyze grammar]

eko hi vartate vaṃśe dharmavarṇo mahāyaśāḥ |
sa viraktaścaranneko na gārhasthamupeyivān || 66 ||
[Analyze grammar]

taṃtunā tena bibhrāmo dūrvānālāvalaṃbitāḥ |
nistaṃtutvācca tanmūlamākhuḥ khādati pratyaham || 67 ||
[Analyze grammar]

ekasyaivā'vaśiṣṭatvātkiṃcinnalo'vaśeṣitaḥ |
ākhunā khādyamānaśca vartate saumya paśyatām || 68 ||
[Analyze grammar]

tasya cā'yuḥkṣaye tāta śeṣamākhurhariṣyati |
paścātkūpe patiṣyāmo duruttāreṃ'dhatāmase || 69 ||
[Analyze grammar]

tasmāttvaṃ ca bhuvaṃ gatvā dharmavarṇaṃ prabodhaya |
asmadvākyairdayāpātrairgārhasthyaṃ vimukhaṃ munim || 70 ||
[Analyze grammar]

pitaraste bhṛśā'rtā hi narake patitā mayā |
andhakūpe duruttāre dṛṣṭā dūrvāvalaṃbitāḥ || 71 ||
[Analyze grammar]

sā dūrvā vaṃśarūpā hi tanmūlaṃ satataṃ mune |
kālākhyo mūṣakastasya mūlaṃ khādati pratyaham || 72 ||
[Analyze grammar]

vaṃśanāśo'nukramata ekastvaṃ tvavaśeṣitaḥ |
tena mūlasya dūrvāyā naṣṭaṃ bhāgatrayaṃ mune || 73 ||
[Analyze grammar]

eko bhāgo'vaśiṣṭo'tra yatastvaṃ vartase bhuvi |
kiṃcitkhādati vai tvā'khustava cā'yuḥkṣayakramāt || 74 ||
[Analyze grammar]

parete tvayi cā'smākaṃ tavā'pi patanaṃ bhavet |
kūpa evāndhatāmisre saṃtāne'pi kṣayaṃ gate || 75 ||
[Analyze grammar]

tasmādgārhasthyamāsādya kuru saṃtativardhanam |
tenā'smākaṃ tavā'pi syādgatirūrdhvā na saṃśayaḥ || 76 ||
[Analyze grammar]

eṣṭavyā bahavaḥ putrā yadyeko'pi gayāṃ vrajet |
yajeta vā'śvamedhaṃ ca nīlaṃ vā vṛṣamutsṛjet || 77 ||
[Analyze grammar]

yadyeko'pi ca vaiśākhe māghe vā kārtike'pi ca |
asmānuddiśya vai snānaṃ śrāddhaṃ dānaṃ kariṣyati || 78 ||
[Analyze grammar]

tena cordhvagatirbhūyānnarakāduddhṛtiśca naḥ |
eko vā viṣṇubhaktaḥ syādeko vā harivāsarī || 79 ||
[Analyze grammar]

eko vā śṛṇuyādviṣṇoḥ kathāṃ pāpavināśanīm |
tasyātītaṃ kulaśataṃ bhāvi cā'pi kulaṃ śatam || 80 ||
[Analyze grammar]

api pāpavṛtaṃ kvā'pi narakaṃ naiva paśyati |
kimanyairbahubhiḥ putrairdayādharmavivarjitaiḥ || 81 ||
[Analyze grammar]

ye jātā nārcayaṃtyaddhā viṣṇuṃ nārāyaṇaṃ kule |
nā'putrasya hi loko'sti sarvametajjanā viduḥ || 82 ||
[Analyze grammar]

tatrā'pi ca dayāyuktaṃ tatsaṃtānaṃ ca durlabham |
iti taṃ bodhayitvā tu vākyairetaiśca sūnṛtaiḥ || 83 ||
[Analyze grammar]

viraktasyordhvaretasya gārhasthye tvaṃ matiṃ kuru |
pitṝṇāṃ vacanaṃ śrutvā dharmavarṇo'tivismitaḥ || 84 ||
[Analyze grammar]

praṇamya prāṃjaliḥ prāha rudanvai jātavepathuḥ |
nāmnāhaṃ dharmavarṇaśca yuṣmadvaṃśyo durāgrahī || 85 ||
[Analyze grammar]

satre śrutvā tu vacanaṃ nāradasya mahātmanaḥ |
jihvādārḍhyaṃ guhyadārḍhyaṃ na kasyā'pi kalau yuge || 86 ||
[Analyze grammar]

dṛṣṭvā bhuvi ca pāpiṣṭhāṃstāñjanānapi śaṃkitaḥ |
bhīto durjanasaṃgatyā carandvīpāṃtare vasan || 87 ||
[Analyze grammar]

pādāstrayo gatā hyasya kaleḥ pādeṃ'tyake'pi ca |
gatāḥ sārddhatrayo bhāgā idānīṃ janakā ime || 88 ||
[Analyze grammar]

nā'haṃ vedmi bhavadduḥkhaṃ vṛthā janma gataṃ mama |
yasminkule tvahaṃ jāta ṛṇaṃ pitrorna vai hṛtam || 89 ||
[Analyze grammar]

kiṃ tena jātamātreṇa bhūbhāreṇā'tra śatruṇā |
yo jāto nārcayedviṣṇuṃ pitṝndevānṛṣīṃstathā || 90 ||
[Analyze grammar]

yuṣmadājñāṃ kariṣyāmi māmā'jñāpayata kṣitau |
yathā na kalibādhā syāttatra saṃsārato'pi vā || 91 ||
[Analyze grammar]

kartavyānyapi kṛtyāni mayā putreṇa bhūtale |
ityuktāstena vaṃśyena dharmavarṇena dhīmatā || 92 ||
[Analyze grammar]

kiṃcidāśvastamanasa idamūcurmahīpate |
putra paśya daśāmetāṃ pitṝṇāṃ te mahātmanām || 93 ||
[Analyze grammar]

saṃtatyabhāvātpatatāṃ dūrvāmātrāvalaṃbinām |
tvaṃ gārhasthyamupālabhya saṃtatyāsmānsamuddhara || 94 ||
[Analyze grammar]

ye ca viṣṇukathāraktā ye smaraṃtyaniśaṃ harim |
ye sadācāraniratā na tānvai bādhate kaliḥ || 95 ||
[Analyze grammar]

śāligrāmaśilā yasya gṛhe tiṣṭhati mānada |
athavā bhārataṃ gehe na taṃ vai bādhate kaliḥ || 96 ||
[Analyze grammar]

yaśca vaiśākhanirato māghasnānaparaśca yaḥ |
kārtike dīpadātā yo na taṃ vai bādhate kaliḥ || 97 ||
[Analyze grammar]

pratyahaṃ śṛṇuyādyastu kathāṃ viṣṇormahātmanaḥ |
pāpaghnīṃ mokṣadāṃ divyāṃ na taṃ vai bādhate kaliḥ || 98 ||
[Analyze grammar]

yadgṛhe vaiśvadevaśca yadgṛhe tulasī śubhā |
yadaṃgaṇe śubhā gauśca na taṃ vai bādhate kaliḥ || 99 ||
[Analyze grammar]

tasmānno bhītirastīha yuge pāpātmake'pi ca |
śīghraṃ gaccha bhuvaṃ putra māso'yaṃ mādhavāhvayaḥ || 100 ||
[Analyze grammar]

sarveṣāmupakārāya meṣasaṃsthe divākare |
triṃśacca tithayaḥ puṇyā meṣasaṃsthe divākare || 101 ||
[Analyze grammar]

ekaikasyāṃ kṛtaṃ puṇyaṃ koṭikoṭiguṇaṃ bhavet |
tatrā'pi caitrabahulo darśo nṛṇāṃ ca muktidaḥ || 2 ||
[Analyze grammar]

priyaśca pitṛdevānāṃ sadyo muktividhāyakaḥ |
ye vai pitṝnsamuddiśya śrāddhaṃ kurvaṃti taddine || 3 ||
[Analyze grammar]

sodakuṃbhaṃ piṃḍadānaṃ tadakṣayyaphalaṃ labhet |
ye ca kurvaṃti vai śrāddhamamāyāṃ ca madhau suta || 4 ||
[Analyze grammar]

taiḥ kṛtaṃ tu gayākṣetre śrāddhaṃ koṭiguṇaṃ bhavet |
yadi śrāddhaṃ madhau darśe śākenā'pi karoti ca || 5 ||
[Analyze grammar]

koṭiśrāddhaṃ gayāyāṃ tu kṛtaṃ tena na saṃśayaḥ |
kuṃbhaṃ ca pānakaiḥ pūrṇaṃ karpūrāguruvāsitam || 6 ||
[Analyze grammar]

yo na dadyānmadhau darśe sa pitṛghno na saṃśayaḥ |
yo dadyācca madhau darśe sapānīyaṃ karīrakam || 7 ||
[Analyze grammar]

śrāddhaṃ ca bhaktisaṃyuktaḥ kurute ca kuloddhatim |
pitṝṇāṃ ca tathā loke nadī cā'mṛtavarṣiṇī || 8 ||
[Analyze grammar]

kuṃbhadānātprasarati śrāddhadānādidāyinām |
annasūpaghṛtāpūpalehyapāyasakardamān || 9 ||
[Analyze grammar]

tasmājjhaṭiti tvaṃ gaccha yadā vā 'mā bhaviṣyati |
kuru śrāddhaṃ piṃḍadānaṃ sodakumbhaṃ mahāmate || 110 ||
[Analyze grammar]

sarveṣāmupakārāya gārhasthyaṃ ca samāśraya |
dharmārthakāmaiḥ saṃtuṣṭaḥ prāpya saṃtānamuttamam || 11 ||
[Analyze grammar]

punaśca munivṛttistvaṃ sukhaṃ dvīpe susaṃcara |
ityādiṣṭaḥ pitṛbhiśca tūrṇaṃ bhūmiṃ yayau muniḥ || 12 ||
[Analyze grammar]

caitre māse meṣasaṃsthe puṇye māsi divākare |
prātaḥ snātvā ca saṃtarjya pitṝndevānṛṣīṃstathā || 13 ||
[Analyze grammar]

sodakuṃbhaṃ tathā śrāddhaṃ kṛtvā pāpavināśanam |
tena dattvā pitṝṇāṃ ca muktimāvṛttivarjitām || 14 ||
[Analyze grammar]

svayaṃ vivāhamakarotsaṃtatiṃ prāpya vai satīm |
loke prakhyāpayāmāsa tāṃ tithiṃ pāpanāśanīm || 15 ||
[Analyze grammar]

svayaṃ punarmudā bhaktyā gandhamādanamāyayau || 16 ||
[Analyze grammar]

tasmātpuṇyatamā caiṣā madhordarśāhvayā tithiḥ |
nānayā sadṛśī loke tithirdṛṣṭā śrutā'pi vā || 117 ||
[Analyze grammar]