Chapter 21

[English text for this chapter is available]

śrutadeva uvāca |
tatastu vismito bhūtvā śaṃkho vyādhasamanvitaḥ |
ko bhavāniti taṃ prāha daśaiṣā ca kutastava || 1 ||
[Analyze grammar]

kena vā karmaṇā saumya matistava śubhāvahā |
akasmātte kathaṃ muktiretadācakṣva vistarāt || 2 ||
[Analyze grammar]

śaṃkhenaiva tadā pṛṣṭo daṇḍavatpatito bhuvi |
praśrayā'vanato bhūtvā prāṃjalirvākyamabravīt || 3 ||
[Analyze grammar]

ahaṃ purā dvijaḥ kaścitprayāge bahubhāṣaṇaḥ |
rūpayauvanasaṃpanno vidyāmadasugarvitaḥ || 4 ||
[Analyze grammar]

dhanāḍhyo bahuputrāḍhyaḥ sadā'haṃkāradūṣitaḥ |
kusīdasya muneḥ putro nāmnā rocana ityaham || 5 ||
[Analyze grammar]

āsanaṃ śayanaṃ nidrā vyavāyo'kṣaparikriyāḥ |
lokavārtā kusīdaṃ vā vyāpārāste mamā'bhavan || 6 ||
[Analyze grammar]

taṃtumātrāṇi karmāṇi lokanindāviśaṃkitaḥ |
sadaṃbhaśca sadā kurve na śraddhā me kadācana || 7 ||
[Analyze grammar]

durbuddhermama duṣṭasya kiyatkālo gato'bhavat |
tadā vaiśākhamāse'smiñjayaṃtonāma vai dvijaḥ || 8 ||
[Analyze grammar]

śrāvayāmāsa tanmāsadharmānbhāgavatapriyān |
tatkṣetre vāsināṃ puṇyakarmaṇāṃ ca dvijanmanām || 9 ||
[Analyze grammar]

nārīnarāḥ kṣatriyāśca vaiśyāḥ śūdrāḥ sahasraśaḥ |
prātaḥ snātvā samabhyarcya madhusūdanamavyayam || 10 ||
[Analyze grammar]

kathāṃ śṛṇvaṃti satataṃ jayantena samīritām |
śucibhūtvā maunadharā vāsudevakathāratāḥ || 11 ||
[Analyze grammar]

vaiśākhadharmaniratā daṃbhālasyavivarjitāḥ |
tāṃ sabhāṃ ca praviṣṭo'haṃ kautukācca didṛkṣayā || 12 ||
[Analyze grammar]

soṣṇīṣeṇa mayā mūrdhnā namaskāro'pi na kṛtaḥ |
tāṃbūlaṃ ca mukhe kṛtvā kaṃcukaṃ ca mayā dhṛtam || 13 ||
[Analyze grammar]

kathāvikṣepamacaraṃ lokavārtābhiraṃjanāt |
sarveṣāṃ cittacāṃcalyamabhūdvai lokavārtayā || 14 ||
[Analyze grammar]

kvacidvāsaḥ prasāryāhaṃ kvacinniṃdankvaciddhasan |
evaṃ kālo mayānītaḥ kathā yāvatsamāpyate || 15 ||
[Analyze grammar]

paścāttenaiva doṣeṇa sadyo'lpāyurvinaṣṭadhīḥ |
sannipātena pañcatvaṃ prāpto'haṃ ca pare dine || 16 ||
[Analyze grammar]

taptasīsajalaiḥ pūrṇaṃ nirayaṃ ca halāhalam |
prāpya bhuktvā yātanāṃ ca manvantāni caturdaśa || 17 ||
[Analyze grammar]

yukteṣvatha ca lakṣeṣu tathā caturaśītibhiḥ |
kramādyoniṣu jāto'hamidānīṃ cāvasandrume || 18 ||
[Analyze grammar]

daśayojanavistīrṇe śatayojanamunnate |
vyālo'haṃ tāmasaḥ krūraḥ saptayojanakoṭare || 19 ||
[Analyze grammar]

bhūtvā vasāmi viprarṣe karmaṇā bādhitaḥ purā |
ayutaṃ ca samā yātā nirāhārasya koṭare || 20 ||
[Analyze grammar]

daivāttava mukhāṃbhojasamīritakathāmṛtam |
śrutvā cakṣurdvayenāhaṃ sadyo dhvastāśubho mune || 21 ||
[Analyze grammar]

vyālayoniṃ visṛjyā'haṃ divyarūpadharaḥ pumān |
prāṃjaliḥ praṇato bhūtvā pādau te śaraṇaṃ gataḥ || 22 ||
[Analyze grammar]

kasmiñjanmani tvaṃ badhurna jāne munisattama |
na mayopakṛtaṃ kvā'pi sānukampaḥ kutaḥ satām || 23 ||
[Analyze grammar]

sādhūnāṃ samacittānāṃ sadā bhūtadayāvatām |
paropakāraprakṛtirna caiṣāmanyathā matiḥ || 24 ||
[Analyze grammar]

māmadyānugṛhāṇa tvaṃ yathā dharme matirbhavet |
na bhūyādvismṛtiḥ kvā'pi viṣṇordevasya cakriṇaḥ || 25 ||
[Analyze grammar]

mahatāṃ sādhuvṛttānāṃ saṃga tiśca sadā bhavet |
dāridyamekameva syānmadāṃdhaparamāṃjanam || 26 ||
[Analyze grammar]

iti taṃ bahudhā stutvā praṇamya ca punaḥ punaḥ |
prāṃjaliḥ praṇatastasthau tūṣṇīmeva tadagrataḥ || 27 ||
[Analyze grammar]

śaṃkho dorbhyāṃ samutthāpya pūrṇapremapariplutaḥ |
pasparśa pāṇinā cāṃgaṃ śaṃtamena gatādhvasaḥ || 28 ||
[Analyze grammar]

cakre so'nuhgrahaṃ tasmindivyarūpadhare dvije |
prāha taṃ kṛpayā'viṣṭo bhāvivṛttāntamañjasā || 29 ||
[Analyze grammar]

dvija tvaṃ māsamāhātmyaśravaṇācca harerapi |
māhātmyaśravaṇātsadyo vidhvastā'khilabaṃdhanaḥ || 30 ||
[Analyze grammar]

atihāya kalaṃkaṃ ca kramādgatvā punarbhuvi |
daśārṇe viṣame puṇye bhavitā tvaṃ dvijottamaḥ || 31 ||
[Analyze grammar]

vedaśarmeti vikhyātaḥ sarvavedaviśāradaḥ |
tatra te bhavitā jātismṛtirātyaṃtikī śubhā || 32 ||
[Analyze grammar]

tathā smṛtānubandhastvaṃ tyaktasarveṣaṇaḥ śubhaḥ |
karoṣi sakalāndharmānvaiśākhoktānharipriyān || 33 ||
[Analyze grammar]

nirdvandvo niḥspṛho'saṃgo guru bhakto jitendriyaḥ |
sadā viṣṇukathālāpo bhavitā tatra janmani || 34 ||
[Analyze grammar]

tataḥ siddhiṃ samāpyātha vidhvastā'khilabandhanaḥ |
prāpnoṣi paramaṃ dhāma yogairapi durāsadam || 35 ||
[Analyze grammar]

mā bhaiṣīḥ putra bhadraṃ te bhavitā matprasādataḥ |
hāsyādbhayāttathā krodhāddveṣātkāmādathā'pi vā || 36 ||
[Analyze grammar]

snehādvā sakṛduccārya viṣṇornāmā'ghahāri ca |
pāpiṣṭhā api gacchanti viṣṇordhāma nirāmayam || 37 ||
[Analyze grammar]

kimu tacchraddhayā yuktā jitakrodhā jitendriyāḥ |
dayāvantaḥ kathāṃ śrutvā gacchaṃtīti dvijottama || 38 ||
[Analyze grammar]

kecitkevalayā bhaktyā kathālāpaikatatparāḥ |
sarvadharmmojjhitā vā'pi yāṃti viṣṇoḥ paraṃ padam || 39 ||
[Analyze grammar]

dveṣādinā ca bhaktyā vā kecidviṣṇumupāsate |
te'pi yāṃti paraṃ dhāma pūtanevāsuhāriṇī || 40 ||
[Analyze grammar]

mahadbhiḥ saṃgato nityaṃ vāgvisargastadāśrayaḥ |
mumukṣūṇāṃ ca kartavyaḥ sa vidhiḥ śruticoditaḥ || 41 ||
[Analyze grammar]

sa vāgvisargo janatā'ghaviplavo yasminpratiślokamabaddhavatyapi |
nāmānyanaṃtasya yaśoṃkitāni yacchṛṇvanti gāyanti gṛṇaṃti sādhavaḥ || 42 ||
[Analyze grammar]

yaḥ kaṣṭasevāṃ na ca kāṃkṣate vibhurna vāsanaṃ bhūri na rūpayauvane |
smṛtaḥ sakṛdgacchati dhāma bhāsvaraṃ kaṃ vā dayāluṃ śaraṇaṃ vrajeta || 43 ||
[Analyze grammar]

tameva śaraṇaṃ yāhi nārāyaṇamanāmayam |
bhaktavatsalamavyaktaṃ cetogamyaṃ dayānidhim || 44 ||
[Analyze grammar]

kuru sarvānimāndhamānvaiśākhoktānmahāmate |
tena tuṣṭo jagannāthaḥ śarma te ca vidhāsyati || 45 ||
[Analyze grammar]

ityuktvā virarāmātha vyādhaṃ dṛṣṭvā suvismitaḥ |
sa divyaḥ puruṣaḥ prāha punastaṃ munipuṃgavam || 46 ||
[Analyze grammar]

divyapuruṣa uvāca |
dhanyosmyanugṛhīto'smi tvayā śaṃkha dayālunā |
diṣṭyā gatā me duryoniryāmi caiva parāṃ gatim || 47 ||
[Analyze grammar]

iti taṃ ca parikramya hyanujñāto divaṃ yayau |
tataḥ sāyamabhūdrājañcchaṃkho vyādhena toṣitaḥ || 48 ||
[Analyze grammar]

saṃdhyāṃ sāyantanīṃ kṛtvā rātriśeṣaṃ nināya ca |
nānākhyāneśca bhūpānāṃ devānāṃ ca mahātmanām || 49 ||
[Analyze grammar]

līlābhiravatārāṇāṃ dṛṣṭago ṣṭhibhireva ca |
brāhme muhūrte cotthāya pādau prakṣālya vāgyataḥ || 50 ||
[Analyze grammar]

dhyāyaṃśca tārakaṃ brahma kṛtvā śaucādisatkriyām |
vaiśākhe meṣage sūrye snātvā prākca bhagodayāt || 51 ||
[Analyze grammar]

kṛtvā saṃdhyādikaṃ karma tathā saṃtarpya cā'khilān |
vyādhamāhūya hṛṣṭātmā mūrdhni prokṣya nirīkṣya ca || 52 ||
[Analyze grammar]

rāmeti dvyakṣaraṃ nāma dadau vedādhikaṃ śubham |
viṣṇorekaikanāmā'pi sarvavedādhikaṃ matam || 53 ||
[Analyze grammar]

tebhyaścā'naṃtanāmabhyo'dhikaṃ nāmnāṃ sahasrakam |
tādṛṅnāmasahasreṇa rāmanāma samaṃ matam || 54 ||
[Analyze grammar]

tasmādrāmeti tannāma japa vyādha niraṃtaram |
dharmānetānkuru vyādha yāvadāmaraṇāṃtikam || 55 ||
[Analyze grammar]

tataste bhavitā janma valmīkasya ṛṣeḥ kule |
vālmīkiriti nāmnā ca bhūmau khyātimavāpsyasi || 56 ||
[Analyze grammar]

iti vyādhaṃ samādiśya pratasthe dakṣiṇāṃ diśam |
vyādho'pi taṃ parikramya praṇamya ca punaḥpunaḥ || 57 ||
[Analyze grammar]

kiṃciddūrānugo bhūtvā sa rudanvirahāturaḥ |
yāvaddṛṣṭipathaṃ tāvatpaśyaṃstasya gatiṃ punaḥ || 58 ||
[Analyze grammar]

punarnivavṛte kṛcchrāttameva hṛdi ciṃtayan |
vanaṃ nirmāya tanmārge prapāṃ kṛtvā sunirmalām || 59 ||
[Analyze grammar]

atiyogyānimāndharmānvaiśākhoktāṃścakāra ha |
vanyaiḥ kapitthapanasairjaṃbūcūtādibhiḥ phalaiḥ || 60 ||
[Analyze grammar]

mārgānāṃ śramārtānāmāhāraṃ parikalpayan |
upānadbhiścaṃdanaiśca chatraiśca vyajanairapi || 61 ||
[Analyze grammar]

vālukāstaraṇopetacchāyābhiśca kvacitkvacit |
ājahārātha pāṃthānāṃ śramaṃ svedodbhavaṃ tathā || 62 ||
[Analyze grammar]

prātaḥ snātvā divārātraṃ japanrāmeti vai manum |
vyādhajanmani nāmā'sau valmīkasya suto'bhavat || 63 ||
[Analyze grammar]

kṛṇurnāma muniḥ kaścittasminneva sarovare |
tapo vai dustaraṃ tepe bāhyavyāpāravarjitaḥ || 64 ||
[Analyze grammar]

valmīkamabhavaddehe tasya kālena bhūyasā |
valmīka iti taṃ prāhurato vai munipuṃgavam || 65 ||
[Analyze grammar]

paścāttapovirāmāṃte kṛṇau smṛtipathaṃ gate |
striyo'nusmarato rājanskhalitaṃ ceṃdriyaṃ muneḥ || 66 ||
[Analyze grammar]

jagrāha śailuṣī kācittasyāṃ jajñe vanecaraḥ |
vālmīkiriti vikhyāto bhuvaneṣu mahāyaśāḥ || 67 ||
[Analyze grammar]

yo vai rāmakathāṃ divyāṃ svaiḥ prabaṃdhairmanoharaiḥ |
loke prakhyāpayāmāsa karmabandhanikṛṃtanīm || 68 ||
[Analyze grammar]

śrutadeva uvāca |
paśya vaiśākhamāhātmyaṃ bhūpālādyā'pi bhūtidam |
vyādhopyupānahau dattvā ṛṣitvaṃ prāpa durlabham || 69 ||
[Analyze grammar]

ya idaṃ paramākhyānaṃ pāpaghnaṃ romaharṣaṇam |
śṛṇuyācchrāvayedvā'pi na bhūyaḥ stanapo bhavet || 70 ||
[Analyze grammar]

iti śrīskāṃde mahāpurāṇa ekāśītisāhasryāṃ saṃhitāyāṃ dvitīye vaiṣṇavakhaṇḍe vaiśākhamāsamāhātmye nāradāmbarīṣasaṃvāde vyādhopākhyāne vālmīkerjanmakathanannāmaikaviṃśo'dhyāyaḥ || 21 ||
[Analyze grammar]