Chapter 20

[English text for this chapter is available]

vyādha uvāca |
kiṃ jīvā vibhunā sṛṣṭāḥ koṭiśo'tha sahasraśaḥ |
dṛśyaṃte bhinnakarmāṇo nānāmārgāḥ sanātanāḥ || 1 ||
[Analyze grammar]

naikasvabhāvā ete hi kuta eva mahāmate |
sarvaṃ tatpṛcchate mahyaṃ vistarāttattvato vada || 2 ||
[Analyze grammar]

śaṃkha uvāca |
trividhā jīvasaṃghā hi rajaḥsattvatamoguṇāḥ |
rājasā rājasaṃ karma tāmasāstāmasaṃ tathā || 3 ||
[Analyze grammar]

sāttvikāḥ sāttvikaṃ karma kurvaṃtyete yathākramam |
kvacicca guṇavaiṣamyameteṣāṃ saṃsṛtau bhavet || 4 ||
[Analyze grammar]

tenaivoccāvacaṃ karma kurvaṃtaḥ phalabhāginaḥ |
kvacitsukhaṃ kvacidduḥkhaṃ kvaciccobhayameva ca || 5 ||
[Analyze grammar]

guṇānāmeva vaiṣamyātprāpnuvanti narā ime |
prakṛtisthā ime jīvā baddhā etairguṇaistribhiḥ || 6 ||
[Analyze grammar]

guṇakarmā'nurūpeṇa karmaṇāṃ vyatyayaḥ phalam |
guṇānuguṇyaṃ bhūyaste prakṛtiṃ yāṃtyamī janāḥ || 7 ||
[Analyze grammar]

prakṛtisthāḥ prākṛtikā guṇakarmā'bhimūrchitāḥ |
gatiṃ prākṛtikīṃ yāṃti vyatyayaḥ prakṛterna hi || 8 ||
[Analyze grammar]

tāmasā duḥkhabahulāḥ sadā tāmasavṛttayaḥ |
nirdayā niṣṭhurā loke sadā dveṣaikajīvinaḥ || 9 ||
[Analyze grammar]

rākṣasādyāḥ piśācāṃtāstāmasīṃ yāṃti vai gatim |
rājasā miśramatayaḥ kartāraḥ puṇyapāpayoḥ || 10 ||
[Analyze grammar]

puṇyātsvargaṃ prāpnuvanti kvacitpāpācca yātanām |
ata ete mandabhāgyā āvartaṃte punaḥ punaḥ || 11 ||
[Analyze grammar]

dharmaśīlā dayāvantaḥ śraddhāvanto'nasūyakāḥ |
sāttvikāḥ sāttvikīṃ vṛttimanutiṣṭhaṃta āsate || 12 ||
[Analyze grammar]

te cordhvaṃ yāṃti vimalā guṇāpāye mahaujasaḥ |
vibhinnakarmaṇāṃ cātaḥ pṛthagbhāvāḥ pṛthagvidhāḥ || 13 ||
[Analyze grammar]

guṇakarmānurūpeṇa teṣāṃ viṣṇurmahāprabhuḥ |
karmāṇi kārayatyaddhā svasvarūpāptaye vibhuḥ || 14 ||
[Analyze grammar]

viṣṇorvaiṣamyanairghṛṇye pūrṇakāmasya vai nahi |
sṛṣṭiṃ sthitiṃ hṛtiṃ caiva samāmeva karotyayam || 15 ||
[Analyze grammar]

svaguṇādeva te sarve karmaṇaḥ phalabhāginaḥ |
ārāmoptānyathā sarvānsamaṃ varṣayati drumān || 16 ||
[Analyze grammar]

ekakulyājalā hyaṃga drumāśca prakṛtiṃ gatāḥ |
nārāmoptari vaiṣamyaṃ nairghṛṇyaṃ vā kathaṃcana || 17 ||
[Analyze grammar]

vyādha uvāca |
janānāṃ pūrṇabhogānāṃ kadā muktirbhavenmune |
sṛṣṭikāle'thavā hyaṃtakāle vā sthāpanasya ca || 18 ||
[Analyze grammar]

kvacicca sṛṣṭikālasya saṃhārasyā'pi vai sthiteḥ |
etadvistārya me brahmanbhagavacceṣṭitaṃ vada || 19 ||
[Analyze grammar]

śaṃkha uvāca |
caturyugasahasrāṇi brahmaṇo dinamucyate |
rātriśca tāvatī tasya hyahorātraṃ dinaṃ bhavet || 20 ||
[Analyze grammar]

daśapaṃcadinānyāhuḥ pakṣaṃ māso dvayātmakaḥ |
māsadvayamṛtuṃ prāhurayanaṃ ca ṛtutrayam || 21 ||
[Analyze grammar]

ayane dve vatsaraḥ syāttādṛkcchatasamā yadi |
gacchaṃti brahmaṇo hyasya brahmakalpaṃ tadā viduḥ || 22 ||
[Analyze grammar]

tāvānhi pralayaḥ kāla iti vedavidāṃ matam |
pralayastrividhaḥ prokto mānavo mānavātyaye || 23 ||
[Analyze grammar]

dainaṃdino dvitīyo hi brahmaṇo divasātyaye |
brahmaṇo'tha laye paścādbrāhmaṃ ca pralayaṃ viduḥ || 24 ||
[Analyze grammar]

brahmaṇastu muhūrte tu manostu pralayaṃ viduḥ |
pralayeṣu vyatīteṣu caturdaśasu vai kramāt || 25 ||
[Analyze grammar]

dainaṃdinalayaṃ prāhuḥ pralayānāṃ sthitiṃ punaḥ |
trayāṇāmeva lokānāṃ layo manvaṃtare bhavet || 26 ||
[Analyze grammar]

cetanānāṃ tadā nāśo na lokānāṃ kṣayo bhavet |
udakaireva pūrtiśca yathā pūrvaṃ tathā punaḥ || 27 ||
[Analyze grammar]

manvaṃtarāṃte bhūyāttu cetanānāṃ punarbhavaḥ |
dainaṃdinalaye vyādha sarvasyāpi kṣayo bhavet || 28 ||
[Analyze grammar]

satyalokaṃ vinā sarve lokā naśyaṃti sādhipāḥ |
sacetanāḥ sādhibhūtāḥ prasupte caturānane || 29 ||
[Analyze grammar]

tattvābhimānino devāḥ kecicca munayastathā |
śiṣyaṃti suptāḥ sarve'pi satyalokavyavasthitāḥ || 30 ||
[Analyze grammar]

tiṣṭhaṃti suptimāpannā yāvatkalpamatīṃdriyāḥ |
punarniśātyaye brahmā yathāpūrvamakalpayat || 31 ||
[Analyze grammar]

ṛṣīndevānpitṝṃllokāndharmānvarṇānpṛthakpṛthak |
punardaśāvatārā hi viṣṇordevasya cakriṇaḥ || 32 ||
[Analyze grammar]

niyamena bhavaṃtyete tathānye'pi ca bhūriśaḥ |
devatā ṛṣayaścaiva ākalpaṃ ca girāṃ pateḥ || 33 ||
[Analyze grammar]

punarevā'bhivartaṃte brahmaṇā saha muktigāḥ |
bhūpāśca sādhavo ye ca siddhiṃ prāptāḥ paraṃ gatāḥ || 34 ||
[Analyze grammar]

tenaiva cābhivartaṃte satyalokavyavasthitāḥ |
tadrāśigāḥ punaryāṃti tannāmnā śrutisaṃsthitāḥ || 35 ||
[Analyze grammar]

tattadgotreṣu jāyaṃte tattatkarmaratāḥ sadā |
daityānāmapi sarveṣāṃ yadā kaliyugātyayaḥ || 36 ||
[Analyze grammar]

kalinā saha gacchaṃti svāṃ gatiṃ nirayālayāḥ |
teṣāṃ ca rāśisaṃsthā ye tannāmāno'pare'pi ca || 37 ||
[Analyze grammar]

jāyaṃte karmaṇā svena tattatkarmavidhāyakāḥ |
sṛṣṭikālaṃ pravakṣyāmi muktikālaṃ tathaiva ca || 38 ||
[Analyze grammar]

brahmādīnāṃ ca devānāṃ samāhitamanā bhava |
nimeṣo devadevasya brahmakalpasamo mataḥ || 39 ||
[Analyze grammar]

tasyāvasāne conmeṣo devadevaśikhāmaṇeḥ |
nimeṣāṃ'te bhavedicchā sraṣṭuṃ lokāṃśca kukṣigān || 40 ||
[Analyze grammar]

so'paśyatsvodare sarvāñjīvasaṃghānanekaśaḥ |
sṛjyānmuktānamṛnsarvāṃ liṃgabhaṃgamupāgatān || 41 ||
[Analyze grammar]

suptāḥ sṛtisthāḥ sarve'pi tamogā api sarvaśaḥ |
pūrvakalpe liṃgabhaṃgamāpannā vidhipūrvakāḥ || 42 ||
[Analyze grammar]

mānavāṃtā jīvakośā jīvanmuktāśca muktigāḥ |
pūrvakalpe vimuktāśca brahmādyā mānavāṃtakāḥ || 43 ||
[Analyze grammar]

dhyānasaṃsthā hi tiṣṭhaṃti viṣṇukukṣigatā api |
unmeṣasyādime bhāge caturvyūhātmako vibhuḥ || 44 ||
[Analyze grammar]

bhūtvā tu pūrvasādguṇyādvāsudevācca vyūhagāt |
dattvā tu brahmaṇo muktiṃ sāyujyākhyāṃ mahāvibhuḥ || 45 ||
[Analyze grammar]

dattvā tadanu sāyujyaṃ tattvajñānaṃ mahātmanām |
sārūpyaṃ caiva keṣāṃcitsāmīpyaṃ ca tathā vibhuḥ || 46 ||
[Analyze grammar]

sālokyaṃ ca tathā'nyeṣāṃ dattvā devo janārdanaḥ |
aniruddhavaśe sarvānsthitāṃllokānalokayat || 47 ||
[Analyze grammar]

pradyumnasya vaśe dattvā sṛṣṭiṃ kartuṃ mano dadhe |
māyāṃ jayāṃ kṛtiṃ śāṃtimupayeme svayaṃ hariḥ || 48 ||
[Analyze grammar]

caturvyūhaiḥ pūrṇaguṇairvāsudevādikaiḥ kramāt |
tābhiryukto mahāviṣṇuścaturvyūhātmako vibhuḥ || 49 ||
[Analyze grammar]

bhinnakarmāśayaṃ lokaṃ pūrṇakāmo vyajījanat |
unmeṣāṃte punarviṣṇuryogamāyāṃ samāśritaḥ || 50 ||
[Analyze grammar]

saṃkarṣaṇādvyūhagācca haratyetaccarācaram |
tadetatsarvamākhyātaṃ kāryaṃ ciṃtyaṃ mahātmanaḥ || 51 ||
[Analyze grammar]

yadaciṃtyaṃ durvibhāvyaṃ brahmādyairapi yogibhiḥ |
vyādha uvāca |
ke vā bhāgavatā dharmāḥ kairviṣṇuśca prasīdati || 52 ||
[Analyze grammar]

tānahaṃ śrotumicchāmi sāṃprataṃ vada no mune |
śaṃkha uvāca |
yena cittaviśuddhiḥ syādyaḥ satāmupakārakaḥ || 53 ||
[Analyze grammar]

taṃ viddhi sāttvikaṃ dharmaṃ yaśca kenāpya niṃditaḥ |
śrutismṛtyudito yastu yadi niṣkāmiko bhavet || 54 ||
[Analyze grammar]

yastu lokā'viruddho'pi taṃ dharmaṃ sāttvikaṃ viduḥ |
caturvidhā hi te dharmā varṇāśramavibhāgataḥ || 55 ||
[Analyze grammar]

nityanaimittikāḥ kāmyā iti te ca tridhā matāḥ |
te sarve svasvadharmāśca yadā viṣṇoḥ samarpitāḥ || 56 ||
[Analyze grammar]

tadā vai sāttvikā jñeyā dharmā bhāgavatāḥ śubhāḥ |
devatāṃtaradaivatyāḥ sakāmā rājasā matāḥ || 57 ||
[Analyze grammar]

yakṣarakṣaḥpiśācādidaivatyā lokaniṣṭhurāḥ |
hiṃsātmakā niṃditāśca dharmāste tāmasāḥ smṛtāḥ || 58 ||
[Analyze grammar]

sattvasthāḥ sāttvikāndharmānviṣṇuprītikarāñcchubhān |
kurvaṃtyanīhayā nityaṃ te vai bhāgavatāḥ smṛtāḥ || 59 ||
[Analyze grammar]

yeṣāṃ cittaṃ sadā viṣṇau jihvāyāṃ nāma vai vibhoḥ |
pādau ca hṛdaye yeṣāṃ te vai bhāgavatāḥ smṛtāḥ || 60 ||
[Analyze grammar]

sadācāra ratā ye ca sarveṣāmupakārakāḥ |
sadaiva mamatāhīnāste vai bhāgavatāḥ smṛtāḥ || 61 ||
[Analyze grammar]

yeṣāṃ ca śāstre viśvāso gurau sādhuṣu karmasu |
ye viṣṇu bhaktāḥ satataṃ te vai bhāgavatāḥ smṛtāḥ || 62 ||
[Analyze grammar]

yeṣāṃ hi saṃmatā dharmāḥ śāśvatā viṣṇuvallabhāḥ |
śrutismṛtyuditā ye ca te dharmāḥ śāśvatā matāḥ || 63 ||
[Analyze grammar]

aṭanaṃ sarvadeśeṣu vīkṣaṇaṃ sarvakarmaṇām |
śravaṇaṃ sarvadharmāṇāṃ viṣayā'saktacetasām || 64 ||
[Analyze grammar]

akiṃcitkarameteṣāṃ ṣaṃḍhasyeva varastriyaḥ |
sādhūnāṃ darśanenaiva mano dravati vai satām || 65 ||
[Analyze grammar]

caṃdrasya kaumudīsaṃgāccaṃdrakāṃtaśilā yathā |
kvacitsacchāstraśravaṇādviṣayai rahitaṃ manaḥ || 66 ||
[Analyze grammar]

tiṣṭhatyeva satāṃ puṃsāṃ tejorūpaṃ hyakalmaṣam |
padmabandhoḥ prabhāsaṃgātsūryakāṃtaśilā yathā || 67 ||
[Analyze grammar]

niṣkāmairhi janairyaistu śraddhayā samupāśritaḥ |
yo viṣṇuvallabho nityaṃ dharmo bhāgavato mataḥ || 68 ||
[Analyze grammar]

tairdṛṣṭā vahavo dharmā ihā'mutra phalapradāḥ |
viṣṇuprītikarāḥ sūkṣmāḥ sarvaduḥkhavimocakāḥ || 69 ||
[Analyze grammar]

dadhnaḥ sāramivoddhṛtya dharmaṃ vaiśākhasaṃbhavam |
ramāyai bhagavānāha kṣīrābdhau hitakāmyayā || 70 ||
[Analyze grammar]

mārgacchāyāvinirmāṇaṃ prapādānaṃ ca vai tathā |
vyajanairvyajanaṃ caiva praśrayāṇāṃ samarpaṇam || 71 ||
[Analyze grammar]

chatrasyopānahordānaṃ dānaṃ karpūragandhayoḥ |
vāpīkūpataḍāgānāṃ nirmāṇaṃ vibhave sati || 72 ||
[Analyze grammar]

sāyāhne pānakasyāpi dānaṃ tu kusumasya ca |
tāṃbūladānaṃ pāpaghnaṃ gorasānāṃ viśeṣataḥ || 73 ||
[Analyze grammar]

lavaṇānvitatakrasya dānaṃ śrāṃtāya vai pathi |
abhyaṃgakaraṇaṃ caiva dvijapādāvanejanam || 74 ||
[Analyze grammar]

kaṭakambalaparyaṃkadānaṃ godānameva ca |
madhuyuktatilānāṃ ca dānaṃ pāpavināśanam || 75 ||
[Analyze grammar]

sāyāhne cekṣudaṇḍānāṃ dānamurvārukasya ca |
rasāyanapradānaṃ ca pitṛnirvāpaṇaṃ tathā || 76 ||
[Analyze grammar]

ete dharmā pi śiṣyoktā māse'sminmādhavapriye |
prātaḥ sūryodaye snātvā śṛṇvandvijakuleritam || 77 ||
[Analyze grammar]

nityakarmāṇi kṛtvaivaṃ madhusūdanamarcayet |
kathāṃ mādhavamāsīyāṃ śṛṇuyācca samāhitaḥ || 78 ||
[Analyze grammar]

tailābhyaṃgaṃ varjayecca kāṃsyapātre tu bhojanam |
niṣiddhabhakṣaṇaṃ caiva vṛthā'lāpaṃ tu varjayet || 79 ||
[Analyze grammar]

alābuṃ gṛṃjaraṃ caiva laśunaṃ tilapiṣṭakam |
āranālaṃ bhissaṭaṃ ca ghṛtakośātakīṃ tathā || 80 ||
[Analyze grammar]

upodakīṃ kaliṃgaṃ ca śigruśākaṃ ca varjayet |
niṣpāvāni kulitthāni masūrāṇi ca varjayet || 81 ||
[Analyze grammar]

vṛṃtākāni kaliṃgāni kodravāṇi ca varjayet |
taṃdulīyakaśākaṃ ca kausumbhaṃ mūlakaṃ tathā || 82 ||
[Analyze grammar]

auduṃbaraṃ bilvaphalaṃ tathā śleṣmā takīphalam |
sarvathā varjayedvidvānmāse'sminmādhavapriye || 83 ||
[Analyze grammar]

eteṣvanyatamaṃ bhuktvā sa caṃḍālo bhaveddhruvam |
tiryagyoniśataṃ yāti nātra kāryā vicāraṇā || 84 ||
[Analyze grammar]

evaṃ māsavrataṃ kuryātprītaye madhughātinaḥ |
evaṃ vrate samāpte tu pratimāṃ kārayedvibhoḥ || 85 ||
[Analyze grammar]

madhusūdanadaivatyāṃ savastrāṃ ca sadakṣiṇām |
svarcitāṃ vibhavaiḥ sarvairbrāhmaṇāya nivedayet || 86 ||
[Analyze grammar]

vaiśākhasitadvādaśyāṃ dadyāddadhyannamaṃjasā |
sodakumbhaṃ satāṃbūlaṃ saphalaṃ ca sadakṣiṇam || 87 ||
[Analyze grammar]

dadāmi dharmarājāya tena prīṇātu vai yamaḥ |
apasavyātsamuccārya nāmagotre pitustataḥ || 88 ||
[Analyze grammar]

dadyāddadhyannamakṣayyaṃ pitṝṇāṃ tṛptihetave |
gurubhyaśca tathā dadyātpaścāddadyācca viṣṇave || 89 ||
[Analyze grammar]

śītalodakadadhyannaṃ kāṃsyapātrasthamuttamam |
sadakṣiṇaṃ satāṃbūlaṃ sabhakṣyaṃ ca phalānvitam || 90 ||
[Analyze grammar]

dadāmi viṣṇave tubhyaṃ viṣṇulokajigīṣayā |
iti dattvā yathāśaktyā gāṃ ca dadyātkuṭuṃbine || 91 ||
[Analyze grammar]

evaṃ māsavrataṃ kuryādyo daṃbhena vivarjitaḥ |
sa sarvaiḥ pātakairhīnaḥ kulamuddhṛtya vai śatam || 92 ||
[Analyze grammar]

paśyatāmeva bhūtānāṃ bhittvā vai sūryamaṃḍalam |
yāti viṣṇoḥ paraṃ dhāma yogināmapi durlabham || 93 ||
[Analyze grammar]

vyākhyātyevaṃ dvijakulavare mādhavīyāṃśca |
dharmānviṣṇvādīṣṭānatimahitarānvyādhapṛṣṭānsamastān || 94 ||
[Analyze grammar]

vaṭaḥ sadyaḥ paśyatāmeva bhūmau papātāho paṃcaśākhī drumo'yam |
vṛkṣāttasmātkoṭare saṃsthito hi vyālaḥ kaściddīrghadehī karālaḥ |
hitvā dehaṃ pāpayoniṃ ca sadyaḥ sa vai tasthau prāṃjalirnamramūrdhā || 95 ||
[Analyze grammar]

iti śrīskānde mahāpurāṇa ekāśītisāhasryāṃ saṃhitāyāṃ dvitīye vaiṣṇavakhaṃḍe vaiśākhamāsamāhātmye nāradāmbarīṣasaṃvāde bhāgavatadharmakathanaṃnāma viṃśo'dhyāyaḥ || 20 ||
[Analyze grammar]