Chapter 14

[English text for this chapter is available]

śrutadeva uvāca |
yaḥ prātaḥ snāti vaiśākhe meṣasaṃsthe divākare |
madhusūdanamabhyarcya kathāṃ śrutvā harerimām || 1 ||
[Analyze grammar]

sa tu pāpavinirmukto yāti viṣṇoḥ paraṃ padam |
vācyamānāṃ kathāṃ hitvā yo'nyāṃ seveta mūḍhadhīḥ || 2 ||
[Analyze grammar]

rauravaṃ narakaṃ prāpya paiśācīṃ yonimāpnuyāt |
atraivodāharantīmamitihāsaṃ purātanam || 3 ||
[Analyze grammar]

pāpaghnaṃ pāvanaṃ dharmyaṃ sadyo vaṃdyaṃ purātanam |
purā godāvarītīre kṣetre brahmeśvare śubhe || 4 ||
[Analyze grammar]

durvāsaśiṣyau paramahaṃsau brahmaikaniṣṭhitau |
sadaivopaniṣadvidyāniṣṭhitau nirapekṣitau || 5 ||
[Analyze grammar]

bhikṣāmātrāśinau puṇyau tau guhāvāsināvubhau |
satyaniṣṭhataponiṣṭhāviti khyātau jagattraye || 6 ||
[Analyze grammar]

tayormadhye satyaniṣṭhaḥ sadā viṣṇukathāparaḥ |
śrotṝṇāmapyabhāve ca vyākhyātṝṇāṃ tathā nṛpa || 7 ||
[Analyze grammar]

tadā karmakalā nityāḥ karotyaddhā munīśvaraḥ |
śrotā cedasti yaḥ kaścittasmai vyākhyā tyaharniśam || 8 ||
[Analyze grammar]

yadi vyākhyāti kaścidvā puṇyāṃ viṣṇukathāṃ śubhām |
tadā saṃkucya karmāṇi śṛṇoti śravaṇe rataḥ || 9 ||
[Analyze grammar]

atidūrasthatīrthāni devatāyatanāni ca |
hitvā kathāvirodhīni tathā karmāṇi bhūriśaḥ || 10 ||
[Analyze grammar]

śṛṇoti ca kathāṃ divyāṃ śrotṛbhyo vakti vai svayam |
vinā kathāṃ na jānāti sevyamanyannareśvara || 11 ||
[Analyze grammar]

vyākhyāti ca gṛhe svasya vaktā rogādyupadrutaḥ |
kūpasnānaparo bhūtvā śṛṇotyeva kathāṃ muniḥ || 12 ||
[Analyze grammar]

kathāyāśca virāme tu svakṛtyaṃ sādhayatyalam |
kathāṃ vai śṛṇvataḥ puṃso janmamabandho na vidyate || 13 ||
[Analyze grammar]

sattvaśuddhistato viṣṇāvaratiścaiva gacchati |
ratiśca jāyate viṣṇau sauhṛdaṃ caiva sādhuṣu || 14 ||
[Analyze grammar]

nīrajaṃ nirguṇaṃ brahma sadyo hṛdyavarudhyate |
jñānahīnasya vai puṃsaḥ karma vai niṣphalaṃ bhavet || 15 ||
[Analyze grammar]

bahudhā caritaṃ cā'pi yathaivāṃdhakadarpaṇam |
karmāṇi kriyamāṇāni bahudhā śocitātmabhiḥ || 16 ||
[Analyze grammar]

sattvaśuddhyai bhavaṃtyeva sattvaśuddhyā śrutiṃ vrajet |
śrutestu jñānamāsādya jñātvā dhyānāya kalpate || 17 ||
[Analyze grammar]

bahudhā śravaṇaṃ dhyānaṃ mananaṃ śruticoditam |
yatra viṣṇukathā nāsti yatra sādhujanā nahi || 18 ||
[Analyze grammar]

sākṣādgaṃgātaṭaṃ vā'pi tyājyameva na saṃśayaḥ |
yaddeśe tulasī nāsti vaiṣṇavaṃ dhāma vā śubham || 19 ||
[Analyze grammar]

yatra viṣṇukathā nāsti mṛtastatra tamo vrajet |
yadgrāme vaiṣṇavaṃ dhāma nāsti kṛṣṇamṛgo'pi vā || 20 ||
[Analyze grammar]

yatra viṣṇukathā nāsti sādhavo vā tadāśrayāḥ |
mṛtastatra pumānkṣipraṃ śvānayoniśataṃ vrajet || 21 ||
[Analyze grammar]

vicāryopaniṣadvidyāmiti niścitya vai muniḥ |
sadā viṣṇukathā'sakto viṣṇusmṛtiparāyaṇaḥ || 22 ||
[Analyze grammar]

na kiṃcidadhikaṃ jātu manyate śravaṇātparam |
itarastu taponiṣṭhaḥ karmaniṣṭho durāgrahī || 23 ||
[Analyze grammar]

na vyākhyāti svayaṃ vā'pi na śṛṇoti ca satkathām |
vācyamānāṃ kathāṃ hitvā tīrthasnānāya gacchati || 24 ||
[Analyze grammar]

tīrthe'pi ca pravṛttāyāṃ kathāyāṃ bhūmipālaka |
karmalopabhayāddūraṃ yāti cāṃcalyaśaktitaḥ || 25 ||
[Analyze grammar]

vrajaṃti gṛhakṛtyārthaṃ saṃgamātparato janāḥ |
na śrotāro na vaktārastasya pārśve tu karmiṇaḥ || 26 ||
[Analyze grammar]

durātmanastu durbuddheḥ kāla evaṃ kṣayaṃ gate |
jihvāṃ śrutiṃ ca na kvāpi saṃprāptā hi kathā vibhoḥ || 27 ||
[Analyze grammar]

aśrotṛtvādavaktṛtvāddurbuddhitvāddurāgrahāt |
paścātpaṃcatvamāsādya sadyo dharmeṇa vai muniḥ || 28 ||
[Analyze grammar]

piśāco'bhūcchamīvṛkṣe cchinnakarṇāhvayo'balaḥ |
nirāśrayo nirāhāraḥ śuṣkakaṇṭhoṣṭhatālukaḥ || 29 ||
[Analyze grammar]

evaṃ vai khidyamānasya samā divyāyutā gatāḥ |
nāpaśyatsvasya trātāraṃ nirāhāro'tiduḥkhitaḥ || 30 ||
[Analyze grammar]

svakṛtaṃ ciṃtayānaśca mattonmatta ivābhramat |
kṣudhayā paryaṭanvā'pi nirvṛtiṃ nāpa mūḍhadhīḥ || 31 ||
[Analyze grammar]

kṛśānusadṛśo vāyuraṃgaṃ spṛṣṭvā kṛtātmanaḥ |
kālāgnitulyā āpaśca phalapuṣpādikaṃ viṣam || 32 ||
[Analyze grammar]

na kvāpi sukhamāpede karmaṭho dīnadhīrayam |
evaṃ vyavasite tasminnaraṇye janavarjite || 33 ||
[Analyze grammar]

kathayā rahite kṣetre svāśraye sādhuvarjite |
daivādāyātsatyaniṣṭhastadā paiṭhinasīṃ purīm || 34 ||
[Analyze grammar]

gacchanmārge dadarśā'sau chinnakarṇaṃ vahuvyatham |
dṛṣṭvā'tmānaṃ drāvayantaṃ rudaṃtaṃ kṣudhayā'turam || 35 ||
[Analyze grammar]

mā bhaiṣīriti cābhāṣya ko'sītyāha munīśvaraḥ |
daśedṛśī ca kasmātte na te duḥkhamataḥ param || 36 ||
[Analyze grammar]

ityāśvasto'munā cchinnakarṇaḥ prāhātivihvalaḥ |
taponiṣṭho yatirahaṃ śiṣyo durvāsasaḥ param || 37 ||
[Analyze grammar]

brahmeśvarakṣetravāsī karmaniṣṭho durāgrahī |
karmalopabhayānmauḍhyānmayā durbuddhinā mune || 38 ||
[Analyze grammar]

sādhubhirvācyamānā'pi nādṛtā viṣṇusatkathā |
na vyākhyātā ca śrotṛbhyaḥ kathā karmanikṛtaṃnī || 39 ||
[Analyze grammar]

tena karmavipākena mahatā'haṃ mṛtiṃ gataḥ |
chinnakarṇo'bhavaṃ nāmnā piśāco duḥkhavihvalaḥ || 40 ||
[Analyze grammar]

na paśyāmi ca trātāraṃ duḥkhādasmātkathaṃcana |
tava dṛṣṭipathaṃ yāto diṣṭayā'haṃ gatakalmaṣaḥ || 41 ||
[Analyze grammar]

adya me devatāstuṣṭā guravaḥ sādhavaśca ye |
hariśca me prasanno'bhūdyataste darśanaṃ mama || 42 ||
[Analyze grammar]

papāta pādayorbhūmau trāhitrāhīti vai rudan |
tatastu kṛpayā'viṣṭaḥ satyaniṣṭho mahāyaśāḥ || 43 ||
[Analyze grammar]

dorbhyāmutthāpayāmāsa śaṃtamābhyāṃ munīśvaraḥ |
tatastvapa upaspṛśya dadau puṇyamanuttamam || 44 ||
[Analyze grammar]

vaiśākhamāsamāhātmyaśravaṇasya muhūrtajam |
tena puṇyaprabhāvena sadyo dhvastākhilāśubhaḥ || 45 ||
[Analyze grammar]

piśācadehanirmukto divyadehadharo'bhavat |
divyaṃ vimānamāruhya taṃ praṇamya mahāmunim || 46 ||
[Analyze grammar]

āmaṃtrya ca parikramya yayau viṣṇoḥ paraṃ padam |
satyaniṣṭhastato dhīmānyayau paiṭhinasīṃ purīm || 47 ||
[Analyze grammar]

māhātmyaśravaṇasyaivaṃ ciṃtayānaḥ punaḥpunaḥ |
śrutadeva uvāca |
yatra viṣṇukathā puṇyā śubhā lokamalā'pahā || 48 ||
[Analyze grammar]

tatra sarvāṇi tīrthāni kṣetrāṇi vividhāni ca |
yatra pravahate puṇyā śubhā viṣṇukathā'pagā || 49 ||
[Analyze grammar]

taddeśavāsināṃ muktiḥ karasaṃsthā na saṃśayaḥ || 50 ||
[Analyze grammar]

iti śrīskāṃde mahāpurāṇa ekāśītisāhasryāṃ saṃhitāyāṃ dvitīye vaiṣṇavakhaṇḍe nāradāmbarīṣasaṃvāde kathāpraśaṃsāyāṃ piśācamuktiprāptirnāma caturdaśo'dhyāyaḥ || 14 ||
[Analyze grammar]