Chapter 2

[English text for this chapter is available]

śrīṛṣaya ūcuḥ |
śāṃḍilye tau samādiśya parāvṛtte svamāśramam |
ki kathaṃ cakratustau tu rājānau sūta tadvada || 1 ||
[Analyze grammar]

śrīsūta uvāca |
tatastu viṣṇurātena śreṇīmukhvāḥ sahasraśaḥ |
indraprasthātsamānāyya mathurāsthānamāpitāḥ || 2 ||
[Analyze grammar]

māthurānbrāhmaṇāṃstatra vānarāṃśca purātanān |
vijñāya mānanīyatvaṃ teṣu sthāpitavānsvarādaṭ || 3 ||
[Analyze grammar]

vajrastu tatsahāyena śāṇḍilyasyā'pyanugrahāt |
govindagopagopīnāṃ līlāsthānānyanukramāt || 4 ||
[Analyze grammar]

vijñāyā'bhidhayā'sthāpya grāmānāvāsayadbahūn |
kuṇḍakūpādipūrtena śivādisthāpanena ca || 5 ||
[Analyze grammar]

govindaharidevādisvarūpā'ropaṇena ca |
kṛṣṇaikabhaktiṃ sve rājyaṃ tatāna ca mumoda ha || 6 ||
[Analyze grammar]

prajāstu muditāstasya kṛṣṇakīrtanatatparāḥ |
paramānandasampannā rājyaṃ tasyaiva tuṣṭuvuḥ || 7 ||
[Analyze grammar]

ekadā kṛṣṇapatnyastu śrīkṛṣṇavirahāturāḥ |
kālindīṃ muditā vīkṣya papracchurgatamatsarāḥ || 8 ||
[Analyze grammar]

śrīkṛṣṇapatnya ūcuḥ |
yathā vayaṃ kṛṣṇapatnyastathā tvamapi śobhane |
vayaṃ virahaduḥkhārtāstvaṃ na kālindi tadvada || 9 ||
[Analyze grammar]

tacchrutvā smayamānā sā kālindī vākyamabravīt |
sāpatnyaṃ vīkṣya tattāsāṃ karuṇāparamānasā || 10 ||
[Analyze grammar]

śrīkālindyuvāca |
ātmārāmasya kṛṣṇasya dhruvamātmāsti rādhikā |
tasyā dāsyaprabhāveṇa viraho'smānna saṃspṛśet || 11 ||
[Analyze grammar]

tasyā evāṃśavistārāḥ sarvāḥ śrīkṛṣṇanāyikāḥ |
nityasaṃbhoga evāsti tasyāḥ sāmmukhyayogataḥ || 12 ||
[Analyze grammar]

sa eva sā sa saivāsti vaśī tatpremarūpikā |
śrīkṛṣṇanakhacandrālisaṃgāccandrāvalī smṛtā || 13 ||
[Analyze grammar]

rūpāntaraṃ ca gṛhṇānā tayoḥ sevātilālasā |
rukmiṇyādisamāveśo mayātraiva vilokitaḥ || 14 ||
[Analyze grammar]

yuṣmākamapi kṛṣṇena viraho naiva sarvataḥ |
kintu evaṃ na jānītha tasmādvyākulatāmitāḥ || 15 ||
[Analyze grammar]

evamevātra gopīnāmakrūrāvasare purā |
virahābhāsa evāsīduddhavena samāhitaḥ || 16 ||
[Analyze grammar]

tenaiva bhavatīnāṃ cedbhavedatra samāgamaḥ |
tarhi nityaṃ svakāntena vihāramapi lapsyatha || 17 ||
[Analyze grammar]

śrīsūta uvāca |
evamuktāstu tāḥ patnyaḥ prasannāṃ punarabruvan |
uddhavālokanenātmapreṣṭhasaṃgamalālasāḥ || 18 ||
[Analyze grammar]

śrīkṛṣṇapatnya ūcuḥ |
dhanyāsi sakhi kāntena yasyā naivāsti vicyutiḥ |
yataste svārthasaṃsiddhistasyā dāsyo babhūvima || 19 ||
[Analyze grammar]

parantūddhavalābhe syādasmatsarvārthasādhanam |
tathā vadasva kālindi tallābho'pi yathā bhavet || 20 ||
[Analyze grammar]

śrīsūta uvāca |
evamuktā tu kālindī pratyuvācātha tāstathā |
smarantī kṛṣṇacandrasya kalāṣoḍaśarūpiṇī || 21 ||
[Analyze grammar]

sādhanabhūmirbadarī vrajatā kṛṣṇena maṃtriṇe proktā |
tatrāste sa tu sākṣāttadvayunaṃ grāhayaṃllokān || 22 ||
[Analyze grammar]

phalabhūmirvrajabhūmirdattā tasmai puraiva sarahasyam |
phalamiha tirohitaṃ sattadihedānīṃ sa uddhavo'lakṣyaḥ || 23 ||
[Analyze grammar]

govarddhanagirinikaṭe sakhīsthale tadrajaḥkāmaḥ |
tatratyāṅkuravallīrūpeṇāste sa uddhavo nūnam || 24 ||
[Analyze grammar]

ātmotsavarūpatvaṃ hariṇā tasmai samarpitaṃ niyatam |
tasmāttatra sthitvā kusumasaraḥparisare savajrābhiḥ || 25 ||
[Analyze grammar]

vīṇāveṇumṛdaṃgaiḥ kīrtanakāvyādisarasasaṃgītaiḥ |
utsava ārabdhavyo hariratalokānsamānāyya || 26 ||
[Analyze grammar]

tatroddhavāvaloko bhavitā niyataṃ mahotsave vitate |
yauṣmākīṇāmabhimatasiddhiṃ savitā sa eva savitānām || 27 ||
[Analyze grammar]

śrīsūta uvāca |
iti śrutvā prasannāstāḥ kālindīmabhivandya tat |
kathayāmāsurāgatya vajraṃ prati parīkṣitam || 28 ||
[Analyze grammar]

viṣṇurātastu tacchrutvā prasannastadyutastadā |
tatraivāgatya tatsarvaṃ kārayāmāsa satvaram || 29 ||
[Analyze grammar]

govardhanādadūreṇa vṛndāraṇye sakhīsthale |
pravṛttaḥ kusumāmbhodhau kṛṣṇasaṃkīrtanotsavaḥ || 30 ||
[Analyze grammar]

vṛṣabhānusutākāntavihāre kīrtanaśriyā |
sākṣādiva samāvṛtte sarve'nanyadṛśo'bhavan || 31 ||
[Analyze grammar]

tataḥ paśyatsu sarveṣu tṛṇagulmalatācayāt |
ājagāmoddhavaḥ sragvī śyāmaḥ pītāmbarāvṛtaḥ || 32 ||
[Analyze grammar]

guñjāmālādharo gāyanballavīvallabhaṃ muhuḥ |
tadāgamanato reje bhṛśaṃ saṃkīrtanotsavaḥ || 33 ||
[Analyze grammar]

candrikāgamato yadvatsphāṭikāṭṭālabhūmaṇiḥ |
atha sarve sukhāmbhodhau magnāḥ sarvaṃ visasmaruḥ || 34 ||
[Analyze grammar]

kṣaṇenāgatavijñānā dṛṣṭvā śrīkṛṣṇarūpiṇam |
uddhavaṃ pūjayāṃcakruḥ pratilabdhamanorathāḥ || 35 ||
[Analyze grammar]

iti śrīskāṃde mahāpurāṇa ekāśītisāhasryāṃ saṃhitāyāṃ dvitīye vaiṣṇavakhaṇḍe śrīmadbhāgavatamāhātmye govarddhanaparvatasamīpe parīkṣidādīnāmuddhavadarśanavarṇanonāma dvitīyo'dhyāyaḥ || 2 ||
[Analyze grammar]