Chapter 15

[English text for this chapter is available]

śrībhagavānuvāca |
ye tvayā vai kṛtāḥ praśnāḥ pūrvaṃ praśnavidāṃ vara |
tānvarṇayiṣye kramaśo niśāmaya suniścitam || 1 ||
[Analyze grammar]

sahomāse ca devo vai kīrtiyukto hi keśavaḥ |
tasya pūjā prakartavyā yathāpūrvaṃ prabhāṣitam || 2 ||
[Analyze grammar]

brāhmaṇaṃ keśavaṃ smṛtvā tatpatnīṃ kīrtimeva ca |
daṃpatī vidhivatpūjyau vastrābharaṇadhenubhiḥ || 3 ||
[Analyze grammar]

dampatī pūjitau vatsa pūjito'haṃ na saṃśayaḥ |
tasmādavaśyaṃ saṃpūjyau daṃpatī mama tuṣṭidau || 4 ||
[Analyze grammar]

dānaṃ ca vividhaṃ kāryaṃ mama tuṣṭikaraṃ param |
godānaṃ bhūmidānaṃ ca svarṇadānaṃ viśeṣataḥ || 5 ||
[Analyze grammar]

vastradānaṃ tathā śayyā tathā'laṃkaraṇāni ca |
sadmadānaṃ prakartavyaṃ mama santoṣakārakam || 6 ||
[Analyze grammar]

sarveṣāmeva dānānāṃ viśeṣaṃ ca trikaṃ smṛtam |
vasundharā tathā dhenurvidyādānaṃ tathaiva ca || 7 ||
[Analyze grammar]

datte dānatrike vatsa bhavetprītirmamā'tulā |
tasmānnaraistu kartavyaṃ sahomāse trikaṃ śubham || 8 ||
[Analyze grammar]

snānasya ca vidhiḥ samyakpuraivokto mayā'nagha |
pūjāsnānaṃ ca dānaṃ ca vidhireṣa na saṃśayaḥ || 9 ||
[Analyze grammar]

mārgaśīrṣaṃ samagraṃ tu ekabhaktena yaḥ kṣipet |
bhojayedyo dvijānbhaktyā sa mucyedvyādhikilviṣaiḥ || 10 ||
[Analyze grammar]

kṛṣibhāgī bahudhano bahudhānyaśca jāyate |
kimatra bahunoktena śṛṇu guhyaṃ para mama || 11 ||
[Analyze grammar]

hutabhugbrāhmaṇaścaiva vadanaṃ mama mānada |
brāhmaṇākhyaṃ mukhaṃ śreṣṭhaṃ na tathā havyavāhanaḥ || 12 ||
[Analyze grammar]

brāhmaṇākhye mukhe putra hutaṃ koṭiguṇaṃ bhavet |
agnyākhyaṃ brāhmaṇādhīnaṃ svataṃtrā brāhmaṇāḥ kila || 13 ||
[Analyze grammar]

saśarkaraṃ ghṛtayutaṃ pāyasaṃ śaśisannibham |
hotavyaṃ brāhmaṇamukhe mama tuṣṭikaraṃ suta || 14 ||
[Analyze grammar]

śubhamaṃḍalamodakakokarasaṃ suta phenikayā ghṛtapūrayutam |
yaja vipramukhe mama tuṣṭikaraṃ yadi cecchasi dārasutādisukham || 15 ||
[Analyze grammar]

kumudena samaprabhasaurabhadaṃ śubhabhaktayutaṃ tvatha mudgayutam |
surabhīkṛtapuṣkalasarpisamaṃ kuru vipramukhe havanaṃ hi sahe || 16 ||
[Analyze grammar]

payasā saha sarpiṣi ca kvathitaṃ bahukhārikacāraphalaiḥ sitayā |
saha karpuranāriphalena samaṃ yutasīkarakaṃ suta śubhrakaram || 17 ||
[Analyze grammar]

vyaṃjanāni ca śubhrāṇi manojñāni priyāṇi ca |
karttavyāni sahomāse brāhmaṇārthe caturmukha || 18 ||
[Analyze grammar]

priyā śikhariṇī kāryā cānyatteṣāṃ priyaṃ ca yat |
kṛtvaivaṃ bhojayedviprāñchraddhayā parayā suta || 19 ||
[Analyze grammar]

rasāsvādanapūrvaṃ hi bhuñjate vai yathāyathā |
tathātathā mama prītirjāyate bhuvi durlabhā || 20 ||
[Analyze grammar]

tasmāttattattathā kāryaṃ yathā tuṣyaṃti brāhmaṇāḥ |
tuṣṭaistaiścāpyahaṃ tuṣṭo bhavāmīha na saṃśayaḥ || 21 ||
[Analyze grammar]

śraddhatsva tvaṃ caturvaktra na te mithyā bravīmyaham |
etadguhyaṃ mayā proktaṃ śreyorthaṃ tava mānada || 22 ||
[Analyze grammar]

ākrośayaṃti yadi te athavā praharaṃti cet |
tathāpi te namasyā vai mama prītyā hi mānada || 23 ||
[Analyze grammar]

evaṃ kāryaṃ sadā putra mārgaśīrṣe viśeṣataḥ |
yaduktaṃ bhavatā brahmanbhoktavyaṃ kiṃ śṛṇuṣva tat || 24 ||
[Analyze grammar]

bhoktavyaṃ mama cocchiṣṭaṃ mama bhaktiparāyaṇaiḥ |
pavitrakaraṇaṃ putra pāpināmapi muktidam || 25 ||
[Analyze grammar]

mamāśanasya śeṣaṃ ca yo bhunakti dinedine |
sikthesikthe bhavetpuṇyaṃ cāṃdrāyaṇaśatodbhavam || 26 ||
[Analyze grammar]

avaśiṣṭaṃ tathocchiṣṭaṃ bhaktānāṃ bhojanadvayam |
nā'nyadvai bhojanaṃ teṣāṃ bhuktvā cāṃdrāyaṇaṃ caret || 27 ||
[Analyze grammar]

anarpayitvā yo bhuṃkte annapānādikaṃ ca yat |
śvānaviṣṭhāsamaṃ cānnaṃ pānaṃ ca madirāsamam || 28 ||
[Analyze grammar]

tasmānmāmarpayetputra annapānādi cauṣadham |
bhakṣayetparayā bhaktyā aśuceḥ śucikārakam || 29 ||
[Analyze grammar]

tīrthayajñādikaphalaṃ kalidoṣavināśanam |
mamocchiṣṭaṃ sugatidamapi duṣkṛtakarmaṇām || 30 ||
[Analyze grammar]

anyeṣāṃ daivatānāṃ ca na gṛhṇīyācca bhakṣitam |
abhaktānāṃ ca pakvānnaṃ bhuktvā ca narakaṃ vrajet || 31 ||
[Analyze grammar]

vaktavyameva yatproktaṃ tacchṛṇuṣva samāhitaḥ |
kathayiṣye tava prītyā api guhyataraṃ mama || 32 ||
[Analyze grammar]

mama nāma pravaktavyaṃ sahe caiva viśeṣataḥ |
kṛṣṇakṛṣṇeti vaktavyaṃ mama prītikaraṃ param || 33 ||
[Analyze grammar]

pratijñaiṣā ca me putra na jānaṃti surāsurāḥ |
manasā karmaṇā vācā yo me śaraṇamāgataḥ || 34 ||
[Analyze grammar]

sa hi sarvāmavāpnoti kāmanāmiha laukikīm |
sarvotkṛṣṭaṃ ca vaikuṇṭhaṃ matpriyāṃ kamalāmapi || 35 ||
[Analyze grammar]

kṛṣṇakṛṣṇeti kṛṣṇeti yo māṃ smarati nityaśaḥ |
jalaṃ bhittvā yathā padmaṃ narakāduddharāmyaham || 36 ||
[Analyze grammar]

vinodenā'pi daṃbhena mauḍhyāllobhācchalādapi |
yo māṃ bhajatyasau vatsa madbhakto nā'vasīdati || 37 ||
[Analyze grammar]

ye vai paṭhaṃti kṛṣṇeti maraṇe paryupasthite |
yadi pāpayutāḥ putra na paśyaṃti yamaṃ kvacit || 38 ||
[Analyze grammar]

pūrve vayasi pāpāni kṛtānyapi ca kṛtsnaśaḥ |
aṃtakāle ca kṛṣṇeti smṛtvā māmetyasaṃśayam || 39 ||
[Analyze grammar]

namaḥ kṛṣṇāya mahate vivaśo'pi vadedyadi |
dhruvaṃ padamavāpnoti maraṇe paryupasthite || 40 ||
[Analyze grammar]

śrīkṛṣṇeti kṛtoccāraiḥ prāṇairyadi viyujyate |
dūrasthaḥ paśyati ca taṃ svargataṃ pretanāyakaḥ || 41 ||
[Analyze grammar]

śmaśāne yadi rathyāyāṃ kṛṣṇakṛṣṇeti jalpati |
mriyate yadi cetputra māmevaiti na saṃśayaḥ || 42 ||
[Analyze grammar]

darśanātmama bhaktānāṃ mṛtyumāpnoti yaḥ kvacit |
vinā matsmaraṇātputra muktimeti sa mānavaḥ || 43 ||
[Analyze grammar]

pāpānalasya dīptasya bhayaṃ mā kuru putraka |
śrīkṛṣṇanāmameghotthaiḥ sicyate nīrabiṃdubhiḥ || 44 ||
[Analyze grammar]

kalikālabhujaṃgasya tīkṣṇadaṃṣṭrasya kiṃ bhayam |
śrīkṛṣṇanāmadārūtthavahnidagdhaḥ sa naśyati || 48 ||
[Analyze grammar]

pāpapāvakadagdhānāṃ karmaceṣṭāviyoginām |
bheṣajaṃ nāsti martyānāṃ śrīkṛṣṇasmaraṇaṃ vinā || 46 ||
[Analyze grammar]

prayāge vai yathā gaṃgā śuklatīrthe ca narmadā |
sarasvatī kurukṣetre tadvacchrīkṛṣṇakīrtanam || 47 ||
[Analyze grammar]

bhavāṃbhodhinimagnānāṃ mahāpāpormipātinām |
na gatirmānavānāṃ ca śrīkṛṣṇasmaraṇaṃ vinā || 48 ||
[Analyze grammar]

mṛtyukāle'pi martyānāṃ pāpināṃ tadanicchatām |
gacchatāṃ nā'sti pātheyaṃ śrīkṛṣṇasmaraṇaṃ vinā || 49 ||
[Analyze grammar]

tatra putra gayā kāśī puṣkaraṃ kurujāṃgalam |
pratyahaṃ maṃdire yasya kṛṣṇakṛṣṇeti kīrtanam || 50 ||
[Analyze grammar]

jīvitaṃ janmasāphalyaṃ sukhaṃ tasyaiva sārthakam |
satataṃ rasanā yasya kṛṣṇakṛṣṇeti jalpati || 51 ||
[Analyze grammar]

sakṛduccaritaṃ yena harirityakṣaradvayam |
baddhaḥ parikarastena mokṣāya gamanaṃ prati || 52 ||
[Analyze grammar]

nāmno'sya yāvatī śaktiḥ pāpanirdahane mama |
tāvatkartuṃ na śaknoti pātakaṃ pātakī janaḥ || 53 ||
[Analyze grammar]

nā'paviddhaṃ bhavettasya śarīraṃ naiva mānasam |
na pāpaṃ na ca vaiklavyaṃ kṛṣṇakṛṣṇeti kīrtanāt || 54 ||
[Analyze grammar]

śrīkṛṣṇeti vacaḥ pathyaṃ na tyajedyaḥ kalau naraḥ |
pāpāmayo vai na bhavetkalau tasyaiva mānase || 55 ||
[Analyze grammar]

śrīkṛṣṇeti prajalpaṃtaṃ dakṣiṇāśāpatirnaram |
śrutvā mārjayate pāpaṃ tasya janmaśatārjitam || 56 ||
[Analyze grammar]

cāṃdrāyaṇaśataiḥ pāpaṃ parākāṇāṃ sahasrakaiḥ |
yannāpayāti tadyāti kṛṣṇakṛṣṇeti kīrtanāt || 57 ||
[Analyze grammar]

nānyābhirnāmakoṭībhistoṣo mama bhavetkvacit |
śrīkṛṣṇeti kṛtoccāre prītirevā'dhikādhikā || 58 ||
[Analyze grammar]

caṃdrasūryoparāgaistu koṭībhiryatphalaṃ smṛtam |
tatphalaṃ samavāpnoti kṛṣṇakṛṣṇeti kīrtanāt || 59 ||
[Analyze grammar]

gurudārābhigamanaṃ hemasteyādi pātakam |
śrīkṛṣṇakīrtanādyāti gharmataptaṃ himaṃ yathā || 60 ||
[Analyze grammar]

yukto yadi mahāpāpairagamyāgamanādibhiḥ |
mucyate cāṃtakāle'pi sakṛcchrīkṛṣṇakīrtanāt || 61 ||
[Analyze grammar]

aviśuddhamanā yastu vināpyācāravartanāt |
pretatvaṃ so'pi nāpnoti ante śrīkṛṣṇakīrtanāt || 62 ||
[Analyze grammar]

mukhe bhavatu mā jihvā'satī yātu rasātalam |
na sā cetkalikāle yā śrīkṛṣṇaguṇavādinī || 63 ||
[Analyze grammar]

svavaktre paravaktre ca vaṃdyā jihvā prayatnataḥ |
kurute yā kalau putra śrīkṛṣṇa guṇakīrtanam || 64 ||
[Analyze grammar]

pāpavallī mukhe tasya jihvārūpeṇa kīrtyate |
yā na vakti divārātrau śrīkṛṣṇaguṇakīrtanam || 65 ||
[Analyze grammar]

patatāṃ śatakhaṇḍā tu sā jihvā rogarūpiṇī |
śrīkṛṣṇakṛṣṇakṛṣṇeti śrīkṛṣṇeti na jalpati || 66 ||
[Analyze grammar]

śrīkṛṣṇanāmamāhātmyaṃ prātarutthāya yaḥ paṭhet |
tasyā'haṃ śreyasāṃ dātā bhavāmyeva na saṃśayaḥ || 67 ||
[Analyze grammar]

śrīkṛṣṇanāmamāhātmyaṃ trisaṃdhyaṃ hi paṭhettu yaḥ |
sarvānkāmānavāpnoti sa mṛtaḥ paramāṃ gatim || 68 ||
[Analyze grammar]

iti śrīskānde mahāpurāṇa ekāśītisāhasryāṃ saṃhitāyāṃ dvitīye vaiṣṇavakhaṇḍe brahmaviṣṇusaṃvāde mārgaśīrṣamāsamāhātmye śrīkṛṣṇanāmamāhātmyavarṇanaṃnāma paṃcadaśo'dhyāyaḥ || 15 ||
[Analyze grammar]