Chapter 13

[English text for this chapter is available]

śrībhagavānuvāca |
śṛṇu putra pravakṣyāmi jāgarasya ca lakṣaṇam |
yena vijñātamātreṇa sulabho'haṃ sadā kalau || 1 ||
[Analyze grammar]

gītaṃ vādyaṃ ca nṛtyaṃ ca purāṇapaṭhanaṃ tathā |
dhūpaṃ dīpaṃ ca naivedyaṃ puṣpaṃ gandhānulepanam || 2 ||
[Analyze grammar]

phalārpaṇaṃ ca śraddhāṃ ca dānamiṃdriyasaṃyamam |
satyānvitaṃ vinidraṃ ca mudā madyajanānvitam || 3 ||
[Analyze grammar]

sāścaryaṃ caiva sotsāhaṃ pāpālasyādivarjanam |
pradakṣiṇāsamāyuktaṃ namaskārapuraḥsaram || 4 ||
[Analyze grammar]

nīrājanasamāyuktamatihṛṣṭena cetasā |
yāmeyāme mahābhāga kuryādārārtikaṃ mama || 5 ||
[Analyze grammar]

ṣaḍviṃśadguṇasaṃyuktamekādaśyāṃ ca jāgaram |
yaḥ karoti naro bhaktyā na punarjāyate bhuvi || 6 ||
[Analyze grammar]

ya evaṃ kurute bhaktyā vittaśāṭhyavivarjitaḥ |
jāgaraṃ parayā bhaktyā sa līno jāyate mayi || 7 ||
[Analyze grammar]

daṣṭāḥ kalibhujaṃgena svapante ye dine mama |
kurvaṃti jāgaraṃ naiva māyāpāśavimohitāḥ || 8 ||
[Analyze grammar]

prāptāpyekādaśī yeṣāṃ kalau jāgaraṇaṃ vinā |
te vinaṣṭā na saṃdeho yasmājjīvitamadhruvam || 9 ||
[Analyze grammar]

uddhṛtaṃ netrayugmaṃ ca dattvā vai hṛdaye padam |
kṛtaṃ ye naiva paśyaṃti pāpino mama jāgaram || 10 ||
[Analyze grammar]

abhāve vācakasyā'tha gītaṃ nṛtyaṃ ca kārayet |
vācake sati deveśa purāṇaṃ prathamaṃ paṭhet || 11 ||
[Analyze grammar]

aśvamedhasahasrasya vājapeyaśatasya ca |
puṇyaṃ koṭiguṇaṃ putra mama jāgaraṇe kṛte || 12 ||
[Analyze grammar]

pitṛpakṣe mātṛpakṣe bhāryāpakṣe ca mānada |
kulānyuddharate caitanmama jāgaraṇe kṛte || 13 ||
[Analyze grammar]

upoṣaṇadine vighne prārabdhe jāgare sati |
vihāya sthānaṃ tatrāhaṃ śāpaṃ dattvā vrajāmyaham || 14 ||
[Analyze grammar]

aviddhavāsare ye me prakurvaṃti hi jāgaram |
teṣāṃ madhye prahṛṣṭaḥ sannṛtyaṃ vai prakaromyaham || 15 ||
[Analyze grammar]

yāvaddināni kurute jāgaraṃ mama sannidhau |
yugā'yutāni tāvaṃti vasate mama veśmani || 16 ||
[Analyze grammar]

na gayāpiṃḍadānena na tīrthairbahubhirmakhaiḥ |
pūrvajā muktimāyāṃti vinaikādaśijāgarāt || 17 ||
[Analyze grammar]

yaḥ kuryājjāgare pūjāṃ kusumairmama vāsare |
puṣpepuṣpe'śvamedhasya phalamāpnoti mānavaḥ || 1 ||
[Analyze grammar]

yaḥ kuryāddīpadānaṃ ca rātrau jāgaraṇe mama |
nimiṣe nimiṣe putra labhate go'yutaṃ phalam || 19 ||
[Analyze grammar]

yo dadyājjāgare putra haviṣyānnasamudbhavam |
naivedyaṃ labhate puṇyaṃ śāliśailasamudbhavam || 20 ||
[Analyze grammar]

pakvānnāni ca yo dadyātphalāni vividhani ca |
jāgare me caturvaktra labhate gośataṃ phalam || 21 ||
[Analyze grammar]

karpūreṇa ca tāṃbūlaṃ dadāti mama jāgare |
madbhakto matprasādena saptadvīpā'dhipo bhavet || 22 ||
[Analyze grammar]

jāgare mama deveśa yaḥ kuryātpuṣpamaṇḍapam |
sa puṣpakavimānena krīḍate mama sadmani || 23 ||
[Analyze grammar]

jāgare me tu yo dhūpaṃ sakarpūraṃ saguggulam |
dadāti dahate pāpaṃ janmalakṣasamudbhavam || 24 ||
[Analyze grammar]

snāpayejjāgare yo māṃ dadhikṣīraghṛtāṃbukaiḥ |
bhogāniha labhedvai sa hyante ca paramāṃ gatim || 25 ||
[Analyze grammar]

divyāṃ'barāṇi yo dadyātphalāni vividhāni ca |
sa ciraṃ vasate svarge taṃ tu saṃkhyāsamāni vai || 26 ||
[Analyze grammar]

dadyādābharaṇaṃ yo me hemajaṃ ratnasaṃbhavam |
saptakalpāni vasate sotsaṃge matpriyo mama || 27 ||
[Analyze grammar]

ghṛtena dīpakaṃ yo me gavyena ca viśeṣataḥ |
jvālayejjāgare rātrau nimiṣe goyutaṃ phalam || 28 ||
[Analyze grammar]

jāgare me caturvaktra karpūreṇa ca dīpakam |
yo jvālayeta nīrājaṃ kapilādānajaṃ phalam || 29 ||
[Analyze grammar]

yaḥ punaḥ kurute dīpaṃ gītaṃ nṛtyaṃ ca pūjanam |
śatakratusamaṃ puṇyaṃ vratairdānaśatairapi || 30 ||
[Analyze grammar]

svayaṃ yaḥ kurute gītaṃ vilajjo nṛtyate yadi |
sa labhennimiṣārdhena koṭiyajñakṛtaṃ phalam || 31 ||
[Analyze grammar]

nivārayati yo gītaṃ nṛtyaṃ jāgaraṇe mama |
ṣaṣṭiyugasahasrāṇi pacyate rauravādiṣu || 32 ||
[Analyze grammar]

nṛtyamānasya martyasya ye kecinnikaṭe gatāḥ |
vimuktā dharmarājena muktā yāṃti ca matpadam || 33 ||
[Analyze grammar]

nṛtyamānasya martyasya upahāsaṃ karoti yaḥ |
jāgare yāṃti nirayaṃ yāvadiṃdrāścaturdaśa || 34 ||
[Analyze grammar]

jāgare mama yaḥ kuryādbhaktyā pustakavācanam |
ślokasaṃkhyāyugānyeva sa vasenmama sannidhau || 35 ||
[Analyze grammar]

pradakṣiṇāpradānena yatphalaṃ kathitaṃ budhaiḥ |
na tatkoṭimakhaiḥ puṇyaṃ yugasaṃkhyairavāpyate || 36 ||
[Analyze grammar]

dīpamālā mamāgre vai yaḥ kuryājjāgare suta |
vimānakoṭisaṃyukta ākalpaṃ vasate divi || 37 ||
[Analyze grammar]

mama bālacaritrāṇi jāgare paṭhate hi yaḥ |
yugakoṭisahasrāṇi śvetadvīpe vasennaraḥ || 38 ||
[Analyze grammar]

tasmājjāgaraṇaṃ kāryaṃ pakṣayoḥ śuklakṛṣṇayoḥ || 39 ||
[Analyze grammar]

yo gītāṃ paṭhate rātrau mama nāmasahasrakam |
vedoktānāṃ purāṇānāṃ jāgarātpuṇyamāpnuyāt || 40 ||
[Analyze grammar]

dhenudānaṃ tu yaḥ kuryājjāgare mama pu्traka |
labhate nātra saṃdehaḥ saptadvīpavatīphalam || 41 ||
[Analyze grammar]

sarveṣāmeva puṇyānāṃ mahatpuṇyaṃ mahītale |
dvādaśījāgaraṃ putra prasiddhaṃ bhuvanatraye || 42 ||
[Analyze grammar]

jāgaraṃ ye ca kurvaṃti karmaṇā manasā girā |
na teṣāṃ punarāvṛttirmama lokātkathaṃcana || 43 ||
[Analyze grammar]

protsāhayitvā lokānyaḥ kurute jāgaraṃ niśi |
prāpnoti cakravartitvaṃ satyaṃ me vyāhṛtaṃ suta || 44 ||
[Analyze grammar]

saṃmānitāḥ kakutsthena rātrau jāgarakāriṇaḥ |
svaśaktyā caiva dānena prāptaṃ rājyaṃ sudurlabham || 45 ||
[Analyze grammar]

ye kecidgāyakā viprā vādakā nartakāśca ye |
nartakīsahitā yāṃti mama loke sanātane || 46 ||
[Analyze grammar]

duryoniṣu gataiḥ sarvaiḥ kṛtvā jāgaraṇaṃ mama |
saṃprāptaṃ pṛthivīśatvaṃ kāmukairmunisattama || 47 ||
[Analyze grammar]

niṣkāmā muktimāpannāḥ śvapacādyāśca jāgarāt |
viveko nāsti varṇānāṃ mama jāgarakāriṇām || 48 ||
[Analyze grammar]

na kalau pāvanaṃ dhyānaṃ na kalau jāhnavījalam |
na kalau pāvanaṃ jāpyaṃ muktvaikaṃ jāgaraṃ mama || 49 ||
[Analyze grammar]

dvādaśīdivase prāpte ye kurvaṃti hi jāgaram |
te dhanyāste kṛtārthā vai kalikāle na saṃśayaḥ || 50 ||
[Analyze grammar]

na bhūyānmānuṣe loke dvādaśīvimukho naraḥ |
atītānāgatānvā'pi pātayennarake hi saḥ || 51 ||
[Analyze grammar]

varameko guṇairyuktaḥ kiṃ jātairbahubhiḥ sutaiḥ |
dvādaśījāgarātsarvāṃstārayedyo hi pūrvajān || 52 ||
[Analyze grammar]

māhātmyaṃ paṭhate bhaktyā mayoktaṃ jāgarodbhavam |
dvādaśīsaṃbhavaḥ putraḥ kulānāṃ tārayecchatam || 53 ||
[Analyze grammar]

agamyāgamane pāpamabhakṣyasyāpi bhakṣaṇe |
pāpaṃ vilayamāyāti kṛte jāgaraṇe suta || 54 ||
[Analyze grammar]

ajñānādyatkṛtaṃ pāpaṃ jñātvā yatpātakaṃ kṛtam |
pūrvajanmārjitaṃ pāpamiha janmani yatkṛtam || 55 ||
[Analyze grammar]

siddhyaṃti sarvakāryāṇi manasā ciṃtitānyapi |
dvādaśyāṃ vai caturvaktra rātrau jāgaraṇe kṛte || 56 ||
[Analyze grammar]

dvādaśījāgareṇaiva muktiṃ gacchaṃti mānavāḥ || 57 ||
[Analyze grammar]

na tatpuṇyaṃ kurukṣetre prayāge vasatāṃ kalau |
māhātmyaṃ vasatāṃ puṃsāṃ yatphalaṃ dvādaśīṣu ca || 58 ||
[Analyze grammar]

nā'śvamedhasahasraistu tīrthakoṭyavagāhanāt |
tatphalaṃ prāpyate putra dvādaśījāgare kṛte || 59 ||
[Analyze grammar]

paṭhedvā śṛṇuyādvā'pi māhātmyaṃ dvādaśībhavam |
sarvapāpaviśuddhātmā sa labhecchāśvatīṃ gatim || 60 ||
[Analyze grammar]

sarve duṣṭāḥ samastāśca saumyāstasya sadā grahāḥ |
saṃtaterna viyogastu dvādaśī yasya kāraṇam || 61 ||
[Analyze grammar]

mama kīrtirucirnityaṃ na vipadyeta karhicit |
raṇe rājakule caiva sarvadā vijayī bhavet || 62 ||
[Analyze grammar]

dharmopari matirnityaṃ bhaktirmayi sunirmalā |
pātakaṃ naiva lipyeta dvādaśībhaktito naram || 63 ||
[Analyze grammar]

pretatvaṃ naiva tasyā'sti kṛte jāgaraṇe mama |
ekādaśyā vihīnasya paralokagatirnahi |
tasmātsarvaprayatnena kalau kāryaṃ hi taddinam || 64 ||
[Analyze grammar]

iti śrīskāṃde mahāpurāṇa ekāśītisāhasryāṃ saṃhitāyāṃ dvitīye vaiṣṇavakhaṇḍe brahmaviṣṇu saṃvāde mārgaśīrṣamāsamāhātmya ekādaśīvratajāgaraṇaphalakathanaṃnāma trayodaśo'dhyāyaḥ || 13 ||
[Analyze grammar]