Chapter 9

[English text for this chapter is available]

brahmovāca |
naivedyasya vidhiṃ brūhi deva me tattvataḥ prabho |
annaṃ katividhaṃ ceṣṭaṃ vyaṃjanādīnyaśeṣataḥ || 1 ||
[Analyze grammar]

śrībhagavānuvāca |
sādhu pṛṣṭaṃ tvayā vatsa mama prītikaraṃ param |
vakṣyāmi te'nnapānādivyaṃjanādīnyaśeṣataḥ || 2 ||
[Analyze grammar]

ādau hiraṇmayaṃ pātraṃ tadabhāve ca rājatam |
tadabhāve ca pālāśaṃ vistīrṇaṃ bahusundaram || 3 ||
[Analyze grammar]

kacolāḥ śataśaḥ kāryāḥ pātre vai parito'nagha |
tanmadhye vyaṃjanā deyā nānāphalamayāḥ śubhāḥ || 4 ||
[Analyze grammar]

pāyasaṃ candrasaṃkāśaṃ pātre vai śarkarāyutam |
bhaktaṃ kumudasaṃkāśaṃ mudgānkācaprabhāñchubhān || 5 ||
[Analyze grammar]

nānāvyaṃjanasaṃruddhaṃ tribhiḥ paṃktibhireva ca |
niṃbūrasena caṃdreṇa phalamūlayutena ca || 6 ||
[Analyze grammar]

vaikṛtāśca tadā kāryāḥ śataśo bhojane mama |
drākṣāstu miśritāścūtakaramarda kṛtāḥ śubhāḥ || 7 ||
[Analyze grammar]

marīcapippalīsārdrakailācaṃdrakasaṃyutāḥ |
kvāthitāḥ kathikāḥ kāryāḥ śataśo bhojane mama || 8 ||
[Analyze grammar]

pralehanāstathā kāryāḥ kacolaśatasaṃkulāḥ |
nānākusumasaṃmodayuktāḥ sahasi me priyāḥ || 9 ||
[Analyze grammar]

maṃḍakā vartulā ramyāḥ samāḥ sarvatra biṃduvat |
sitayā sahitenā'tha dugdhena kvathitena ca || 10 ||
[Analyze grammar]

madhuvarṇena gavyena yukte tasminsubhojane |
kacole suprabhe vatsa sthitaṃ kāṃcanasuprabham || 11 ||
[Analyze grammar]

ghṛtaṃ suvāsitaṃ prītyā deyaṃ hi mama bhojane |
tatra godhūmapātreṇa caṃdrakeṇa hi cojjvalam || 12 ||
[Analyze grammar]

sauvāhlikāḥ pūrikāstu śatacchidrāḥ saveṣṭikāḥ |
apūpāśca tathā kṣīraṃ prakārāṃstu prakārayet || 13 ||
[Analyze grammar]

maṇayaḥ sūtrasaṃjñāśca mālatīkusumādayaḥ |
parpaṭā varpaṭā ramyā māṣakūṣmāṃḍasaṃbhavāḥ || 14 ||
[Analyze grammar]

vaṭakānnavadhā ramyānkuryānmāse sahe mama |
dvidhā jātīmarīcaiśca pūritā droṇake śubhāḥ || 15 ||
[Analyze grammar]

yuktena lavaṇenā'tiśuddhatailena pūritāḥ |
kuṃkumābhāḥ snehahīnāḥ sakṣatā iva durjanāḥ || 16 ||
[Analyze grammar]

dadhidugdhayutāḥ kecicciṃciṇīcūtasaṃbhavāḥ |
drākṣārasayutāḥ kecittathaivekṣurasairyutāḥ || 17 ||
[Analyze grammar]

rājikā jalamadhyasthāstathā'nye sitayā saha |
rasaiścaturvidhaiścānyairvaṭakā navadhā matāḥ || 18 ||
[Analyze grammar]

vajraprabhā'nukaṇikācārabījasukhārikaiḥ |
śakalairnārikelasya lavaṃgaśatasaṃyutāḥ || 19 ||
[Analyze grammar]

ghṛtakṣīrasitādyāstāḥ kaṭāhe supraloḍitāḥ |
labdhāsitādikṛsararamyāḥ snigdhāśca pheṇikāḥ || 20 ||
[Analyze grammar]

parākikāsu vai pakvāḥ kṛtāścaṃdreṇa polikāḥ |
modakāstatra vai kāryāścārabījabhavāḥ pare || 21 ||
[Analyze grammar]

sitayā sahitāḥ kāryā anye dugdhena nirmitāḥ |
nārikelaphalaiścā'nye vṛkṣaniryāsanirmitāḥ || 22 ||
[Analyze grammar]

badāmaiśca śubhāścā'nye tilaiśca kaṇabījakaiḥ |
īdṛśānmodakāṃścānyāṃstuṣṭyarthaṃ mama kārayet || 23 ||
[Analyze grammar]

arśoghnaṃ mocanīkaṃdaṃ tathā'rdraṃ karamardakam |
nāriṃgaṃ ciṃciṇīkaṃ ca kaṃkolaphalameva ca || 24 ||
[Analyze grammar]

daśāraṃ tripurījātaṃ śubhaṃ niṃbaphalaṃ bisam |
tiṃdūphalaṃ lavaṃgaṃ ca śrīphalaṃ tilakaṃ luti || 25 ||
[Analyze grammar]

valkalaṃ vaṃśakārīraṃ tathā kāyaphalaṃ balam |
drākṣāphalaṃ cūtaphalaṃ ramyaṃ kaṃṭakinīphalam || 26 ||
[Analyze grammar]

dhātrīphalaṃ śuktibhavaṃ phalamaṃbāḍavaṃ tathā |
raṃbhāphalaṃ pippalī ca marīcāśca manoharāḥ || 27 ||
[Analyze grammar]

śuddhasarṣapatailena lavaṇena suvedhitam |
tathā rājikayā viddhaṃ tribhirvarṣairghaṭe sthitam || 28 ||
[Analyze grammar]

evaṃvidhāni jātāni vyaṃjanāni ca mānada |
kartavyāni sahomāse mama prītikarāṇi vai || 29 ||
[Analyze grammar]

etādṛśe bhojane cedasāmarthyaṃ bhavedyadi |
evaṃ kāryaṃ tadā tena saṃkṣepeṇa śṛṇuṣva me || 30 ||
[Analyze grammar]

laḍḍūkamekaṃ ghṛtapūramekaṃ phenadvayaṃ kokarasatrayaṃ ca |
ghṛtaplutaṃ maṃḍakaṣoḍaśānāṃ vaṭāṣṭadāyī narakaṃ na paśyet || 31 ||
[Analyze grammar]

āḍhakaṃ suciraparyuṣitaṃ ca dugdhaṃ khaṃḍasya ṣoḍaśapalāni śaśiprabhasya |
sarpiṣpalaṃ madhupalaṃ maricaṃ dvikarṣaṃ śuṃṭhyāḥ palārdhamathavā'rdhapalaṃ caturṇām || 32 ||
[Analyze grammar]

ślakṣṇe paṭe lalanayā mṛdupāṇighṛṣṭāṃ karpūradhūlidhavalīkṛtabhāṃḍasaṃsthām |
etāṃ śubhāṃ rasavatīṃ prakaroti yo vai kāmāndadāmi sakalānmanujasya tasya || 33 ||
[Analyze grammar]

iti śrīskāṃde mahāpurāṇa ekāśītisāhasryāṃ saṃhitāyāṃ dvitīye vaiṣṇavakhaṇḍe brahmaviṣṇusaṃvāde mārgaśīrṣamāhātmye naivedyavidhikathanaṃnāma navamo'dhyāyaḥ || 9 ||
[Analyze grammar]