Chapter 2

[English text for this chapter is available]

brahmovāca |
tvayokto vidhisaṃyukto mārgaśīrṣo madāpanaḥ |
ko vidhistasya deveśa sarvaṃ me brūhi keśava || 1 ||
[Analyze grammar]

śrībhagavānuvāca |
rātrāvante samutthāya upaspṛśya yathāvidhi |
namaskṛtyā guruṃ svīyaṃ saṃsmarenmāmataṃdritaḥ || 2 ||
[Analyze grammar]

sahasranāmabhirbhaktyā kīrtayedvāgyataḥ śuciḥ |
bahirgrāmātsamutsṛjya malamūtraṃ yathāvidhi || 3 ||
[Analyze grammar]

śaucaṃ kṛtvā yathānyāyamācamya prayataḥ śuciḥ |
daṃtadhāvanapūrvaṃ ca snānaṃ kṛtvā yathāvidhi || 4 ||
[Analyze grammar]

ādāya tulasīmūlamṛdaṃ tatpatrasaṃyutām |
mūlamaṃtreṇā'bhimaṃtrya gāyatryā vā mahāmate || 5 ||
[Analyze grammar]

maṃtreṇaivā'nuliptāṃgaḥ snāyādapsvaghamarṣaṇam |
anuddhṛtairuddhṛtairvā jalaiḥ snānaṃ vidhīyate || 6 ||
[Analyze grammar]

tīrthaṃ prakalpayedvidvānmantreṇā'nena mantravit |
oṃnamo nārāyaṇāyeti mūlamantra udāhṛtaḥ || 7 ||
[Analyze grammar]

darbhapāṇistu vidhinā ācāṃtaḥ purataḥ śuciḥ |
caturhastasamāyuktaṃ caturasraṃ samaṃtataḥ |
prakalpyā'vāhayedgaṃgāmebhirmaṃtrairvicakṣaṇaḥ || 8 ||
[Analyze grammar]

viṣṇupādaprasūtā'si vaiṣṇavī viṣṇudevatā |
trāhi nastvamaghādasmādājanmamaraṇāṃtikāt || 9 ||
[Analyze grammar]

tisraḥ koṭyo'rdhakoṭī ca tīrthānāṃ vāyurabravīt |
divi bhuvyaṃtarikṣe ca tāni te saṃti jāhnavi || 10 ||
[Analyze grammar]

naṃdinītyeva te nāma deveṣu nalinīti ca |
dakṣaputrī ca vihagā viśvagā yogināṃ matā || 11 ||
[Analyze grammar]

vidyādharī suprasannā tathā lokaprasādinī |
kṣemā ca jāhnavī caiva śāṃtā śāṃtipradāyinī || 12 ||
[Analyze grammar]

etāni puṇyanāmāni snānakāle sadā paṭhet |
sadā saṃnihitā tatra gaṃgā tripathagāminī || 13 ||
[Analyze grammar]

saptavārābhijaptena karasaṃpuṭayojitam |
mūrdhnā kṛtāṃjalirbhūyastricatuḥ paṃca sapta vā |
snānaṃ kuryānmṛdā tadvadāmaṃtryā'nuvidhānataḥ || 14 ||
[Analyze grammar]

aśvakrāṃte rathakrāṃte viṣṇukrāṃte vasundhare |
mṛttike hara me pāpaṃ yanmayā duṣkṛtaṃ kṛtam || 15 ||
[Analyze grammar]

uddhṛtā'si varāheṇa kṛṣṇena śatabāhunā |
namaste sarvabhūtānāṃ prabhavā'raṇi suvrate || 16 ||
[Analyze grammar]

evaṃ snātvā tataḥ paścādācamya ca vidhānataḥ |
utthāya vāsasī śukle kūle vai paridhāya ca || 17 ||
[Analyze grammar]

ācamya tapayeddevānpitṝṃścaiva ṛṣīṃstathā |
niṣpīḍya vastramācamya dhautavastreṇa veṣṭitaḥ || 18 ||
[Analyze grammar]

vimalāṃ mṛttikāṃ ramyāmādāya dvijasattama |
mantreṇaivā'bhimaṃtryā'tha lalāṭādiṣu vaiṣṇavaḥ |
dhārayedūrdhvapuṇḍrāṇi yathāsaṃkhyamataṃdritaḥ || 19 ||
[Analyze grammar]

brahmandvādaśapuṇḍrāṇi brāhmaṇaḥ satataṃ vahet |
catvāri bhūbhṛtāṃ putra puṇḍrāṇi dve viśāṃ smṛte |
ekaṃ puṃḍraṃ ca nārīṇāṃ śūdrāṇāṃ ca vidhīyate || 20 ||
[Analyze grammar]

lalāṭa udare caiva vakṣo vai kaṇṭhakūbare |
kukṣyorbāhvoḥ karṇayośca pṛṣṭhe trike ca vai śiraḥ |
tilakā dvādaśa proktā brāhmaṇasya sadā'nagha || 21 ||
[Analyze grammar]

lalāṭe hṛdi bāhvośca kṣātraḥ puṃḍrāṇi dhārayet |
lalāṭe hṛdaye vaiśyo bhāle vai śūdrayoṣitām || 22 ||
[Analyze grammar]

lalāṭe keśavaṃ dhyāyennārāyaṇamathodare |
vakṣaḥsthale mādhavaṃ ca goviṃdaṃ kaṇṭhakūbare || 23 ||
[Analyze grammar]

viṣṇuṃ ca dakṣiṇe kukṣau bāhau ca madhusūdanam |
trivikramaṃ karṇamūle vāmanaṃ vāmapārśvake || 24 ||
[Analyze grammar]

śrīdharaṃ vāmabāhau ca hṛṣīkeśaṃ ca karṇake |
pṛṣṭhe tu padmanābhaḥ syāttrike dāmodaraṃ nyaset || 25 ||
[Analyze grammar]

tatprakṣālanatoyena vāsudevaṃ tu mūrdhani |
evaṃ kāryaṃ brāhmaṇasya kṣatriyasyopadhārayet || 26 ||
[Analyze grammar]

lalāṭe keśavaṃ dhyāyeddhṛdaye mādhavaṃ tathā |
bāhvośca ubhayorvatsa smaredvai madhusūdanam || 27 ||
[Analyze grammar]

kṣatriyasya vidhiḥ prokto vaiśyakṛtyaṃ niśāmaya |
lalāṭe keśavaṃ dhyāyeddhṛdaye mādhavaṃ tathā || 28 ||
[Analyze grammar]

yoṣicchūdrau smaretāṃ ca keśavaṃ bhāladeśake |
anena vidhinā kuryātpuṃḍrāṇi mama tuṣṭaye || 29 ||
[Analyze grammar]

śyāmaṃ śāṃtikaraṃ proktaṃ raktaṃ vaśyakaraṃ tathā |
śrīkaraṃ pītamityāhuḥ śvetaṃ mokṣakaraṃ śubham || 30 ||
[Analyze grammar]

ekāṃtino mahābhāgāḥ sarvalokahite ratāḥ |
sāṃ'tarālaṃ prakurvaṃti puṇḍraṃ haripadākṛtim || 31 ||
[Analyze grammar]

madhye chidreṇa saṃyuktametaddhi harimaṃdiram |
ūrdhvaṃ saumyamṛjuṃ sūkṣmaṃ supārśvaṃ sumanoharam || 32 ||
[Analyze grammar]

niraṃtarālaṃ yaḥ kuryādūrdhvapuṃḍraṃ dvijā'dhamaḥ |
sa hi tatra sthitaṃ lakṣmyā saha māṃ ca vyapohati || 33 ||
[Analyze grammar]

acchidramūrdhvapuṃḍraṃ tu ye kurvaṃti dvijādhamāḥ |
tairlalāṭe śunaḥ pādaṃ nikṣiptaṃ vai na saṃśayaḥ || 34 ||
[Analyze grammar]

tasmācchidrānvitaṃ puṃḍraṃ mahacchidraṃ śubhānvitam |
dhārayedbrāhmaṇo nityaṃ harisālokyasiddhaye || 35 ||
[Analyze grammar]

iti śrīskāṃde mahāpurāṇa ekāśītisāhasryāṃ saṃhitāyāṃ dvitīye vaiṣṇavakhaṇḍe brahmaviṣṇusaṃvāde mārgaśīrṣamāhātmye tripuṃḍradhāraṇavidhikathanaṃnāma dvitīyo'dhyāyaḥ || 2 ||
[Analyze grammar]