Chapter 33

[English text for this chapter is available]

vālakhilyā ūcuḥ |
kārtikasyā'male pakṣe snātvā samyagyatavrataḥ |
ekādaśyāṃ tu gṛhṇīyādvrataṃ paṃcadinātmakam || 1 ||
[Analyze grammar]

śarapaṃjarasuptena bhīṣmeṇa tu mahātmanā |
rājadharmā mokṣadharmā dānadharmāstataḥ param |
kathitā pāṃḍudāyādaiḥ kṛṣṇenā'pi śrutāstadā || 2 ||
[Analyze grammar]

tataḥ prītena manasā vāsudevena bhāṣitam |
dhanyadhanyo'si bhīṣma tvaṃ dharmāḥ saṃśrāvitāstvayā || 3 ||
[Analyze grammar]

ekādaśyāṃ kārtikasya yācitaṃ ca jalaṃ tvayā |
arjunena samānītaṃ gāṃgaṃ bāṇasya vegataḥ || 4 ||
[Analyze grammar]

tuṣṭāni tava gātrāṇi tasmādadyadināvadhi |
pūrṇāṃtaṃ sarvalokāstvāṃ tarpayaṃtvarghyadānataḥ || 5 ||
[Analyze grammar]

tasmātsarvaprayatnena mama saṃtuṣṭikārakam |
etadvrataṃ prakurvaṃtu bhīṣmapaṃcakasaṃjñitam || 6 ||
[Analyze grammar]

kārtikasya vrataṃ kṛtvā na kuryādbhīṣmapaṃcakam |
samagraṃ kārtikavrataṃ vṛthā tasya bhaviṣyati || 7 ||
[Analyze grammar]

aśaktaścennaro bhūyādasamarthaśca kārtike |
bhīṣmasya paṃcakaṃ kṛtvā kārtikasya phalaṃ labhet || 8 ||
[Analyze grammar]

satyavratāya śucaye gāṃgeyāya mahātmane |
bhīṣmāyaitaddadāmyarghyamājanmabrahmacāriṇe || 9 ||
[Analyze grammar]

savyenā'nena maṃtreṇa tarpaṇaṃ sārvavarṇikam || 10 ||
[Analyze grammar]

vratāṃgatvātpūrṇimāyāṃ pradeyaḥ pāpapūruṣaḥ |
aputreṇa prakartavyaṃ sarvathā bhīṣmapañcakam || 11 ||
[Analyze grammar]

yaḥ putrārthaṃ vrataṃ kuryātsastrīko bhīṣmapañcakam |
pradattvā pāpapuruṣaṃ varṣamadhye sutaṃ labhet || 12 ||
[Analyze grammar]

avaśyameva kartavyaṃ tasmādbhīṣmasya paṃcakam |
viṣṇuprītikaraṃ proktaṃ mayā bhīṣmasya pañcakam || 13 ||
[Analyze grammar]

sūta uvāca |
śṛṇvaṃtu ṛṣayaḥ sarve viśeṣo bhīṣmapañcake |
kārtikeyāya rudreṇa purā proktaḥ savistarāt || 14 ||
[Analyze grammar]

īśvara uvāca |
pravakṣyāmi mahāpuṇyaṃ vrataṃ vratavatāṃ vara |
bhīṣmeṇaitadyataḥ prāptaṃ vrataṃ pañcadinātmakam || 15 ||
[Analyze grammar]

sakāśādvāsudevasya tenoktaṃ bhīṣmapañcakam |
vratasyā'sya guṇānvaktuṃ kaḥ śaktaḥ keśavādṛte || 16 ||
[Analyze grammar]

kārtike śuklapakṣe tu śṛṇu dharmaṃ purātanam |
vasiṣṭhabhṛgugargādyaiścīrṇaṃ kṛtayugādiṣu || 17 ||
[Analyze grammar]

ambarīṣeṇa bhogādyaiścīrṇaṃ tretāyugādiṣu |
brāhmaṇairbrahmacaryeṇa japahomakriyādibhiḥ || 18 ||
[Analyze grammar]

kṣatriyaiśca tathā vaiśyaiḥ satyaśaucaparāyaṇaiḥ |
duṣkaraṃ satyahīnānāmaśakyaṃ bālacetasām || 19 ||
[Analyze grammar]

duṣkaraṃ bhīṣmamityāhurna śakyaṃ prākṛtairnaraiḥ |
yasmātkaroti vipreṃdra tena sarvaṃ kṛtaṃ bhavet || 20 ||
[Analyze grammar]

vrataṃ caitanmahāpuṇyaṃ mahāpātakanāśanam |
ato naraiḥ prayatnena kartavyaṃ bhīṣmapañcakam || 21 ||
[Analyze grammar]

kārtikasyā'male pakṣe snātvā samyagvidhānataḥ |
ekādaśyāṃ tu gṛhṇīyādvrataṃ paṃcadinātmakam || 22 ||
[Analyze grammar]

prātaḥ snātvā viśeṣeṇa madhyāhne ca tathā vratī |
nadyāṃ nirjharatoye vā samālabhya ca gomayam || 23 ||
[Analyze grammar]

yavavrīhitilaiḥ samyakpitṝnsaṃtarpayetkramāt |
snātvā maunaṃ naraḥ kṛtvā dhautavāsā dṛḍhavrataḥ || 24 ||
[Analyze grammar]

bhīṣmāyodakadānaṃ ca arghyaṃ caiva prayatnataḥ |
pūjā bhīṣmasya kartavyā dānaṃ dadyātprayatnataḥ || 25 ||
[Analyze grammar]

paṃcaratnaṃ viśeṣeṇa dattvā viprāya yatnataḥ |
vāsudevo'pi saṃpūjyo lakṣmīyuktaḥ sadā prabhuḥ || 26 ||
[Analyze grammar]

pañcake pūjayitvā tu koṭijanmāni tuṣyati || 27 ||
[Analyze grammar]

yatkiṃciddadate martyaḥ paṃcadhātuprakalpitam |
saṃvatsaravratānāṃ sa labhate sakalaṃ phalam || 28 ||
[Analyze grammar]

kṛtvā tūdakadānaṃ tu tathā'rghyasya ca dāpanam |
mantreṇānena yaḥ kuryānmuktibhāgī bhavennaraḥ || 29 ||
[Analyze grammar]

vaiyāghrapādagotrāya sāṃkṛtya pravarāya ca |
anapatyāya bhīṣmāya udakaṃ bhīṣmavarmaṇe || 30 ||
[Analyze grammar]

vasūnāmavatārāya śaṃtanorātmajāya ca |
arghyaṃ dadāmi bhīṣmāya ājanmabrahmacāriṇe || 31 ||
[Analyze grammar]

ityarghyamaṃtraḥ |
anena vidhinā yastu paṃcakaṃ tu samāpayet |
aśvamedhasamaṃ puṇyaṃ prāpnotyatra na saṃśayaḥ || 32 ||
[Analyze grammar]

paṃcā'hamapi kartavyaṃ niyamaṃ ca prayatnataḥ |
niyamena vinā yatra na bhāvyaṃ varavarṇinā || 33 ||
[Analyze grammar]

uttarāyaṇahīnāya bhīṣmāya pradadau hariḥ |
uttarāyaṇahīne'pi śuddhalagnaṃ sutoṣitaḥ || 34 ||
[Analyze grammar]

tataḥ saṃpūjayeddevaṃ sarvapāpaharaṃ harim |
anaṃtaraṃ prayatnena kartavyaṃ bhīṣmapaṃcakam || 35 ||
[Analyze grammar]

snāpayeta jalairbhaktyā madhukṣīraghṛtena ca |
tathaiva paṃcagavyena gandhacaṃdanavāriṇā || 36 ||
[Analyze grammar]

candanena sugandhena kumakumenā'tha keśavam |
karpūrośīramiśreṇa lepayedgaruḍadhvajam || 37 ||
[Analyze grammar]

arcayedruciraiḥ puṣpairgaṃdhadhūpasamanvitaiḥ |
gugguluṃ ghṛtasaṃyuktaṃ dadetkṛṣṇāya bhaktimān || 38 ||
[Analyze grammar]

dīpakaṃ tu divā rātrau dadyātpaṃca dināni tu |
naivedyaṃ devadevasya paramānnaṃ nivedayet || 39 ||
[Analyze grammar]

evamabhyarcayeddevaṃ saṃsmṛtya ca praṇamya ca |
oṃ namo vāsudevāyeti japedaṣṭottaraṃ śatam || 40 ||
[Analyze grammar]

juhuyācca ghṛtābhyaktaistilavrīhiyavādibhiḥ |
ṣaḍakṣareṇa mantreṇa svāhākārā'nvitena ca || 41 ||
[Analyze grammar]

upāsya paścimāṃ saṃdhyāṃ praṇamya garuḍadhvajam |
japitvā pūrvavanmantraṃ kṣitiśāyī bhavetsadā || 42 ||
[Analyze grammar]

sarvametadvidhānaṃ tu kāryaṃ pañca dināni tu |
viśeṣo'tra vrate hyasminyadanyūnaṃ śṛṇuṣva tat || 43 ||
[Analyze grammar]

prathame'hni hareḥ pādau pūjayetkamalairvratī |
dvitīye bilvapatreṇa jānudeśaṃ samarcayet || 44 ||
[Analyze grammar]

tato'nupūjayecchīrṣaṃ mālatyā cakrapāṇinaḥ |
kārtikyāṃ devadevasya bhaktyā tadgatamānasaḥ || 45 ||
[Analyze grammar]

arcitvā taṃ hṛṣīkeśamekādaśyāṃ samāsataḥ |
niḥprāśya gomayaṃ samyagekādaśyāmupāvaset || 46 ||
[Analyze grammar]

gomūtraṃ mantravadbhūmau dvādaśyāṃ prāśayedvratī |
kṣīraṃ caiva trayodaśyāṃ caturdaśyāṃ tathā dadhi || 47 ||
[Analyze grammar]

saṃprāśya kāyaśuddhyarthaṃ laṃghayitvā caturdinam |
paṃcame divase snātvā vidhivatpūjya keśavam |
bhojayedbrāhmaṇānbhaktyā tebhyo dadyācca dakṣiṇām || 48 ||
[Analyze grammar]

pāpabuddhiṃ parityajya brahmacaryeṇa dhīmatā |
madyaṃ māṃsaṃ parityājyaṃ maithunaṃ pāpakāraṇam || 49 ||
[Analyze grammar]

śākāhāreṇa munyannaiḥ kṛṣṇārcanaparo naraḥ |
tato naktaṃ samaśnīyātpaṃcagavyapuraḥsaram || 50 ||
[Analyze grammar]

evaṃ samyaksamāpyaṃ syādyathoktaṃ phalamāpnuyāt || 51 ||
[Analyze grammar]

madyapo yaḥ pibenmadyaṃ janmano maraṇāṃ'tikam |
etadbhīṣmavrataṃ kṛtvā prāpnoti paramaṃ padam || 52 ||
[Analyze grammar]

strībhirvā bhartṛvākyena kartavyaṃ dharmavardhanam |
vidhavābhiśca kartavyaṃ mokṣasaukhyā'tivṛddhaye || 53 ||
[Analyze grammar]

ayodhyāyāṃ purā kaścidatithirnāma vai nṛpaḥ |
vasiṣṭhavacanātkṛtvā vratametatsudurlabham |
bhuktveha nikhilānbhogānaṃte viṣṇupuraṃ yayau || 54 ||
[Analyze grammar]

itthaṃ kuryādvrataṃ nityaṃ pañcakaṃ bhīṣmasaṃjñitam |
niyamenopavāsena pañcagavyena vā punaḥ |
payomūlaphalā'hārairhaviṣyairvratatatparaḥ || 55 ||
[Analyze grammar]

paurṇamāsīdine prāpte pūjāṃ kṛtvā tu pūrvavat |
brāhmaṇānbhojayedbhaktyā gāṃ ca dadyātsavatsakām || 56 ||
[Analyze grammar]

yadbhīṣmapañcakamiti prathitaṃ pṛthivyāmekādaśīprabhṛti paṃcadaśīniruddham |
uktaṃ na bhojanaparasya tadā niṣedhastasminvrate śubhaphalaṃ pradadāti viṣṇuḥ || 57 ||
[Analyze grammar]

iti śrīskānde mahāpurāṇa ekāśītisāhasryāṃ saṃhitāyāṃ dvitīye vaiṣṇavakhaṇḍe kārtikamāsamāhātmye bhīṣma pañcakavratamāhātmyavarṇanaṃnāma dvātriṃśo'dhyāyaḥ || 32 ||
[Analyze grammar]