Chapter 13

[English text for this chapter is available]

sūta uvāca |
śriyaḥ patimathāmaṃtrya gate devarṣisattame |
harṣotphullā'nanā satyā vāsudevamathā'bravīt || 1 ||
[Analyze grammar]

satyabhāmovāca |
dhanyāsmi kṛtakṛtyā'smi saphalaṃ jīvitaṃ mama |
dānaṃ vrataṃ tapo vā'pi kiṃ nu pūrvaṃ kṛtaṃ mayā || 2 ||
[Analyze grammar]

yenā'haṃ martyajā deva tavāṃgārddhaharā'bhavam |
bhavāṃtare ca kiṃśīlā kācā'haṃ kasya kanyakā |
tavā'haṃ vallabhā jātā tadvadasva mamā'khilam || 3 ||
[Analyze grammar]

śrīkṛṣṇa uvāca |
śṛṇuṣvaikamanā kāṃte yathā tvaṃ pūrvajanmani || 4 ||
[Analyze grammar]

puṇyavrataṃ kṛtavatī tatsarvaṃ kathayāmi te |
āsītkṛtayugasyāṃte māyāpuryāṃ dvijottamaḥ || 5 ||
[Analyze grammar]

ātreyo devaśarmeti vedavedāṃgapāragaḥ |
tasyātivayasaścā'sīnnāmnā guṇavatī sutā || 6 ||
[Analyze grammar]

aputraḥ sa svaśiṣyāya caṃdranāmne dadau sutām |
tameva putravanmene sa ca taṃ pitṛvadvaśī || 7 ||
[Analyze grammar]

tau kadācidvanaṃ yātau kuśedhmāharaṇārthinau |
nihatau rakṣasā tau ca kṛtāṃtasamarūpiṇā || 8 ||
[Analyze grammar]

svasvapuṇya prabhāvena viṣṇulokaṃ gatāvubhau |
tato guṇavatī śrutvā rakṣasā nihatāvubhau || 9 ||
[Analyze grammar]

pitṛbhartṛjaduḥkhārtā kāruṇyaṃ paryadevayat |
sā gṛhopaskarā nsarvānvikrīyāśu ca karmaṃ tat || 10 ||
[Analyze grammar]

tayoścakre yathāśakti pāralaukīṃ tataḥ kriyām |
tasminneva pure cakre vāsaṃ sā mṛtajīvinī || 11 ||
[Analyze grammar]

vratadvayaṃ tayā samyagājanmamaraṇātkṛtam |
ekādaśīvrataṃ samyaksevanaṃ kārtikasya ca || 12 ||
[Analyze grammar]

itthaṃ guṇavatī samyakpratyabda vratinī hyabhūt |
kadācitsarujā sā'tha kṛśāṃgī jvarapīḍitā || 13 ||
[Analyze grammar]

snātuṃ gaṃgāṃ gatā kāṃte kathaṃcicchanakaistadā |
yāvajjalāṃtaragatā kaṃpitā śītapīḍitā || 14 ||
[Analyze grammar]

tāvatsā vihvalā'paśyadvimānaṃ yātamaṃbarāt |
atha sā tadvimānasthā vaikuṇṭhabhuvanaṃ yayau || 15 ||
[Analyze grammar]

kārtikavratapuṇyena matsānnidhyaṃ gatā'bhavat |
atha brahmādidevānāṃ yadā prārthanayā bhuvam || 16 ||
[Analyze grammar]

āgato'haṃ gaṇāḥ sarve yātāste'pi mayā saha |
ete hi yādavāḥ sarve madgaṇā eva bhāmini || 17 ||
[Analyze grammar]

pitā te devaśarmā'bhūtsatrājidabhidho hyayam |
yaścaṃdranāmā'so'krūrastvaṃ sā guṇavatī śubhā || 18 ||
[Analyze grammar]

kārtikavratapuṇyena bahu matprītidāyinī |
maddvāri yattvayā pūrvaṃ tulasīvāṭikā kṛtā || 19 ||
[Analyze grammar]

tasmādayaṃ kalpavṛkṣastavāṃgaṇagataḥ śubhe |
ājanmamaraṇātpūrvaṃ yatkṛtaṃ kārtikavratam || 20 ||
[Analyze grammar]

kadācidapi tena tvaṃ madviyogaṃ na yāsyasi |
satyovāca |
māsānāṃ tu kathaṃ nāma sa māsaḥ kārtiko varaḥ || 21 ||
[Analyze grammar]

priyaste devadeveśa kāraṇaṃ tatra kathyatām |
śrīkṛṣṇa uvāca |
sādhu pṛṣṭaṃ tvayā kāṃte śṛṇuṣvaikāgramānasā || 22 ||
[Analyze grammar]

pṛthorvainyasya saṃvādaṃ maharṣernāradasya ca |
evameva purā pṛṣṭo nāradaḥ pṛthunābravīt || 23 ||
[Analyze grammar]

nārada uvāca |
śaṃkhanāmā'bhavatpūrvamasuraḥ sāgarātmajaḥ |
indrādilokapālānāmadhikārāñjahāra ha || 24 ||
[Analyze grammar]

suvarṇādriguhādurgasaṃsthitāstridaśādayaḥ |
tadvīkṣayāṃbabhūvuste tadā daityo vyacārayat || 25 ||
[Analyze grammar]

hṛtādhikārāstridaśā mayā yadyapi nirjitāḥ |
lakṣyaṃte balayuktāste karaṇīyaṃ mayā'tra kim || 26 ||
[Analyze grammar]

jñātaṃ tattu mayā devā vedamantrabalānvitāḥ |
tānhariṣye tataḥ sarve balahīnā bhavaṃti vai || 27 ||
[Analyze grammar]

iti matvā tato daityo viṣṇumālakṣya nidritam |
satyalokājjahārāśu vedānādisvayaṃbhuvaḥ || 28 ||
[Analyze grammar]

nītāstu tena te vedāstadbhayātte nirākraman |
toyāni viviśuryajñamaṃtrabījasamanvitāḥ || 29 ||
[Analyze grammar]

tānmārgamāṇaḥ śaṃkho'pi samudrāṃtargato bhraman |
na dadarśa tadā daityaḥ kvacidekatra saṃsthitān |
atha devaiḥ stuto viṣṇurbodhitastānuvāca ha || 30 ||
[Analyze grammar]

viṣṇuruvāca |
varado'haṃ suragaṇā gītavādyādimaṃgalaiḥ || 31 ||
[Analyze grammar]

ūrjasya śuklaikādaśyāṃ bhavadbhiḥ pratibodhitaḥ |
ataścaiṣā tithirmānyā sā'tīva prītidā mama || 32 ||
[Analyze grammar]

vedāḥ śaṃkhahṛtāḥ sarve tiṣṭhaṃtyudakasaṃsthitāḥ |
tānānayāmyahaṃ devā hatvā sāgaranaṃdanam || 33 ||
[Analyze grammar]

adyaprabhṛti vedāstu maṃtrabījasamanvitāḥ |
pratyabdaṃ kārtike māsi viśramaṃtvapsu sarvadā || 34 ||
[Analyze grammar]

kāle'sminye prakurvaṃti prātaḥsnānaṃ narottamāḥ |
te sarve yajñā'vabhṛthaiḥ susnātāḥ syurna saṃśayaḥ || 35 ||
[Analyze grammar]

adyaprabhṛtyahamapi bhavāmi jalamadhyagaḥ |
bhavanto'pi mayā sārddhamāyāṃtu samunīśvarāḥ || 36 ||
[Analyze grammar]

kātikavratināṃ ceṃdra rakṣā kāryā tvayā sadā |
ityuktvā bhagavānviṣṇuḥ śapharītulyarūpadhṛk |
khātpapāta jale viṃdhyavāsinaḥ kasya paśyataḥ || 37 ||
[Analyze grammar]

hatvā śaṃkhāsuraṃ viṣṇurbadarīvanamāgamat |
tatrā'hūya ṛṣīnsarvānidamājñāpayatprabhuḥ || 38 ||
[Analyze grammar]

viṣṇuruvāca |
jalāṃtaraviśīrṇāṃstānyūyaṃ vedānpramārgatha |
ānayadhvaṃ ca tvaritāḥ sāgarasya jalāṃtarāt |
tāvatprayāgaṃ tiṣṭhāmi devatāgaṇasaṃyutaḥ || 39 ||
[Analyze grammar]

nārada uvāca |
tatastaissarvamunibhistapobalasamanvitaiḥ || 40 ||
[Analyze grammar]

uddhṛtāśca sabījāste vedā yajñasamanvitāḥ |
teṣu yāvanmitaṃ yena labdhaṃ tāvaddhi tasya tat || 41 ||
[Analyze grammar]

sa sa eva ṛṣirjātastattatprabhṛti pārthiva |
atha sarve'pi saṃgamya prayāgaṃ munayo yayuḥ || 42 ||
[Analyze grammar]

viṣṇave savidhātre te labdhānvedānnyavedayan |
labdhvā vedānsamagrāṃstu brahmā harṣasamanvitaḥ || 43 ||
[Analyze grammar]

ayajadvājimedhena devarṣigaṇasaṃyutaḥ |
yajñāṃ'te devatāḥ sarve vijñaptiṃ cakruraṃjasā || 44 ||
[Analyze grammar]

devā ūcuḥ |
devadeva jagannātha vijñaptiṃ śṛṇu naḥ prabho |
harṣakālo'yamasmākaṃ tasmāttvaṃ varado bhava || 45 ||
[Analyze grammar]

sthāne'smindruhiṇo vedānnaṣṭānprāpa punastvayam |
yajñabhāgānvayaṃ prāptāstvatprasādādramāpate || 46 ||
[Analyze grammar]

sthānametaddhi naḥ śreṣṭhaṃ pṛthivyāṃ puṇyavardhanam |
bhuktimuktipradaṃ cā'stu prasādādbhavataḥ sadā || 47 ||
[Analyze grammar]

kālo'pyayaṃ mahāpuṇyo brahmaghnā'diviśuddhikṛt |
dattā'kṣayakaraṃ cā'stu varamevaṃ dadasva naḥ || 48 ||
[Analyze grammar]

viṣṇuruvāca |
mamāpyetadvṛtaṃ devā yadbhavadbhirudāhṛtam |
tathāstu sulabhaṃ tvetadbrahmakṣetramitipratham || 49 ||
[Analyze grammar]

sūryavaṃśodbhavo rājā gaṃgāmatrānayiṣyati |
sā sūryakanyayā cātra kāliṃdyā yogameṣyati || 50 ||
[Analyze grammar]

yūyaṃ ca sarve brahmādyā nivasaṃtu mayā saha |
tīrtharājeti vikhyātaṃ tīrthametadbhaviṣyati || 51 ||
[Analyze grammar]

sarvapāpāni naśyaṃti tīrtharājasya darśanāt |
sūrye makarage prāpte snāyināṃ pāpanāśanaḥ || 52 ||
[Analyze grammar]

kālo'pyeṣa mahāpuṇyaphalado'stu sadā nṛṇām |
sālokyādiphalaṃ snānairmāghe makarage ravau || 53 ||
[Analyze grammar]

nārada uvāca |
evaṃ devāndevadevastaduktvā tatraivāṃtardhānamāgātsavedhāḥ |
devāḥ sarvepyaṃśakaiste'pyatiṣṭhaṃścāṃtardhānaṃ prāpuriṃdrādayaste || 54 ||
[Analyze grammar]

kārtike tulasīmūle yo'rcayeddharimīśvaram |
bhuktveha nikhilānbhogānaṃte viṣṇupuraṃ vrajet || 55 ||
[Analyze grammar]