Chapter 8

[English text for this chapter is available]

nārada uvāca |
bhūyaḥ kathaya tṛptirhi nāsti me kamalāsana |
tvadvāgamṛtapānena tṛṣā bhūyaḥ pravardhate || 1 ||
[Analyze grammar]

brahmovāca |
prātaḥ snātvā śucirbhūtvā kārtike viṣṇutatparaḥ |
devaṃ dāmodaraṃ pūjya komalaistulasīdalaiḥ |
sa tu mokṣamavāpnoti nā'tra kāryā vicāraṇā || 2 ||
[Analyze grammar]

bhaktyā virahito yastu suvarṇādibhirarcayet |
tasya pūjāṃ na gṛhṇāti nā'tra kāryā vicāraṇā || 3 ||
[Analyze grammar]

sarveṣāmapi varṇānāṃ bhaktireṣā parā smṛtā |
bhaktyā virahitaṃ karma na viṣṇoḥ priyakāraṇam || 4 ||
[Analyze grammar]

bhaktyā saṃpūjito nityaṃ tulasyāstu dalārdhataḥ |
svayaṃ pratyakṣamāyāti bhagavānharirīśvaraḥ || 5 ||
[Analyze grammar]

viṣṇudāsaḥ purā bhaktyā tulasīpūjanena ca |
viṣṇulokaṃ gataḥ śīghraṃ colo gauṇatvamāgataḥ || 6 ||
[Analyze grammar]

tulasyāḥ śṛṇu māhātmyaṃ pāpaghnaṃ puṇyavarddhanam |
yatpurā viṣṇunā proktaṃ ramāyai tadvadāmyaham || 7 ||
[Analyze grammar]

saṃprāpte kārtike māsi tulasyāḥ pūjanaṃ hareḥ |
ye kurvaṃti narā bhaktyā te yāṃti paramaṃ padam || 8 ||
[Analyze grammar]

tasmātsarvaprayatnena tulasyāḥ komalairdalaiḥ |
pūjanīyo mahābhaktyā sarvakleśavināśanaḥ || 9 ||
[Analyze grammar]

ropitā tulasī yāvatkurute mūlavistaram |
tāvadyugasahasrāṇi brahmaloke mahīyate || 10 ||
[Analyze grammar]

tulasīpatrasaṃyuktajale snānaṃ caredyadi |
sarvapāpavinirmukto modate viṣṇumaṃdire || 11 ||
[Analyze grammar]

vṛndāvanaṃ ca kurute ropaṇārthaṃ mahāmune |
tāvataiva vimuktā'gho brahmabhūyāya kalpate || 12 ||
[Analyze grammar]

tulasīkānanaṃ brahmangṛhe yasyā'vatiṣṭhate |
tadgṛhaṃ tīrthabhūtaṃ tu na yāṃti yamakiṃkarāḥ || 13 ||
[Analyze grammar]

sarvapāpaharaṃ puṇyaṃ kāmadaṃ tulasīvanam |
ropayaṃti narāḥ śreṣṭhāste na paśyaṃti bhāskarim || 14 ||
[Analyze grammar]

tulasīkāṣṭhasaṃyuktaṃ gandhaṃ yo dhārayennaraḥ |
taddehaṃ na spṛśetpāpaṃ kriyamāṇaṃ tathaiva ca || 15 ||
[Analyze grammar]

tulasīvipinacchāyā yatra caiva bhaveddvija |
tatra śrāddhaṃ prakartavyaṃ pitṝṇāṃ tṛptihetave || 16 ||
[Analyze grammar]

yatkṛte tulasīpatraṃ karṇe śirasi dṛśyate |
yamastaṃ nekṣituṃ śaktaḥ kimu dūtā bhayaṃkarāḥ || 17 ||
[Analyze grammar]

tulasyā mahimāṃ yastu śṛṇuyānnityamādṛtaḥ |
savapāpavimuktātmā brahmalokaṃ sa gacchati || 18 ||
[Analyze grammar]

atraivodāharaṃtīmamitihāsaṃ purātanam |
tulasyā viṣaye brahmañcchravaṇātpāpanāśanam || 19 ||
[Analyze grammar]

purā kāśmīradeśe tu brāhmaṇau saṃbabhūvatuḥ |
harimedhaḥsumedhākhyau viṣṇubhaktiparāyaṇau || 20 ||
[Analyze grammar]

sarvabhūtadayāyuktau sarvatattvārthavedinau |
kadācittau dvijavarau tīrthayātrāparāyaṇau || 21 ||
[Analyze grammar]

gacchatāvekato viprau kāṃtāre śramavihvalau |
tulasīkānanaṃ tatra dadarśaturariṃdamau || 22 ||
[Analyze grammar]

tayoḥ sumedhāstaddṛṣṭvā tulasīkānanaṃ mahat |
pradakṣiṇīkṛtya tadā vavaṃde bhaktisaṃyutaḥ || 23 ||
[Analyze grammar]

dṛṣṭvaitaddharimedhāstu uvāca parayā mudā |
jñātuṃ tulasyā māhātmyaṃ tatphalaṃ ca punaḥpunaḥ || 24 ||
[Analyze grammar]

harimedhā uvāca |
kimarthaṃ vipra deveṣu tīrtheṣu ca vrateṣu ca |
sthiteṣu vipramukhyeṣu praṇāmaṃ kṛtavānasi || 25 ||
[Analyze grammar]

sumedhā uvāca |
śṛṇu vipra mahābhāga sādhu vākyamudīritam |
ātapo bādhate hyāvāṃ gatvaitadvaṭasannidhau || 26 ||
[Analyze grammar]

tasyacchāyāṃ samāśritya vakṣyāmi te yathārthataḥ |
evamuktaḥ sumedhāstu harimedhena saṃyutaḥ || 27 ||
[Analyze grammar]

vaṭaṃ jagāma dharmajño mahatkoṭarasaṃyutam |
tatra viśrāmya viprosau harimedhamuvāca ha || 28 ||
[Analyze grammar]

śrūyatāṃ vipraśārdūla tulasyāstūttamāṃ kathām |
parameśaprasādena saṃjātā yā payonidhau || 29 ||
[Analyze grammar]

purā durvāsasaḥ śāpādgataiśvarye puraṃdare |
mamaṃthuḥ kṣīrajaladhiṃ brahmādyāḥ sasurā'surāḥ || 30 ||
[Analyze grammar]

airāvataḥ kalpataruścandramāḥ kamalā tathā |
uccaiḥśravā kaustubhaśca tathā dhanvantarirhariḥ || 31 ||
[Analyze grammar]

harītakyādayaścā'pi divyā oṣadhayastathā |
ajāyanta dvijaśreṣṭha lokaśreyovidhāyakāḥ || 32 ||
[Analyze grammar]

tataḥ pīyūṣakalaśamajarāmaradāyakam |
karābhyāṃ kalaśaṃ viṣṇurdhārayansutalaṃ param |
avekṣya manasā sadyaḥ parāṃ nirvṛtimāpa ha || 33 ||
[Analyze grammar]

tasminpīyūṣakalaśa ānandāsrodabindavaḥ |
vyapataṃstulasī sadyaḥ samajāyata maṇḍalā || 34 ||
[Analyze grammar]

sarva lakṣaṇasaṃpannā sarvābharaṇabhūṣitā || 35 ||
[Analyze grammar]

tatrotpannāṃ tathā lakṣmīṃ tulasīṃ ca dadurhareḥ |
devā brahmādayaste hi jagṛhe bhagavānhariḥ || 36 ||
[Analyze grammar]

tato'tīva priyakarā tulasī jagatāṃ pateḥ || 37 ||
[Analyze grammar]

sā tu devagaṇaiḥ sarvairviṣṇuvatpūjyate priyā |
nārāyaṇo jagattrātā tulasī tasya vallabhā || 38 ||
[Analyze grammar]

tasmāttasyā namaskāro mayā vipra kṛtastataḥ |
ityevaṃ vadatastasya sumedhasya mahātmanaḥ || 39 ||
[Analyze grammar]

ārādadṛśyata mahadvimānaṃ sūryavarcasam |
tadānīṃ vaṭavṛkṣastu papāta purato mune || 40 ||
[Analyze grammar]

tathaiva tasmādvṛkṣācca puruṣau dvau vinirgatau |
dyotayaṃtau diśaḥ sarvāstejasā sūryasannibhau || 41 ||
[Analyze grammar]

praṇāmaṃ cakratustau hi harimedhasumedhayoḥ |
harimedhasumedhau tau tau dṛṣṭvā bhayavihvalau || 42 ||
[Analyze grammar]

ūcaturvismayāviṣṭau tāvubhau devasannibhau || 43 ||
[Analyze grammar]

harimedhasumedhasāvūcatuḥ |
yuvāṃ kau devasaṃkāśau bhavaṃtau sarvamaṃgalau |
maṃdāramālāṃ taruṇāṃ dhārayaṃtau tathā'marau |
namaskāryau tathā'vābhyāṃ pūjyau ca surarūpiṇau || 44 ||
[Analyze grammar]

ityuktau brāhmaṇābhyāṃ tāvūcaturvṛkṣanirgatau |
yuvāmeva pitā mātā āvayośca tathā guruḥ || 45 ||
[Analyze grammar]

baṃdhvādayastathā caiva yuvāmeva na saṃśayaḥ |
jyeṣṭha uvāca |
ahaṃ tu devalokasya āstīkonāma nāmataḥ || 46 ||
[Analyze grammar]

apsarogaṇasaṃvītaḥ kadācinnaṃdana vanam |
krīḍārthamagamaṃ cādrau viṣayāsakta cetanaḥ || 47 ||
[Analyze grammar]

remire devavanitā yathākāmaṃ mayā saha |
muktāmallikamālyāni nipetustāni yoṣitām || 48 ||
[Analyze grammar]

tapato romaśasyaiva taddṛṣṭvā kupito muniḥ |
yoṣitāṃ nā'parādhoyaṃ yāsāṃ vai parataṃtratā || 49 ||
[Analyze grammar]

ayameva durācāraḥ śāpārha iti cā'bravīt |
tvaṃ brahmarākṣaso bhūtvā vaṭavṛkṣe careti mām || 50 ||
[Analyze grammar]

prasādito mayā so'tha viśāpamapi dattavān |
tulasīpatramāhātmyaṃ viṣṇornāma tathā dvijāt || 51 ||
[Analyze grammar]

yadā śṛṇoṣi sadyastvaṃ vimuktiṃ yāsyase parām |
iti śaptastu muninā cirakālaṃ suduḥkhitaḥ || 52 ||
[Analyze grammar]

vasāmyatra vaṭe daivādbhavaddarśanato dhruvam |
muktirjātā vipraśāpāddvitīyasya kathāṃ śṛṇu || 53 ||
[Analyze grammar]

ayaṃ munivaraḥ pūrvaṃ guruśuśrūṣaṇe rataḥ |
gurorājñāmanādṛtya brahmarākṣasatāṃ gataḥ || 54 ||
[Analyze grammar]

yuṣmatprasādādadhunā brahmaśāpādvimocitaḥ |
tīrthayātrāphalaṃ caiva yuvābhyāmiha sādhitam || 55 ||
[Analyze grammar]

uttarottarapuṇyāni vardhaṃte ca dinedine |
ityuktvā tau munivarau praṇamya ca punaḥpunaḥ || 56 ||
[Analyze grammar]

tāvanujñāpya tau dhāma jagmatuḥ parayā mudā |
tatastau tīrthayātrārthaṃ paramau munipuṃgavau || 57 ||
[Analyze grammar]

śaṃsaṃtau tulasīṃ puṇyāṃ jagmaturmunipuṃgava |
evaṃ nārada māhātmyaṃ tulasyāḥ ko nu varṇayet || 58 ||
[Analyze grammar]

tasmānnārada māse'sminkārtike harituṣṭide |
kartavyā tulasīpūjā nā'tra kāryā vicāraṇā || 59 ||
[Analyze grammar]

evamaṃga vratānyeva proktāni munisattama |
upāṃgāni pravakṣyāmi vālakhilyoditāni ca || 60 ||
[Analyze grammar]

iti śrīskāṃde mahāpurāṇa ekāśītisāhasryāṃ saṃhitāyāṃ dvitīye vaiṣṇavakhaṇḍe kārtikamāsamāhātmye tulasīmāhātmyavarṇanaṃ nāmā'ṣṭamo'dhyāyaḥ || 8 ||
[Analyze grammar]