Chapter 7

[English text for this chapter is available]

śiva uvāca |
tato nairṛtyadigbhāge paṃcadhārāḥ pataṃtyadhaḥ |
prabhāsaṃ puṣkaraṃ caiva gayāṃ naimiṣameva ca |
kurukṣetraṃ vijānīhi dravarūpaṃ ṣaḍānana || 1 ||
[Analyze grammar]

purā te brahmaṇaḥ sthānaṃ gatā malinarūpiṇaḥ |
pāpināṃ pāpadoṣeṇa vikṛtāḥ kṛtabuddhayaḥ || 2 ||
[Analyze grammar]

tatra gatvā namaskṛtya brahmāṇaṃ lokabhāvanam |
ūcuḥ prāṃjalayaḥ sarve nijāgamanakāraṇam || 3 ||
[Analyze grammar]

tacchrutvā dhyānamālaṃbya prahasya jagadīśvaraḥ |
uvāca vacanaṃ cāru smṛtvā badarīkāśramam || 4 ||
[Analyze grammar]

mā bhaiṣṭa gacchata kṣipraṃ harerbadarikāśramam |
yasya nirdeśamātreṇa sadyaḥ puṇyaṃ bhaviṣyati || 5 ||
[Analyze grammar]

tataste harṣavegena namaskṛtya pitāmaham |
jagmurutphullanayanā viśālāmamitaprabhām || 6 ||
[Analyze grammar]

yasya nirveśamātreṇa tatkṣaṇādvigatenasaḥ |
tato dvirūpamāsthāya svasthānaṃ yayurutsukāḥ || 7 ||
[Analyze grammar]

dravarūpeṇa cānyena paṃca tiṣṭhaṃti nirmalāḥ |
teṣu snātvā vidhānena kṛtvā nityakriyāṃ śuciḥ || 8 ||
[Analyze grammar]

tattattīrthaphalaṃ labdhvā yātyaṃte paramaṃ padam |
paṃcopavāsa nirataḥ pūjayitvā janārdanam || 9 ||
[Analyze grammar]

iha bhogānbahūnbhuktvā hareḥ sālokyamāpnuyāt || 10 ||
[Analyze grammar]

tatastu vimalaṃ tīrthaṃ somakuṃḍābhidhaṃ param |
tapaścakāra bhagavānsomo yatra kalānidhiḥ || 11 ||
[Analyze grammar]

skanda uvāca |
somakuṇḍasya māhātmyaṃ vada me vadatāṃ vara |
tvatprasādādahaṃ śrotumicchāmi parameśvara || 12 ||
[Analyze grammar]

śiva uvāca |
purātritanayaḥ śrīmānsomaḥ saṃprāpya yauvanam |
śrutvā svarvāsināṃ saukhyaṃ gaṃdharvebhyo muhurmuhuḥ |
tadā svapitaraṃ prāyātpraṣṭuṃ tallabhate katham || 13 ||
[Analyze grammar]

soma uvāca |
bhagavansarvadharmajña karuṇāmṛtasāgara |
kathaṃ vā labhyate svargaḥ sarveṣāmuttamottamaḥ || 14 ||
[Analyze grammar]

grahanakṣatratārāṇāmoṣadhīnāṃ patiḥ prabho |
syāmahaṃ yena taṃ yatnaṃ kṛpayā vada me pitaḥ || 15 ||
[Analyze grammar]

atriruvāca |
tapasārādhya goviṃdaṃ yamairvā niyamaiḥ suta |
kiṃ durllabhaṃ tu sādhūnāmiha loke paratra ca || 16 ||
[Analyze grammar]

tatastu nāradācchrutvā kṣetraṃ paramanirmalam |
jagāma badarīṃ natvā pitaraṃ diśamuttarām || 17 ||
[Analyze grammar]

tatra gatvā phalairmedhyairviṣṇoḥ pūjāmakalpayat |
jajāpa paramaṃ jāpyamaṣṭākṣaraṃ manoharam || 18 ||
[Analyze grammar]

aṣṭāśītisahasrāṇi varṣāṇi bhagavatparam |
tapastepe'tiparamaṃ sarvalokabhayāvaham || 19 ||
[Analyze grammar]

tatastuṣṭaḥ samāgatya bhagavānbhaktavatsalaḥ |
uvāca somaṃ vidhivadvaraṃ varaya suvrata || 20 ||
[Analyze grammar]

tataḥ somaḥ samutthāya namaskṛtya punaḥpunaḥ |
grahanakṣatratārāṇāmoṣadhīnāmahaṃ patiḥ |
dvijānāmapi sarveṣāṃ bhūyāsaṃ te prasādataḥ || 21 ||
[Analyze grammar]

hariruvāca |
varamanyaṃ vṛṇuṣvāto durllabhaṃ tvaṃ bhavādṛśām |
varānno varayāmāsa tadā taṃ himajātmaja || 22 ||
[Analyze grammar]

tato'tivimanāḥ somaḥ punastepe tapo mahat |
triṃśadvarṣasahasrāṇi devamānena putraka || 23 ||
[Analyze grammar]

tadāsau karuṇāpūrṇahṛdayo bhagavānagāt |
varaṃ varaya bhadraṃ te varado'haṃ tavāgrataḥ |
somastu tādṛśaṃ vavre tacchrutvāntarddadhe hariḥ || 24 ||
[Analyze grammar]

tato'tivimanāḥ somaḥ punastepe tapo mahat |
catvāriṃśatsahasrāṇi tapastaptaṃ suduṣkaram || 25 ||
[Analyze grammar]

tatastuṣṭo hariḥ sākṣācchaṃkhacakragadādharaḥ |
uvāca vacanaṃ cāru somaṃ śrāṃtaṃ taponidhim || 26 ||
[Analyze grammar]

uttiṣṭhottiṣṭha bhadraṃ te varaṃ varaya suvrata |
tapasārādhito nūnaṃ tvayāhaṃ tapasāṃ nidhiḥ || 27 ||
[Analyze grammar]

soma uvāca |
yadi tuṣṭo bhavānmahyaṃ bhagavānvaradarṣabhaḥ |
grahanakṣatratārāṇāmādhipatyaṃ prayaccha me |
tathauṣadhīnāṃ viprāṇāṃ yāminyāśca jagatpate || 28 ||
[Analyze grammar]

śrībhagavānuvāca |
durllabhaṃ prārthitaṃ vatsa vitarāmi tathāpyaham |
evamastu tataḥ sarve samāgatya divau kasaḥ |
abhiṣiktavaṃto vidhivatsomaṃ rājānamādṛtāḥ || 29 ||
[Analyze grammar]

tato vimānamārūḍho rathena śubhravāsasā |
abhiṣṭutaḥ surairabhūddivaṃ gato niśākaraḥ || 30 ||
[Analyze grammar]

tataḥ prabhṛti tīrthaṃ tatsomakuṃḍeti durllabham |
yaddṛṣṭimātrānmanujā gatadoṣā bhavaṃti hi || 31 ||
[Analyze grammar]

yadupasparśanādyāṃti somalokaṃ viniṃditāḥ |
yatra snātvā vidhānena saṃtarpya pitṛdevatāḥ || 32 ||
[Analyze grammar]

somalokaṃ vinirbhidya viṣṇulokaṃ prapadyate |
upavāsatrayaṃ kṛtvā pūjayitvā janārddanam || 33 ||
[Analyze grammar]

na teṣāṃ punarāvṛttiḥ kalpakoṭiśatairapi |
trirātreṇa sthito bhūtvā pūjayitvā janārddanam |
japaṃ kurvanviśeṣeṇa maṃtrasiddhiḥ prajāyate || 34 ||
[Analyze grammar]

karmaṇā manasā vācā yatkṛtaṃ pātakaṃ nṛbhiḥ |
tatsarvaṃ kṣayamāyāti somakuṃḍekṣaṇādiha || 35 ||
[Analyze grammar]

tatastu dvādaśādityatīrthaṃ pāpaharaṃ param |
yatra taptvā punaḥ kṛcchraṃ kāśyapaḥ sūryatāṃ yayau || 36 ||
[Analyze grammar]

durllabhaṃ triṣu lokeṣu tapaḥsiddhyekakāraṇam |
ravivāreṣu saptamyāṃ saṃkrātyāṃ vidhivannaraḥ |
saptajanmakṛtātpāpātsnānamātreṇa śuddhyati || 37 ||
[Analyze grammar]

pārākaṃ vidhivatkṛtvā pūjanīyo janārddanaḥ |
sūryaloke sukhaṃ bhuktvā viṣṇuloke mahīyate || 38 ||
[Analyze grammar]

mahārogābhibhūtastu snātvā pītvā jalaṃ śuciḥ |
rogamukto'cirādeva nātra kāryā vicāraṇā || 39 ||
[Analyze grammar]

catuḥsrotaṃ paraṃ tīrthaṃ vilocanamanoharam |
dharmārthakāmamokṣāste tiṣṭhaṃti dravarūpiṇaḥ || 40 ||
[Analyze grammar]

harerājñānusāreṇa kṣetre'sminvaiṣṇave svayam |
puruṣārthā dravībhūtā bhūtānāṃ muktihetavaḥ || 41 ||
[Analyze grammar]

pūrvādidikṣu kramasanniviṣṭā dharmapradhānā iva rūpabhājaḥ |
bhajaṃti ye tānkramasanniviṣṭānprasannataiṣāṃ satataṃ bhaveddhi || 42 ||
[Analyze grammar]

nānyatra kṣetre militāḥ kathaṃciccatvāra ete tridaśairalabhyāḥ |
tānagrimaṃ janma javena labdhvā paśyaṃti pūrvārjitapuṇyapuṃjāḥ || 43 ||
[Analyze grammar]

ye durjanā durjanasaṃgabhājaḥ kṣamārjavaprāṇajayapradhānāḥ |
krīḍāmṛgā grāmyavadhūjanānāṃ na te prapaśyaṃtyacirātpumarthān || 44 ||
[Analyze grammar]

tathaiva paśyaṃtyacireṇa tattvajñānaikahetūnapi tānpumarthān || 45 ||
[Analyze grammar]

atra brahmādayo devā ṛṣayaśca tapodhanāḥ |
parvaṇi prayatāḥ snātuṃ samāyāṃti ṣaḍānana || 46 ||
[Analyze grammar]

tataḥ satyapadaṃnāma tīrthaṃ sarvamanoharam |
trikoṇākāramevaitatkuṃḍaṃ kalmaṣanāśanam |
ekādaśyāṃ haristatra svayamāyāti pāvane || 47 ||
[Analyze grammar]

tatpaścādṛṣayaḥ sarve munayaśca tapodhanāḥ |
snātumāyāṃti vidhivatkuṃḍe satyapadābhidhe || 48 ||
[Analyze grammar]

gaṃdharvāpsarasāṃ yatra madhyāhne harivāsare |
gānaṃ śṛṇvaṃti viralāḥ satyavrataparāyaṇāḥ || 49 ||
[Analyze grammar]

darśanādyasya tīrthasya pātakāni mahāṃtyapi |
palāyaṃte bhayenaiva siṃhaṃ dṛṣṭvā mṛgā iva || 50 ||
[Analyze grammar]

svaśākhoktavidhānena snānaṃ kṛtvā vicakṣaṇaḥ |
satyalokamavāpnoti tato naiḥśreyasaṃ padam || 51 ||
[Analyze grammar]

ahorātraṃ śucirbhūtvā upoṣya ca janārddanam |
pūjayitvā yathāśaktyā sa jīvanmuktibhājanaḥ || 52 ||
[Analyze grammar]

brahmā viṣṇuśca rudraśca trikoṇasthāḥ samāhitāḥ |
tapaḥ kurvaṃtyanudinaṃ sarvalokāditoṣaṇam || 53 ||
[Analyze grammar]

trikoṇamaṃḍitaṃ tīrthaṃ nāmnā satyapadapradam |
darśanīyaṃ prayatnena sarvapāpamumukṣubhiḥ || 54 ||
[Analyze grammar]

japaṃ tapo haristotraṃ pūjāṃ stutyabhivaṃdanam |
māhātmyaṃ kurvatāṃ vaktuṃ brahmaṇāpi na śakyate || 55 ||
[Analyze grammar]

tato'tivimalaṃ nāma naranārāyaṇāśramam |
dvividhaṃ dṛśyate tatra pāthaḥ paramanirmalam || 56 ||
[Analyze grammar]

ubhābhyāmubhayoḥ prītirbhavatīti viniścitam |
tatra snātvā prayatnena pūjayitvā janārddanam |
sarvapāpavinirmuktastatkṣaṇānnātra saṃśayaḥ || 57 ||
[Analyze grammar]

tato nārāyaṇāvāsaśikhare vimalākṛti |
tīrthaṃ pavitramurvaśyā abhivyaktikaraṃ bhavet || 58 ||
[Analyze grammar]

skanda uvāca |
abhivyaktiḥ kathaṃ tasyā urvaśyāḥ śikhare pitaḥ |
kiṃ puṇyaṃ kiṃ phalaṃ tatra paraṃ kautūhalaṃ vada || 59 ||
[Analyze grammar]

śiva uvāca |
dharmasyapatnī mūrtyāsīttasyāṃ jātau ṣaḍānana |
naranārāyaṇau sākṣādbhagavāneva kevalam || 60 ||
[Analyze grammar]

pitrorājñāmanuprāpya tapo'rdhaṃ kṛtamānasau |
ubhayornagayostau tu tapomūrtī iva sthitau || 61 ||
[Analyze grammar]

tau dṛṣṭvā vismitaḥ śakraḥ preṣayāmāsa manmatham |
sagaṇaṃ tapaso dhvaṃso yathā syādgandhamādanam || 62 ||
[Analyze grammar]

vikramya vidhivatte tu nārāyaṇabalodayam |
jñātvā hatamanaskāstānuvāca jagatīpatiḥ || 63 ||
[Analyze grammar]

hariruvāca |
kimarthamāgatā yūyamātithyaṃ gṛhyatāmiti || 64 ||
[Analyze grammar]

ityuktvā phalamūlāni tebhyo dattvorvaśīṃ tathā |
dattvāntardhimagādeva paśyatāṃ vighnakāriṇīm || 65 ||
[Analyze grammar]

te tu gatvā divaṃ bhīte śakrāyocurbalaṃ hareḥ |
śakrastāmurvaśīṃ prāpya harṣaṇaikayuto'bhavat || 66 ||
[Analyze grammar]

tataḥ prabhṛti tattīrthamurvaśī nāmataḥ pṛthak |
prasiddhaṃ yatra bhagavānsvayamāste tapomayaḥ || 67 ||
[Analyze grammar]

tatra snātvā vidhānena upoṣya rajanidvayam |
pūjayitvā haristatra naro nārāyaṇo bhavet || 68 ||
[Analyze grammar]

urvaśīkuṇḍamāsādya kāmanāvaśato naraḥ |
urvaśīlokamāpnoti snānamātreṇa putraka || 69 ||
[Analyze grammar]

sadaiva bhagavāṃstatra urvaśīkuṃḍa sannidhau |
bhūtānāṃ bhāvayanbhavyaṃ tapomūrtirvyavasthitaḥ || 70 ||
[Analyze grammar]

āmodaṃ tadupari vai prabhañjano'pi śrībharturvahati padāṃbujaikalabdham |
yatsaṃgātkaliyugakalmaṣāturāṇāmutsaṃge na bhavati pāpabhārapākaḥ || 71 ||
[Analyze grammar]

yatsaṃgāddharṣamupāvahatpadaśrīnirviṇṇo girivivarecyutaikasevī |
śrībhartuścaraṇayugaṃ vahansamantādabhyeti praśamamahastapaḥsamīre || 72 ||
[Analyze grammar]

gīrvāṇānupahasati svaghena pūrṇaḥ kīṭo'pipraśamitadurnayo nirīhaḥ |
yatrasthaḥ kusumanivedamātmayogaparyuṣṭaṃ jahadupayāsyate padaṃ tat || 73 ||
[Analyze grammar]

yatretvā munimatayo bahiḥpadārthānnāpaśyannihitapadāṃbujaikabhājaḥ |
yatrasthaḥ svayamapi gopatirjanānāmādhatte svapadamanukramāgatānām || 74 ||
[Analyze grammar]

bahūni saṃti tīrthāni girau nārāyaṇāśrite |
sarvapāpaharāṇyāśu tānyahaṃ veda no janaḥ || 75 ||
[Analyze grammar]

saṃsārakuhare ghore yatra sthagitamātmanaḥ |
urvaśīkuṇḍamāsādya dinamekaṃ vasennaraḥ || 76 ||
[Analyze grammar]

urvaśīdakṣiṇe bhāge āyudhāni jagatpateḥ |
vidyaṃte darśanātteṣāṃ na śastrabhayabhāgbhavet || 77 ||
[Analyze grammar]

ya idaṃ śṛṇuyādbhaktyā śrāvayedvā samāhitaḥ |
sarvapāpavinirmuktaḥ sālokyaṃ labhate hareḥ || 78 ||
[Analyze grammar]

iti śrīskāṃde mahāpurāṇa ekāśītisāhasryāṃ saṃhitāyāṃ dvitīye vaiṣṇavakhaṇḍe badarikāśramamāhātmye śivakārttikeyasaṃvāde pañcadhārāditīrthamāhātmyavarṇanaṃnāma saptamodhyāyaḥ || 7 ||
[Analyze grammar]