Chapter 48

[English text for this chapter is available]

munaya ūcuḥ |
prāsādasya pratiṣṭhāṃta indradyumnāya yadvarān |
ājñāpayāmāsa hariryātrāstā dvādaśāpi ca || 1 ||
[Analyze grammar]

tvatsakāśācchutaṃ sarvaṃ tataḥ sa pṛthivīpatiḥ |
kiṃ cakāra mahābuddhirviṣṇubhakto'pyavasthitaḥ || 2 ||
[Analyze grammar]

jaiminiruvāca |
varāṃllabdhvā jagannāthātsākṣādbrahmasvarūpiṇaḥ |
kṛtakṛtyaṃ sa mene vā ātmānaṃ narapuṃgavaḥ || 3 ||
[Analyze grammar]

yathājñaṃ kārayitvā vai yātrāstāḥ puṇyamokṣadāḥ |
bahūpacārairbahudhā samabhyarcya jagadgurum || 4 ||
[Analyze grammar]

gālarājaṃ samādiśya devasyājñāṃ yathāvidhi |
idaṃ provāca madhuraṃ dharmanyāyasamāyutam || 5 ||
[Analyze grammar]

indradyumna uvāca |
rājanbahuśruto'si tvaṃ dharmaniṣṭhāmupāgataḥ |
bhagavatyapi bhaktiste karmaṇā manasā girā || 6 ||
[Analyze grammar]

na hyekasyopadaśāya bhagavānanuśāsti vai |
carācaragururhyeṣa viśvaṃ tacchiṣyatāṃ gatam || 7 ||
[Analyze grammar]

mamānugrahalakṣyeṇa avatīrṇo jagatpatiḥ |
uddhṛtyai dīnamanasāmatrāpi sthāsyate cirāt || 8 ||
[Analyze grammar]

bhaktyā ca śraddhayā yukta etadājñāṃ pravarttaya |
pratimāvyavahāreṇa nainaṃ jānīhi bhūmipa || 9 ||
[Analyze grammar]

pratyakṣaṃ te yathā jātaṃ trailokyaṃ bhūmimāgatam |
prāsādāṃtaḥ praveśe hi yasyāsya jagadīśituḥ || 10 ||
[Analyze grammar]

pitāmahādyāstridaśāḥ sarve yugapadāgatāḥ |
viśvamūrtyā vayaṃ sarve jātā vai naṣṭacetanāḥ || 11 ||
[Analyze grammar]

carācaramayo hyeṣa sākṣāddārusvarūpadhṛk |
kalpavṛkṣamimaṃ viddhi bhūgataṃ sarvakāmadam || 12 ||
[Analyze grammar]

upāsyainaṃ hi labhate yo yathā kāmanāphalam |
yataṃto bahudhā yaṃ hi yatayo na vidanti vai |
tamaḥpāre pratiṣṭhataṃ kiṃsvijjyotiḥ svarūpiṇam || 13 ||
[Analyze grammar]

yatīnāṃ dharmaniṣṭhānāṃ śuddhānāmūrdhvaretasām |
ananyabhaktiyuktānāmekaḥ paṃthāstu yoginām || 14 ||
[Analyze grammar]

grīṣme śīta gabhīre vai nimajjya salilāśaye |
parāṃ nirvṛtimāpnoti tathāsminkaruṇāṃbudhau || 15 ||
[Analyze grammar]

tritāpaduḥkhaṃ tyajati saṃprāpte puruṣottame || 16 ||
[Analyze grammar]

na mātā na pitā mitraṃ na patnī na sutastathā |
śaraṇāgatadīnānāṃ yathāyamupakārakaḥ || 17 ||
[Analyze grammar]

tadenaṃ parisevasva bhuktimuktiphalapradam |
pauraiḥ prajābhiryātrāstāḥ samṛddhaṃ parivarttaya || 18 ||
[Analyze grammar]

sādhāraṇo dharmapaṃthā nṛpāṇāṃ nṛpasattama |
pravartitaśca pūrveṇa pālyate'naṃtareṇa saḥ || 19 ||
[Analyze grammar]

nṛsiṃhaṃ bhaja rājeṃdra upacārairmaharddhibhiḥ |
pūjayasva trisaṃdhyaṃ taṃ paraṃ nirvāṇamāpnuhi || 20 ||
[Analyze grammar]

svakṛtāduttamaṃ prāhuḥ parakṛtyoparakṣaṇam |
pālayetparadattaṃ yaḥ svadattāduttamaṃ hi tat || 21 ||
[Analyze grammar]

jaiminiruvāca |
kṛtāṃjalipuṭaḥ so'tha śveto nṛpatisattamaḥ |
mūrdhni jagrāha tadvākyaṃ mālāmiva guṇānvitām || 22 ||
[Analyze grammar]

iṃdradyumno'pi rājarṣiḥ prasādya puruṣottamam |
saha śrīmānbrahmalokaṃ jagāma ha || 23 ||
[Analyze grammar]

etadvaḥ kathitaṃ puṇyaṃ kṣetramāhātmyamuttamam |
tatra nityoṣitasyāpi māhātmyaṃ brahmadāruṇaḥ || 24 ||
[Analyze grammar]

yaścaitacchṛṇuyādbhaktyā vācyamānaṃ dvijottamāḥ |
aśvamedhasahasrasya phalaṃ so'vikalaṃ labhet || 25 ||
[Analyze grammar]

arddhodayastu yo yogaḥ skaṃdena parikīrtitaḥ |
tatkoṭiguṇitaṃ puṇyaṃ viṣṇormāhātmyakīrtanāt || 26 ||
[Analyze grammar]

prātaḥ prātaryaḥ śṛṇuyātkapilāśatado bhavet |
gāṃgaiḥ puṣkarajaistoyairabhiṣekaphalaṃ labhet || 27 ||
[Analyze grammar]

dhanyaṃ yaśasyamāyuṣyaṃ puṇyaṃ saṃtānavarddhanam |
svargapratiṣṭhāgatidaṃ sarvapāpāpanodanam || 28 ||
[Analyze grammar]

etadrahasyamākhyātaṃ purāṇeṣu sugopitam |
vaiṣṇavebhyo vinā'nyeṣu na tu vācyaṃ kadācana || 29 ||
[Analyze grammar]

kutarkopahatā ye ca duradhītaśrutāgamāḥ |
nāstikā dāṃbhikā nityaṃ paradoṣopadarśinaḥ |
avaiṣṇavā moghajīvāstebhyo gopyaṃ sadaiva hi || 30 ||
[Analyze grammar]

iti śrīskāṃde mahāpurāṇa ekāśītisāhasryāṃ saṃhitāyāṃ dvitīye vaiṣṇavakhaṇḍe puruṣottamakṣetramāhātmye'ṣṭacatvāriṃśo'dhyāyaḥ || 48 ||
[Analyze grammar]