Chapter 33

[English text for this chapter is available]

jaiminiruvāca |
ata ūrdhvaṃ pravakṣyāmi mahāvedīmahotsavam |
ajñānatimirāṃdho'pi yena bhāsvatpadaṃ vrajet || 1 ||
[Analyze grammar]

vaiśākhasyāmale pakṣe tṛtīyā pāpanāśinī |
svayamāviṣkṛtā caiṣā prājāpatyarkṣasaṃyutā || 2 ||
[Analyze grammar]

tasyāṃ saṃkalpya nṛpatirācāryaṃ varayecchuciḥ |
ekaṃ trīnatha takṣāṇaṃ dṛṣṭakarmāṇamādarāt || 3 ||
[Analyze grammar]

vṛṇuyādvanayāgāya vastrālaṃkaraṇādibhiḥ |
takṣṇā sārddhaṃ vanaṃ gatvā sādhuvṛkṣagaṇākulam || 4 ||
[Analyze grammar]

tanmadhye vahnimādhāya maṃtrarājena maṃtravit |
aṣṭottaraśataṃ hutvā saṃpātājyavimiśritam || 5 ||
[Analyze grammar]

ājyaṃ tarūṇāṃ mūle tu pratyekamabhighārayet |
dikpālebhyo baliṃ dattvā kṣetrapālapaśūṃstathā || 6 ||
[Analyze grammar]

vanaspataye juhuyātkṣīrodanaśatāhutim |
tataḥ paraśumādāya vṛkṣamūleṣu dikṣu vai || 7 ||
[Analyze grammar]

ājyasaṃskṛtideśeṣu ācāryo maṃtramuccaran |
kiṃcitkiṃcicchedayedvai ciṃtayangaruḍadhvajam || 8 ||
[Analyze grammar]

nadatsu tūryaghoṣeṣu gītamaṃgalavādiṣu |
niyojya varddhakiṃ tatra ācāryaḥ svagṛhaṃ vrajet || 9 ||
[Analyze grammar]

athavā sthāna labdhāni dārūṇi rathakarmaṇi |
uktasaṃskāravidhinā saṃskuryātkalpitenale || 10 ||
[Analyze grammar]

ārabheta rathaṃ kṛtvā vighrarājamahotsavam |
ṣoḍaśāraiḥ ṣoḍaśabhiścakrairlohamayairdṛḍhaiḥ || 11 ||
[Analyze grammar]

yuktaṃ viṣṇo rathaṃ kuryāddṛḍhākṣaṃ dṛḍhakūbaram |
vicitraghaṭanākakṣaputtalīpariveṣṭitam || 12 ||
[Analyze grammar]

nānāvicitrabahulamikṣukhaṇḍavirājitam |
catustoraṇasaṃyuktaṃ caturdvāraṃ suśobhanam || 13 ||
[Analyze grammar]

nānāvicitrabahulaṃ hemapaṭṭavirājitam |
dvāviṃśatikarocchrāyaṃ patākābhiralaṃkṛtam || 14 ||
[Analyze grammar]

gāruḍaṃ ca dhvajaṃ kuryādraktacaṃdananirmitam |
dīrghanāsaṃ sthūladehaṃ kuṇḍalābhyāṃ vibhūṣitam || 15 ||
[Analyze grammar]

caṃcvagradaṣṭabhujagaṃ sarvālaṃkārabhūṣitam |
vitatya pakṣatī vyomni uḍḍīyaṃtamivoditam || 16 ||
[Analyze grammar]

daityadānavasaṃghasya baladarpavināśanam |
sarvāṃgaṃ tasya kanakairācchādya pariśobhayet || 17 ||
[Analyze grammar]

rathameva hareḥ kuryātsvāsanaṃ supariṣkṛtam |
caturdaśarathāṃgaistaṃ rathaṃ kuryācca sīriṇaḥ || 18 ||
[Analyze grammar]

cakrairdvādaśabhiḥ kuryātsubhadrāyā rathottamam |
saptacchadamayaṃ kuryātsīriṇo lāṃgaladhvajam || 19 ||
[Analyze grammar]

devyāḥ padmadhvajaṃ kuryātpadmakāṣṭhavinirmitam |
viracayya rathānrājā pratiṣṭhāṃ pūrvavaccaret || 20 ||
[Analyze grammar]

yathāmantraṃ yathāśāstraṃ viśvasedbrāhmaṇeṣu ca |
brāhmaṇā jagadīśasya jaṃgamāstanavaḥ smṛtāḥ || 21 ||
[Analyze grammar]

itthaṃ sughaṭitaṃ cakritrayaṃ devatrayasya vai |
āṣāḍhasya site pakṣe dine viṣṇoḥ śubhaprade || 22 ||
[Analyze grammar]

pratiṣṭhāpya samṛddhena vidhinā pūrvavadvijāḥ |
rakṣaṇīyaṃ tathā tatra nārohetkaścanāśubhaḥ || 23 ||
[Analyze grammar]

pakṣī vā mānuṣo vāpi mārjāranakulādayaḥ |
tato dinatrayādarvāgrathānāmuttare kṛte || 24 ||
[Analyze grammar]

maṇḍape utsavāṃge vā prakuryādaṃkurārpaṇam |
adbhuteṣvatha jāteṣu śāṃtiṃ kuryātpuroditām || 25 ||
[Analyze grammar]

rathyā susaṃskṛtā kāryā mahāvedīṃ yathā vrajet |
pārśvayormaṃḍalaṃ kuryātpathi gulmādibhiḥ phalaiḥ || 26 ||
[Analyze grammar]

sumanastabakairmālyairdukūlaiścāmaraistathā |
yathā supuṣpitāraṇyarājī tatra virājate || 27 ||
[Analyze grammar]

bhūmiḥ samā ca kāryā vai niṣpaṃkā sukhacāraṇā |
nirmalā ca sugandhā ca sudūrādvarjitotkarā || 28 ||
[Analyze grammar]

dhūpapātrāṇyanupadaṃ digāmodakarāṇi ca |
caṃdanāṃbhaḥ parikṣepo yaṃtrapātotkarastathā || 29 ||
[Analyze grammar]

bahūni ṛtupuṣpāṇi puṣpavṛṣṭyarthameva hi |
naṭanarttakamukhyāśca gāyanā bahavastathā || 30 ||
[Analyze grammar]

veśyā yauvanagarvāḍhyāḥ rūpālaṃkārabhūṣitāḥ |
mṛdaṃgā paṇavāścaiva bherīḍhakkādayastathā || 31 ||
[Analyze grammar]

bahavo bahudhā tatra patākāścitritāṃtarāḥ |
dhvajāśca bahavastatra svarṇarājatanirmitāḥ || 32 ||
[Analyze grammar]

vaijayaṃtyo bahuvidhā bhūmigā vāhanāstathā |
hastinaśca hayāścaiva susannaddhāḥ svalaṃkṛtāḥ || 33 ||
[Analyze grammar]

evaṃ saṃbhṛtasaṃbhāraḥ kṣitipālaḥ śucivrataḥ |
mudā bhaktyā ca parayā yuktaḥ kuryānmahotsavam || 34 ||
[Analyze grammar]

āṣāḍhasya site pakṣe dvitīyā puṣyasaṃyutā |
aruṇodayavelāyāṃ tasyāṃ devaṃ prapūjayet || 35 ||
[Analyze grammar]

brāhmaṇairvaiṣṇavaiḥ sārddhaṃ yatibhiśca tapasvibhiḥ |
vijñāpayeddevadevaṃ yātrāyai saṃskṛtāṃjaliḥ || 36 ||
[Analyze grammar]

indradyumnaṃ kṣitibhujaṃ yathājñāsīḥ purā vibho |
vijayasva rathe nātha guṃḍicāmaṇḍapaṃ prati || 37 ||
[Analyze grammar]

tavāpāṃgavilokena prapunaṃtu diśo daśa |
niḥśreyasapadaṃ yāṃtu sthāvarāṇi carāṇi ca || 38 ||
[Analyze grammar]

avatāraḥ kṛto hyeṣa lokānugrahakāmyayā |
tadehi bhagavanprītyā caraṇaṃ nyasya bhūtale || 39 ||
[Analyze grammar]

tataḥ karpūracūrṇaiśca sumanobhiravākiret |
pathi śākunasūktāni prapaṭhaṃti dvijātayaḥ || 40 ||
[Analyze grammar]

kecinmaṃgalagāthāśca kecijjaya jayeti ca |
jitaṃ ta iti mantraṃ vai keciduccairjapaṃti ca || 41 ||
[Analyze grammar]

sūtamāgadhamukhyāśca kīrtiṃ puṇyāṃ mudā jaguḥ |
svarṇadaṃḍaprakīrṇānāṃ śreṇī cobhayapārśvayoḥ || 42 ||
[Analyze grammar]

līlayāṃdolayaṃti sma raṇatkaṃkaṇamaṃjulam |
svarṇapātraparikṣiptakṛṣṇāgurusudhūpitaiḥ || 43 ||
[Analyze grammar]

surabhīkṛtasarvāśā mukhe vyomāṃgaṇe tathā |
carcarījharjharīveṇuvīṇāmādhurikādayaḥ |
śabdāyaṃte sumadhuraṃ goviṃdavijayāṃtare || 44 ||
[Analyze grammar]

evaṃ pravṛtte samaye kṛṣṇaṃ rāmapuraḥsaram |
nayaṃti viprā bhadrāṃ ca kṣatriyāśca viśastathā || 45 ||
[Analyze grammar]

chatramālā samuditā muktāsrakcīnatoraṇā |
ratnadhvajā hemadaṃḍāḥ pārśvayormuravairiṇaḥ || 46 ||
[Analyze grammar]

rājā caturvidhā varṇā anye ye ca pṛthagjanāḥ |
dīnā mahāṃtaśca tadā samānāstatra bhāṃti vai || 47 ||
[Analyze grammar]

salīlacaraṇanyāsaṃ tūlikāstaraṇeṣu tān |
vāsayaṃtaḥ kvacitchāṃtā devāṃste rathamanviyuḥ || 48 ||
[Analyze grammar]

mahotsavaṃ samāsādya gītakolāhalāni ca |
kare kṛtvā jagannāthaṃ bhrāmayitvā rathottamam || 49 ||
[Analyze grammar]

rāmaṃ kṛṣṇaṃ subhadrāṃ ca rathamadhye niveśayet |
cārucaṃdrātapāḍhyena maṃḍapena virājite || 50 ||
[Analyze grammar]

kiṃkiṇīmālikābhiśca mālyacāmarabhūṣite |
sasārakṛṣṇāgurujadhūpapūritagarbhake || 51 ||
[Analyze grammar]

tatastānvāsayitvā tu tūlikāsu surottamān |
bhūṣayedvividhairbhaktyā vastrālaṃkāra mālyakaiḥ || 52 ||
[Analyze grammar]

pūjayedupacāraistaiḥ samṛddhairbhaktibhāvitaiḥ |
nātaḥ parataraṃ viṣṇoryātrāṃtaramavekṣyate || 53 ||
[Analyze grammar]

yatra svayaṃ trilokeśaḥ syaṃdanena kutūhalāt |
mānayanpūrvamājñāṃ tāṃ varṣe varṣe vrajedasau || 54 ||
[Analyze grammar]

rathasthitaṃ vrajaṃtaṃ taṃ mahāvedīmahotsave |
ye paśyaṃti mudā bhaktyā vāsasteṣāṃ hareḥ pade || 55 ||
[Analyze grammar]

satyaṃ satyaṃ punaḥ satyaṃ pratijāne dvijottamāḥ |
nātaḥ śreyaḥ paraṃ viṣṇorutsavaḥ śāstrasaṃmataḥ || 56 ||
[Analyze grammar]

yathā rathavihāro'yaṃ mahāvedīmahotsavaḥ |
yatrāgatya divo devāḥ svargaṃ yāṃtyadhikāriṇaḥ || 57 ||
[Analyze grammar]

kiṃ vacmi tasya māhātmyamutsavasya muradviṣaḥ |
yasya saṃkīrtanātpāpaṃ naśyejjanma śatodbhavam || 58 ||
[Analyze grammar]

mahāvedīṃ vrajaṃtaṃ taṃ rathasthaṃ puruṣottamam |
balabhadraṃ subhadrāṃ ca janmakoṭisamudbhavam || 59 ||
[Analyze grammar]

dṛṣṭvā pāpaṃ nāśayati nātra kāryā vicāraṇā |
rathacchāyāṃ samākramya brahmahatyā vyapohati || 60 ||
[Analyze grammar]

tadreṇusaṃsaktavapustrividhāṃ pāpasaṃhatim |
nāśayetsvargagaṃgāyāḥ snānajaṃ phalamāpnuyāt || 61 ||
[Analyze grammar]

ghanāṃbuvṛṣṭiyogena rathamārge tu paṃkile |
divyadṛṣṭyā ca kṛṣṇasya samastamalahāriṇi || 62 ||
[Analyze grammar]

tatra ye praṇipātāṃstu kurvate vaiṣṇavottamāḥ |
anādivyūḍhapaṃkāṃste hitvā mokṣamavāpnuyuḥ || 63 ||
[Analyze grammar]

gavāṃ koṭipradānasya kanyānāmayutasya ca |
vājimedhasahasrasya phalaṃ prāpnotyasaṃśayaḥ || 64 ||
[Analyze grammar]

anugacchaṃti kṛṣṇaṃ ye yātrākautūhalādapi |
anuvrajaṃti nityaṃ vai devāḥ śakrapurogamāḥ || 65 ||
[Analyze grammar]

paśyaṃti ye rathaṃ yāṃtaṃ dārubrahma sanātanam |
pade pade'śvamedhasya phalaṃ teṣāṃ prakīrtitam || 66 ||
[Analyze grammar]

vedaiḥ stuvaṃti vedānāṃ vaktāro mokṣadāyinam |
itihāsapurāṇādyaiḥ stotrairvāpi svayaṃkṛtaiḥ || 67 ||
[Analyze grammar]

stuvaṃti puṃḍarīkākṣaṃ ye vai vigatakalmaṣāḥ |
vaiṣṇavaṃ yogamāsthāya modaṃte nāradādibhiḥ || 68 ||
[Analyze grammar]

kurvaṃti vāsudevāgre jayaśabdena vā stutim |
te vai jayaṃti pāpāni vividhāni na saṃśayaḥ || 69 ||
[Analyze grammar]

layatālānabhijñopi gītamādhuryavarjitaḥ |
narttanaṃ kurute vāpi gāyatyatha narottamaḥ |
vaiṣṇavottamasaṃsargānmuktiṃ prāpnotyasaṃśayaḥ || 70 ||
[Analyze grammar]

nāmāni kīrtayannasya tena yāti sahaiva yaḥ |
anuvrajyāttatphalaṃ vai prāpnotyatra na saṃśayaḥ || 71 ||
[Analyze grammar]

jaya kṛṣṇa jaya kṛṣṇa jaya kṛṣṇeti yo vadet |
guṃḍicānagaraṃ yāṃtaṃ kṛṣṇaṃ bhaktisamanvitaḥ |
na mātṛgarbhavāsasya sa ca duḥkhamavāpnuyāt || 72 ||
[Analyze grammar]

cāmarairvyajanaiḥ puṣpastabakairnīlacolakaiḥ |
rathasyāgrasthito yo vai vījayetpuruṣottamam || 73 ||
[Analyze grammar]

sa vījyamānopsarobhirgaṃdharvairupaśobhitaḥ |
anuvrajadbhistridaśairmaheṃdrāsanasaṃsthitaḥ || 74 ||
[Analyze grammar]

bhunakti bhogānatulānyāvadābhūtasaṃplavam |
tadaṃte ca brahmalokaṃ prāpya muktimavāpnuyāt || 75 ||
[Analyze grammar]

kṛṣṇasya purato ye vai puṣpavṛṣṭiṃ prakurvate |
te vai manogatānsarvānprāpnuvaṃti manorathān || 76 ||
[Analyze grammar]

sahasranāmabhiḥ puṇyaiḥ paryaṭaṃti rathaṃ tu ye |
teṣāṃ pradakṣiṇaṃ kuryustridaśānatakaṃdharāḥ || 77 ||
[Analyze grammar]

vasaṃti vaikuṇṭhagṛhe viṣṇutulyaparākramāḥ || 78 ||
[Analyze grammar]

tasminkāle mahāpuṇye devarṣipitṛsevite |
ekaṃ brahma tridhābhūtaṃ māyayānugataṃ svayā || 79 ||
[Analyze grammar]

sākṣāddārusvarūpeṇa mahāvedīmahotsavam || 80 ||
[Analyze grammar]

rathārūḍhaḥ kautukavānyatrayāti jagatprabhuḥ |
tasminkāle pṛthivyāṃ tu carettatra mahotsavam || 81 ||
[Analyze grammar]

devā apyutsave tasminpuruhūtapurogamāḥ |
abhimānaṃ parityajya śreṇībhūtā hi pārśvayoḥ || 82 ||
[Analyze grammar]

prakurvate mahāyātrāṃ taistairdivyaiḥ paricchadaiḥ || 83 ||
[Analyze grammar]

teṣāmagresarastatra devopi prapitāmahaḥ |
caturdaśānāṃ jagatāṃ karttā yaḥ parameśvaraḥ || 84 ||
[Analyze grammar]

so'pi tatra jagannāthaṃ rathe yāṃtaṃ mahotsave |
brahmalokātparāvṛtya stuvanvedamayaiḥ stavaiḥ |
pade pade praṇamati bhagavaṃtaṃ sanātanam || 85 ||
[Analyze grammar]

yadyapyabjanidheḥ kṛṣṇānna bhedo'sti tathāpyayam |
mahotsavasya mahimā yatra sarve'nuyāyinaḥ || 86 ||
[Analyze grammar]

nātaḥ parataro loke mahāvedīmahotsavāt |
sarvapāpaharo yogaḥ sarvatīrthaphalapradaḥ || 87 ||
[Analyze grammar]

kṛṣṇamuddiśya yastatra dānaṃ dadāti vai naraḥ |
yatkiṃcidakṣayaphalaṃ merudānena tatsamam || 88 ||
[Analyze grammar]

tasyāgre devadevasya vrajato guṃḍicālayam |
yatkiṃcitkurute karma tattadakṣayamaśnute || 89 ||
[Analyze grammar]

upāyanāni nānā vai bhakṣyabhojyāni caiva hi |
samarpayaṃti devāya tatprītyai vā dvijanmane |
teṣāmakṣayapuṇyāni sarvakāmapradāni ca || 90 ||
[Analyze grammar]

hareragresarā ye vai paśyaṃtastanmukhāṃbujam |
pade pade namaṃtaśca paṃkadhūlipariplutāḥ || 91 ||
[Analyze grammar]

vihāya pāpa kavacamabhedyaṃ koṭijanmabhiḥ |
kṣaṇānmuktiphalaṃ prāpya yāṃti viṣṇoḥ śubhālayam || 92 ||
[Analyze grammar]

sarvakratūnāṃ tīrthānāṃ dānānāṃ yāṃti te phalam |
bhagavadbhaktibhāvānāṃ nātaḥ puṇyatamo mahaḥ || 93 ||
[Analyze grammar]

evaṃ sa bhagavānkṛṣṇaḥ subhadrārāmasaṃgataḥ |
vrajansyaṃdanaśreṣṭhastho dyotayaṃśca caturdiśaḥ || 94 ||
[Analyze grammar]

śrīmadaṃgopasṛṣṭena marutā sarvadehinām |
pāpāni nāśayañchrīmāndayālurbhaktabhāvanaḥ || 95 ||
[Analyze grammar]

ajñānāmapyaviśvāsabhājāṃ viśvāsahetave |
nisargamuktido'pyeṣa yātrāraṃbhānkaroti vai || 96 ||
[Analyze grammar]

vrajansamṛddhyā devānāṃ martyānāṃ ca janārdanaḥ |
sūrye lalāṭaṃ tapati madhyāhne mārgamadhyataḥ || 97 ||
[Analyze grammar]

śrāṃtā karṣajanastasthau mlāyanvai tadrajovṛtaḥ |
tatrātapasya śāṃtyarthaṃ darpaṇeṣvabhiṣecayet || 98 ||
[Analyze grammar]

paṃcāmṛtaiḥ śītatoyaiḥ puṣpakarpūravāsitaiḥ |
cāmaraiśca jalārdrāṃtaiḥ śītalairvyajanaistathā || 99 ||
[Analyze grammar]

vījayetpuṇḍarīkākṣaṃ subhadrāṃ rāmameva ca |
śītaiśca pānakairhadyaistathā khaṇḍavikārakaiḥ || 100 ||
[Analyze grammar]

kharjūrairnārikelaiśca nānāraṃbhāphalaistathā |
tathā kṣīravikāraiśca panasaistṛṇarājakaiḥ || 1 ||
[Analyze grammar]

ikṣubhiḥ svāduhṛdyaiśca phalairnānāvidhaistathā |
vāsitaiḥ śītatoyaiśca pakvatāṃbūlapatrakaiḥ || 2 ||
[Analyze grammar]

sakarpūralavaṃgādyaiḥ pūjayetpuruṣottamam || 3 ||
[Analyze grammar]

tasminkāle dvijaśreṣṭhā ye paśyaṃti janārdanam |
pūjayaṃti yathāśakti na te saṃsārajaṃ śramam || 4 ||
[Analyze grammar]

prāpnuvaṃti dvijaśreṣṭhā brahmalokanivāsinaḥ || 5 ||
[Analyze grammar]

rathatrayasthitaṃ devatrayaṃ ye puruṣarṣabhāḥ |
pradakṣiṇaṃ prakurvaṃti triścatuḥ sapta eva vā || 6 ||
[Analyze grammar]

daśapraṇāmānkṛtvāṃte sthitāḥ prāṃjalayo'grataḥ |
purārathasthitānbrahmā stutibhiryābhirabjabhūḥ || 7 ||
[Analyze grammar]

tuṣṭāva tābhirdeveśaṃ stuvaṃti parameśvaram |
ye narā brahmalokaṃ te prayāṃti niyataṃ dvijāḥ || 8 ||
[Analyze grammar]

tato'parāhṇe deveśaṃ dakṣiṇānilavījitam |
śanaiḥ śanairnayedgītaiveṃṇuvīṇādināditaiḥ || 9 ||
[Analyze grammar]

baṃdinaḥ stutipāṭhaiśca kalairmadhurikāsvanaiḥ |
niraṃtaraiḥ puṣpavarṣaiścāmarāṃdolanaistathā || 110 ||
[Analyze grammar]

evaṃ vrajati deveśe sūryaścāstaṃgato bhavet |
dīpikānāṃ sahasrāṇi jvālitāni sahasraśaḥ || 111 ||
[Analyze grammar]

tadālokaprakāśena mārgaśeṣaśca nīyate |
rathāvarohaṇenaiṣāṃ maṇḍapārohaṇena ca || 112 ||
[Analyze grammar]

saṃmardaḥ sumahāṃstatra didṛkṣūṇāṃ kutūhalāt |
maṇḍape vāsayeddevaṃ guṇḍicākhye manohare || 113 ||
[Analyze grammar]

cārucaṃdrātape cārumālyacāmarabhūṣite |
ratnastaṃbhamaye svarṇavedikopaskṛtāṃtare || 114 ||
[Analyze grammar]

prācīravalayāvīte sudhālepasamujjvale |
sādhusopānaghaṭite caturdvāropaśobhite || 115 ||
[Analyze grammar]

trailokyāṃḍabarayute mahāvedyāṃ mahākratoḥ |
prādurbhāvo maheśasya yatrābhūddāruvarṣmaṇaḥ || 116 ||
[Analyze grammar]

iti śrīskāṃde mahāpurāṇa ekāśītisāhasryāṃ saṃhitāyāṃ dvitīye vaiṣṇava khaṇḍe puruṣottamakṣetramāhātmye guṃḍicāyātrākathanaṃnāma trayastriṃśo'dhyāyaḥ || 33 ||
[Analyze grammar]