Chapter 32

[English text for this chapter is available]

jaiminiruvāca |
ataḥ paraṃ pravakṣyāmi dakṣiṇāmūrtidarśanam |
padepadeśvamedhasya phalaṃ yatropalabhyate || 1 ||
[Analyze grammar]

tato nānāvidhairdivyairbhakṣyabhojyādikaistathā |
yathāśaktyupacāraistu gaṃdhairmālyaiśca pūjayet || 2 ||
[Analyze grammar]

rāmaṃ kṛṣṇaṃ subhadrāṃ ca gītanṛtyādikaistathā |
prekṣaṇīyaiśca vividhaiḥ śraddhayā copapāditaiḥ || 3 ||
[Analyze grammar]

vastracaṃdanamālyādyaiḥ pūjayitvā dvijottamān |
bhagavadbrāhmaṇāṃścaitānmahābhāgavatāṃstathā || 4 ||
[Analyze grammar]

tato nayeddakṣiṇābhimukhāṃstāṃstridaśeśvarān |
utsavaṃ ca mahatkṛtvā pūrvānayanavaddhareḥ || 5 ||
[Analyze grammar]

tasminkāle hariṃ paśyedvrajaṃtaṃ dakṣiṇāmukham |
samaṃ subhadrāṃ yo martyo na sa prākṛtamānuṣaḥ || 6 ||
[Analyze grammar]

snānārthamāgatā devāḥ snāpayitvā jagadgurum |
ākāśe'pi sasaṃbādhāstāvatkālaṃ sthitā harim |
draṣṭuṃ vrajaṃtaṃ yāmyāśāvadanaṃ bhavanāśanam || 7 ||
[Analyze grammar]

dharmaśāstreṣu yāvaṃti dharmakarmāṇi saṃti vai |
tāni sarvāṇi saṃdraṣṭuṃ vrajaṃtaṃ dakṣiṇāmukham || 8 ||
[Analyze grammar]

snānadarśanajaṃ puṇyaṃ samagraṃ labhate tu saḥ |
snātaṃ murāriṃ yaḥ paśyedvrajaṃtaṃ dakṣiṇāmukham || 9 ||
[Analyze grammar]

nīrājayitvā deveśaṃ rāmeṇa saha bhadrayā |
prāsādāṃtaḥ praveśyātha na paśyedvai kathaṃcana || 10 ||
[Analyze grammar]

etattu vistareṇoktaṃ pūrvameva mayā dvijāḥ || 11 ||
[Analyze grammar]

munaya ūcuḥ |
bhagavanyattvayā proktaṃ jyeṣṭhāsnānapradarśanāt |
phalaṃ prāpnoti niyataṃ tanno būhi vidāṃvara || 12 ||
[Analyze grammar]

jaiminiruvāca |
haṃta vaḥ kathayiṣyāmi tadvrataṃ jyeṣṭhapaṃcakam |
nātaḥ parataraṃ proktamṛṣibhiḥ śāstrapāragaiḥ || 13 ||
[Analyze grammar]

śrautasmārtapurāṇokta vratānāmidamuttamam |
idaṃ prathamataḥ proktaṃ brahmaṇā parameṣṭhinā || 14 ||
[Analyze grammar]

jyeṣṭhatvādvratamukhyānāṃ khyātaṃ tajjayeṣṭhapaṃcakam |
samudro jyeṣṭhaphaladaḥ prabhurjyeṣṭhaphalapradaḥ || 15 ||
[Analyze grammar]

varṣasaṃdarśanātpuṇyaṃ mañcakenaiva labhyate |
maṃcakena tu yallabhyaṃ mahājyaiṣṭhyāṃ tu tallabhet || 16 ||
[Analyze grammar]

yanmayoktaṃ purā viprāḥ snānadarśanajaṃ phalam |
samagraṃ tadavāpnoti mahājyaiṣṭhyāṃ na saṃśayaḥ || 17 ||
[Analyze grammar]

munaya ūcuḥ |
mahājyaiṣṭhīṃ samācakṣva yatra snānaṃ mahāphalam |
tatra naḥ kautukaṃ brahmanmahadvai saṃpravarttate || 18 ||
[Analyze grammar]

jaiminiruvāca |
jyeṣṭhasya vimale pakṣe yā vai paṃcadaśī bhavet |
śakrarkṣaikāṃśagau candragurū ca guruvāsare || 19 ||
[Analyze grammar]

śubhe yoge mahājyaiṣṭhī sarvapāpapraṇāśinī |
sarvakṣetraṃ sarvatīrthaṃ sapta vai sāgarāstathā || 20 ||
[Analyze grammar]

kratavaśca mahādānasamūhaśca tapāṃsi ca |
vidyāścāṣṭādaśavidhā vratāni vividhāni ca || 21 ||
[Analyze grammar]

śāṃtipauṣṭikakarmāṇi sāṃkhyayogastathaiva ca |
sarve saṃbhūya gacchaṃti kṣetraṃ śrīpuruṣottamam || 22 ||
[Analyze grammar]

vṛndaśaḥ pravibhaktāsta ekaikaṃ kṣetragaṃ prati |
kasmai vayaṃ bhāgyavate jyeṣṭhasnānāvalokane || 23 ||
[Analyze grammar]

mahājyaiṣṭhyāṃ pravekṣyāmaḥ parasparamahaṃmayā |
tatra yāṃti mahāyoge bhagavatkṣetramuttamam || 24 ||
[Analyze grammar]

mahājyaiṣṭhī mahāpuṇyā bhagavatprītivarddhanī |
tasyāṃ saṃpūjya deveśaṃ jagannāthaṃ kṛpārṇavam |
dṛṣṭvā ca snāpyamānaṃ taṃ pāpakośādvimucyate || 25 ||
[Analyze grammar]

ata ūrdhvaṃ pravakṣyāmi vrataṃ tajjyeṣṭhapañcakam |
vratenānena labhyaṃ yattattadeva bravīmi vaḥ || 26 ||
[Analyze grammar]

daśamyāṃ niyamaṃ kuryātprātaḥ snātvā yathāvidhi |
ācāryaṃ vṛṇuyāttatra vaiṣṇavaṃ dvijapuṃgavam || 27 ||
[Analyze grammar]

itthaṃ saṃkalpamamalaṃ gṛhṇīyādvratamuttamam || 28 ||
[Analyze grammar]

devadevajagannātha saṃsārārṇavatāraka |
adyārabhya vrataṃ deva yāvajjyaiṣṭhī ca sā tithiḥ |
tāvadvrataṃ kariṣyāmi prītaye tava keśava || 29 ||
[Analyze grammar]

sarvatīrthābhiṣekaṃ ca pratyahaṃ vratabhojanam |
mūrtīnāṃ tava paṃcānāmekasyāpi prapūjanam || 30 ||
[Analyze grammar]

ekasmindivase deva trisaṃdhyaṃ tvatprasādataḥ |
samāpyatāṃ vratamidaṃ saphalaṃ cāstu te prabho || 31 ||
[Analyze grammar]

tataḥ paṃcasu tīrtheṣu snātvā ca gṛhametya ca |
sthaṃḍile vilikhetpadmamaṣṭapatraṃ sakarṇikam || 32 ||
[Analyze grammar]

tanmadhye sthāpayetkuṃbhaṃ tīrthāṃbhobhiḥ prapūritam |
sacaṃdanaphalairyuktaṃ tanmukhe tāmrabhājanam || 33 ||
[Analyze grammar]

vāsasā veṣṭitaṃ kaṇṭhe pātraṃ cākṣatapūritam |
tanmadhye sthāpayeddevaṃ sauvarṇaṃ madhusūdanam || 34 ||
[Analyze grammar]

śubhāṃgāvayavaṃ śāṃtaṃ vāme śrīyutamīśvaram || 35 ||
[Analyze grammar]

dakṣiṇe ca garutmaṃtaṃ spṛśaṃtaṃ pṛṣṭhadeśataḥ |
śaṃkhacakradharaṃ cordhve padmāsanagataṃ vibhum || 36 ||
[Analyze grammar]

pūjayedupacāraistamācāryo vāpi bho dvijāḥ |
nīlotpalānāṃ mālāṃ tu bhaktyā devāya dāpayet || 37 ||
[Analyze grammar]

daśamyāṃ pūjayitvaivaṃ daśakoṭyaghanāśanam |
prārthayetprāṃjalirbhūtvā mantrametaṃ samuccaran || 38 ||
[Analyze grammar]

madhusūdana deveśa namaste mādhavīpriya |
kṛpāvārāṃnidhe pāhi patitaṃ māṃ bhavārṇave || 39 ||
[Analyze grammar]

ekādaśyāṃ caturbāhuṃ śaṃkhacakragadādharam |
nārāyaṇaṃ padmasaṃsthaṃ paṃcaniṣkavinirmitam |
tadarddhaṃ nirmitaṃ vāpi pūjayetpadmamālayā || 40 ||
[Analyze grammar]

naivedyaṃ pāyasaṃ dadyātsitāṃ raṃbhāphalāni ca |
nānāvidhaṃ ca naivedyaṃ dattvā saṃprārthayenmudā || 41 ||
[Analyze grammar]

nārāyaṇa namaste'stu bhavasāgaratāraṇa |
trāhi māṃ puṃḍarīkākṣa śaraṇāgatavatsala || 42 ||
[Analyze grammar]

ekādaśeṃdriyakṛtaṃ pāparāśimanuttamam |
anādibhavanirvyūḍhaṃ nāśayetpūjitaḥ prabhuḥ || 43 ||
[Analyze grammar]

dvādaśyāṃ yajñavārāhaṃ pūjayetsvarṇanirmitam |
caṃdanāgurukarpūralepanaiścaṃpakasrajā || 44 ||
[Analyze grammar]

nānāvidhāpūpasārā bhakṣyabhojyaphalānvitāḥ |
nivedya prārthayeddevaṃ stutimetāṃ samuccaran || 45 ||
[Analyze grammar]

pralayārṇavasaṃmagnāṃ dharaṇīṃ dhṛtavānasi |
kinna śakto mamoddhāre patitasyāṃghripaṃkaje |
tanmāmuddhara goviṃda nimagnaṃ śokasāgare || 46 ||
[Analyze grammar]

abdo dvādaśamāso vai yāvadabdakṛtāni tu |
pāpāni mahadalpāni itaḥ pūrveṣu janmasu |
tadvināśayate devo dvādaśyāmarcito nṛṇām || 47 ||
[Analyze grammar]

trayodaśyāṃ tu pradyumnaṃ śaṃkhacakravarābhayān |
dhārayantaṃ padmagataṃ caturniṣkavinirmitam || 48 ||
[Analyze grammar]

upacārairyathāproktaiḥ pūjayedbhaktito naraḥ |
aśokapāṭalīmālāṃ caṃdrapūrṇāṃ samujjvalām || 49 ||
[Analyze grammar]

naivedyaṃ caiva pakvānnaṃ phalaṃ pakvaṃ manoharam |
dattvā namaskṛtiṃ kurvanprārthayetprāṃjaliḥ śuciḥ || 50 ||
[Analyze grammar]

deva pradyumna kāmānāṃ pūraka kāmarūpadhṛk |
kāmāśca saphalāḥ saṃtu kāmapāla namo'stu te || 51 ||
[Analyze grammar]

caturdaśyāṃ narahariṃ pūjayetkanakākṛtim |
vakṣaḥsthalasthayā lakṣmyā prīyamāṇaṃ saṭojjvalam || 52 ||
[Analyze grammar]

vyāttānanaṃ sāṭṭahāsaṃ yogapaṭṭābjasaṃsthitam |
sutīkṣṇanakharaṃ devaṃ sarvāpadvinivāraṇam || 53 ||
[Analyze grammar]

caturbhirhemaniṣkaiśca ghaṭitaṃ śubhalakṣaṇam |
pūjayetpūrvavaddevaṃ sopahāraṃ subhaktitaḥ || 54 ||
[Analyze grammar]

japākusumamālāṃ ca jātīpuṣpasrajaṃ tathā |
dattvā puṣpāṃjalīnpāde praṇamya sapradakṣiṇam || 55 ||
[Analyze grammar]

yathā hiraṇyakaśipuṃ lokānāṃ hitakāmyayā |
vyadārayastathā pāpasaṃghaṃ nāśaya pūjitaḥ || 56 ||
[Analyze grammar]

evaṃ saṃprārthya nṛhariṃ praṇamya daṇḍavatkṣitau |
nirvartya vratamevaṃ tadvratī paṃcadinātmakam |
paṃca paṃca pradīpāṃstu divārātrau pradāpayet || 57 ||
[Analyze grammar]

vastrayugmānpaṃca pañca cchatropānadyugaṃ tathā |
sayajñasūtrānkalaśānpañca pañca phalānvitān || 58 ||
[Analyze grammar]

bhojanāṃte dvijebhyaśca pradadyācchraddhayānvitaḥ || 59 ||
[Analyze grammar]

rātrau jāgaragītādyaistathā nānopahārakaiḥ |
toṣayedvāsudevaṃ tu purāṇapaṭhanena tu || 60 ||
[Analyze grammar]

paurṇamāsyuṣasi snātvā śrīkṛṣṇasyāṃtikaṃ vrajet || 61 ||
[Analyze grammar]

rāmaṃ kṛṣṇaṃ subhadrāṃ ca pūjayitvā yathāvidhi |
snapanaṃ kārayitvātha dṛṣṭvā vā śāstracoditam || 62 ||
[Analyze grammar]

snānaṃ kṛtvā punaḥ siṃdhau gṛhamāgatya tatra vai |
yatra viṣṇormūrttayastāḥ kumbhasthā mantrapūjitāḥ || 63 ||
[Analyze grammar]

tāsāṃ paścimato vahniṃ samādhāya yathāvidhi |
agnikāryaṃ prakurvīta svaiḥ svairmaṃtraiḥ purohitaḥ || 64 ||
[Analyze grammar]

praṇavādicaturthyaṃtaṃ namoṃtaṃ nāma īrayet |
devānāṃ mūlamaṃtrastu svāhāṃto homakarmaṇi || 65 ||
[Analyze grammar]

carorājyasya samidhāṃ palāśānāṃ pṛthakpṛthak |
ekaikaṃ devamuddiśya juhuyācca śataṃ śatam || 66 ||
[Analyze grammar]

tasya puṣpaśataṃ caiva juhuyāttadanaṃtaram |
pūrṇāhutiṃ tato hutvā brahmaṇe dakṣiṇāṃ dadet || 67 ||
[Analyze grammar]

ācārye dakṣiṇāṃ dadyātsuvarṇaṃ dhenumeva ca |
svarṇaśṛṃgīṃ raupyakhurāṃ nānopakaraṇairyutām || 68 ||
[Analyze grammar]

mahārghyavastradānāni yena tuṣyati vā guruḥ |
sarvopakaraṇairyuktāḥ pratimāśca nivedayet || 69 ||
[Analyze grammar]

brāhmaṇānbhojayetsarpiḥ khaṇḍayuktaiśca pāyasaiḥ |
etadvrataṃ samākhyātaṃ jyeṣṭhapaṃcakamuttamam || 70 ||
[Analyze grammar]

anuṣṭhāya naro bhaktyā snānadarśanajaṃ phalam |
samagraṃ labhate viprāstadā naivātra saṃśayaḥ || 71 ||
[Analyze grammar]

ekādaśī yā tu madhye nirjalā sā prakīrtitā |
ekāṃ tāṃ bhaktiyuktā ye yathāvidhi upāsate || 72 ||
[Analyze grammar]

yāvajjīvakṛtāḥ sarvā ekādaśyo na saṃśayaḥ |
vratarājamimaṃ kṛtvā sarvavrataphalaṃ labhet || 73 ||
[Analyze grammar]

yānyānsamīhate kāmāṃstāṃstānāpnotyasaṃśayaḥ || 74 ||
[Analyze grammar]

iti śrīskāṃde mahāpurāṇa ekāśītisāhasryāṃ saṃhitāyāṃ dvitīye vaiṣṇavakhaṇḍe puruṣottamakṣetramāhātmye jyeṣṭhapaṃcakavratavarṇanaṃnāma dvātriṃśo'dhyāyaḥ || 32 ||
[Analyze grammar]