Chapter 30

[English text for this chapter is available]

munaya ūcuḥ |
cakāra kena vidhinā janmasnānaṃ śriyaḥ pateḥ |
anyānapyutsavānsarvānvidhivadbrūhi no mune || 1 ||
[Analyze grammar]

nāradena purā proktaṃ sarvaṃ te munisattama |
sa hi veda tamaḥpāre brahma brahmasuto muniḥ || 2 ||
[Analyze grammar]

tatsarvaṃ brūhi tattvena mune krautūhalaṃ hi naḥ |
aho bhāgyaṃ narapateriṃdradyumnasya bho mune || 3 ||
[Analyze grammar]

tasya tāvati karmāṃte atyadbhutamidaṃ mahat |
na śrutā hi na dṛṣṭā hi pratimā dārunirmitā || 4 ||
[Analyze grammar]

sajīvatanuvatsākṣādvāraṃ dadyānmanuṣyavat |
smāraṃsmāraṃ bhagavataścaritaṃ pāpanāśanam || 5 ||
[Analyze grammar]

caritaṃ tasya nṛpaterdurlabhaṃ martyavāsinām |
na santoṣo'sti bhagavañśṛṇvatāṃ no mahāmune || 6 ||
[Analyze grammar]

tadvadānukrameṇāsmānyātrāḥ sarvāghanāśanāḥ |
yāsāṃ saṃdarśanādvāso vaikuṇṭha iti niścitam || 7 ||
[Analyze grammar]

yātrāmāhātmyavaktāsau yatsākṣānmadhusūdanaḥ |
tanno vada mahābhāga jagatāṃ hitakāmyayā || 8 ||
[Analyze grammar]

jaiminiruvāca |
jyeṣṭhasnānaṃ pravakṣyāmi śṛṇudhvaṃ munayo'dhunā |
jyeṣṭhaśukladaśamyāṃ tu vrataṃ saṃkalpya vāgyataḥ || 9 ||
[Analyze grammar]

prātarutthāya kurvīta paṃcatīrthavidhānataḥ |
mārkaṃḍeya vaṭaṃ gatvā ācamya prayataḥ pumān || 10 ||
[Analyze grammar]

prārthayecchaṃkaraṃ natvā kṛtāṃjalipuṭo'grataḥ || 11 ||
[Analyze grammar]

atitīkṣṇa mahākāya kalpāṃtadahanopama |
bhairavāya namastubhyamanujñāṃ dātumarhasi || 12 ||
[Analyze grammar]

tataḥ praviśya tīrthaṃ tu vaidikaiḥ paṃca vāruṇaiḥ |
aghamarṣaṇasūktena trirāvṛttena vā dvijāḥ |
snātvā yathāvatsnāyīta mantreṇānena cāṃtataḥ || 13 ||
[Analyze grammar]

namaḥ śivāya śāṃtāya sarvapāpaharāya ca |
snānaṃ karomi deveśa mama naśyatu pātakam || 14 ||
[Analyze grammar]

saṃsārasāgare magnaṃ pāpagrastamacetanam |
trāhi māṃ bhaganetraghna tripurāre namo'stu te || 15 ||
[Analyze grammar]

evaṃ snātvā bahirgatvā dhautavāsā sapuṇḍrakaḥ |
devānṛṣīnpitṝṃścaiva tarpayitvā yathāvidhi || 16 ||
[Analyze grammar]

praviśya śaṃkarāgāraṃ spṛṣṭvā vṛṣaṇayorvṛṣam |
mantreṇānena bho viprāḥ sarvakratuphalaṃ labhet || 17 ||
[Analyze grammar]

dharmaścatuṣpādyajñastvaṃ svarṇaśṛṃgastrayīvapuḥ |
gopate vāharūpastvaṃ śūlinaṃ tvāṃ namāmyaham || 18 ||
[Analyze grammar]

aghoramantreṇa tataḥ pūjayedvṛṣavāhanam |
pañcabrahmabhirṛgbhistu saṃspṛśelliṃgamuttamam || 19 ||
[Analyze grammar]

aṃguṣṭhena spṛśelligaṃ muṣṭinā śaktimeva ca |
pūjayitvā tu vidhivatstutvā devaṃ puradviṣam || 20 ||
[Analyze grammar]

daśānāmaśvamedhānāṃ phalaṃ prāpnotyanuttamam |
mārkaṃḍeyavaṭe snātvā dṛṣṭvā devaṃ tu śaṃkaram || 21 ||
[Analyze grammar]

phalaṃ prāpnotyavikalaṃ rājasūyāśvamedhayoḥ |
ante śivasya sālokyaṃ prāpya jñānaṃ tato naraḥ || 22 ||
[Analyze grammar]

kramācca labhate muktiṃ jagannāthaprasādataḥ |
tato maunī vrajeddevaṃ nārāyaṇamanāmayam || 23 ||
[Analyze grammar]

taddakṣiṇasthitaṃ viṣṇurūpaṃ nyagrodhamuttamam |
darśanādapi pāpānāṃ pāpasaṃhatināśanam || 24 ||
[Analyze grammar]

taṃ dṛṣṭvā praṇameddūrādbhāvayanpuruṣottamam |
pradakṣiṇaṃ tataḥ kuryādimaṃ mantramudīrayan || 25 ||
[Analyze grammar]

amarastvaṃ sadā kalpa viṣṇorāyatanaṃ mahat |
nyagrodha hara me pāpaṃ viṣṇurūpa namo'stu te || 26 ||
[Analyze grammar]

namo'stvavyaktarūpāya mahāpralayasthāyine |
ekāśrayāya jagatāṃ kalpavṛkṣāya te namaḥ || 27 ||
[Analyze grammar]

stuvañjapettu tadbhaktyā mūle tasya janārdanam |
koṭijanmaśatodbhūtapāpādeva vimucyate || 28 ||
[Analyze grammar]

tacchāyākramaṇenāpi niṣpāpo jāyate naraḥ |
tataḥ suparṇaṃ praṇamedyānarūpaṃ hareḥ puraḥ || 29 ||
[Analyze grammar]

sthito bhaktinato viṣṇoḥ kṛtāṃjalipuṭo mudā |
chandomaya jagaddhāmanyānarūpa trivṛdvapuḥ || 30 ||
[Analyze grammar]

yajñarūpa jagadvyāpinprīyamāṇāya te namaḥ |
stutvetthaṃ garuḍaṃ pāpānmucyate'nekajanmajāt || 31 ||
[Analyze grammar]

vāṅmanaḥkarmaniyato gacchedevaṃ viciṃtayan |
praviśya devatāgāraṃ kṛtvā taṃ triḥ pradakṣiṇam || 32 ||
[Analyze grammar]

pūjayenmantrarājena sūktena puruṣasya vā |
dvādaśākṣaramaṃtreṇa yatra vā jāyate ruciḥ || 33 ||
[Analyze grammar]

pūjādhikāriṇaḥ sarve brahmakṣatraviśastataḥ |
anyeṣāṃ darśana bhaktyā tayornāmānukīrtanāt || 34 ||
[Analyze grammar]

paṃcopacāravidhinā pūjayetparameśvaram |
kṛtāṃjalipuṭo bhūtvā idaṃ stotramudīrayet || 35 ||
[Analyze grammar]

devadeva jagannātha saṃsārārṇavatāraka |
bhaktānugrāhaka sadā rakṣa māṃ pādayornatam || 36 ||
[Analyze grammar]

jaya kṛṣṇa jagannātha jaya sarvāghanāśana |
jayāśeṣajagadvaṃdya pādāṃbhoja namo'stu te || 37 ||
[Analyze grammar]

jaya brahmāṃḍakoṭīśa vedaniḥśvāsavātaka |
aśeṣajagadādhāra paramātmannamo'stu te || 38 ||
[Analyze grammar]

jaya brahmeṃdrarudrādi devaughapraṇatārtinut |
jayākhilajagaddhāmannaṃtaryāminnamo'stu te || 39 ||
[Analyze grammar]

jaya nirvyājakaruṇāpāthodhe dīnavatsala |
dīnānāthaikaśaraṇa viśvasākṣinnamo'stu te || 40 ||
[Analyze grammar]

saṃsārasiṃdhusalile mohāvartte sudustare |
ṣaḍūrmikuladuṣpāre kukarmagrāhadāruṇe || 41 ||
[Analyze grammar]

nirāśraye nirālaṃbe niḥsāre duḥkhaphenile |
tava māyāguṇairbaddhamavaśaṃ patitaṃ tataḥ || 42 ||
[Analyze grammar]

māṃ samuddhara deveśa kṛpāpāṃgavilokanaiḥ |
tatra magnaṃ suraśreṣṭha suprasādaprakāśaka || 43 ||
[Analyze grammar]

eka eva jagannātha bandhustvaṃ bhavabhīruṇām |
bubhukṣā ca pipāsā ca prāṇasya manasaḥ smṛtau || 44 ||
[Analyze grammar]

śokamohau śarīrasya jarā mṛtyurvapurbhavaḥ |
tvatsṛṣṭau tādṛśo nāsti yo dīnaparipālakaḥ || 45 ||
[Analyze grammar]

avatīrṇosi lokānāmanugrahadhiyā vibho |
pūrṇakāmasya te nātha kimanyatkāraṇaṃ kṣitau || 46 ||
[Analyze grammar]

tvatpādapadmamāsādya na ciṃtāsti jagatpate |
yataste caraṇāṃbhojaṃ caturvargekasādhanam || 47 ||
[Analyze grammar]

darśanātsarvalokānāṃ sarvavāṃchā phalapradam |
tataḥ sīradhvajaṃ śeṣamantreṇa paripūjayet || 48 ||
[Analyze grammar]

dvādaśākṣaramantreṇa nāmnā vā praṇavādinā |
ekāgramānaso bhūtvā praṇipatya prasādayet || 49 ||
[Analyze grammar]

jaya rāma sadārāma saccidānadavigraha |
avidyāpaṃkarahita nirmalākṛtaye namaḥ || 50 ||
[Analyze grammar]

jayākhilajagadbhāradhāraṇaśramavarjita |
tāpatrayavikarṣāya halaṃ kalayase sadā || 51 ||
[Analyze grammar]

prapannadīnatrāṇāya sphuṭanetrasaroruha |
tvameveśa parāśeṣakaluṣakṣālanaprabhuḥ || 52 ||
[Analyze grammar]

prasannakaruṇāsiṃdho dīnabandho namo'stu te |
carācarāphaṇāgreṇa dhṛtā yena vasundharā || 53 ||
[Analyze grammar]

māmuddharāsmādduṣpārādbhavāṃbhodherapārataḥ |
parāparāṇāṃ paramaparameśa namo'stu te || 54 ||
[Analyze grammar]

stutvaivaṃ nāgarājānaṃ balaṃ musaladhāriṇam |
pūjayejjagatāmādikāraṇāṃ bhadralocanām || 55 ||
[Analyze grammar]

stutvā jayāṃ tāṃ bho viprāḥ praṇipatya prasādayet |
jaya devi mahādevi prasīda bhavatāriṇi || 56 ||
[Analyze grammar]

sukhāraṇi śritavatāṃ jaya saṃtuṣṭikāriṇi |
kāryaṃ kāryasvarūpāṇāṃ kāraṇānāṃ ca kāraṇam || 97 ||
[Analyze grammar]

dhāraṇāṃ dhāryamāṇānāṃ tvāmādiṃ praṇamāmyaham |
vakṣaḥsthalasthitāṃ viṣṇoḥ śaṃbhorarddhāṃgadhāriṇīm || 58 ||
[Analyze grammar]

padmayoni mukhābjasthāṃ praṇamāmi jagatpriyām |
sṛṣṭisthitivināśādikarmaṇāṃ paramātmanaḥ || 59 ||
[Analyze grammar]

tvamekā śaktiratulā tvāṃ vinā so'pi neśvaraḥ |
tvāṃ sarvalokajananīṃ viṣṇumāyāṃ tapasvinīm || 60 ||
[Analyze grammar]

subhadrāṃ bhadrarūpāṃ tāṃ mūlabhūtāṃ namāmyaham |
tataḥ sāgarasnānāya prārthayetpuruṣottamam || 61 ||
[Analyze grammar]

namaste bhagavanviṣṇo jagadvyāpiṃścarācara |
nirvighnaṃ siddhimāyātu siṃdhusnānaṃ mama prabho || 62 ||
[Analyze grammar]

namaste jagatāmīśa śaṃkhacakragadādhara |
dehi deva mamānujñāṃ tava tīrthaniṣevaṇāt || 63 ||
[Analyze grammar]

tato maunaṃ vrajedviṣṇuṃ ciṃtayansaritāṃ patim |
ugrasenaṃ sthitaṃ mārge anujñāpya samāhitaḥ || 64 ||
[Analyze grammar]

ugrasena mahābāho valavannugravikrama |
labdhvā varaṃ suprasannātsamudrataṭamāsthitaḥ || 65 ||
[Analyze grammar]

tīrtharājakṛtasnānasusaṃpūrṇaphalaprada |
siṃdhusnānaṃ kariṣyāmi anujñāṃ dātumarhasi || 66 ||
[Analyze grammar]

tato gaccheddvijaśreṣṭhāḥ svargadvāraṃ tataḥ param |
yena devāḥ samāyāṃti kṣetre'sminpuruṣottame || 67 ||
[Analyze grammar]

bhūsvarge jagadīśasya darśanāya dinedine |
svargāvatāramārgeṇa tatrasthau vāṃ namāmyaham || 68 ||
[Analyze grammar]

māmapyūrdhvaṃ nayetāṃ vai sākṣiṇau karmaṇāṃ satām |
sāgarāṃbhaḥ samutpannau śreṣṭhau sarvaguṇānvitau || 69 ||
[Analyze grammar]

madhyena yuvayoryāmi svargadvāramapāvṛtam |
prārthayitvā tato gacchettīrtharājasya saṃnidhim || 70 ||
[Analyze grammar]

yaṃ dṛṣṭvā dūrataḥ pāpānmucyate mahato dhuvam |
prakṣālitakarāṃghrika ācāṃtaḥ śuciviṣṭare || 71 ||
[Analyze grammar]

āsīnaḥ prāṅmukhobhūtvā likhenmaṃḍalamagrataḥ |
caturasraṃ caturdvāraṃ catuḥsvastikakoṇakam || 72 ||
[Analyze grammar]

tanmadhye vilikhetpadmamaṣṭapatraṃ suśobhanam |
tato'ṣṭākṣaramaṃtraṃ tu karayośca tanau nyaset || 73 ||
[Analyze grammar]

ṣaḍbhirvarṇaiḥ ṣaḍaṃgānāṃ nyāsaḥ prokto manīṣibhiḥ |
śeṣau kukṣau ca pṛṣṭhe ca nyastavyau ca tataḥ punaḥ || 74 ||
[Analyze grammar]

pādayorjaṃghayorūrvoḥ sphicośca pārśvayoḥ punaḥ |
nābhau pṛṣṭhe bāhuyugme hṛdi kaṇṭhe ca kakṣayoḥ || 75 ||
[Analyze grammar]

oṣṭhayoḥ karṇayorakṣṇorgaṃḍayornāsayostathā |
bhruvorlalāṭe śirasi maṃtravarṇānyathākramam || 76 ||
[Analyze grammar]

vinyasya vyāpakaṃ sarvairnyāsaṃ kuryātsamāhitaḥ |
prāṇāyāmatrayaṃ kuryānmūlena paṃcaviṃśatim || 77 ||
[Analyze grammar]

badhnīyātkavacaṃ divyaṃ sarvapāpāpanodanam |
pūrve māṃ pātu goviṃdo vārijākṣastu dakṣiṇe || 78 ||
[Analyze grammar]

pradyumnaḥ paścime pātu hṛṣīkeśastathottare |
āgneyyāṃ narasiṃhastu nairṛtyāṃ madhusūdanaḥ || 79 ||
[Analyze grammar]

vāyavyāṃ śrīdharaḥ pātu aiśānyāṃ ca gadādharaḥ |
ūrdhvaṃ trivikramaḥ pātu adho vārāharūpadhṛk || 80 ||
[Analyze grammar]

sarvatra pātu māṃ devaḥ śaṃkhacakragadādharaḥ |
nārāyaṇo manaḥ pātu caitanyaṃ garuḍadhvajaḥ || 81 ||
[Analyze grammar]

pātu me buddhyahaṃkārau triguṇātmā janārdanaḥ |
iṃdriyāṇi sadā pātu daityavarganikṛntanaḥ || 82 ||
[Analyze grammar]

evaṃ baddhvā ca kavacaṃ niṣpāpo jāyate pumān |
ṣoḍaśairupacāraiśca manasā kalpitairnaraḥ || 83 ||
[Analyze grammar]

puruṣottamaṃ pūjayitvā yathāvadvidhito dvijāḥ |
āvāhya maṇḍale tasmindevadevamanāmayam || 84 ||
[Analyze grammar]

pūjayitvā vidhānena yathāśaktyupabṛṃhitaiḥ |
ātmānaṃ tīrtharājasya devadevasya ciṃtayan || 85 ||
[Analyze grammar]

evaṃ baddhāṃjalipuṭamimaṃ mantramudīrayet |
sudarśana namaste'stu koṭisūryasamaprabha || 86 ||
[Analyze grammar]

ajñānatimirāṃdhasya viṣṇormārgaṃ pradarśaya |
evaṃ saṃprārthya bho viprāstīrtharājajalāṃtike || 87 ||
[Analyze grammar]

jānubhyāmavaniṃ gatvā praṇamedbhaktibhāvitaḥ |
tīrtharāja namastubhyaṃ jalarūpāya viṣṇave || 88 ||
[Analyze grammar]

jīvanāya ca jaṃtūnāṃ paraṃ nirvāṇahetave || 89 ||
[Analyze grammar]

agniśca te yonirilā ca dehe retodhā viṣṇoramṛtasya nābhiḥ |
upaimi te rūpamananyahetumānaṃdasaṃpannamapranupraviśya || 90 ||
[Analyze grammar]

iti mantraṃ paṭhanviprāḥ praviśejjalamadhyataḥ |
āvāhayettīrtharājaṃ bhāvayañjagatāṃpatim || 91 ||
[Analyze grammar]

jalādhīśaṃ kṛtasnānaphaladāne'taḥ sthitam |
aghamarṣaṇasūktena nārāyaṇayutena ca || 92 ||
[Analyze grammar]

trirāvṛttena kurvīta pañcavāruṇakena ca |
sakṛdāvāhanādīni ṣaḍaṃgānyabhiṣecane || 93 ||
[Analyze grammar]

āvāhanaṃ pura proktaṃ sannidhānamathocyate |
snāturiṣṭaphalaprāptau sānnidhyaparikalpanam || 94 ||
[Analyze grammar]

antaḥśuddhyarthamācāmetpītvā tadabhimaṃtritam |
bāhyāvayavaśuddhyarthaṃ mārjayetkuśavāriṇā || 95 ||
[Analyze grammar]

aṃtarbahirviśuddhyarthaṃ mantrapūtena vāriṇā |
trīnaṃjalīnmūrdhni siṃcetsiṃdhau nāṃtarjale japaḥ || 96 ||
[Analyze grammar]

triḥ snānāyātsvakṛtāghāni koṭijanmakṛtāni ca |
plāvitāni jale tasminbhāvayannaghanāśanam || 97 ||
[Analyze grammar]

utthāyācamya vidhivatprārthayenmantramuccaran |
tvamagnirjagatāṃ nātha retodhāḥ kāmadīpanaḥ || 98 ||
[Analyze grammar]

pradhānaṃ sarvabhūtānāṃ jīvānāṃ prabhuravyaya |
amṛtasyāraṇistvaṃ hi devayonirapāṃpate || 99 ||
[Analyze grammar]

vṛjinaṃ hara me sarvaṃ tīrtharāja namostu te |
janmakoṭisahasreṣu yatpāpaṃ pūrvamarjitam || 100 ||
[Analyze grammar]

tadaśeṣaṃ layaṃ yātu dehi me brahma śāśvatam |
snātvāpi ca tatastīramuttīryācamya vāgyataḥ || 101 ||
[Analyze grammar]

dhārayedvāsasī śukle puṃḍrakānujjvalākṛtīn |
śaṃkhacakragadāpadmatilakāni ca bhaktitaḥ || 2 ||
[Analyze grammar]

devānpitṝnyathānyāyaṃ ciṃtayanbhagavaddhiyā |
tarppayedvidhivadviprāḥ samyagavyagramānasaḥ || 3 ||
[Analyze grammar]

tataḥ pūrvavadālikhya maṇḍalaṃ cottarāmukhaḥ |
pūjayenmūlamantreṇa mantrairebhiśca bhaktitaḥ || 4 ||
[Analyze grammar]

nārāyaṇaṃ caturbāhuṃ śaṃkhacakragadādharam |
dharāramābhyāṃ sahitaṃ kevalaṃ vā dvijottamāḥ |
dhyātvāṃtaryāgasaṃtuṣṭaṃ bahirāvāhayettataḥ || 5 ||
[Analyze grammar]

āgaccha paramānaṃda jagadvyāpiñjaganmaya |
anugrahāya deveśa maṇḍale sannidhiṃ kuru || 6 ||
[Analyze grammar]

carācaramidaṃ sarvaṃ jagadatra pratiṣṭhitam |
tadantasthastvameveśa āsanaṃ kalpayāmi te || 7 ||
[Analyze grammar]

yasya pādāṃbuje dhaute dharmeṇa brahmarūpiṇā |
punāti tadbhavā gaṃgā jagatpādyaṃ dadāmyaham || 8 ||
[Analyze grammar]

anarghyaratnaghaṭitacūḍāmaṇikarotkaraiḥ |
brahmādayaḥ pādapadmaṃ ciṃtayaṃti dine dine |
anarghyāyajagaddhāmne arghyametaddadāmyaham || 9 ||
[Analyze grammar]

ācāṃtastīrtharājo vai yenāgastyasvarūpiṇā |
tasmai suvāsitaṃ vāri dadāmyācamanīyakam || 110 ||
[Analyze grammar]

yaḥ prāpya madhusaṃparkaṃ cakarṣa jalarūpiṇam |
aśeṣāghavikarṣāya madhuparkaṃ dadāmyaham || 11 ||
[Analyze grammar]

yaḥ kroḍarūpamāsthāya pralayārṇavaviplutām |
ujjahāra dharāmetāṃ snapayāmi tamaṃbhasā || 12 ||
[Analyze grammar]

brahmāṃḍakoṭayo yasya viśvarūpasya saṃvṛtiḥ |
ācchādanāya sarveṣāṃ pradade vāsasī śubhe || 13 ||
[Analyze grammar]

vinā yenānuṣṭhito'pi yajñaḥ syādakṛto dhruvaḥ |
tasmai yajñeśvarāyedamupavītaṃ prakalpaye || 14 ||
[Analyze grammar]

yadaṃgasaṃgamāsāya śobhaṃte bhūṣaṇāni vai |
viśvālaṃkṛtaye tasmai bhūṣaṇāni prakalpaye || 15 ||
[Analyze grammar]

yadaṃgasaṃsparśimarutsaṃgānmalayajā drumāḥ |
sugaṃdharasasaṃpannāstasmai gaṃdhānulepanam || 16 ||
[Analyze grammar]

yasya saṃcitanādeva saumanasyaṃ hatāṃhasām |
tasmai sumanasāṃ mālāṃ sugaṃdhāṃ parikalpaye || 17 ||
[Analyze grammar]

yaṃ citte sthiramādāya bhavāgniparidhūpanam |
jahāti tasmai pradade sugaṃdhaṃ dhūpamuttamam || 18 ||
[Analyze grammar]

svatejasākhilamidaṃ dīpitaṃ yasya bhāsataḥ |
tasmai dīpapradīptāya dīpametaṃ dadāmyaham || 19 ||
[Analyze grammar]

carācaraṃ jagatsarvamatti yo yaśca bhāvayet |
anena ca punaḥ puṣṭau tasmādannaṃ nivedaye || 120 ||
[Analyze grammar]

yadīyamukharāgeṇa sahajāvāsitena ca |
mohitāḥ surasuṃdaryastasmai tāṃbūlamuttamam || 21 ||
[Analyze grammar]

pradakṣiṇaprakamaṇādbhavāṃgaṇavivarttanam |
haṃti yaḥ karuṇāṃbhodhistaṃ namāmi jagadgurum || 22 ||
[Analyze grammar]

maṃtrāstu kathitā hyeta upacāraiḥ pṛthakpṛthak |
āvāhya ciṃtayeddevaṃ bahiḥsaṃsthitamātmanaḥ || 23 ||
[Analyze grammar]

ratnasihāsanaṃ dattvā tatrāsīnaṃ viciṃtayet |
pādapadmadvaye dadyātpādyaṃ śyāmākapaṃkajaiḥ || 24 ||
[Analyze grammar]

dūrvāparājitābhyāṃ ca saṃskṛtaṃ mūlamaṃtraṇāt |
sauvarṇe rājate vāpi tāmre vā śaṃkha eva vā || 25 ||
[Analyze grammar]

arghyaṃ saṃskṛtya vidhivadvāricaṃdanapuṣpakaiḥ |
yavadūrvākuśāgraiśca phalasiddhārthakaistilaiḥ || 26 ||
[Analyze grammar]

dūrvākuśāgrairdevasya mūrdhni siṃcettadagrataḥ |
sāvaśeṣaṃ kṣipedbhūmāveṣo'rghavidhirīritaḥ || 27 ||
[Analyze grammar]

jātīphalairvā kaṃkolairlavaṃgaiḥ saṃskṛtaṃ jalam |
dadyādācamanārthaṃ tu madhuparkaṃ tato dadet || 28 ||
[Analyze grammar]

madhusarpiryutaṃ gavyaṃ dadhi kāṃsye hi nirmale |
pātre sthitaṃ ca pihitaṃ pātreṇānyena tādṛśā |
susaṃskṛtaṃ phalayutaṃ snapane jalamucyate || 29 ||
[Analyze grammar]

paṭṭakauśeyakāpāsanirmite vāsasī śubhe |
yathāśakti pradeye ca vittaśāṭhyaṃ na kārayet || 130 ||
[Analyze grammar]

hārakeyūramukuṭagraiveyādikabhūṣaṇam |
yathāśakti yathāsthānaṃ devasyāṃge niveśayet || 31 ||
[Analyze grammar]

upavītaṃ harerdadyātpaṭṭasūtravinirmitam |
kārpāsamathavā viprā gaṃdhacaṃdanasaṃskṛtam || 32 ||
[Analyze grammar]

caṃdracaṃdanakastūrīkuṃkumairanulepanam || 33 ||
[Analyze grammar]

tulasīdalamālāṃ ca jātīpaṃkajacaṃpakaiḥ |
aśokacchurapunnāganāgakesarakesaraiḥ || 34 ||
[Analyze grammar]

anyaiḥ sugaṃdhaiḥ kusumairmālā mālyamathāpi vā |
muktakāni ca puṣpāṇi dadyāddevasya mūrddhani || 35 ||
[Analyze grammar]

mālā sā prapadīnātu mālyaṃ kaṃṭhorusaṃmitam |
garbhakaṃ keśamadhye tu mūrdhni puṣpāṃjaliṃ kṣipet || 36 ||
[Analyze grammar]

saguggulvagurūśīrasitājyamadhucaṃdanaiḥ |
dhūpaṃ dadyātsugaṃdhāḍhyaṃ dīpaṃ gosarpiṣā śubham |
karpūragarbhayā vartyā tilatailena vā dadet || 37 ||
[Analyze grammar]

akhaṃḍitasamuddhautaṃ śālitaṃḍulanirmitam |
supakvamannaṃ surabhi sarpiṣā ca suvāsitam || 38 ||
[Analyze grammar]

saurabheyadadhikṣīrapakvaraṃbhāsitāyutam |
nānāvyaṃjanasaṃkīrṇaṃ sopadaṃśaṃ sapūpakam || 39 ||
[Analyze grammar]

nānāphalayutaṃ hṛdyaṃ sugaṃdhaṃ surasaṃ navam |
naivedyaṃ devadevasya prasthādūnaṃ na śasyate || 140 ||
[Analyze grammar]

dhūpe dīpe ca naivedye snāne'rghe madhuparkake |
vastre yajñopavīte ca dadyādācamanīyakam || 41 ||
[Analyze grammar]

anyatra kevalaṃ vāri saṃskṛtaṃ tvaupacārikam |
naivedyāṃte tvācamanaṃ dadyācca karaghṛṣṭikam || 42 ||
[Analyze grammar]

sagaṃdhacaṃdanaṃ viprāstāṃbūlaṃ ca dadettataḥ |
sakarpūralavaṃgailājātīkramukasaṃyutam || 43 ||
[Analyze grammar]

aṣṭottaraśataṃ japtvā mūlamaṃtramananyadhīḥ |
stutvā pradakṣiṇaṃ kṛtvā prārthayetpuruṣottamam || 44 ||
[Analyze grammar]

devadeva jagannātha sarvatīrthapravarttaka |
sarvatīrthamayaścāsi sarvadevamaya prabho || 45 ||
[Analyze grammar]

tvatprasādānmayā tīrtharāje snānaṃ hi yatkṛtam |
tadastu saphalaṃ deva yathoktaphalado bhava || 46 ||
[Analyze grammar]

siṃdhurājastvaṃ ca vibho dravarūpo'syasaṃśayam |
pāpālaye nimagnaṃ māṃ paritrāhi namo'stu te || 47 ||
[Analyze grammar]

itthaṃ prapūjya deveśaṃ nārāyaṇamanāmayam |
tīrtharājakṛtasnānaḥ sarvatīrthaphalaṃ labhet || 48 ||
[Analyze grammar]

gavāṃ koṭipradānena kratukoṭikṛtena ca |
koṭibrāhmaṇabhojyena mahādānaiśca koṭiśaḥ |
yatpuṇyaṃ karmiṇāṃ proktaṃ tadanena hi labhyate || 49 ||
[Analyze grammar]

dhyānaṃ dānaṃ tapo jāpyaṃ śrāddhaṃ ca surapūjanam |
siṃdhurāje kṛtaṃ sarvaṃ koṭikoṭiguṇaṃ bhavet || 150 ||
[Analyze grammar]

api naḥ sa kule kaścitsiṃdhusnāyī bhaviṣyati |
devebhyaśca pitṛbhyaśca dāsyate ca tilodakam || 51 ||
[Analyze grammar]

kraṃdaṃti sarvapāpāni saṃbhrāṃtāḥ sarvapātakāḥ |
aniṣṭāni palāyante siṃdhusnānodyatasya vai || 52 ||
[Analyze grammar]

anyatīrthe kṛtaṃ pāpaṃ siṃdhutīre vinaśyati |
siṃdhutīre kṛtaṃ pāpaṃ sidhusnāne vinaśyati || 53 ||
[Analyze grammar]

siṃdhusnānarataṃ nityaṃ dṛṣṭvaiva yamakiṅkarāḥ |
diśo daśa palāyante siṃhaṃ dṛṣṭvā yathā mṛgāḥ || 54 ||
[Analyze grammar]

yamo'pi bhītastaṃ dṛṣṭvā praṇipatya prapūjya ca |
na śaknoti tadā sthātuṃ tasyāgre puṇyakarmiṇaḥ || 55 ||
[Analyze grammar]

vāṃchaṃti devatā nityaṃ mānuṣyaṃ prāpnuyāmahe |
samyakchu ddhatanvo bhūtvā siṃdhusnānaṃ labhemahi || 56 ||
[Analyze grammar]

merumandaramātro'pi rāśiḥ pāpasya karmaṇaḥ |
siṃdhusnānena dagdhaḥ syāttūlarāśirivānalāt || 57 ||
[Analyze grammar]

apsu nārāyaṇaṃ devaṃ snānakāle smaretsadā |
sākṣādviṣṇusvarūpe'tra siṃdhau caiva viśeṣataḥ || 58 ||
[Analyze grammar]

brahmaghno vā surāpo vā goghno vā pañcapātakī |
sarve te niṣkṛtiṃ yāṃti siṃdhusnānānna saṃśayaḥ || 59 ||
[Analyze grammar]

kapilākoṭidānācca sindhusnānaṃ viśiṣyate |
sakṛtsiṃdhvavagāhena kulakoṭiṃ samuddharet || 160 ||
[Analyze grammar]

sarvatīrtheṣu yatpuṇyaṃ sarveṣvāyataneṣu ca |
tatphalaṃ labhate sarvaṃ sindhusnānānna saṃśayaḥ || 61 ||
[Analyze grammar]

ya icchetsaphalaṃ janma jīvitaṃ śrutameva vā |
sa pitṝṃstarpayetsiṃdhumabhigamya surāṃstathā || 62 ||
[Analyze grammar]

catvāraḥ sulabhā vedāḥ saṣaḍaṃga padakramāḥ |
sulabhāni kurukṣetre dānāni vividhāni ca || 63 ||
[Analyze grammar]

cāṃdrāyaṇāni kṛcchrāṇi tapāṃsi sulabhānyapi |
agniṣṭomādayo yajñāḥ sulabhā bahudakṣiṇāḥ || 64 ||
[Analyze grammar]

sindhutoyaiśca salilairdurlabhaṃ pitṛtarpaṇam |
māsaṃ tarpaṇamātreṇa piṃḍānāṃ pātanena ca || 65 ||
[Analyze grammar]

sindhau vai pitaraḥ sarve vimānānsūryavarcasaḥ |
sindhutarpaṇasaṃtuṣṭāḥ śrāddhapiṃḍasutarpitāḥ |
āruhya sahasā yāṃti brahmalokaṃ sanātanam || 66 ||
[Analyze grammar]

ādyaṃtayorjagannāthaṃ pūjayitvā yathāvidhi |
tīrtharāje'bhiṣicya svaṃ naraḥ syānmuktibhājanam || 67 ||
[Analyze grammar]

tatastīrthavisargaṃ ca kṛtvā śuddhamanāḥ pumān |
rāmaṃ kṛṣṇaṃ subhadrāṃ ca natvā rūpaṃ vicintayet || 168 ||
[Analyze grammar]

iti śrīskāṃde mahāpurāṇa ekāśītisāhasryāṃ saṃhitāyāṃ dvitīye vaiṣṇavakhaṇḍe puruṣottamakṣetramāhātmye triṃśo'dhyāyaḥ || 30 ||
[Analyze grammar]